Белгилансинки, хатлов натижасида аниқланадиган ва мазкур қарорнинг 3-иловасига киритилмаган, акциядорнинг (таъсисчининг) ҳуқуқлари давлат органлари ва муассасалари томонидан амалга ошириладиган хўжалик жамиятлари устав капитали (фонди)даги давлат улуши Агентликка берилади.

7. Ўзбекистон Республикаси Молия вазирлиги:

ушбу қарор ижросини таъминлаш доирасида 2019 йилга мўлжалланган Агентлик харажатлари учун Ўзбекистон Республикаси Давлат бюджети параметрлари доирасида маблағ ажратсин ва 2020 йилдан бошлаб зарур бюджет маблағларини кўзда тутсин;

Ўзбекистон Республикаси Давлат бюджетининг 2019 йил учун тасдиқланган харажатлар параметрларига ушбу қарор талабларидан келиб чиқиб тегишли ўзгартиришлар киритсин;

Агентликка хизмат автотранспорт воситаларини сотиб олиш учун зарур маблағларнинг ажратилишини таъминласин ва 12 та, шу жумладан 9 та шахсий бириктирилган хизмат енгил автомобилларини сақлашга лимит белгиласин;

Агентликнинг асосланган ҳисоб-китобларидан келиб чиқиб, маъмурий биноларини таъмирлаш ва моддий-техника базасини шакллантириш мақсадида зарурий жиҳозлар ва ахборот-коммуникация технологияларини харид қилиш учун зарур маблағлар ажратилишини таъминласин.

9. Агентлик икки ой муддатда «Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳузуридаги Давлат активларини бошқариш маркази» ДУКнинг белгиланган тартибда Агентлик таркибига қўшилишини таъминласин.

10. Ўзбекистон Республикаси Ахборот технологиялари ва коммуникацияларини ривожлантириш вазирлиги Агентликни телефон алоқаси, жумладан ҳукумат алоқаси билан белгиланган тартибда таъминласин.

11. Ички ишлар вазирлиги, Ўзбекистон Республикаси Ер ресурслари, геодезия, картография ва давлат кадастри давлат қўмитаси, Қимматли қоғозлар марказий депозитарийси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Давлат рақобат қўмитаси ҳамда унинг ҳудудий органларининг тугатилиши муносабати билан тегишлилиги бўйича давлат божлари ва бошқа турдаги йиғимларни ундирмаган ҳолда:

Агентлик ва унинг ҳудудий бошқармаларига кўчмас мулк ва бошқа мулк объектларига ҳуқуқнинг қайта рўйхатдан ўтказилишини;

Агентлик ва унинг ҳудудий бошқармалари тасарруфига ўтадиган автотранспорт воситаларининг Ўзбекистон Республикаси Ички ишлар вазирлиги органларида қайта рўйхатдан ўтказилишини;

давлат акция пакетлари (улушлари) бўйича акциядор (таъсисчи ва қатнашчи) функция ва ҳуқуқлари Агентликка ўтганлиги муносабати билан хўжалик жамиятлари таъсис ҳужжатларига киритиладиган ўзгартириш ва қўшимчаларнинг давлат рўйхатидан ўтказилишини таъминласин.

12. Агентлик Вазирлар Маҳкамасининг 2016 йил 7 октябрдаги 336-сон қарори билан тасдиқланган Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига киритилсин.

13. Агентлик ва унинг ҳудудий бошқармалари ўзига юклатилган ваколатларга мувофиқ судларга кўриб чиқиши учун киритиладиган даъволар бўйича давлат божи тўлашдан озод қилинсин.

14. Агентлик Тошкент шаҳри, А. Темур кўчаси, 6-уй манзилига оператив бошқарув ҳуқуқи асосида жойлаштирилсин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда Агентликнинг ҳудудий бошқармаларини тугатилган Давлат рақобат қўмитаси ҳудудий органларининг ҳозирги жойлашуви бўйича биноларига жойлаштирилишини таъминласин.

15. Ўзбекистон Миллий телерадиокомпанияси, Ўзбекистон Миллий ахборот агентлигига Агентлик, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда давлат активларини тадбиркорларга сотиш бўйича амалга оширилаётган ишлар кўламини оммавий ахборот воситаларида кенг ёритиш тавсия этилсин.

16. Агентлик Молия вазирлиги, Адлия вазирлиги ва бошқа манфаатдор идоралар билан биргаликда Ўзбекистон Республикаси Вазирлар Маҳкамасига:

а) 2019 йил 1 апрелга қадар:

хўжалик жамиятларининг кузатув кенгашлари ва ижро органларининг аъзоларини тасдиқлаш, шунингдек ижро органларининг аъзоларини давлат органларининг раҳбарлари ёки раҳбар ўринбосарларига тенглаштириш тўғрисида қабул қилинган норматив-ҳуқуқий ҳужжатларни бекор қилиш бўйича таклифларни;

илғор хорижий амалиётни ҳисобга олган ҳолда, давлат иштирокидаги корхоналар фаолиятига кузатув кенгашлари ва назорат органлари фаолияти самарадорлигини оширишни, корпоратив бошқарувнинг халқаро тамойилларини назарда тутувчи корпоратив бошқарувнинг замонавий усулларини жорий этиш бўйича «Йўл харитаси»ни;

б) икки ой муддатда:

Ўзбекистон Республикаси Давлат активларини бошқариш агентлиги тўғрисидаги ҳамда Ўзбекистон Республикаси Давлат активларини бошқариш агентлиги ҳузуридаги бюджетдан ташқари Давлат активларини бошқариш, трансформация ва хусусийлаштириш жамғармаси маблағларини шакллантириш ва улардан фойдаланиш тартиби тўғрисидаги низомларни тасдиқлаш ҳақида қарор лойиҳасини;

қонун ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни киритсин.

17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 14 январь,

ПҚ-4112-сон

Ўзбекистон Республикаси Президентининг 2019 йил 14 январдаги ПҚ-4112-сон қарорига
1-ИЛОВА

Кейинги таҳрирга қаранг.

Ўзбекистон Республикаси Давлат активларини бошқариш агентлигининг

ТАШКИЛИЙ ТУЗИЛМАСИ

Кейинги таҳрирга қаранг.

Ўзбекистон Республикаси Президентининг 2019 йил 14 январдаги ПҚ-4112-сон қарорига
2-ИЛОВА

Кейинги таҳрирга қаранг.

Ўзбекистон Республикаси Давлат активларини бошқариш агентлиги марказий аппаратининг

ТУЗИЛМАСИ

Ўзбекистон Республикаси Давлат бюджетидан молиялаштириладиган бошқарув ходимларининг умумий сони — 109 нафар.

Техник ва хизмат кўрсатувчи ходимлар сони тасдиқланган нормативларга мувофиқ белгиланади.

Кейинги таҳрирга қаранг.

Ўзбекистон Республикаси Президентининг 2019 йил 14 январдаги ПҚ-4112-сон қарори
3-ИЛОВА

Устав капиталидаги давлат акция пакетлари (улушлари) Давлат активларини бошқариш агентлигига бериладиган хўжалик жамиятлари

