|
Ҳужжат кучини йўқотган " " 21.07.2004
|
Ҳужжат 14.02.1995 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ХУСУСИЙ ТАДБИРКОРЛИКДА ТАШАББУС КЎРСАТИШ ВА УНИ РАҒБАТЛАНТИРИШ БЎЙИЧА КЕЧИКТИРИБ БЎЛМАЙДИГАН ЧОРА-ТАДБИРЛАР ТЎFРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2004 йил 21 июлдаги 346-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига мувофиқ ўз кучини йўқотган.
Ўзбекистон Республикаси Президентининг «Хусусий тадбиркорликда ташаббус кўрсатиш ва уни рағбатлантириш тўғрисида» 1995 йил 5 январдаги ПФ-1030-сон Фармонини бажариш юзасидан Вазирлар Маҳкамаси қарор қилади:
1. Ўзбекистон Республикаси Президенти Фармонининг қоидаларини амалга ошириш бўйича тадбирлар режаси 1-иловага* мувофиқ тасдиқлансин.
* 1-илова берилмайди.
2. Ўзбекистон Республикасида хусусий тадбиркорлик тўғрисидаги Низом 2-иловага мувофиқ тасдиқлансин.
3. Республиканинг тижорат банкларига хусусий тадбиркорлик тузилмаларига уларнинг аризалари ва рўйхатдан ўтказилганлик тўғрисидаги гувоҳномалари асосида уч кун муддатда ҳисоб-китоб счётларини очиш тавсия этилсин.
4. «Ўзулгуржибиржасавдо» уюшмаси вазирликлар, идоралар, концернлар, уюшмалар ва корпорациялар билан биргаликда товар ишлаб чиқарувчи тадбиркорларга уларнинг буюртманомаларига биноан республика корхоналари томонидан ишлаб чиқарилаётган хом ашё ва материалларни одатда доимий фаолият кўрсатувчи ярмарка, Республика товар-хом ашё биржаси ҳамда «Ўзулгуржибиржасавдо» уюшмасининг бошқа улгуржи-воситачилик тузилмалари орқали шартномавий асосда сотилишини таъминласин.
5. Ўзбекистон Республикасининг вакил қилинган банкларига контрактлар, товарлар, хизматлар учун тўловларга норезидентлардан нақд муомаладаги валютани қабул қилишларига рухсат этилсин.
Кейинги таҳрирга қаранг.
6. Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимлари кичик ва ўрта бизнесни ривожлантиришга кўмаклашувчи жамғарманинг ҳудудий бўлимларини шакллантиришда, ижарага бериш ёки сотиш йўли билан зарур хоналар ажратилишига ҳамда уларнинг унумли ишлаши учун тегишли шарт-шароитлар яратишда ҳар томонлама кўмаклашсинлар.
7. Тошкент шаҳар ҳокимлиги (Тўлаганов) Республика кўчмас мулк ва фонд биржаларини жойлаштириш учун Правда Востока кўчаси, 10-уйда жойлашган собиқ Свердлов номидаги концерт зали биносини ажратсин.
Давлат мулки қўмитаси (Fофуров), «Ўзсувқурилиш» давлат концерни (Ракитин) кўрсатиб ўтилган бинони реконструкция қилишни ниҳоясига етказсинлар.
8. Вазирлар Маҳкамасининг 1992 йил 26 февралдаги 85-сон қарори билан тасдиқланган Ўзбекистон Республикасида хусусий тадбиркорлик тўғрисидаги Низом ўз кучини йўқотган деб ҳисоблансин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг тегишли ўринбосарларига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 14 февраль,
55-сон
Ўзбекистон Республикасида хусусий тадбиркорлик тўғрисида
низом
I. Умумий қоидалар
1. Хусусий тадбиркорлик — бу фуқаролар (алоҳида фуқаро) томонидан ўзларининг таваккалчиликлари ва мулкий жавобгарликлари остида, шахсий даромад (фойда) олиш мақсадида амалдаги қонунчилик доирасида амалга ошириладиган ташаббускор хўжалик фаолиятидир.
Фаолиятни ёлланма меҳнатни жалб қилган ҳолда амалга ошираётган хусусий тадбиркор юридик шахс сифатида иш кўради ва корхонани рўйхатдан ўтказишга мажбурдир.
Ёлланма меҳнатдан фойдаланмайдиган хусусий тадбиркор (якка тартибдаги тадбиркорлик) ўз фаолиятини юридик шахсни ташкил қилмай амалга оширишга ҳақлидир.
Кейинги таҳрирга қаранг.
