Ҳужжат 06.02.2019 00 санаси ҳолатига
Амалдаги версияга ўтиш

Ўзбекистон Республикаси Президентининг

Қарори

Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлиги фаолиятини ташкил этиш тўғрисида

Ўзбекистон Республикаси Президентининг 2019 йил 5 февралдаги ПФ-5656-сон «Алкоголь ва тамаки маҳсулотларини ишлаб чиқариш ва уларнинг айланмасини давлат томонидан тартибга солишни такомиллаштириш ҳамда узумчилик ва виночиликни ривожлантиришга доир чора-тадбирлар тўғрисида»ги Фармонининг ижросини таъминлаш мақсадида:

1. Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлигининг (кейинги ўринларда — Агентлик) бошқарув ходимлари чекланган сони 37 нафардан иборат тузилмаси 1-иловага мувофиқ тасдиқлансин.

Ўзбекистон Республикаси қишлоқ хўжалиги вазирига, зарур ҳолларда, Агентлик тузилмасига бошқарув ходимларининг белгиланган сони ва меҳнатга ҳақ тўлаш фонди доирасида ўзгартириш киритиш ҳуқуқи берилсин.

2. Белгилаб қўйилсинки:

Агентлик республика давлат бошқаруви органи ҳисобланади ҳамда Ўзбекистон Республикасининг Давлат бюджети ва қонун ҳужжатлари билан тақиқланмаган бошқа манбалар ҳисобидан молиялаштирилади;

Агентлик директори Ўзбекистон Республикаси қишлоқ хўжалиги вазирининг тақдимномасига биноан Ўзбекистон Республикаси Вазирлар Маҳкамаси томонидан лавозимга тайинланади ва лавозимидан озод этилади;

Агентлик директорининг ўринбосарлари Агентлик директорининг тақдимномасига биноан Ўзбекистон Республикаси қишлоқ хўжалиги вазири томонидан лавозимга тайинланади ва лавозимидан озод этилади;

Агентлик директори мақоми, меҳнатга ҳақ тўлаш, тиббий ва транспорт хизмати кўрсатиш шартлари бўйича вазир ўринбосарига тенглаштирилади.

3. Агентлик ходимларига Ўзбекистон Республикаси Қишлоқ хўжалиги вазирлиги марказий аппарати ходимлари учун белгиланган меҳнатга ҳақ тўлаш, моддий рағбатлантириш ва ижтимоий ҳимоя шартлари татбиқ этилсин.

4. Тугатилаётган «Ўзшаробсаноат» АЖнинг Ривожлантириш жамғармаси ва Узумчиликни ривожлантириш жамғармаси негизида юридик шахс мақомига эга бўлмаган Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлигининг Узум етиштирувчилар ва вино тайёрловчиларни қўллаб-қувватлаш жамғармаси (кейинги ўринларда — Жамғарма) ташкил этилсин ва уни шакллантириш манбалари этиб қуйидагилар белгилансин:

Ўзбекистон Республикасининг республика бюджетидан ҳар йили ажратиладиган субсидиялар;

алкоголь маҳсулотларнинг улгуржи савдоси билан шуғулланувчи корхоналар соф тушумининг беш фоизи миқдоридаги ажратмалар;

Агентлик ҳузуридаги «Энология лабораторияси» ДУК ва «Узумчилик ўқув маркази» ДУКларнинг соф фойдасидан белгиланган тартибда амалга ошириладиган ажратмалар;

халқаро молия институтлари, хорижий ҳукумат ташкилотларининг кредитлари (қарз маблағлари) ва грантлари;

қонун ҳужжатлари билан тақиқланмаган бошқа манбалар.

Белгилаб қўйилсинки:

мазкур банднинг учинчи хатбошиси 2022 йилнинг 1 январига қадар амал қилади;

Жамғарма тугатилаётган «Ўзшаробсаноат» АЖнинг Ривожлантириш жамғармаси ва Узумчиликни ривожлантириш жамғармасининг ҳуқуқлари ва мажбуриятлари бўйича ҳуқуқий вориси ҳисобланади.

5. Белгилансинки, жамғарма маблағлари қуйидаги мақсадлар учун сарфланади:

Агентликнинг узумзорлар ва виночилик соҳасини жадал ривожлантиришни таъминлашга қаратилган комплекс мақсадли дастурларни амалга ошириш, шу жумладан узум кўчатларини харид қилиш, узумнинг селекция навларини яратиш ва уларни экишни ташкиллаштириш билан боғлиқ вазифаларининг самарали бажарилиши;

токзорларда ирригация тадбирларини ўтказиш, жумладан сув етказиб бериш, артезиан қудуқлари, қувурлар ва резервуарлар барпо этиш, сув етказиб бериш учун насос ва қувурлар, сув сақлаш учун сиғимлар сотиб олиш;

узум плантацияларини яратиш ҳамда узум, мевалар ва резаворлардан алкоголь маҳсулотлари ишлаб чиқариш учун Ўзбекистон Республикаси Марказий банкининг қайта молиялаштириш ставкасининг 50 фоизидан ошмайдиган фоиз ставкаси бўйича қарз маблағларини бериш;

Кейинги таҳрирга қаранг.

алкоголь маҳсулотларининг улгуржи савдоси билан шуғулланадиган корхоналар ажратмалари суммасининг ўн фоизи миқдорида Ўзбекистон Республикаси Молия вазирлиги ҳузуридаги Алкоголь ва тамаки бозорини тартибга солиш инспекциясининг бюджетдан ташқари жамғармасини шакллантириш;

Агентлик ва унинг идоравий бўйсунувидаги ташкилотлар моддий-техник базасини мустаҳкамлаш, унинг марказий аппаратини таъминлаш, шу жумладан Агентлик ходимларини моддий рағбатлантириш, хусусан устамалар тўлаш;

узумчилик ва виночилик соҳасидаги хорижий мутахассислар ва консультантларни жалб этиш, узум етиштирувчиларни, Агентлик ва виночилик корхоналари ходимларини тайёрлаш, қайта тайёрлаш ва уларнинг малакасини ошириш;

маҳаллий алкоголь, шу жумладан вино маҳсулотларини тарғиб қилиш бўйича фестиваллар, кўргазмалар ва ярмаркалар ташкил этиш, алкоголь соҳаси корхоналарининг, шу жумладан хорижда ўтказиладиган тадбирларда иштирок этишига кўмаклашиш ҳамда уларнинг бундай тадбирлардаги иштироки билан боғлиқ харажатларини қоплаш;

Агентлик фаолияти билан боғлиқ бўлган, қонун ҳужжатлари билан тақиқланмаган бошқа тадбирлар.

Кейинги таҳрирга қаранг.

6. Ўзбекистон Республикаси Вазирлар Маҳкамаси бир ой муддатда:

Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлиги тўғрисидаги низомни;

Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлигининг Узум етиштирувчилар ва вино тайёрловчиларни қўллаб-қувватлаш жамғармаси тўғрисидаги низомни тасдиқласин.

7. Ўзбекистон Республикаси Қишлоқ хўжалиги вазирлиги бир ой муддатда Агентликни унга юклатилган вазифаларни бажариш учун зарур назарий билимлар ва амалий кўникмаларга эга юқори малакали мутахассислар билан таъминласин.

8. Ўзбекистон Республикаси Молия вазирлиги:

2022 йилдан бошлаб ҳар йили Ўзбекистон Республикаси Давлат бюджети параметрлари доирасида Агентликни таъминлаш учун зарур маблағларни назарда тутсин;

2019 йилда Жамғармага 80 миллиард сўмдан кам бўлмаган миқдорда маблағ ажратсин, кейинги йилларда эса ажратиладиган маблағларни ҳар йили камида 10 фоизга индексация қилган ҳолда Ўзбекистон Республикаси республика бюджети параметрларида маблағларни назарда тутсин;

Агентликка 5 та автотранспорт воситаси, шу жумладан 3 та шахсий бириктирилган автотранспорт воситасини сақлаш учун лимит белгиласин;

Агентликнинг асослантирилган ҳисоб-китобларига кўра маъмурий биносини таъмирлашга ҳамда унинг моддий-техник базасини шакллантириш учун зарур ускуналар ва ахборот-коммуникация технологияларини харид қилишга маблағлар ажратилишини таъминласин.

9. Қуйидагилар:

2019 ― 2021 йилларда янги узум плантацияларини яратиш ва 2022 ― 2024 йилларда вино материаллари учун хом ашё етиштиришнинг прогноз кўрсаткичлари 2-иловага мувофиқ;

2019 ― 2022 йилларда алкоголь маҳсулотларини ишлаб чиқарувчи корхоналарнинг ишлаб чиқариш қувватларини ривожлантиришга қаратилган истиқболли инвестиция лойиҳалари рўйхати 3-иловага мувофиқ тасдиқлансин.

Кейинги таҳрирга қаранг.

10. Узум етиштирувчиларни Жамғарма маблағлари ҳисобидан қўллаб-қувватлашнинг шундай тартиби ўрнатилсинки, унга мувофиқ янги узум плантацияларини яратиш учун субсидиялар:

Кейинги таҳрирга қаранг.

бир гектар узум экилган майдонга томчилатиб суғориш технологиясини жорий этишга 8 миллион сўм миқдорида;

Кейинги таҳрирга қаранг.

35 гектардан зиёд узум плантацияларида сув чиқариш учун бурғиланган қудуқларни, шунингдек дарёлар, каналлар ва бошқа сув ҳавзаларидан сув тортиш учун насос станцияларини қуришга 120 миллион сўмдан ошмайдиган миқдорда берилади.

Кейинги таҳрирга қаранг.

Бунда Ўзбекистон Республикаси Вазирлар Маҳкамасининг қарори билан субсидияларнинг бошқа суммалари ва узум етиштирувчиларни молиялаштиришнинг қўшимча йўналишлари белгиланиши мумкин.

Кейинги таҳрирга қаранг.

11. Узум етиштирувчиларга Ўзбекистон Республикаси Президентининг «Пахта хом ашёсини етиштиришда томчилатиб суғориш технологияларидан кенг фойдаланиш учун қулай шарт-шароитлар яратишга оид кечиктириб бўлмайдиган чора-тадбирлар тўғрисида» 2018 йил 27 декабрдаги ПҚ-4087-сон қарори 3-бандининг «в» ва «г» кичик бандлари татбиқ этилсин.

Кейинги таҳрирга қаранг.

12. Инвестициялар ва ташқи савдо вазирлиги Ташқи ишлар вазирлиги ва Агентлик билан биргаликда икки ой муддатда Ўзбекистон Республикаси Вазирлар Маҳкамасига маҳаллий вино маҳсулотларини хорижий мамлакатлардаги анъанавий бозорлар ҳудудида, шу жумладан импорт божхона божларини камайтириш (бекор қилиш) ва тартибга солишнинг тарифсиз чораларини соддалаштириш орқали илгари суриш бўйича таклифлар киритсин.

13. Тошкент кимё-технология институти ва «Энология лабораторияси» ДУКга Тошкент шаҳри, Сергели тумани, 2-даҳа, Лутфикор кўчаси, 64а-уй манзилида жойлашган Сергели саноат касб-ҳунар коллежининг бино ва иншоотлари, шунингдек унга туташ ҳудудни «Виночилик технологияси ва саноат узумчилиги» факультети, Тошкент кимё-технология институти қошидаги Виночилик соҳасида мутахассисларнинг малакасини ошириш ва уларни қайта тайёрлаш маркази ва «Энология лабораторияси» ДУКни жойлаштириш учун берилсин.

14. Ўзбекистон Республикаси Ахборот технологиялари ва коммуникацияларини ривожлантириш вазирлиги Агентликни зарур алоқа, шу жумладан ҳукумат алоқаси билан ва кенг полосали интернет тармоғига уланишини белгиланган тартибда таъминлансин.

Кейинги таҳрирга қаранг.

15. Агентлик икки ой муддатда Ўзбекистон Республикаси Вазирлар Маҳкамасига:

«Ўзстандарт» агентлиги ва Ўзбекистон Республикаси Соғлиқни сақлаш вазирлиги билан биргаликда хорижий давлатлар тажрибасини чуқур ўрганган ҳолда алкоголь маҳсулотларининг органолептик хусусиятларини аниқлаш бўйича дегустация комиссияси фаолиятини ташкил этиш тўғрисида таклифларни;

қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни;

виночилик корхоналарининг узумни бирламчи қайта ишлаш бўйича мавжуд шохобчаларини модернизация қилиш дастурини киритсин.

Ўзбекистон Республикаси Инвестициялар ва ташқи савдо вазирлиги мазкур дастурга киритилган лойиҳаларни молиялаштириш имкониятини назарда тутган ҳолда халқаро молия институтлари ва хорижий банкларнинг камида 7 йил муддатга имтиёзли кредит линияларини жалб этиш, шунингдек жалб этилган маблағлардан маҳаллий харидлар учун фойдаланишни таъминласин.

16. Қуйидагиларга:

Ўзбекистон Республикаси қишлоқ хўжалиги вазири Ж.А. Ходжаевга — Агентлик фаолиятини самарали ташкил этиш бўйича масалаларни, ташкилий-техник, молиявий, ҳуқуқий ва бошқа тадбирларни амалга ошириш, шунингдек узум плантациялари ва виночилик соҳасини ривожлантиришга қаратилган мақсадли дастурларни ишлаб чиқиш ва амалга ошириш юзасидан;

Ўзбекистон Республикаси инвестициялар ва ташқи савдо вазири С.У. Умурзаковга — янги сотув бозорларига чиқиш ҳамда тайёр алкоголь ва тамаки маҳсулотлари экспорти ҳажмларини оширишга ҳар томонлама кўмаклашиш юзасидан шахсий жавобгарлик юклансин.

17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 5 февраль,

ПҚ-4161-сон

Ўзбекистон Республикаси Президентининг 2019 йил 5 февралдаги ПҚ-4161-сон қарорига
1-ИЛОВА

Ўзбекистон Республикаси Қишлоқ хўжалиги вазирлиги ҳузуридаги Узумчилик ва виночиликни ривожлантириш агентлиги

тузилмаси

Бошқарув ходимларининг умумий чекланган сони — 37 нафар

Кейинги таҳрирга қаранг.

Ўзбекистон Республикаси Президентининг 2019 йил 5 февралдаги ПҚ-4161-сон қарорига
2-ИЛОВА

2019 ― 2021 йилларда янги узум плантацияларини яратиш ва 2022 ― 2024 йилларда вино материаллари учун хом ашё етиштиришнинг

ПРОГНОЗ КЎРСАТКИЧЛАРИ

Т/р	Ташаббускорлар	Саноат узумзорларининг умумий майдони (га)	Янги узумзорларни яратиш (га)	йиллар			Ялпи узум йиғими (минг тн)	йиллар			Узумни қайта ишлаш(минг дал)	йиллар
Т/р	Ташаббускорлар	Саноат узумзорларининг умумий майдони (га)	Янги узумзорларни яратиш (га)	2019	2020	2021	Ялпи узум йиғими (минг тн)	2022	2023	2024	Узумни қайта ишлаш(минг дал)	2022	2023	2024
	Жами:	5 639	23 400	8 290	8 840	6 270	469,2	100,5	162,4	206,3	29 043	5 769	10 101	13 173
	Ҳудудлар бўйича
Қорақалпоғистон Республикаси		15	2 450	1 020	1 020	410	36	6,3	13,4	16,3	2 515	438	938	1 139
1.	«No'kis vino zavodi» АЖ		1 400	500	500	400	18,8	3,0	6,5	9,3	1 316	210	455	651
2.	«Ellikqal'a sharobi» МЧЖ		50	20	20	10	0,7	0,1	0,3	0,3	49	8	18	23
3.	«Ellikqal'a saxovati» МЧЖ	15	1 000	500	500		16,3	3,1	6,6	6,6	1 147	219	464	464
Андижон вилояти		146	600	200	200	200	11,7	2,5	3,9	5,3	822	176	274	372
4.	«Navigul» МЧД ҚК	146	600	200	200	200	11,7	2,5	3,9	5,3	822	176	274	372
Бухоро вилояти		150	800	280	290	230	14,8	3,0	5,1	6,7	1 033	212	354	467
5.	«Shoxrud» АЖ	150	600	200	200	200	12	2,6	4,0	5,4	831	179	277	375
6.	«Doz-Tur» МЧЖ		100	50	50		1,7	0,3	0,7	0,7	113	21	46	46
7.	«Bux-Tel» МЧЖ ҚК		100	30	40	30	1,4	0,2	0,5	0,7	92	13	32	47
Жиззах вилояти		1 842	5 270	1 550	2 070	1 650	118,2	25,9	40,4	51,9	8 271	1 811	2 826	3 634
8.	«Xovrenko» АЖ	125	510	200	200	110	10,5	2,3	3,7	4,5	739	163	261	315
9.	«Farovon» МЧЖ	95,8	920	300	320	300	14,6	2,7	4,9	7,0	1 019	186	343	490
10.	«Toshkentvino Kombinati» АЖ	1621	3 740	1 000	1 500	1 240	91,5	20,6	31,1	39,8	6 401	1 441	2 176	2 784
11.	«Samarqand Aqua line» МЧЖ		100	50	50		1,7	0,3	0,7	0,7	113	21	46	46
Қашқадарё вилояти		116	2 020	1 000	1 020		35,4	7,0	14,2	14,2	2 479	493	993	993
12.	«Shahrisabz vino-aroq» АЖ	70	650	300	350		12,2	2,4	4,9	4,9	854	170	342	342
13.	«Elsun-sharob» МЧЖ ҚК	46	400	200	200		7,6	1,6	3,0	3,0	535	113	211	211
14.	«Asl billur» МЧЖ		100	50	50		1,7	0,3	0,7	0,7	113	21	46	46
15.	«Arko-styil» МЧЖ ҚК		170	100	70		2,8	0,6	1,1	1,1	194	42	76	76
16.	«Davr sharob» МЧЖ		400	200	200		6,4	1,2	2,6	2,6	448	84	182	182
17.	«Original gold garden» МЧЖ		300	150	150		4,9	0,9	2,0	2,0	337	63	137	137
Наманган вилояти		183	610	240	200	170	13,3	3,1	4,5	5,7	927	216	314	397
18.	«Namanganvino» АЖ	163	340	140	100	100	9	2,3	3,0	3,7	630	161	210	259
19.	«Bolgaria-sharob» МЧЖ ҚК	20	270	100	100	70	4,3	0,8	1,5	2,0	297	55	104	138