РЎЙХАТИ

Т/р	Жамиятлар номи	Давлат улуши (%)*
Ўзбекистон Республикаси Ташқи савдо вазирлиги
1.	«Ўзтрейд» АЖ	100,00
2.	«Ўзсаноатэкспорт» АЖ	100,00
3.	«Ўзбекэкспертиза» АЖ	51,00
4.	«Ўрта осиё транс» АЖ	51,00
Ўзбекистон Республикаси Ахборот технологиялари ва коммуникацияларини ривожлантириш вазирлиги
5.	«Ўзбектелеком» АЖ	96,55
6.	«Ўзбекистон почтаси» АЖ	76,4
7.	«Ўзимпексалоқа» МЧЖ	51,91
8.	«UZINFOCOM» ягона интегратори» МЧЖ	51,0
9.	«Матбуот тарқатувчи» АЖ	26,0
10.	«Алоқа банк» АЖ	6,2
11.	«Алском» АЖ	2,0
Ўзбекистон Республикаси Сув хўжалиги вазирлиги
12.	«Ўзагросаноатлойиҳа» МЧЖ	94,72
13.	«Ўзсувлойиҳа» АЖ	50,8
14.	«Сувмаш» АЖ	47,0
Ўзбекистон Республикаси Молия вазирлиги
15.	«Ўзагросуғурта» АЖ	93,46
16.	«Кафолат суғурта компанияси» АЖ	66,51
17.	«Қишлоқ қурилиш инвест» МЧЖ	59,46
18.	«Қурилишмашлизинг» АЖ	58,82
19.	«Қишлоқ қурилиш банк» АТБ	54,89
20.	АТ «Халқ банк»	40,43
21.	«Агробанк» АТБ	37,95
22.	«Микрокредитбанк» АТБ	34,48
23.	«Ўзсаноатқурилишбанк» АТБ	32,61
24.	«Ипотека-банк» АТИБ	22,59
25.	«Асака банк» АТБ	21,65
26.	«Турон банк» АТБ	6,53
Ўзбекистон Республикаси Марказий банки
27.	«Ўзбекистон Республика валюта биржаси» АЖ	50,13
Ўзбекистон Республикаси Бандлик ва меҳнат муносабатлари вазирлиги, Ўзбекистон Республикаси Қишлоқ хўжалиги вазирлиги
28.	«Ўзагролизинг» АЖ	0,9
Ўзбекистон Республикаси Қурилиш вазирлиги
29.	«Қишлоққурилишлойиҳа» МЧЖ	85,94
30.	«Сувсаноатфуқароли» МЧЖ	77,8
31.	«Ўзоғирсаноатлойиҳа» АЖ	69,43
32.	«ЎзГИП» МЧЖ	53,1
33.	«Ташгипрогор» АЖ	41,48
Ўзбекистон Республикаси Уй-жой коммунал хизмат кўрсатиш вазирлиги
34.	«ТошуйжойЛИТИ» АЖ	61,58
Ўзбекистон Республикаси Соғлиқни сақлаш вазирлиги
35.	«Ўзтиблойиҳа» МЧЖ	74,16
Тошкент шаҳар ҳокимлиги
36.	«Тошшаҳартрансхизмат» АЖ	100,00
37.	«Олмазор кичик саноат зонаси» АЖ	88,58
38.	«Тошкент-Осиё» АЖ	46,67

Изоҳ: Хўжалик жамиятларининг ташкилий-ҳуқуқий шакллари ёки берилиши лозим бўлган давлат улушлари миқдори ўзгарган тақдирда, акция пакетлари (улушлари) ўзгаришларни инобатга олинган ҳолда берилади.

Кейинги таҳрирга қаранг.

(Қонун ҳужжатлари маълумотлари миллий базаси, 15.01.2019 й., 07/19/4112/2473-сон, 29.08.2019 й., 06/19/5794/3669-сон; 02.07.2020 й., 07/20/4771/1013-сон, 09.07.2020 й., 06/20/6021/1047-сон; 12.02.2021 й., 06/21/6167/0103-сон; Қонунчилик маълумотлари миллий базаси, 03.06.2021 й., 07/21/5133/0515-сон, 24.07.2021 й., 06/21/6268/0700-сон; 06.04.2022 й., 06/22/97/0275-сон; 29.03.2023 й., 06/23/42/0177-сон; 13.07.2023 й., 06/23/109/0469-сон; 27.04.2024 й., 06/24/67/0307-сон)