2. Хусусий тадбиркорнинг мулки давлат, кооператив ёки бошқа корхонанинг барча мулки ёки унинг бир қисми фуқаро мулкига ўтиши ёки у томонидан харид қилиниши, ижарадаги мулк сотиб олиниши ёки у қонунда назарда тутилган бошқача усулларда қўлга киритилиши асосида юзага келади.
3. Тадбиркор фуқароларнинг хусусий мулкига асосланган корхона Ўзбекистон Республикаси Конституциясига, «Ўзбекистон Республикасида тадбиркорлик тўғрисида», «Ўзбекистон Республикасидаги корхоналар тўғрисида» ва «Ўзбекистон Республикасида мулкчилик тўғрисида»ги қонунлар, Ўзбекистон Республикасининг бошқа қонунчилик ҳужжатлари ва мазкур Низомга мувофиқ фаолият кўрсатувчи хусусий корхона ҳисобланади.
Кейинги таҳрирга қаранг.
Кейинги таҳрирга қаранг.
4. Қорақалпоғистон Республикасида хусусий тадбиркорликнинг ташкил этилиши, фаолият кўрсатиши ва тугатилишининг хусусий, иқтисодий ҳамда ижтимоий асослари, шунингдек Қорақалпоғистон Республикаси қонунчилиги билан тартибга солинади.
Кейинги таҳрирга қаранг.
II. Хусусий корхонани ташкил этиш ва рўйхатидан ўтказиш тартиби
Кейинги таҳрирга қаранг.
5. Хусусий корхоналар юридик шахс ҳисобланадилар, мустақил балансга, муҳрга, ҳисоб-китоб счётига эга бўладилар.
6. Хусусий корхона ўзи жойлашган жойдаги туманлар, шаҳарлар ва шаҳарлардаги туманлар хокимликларида давлат рўйхатидан ўтказилган кундан бошлаб юридик шахс ҳуқуқини олади.
Ўз фаолиятини юридик шахсни ташкил этмай амалга ошириш хоҳишини билдирган тадбиркор ўз турар жойидаги туман, шаҳар ва шаҳарлардаги туманлар ҳокимликларига ариза (1-илова) берадилар, у тадбиркорлик фаолияти билан шуғулланувчи жисмоний шахслардан рўйхатга олганлик учун ундириладиган йиғим ва бундай шахсларни рўйхатга олиш тартиби тўғрисидаги Ўзбекистон Республикаси қонунига мувофиқ кўриб чиқилади.
Кейинги таҳрирга қаранг.
7. Хусусий корхоналар ўз филиаллари, шуъба корхоналари ва ваколатхоналарини ташкил этишлари мумкин.
8. Хусусий корхонани давлат рўйхатидан ўтказиш тадбиркорлик субъектларини давлат рўйхатидан ўтказиш ва ҳисобга қўйиш учун белгиланган тартибда амалга оширилади.
Кейинги таҳрирга қаранг.
Туманлар, шаҳарлар ва шаҳарлардаги туманлар ҳокимликларида давлат рўйхатидан ўтиш учун тадбиркорнинг аризаси (1-илова), корхона устави, шунингдек, бир ойлик энг кам иш ҳақи миқдорида бадал тўлаганлиги тўғрисидаги квитанция тақдим этилади.
Кейинги таҳрирга қаранг.
9. Хусусий корхонани рўйхатга олиш ёки рўйхатга олишнинг асосланган ҳолда рад этилиши ариза берилган кундан бошлаб уч кун мобайнида амалга оширилади. Агар давлат рўйхатидан ўтказиш белгиланган муддатда амалга оширилмаган ёки тадбиркор асоссиз деб ҳисобловчи сабабларга кўра рўйхатга олиш рад этилган бўлса, у судга мурожаат қилиши мумкин.
Кейинги таҳрирга қаранг.
10. Ўз фаолиятини юридик шахсни ташкил этмай амалга ошириш хоҳишини билдирган хусусий тадбиркорга тикилган ҳамда муҳр билан тасдиқланган даромадлар ва харажатлар дафтари (2-илова), рўйхатга олинганлик тўғрисида гувоҳнома (3-илова), уни хусусий тадбиркорлар реестри (4-илова)га албатта киритиб берилади. Бу ҳужжатлар ҳеч қандай қўшимча келишувларсиз банкда ҳисоб-китоб счётини очиш ва зарур реквизитларни тайёрлатиш учун асос бўлиб ҳисобланади.
Кейинги таҳрирга қаранг.
III. Хусусий корхонанинг мулки ва унинг фаолияти
11. Хусусий корхона мулкини асосий ва айланма маблағлар, шунингдек, қиймати корхонанинг мустақил балансида акс эттириладиган бошқа бойликлар ташкил қилади.
