4. Ушбу Низомнинг 3-бандида қайд этилган маблағлар Қўмитанинг Ўзбекистон Республикаси Марказий банки бўлинмаларида очиладиган банк ҳисобрақамларида жамланади.

Кейинги таҳрирга қаранг.

3-боб. Жамғарма маблағларидан фойдаланиш

5. Жамғарма маблағлари:

мудофаа саноати комплексини қўллаб-қувватлаш, унинг салоҳиятини ривожлантириш ва ошириш, шунингдек, янги ишлаб чиқаришларни ташкил этиш бўйича дастурлар ва лойиҳаларни, шу жумладан инвестиция лойиҳаларини молиялаштиришга;

қурол-яроғ, ҳарбий техника ва ҳарбий-техник мулкни ишлаб чиқиш ҳамда модернизациялаш тадбирларини молиялаштиришга;

мудофаа саноати соҳасида илмий-тадқиқот ва тажриба-конструкторлик ишларини амалга оширишга;

ҳарбий ва икки хил мақсадда ишлатиладиган маҳсулотларни ишлаб чиқиш, ишлаб чиқариш, таъмирлаш, йўқ қилиш ва қайта ишлаш соҳасидаги лойиҳалар ҳамда тадбирларни амалга ошириш учун экспертлар, шу жумладан халқаро мутахассислар ишини ташкил этишга;

Қўмита кадрларини, жумладан, хорижий таълим муассасаларида қайта тайёрлаш ва уларнинг малакасини ошириш тадбирларига;

хорижий давлатлар ва халқаро ташкилотлар делегацияларининг Қўмита ваколатига тааллуқли масалалар бўйича Ўзбекистон Республикасига ташрифларини ташкил этишга;

семинарлар, давра суҳбатлари, конференциялар, амалий машғулотлар, тренинглар, Қўмитанинг профилактика ва бошқа тадбирларини ўтказишга;

Қўмита ходимларининг мамлакат ичида ва ташқарисида хизмат сафарларида бўлиш харажатларини тўлашга;

Қўмита ахборот-коммуникация технологияларига хизмат кўрсатиш ва уларни ривожлантириш, ахборот хавфсизлигини таъминлаш тадбирларини амалга оширишга;

Қўмитанинг Ташқи иқтисодий фаолият департаменти ходимларини таъминлашга;

Қўмита ижро этувчи аппарати ва унинг идоравий мансуб ташкилотлари моддий-техника базасини мустаҳкамлаш ҳамда ривожлантиришга;

Қўмита ходимларини моддий рағбатлантириш ва ижтимоий ҳимоя қилишга;

Қўмита фаолиятини яхшилашга қаратилган тадбирларга;

Қўмитанинг Ўзбекистон Республикаси Давлат бюджети маблағлари билан қопланмаган жорий харажатларига йўналтирилади.

Кейинги таҳрирга қаранг.

6. Жамғарма маблағларидан Ўзбекистон Республикаси Бош вазирининг мутасадди ўринбосарлари билан келишилган ҳолда қонунчиликда тақиқланмаган бошқа мақсадларда ҳам фойдаланиш мумкин.

7. Жамғарманинг 25 фоиздан ортиқ бўлмаган маблағлари Қўмита ва унинг идоравий мансуб ташкилотлари ходимларини моддий рағбатлантириш ва ижтимоий ҳимоя қилишга йўналтирилади.

Кейинги таҳрирга қаранг.

4-боб. Жамғарма маблағларини бошқариш

8. Жамғарманинг Қўмита раиси раҳбарлик қиладиган Кенгаши Жамғарма маблағларини бошқариш органи ҳисобланади.

Кейинги таҳрирга қаранг.

9. Жамғарма Кенгашининг шахсий таркиби Қўмита, унинг идоравий мансуб ташкилотлари вакилларидан шакллантирилади ва Қўмита ҳайъати томонидан тасдиқланади.

Кейинги таҳрирга қаранг.

10. Жамғарма кенгашининг мажлислари ҳар чоракда камида бир маротаба ўтказилади. Зарурат бўлганда, Жамғарма кенгашининг навбатдан ташқари мажлислари ҳам чақирилиши мумкин. Жамғарма Кенгаши мажлислари уларда Кенгашнинг камида уч аъзоси иштирок этганда ҳуқуқий ваколатли ҳисобланади.

11. Жамғарма Кенгаши қуйидаги вазифаларни амалга оширади:

ушбу Низомнинг 3-бандида қайд этилган Жамғармани шакллантиришнинг барча манбалари бўйича Жамғарманинг даромадлари ва харажатлари прогноз кўрсаткичларини тайёрлайди;

Жамғарма маблағларидан фойдаланиш учун устувор йўналишларни белгилайди;

Қўмита таркибий бўлинмалари ва идоравий мансуб ташкилотларнинг Жамғармадан олинган маблағлардан фойдаланилиши тўғрисидаги ҳисоботларини эшитади;

Кейинги таҳрирга қаранг.

Жамғарма даромадларининг прогноз кўрсаткичлари бажарилиши самарадорлигини таҳлил қилади ва маблағлар тушишига салбий таъсир кўрсатувчи камчиликларни бартараф этишга доир тегишли чоралар кўради;

тушумларни кўпайтириш ва Жамғарма маблағларидан самарали фойдаланиш бўйича таклифлар тайёрлайди;

ўз фаолияти доирасида бошқа масалалар юзасидан қарорлар қабул қилади.

12. