1.	Ш.М. Садиков	—	Ўзбекистон Республикаси Президенти ҳузуридаги Лойиҳа бошқаруви миллий агентлиги директори, Кенгаш раиси
2.	Б.А. Ходжаев	—	Ўзбекистон Республикаси иқтисодиёт вазири, Кенгаш раисининг ўринбосари
3.	М.Б. Нурмуродов	—	Ўзбекистон Республикаси Марказий банки раиси
4.	Р.А. Гулямов	—	Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси
5.	И.У. Мажидов	—	Ўзбекистон Республикаси олий ва ўрта махсус таълим вазири
6.	А.И. Ахмедходжаев	—	Ўзбекистон Республикаси ахборот технологиялари ва коммуникацияларини ривожлантириш вазири
7.	В.Ю. Пак	—	Ўзбекистон Республикаси молия вазирининг ўринбосари
8.	Б.Ф. Ганиходжаев	—	Корпоратив бошқарув илмий-таълим маркази директори, Кенгаш котиби

Изоҳ: Васийлик кенгаши аъзолари бошқа ишга ўтган тақдирда мазкур лавозимларга янгидан тайинланган шахслар ёхуд зиммасига тегишли функцияларни бажариш юкланган шахслар ушбу кенгаш таркибига киритилади.

Ўзбекистон Республикаси Президентининг 2018 йил 12 майдаги ПҚ-3720-сон қарорига
2-ИЛОВА

Корпоратив бошқарув илмий-таълим марказининг

ТАШКИЛИЙ ТУЗИЛМАСИ

Жами — 52 нафар, шу жумладан бошқарув ходимлари — 27 нафар, профессор-ўқитувчилар — 25 нафар.

Ўзбекистон Республикаси Президентининг 2018 йил 12 майдаги ПҚ-3720-сон қарорига
3-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартиш ва қўшимчалар

1. Ўзбекистон Республикаси Президентининг 2015 йил 30 сентябрдаги «Корпоратив бошқарув илмий-таълим маркази фаолиятини ташкил этиш чора-тадбирлари тўғрисида»ги ПҚ-2414-сон қарорининг рус тилидаги матнида:

а) 1-банд қуйидаги таҳрирда баён этилсин:

«1. Определить основными задачами и направлениями деятельности Научно-образовательного центра корпоративного управления:

осуществление с широким участием профессорско-преподавательских кадров ведущих образовательных учреждений экономически развитых стран специальных краткосрочных программ по повышению квалификации управленческих кадров и специалистов в сфере корпоративного управления, овладению ими современными методами менеджмента, маркетинга и бизнес-администрирования;

организацию обучения работников государственных органов и иных организаций по вопросам проектного управления;

разработку специальных краткосрочных образовательных программ по повышению квалификации работников государственных органов и иных организаций в сфере проектного управления и государственных закупок;

подготовку высококвалифицированных специалистов на основе международных стандартов проектного управления по образовательной программе магистратуры по специальности «Проектное управление» («Project management»);

подготовку высококвалифицированных специалистов в области управления бизнесом и корпоративного управления на основе используемых в экономически развитых странах образовательных программ магистратуры по специальности «Управление бизнесом» («Master of Business Administration — MBA»);

формирование кадрового резерва в сфере проектного управления и государственных закупок;

разработку и внедрение системы сертификации работников государственных органов и иных организаций в области проектного управления и государственных закупок;

разработку учебных пособий, справочной литературы и других материалов по международным и национальным стандартам проектного управления и государственных закупок;

внедрение в учебный процесс современных международных стандартов и методов подготовки управленческих кадров с широким использованием передовых педагогических и информационно-коммуникационных технологий, в том числе дистанционного обучения;

глубокое изучение на системной основе передового зарубежного опыта в сфере проектного и корпоративного управления, менеджмента и государственных закупок, а также подготовку предложений по совершенствованию законодательства в этой сфере;

установление тесных связей и развитие сотрудничества с ведущими зарубежными образовательными учреждениями и компаниями, реализацию с ними совместных партнерских программ по дальнейшему совершенствованию учебно-методической работы по подготовке и повышению профессионального уровня управленческих кадров в сфере проектного и корпоративного управления»;

б) 3-банднинг учинчи ва тўртинчи хатбошилари қуйидаги таҳрирда баён этилсин:

«является юридическим лицом в форме учреждения и в своей деятельности подчиняется и подотчетен Национальному агентству проектного управления при Президенте Республики Узбекистан;

осуществляет на платно-контрактной основе подготовку, переподготовку и повышение квалификации управленческих кадров по специальным образовательным программам «корпоративное управление для руководящих работников», «проектное управление и государственные закупки», а также по образовательным программам магистратуры по специальностям «Проектное управление» («Project management») и «Управление бизнесом» («Master of Business Administration — MBA») с выдачей по окончании обучения соответствующих документов государственного образца. При этом на период обучения в Центре за обучающимися сохраняется занимаемая должность по основному месту работы»;

в) 4-банднинг иккинчи ва учинчи хатбошилари, шунингдек қарорга 1 ва 2-иловалар ўз кучини йўқотган деб ҳисоблансин;

г) 5-банднинг биринчи хатбошисидан «Р.С. Азимов» сўзи чиқариб ташлансин.

2. Ўзбекистон Республикаси Президентининг 2017 йил 27 июлдаги ПҚ-3150-сон қарори билан тасдиқланган Ўзбекистон Республикаси Президенти ҳузуридаги Лойиҳа бошқаруви миллий агентлиги тўғрисидаги низомда:

а) қуйидаги мазмундаги 7¹-банд билан тўлдирилсин:

«7¹. 2018 — 2020 йилларда устав фондида давлат улуши устувор бўлган давлат корхоналари ва бошқа юридик шахсларни трансформация қилиш дастурини (кейинги ўринларда Дастур деб юритилади) амалга ошириш доирасида Агентликка Дастурда иштирок этувчи устав фондида давлат улуши устувор бўлган давлат корхоналари ва бошқа юридик шахсларга (кейинги ўринларда давлат компаниялари деб юритилади) нисбатан қуйидаги вазифалар юклатилади:

инвестиция активларининг ишончли бошқарувчилари ва давлатнинг ишончли вакилларининг давлат мулкини самарали бошқариш бўйича фаолиятининг натижадорлиги мониторингини олиб бориш;

давлат компанияларининг давлат пакетлари (улушлари) бўйича, шу жумладан, уларни давлатнинг ишончли вакилларига, бошқарувчи компанияларга ва хўжалик бошқаруви органларига ишончли бошқарувга бериш йўли билан акциядор (қатнашчи)нинг ҳуқуқларини рўёбга чиқариш;

давлат компаниялари фаолияти самарадорлигини, биринчи навбатда, ишлаб чиқаришни модернизациялаш ва техник жиҳатдан қайта жиҳозлаш, маҳсулот таннархини пасайтириш, меҳнат унумдорлигини ошириш, сифатни бошқаришнинг замонавий тизимларини жорий этиш ҳисобига ошириш юзасидан чора-тадбирлар комплексини ишлаб чиқиш ва уларни амалга оширишда қатнашиш;

давлат компаниялари томонидан дивидендларнинг Ўзбекистон Республикаси Давлат бюджетига ўз вақтида ва тўлиқ ҳажмда тўланишини таъминлашга кўмаклашиш»;

б) 8-банд қуйидаги мазмундаги «к» — «м» кичик бандлар билан тўлдирилсин:

«к) инвестиция активларининг ишончли бошқарувчилари ва давлатнинг ишончли вакилларининг давлат мулкини самарали бошқариш бўйича фаолиятининг натижадорлиги мониторингини олиб бориш соҳасида:

муассислар (акциядорлар, қатнашчилар) ва ишончли бошқарувчилар томонидан тақдим этиладиган ҳисоботлар ва ахборот, шу жумладан идоралараро электрон ҳужжат айланиши воситасида олинадиган ҳисоботлар асосида давлат компанияларининг молия-хўжалик фаолиятини таҳлил қилади, давлат компанияларининг бизнес-режаси параметрлари мунтазам равишда бажарилмаган тақдирда эса, ижро этувчи органи таркибини алмаштириш ташаббуси билан чиқади;

аудиторлик ташкилотлари томонидан тақдим этилган ҳужжатларни кўриб чиқиш якунлари бўйича давлат компанияларида ташқи аудитни ўтказиш учун аудиторлик ташкилотлари танловини амалга оширади ва тасдиқлайди;

давлат компанияси молия-хўжалик фаолиятини аудиторлик текшириш ёки улар фаолиятининг махсус масаласи бўйича аудиторлик текширишини ўтказиш ташаббуси билан чиқади;

давлат компаниялари ижро этувчи органи ва кузатув кенгаши раҳбарларининг корпоратив бошқаришнинг сифатли тизимини жорий этиш бўйича ҳисоботларини Агентликда вақти-вақти билан эшитишни ташкил этади;

ҳар чоракда давлат компаниялари, шунингдек ишончли бошқарувчилар фаолиятини самарадорлиги ҳақида таҳлилий материалллар тайёрлайди;

л) давлат компанияларининг давлат пакетлари (улушлари) бўйича, шу жумладан, уларни давлатнинг ишончли вакилларига, бошқарувчи компанияларга ва хўжалик бошқаруви органларига ишончли бошқарувга бериш йўли билан акциядор (қатнашчи)нинг ҳуқуқларини рўёбга чиқариш соҳасида:

қонун ҳужжатларига мувофиқ Ўзбекистон Республикаси номидан акцияларнинг давлат пакети (улушлари) бўйича давлат компанияларининг акциядори (қатнашчиси) ҳуқуқини амалга оширади, шунингдек ушбу ҳуқуқларни ишончли бошқарувчиларга беради;

давлат компаниялари, шу жумладан, чет элдаги жойлашганлари, бошқарув органларида ўзига эгалик қилиш ва фойдаланиш учун берилган акцияларнинг давлат пакетлари (улушлар) бўйича акциядор (қатнашчи) сифатида давлат манфаатларини ифодалайди;

танлов асосида акцияларнинг давлат пакетларини (улушларини) ишончли бошқарувга беради, уларни давлатнинг ишончли вакилларига, давлат ва хўжалик бошқаруви органларига бериш ҳоллари бундан мустасно;

давлат компанияларидаги давлат улушини бошқариш бўйича ишончли бошқарувчилар билан, қонун ҳужжатларида назарда тутилган ҳолларда эса, бошқа юридик шахслар билан шартномалар тузади;

давлат компаниялари акциядорлари (қатнашчилари) умумий мажлисида иштирок этиш учун ишончли бошқарувчиларга, давлат вакилларига ва Агентлик ходимларига ишончномалар беради;

давлат компаниялари бошқарув органлари мажлислари кун тартиби масалалари юзасидан овоз бериш сиёсати бўйича ишончли бошқарувчиларга ва давлат вакилларига кўрсатмалар беради;

м) давлат компаниялари фаолияти самарадорлигини, биринчи навбатда, ишлаб чиқаришни модернизациялаш ва техник жиҳатдан қайта жиҳозлаш, маҳсулот таннархини пасайтириш, меҳнат унумдорлигини ошириш, сифатни бошқаришнинг замонавий тизимларини жорий этиш ҳисобига ошириш юзасидан чора-тадбирлар комплексини ишлаб чиқиш ва уларни амалга оширишда қатнашиш соҳасида:

давлат мулкини бошқариш масалалари бўйича қонун ҳужжатларида белгиланган тартибда давлат органлари билан ўзаро ҳамкорлик қилади;

давлат компаниялари молия-хўжалик фаолиятини таҳлил қилади, шунингдек уларни молиявий соғломлаштириш чораларини кўради;

давлат компанияларининг самарали бизнес-режалари ишлаб чиқилишига кўмаклашади ва уларнинг параметрлари бажарилиши мониторингини олиб боради;

акциядорлик жамиятларини бошқаришда акциядорлар ва кузатувчи кенгашларнинг ролини тубдан оширишга, миноритар акциядорларнинг ҳуқуқларини ҳимоя қилишни таъминлашга, давлат компанияларининг молия-хўжалик фаолияти натижалари юзасидан ижро этувчи органларнинг акциядорлар олдидаги жавобгарлигини кучайтиришга йўналтирилган корпоратив бошқариш тизимини янада такомиллаштириш чора-тадбирларини кўради;

давлат компанияларини самарали бошқаришни таъминлаш учун уларни корпоратив бошқаришнинг энг яхши илғор тажрибасини жорий этиш ишларини олиб боради;

давлат компаниялари фаолиятининг иқтисодий самарадорлигини, шу жумладан, уларнинг молиявий натижаларини ошириш чораларини кўради;

ишлаб чиқаришни модернизациялаш, технологик қайта жиҳозлаш ва кенгайтириш жараёнларига зарур инвестицияларни жалб этиш учун давлат компанияларининг қимматли қоғозларини чиқариш ташаббуси билан чиқиш орқали фонд бозорининг ривожланишига кўмаклашади;

давлат активларини бошқариш самарадорлигини ошириш, корпоратив бошқаришни ривожлантириш соҳасида консалтинг хизматлари кўрсатади;