12. Хусусий корхона эгаси ўз мулкига нисбатан Ўзбекистон Республикаси қонунчилигига зид бўлмайдиган ҳар қандай ҳаракатни амалга оширишга ҳақлидир.
13. Хусусий корхона мажбуриятлар бўйича шахсий мулк ҳуқуқида корхона эгасига тегишли бўлган ўз мулки билан жавоб беради.
14. Хусусий корхона эгаси ишлаб чиқариш, тижорат ва юридик мустақилликка эга бўлади. Корхона эгаси хусусий корхонани бошқаришни ташкил этади.
15. Хусусий корхона ўз маҳсулоти (ишлар, хизматлар)ни, ишлаб чиқариш чигитларини мустақил ёки шартнома асосида белгиланадиган нархлар ва тарифлар бўйича сотади.
16. Маҳсулотни сотишдан тушган пулдан барча ишлаб чиқариш ва бошқа мажбурий тўловлар (меҳнатга ҳақ тўлаш, ижара ҳақи, қарзларни тўлаш, ссудалар бўйича фоизлар ва бошқалар ҳам шунга киради)ни қоплаш суммаси чегирилгандан сўнг қолган даромад мулкдорнинг тадбиркорлик даромади ҳисобланади, мулкдор ўз ихтиёрига кўра тасарруф этади.
Кейинги таҳрирга қаранг.
17. Фаолиятни хусусий мулк асосида амалга ошираётган хусусий тадбиркорларнинг даромадларига мулк эгасининг шахсий даромади сифатида қаралади ва амалдаги қонунчиликка мувофиқ солиқ солинади.
18. Хусусий тадбиркор пул маблағларини сақлаш ва барча турдаги ҳисоб-китоб, кредит ҳамда касса операцияларини амалга ошириш учун исталган банкда ҳисоб-китоб ва бошқа счётларни очишга ҳақлидир.
19. Хусусий корхона томонидан ишлаб чиқариладиган буюмлар, уларда фирма белгиси ёки ишлаб чиқарувчининг фамилияси, буюмнинг номи ёки рамзи, буюмни ифодаловчи бошқа маълумотлар кўрсатилиб, албатта маркировка қилиниши керак.
20. Хусусий корхона белгиланган шакллар бўйича статистика ва бухгалтерия ҳисобини юритади. Хусусий корхона эгаси ҳисобот маълумотларининг тўғрилиги учун қонунчиликда белгиланган тартибда жавоб беради,
21. Хусусий корхонанинг молиявий ва хўжалик фаолиятини текшириш Ўзбекистон Республикаси қонун ҳужжатлари билан зиммасига текшириш функцияларини бажариш юкланган солиқ органлари, шунингдек, аудиторлик фирмалари томонидан амалга оширилади.
Хусусий корхонанинг молия хўжалик фаолияти текширилганда текширувчи органлар Ўзбекистон Республикаси қонунчилигига мувофиқ корхонанинг тижорат сирини ташкил қилувчи маълумотларнинг сақланишига риоя этилишини ва ошкор қилинмаслигини таъминлайдилар.
Кейинги таҳрирга қаранг.
IV. Хусусий корхонада ишчи кучини ёллаш ва меҳнатга ҳақ тўлаш тартиби
22. Хусусий корхоналар ходимларни томонларнинг ҳуқуқ ва мажбуриятлари кўрсатилиб ёзма шаклда тузилган меҳнат шартномаси (контракти) бўйича ёллайдилар,
23. Меҳнат шартномаси (контракти) қуйидаги маълумотларни ўз ичига олади:
маълум ихтисослик, малака ёки лавозим бўйича ишни бажариш мажбурияти;
контракт тузилган муддат;
меҳнат шароитлари ва унга ҳақ тўлаш, ижтимоий ва тиббий суғурта ҳамда ижтимоий таъминот тартиби;
ходимнинг ижтимоий ҳимояланганлиги;
меҳнат шартномасини бузганлик учун жавобгарлик;
томонларнинг келишувига кўра бошқа маълумотлар.
24. Хусусий корхона Ўзбекистон Республикасининг меҳнат тўғрисидаги қонун ҳужжатлари талабларига риоя қилишга, корхонадаги ички меҳнат тартиби қоидаларини белгилашга, меҳнат хавфсизлиги, санитария ва гигиенаси талабларига риоя қилинишини таъминлашга мажбурдир.
25. Хусусий корхонада ишлаётган ходимларга белгиланган тартибда меҳнат дафтарчаси берилади.
