|
Ҳужжат 07.04.2010 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Электр энергиясидан фойдаланганлик учун ҳисоб-китоб қилиш механизмини тубдан такомиллаштириш чора-тадбирлари тўғрисида
[Кўчирма]
Олдинги таҳрирга қаранг.
Ўзбекистон Республикаси Президентининг 2004 йил 29 сентябрдаги Ф-2047-сон фармойишига мувофиқ махсус комиссия истеъмолчиларнинг истеъмол қилинган электр энергияси учун тўловларининг ҳамда ҳудудий электр тармоқлари корхоналари билан ҳисоб-китобларининг аҳволини танқидий ўрганиб чиқди. «Ўзбекэнерго» давлат-акциядорлик компанияси томонидан кўрилган чора-тадбирларга қарамай ҳисоб-китоблар интизомининг бузилиши ҳоллари давом этмоқда, етказиб берилган электр энергияси учун тўловни ўз вақтида тўламаган истеъмолчиларга электр энергияси етказиб беришни тўхтатишга доир талаблар бажарилмаяпти, тўлов муддати ўтган дебиторлик қарзлар кўпаймоқда. Берилаётган ва истеъмол қилинаётган электр энергиясини ҳисобга олишнинг мақбул тизими мавжуд эмас. Амалдаги ўзаро ҳисоб-китоблар механизми эскирган, у истеъмол қилинган энергия учун маблағларнинг тўлиқ ва ўз вақтида тушишини, шартномавий мажбуриятларнинг бажарилиши учун зарур даражадаги жавобгарликни таъминламайди.
Етказиб берилган электр энергияси учун ҳисоб-китоб қилиш соҳасидаги аҳволни тубдан яхшилаш, тўловларнинг тўлиқ ва ўз вақтида амалга оширилишини таъминлаш ҳамда берилган электр энергияси учун истеъмолчилар қарзларининг кўпайишига йўл қўймаслик, ҳам электр энергияси етказиб берувчиларнинг, ҳам истеъмолчиларнинг шартномавий мажбуриятларга риоя этилиши учун жавобгарлигини ошириш мақсадида Вазирлар Маҳкамаси қарор қилади:
(муқаддима Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
1. 2005 йил 1 январдан бошлаб солиқлар ва бюджетга мажбурий тўловлар ўз вақтида тўланмаганлиги учун жавобгарликка тортишнинг белгиланган тартиби истеъмол қилинган электр энергияси учун муддати ўтказиб юборилган тўловларга йўл қўйган юридик шахсларга татбиқ этилсин.
Ўзбекистон Республикаси Давлат солиқ қўмитасига тўлов муддати ўтган қарзларни йиғиш ва юридик шахслар томонидан истеъмол қилинган электр энергияси учун маблағларнинг тўлиқ тушишини назорат қилиш функцияси юклансин.
Кейинги таҳрирга қаранг.
Белгилаб қўйилсинки, юридик шахслар томонидан истеъмол қилинган электр энергияси учун муддати ўтказиб юборилган қарзлар «Ўзбекэнерго» давлат-акциядорлик компанияси бўлинмалари томонидан ҳар ойда тақдим этиладиган тўлов талабномалари тўғрисидаги реестрлар бўйича юридик шахс рўйхатдан ўтказилган жойдаги давлат солиқ хизмати органлари томонидан сўзсиз тартибда ундириб олинади.
Кейинги таҳрирга қаранг.
Ўзбекистон Республикаси Давлат солиқ қўмитаси «Ўзбекэнерго» давлат-акциядорлик компанияси билан биргаликда бир ой муддатда «Энергия билан таъминловчи ташкилотлар томонидан давлат солиқ хизмати органларига ундириб олиш чора-тадбирларини кўриш учун муддати ўтказиб юборилган дебиторлик қарзлар тўғрисида ахборот тақдим этиш тартиби тўғрисида»ги низомни ишлаб чиқсин ва белгиланган тартибда тасдиқласин.
Кейинги таҳрирга қаранг.
Олдинги таҳрирга қаранг.
2. Белгилаб қўйилсинки:
барча юридик шахслар — электр энергияси истеъмолчилари истеъмол қилинган электр энергияси (қуввати) учун қонун ҳужжатларида белгиланган тартибда, электр таъминоти шартномасига мувофиқ ҳар ойда тўлиқ ҳисоб-китоб қилишлари шарт;
Кейинги таҳрирга қаранг.
ҳисоб-китоб ойидан кейинги календарь ой тугагач қарз тўлов муддати ўтган ҳисобланади ва тўлов муддати ўтган ҳар бир кун учун тўлов муддати ўтган сумманинг 0,1 фоизи миқдорида, 1-иловага мувофиқ электр энергияси етказиб беришнинг махсус тартибига эга бўлган корхоналар учун эса — 0,2 фоиз миқдорида пеня ҳисоблаб ёзилади;
уй-жойлар ҳамда тураржой ва тураржой бўлмаган фонд хоналарининг олди-сотди шартномаларини рўйхатдан ўтказиш фақат энергия, табиий газ ва бошқа коммунал хизматлар учун қарзлар тўлиқ тўланган тақдирда амалга оширилади.
Кейинги таҳрирга қаранг.
(2-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
3. Қуйидагиларга:
электр таъминоти шартномаларини тузмаган ва шартномада назарда тутилган электр энергияси ҳажми қийматининг камида 30 фоизи миқдоридаги ҳақни олдиндан тўламаган;
Кейинги таҳрирга қаранг.
Электр энергияси истеъмолини ҳисобга олиш ва назорат қилишнинг автоматлаштирилган тизимига мос бўлган ҳисобга олиш ҳисоб-китоб электрон приборларини ўрнатмаган;
истеъмол қилинган электр энергияси учун электр таъминоти шартномасида белгиланган муддатларда тўланмаган қарзи бўлган;
Кейинги таҳрирга қаранг.
электр энергиясини электр таъминоти шартномасида назарда тутилган ҳажмлардан ортиқча истеъмол қилган юридик шахсларга электр энергияси етказиб бериш тўхтатиб қўйилсин.