Самарқанд вилояти		193	950	700	125	125	20,4	5,9	6,8	7,7	1 431	416	477	538
20.	«Mitan sharob» МЧЖ	143	200	50	75	75	6,3	1,6	2,1	2,6	444	111	148	185
21.	«Bulung'ur-1» МЧЖ	50	150	50	50	50	3,4	0,8	1,1	1,5	232	53	77	102
22.	«Navoli agro fruits» Ф/Х		200	200			3,6	1,2	1,2	1,2	252	84	84	84
23.	«Baraka chicken» МЧЖ		400	400			7,2	2,4	2,4	2,4	504	168	168	168
Сурхондарё вилояти		265	720	200	290	230	16,4	3,6	5,6	7,2	1 149	251	393	505
24.	«Denov vino-aroq» АЖ	151	350	100	150	100	8,7	2,0	3,0	3,7	608	137	211	260
25.	«SAVB» МЧЖ	30,6	270	70	100	100	4,2	0,7	1,4	2,1	294	49	98	147
26.	«Sulton-sharbati» МЧЖ	83	100	30	40	30	3,5	0,9	1,2	1,4	248	65	84	99
Сирдарё вилояти		48	600	180	240	180	9,1	1,5	3,2	4,4	640	106	223	311
27.	«Sirdaryo vino» АЖ	12,6	350	100	150	100	4,5	0,7	1,8	2,5	345	50	123	172
28.	«Zamin vino» МЧЖ		150	50	50	50	2	0,3	0,7	1,0	137	21	46	70
29.	«Bunyod gold» МЧЖ	35	100	30	40	30	2,3	0,5	0,8	1,0	158	35	54	69
Тошкент вилояти		381	8 110	2 470	2 915	2 725	114,6	18,2	38,7	57,7	8 024	1 277	2 706	4 041
30.	«Нamkor-Osiyo» МЧЖ	50	550	150	200	200	8,4	1,4	2,8	4,2	579	95	193	291
31.	«Komsar» МЧЖ	30	510	150	200	160	7,5	1,2	2,6	3,7	520	82	180	258
32.	«O'zbekiston shampani» АЖ	245,9	270	100	100	70	10,3	2,8	3,5	4,0	723	197	246	280
33.	«Karvon» МЧЖ ҚК	11	415	115	150	150	5,5	0,8	1,8	2,9	386	55	129	202
34.	«Far-Vab» МЧЖ ҚК		1 320	450	450	420	17,4	2,7	5,9	8,8	1 214	189	410	615
35.	«Bonu Galdin» МЧЖ ҚК		715	215	250	250	9,1	1,3	3,0	4,8	638	90	213	335
36.	«Konvin» АЖ	23,2	710	210	250	250	9,7	1,5	3,2	5,0	676	103	225	348
37.	«Afsona-sharob» МЧЖ		510	150	200	160	6,6	0,9	2,3	3,4	463	63	161	239
38.	«Guliston-sharob» МЧЖ		300	100	100	100	3,9	0,6	1,3	2,0	273	42	91	140
39.	«Qamxar» МЧЖ		1 050	300	400	350	13,5	1,8	4,6	7,1	942	126	322	494
40.	«Sharob» ИЭК	20,5	480	150	165	165	6,7	1,1	2,2	3,4	471	76	157	238
41.	«Meva-sharbat» ЗВЭУК		130	30	50	50	1,6	0,2	0,5	0,9	112	13	37	62
42.	«Afsar company LTD» МЧЖҚК		1 150	350	400	400	14,7	2,1	4,9	7,7	1 029	147	343	539
Фарғона вилояти		100	490	150	170	170	9	1,8	3,0	4,2	628	126	209	293
43.	«Mastona» АЖ	100	490	150	170	170	9	1,8	3,0	4,2	628	126	209	293
Хоразм вилояти		193	780	300	300	180	16	3,5	5,6	6,9	1 126	248	395	483
44.	«Urganch sharob» АЖ	193	580	200	200	180	12,8	2,9	4,3	5,6	902	206	304	392
45.	«Bog'ot sharob» МЧЖ		200	100	100		3,2	0,6	1,3	1,3	224	42	91	91
Бошқа корхоналар		2 007,9					54,3	18,1	18,1	18,1

Изоҳ: узумзорлар майдони ва ҳудудлари лицензия талаблари ва тупроқ шароитларини ҳисобга олган ҳолда ўзгариши мумкин.

Кейинги таҳрирга қаранг.

Ўзбекистон Республикаси Президентининг 2019 йил 5 февралдаги ПҚ-4161-сон қарорига
3-ИЛОВА

2019 ― 2022 йилларда алкоголь маҳсулотларини ишлаб чиқарувчи корхоналарнинг ишлаб чиқариш қувватларини ривожлантиришга қаратилган истиқболли инвестиция лойиҳалари

РЎЙХАТИ

Т/р	Лойиҳа номи	Лойиҳа ташаббусчиси	Лойиҳа қуввати	Лойиҳа қиймати (млн. АҚШ доллари)	шу жумладан:		Амалга ошириш муддати	Яратиладиган иш ўринлари
Т/р	Лойиҳа номи	Лойиҳа ташаббусчиси	Лойиҳа қуввати	Лойиҳа қиймати (млн. АҚШ доллари)	ўз маблағлари	банк кредитлари	Амалга ошириш муддати	Яратиладиган иш ўринлари
	Жами (40 та лойиҳа)			226,9	63,2	163,7		1 384
	шу жумладан:
	Қурилиш (26 та лойиҳа)			201,2	54,5	146,7		1 185
	Модернизация (14 та лойиҳа)			25,7	8,7	17,0		199
	ҳудудлар бўйича:
	Қорақалпоғистон Республикаси			17,5	4,5	13,0		70
	*Қурилиш*			2,6	0,8	1,8		20
1.	Сувенир цехини қуриш ва ишлаб чиқариш қувватларини соатига 6 минг бутилкагача оширган ҳолда замонавий сувенир қуйиш линиясини жорий этиш	«Noʻkis vino zavodi» АЖ	соатига 6 минг бутилка	1,1	0,3	0,8	2019 й.	5
2.	Узумни бирламчи қайта ишлашни ташкил қилиш	«Noʻkis vino zavodi» АЖ	3 минг тн	1,5	0,5	1,0	2022 й.	15
	*Модернизация қилиш*			14,9	3,7	11,2		50
3.	Хўжайли туманида шиша идиш ишлаб чиқариш қувватларини модернизация қилиш ва кенгайтириш	«Каракалпак-стеклотара» МЧЖ	60 млн. шартли бирлик	14,9	3,7	11,2	2022 й.	50
	Бухоро вилояти			3,6	1,0	2,6		90
	*Қурилиш*			3,6	1,0	2,6		90
4.	Замонавий ускуналар ва эман бочкаларни жорий этган ҳолда вино-коньяк мажмуини яратиш	«Shohrud» АЖ	15 минг дал	1,0	0,2	0,8	2020 й.	20
5.	100 га майдонда узумнинг техник навлари плантациясини яратган ҳолда узумни бирламчи қайта ишлашни ташкил қилиш	«Shofirkon uzum» МЧЖ	2 минг тн	1,2	0,3	0,9	2020 й.	50
6.	Узум ва мевалардан концентрацияланган аталасини ишлаб чиқаришни ташкил қилиш	«Shohrud» АЖ	200 тн	1,4	0,5	0,9	2021 й.	20
	Жиззах вилояти			5,0	1,0	4,0		115
	*Қурилиш*			5,0	1,0	4,0		115
7.	Қуввати 5 минг тоннагача бўлган узумни бирламчи қайта ишлашни ташкил қилиш	«Toshkentvino kombinati» АЖ	5 минг тн	5,0	1,0	4,0	2020 й.	115
	Қашқадарё вилояти			2,6	1,3	1,3		20
	*Модернизация қилиш*			2,6	1,3	1,3		20
8.	Ароқ ва ликёр-ароқ маҳсулотларини қуйиш линиясини модернизация қилиш	«Shahrisabz vino-aroq» АЖ	400 минг дал	0,3	0,1	0,2	2019 й.	0
9.	Узумни бирламчи қайта ишлаш бўйича замонавий ускуналарни жорий этган ҳолда вино пунктини модернизация қилиш	«Shahrisabz vino-aroq» АЖ	3 минг тн	2,3	1,2	1,1	2021 й.	20
	Наманган вилояти			0,2	0,2	0,0		8
	*Қурилиш*			0,2	0,2	0,0		8
10.	Узумни бирламчи қайта ишлаш бўйича замонавий технологик ускуналарни жорий қилиш	«Namanganvino» АЖ	2 минг тн	0,2	0,2	0,0	2020 й.	8
	Самарқанд вилояти			1,7	0,6	1,1		47
	*Қурилиш*			0,7	0,2	0,5		20
11.	Вино, коньяк ва алкоголь маҳсулотларини қуйиш бўйича қувватларни яратиш	«Samarqand Aqua Line» МЧЖ	500 минг дал	0,7	0,2	0,5	2019 й.	20
	*Модернизация қилиш*			1,0	0,4	0,6		27
12.	Узумни бирламчи қайта ишлашни модернизация қилиш	«Samarqand Jomboy-Sharob» МЧЖ	3 минг тн	0,15	0,15	0,0	2019 й.	2
13.	Завод қошидаги вино пунктида узумни бирламчи қайта ишлашни модернизация қилиш	«Bulung'ur-1» МЧЖ	3 минг тн	0,8	0,2	0,6	2020 й.	25
	Сирдарё вилояти			1,4	0,6	0,8		32
	*Қурилиш*			1,1	0,5	0,6		27
14.	200 га майдонда хом ашё базасини яратган ҳолда узумни бирламчи қайта ишлашни ташкил қилиш	«Zamin vino» МЧЖ	2 минг тн	0,7	0,35	0,35	2019 й.	20
15.	Қуввати йилига 150 минг дал бўлган қуйиш линиясини ўрнатган ҳолда вино ишлаб чиқаришни ташкил қилиш	«Sirdaryo vino» АЖ	150 минг дал	0,3	0,1	0,2	2021 й.	7
	*Модернизация қилиш*			0,4	0,1	0,3		5