26. Ёлланиб ишлаётган шахслар меҳнатига шартнома ёки контрактда кўрсатиб ўтилган ҳақ тўлаш давлат томонидан белгиланган энг кам иш ҳақи миқдоридан кам бўлиши мумкин эмас.
27. Хусусий тадбиркор Ўзбекистон Республикаси қонунчилигига мувофиқ ижтимоий ва тиббий суғурта ҳамда ижтимоий таъминот жамғармаларига мажбурий ажратмалар ажратади.
28. Хусусий корхоналарда меҳнатга оид низолар Ўзбекистон Республикаси қонунчилигига мувофиқ ҳал қилинади.
V. Хусусий корхонани тугатиш
29. Хусусий корхонани тугатиш мулк эгасининг қарори бўйича ёки суд томонидан таъсисчиларнинг корхонани ташкил этиш тўғрисидаги ҳужжатлари қонуний кучга эга эмас деб топилган, банкрот бўлган, Ўзбекистон Республикаси қонунчилигига зид фаолият амалга оширилган ҳолларда суд (хўжалик суди) қарори билан амалга оширилади.
Кейинги таҳрирга қаранг.
30. Шахсий корхона давлат рўйхатига олиш реестридан чиқарилган пайтдан бошлаб тугатилган ҳисобланади.
31. Маблағларнинг бюджет ва ташкилотлар, тугатилган шахсий корхона ходимларидан қарзлар белгиланган тартибда тўлангандан сўнг қолган қисми корхона эгасига тегишли бўлади.
Кейинги таҳрирга қаранг.
VI. Хусусий тадбиркорликка бериладиган давлат кафолатлари
Кейинги таҳрирга қаранг.
34. Давлат хусусий тадбиркорнинг ҳуқуқларига ва қонуний манфаатларига риоя қилинишини кафолатлайди, эркин ҳалол рақобат учун шароит яратади, моддий-ашёвий, молиявий, меҳнат, ахборот ва бошқа ресурсларни олишда, бу ресурслар бозорининг монополия қилинишига йўл қўймай, тенг имкониятларни таъминлайди.
35. Агар давлат ёки бошқа орган томонидан унинг ваколатига ёки қонунчилик талабларига мувофиқ келмайдиган ҳужжат чиқарилиши натижасида хусусий тадбиркорнинг ҳуқуқи бузилса, у бундай ҳужжатни қонуний кучга эга эмас деб эътироф этиш тўғрисида ариза билан судга мурожаат қилишга ҳақлидир.
36. Давлат ёки бошқа органларнинг ёхуд уларнинг мансабдор шахсларининг хусусий тадбиркор ҳуқуқини бузувчи кўрсатмаларининг бажарилиши натижасида хусусий тадбиркорга етказилган зарар шу органлар томонидан, бунга бой берилган фойдани ҳам киритиб, қопланиши лозим. Зарарларни қоплаш тўғрисидаги низолар суд томонидан ҳал қилинади.
1-ИЛОВА
|
_____________ҳокимлигига |
|
_______________________ |
|
(тадбиркорнинг ф. и. о.) |
|
АРИЗА |
| Мени хусусий тадбиркор сифатида рўйхатга олишингизни сўрайман. |
| I. Фаолиятнинг асосий турлари: |
| ______________________________________________________ |
| ______________________________________________________ |
| ______________________________________________________ |
| II. Хусусий тадбиркорнинг юридик манзили: |
| ______________________________________________________ |
| ______________________________________________________ |
| ______________________________________________________ |
| телефон: |
| III. Паспортга оид маълумот: серия____________№____________ |
| ____________________________________томонидан берилган |
| 199_йил «___»________________________ |
|
имзо |
| ______________________________________________________ |
| Ариза берилган сана_____________________________________ |
| Ҳокимлик масъул ходимининг имзоси______________________ |
Кейинги таҳрирга қаранг.