(3-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
4. Қарзи мавжуд бўлган истеъмолчиларга электр энергияси етказиб беришни тўхтатиб туриш бўйича талабларга риоя этилиши юзасидан шахсий жавобгарлик ҳудудий электр тармоқлари корхоналари раҳбарлари зиммасига юклансин
30 кундан ортиқ қарздорлик мавжуд бўлганда ҳудудий электр тармоқлари корхоналари ходимларига истеъмолчилар узиб қўйилмаганлиги ва уларга электр энергияси берилганлиги учун — ўртача ойлик иш ҳақининг эллик фоизи миқдорида жарима жазолари белгиланадиган, ушбу ҳолат такрорланганда эса — улар эгаллаб турган лавозимидан озод этиладиган ҳамда қонун ҳужжатларида белгиланган тартибда маъмурий ва жиноий жавобгарликка тортиладиган тартиб белгилансин.
«Ўзбекэнерго» давлат-акциядорлик компанияси 2004 йил 31 декабргача тегишли мансабдор шахслар билан меҳнат шартномаларида ишлаб чиқариладиган ва бериладиган электр энергиясининг сақланиши, уни узатишдаги технологик сарфлар параметрларига риоя этилиши учун моддий жавобгарликни назарда тутсин.
(4-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
5. Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги низом 2-иловага мувофиқ тасдиқлансин ва у 2005 йил 1 январдан бошлаб амалга киритилсин.
(5-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
6. Белгилаб қўйилсинки, аҳоли истеъмол қилинган электр ва иссиқлик энергияси, табиий газ ва бошқа коммунал хизматлар учун тўловни ўз танловига кўра, чекланмаган ҳолда, тижорат банклари муассасалари, тўловларни қабул қилиш кассалари, ташкилотлари ва пунктларида амалга оширадилар.
(6-банднинг биринчи хатбоши Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
«Ўзбекэнерго» давлат-акциядорлик компанияси, «Ўзкоммунхизмат» агентлиги, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, аҳолига коммунал хизматлар кўрсатувчи тузилмалар, тижорат банклари истеъмол қилинган электр ва иссиқлик энергияси, табиий газ ҳамда коммунал хизматлар учун аҳолидан тўловларни қабул қилиш бўйича барча мавжуд чеклашларни олиб ташласинлар.
Аҳолига мумкин қадар қулайликлар яратиш мақсадида тижорат банкларига электр ва иссиқлик энергияси, табиий газ ҳамда коммунал хизматлар учун тўловларни қабул қилиш бўйича мини-банклар ва тижорат банклари филиалларининг махсус кассаларини очиш ва уларнинг нормал фаолият кўрсатишини таъминлаш тавсия этилсин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тижорат банкларига аҳолидан коммунал тўловларини қабул қилиш бўйича мини-банклар ва махсус кассалар очишда ёрдам кўрсатсинлар ҳамда кўрилган чора-тадбирлар тўғрисида Вазирлар Маҳкамасига 2005 йил 1 июлгача ахборот берсинлар.
7. «Ўзбекэнерго» давлат-акциядорлик компанияси, «Ўзкоммунхизмат» агентлиги, Алоқа ва ахборотлаштириш агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари уч ой муддатда электр ва иссиқлик энергияси, табиий газ, бошқа коммунал хизматлар, шунингдек алоқа хизматлари учун тўловларни қабул қилиш бўйича аҳолига хизмат кўрсатиш мақсадида тижорат банклари билан шартномалар тузсинлар.
10. Ўзбекистон Республикаси Адлия вазирлиги манфаатдор вазирликлар ва идоралар билан биргаликда бир ой муддатда:
қонун ҳужжатларига мазкур қарордан келиб чиқувчи ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
идоравий норматив ҳужжатлар мазкур қарорга мувофиқлаштирилишини таъминласин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Р.С. Азимов ва Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 1 ноябрь,
511-сон
Олдинги таҳрирга қаранг.
Электр энергияси махсус тартибга кўра етказиб бериладиган истеъмолчи корхоналар рўйхати
(1-илованинг номи Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
1. «Навоийазот» очиқ акциядорлик жамияти
2. «Электркимёсаноат» очиқ акциядорлик жамияти (Чирчиқ шаҳри)
3. «Азот» ишлаб чиқариш бирлашмаси (Фарғона шаҳри)
4. «Аммофос» очиқ акциядорлик жамияти
5. Навоий кон-металлургия комбинати
6. «Олмалиқ кон-металлургия комбинати» очиқ акциядорлик жамияти
7. «Ўзметкомбинат» бирлашмаси
8. «Ўзкоммунхизмат» агентлигининг минтақавий сув қувурлари бошқармалари
9. «Тошиссиқликэнерго» ишлаб чиқариш бирлашмаси
10. Мудофаа вазирлиги, Ички ишлар вазирлиги, Миллий хавфсизлик хизмати, Давлат чегараларини ҳимоя қилувчи қўмита, Фавқулодда вазиятлар вазирлиги бўлинмалари
Кейинги таҳрирга қаранг.
Олдинги таҳрирга қаранг.
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисида
Низом
(2-илованинг номи Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
I. Умумий қоидалар
Олдинги таҳрирга қаранг.
1. Ушбу Низом истеъмол қилинган электр энергияси учун ўзаро ҳисоб-китобларни амалга оширишда ҳудудий электр тармоқлари корхоналари билан электр энергияси истеъмолчилари ўртасидаги ўзаро муносабатларни тартибга солади, шунингдек туман, шаҳар доирасида истеъмолчилардан электр энергияси учун пул маблағларини йиғиш бўйича функцияларни бажарувчи хусусий операторларга татбиқ этилади.
Ушбу Низомнинг амал қилиши маиший истеъмолчилар (аҳоли) томонидан электр энергияси истеъмол қилинишига татбиқ этилмайди.
(1-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
2. Электр энергиясини уни ишлаб чиқариш ва истеъмол қилишнинг айнан бир вақтда амалга оширилишини характерловчи алоҳида товар тури сифатида етказиб бериш Ўзбекистон Республикаси Вазирлар Маҳкамасининг 2009 йил 22 августдаги 245-сон қарори билан тасдиқланган Электр энергиясидан фойдаланиш қоидаларига мувофиқ, ҳудудий электр тармоқлари корхонаси билан электр қурилмаси бевосита ҳудудий электр тармоқлари корхонасининг электр тармоқларига уланган истеъмолчилар ўртасида тузилган электр таъминоти шартномаси асосида амалга оширилади.
Кейинги таҳрирга қаранг.
Субистеъмолчиларнинг истеъмолчи ҳамда ҳудудий электр тармоқлари корхонаси билан электр энергиясини етказиб бериш ва истеъмол қилинган электр энергияси учун ўзаро ҳисоб-китоб қилишдаги ўзаро муносабатлари юқорида кўрсатиб ўтилган Қоидалар ҳамда ушбу Низом билан тартибга солинади.
(2-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
3. Электр энергияси учун ҳисоб-китоблар барча истеъмолчилар томонидан «Ўзбекэнерго» давлат-акциядорлик компанияси билан келишилган ва Ўзбекистон Республикаси Молия вазирлиги томонидан тасдиқланган тарифлар бўйича амалга оширилади.
Кейинги таҳрирга қаранг.
Олдинги таҳрирга қаранг.
4. Истеъмолчида турли тариф гуруҳларига мансуб бўлган электр қурилмалари мавжуд бўлган тақдирда ҳисоб-китоблар уларга ўтказилган линияларда ўрнатилган ҳисобга олиш приборларининг кўрсаткичлари асосида, ҳар қайси тариф гуруҳи бўйича алоҳида амалга оширилади. Якуний ҳисоб-китоб қилиш ҳисобга олиш приборларининг кўрсаткичлари бўйича, тасдиқланган тарифларга мувофиқ, электр таъминоти шартномасида кўрсатилган тартибда ва муддатларда амалга оширилади.
(4-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
5. Электр ва иссиқлик энергияси истеъмолчиларининг тариф гуруҳлари тўғрисидаги низом бузилган ҳолда истеъмолчи ҳудудий электр тармоқлари корхонаси томонидан бошқа тариф гуруҳига нотўғри ўтказилган тақдирда айбдор шахслар қонун ҳужжатларига мувофиқ жавоб берадилар.
(5-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
II. Ўзаро ҳисоб-китоблар тартиби
Олдинги таҳрирга қаранг.
6. Электр энергиясини ҳар ойда барча тоифалардаги истеъмолчиларга етказиб бериш улар томонидан электр таъминоти шартномасига биноан тегишли ой учун етказиб берилиши назарда тутилган электр энергияси ҳажми қийматининг камида 30 фоизи миқдорида аванс тўлови тўлангандан кейин амалга оширилади.
Истеъмолчининг электр энергияси учун қарзи мавжуд бўлган тақдирда унинг аванс тўлови ҳисобига ўтказилган маблағлари қарзни тўлашга йўналтирилади ва аванс тўлови сифатида ҳисобга олинмайди.
Истеъмолчининг айби билан электр энергияси электр таъминоти шартномасида кўрсатилган ҳажмга нисбатан кам истеъмол қилинган тақдирда аванс сифатида тўланган маблағлар қайтариб берилмайди ва электр энергияси учун кейинги ҳисоб-китобларда ҳисобга олинади.
(6-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
7. Электр энергияси (қуввати)нинг ҳақиқий сарфини аниқлаш учун ҳудудий электр тармоқлари корхонаси истеъмолчи билан биргаликда ҳар ойда ҳисобга олиш приборлари кўрсаткичларини ёзиб олади. Шу билан бирга, белгиланган шакл (ушбу Низомга 3а-илова) бўйича тегишли далолатнома тузилади.
Кейинги таҳрирга қаранг.
Ҳисобга олиш приборларидан ёзиб олинган кўрсаткичлар ҳудудий электр тармоқлари корхонаси томонидан истеъмолчи электр энергияси учун тўлаши керак бўлган суммаларни ҳисоблашда ҳисобга олинади.
Электр энергияси ва қуввати сарфи тўғрисидаги ҳисобот (ушбу Низомга 3-илова) ҳамда электр энергияси (қуввати) етказиб бериш далолатномаси асосида ҳудудий электр тармоқлари корхонаси ҳисоблашни амалга оширади ва истеъмолчига счёт-фактура ва тўловни тўлаш учун счёт ёзиб беради.
Кейинги таҳрирга қаранг.
Истеъмолчида турли тариф гуруҳларига мансуб бўлган бир нечта объект мавжуд бўлган тақдирда ҳар қайси тариф гуруҳини кўрсатган ҳолда умумий счёт-фактура ёзилади.
Ҳисобга олиш ҳисоб-китоб приборлари кўрсаткичлари ёзиб олинмаган тақдирда ҳудудий электр тармоқлари корхонаси ҳисоб-китобни электр энергияси истеъмолининг шартномадаги миқдори бўйича амалга оширади, кейинчалик ҳудудий электр тармоқлари корхонаси томонидан истеъмолчи билан биргаликда аниқланган электр энергиясининг ҳақиқий истеъмол қилинган ҳажми учун қайта ҳисоб-китоб қилинади. Шу билан бирга, ҳудудий электр тармоқлари корхонаси счёт-фактура ёзиб беради ва хизмат кўрсатувчи банк орқали белгиланган тартибда тўлов талабномасини тақдим этади»;
Кейинги таҳрирга қаранг.
Олдинги таҳрирга қаранг.
8. Ҳудудий электр тармоқлари корхонаси ва электр энергияси истеъмолчиси ўртасидаги ўзаро ҳисоб-китоблар истеъмолчи томонидан ҳудудий электр тармоқлари корхонасининг банкдаги ҳисоб рақамига пул маблағлари ўтказиш йўли билан амалга оширилади, тўловларни мақсадли молиялаштириш схемалари бўйича амалга ошириш, белгиланган тартибда махсус ҳисоб рақамлари орқали ҳисоб-китоб қилиш ҳам шу жумлага киради (мазкур Низомга 1-илова).
(8-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
9. Маҳаллий давлат ҳокимияти органлари ихтиёридаги электр энергияси истеъмолчилари бўлган сув билан таъминловчи корхоналар истеъмол қилинган электр энергияси учун ҳудудий электр тармоқлари корхонаси билан ҳисоб-китобларни ҳар ойда ўз маблағлари ҳисобига амалга оширадилар.
(9-банднинг биринчи хатбоши Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Қишлоқ хўжалиги истеъмолчилари (ширкат хўжаликлари, деҳқон, фермер хўжаликлари ва бошқалар) ва «Ўзкимёсаноат» давлат-акциядорлик компанияси корхоналари олинган электр энергияси учун ўз маблағлари билан, шунингдек Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қишлоқ хўжалиги маҳсулотларининг ҳисоб-китоб жамғармаси томонидан биринчи навбатда ажратиладиган махсус ҳисоб рақамлари бўйича мақсадли молиялаштириш маблағлари (траншлар) ҳисобига ҳисоб-китоб қилади (мазкур Низомга 2-илова).
Истеъмолчида валюта маблағлари ва қарзлар мавжуд бўлганда тўлов валюта маблағларини қонун ҳужжатларида белгиланган тартибда сотиш ҳисобига амалга оширилиши мумкин.
Кейинги таҳрирга қаранг.
Олдинги таҳрирга қаранг.
10. Истеъмолчилар истеъмол қилинган электр энергияси (қуввати) учун тўлиқ ҳисоб-китобни ҳар ойда, электр таъминоти шартномасига мувофиқ, ҳудудий электр тармоқлари корхонаси ёки истеъмолчининг ўзи ёзадиган тўлов ҳужжатлари бўйича амалга оширадилар.
Истеъмол қилинган электр энергияси (қуввати) учун тўлов электр таъминоти шартномасида белгиланган миқдорларда ва муддатларда амалга оширилмаган тақдирда ҳудудий электр тармоқлари корхонаси истеъмолчиларга электр энергияси етказиб беришни тўхтатади, ушбу Низомнинг 18-бандида кўрсатилган истеъмолчилар бундан мустасно.
(10-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
11. Ҳисоб-китоб ойидан кейинги календарь ой тугагач қарз тўлов муддати ўтган ҳисобланади ва тўлов муддати ўтган ҳар бир кун учун тўлов муддати ўтган сумманинг 0,1 фоизи миқдорида, 1-иловага мувофиқ электр энергияси етказиб беришнинг махсус тартибига эга бўлган корхоналар учун эса — 0,2 фоиз миқдорида пеня ҳисоблаб ёзилади.
(11-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
12. Электр таъминоти шартномаларида (маиший истеъмолчилардан ташқари) ҳисоб-китоб қилиш даврида электр таъминоти шартномасида кўрсатилганидан 5 фоиздан ортиқ миқдорда истеъмол қилинган электр энергияси учун ҳудудий электр тармоқлари корхоналари фойдасига ҳисоб-китоб даври учун электр таъминоти шартномасида кўрсатилган миқдордан ортиқча жами ҳажм учун электр энергияси учун белгиланган тарифнинг 50 фоизи миқдорида жарима санкциялари тўлаш назарда тутилади.
Агар истеъмолчининг амалдаги юкламаси ягона электр энергетикаси тизимининг энг юқори юкламали соатларида электр таъминоти шартномасида назарда тутилганидан 5 фоиздан ортиқ ошиб кетса ҳисоб-китоб даври охирида амалдаги юкламанинг ортиб кетган жами қисми учун қайта ҳисоб-китоб қилинади ва белгиланган тарифнинг 50 фоизи миқдорида қўшимча тўлов ундирилади»;
Кейинги таҳрирга қаранг.
(12-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
13. Электр таъминоти шартномасида кўрсатилган электр энергиясининг тегишли ҳажми учун олдиндан ҳақ тўланган тақдирда назарда тутилаётган ўзгаришларгача (жорий ой тугагунгача) 10 кундан кеч бўлмаган муддатда истеъмолчининг таклифига кўра электр энергиясининг шартномадаги ҳажмларига ўзгартиришлар киритилган тақдирда электр энергияси кам ёки ортиқча олинган деб ҳисобланмайди.
Электр энергиясининг шартномадаги ҳажмларини камайиш томонга ўзгартиришлар, олдиндан ҳақ тўланишидан қатъи назар, амалга оширилади.
(13-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
(14-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарорига мувофиқ ўз кучини йўқотган— ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
15. Ҳисобланган давр учун электр энергияси (қуввати)нинг ортиқча олинган ҳажми ҳисобга олиш приборларининг белгиланган шаклдаги далолатнома ёки солиштириш далолатномаси билан тасдиқланган кўрсаткичлари бўйича аниқланади, у жарима миқдорини ҳисоблаш учун асос ҳисобланади.
(15-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
16. Ҳудудий электр тармоқлари корхонаси жарима санкциялари бўйича алоҳида ҳисобни юритади, уларни ҳисоботларда алоҳида устунда акс эттиради, улар бўйича алоҳида тўлов талабномаларини расмийлаштиради ва тақдим этади.
(16-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
17. Электр энергиясининг сифати, шунингдек истеъмолчилар томонидан реактив энергия истеъмоли ва генерацияси учун тарифи бўйича чегиришлар ва устамалар Электр энергиясидан фойдаланиш қоидаларига мувофиқ ҳисобланади.
Кейинги таҳрирга қаранг.
Олдинги таҳрирга қаранг.
18. Алоҳида хавфли ҳамда электр энергиясининг узиб қўйилиши техноген ва аварияли оқибатларга олиб келиши мумкин бўлган, узлуксиз технологик жараёнга эга бўлган саноат корхоналарида қарздорлик вужудга келган тақдирда ҳақ тўланмаганлиги учун электр энергияси етказиб берилишини чеклаш белгиланган тартибда электр таъминотининг авария бронигача, тўлиқ узиб қўйиш эса — фақат суд қарорига кўра амалга оширилиши мумкин.
Ҳудудий электр тармоқлари корхонаси ҳамда электр энергияси истеъмолчиси томонидан имзоланган технология ва авария брони далолатномалари шартноманинг узвий қисми ҳисобланади.
(18-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
III. Сотиладиган электр энергияси бўйича ҳисобга олиш ва ҳисобот
Олдинги таҳрирга қаранг.
19. Қуйидагилар ҳудудий электр тармоқлари корхонасининг истеъмолчилар билан ўзаро ҳисоб-китоб қилиш соҳасидаги асосий вазифалари ҳисобланади:
белгиланган тартибда актив ва реактив энергия (қувват)ни ҳисобга олиш приборлари кўрсаткичларига мувофиқ электр энергияси ҳисобини юритиш;
Кейинги таҳрирга қаранг.
счёт-фактураларни расмийлаштириш;
тўлов талабномаларини тайёрлаш, расмийлаштириш ҳамда уларни етказиб берилган электр энергияси (қуввати) қийматини ва электр энергияси ортиқча олинганлиги учун жарима санкцияларини (пеняларни) тўлаш учун банкка тақдим этиш;
Кейинги таҳрирга қаранг.
айланма ведомостни юритиш;
товар маҳсулотлар ва асосий фаолият бўйича бошқа даромадлар балансини тузиш.
(19-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Олдинги таҳрирга қаранг.
20. Қўйилган вазифаларни ҳал этиш учун ҳудудий электр тармоқлари корхонаси қуйидаги функцияларни амалга оширади:
а) истеъмолчи томонидан истеъмол қилинган электр энергияси (қуввати)нинг ҳақиқий ҳажмини аниқлаш ва ҳисобга олиш приборлари тартиб рақамларини ҳамда ҳақиқий истеъмол қилинган электр энергияси (қуввати) тўғрисидаги маълумотларни (ушбу Низомга 3а-илова) кўрсатган ҳолда электр энергияси (қуввати) етказиб бериш далолатномасини тузиш учун истеъмолчи билан биргаликда ҳар ойда ҳисобга олиш приборларидан кўрсаткичларни ёзиб олади;
Кейинги таҳрирга қаранг.
б) белгиланган шакл (ушбу Низомга 4-илова) бўйича истеъмол қилинган электр энергияси (қуввати) учун ҳисоб-китобни амалга оширади;
Кейинги таҳрирга қаранг.
в) ҳисоб-китоб қилиш даврида етказиб берилган электр энергияси (қуввати) учун тўловни, солинган жарима санкцияларини, пеняларни, ҳужжатлар пакетини қонун ҳужжатларида белгиланган тартибда хизмат кўрсатувчи банкка тақдим этади;
Кейинги таҳрирга қаранг.
г) истеъмолчининг ҳисоб-китоб қилиш даври мобайнида истеъмол қилинган электр энергияси (қуввати) тўғрисидаги маълумотлари ва истеъмол қилинган электр энергияси (қуввати) учун ҳисоб-китоб қилиш асосида айланма ведомостни (ушбу Низомга 5-илова) тўлдиради. Айланма ведомостни қўлда тўлдиришда ушбу Низомга 5-иловага мувофиқ шаклдан фойдаланиш лозим. Истеъмолчининг электр энергияси учун тўлов суммаси маблағларнинг ҳудудий электр тармоқлари корхонаси ҳисоб рақамига тушишига кўра айланма ведомостга ёзиб борилади;
Кейинги таҳрирга қаранг.
д) айланмаларни (тақдим этиш ва тўлаш) ва ҳар қайси ҳисоб-китоб ойи учун сальдо қолдиқларини акс эттириш учун шахсий карточка бўйича ҳисобни юритади.
(20-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
21. Юқорида кўрсатиб ўтилган дастлабки ҳужжатлар ва айланма ведомост асосида ҳудудий электр тармоқлари корхонаси ҳар ойда асосий фаолият бўйича (ушбу Низомга 6-илова), ортиб борувчи якун билан (чорак, ярим йил ва йил учун) «Ўзбекэнерго» давлат-акциядорлик компанияси белгилаган муддатларда товар маҳсулотлар ва бошқа даромадлар балансини тузади. Асосий фаолият бўйича товар маҳсулотлар ва бошқа даромадлар балансида ҳар ойнинг боши ва охиридаги айланмалар (кўрсатиш ва тўлаш) ҳамда сальдо қолдиқлари акс эттирилади. Балансларнинг ҳаққонийлиги дебиторлик ва кредиторлик қарзлари бўлган барча истеъмолчилар томонидан солиштириш далолатномалари билан тасдиқланади.
(21-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
22. Ҳар ойда, айланма ведомость ва товар маҳсулотлар ҳамда асосий фаолият бўйича бошқа даромадлар баланси асосида ҳудудий электр тармоқлари корхонаси истеъмолчилар бўйича дебиторлик ва кредиторлик қарзлар тўғрисидаги маълумотномани (ушбу Низомга 7-илова) тузади, у ҳисоб-китоб қилиш даври учун корхона молия-хўжалик фаолияти балансининг узвий қисми ҳисобланади;
(22-банд Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
Олдинги таҳрирга қаранг.
23. Ҳисобга олиш ва етказиб берилган электр энергияси ҳажми бўйича ҳисоботларнинг ишончлилиги, шунингдек юқорида кўрсатиб ўтилган ҳужжатларнинг тўғри расмийлаштирилиши учун жавобгарлик ҳудудий электр тармоқлари корхоналарининг ва уларнинг электр билан таъминловчи корхоналари раҳбарлари, бош бухгалтерлари ҳамда бошқа мансабдор ва моддий жавобгар шахслари зиммасига юкланади.
(23-банд Ўзбекистон Республикаси Вазирлар Маҳкамасининг 2010 йил 17 февралдаги 23-сон қарори таҳририда — ЎР ҚҲТ, 2010 й., 6-7-сон, 53-модда)
Кейинги таҳрирга қаранг.
Олдинги таҳрирга қаранг.
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги низомга
1-ИЛОВА
1-ИЛОВА
(1-илова Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Истеъмол қилинган энергия учун ўзаро ҳисоб-китобларни тижорат банкларининг қисқа муддатли кредитлари асосида амалга ошириш намунавий схемаси
*Изоҳ. «Ўзбекэнерго» ДАК корхоналари ҳамда энергия истеъмолчилари ўртасида дебиторлик ва кредиторлик қарзлар пайдо бўлган ҳолларда икки-уч кун муддатда тижорат банклари кредитлари асосида амалга ошириладиган схемалар бўйича ўзаро ҳисоб-китоблар амалга оширилади.
Кейинги таҳрирга қаранг.
Олдинги таҳрирга қаранг.
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги низомга
2-ИЛОВА
2-ИЛОВА
(2-илова Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарори таҳририда — ЎР ҚҲТ, 2010 й., 14-15-сон, 108-модда)
Қишлоқ хўжалиги корхоналари ва кимё саноати корхоналари томонидан истеъмол қилинган электр энергияси учун маблағларнинг траншлар бўйича ўтиши намунавий схемаси
*Изоҳ. Пахта, дон ва шоли етиштирувчи хўжаликларга, шунингдек қишлоқ хўжалигига хизмат кўрсатувчи корхоналар ва ташкилотларга етказиб бериладиган электр энергияси учун «Ўзбекэнерго» ДАК корхоналари билан ҳисоб-китоблар траншлар асосида, Ўзбекистон Республикаси Молия вазирлиги ҳузуридаги Давлат эҳтиёжлари учун харид қилинадиган қишлоқ хўжалиги маҳсулотларининг ҳисоб-китоб жамғармаси схемалари бўйича амалга оширилади.
Олдинги таҳрирга қаранг.
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
3-ИЛОВА
3-ИЛОВА
|
20 __ йил ______________ ойидаги электр энергияси ва қуввати (актив, реактив)сарфи тўғрисида | ||||||||
|
Кўрсаткич ёзиб олинган сана — 20__йил «______» ________________ | ||||||||
| Ҳисоблагич тури (актив, реактив), ҳисоблагичнинг завод, инвентарь рақами | Ҳисоблаш коэффициенти | Ҳисоблагич кўрсаткичи | Ҳисоблагич кўрсаткичидаги тафовут | Сарфи кВт., кВар.с | Ҳисобга қабул қилинган энг юқори қувват, кВт, кВар | |||
| ток трансформатори бўйича (тт) | кучланиш трансформатори бўйича (кт) | умумий | бошланғич | охирги | ||||
| | | | | | | | | |
| | | | | | | | | |
| | | | | | | | | |
| | | | | | | | | |
| | | | | | | | | |
| | | | | | | | | |
| | | | | | | | | |
| Жами | | | | | | | | |
| Истеъмолчи раҳбари | | Корхона вакили | ||||||
| ______________________________________ | |
_____________________________________ | ||||||
|
Ф.И.О. (имзо, сана) |
|
Ф.И.О. (имзо, сана) | ||||||
| М.Ў. | | | | | | | | |
| Истеъмолчининг бош бухгалтери | | | | | | |||
| _________________________________ | | | | | | | ||
| Ф.И.О. (имзо, сана) | | | | | | | ||
| Бош энергетик | | | | | | | | |
| _____________________________ | | | | | | | | |
| Ф.И.О. (имзо, сана) | | | | | | | | |
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
3а-илова
3а-илова
|
Вазирлик, идора: |
| | | | | | | | ||||||
|
ХХТУТ: |
| | | | | | | | ||||||
|
Истеъмолчининг номи: |
| | | | | | | | ||||||
|
Манзил: |
| | | | | | | | ||||||
|
Банк, ҳ/р, банкнинг ФПМ, СТИР: |
| | | | | | | | ||||||
|
Телефон (факс) |
| | | | | | | | ||||||
|
20 __ йил ______________ ойидаги электр энергияси ва қуввати (актив, реактив) етказиб бериш | ||||||||||||||
|
Кўрсаткич ёзиб олинган сана — 20__йил «______» ________________ | ||||||||||||||
| Ҳисобга олиш прибори (ҳисоблагич)нинг завод рақами ва тури | Ҳисоблаш коэффициенти | Актив энергия кўрсаткичи | Актив энергия кўрсаткичидаги тафовут | Сарфи, кВт. соат | Амалдаги энг юқори қуввати кВт | Реактив энергия кўрсаткичи | Реактив энергия кўрсаткичидаги тафовут | Сарфи кВар. соат | Амалдаги энг юқори қуввати, кВАр | Изоҳ | ||||
| ток трансформатори бўйича (ТТ) | кучланиш трансформатори бўйича (ТН) | умумий | бошланғич | охирги | бошланғич | охирги | ||||||||
| 1 | 2 | 3 | 4=2х3 | 5 | 6 | 7=6-5 | 8=4х7 | 9 | 10 | 11 | 12=11-10 | 13=4х12 | 14 | 15 |
| | | | | | | | | | | | | | | |
| Жами | | | | | | | | | | | | | | |
| Тўлдириш тартиби: | | | | | | | | | | | | |||
|
1-устун — ҳисоблагичнинг (завод) рақами ва тури; | ||||||||||||||
|
2,3,4-устунлар — ток трансформатори ва кучланиш трансформатори параметрлари асосида белгиланадиган ҳисоблаш коэффициенти; | ||||||||||||||
|
5,6-устунлар— (актив) электр энергияси ҳисоблагичининг бошланғич ва охирги (кўрсаткич ёзиб олинган вақтда) кўрсаткичи; | ||||||||||||||
|
7,8-устунлар— кўрсаткичдаги тафовутни ҳисоблаш ва ҳар бир ҳисоблагич бўйича (актив) электр энергияси сарфи; | ||||||||||||||
|
9 - устун — энг кўп энергия талаб қилинадиган вақтда ҳисобга қабул қилинган амалдаги актив қуввати (юкламаси); | ||||||||||||||
|
10,11- устунлар— (реактив) электр энергияси ҳисоблагичининг бошланғич ва охирги (кўрсаткич ёзиб олинган вақтда) кўрсаткичи; | ||||||||||||||
|
12,13- устунлар — кўрсаткичдаги тафовутни ҳисоблаш ва ҳар бир ҳисоблагич бўйича (реактив) электр энергияси сарфи; | ||||||||||||||
|
14- устун— ҳисобга олинган амалдаги реактив қуввати (юкламаси); | ||||||||||||||
|
15- устун— изоҳ. | ||||||||||||||
|
1. Корхона раҳбари __________________ |
2. Ҳудудий электр тармоқлари |
| | | | | ||||||||
| | (Ф.И.О., имзо) | | | |
(Ф.И.О., имзо) |
| | | | | | |||
| | М.Ў. | | | | | | | | | | | | | |
| Корхонанинг электр хўжалиги учун масъул шахси |
____________________________________ |
| | | | |||||||||
| | | | | | |
(Ф.И.О., имзо) |
| | | | ||||
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
4-ИЛОВА
4-ИЛОВА
|
Истеъмол қилинган электр энергияси (қуввати) учун ҳисоб-китоб | ||||
|
20__йил ___________ойи _________ ҳисоби | ||||
|
Истеъмолчи__________________________________________________________ | ||||
|
(номи) | ||||
| ___________даги ______________рақамли шартнома_______________________ | ||||
| Манзили ____________________________________________________________ ____________________________________________________________________ | ||||
| Ҳисоб рақами___________________ СТИР _______________________________ | ||||
| Банк __________________________ банк коди ____________________________ | ||||
| Олувчи: _____________________________________________________________ | ||||
|
(номи) | ||||
| Олувчининг ҳисоб рақами ____________________СТИР____________________ | ||||
| Олувчининг банки _____________________ банк коди _____________________ | ||||
| Номи | Ўлчов бирлиги | Сарфи | Тарифи | Суммаси |
| Кўрсатилган қувват | кВт | | | |
| Амалдаги қувват | кВт | | | |
| Реактив қувват | кВар | | | |
| Ҳисоблагич рақами | кВт.соат (кВар. соат) | | | |
| …………… | кВт.соат (кВар. соат) | | | |
| Истеъмолчининг электр узатиш линиясидаги йўқотиш | % | | | |
| Трансформаторлардаги йўқотиш | % | | | |
| Истеъмолчининг жами йўқотишлари | кВт. соат | | | |
| Тарифлар бўйича жами | кВт. соат | | | |
| …………… | кВт. соат | | | |
| Амалдаги истеъмол | кВт. соат | | | |
| Шартномадаги миқдор | кВт. соат | | | |
| Жарималар (белгиланганидан ортиқча олиш, пенялар) | кВт. соат | | | |
| шу жумладан энергияни белгиланганидан ортиқча олиш бўйича | | | | |
| шу жумладан қувватни белгиланганидан ортиқча олиш бўйича | | | | |
| шу жумладан пенялар бўйича | | | | |
| жарималар бўйича тўлов учун жами | Сўм | | | |
| Жами кўрсатилган | кВар. соат | | | |
| Иқтисодий миқдори | кВар. соат | | | |
| Устама (чегириш) | кВар. соат | | | |
| Тўлов учун жами | Сўм | | | |
| ҚҚС билан суммаси | Сўм | | | |
| шу жумладан ҚҚС | Сўм | | | |
| _____________учун олдиндан тўлов | Сўм | | | |
| (ой) | | | | |
| Тўлов учун ҳаммаси | Сўм | | | |
| Ҳудудий электр тармоқлари корхонаси бухгалтери | _________________________ | | ||
| (Ф.И.О. ,имзо) | | |||
| Юридик шахслар билан ишлаш бўйича муҳандис | _________________________ | | ||
| | (Ф.И.О.,имзо) | | ||
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
5-ИЛОВА
5-ИЛОВА
ЭЛЕКТР ЭНЕРГИЯСИ УЧУН ҲИСОБ-КИТОБЛАР БЎЙИЧА ЙИҒМА АЙЛАНМА ВЕДОМОСТЬ
| т/р | Истеъмолчининг номи | ЖАМИ | Шу жумладан | ||||||||||||
| Давр бошидаги сальдо | Ҳисоблаб ёзилган | Тўланган | Давр охиридаги сальдо | Электр энергияси | |||||||||||
| Дебет | Кредит | Дебет | Кредит | Давр бошидаги сальдо | Ҳисоблаб ёзилган | Тўланган | Давр охиридаги сальдо | ||||||||
| Дебет | шу жумладан муддати ўтган | Кредит | Дебет | шу жумладан муддати ўтган | Кредит | ||||||||||
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 |
| | | | | | | | | | | | | | | | |
| т/р | Истеъмол-чининг номи | Шу жумладан | |||||||||||||||||
| Реактив энергия | Шартномавий миқдордан ошириш | Ўз вақтида тўланмаганлиги учун пеня | |||||||||||||||||
| Давр бошидаги сальдо | Ҳисоблаб ёзилган | Тўланган | Давр охиридаги сальдо | Давр бошидаги сальдо | Ҳисоблаб ёзилган | Тўланган | Давр охиридаги сальдо | Давр бошидаги сальдо | Ҳисоблаб ёзилган | Тўланган | Давр охиридаги сальдо | ||||||||
| Дебет | Кредит | Дебет | Кредит | Дебет | Кредит | Дебет | Кредит | Дебет | Кредит | Дебет | Кредит | ||||||||
| 1 | 2 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 |
| | | | | | | | | | | | | | | | | | | | |
| Тўлдириш тартиби: | ||
| 1-устун | — | тартиб рақами; |
| 2-устун | — | корхона (истеъмолчи)нинг номи; |
| 9-34 — устунлар | — | тегишли айланма ведомостлар маълумотлари бўйича тўлдирилади; |
| 3-устун | — | 9+17+23+29-устунлар суммаси; |
| 4-устун | — | 10+18+24+30-устунлар суммаси; |
| 5-устун | — | 11+19+25+31-устунлар суммаси; |
| 6-устун | — | 12+20+26+32-устунлар суммаси; |
| 7-устун | — | 13+21+27+33-устунлар суммаси; |
| 8-устун | — | 14+22+28+34-устунлар суммаси. |
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
5а-ИЛОВА
5а-ИЛОВА
ЭЛЕКТР ЭНЕРГИЯСИ БЎЙИЧА АЙЛАНМА ВЕДОМОСТЬ
|
20___ йил « ______________» учун | |||||||||||||||
|
(ой) | |||||||||||||||
| т/р | Истеъмол-чининг номи | Давр бошидаги сальдо | Ҳисобланган | Тўланган | Давр охиридаги сальдо | Олдиндан тўлов | |||||||||