солиқлар ва бошқа мажбурий тўловлар бўйича Ўзбекистон Республикасининг Давлат бюджети, давлат мақсадли жамғармаларига, иш ҳақи ва дивидендлар бўйича муддати ўтган қарздорлик вужудга келганда, шунингдек бизнес-режа бўйича асосий параметрлар кетма-кет икки чорак давомида бажарилмаган ҳолларда давлат компаниясининг кузатув кенгашига давлат кенгашининг ижро этувчи органи билан меҳнат муносабатларини давом эттириш мақсадга мувофиқлиги тўғрисидаги масалани киритади;

маҳаллий давлат ҳокимияти органлари билан биргаликда ривожланган мамлакатларнинг илғор тажрибаларини жорий этиш, давлат компаниялари, давлатнинг ишончли вакиллари, инвестиция активларини ишончли бошқарувчиларнинг билим даражаси ва бошқарув қобилиятини ошириш йўли билан корпоратив бошқарув ва давлат активларини самарали бошқаришни ривожлантириш билан боғлиқ курслар, семинарлар, «давра суҳбатлари» ва бошқа тадбирлар ташкил этади;

корпоратив бошқарув тизимини такомиллаштириш ва давлат компанияларини бошқариш самарадорлигини оширишга йўналтирилган тадбирлар бўйича таклифлар тайёрлайди;

давлат активларини самарали бошқариш, корпоратив бошқарувнинг замонавий методларини жорий этиш, менежмент сифатини ошириш бўйича, шунингдек давлат компанияларидаги давлат вакилларининг фаолиятини тартибга солувчи норматив-ҳуқуқий ҳужжатлар лойиҳаларини тайёрлашда иштирок этади;

давлат компанияларига уларнинг ривожланишида кўмаклашади»;

в) қуйидаги мазмундаги 10¹-банд билан тўлдирилсин:

«10¹. Дастурни амалга ошириш доирасида Агентликка давлат компанияларига нисбатан қуйидаги ҳуқуқлар берилади:

Дастурга мувофиқ давлат компанияларининг ташаббусларини ишлаб чиқиш ва жорий этиш;

зарур ҳолларда давлат органлари, жумладан ҳуқуқни муҳофаза қилиш органлари, бошқа давлат ташкилотлари ва давлат компанияларидан Агентликка юклатилган вазифа ва функцияларни бажариш учун зарур бўлган ахборот ва материалларни, шу жумладан, тижорат, банк, солиқ сирларини ва бошқа чекланган ахборотларни ўз ичига олувчи маълумотларни сўраш ва олиш;

қўйилган вазифаларни тезкор ҳал қилиш учун илмий-тадқиқот, аудиторлик, адвокатлик, консалтинг ва бошқа ташкилотларни, корпоратив бошқарув, менежмент, молия ва қимматли қоғозлар соҳасида иш тажрибасига эга бўлган мустақил экспертлар ва мутахассисларни белгиланган тартибда жалб қилиш;

давлат компаниялари фаолиятини, жумладан муваффақиятли ўтган миллий ва халқаро тажриба асосида давлат уларнинг ташаббусларининг амалга оширилиши нуқтаи назаридан доимий таҳлил қилиб бориш;

корпоратив бошқарувнинг самарали тизимини, жумладан бизнес-жараёнларни такомиллаштириш, асосий ишлаб чиқариш, маъмурий ва оператив жараёнларни оптималлаштириш, замонавий менежмент ва ресурсларни бошқаришни жорий этиш орқали йўлга қўйиш;

давлат мулкини, зарур ҳолда жойига чиққан ҳолда, хатловдан ўтказиш ва ундан фойдаланиш самарадорлигини мониторинг қилиш;

давлат органлари ва ташкилотлари орасидан давлат компанияларининг кузатув кенгашларига номзодларни танлаш;

ўз ваколатлари доирасида давлат компанияларининг устав фондидаги давлат акциялари пакетини (улушини) ўзгартириш бўйича буйруқлар чиқариш;

ишончли бошқарувчиларга давлатнинг акциядор (иштирокчи) сифатидаги ҳуқуқлари бузилишини ва (ёки) унинг оқибатларини бартараф этиш тўғрисида, дастлабки ҳолатни тиклаш тўғрисида бажарилиши мажбурий бўлган кўрсатмалар бериш, шунингдек уларнинг ижросини назорат қилиш;

давлат компанияларининг устав фондидаги давлат иштирокини оптималлаштириш бўйича таклифлар киритиш».

Кейинги таҳрирга қаранг.