2-ИЛОВА
даромад ва харажатларни ҳисобга олиш дафтари
(Даромадлар ва харажатлар декларацияси)
Чап томони
Касса ва ҳисоб-китоб счёти бўйича умумий ҳисобга олиш
|
Т/р |
Ҳужжатнинг чиқиш тартиб рақами |
Тўловлар амалга оширилган сана |
Объект (тўловчи-олувчи)нинг номи |
Нима учун тўланган-олинган |
КАССА |
Ҳисоб-китоб счёти | ||
|
кирим |
чиқим |
кирим |
чиқим | |||||
|
1 |
2 |
3 |
4 |
5 |
6 |
7 |
8 |
9 |
|
199__йилнинг__________________________чораги | ||||||||
| Умумий даромад — сальдо | ||||||||
| ______________________________________________________ | ||||||||
| ______________________________________________________ | ||||||||
| ______________________________________________________ | ||||||||
| Умумий даромад (сальдо) қуйидаги тартибда ҳисоблаб чиқилади: | | | ||||||
| Ўтган давр даромади (сальдо) + касса бўйича кирим + ҳисоб- китоб счёти бўйича кирим — касса бўйича харажат ҳисоб-китоб счёти бўйича харажат | ||||||||
Ўнг томони
Даромад ва харажатнинг ёйилмаси
|
ДАРОМАД |
САРФ-ХАРАЖАТЛАР | ||||
|
хизматлар кўрсатиш, савдо |
маблағларнинг бошқа даромади |
ишлаб чиқаришга |
кенгайтириш, реконструкция қилиш, тузатишга |
бошқа сарф-харажатлар | |
|
материаллар, транспорт, бошқалар учун |
меҳнатга ҳақ тўлашга | ||||
|
10 |
11 |
12 |
13 |
14 |
15 |
|
199__йилнинг_______________________чораги | |||||
| ______________________________________________________ | |||||
| ______________________________________________________ | |||||
| ______________________________________________________ | |||||
Изоҳ:
12, 13-графаларга сарф-харажатларнинг ишлаб чиқариш харажатлари устунига хом ашё ва материалларга моддий харажатлар, меҳнатга ҳақ тўлаш бўйича харажатлар, транспорт харажатлари, солиқлар, тўловлар ва жарима санкциялари, рекламага сарфланган харажатлар ва ишлаб чиқариш чиқимлари киритилади.
14-графага кенгайтириш, реконструкция ва тузатиш сарф-харажатлари устунига асосий ва ёрдамчи воситалар (машина ва механизмлар)ни сотиб олишга ва уларни тузатишга, бинолар ва иншоотларни реконструкция қилиш ва тузатишга сарфланган харажатлар киритилади.
Кейинги таҳрирга қаранг.
3-ИЛОВА
Хусусий тадбиркорнинг рўйхатга олинганлиги тўғрисида
гувоҳнома
| | |
КТУТ коди |
| ___________________________________ | | |
| _________________________хусусий корхонасига асос солган, | ||
| _______________________туман ҳокимлигида рўйхатга олинган | ||
| ва умумий туман реестрига киритилган_____________________ | ||
| ____________________________________________га берилди | ||
|
(хусусий тадбиркорнинг ф. и. о.) |
| |
| Рўйхатга олиш тартиб рақами____199__йил «___»___________ | ||
| I. ХХТУТ бўйича фаолиятнинг асосий тури |
ХХТУТ коди | |
| ____________________________________ | | |
| | | |
| Фаолиятнинг бошқа турлари | | |
| (Кўпи билан тўрттаси кўрсатилади) | | |
| ____________________________________ | | |
| ____________________________________ | | |
| II. Хусусий тадбиркорнинг юридик манзили | ||
| ______________________________________________________ | ||
| ______________________________________________________ | ||
| III. Хусусий тадбиркорнинг имзоси намунаси_______________ | ||
| |
(имзо, сана) |
|
Кейинги таҳрирга қаранг.
4-ИЛОВА
Ўзбекистон Республикасининг________________вилояти ҳудудидаги ва ________________ ҳокимликларида
рўйхатдан ўтган хусусий тадбиркорлар
рўйхатдан ўтган хусусий тадбиркорлар
реестри
|
Реестр тартиб рақами____реестр варағи тартиб рақами_______ | ||||||||
|
Берилган ариза рўйхатга олинган сана_________ | ||||||||
|
Қайд этиш тартиб рақами ва реестрга киритилган сана |
Муассиснинг ф. и. о. ва унинг яшаш жойи |
Муассиснинг паспортига оид маълумотлар |
Корхонанинг номи |
КТУТ коди |
Фаолиятнинг асосий тури |
ХТУТ коди |
Корхона манзили |
Тугатиш ёки қайта ташкил этиш (қўшиб юбориш) тўғрисидаги маълумотлар |
|
1 |
2 |
3 |
4 |
5 |
6 |
7 |
8 |
9 |
Кейинги таҳрирга қаранг.
((Ўзбекистон Республикаси Ҳукуматининг қарорлари тўплами, 1995 й., 2-сон, 3-модда; Ўзбекистон Республикаси Қонун ҳужжатлари тўплами, 2001 й., 12-сон, 83-модда; 15-16-сон, 106-модда; 2004 й., 29-сон, 335-модда)