16.	Ароқ ва ликёр-ароқ маҳсулотларини қуйиш линиясини модернизация қилиш	«Sirdaryo vino» АЖ	700 минг дал	0,4	0,1	0,3	2020 й.	5
	Сурхондарё вилояти			1,0	0,3	0,7		12
	*Модернизация қилиш*			1,0	0,3	0,7		12
17.	Узумни бирламчи қайта ишлаш қувватларини модернизация қилиш ва кенгайтириш	«Sulton sharbati» МЧЖ	2 минг тн	0,6	0,2	0,4	2019 й.	12
18.	Вино қуйиш линиясини модернизация қилиш	«SAVB» МЧЖ	2 минг тн	0,4	0,1	0,3	2022 й.	0
	Тошкент вилояти			31,9	3,0	28,9		167
	*Қурилиш*			29,4	2,2	27,2		97
19.	Узумни бирламчи қайта ишлаш пунктини яратиш	«O'zbekiston shampani» АЖ	3 минг тн	1,4	0,3	1,1	2020 й.	12
20.	Қопқоқ ва қалпоқчаларни ишлаб чиқариш фаолиятини ташкиллаштириш	«Beauty glass cover» МЧЖ «Beauty glass decor» МЧЖ	20 млн. шартли бирлик	2,9	0,9	2,0	2020 й.	60
21.	Вино ишлаб чиқаришини ташкил қилиш	«Konvin» АЖ	80 минг дал	0,2	0,1	0,1	2021 й.	5
22.	Донни чуқур қайта ишлаш бўйича технологик ускунани жорий қилиш	«Biokimyo» АЖ	10 минг тн	25,0	1,0	24,0	2022 й.	20
	*Модернизация қилиш*			2,5	0,8	1,7		70
23.	Юқоричирчиқ туманида шиша идишларга безак бериш бўйича ишлаб чиқариш қувватларини модернизация қилиш	«Beauty glass decor» МЧЖ	12 млн. шартли бирлик	1,3	0,4	0,9	2019 й.	50
24.	Узумни бирламчи қайта ишлаш бўйича замонавий ускуналарни жорий этган ҳолда вино пунктини модернизация қилиш	«Konvin» АЖ	2,5 минг тн.	0,78	0,03	0,75	2020 й.	15
25.	Ароқ ва ликёр-ароқ маҳсулотларини қуйиш линиясини модернизация қилиш ҳамда купаж цехини реконструкция қилиш	«Konvin» АЖ	соатига 6 минг дона бутилка	0,5	0,4	0,1	2022 й.	5
	Фарғона вилояти			19,1	9,4	9,7		148
	*Қурилиш*			19,1	9,4	9,7		148
26.	Мевалардан вино ишлаб чиқаришни ташкил қилиш	«Fergana-France» МЧЖ ҚК	200 минг бутилка	1,5	1,5	0,0	2019 й.	12
27.	Қуруқ буғдой клейковинасини (глютен) ишлаб чиқаришни ташкил қилиш	«Quqon spirt» АЖ	8 минг тн	15,53	5,96	9,57	2019 й.	120
28.	Концентрацияланган шарбат ишлаб чиқаришни ташкил қилиш	«Mastona» АЖ	150 тн	0,16	0,03	0,13	2019 й.	4
29.	Экотуризм ва вино туризмини ташкил қилиш	«Fergana-France» МЧЖ ҚК	мавсумда 500 нафар турист	1,9	1,9	0,0	2019 й.	12
	Хоразм вилояти			0,4	0,1	0,3		30
	*Қурилиш*			0,3	0,1	0,2		20
30.	Боғот туманида узумни бирламчи қайта ишлашни ташкил қилиш	«Urganch sharob» АЖ	2 минг тн	0,3	0,1	0,2	2019 й.	20
	*Модернизация қилиш*			0,1	0,0	0,1		10
31.	Вино қуйиш линиясини модернизация қилиш	«Urganch sharob» АЖ	200 минг дал	0,13	0,03	0,10	2019 й.	10
	Тошкент шаҳри			142,5	41,3	101,2		645
	*Қурилиш*			139,3	39,2	100,1		640
32.	Шампан виноларини классик усулда ишлаб чиқариш бўйича технологик ускунани жорий қилиш	«O'zbekiston shampani» АЖ	соатига 500 дона бутилка	0,1	0,03	0,07	2019 й.	2
33.	Ликёр-ароқ маҳсулотларини ишлаб чиқариш заводини қуриш	«Asl oyna» МЧЖ	600 минг дал	6,0	6,0	0,0	2020 й.	80
34.	Донни чуқур қайта ишлашни ташкил қилиш 2-босқич: ҳўл ва қуруқ чуқур қайта ишлашни жорий этиш	«Bektemirspirt» АЖ	3 минг тн	3,2	3,2	0,0	2021 й.	8
35.	Шиша идиш ишлаб чиқариш бўйича 3-шиша эритиш печини қуриш	«Asl oyna» МЧЖ	86,4 минг тн	45,0	11,0	34,0	2021 й.	200
36.	Хом ашё материалларини бойитиш заводини қуриш	«Asl oyna» МЧЖ	288 минг тн	20,0	4,0	16,0	2021 й.	50
37.	Шиша идиш ишлаб чиқариш бўйича 4-шиша эритиш печини қуриш	«Asl oyna» МЧЖ	86,4 минг тн	45,0	11,0	34,0	2022 й.	200
38.	Эксклюзив шиша идиш ишлаб чиқариш бўйича 5-шиша эритиш печини қуриш	«Asl oyna» МЧЖ	7,2 минг тн	20,0	4,0	16,0	2022 й.	100
	*Модернизация қилиш*			3,2	2,1	1,1		5
39.	Донни чуқур қайта ишлашни ташкил қилиш 1-босқич: ун тортиш цехини модернизация қилиш	«Bektemirspirt» АЖ	50 минг тн	1,8	1,8	0,0	2019 й.	0
40.	Биокимё цехини реконструкция ва модернизация қилиш	«O'zbekiston shampani» АЖ	375 минг дал	1,4	0,3	1,1	2021 й.	5

Кейинги таҳрирга қаранг.