3. Вазирлар Маҳкамасининг 2015 йил 27 октябрдаги «Корпоратив бошқарув илмий-таълим марказининг самарали фаолиятини таъминлашга доир ташкилий чора-тадбирлар тўғрисида»ги 305-сон қарорида (Ўзбекистон Республикаси ҚТ, 2015 й., 10-сон, 94-модда):

а) 2-бандда:

қуйидаги мазмундаги иккинчи хатбоши билан тўлдирилсин:

«Корпоратив бошқарув илмий-таълим марказининг (кейинги ўринларда Марказ деб аталади) муассиси Ўзбекистон Республикаси Президенти ҳузуридаги Лойиҳа бошқаруви миллий агентлиги ҳисобланади»;

иккинчи — еттинчи хатбошилар тегишинча учинчи — саккизинчи хатбошилар деб ҳисоблансин;

учинчи хатбошидаги «Корпоратив бошқарув илмий-таълим марказининг (кейинги ўринларда Марказ деб аталади)» деган сўзлар «Марказ» деган сўз билан алмаштирилсин;

саккизинчи хатбошидаги «Ўзбекистон Республикаси Вазирлар Маҳкамасининг» деган сўзлар «Марказ Васийлик кенгашининг» деган сўзлар билан алмаштирилсин;

б) 1-иловада:

2-банднинг иккинчи хатбошиси қуйидаги таҳрирда баён этилсин:

«Марказ ўз фаолиятида Ўзбекистон Республикаси Президенти ҳузуридаги Лойиҳа бошқаруви миллий агентлигига бўйсунади ва ҳисобот беради»;

11-банд қуйидаги таҳрирда баён этилсин:

«11. Бошқарув кадрлари ва мутахассисларни тайёрлаш, қайта тайёрлаш ва уларнинг малакасини оширишнинг самарали тизимини ташкил этиш, шунингдек бизнесни бошқариш, лойиҳа ва корпоратив бошқарув соҳасида фундаментал ва амалий илмий тадқиқотлар олиб бориш Марказнинг асосий мақсади ҳисобланади»;

12-банд қуйидаги таҳрирда баён этилсин:

«12. Қуйидагилар Марказнинг асосий вазифалари ва фаолият йўналишлари ҳисобланади:

корпоратив бошқарув соҳасида, иқтисодий ривожланган мамлакатларнинг етакчи таълим муассасалари профессор-ўқитувчи кадрларининг кенг иштирокида бошқарув кадрлари ва мутахассисларининг малакасини ошириш, уларнинг менежмент, маркетинг ва бизнесни бошқаришнинг замонавий усулларини эгаллаши бўйича махсус қисқа муддатли дастурларни амалга ошириш;

давлат органлари ва бошқа ташкилотлар ходимларини лойиҳа бошқаруви масалалари бўйича ўқитишни ташкил этиш;

давлат органлари ва бошқа ташкилотлар ходимларини лойиҳа бошқаруви ва давлат харидлари соҳасидаги малакасини ошириш бўйича махсус қисқа муддатли таълим дастурларини ишлаб чиқиш;

лойиҳа бошқаруви халқаро стандартлари асосида «Лойиҳа бошқаруви» («Project management») мутахассислигида магистратура таълим дастурлари бўйича юқори малакали мутахассислар тайёрлаш;

«Бизнесни бошқариш» («Master of Business Administration — МВА») мутахассислиги бўйича иқтисодий ривожланган мамлакатларда фойдаланиладиган магистратура таълим дастурлари асосида бизнесни бошқариш ва корпоратив бошқарув соҳасида юқори малакали мутахассислар тайёрлаш;

лойиҳа бошқаруви ва давлат харидлари соҳасида кадрлар захирасини шакллантириш;

лойиҳа бошқаруви ва давлат харидлари соҳасида давлат органлари ва бошқа ташкилотлар ходимларини сертификатлаш тизимини ишлаб чиқиш ва амалга жорий этиш;

лойиҳа бошқаруви ва давлат харидларининг халқаро ва миллий стандартлари бўйича ўқув қўлланмалар, маълумот берувчи адабиётлар ва бошқа материаллар ишлаб чиқиш;

илғор педагогика ва ахборот-коммуникация технологияларидан кенг фойдаланган ҳолда ўқув жараёнига бошқарув кадрлари тайёрлашнинг замонавий халқаро стандартлари ва усулларини жорий этиш;

лойиҳа бошқаруви ва корпоратив бошқарув, менежмент ва давлат қурилиши соҳасида илғор хорижий тажрибани тизимли асосда чуқур ўрганиш, шунингдек мазкур соҳада қонунчиликни такомиллаштириш бўйича таклифлар тайёрлаш;

етакчи хорижий таълим муассасалари ва компаниялар билан мустаҳкам алоқалар ўрнатиш ва ҳамкорликни ривожлантириш, улар билан лойиҳа бошқаруви ва корпоратив бошқарув соҳасида бошқарув кадрлари тайёрлаш ва уларнинг профессионал савиясини ошириш бўйича ўқув-методик ишларни янада такомиллаштириш юзасидан қўшма ҳамкорлик дастурларини амалга ошириш»;

13-бандда:

иккинчи хатбоши «Вазирлар Маҳкамасининг» деган сўзлардан олдин «Ўзбекистон Республикаси Президенти ҳузуридаги Лойиҳа бошқаруви миллий агентлигининг» деган сўзлар билан тўлдирилсин;

еттинчи хатбоши «бизнесни бошқариш» деган сўзлардан кейин «лойиҳа» деган сўз билан тўлдирилсин;

саккизинчи хатбоши «тузилмаларнинг» деган сўздан кейин «лойиҳа бошқаруви» деган сўзлар билан тўлдирилсин;

15-банднинг биринчи хатбошисидаги «Ўзбекистон Республикаси Вазирлар Маҳкамасининг» деган сўзлар «Марказ Васийлик кенгашининг» деган сўзлар билан алмаштирилсин;

19-бандда:

қуйидаги мазмундаги иккинчи хатбоши билан тўлдирилсин:

«Марказ директорини тайинлайди ва лавозимидан озод қилади, Марказ директорининг тақдимномасига мувофиқ директор ўринбосарлари номзодларини келишади»;

иккинчи — олтинчи хатбошилар тегишинча учинчи — еттинчи хатбошилар деб ҳисоблансин;

в) 2-иловада:

2-банд қуйидаги таҳрирда баён этилсин:

«2. Марказга тўлов-контракт асосида магистрлар қабул қилишнинг ҳар йилги квотаси қуйидаги миқдорда белгиланади:

«Лойиҳа бошқаруви» («Project management») мутахассислиги бўйича — 40 киши;

«Бизнесни бошқариш» («Master of Business Administration — MBA») мутахассислиги бўйича — 40 киши»;

3-банд қуйидаги таҳрирда баён этилсин:

«3. Марказ ўқитишни тўлов-контракт асосида:

«Лойиҳа бошқаруви» («Project management») мутахассислиги бўйича магистратуранинг бир йиллик таълим дастурига мувофиқ;

«Бизнесни бошқариш» («Master of Business Administration — MBA») мутахассислиги бўйича магистратуранинг икки йиллик таълим дастурига мувофиқ амалга оширади.

Ўқитиш якуни бўйича давлат намунасидаги тегишли ҳужжатлар берилади»;

4-банддаги «хўжалик бошқаруви органлари ва тадбиркорлик бошқа субъектларининг раҳбар ходимлари ҳамда мутахассислари» деган сўзлар «давлат ва хўжалик бошқаруви органлари, маҳаллий давлат ҳокимияти органлари, бошқа ташкилотларнинг раҳбар ходимлари ҳамда мутахассислари, шунингдек якка тартибдаги тадбиркорлар» деган сўзлар билан алмаштирилсин;

10-банднинг иккинчи хатбошисидаги «ижро этувчи ҳокимият» деган сўзлар «давлат ҳокимияти» деган сўзлар билан алмаштирилсин;

21-бандда:

қуйидаги мазмундаги учинчи хатбоши билан тўлдирилсин:

«имтиҳонларни муваффақиятли топширганда белгиланган намунадаги сертификат берган ҳолда лойиҳа бошқаруви ва давлат харидлари соҳасида давлат органлари ва бошқа ташкилотларнинг ходимларини тайёрлаш, қайта тайёрлаш ва малакасини ошириш»;

учинчи хатбоши тўртинчи хатбоши деб ҳисоблансин;

г) 3-илованинг 3-банди иккинчи хатбошисидаги «бизнесни бошқариш» деган сўзлар «самарали давлат бошқаруви ва бизнес маъмуриятчилиги, лойиҳа» деган сўзлар билан алмаштирилсин.

(Қонун ҳужжатлари маълумотлари миллий базаси, 15.05.2018 й., 07/18/3720/1218-сон, 21.06.2018 й., 07/18/3794/1378-сон; 06.12.2019 й., 07/19/4544/4111-сон)