| кВт. соат | дебет | шу жумладан муддати ўтган қарзлар | кредит | кВт. соат | сумма | кВт.ч | сумма | кВт.соат | дебет | шу жумладан муддати ўтган қарзлар | кредит | белгилан-ган | тўланган | ||
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 |
| | | | | | | | | | | | | | | | |
| Тўлдириш тартиби: | | |
| 1-устун | — | тартиб рақами; |
| 2-устун | — | корхона (истеъмолчи) номи; |
| 3 — 6-устунлар | — | давр бошидаги сальдо, кВт.соат, дебет (шу жумладан муддати ўтган қарзлар) ва кредит (сўмларда кўрсатилади); |
| 7, 8-устунлар | — | товар маҳсулотлар, кВт. соат ва сўмларда кўрсатилади; |
| 9, 10-устунлар | — | тўлангани — банк кўчирмалари, авизо асосида, протоколлар ва бошқа турдаги тўловлар бўйича пулларнинг тушиши: кВт. соат ва суммаси; |
| 11 — 14-устунлар | — | давр охиридаги сальдо, дебет (шу жумладан муддати ўтган қарзлар) ва кредит бўйича (сўмларда кўрсатилади); |
| 15-устун | — | олдиндан тўлаш учун белгиланган сумма; |
| 16-устун | — | амалда олдиндан тўланган сумма. |
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
6-ИЛОВА
6-ИЛОВА
|
20__йил ____________учун ____________________________________бўйича | ||||||||||
|
(корхонанинг номи) | ||||||||||
|
асосий фаолият бўйича товар маҳсулотлар ва бошқа даромадлар | ||||||||||
| Номи | Давр бошидаги қолдиқ | Берилган маҳсулот ҳажми | Тўланган | Давр охиридаги қолдиқ | ||||||
| минг кВт. соат | дебет | кредит | минг кВт. соат | суммаси | минг кВт. соат | сумма-си | минг кВт. соат | дебет | кредит | |
| 1 | 2 | 3 | 4 | 5 | 6 | 7 | 8 | 9 | 10 | 11 |
| 1. Асосий фаолият бўйича товар маҳсулотлар сотиш | | | | | | | | | | |
| Электр энергияси. Жами | | | | | | | | | | |
| шу жумладан: | | | | | | | | | | |
| етказиб берилган электр энергияси, шундан маиший истеъмолчиларга | | | | | | | | | | |
| ўзининг хўжалик эҳтиёжи учун фойдаланилган электр энергияси | | | | | | | | | | |
| 2. Бошқа операция даромадлари | | | | | | | | | | |
| Вазирлар Маҳкамасининг 2009 йил 22 августдаги 245-сон қарори бўйича жарималар | | | | | | | | | | |
| реактив энергия (қувват) истеъмоли учун чегирмалар (устамалар) | | | | | | | | | | |
| бошқалар (пенялар) | | | | | | | | | | |
| ЖАМИ (1+2) | | | | | | | | | | |
| Тўлдириш тартиби: | | |
| 1-устун | — | номи; |
| 2,3,4-устунлар | — | давр бошидаги қарзлар қолдиғи (минг кВт.соат, дебет, кредит); |
| 5,6-устунлар | — | етказиб берилган маҳсулот ҳажми (минг кВт.соат, сўм); |
| 7,8-устунлар | — | жорий ой учун тўлов суммаси (минг кВт.соат, сўм); |
| 9,10,11-устунлар | — | давр охиридаги қарзлар қолдиғи (минг кВт.соат, дебет, кредит). |
Баланс корхона раҳбари ва бош бухгалтери томонидан имзоланади ва корхона муҳри билан тасдиқланади. | ||
Электр энергияси истеъмолчилари ва ҳудудий электр тармоқлари корхоналари ўртасидаги ўзаро ҳисоб-китоблар тартиби тўғрисидаги Низомга
7-ИЛОВА
7-ИЛОВА
| Корхона балансига 2а-илова | |||||
| Корхона номи ______________________________________________________ | |||||
| Вилоят, шаҳар ______________________________________________________ | |||||
| ___________________________________________ тумани солиқ инспекцияси | |||||
| 20_____йил _______________даги ҳолати бўйича | |||||
|
| |||||
| | | | | |
(минг сўм) |
| Т/р | Вазирликлар, идоралар номи | Қарзлар суммаси, жами | Муддати ўтган қарзлар суммаси, жами | ||
| дебиторлик | кредиторлик | дебиторлик | кредиторлик | ||
| 1 | 2 | 3 | 4 | 5 | 6 |
| | | | | | |
| шу жумладан: | | |||||
| 3 ойдан 1 йилгача | 1 йилдан 3 йилгача | 3 йилдан ортиқ | | |||
| дебиторлик | кредиторлик | дебиторлик | кредиторлик | дебиторлик | кредиторлик | |
| 9 | 10 | 11 | 12 | 13 | 14 | |
| | | | | | | |
(3, 4, 5, 5а, 6, 7 ва 8-иловалар Ўзбекистон Республикаси Вазирлар Маҳкамасининг 2010 йил 7 апрелдаги 66-сонли қарорига асосан 3, 3а, 4, 5, 5а, 6 ва 7-иловалар билан алмаштирилган — ЎР ҚҲТ, 2010 й., 14-15-сон, 108-модда)
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2004 й., 44-сон, 460-модда; 2009 й., 52-сон, 560-модда; 2010 й., 6-7-сон, 53-модда, 14-15-сон, 108-модда; 2013 й., 45-сон, 589-модда; 2015 й., 1-сон, 9-модда; 2016 й., 34-сон, 405-модда; 2017 й., 9-сон, 131-модда, 22-сон, 425-модда, 33-сон, 864-модда, 29.12.2017 й., 09/18/1034/0502-сон; Қонун ҳужжатлари маълумотлари миллий базаси, 01.06.2018 й., 09/18/396/1287-сон, 21.09.2018 й., 09/18/748/2024-сон; 04.06.2020 й., 09/20/348/0716-сон; Қонунчилик маълумотлари миллий базаси, 18.10.2021 й., 06/21/6325/0972-сон; 05.04.2022 й., 09/22/153/0266-сон; 15.08.2023 й., 09/23/382/0612-сон; 25.10.2023 й., 09/23/560/0796-сон; 23.12.2024 й., 09/24/859/1047-сон; 16.12.2025 й., 09/25/791/1167-сон)
