|
Ҳужжат кучини йўқотган " " 16.06.2020
|
Ҳужжат 24.10.2001 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Телекоммуникациялар соҳасида фаолият кўрсатиш ҳуқуқи учун давлат божи миқдорларини тасдиқлаш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2020 йил 16 июндаги 384-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида («Давлат божи тўғрисида»ги Ўзбекистон Республикаси Қонуни)» қарорига асосан ўз кучини йўқотган.
«Фаолиятнинг айрим турларини лицензиялаш тўғрисида» ва «Телекоммуникациялар тўғрисида»ги Ўзбекистон Республикаси қонунларига, шунингдек Вазирлар Маҳкамасининг «Телекоммуникациялар ва почта алоқаси соҳасида бошқарув тизимини такомиллаштириш чора-тадбирлари тўғрисида» 2000 йил 22 ноябрдаги 458-сон қарорига мувофиқ Вазирлар Маҳкамаси қарор қилади:
1. Телекоммуникациялар соҳасида фаолият кўрсатиш ҳуқуқини берувчи лицензиялар берганлик учун давлат божи миқдорлари иловага мувофиқ тасдиқлансин.
2. Белгилансинки, телекоммуникациялар соҳасида фаолият кўрсатиш ҳуқуқини берувчи лицензиялар берганлик учун давлат божининг мазкур қарорга иловага мувофиқ миқдорлари 2001 йил 1 ноябрдан бошлаб кучга киради.
3. Вазирлар Маҳкамасининг «Транспорт ва алоқа соҳасида фаолият кўрсатиш ҳуқуқи учун давлат пошлинаси миқдорларини тасдиқлаш тўғрисида» 1997 йил 19 февралдаги 89-сон қарорига илованинг 5-бўлими (Ўзбекистон Республикаси ҚТ, 1997 й., 2-сон, 6-модда) ўз кучини йўқотган деб ҳисоблансин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н.Тўлаганов зиммасига юклансин.
Ўзбекистон Республикасининг Бош вазири Ў. СУЛТОНОВ
Тошкент ш.,
2001 йил 24 октябрь,
421-сон
Вазирлар Маҳкамасининг 2001 йил 24 октябрдаги 421-сон қарорига
ИЛОВА
ИЛОВА
Телекоммуникациялар соҳасида фаолият кўрсатиш ҳуқуқини берувчи лицензиялар берганлик учун давлат божи
МИҚДОРЛАРИ
|
Фаолият турлари |
Бож миқдорлари |
| Маҳаллий коммуникация тармоқларини лойиҳалаш, қуриш, фойдаланиш ва хизматлар кўрсатиш | 85 |
| Лойиҳалаш | 15 |
| Қуриш | 15 |
| Фойдаланиш | 30 |
| Хизматлар кўрсатиш | 30 |
| Шаҳарлараро коммуникация тармоқларини лойиҳалаш, қуриш, фойдаланиш ва хизматлар кўрсатиш | 430 |
| Лойиҳалаш | 30 |
| Қуриш | 60 |
| Фойдаланиш | 150 |
| Хизматлар кўрсатиш | 200 |
| Халқаро коммуникация тармоқларини лойиҳалаш, қуриш, фойдаланиш ва хизматлар кўрсатиш | 1900 |
| Лойиҳалаш | 200 |
| Қуриш | 400 |
| Фойдаланиш | 500 |
| Хизматлар кўрсатиш | 800 |
| Кўчма радиотелефон (уяли) алоқа тармоқларини лойиҳалаш, қуриш, фойдаланиш ва хизматлар кўрсатиш | 140000 |
| Лойиҳалаш | 200 |
| Қуриш | 400 |
| Фойдаланиш ва хизматлар кўрсатиш | 140000 |
| Шахсий чақирув (пейжинг, радиотелефон, транкли) алоқа тармоқларини лойиҳалаш, қуриш, фойдаланиш ва хизматлар кўрсатиш | 1650 |
| Лойиҳалаш | 200 |
| Қуриш | 400 |
| Фойдаланиш | 500 |
| Хизматлар кўрсатиш | 600 |
| Маълумотларни узатиш тармоқларини лойиҳалаш, қуриш, фойдаланиш ва хизматлар кўрсатиш | 1700 |
| Лойиҳалаш | 200 |
| Қуриш | 400 |
| Фойдаланиш | 300 |
| Хизматлар кўрсатиш: | |
| операторлар ва провайдерлар томонидан | 650 |
| умумий фойдаланиш пунктлари томонидан | 150 |
| Телерадиоэшиттиришларни тарқатиш тармоқларини лойиҳалаш, қуриш, фойдаланиш ва хизматлар кўрсатиш | 340 |
| Лойиҳалаш | 20 |
| Қуриш | 20 |
| Фойдаланиш | 150 |
| Хизматлар кўрсатиш | 150 |
Изоҳ:
Давлат божининг миқдори бир йилга, давлат божи тўланадиган кунда белгиланган энг кам ойлик иш ҳақининг миқдорига карраланган ҳолда ҳисоблаб белгиланган. Давлат божи лицензия бериладиган муддатга карраланган миқдорларда тўланади.
Кўчма радиотелефон (уяли) алоқа тармоқлари бўйича фаолият кўрсатиш учун лицензия олиш вақтида Ўзбекистон Республикаси Вазирлар Маҳкамасининг 2001 йил 22 ноябрдаги 458-сон қарорига мувофиқ давлат божини, башарти 15 йил муддатга бутун республика ҳудуди қамраб олинаётган бўлса, лицензиянинг амал қилиш даври мобайнида ҳар йили тенг улушлар билан тўлашга рухсат этилади. Бунда навбатдаги ҳар йиллик тўлов лицензиядан фойдаланиладиган навбатдаги йилнинг бошланишига қадар камида 30 кундан кечиктирмай тўланади, навбатдаги тўлов белгиланган муддатда тўланмаган ҳолда лицензиянинг амал қилиши тўхтатилади.
Кўчма радиотелефон (уяли) алоқа соҳасида республиканинг чекланган ҳудудида фаолият кўрсатиш учун лицензия олиш вақтида давлат божининг миқдори қамраб олинган ҳудуддаги аҳоли сонига пропорционал равишда ҳар мингта аҳоли бошига энг кам ойлик иш ҳақи миқдорининг 5,85 баравари ҳисобидан келиб чиқиб белгиланади.
Ўзбекистон Республикаси амалдаги қонун ҳужжатларига мувофиқ лицензиянинг амал қилиши муддатидан олдин тўхтатилган ёки бекор қилинган ҳолларда давлат божининг тўланмаган қисми лицензиат томонидан лицензиянинг амал қилиши тўхтатилган ёки бекор қилинган кундан эътиборан бир ой муддат ичида бир йўла тўланади.
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2001 й., 20-сон, 141-модда, 22-24-сон, 158-модда; 2006 й., 8-сон, 53-модда; 2007 й., 27-28-сон, 286-модда; 2012 й., 44-сон, 507-модда; Қонун ҳужжатлари маълумотлари миллий базаси, 29.12.2019 й., 09/19/1046/4242-сон)
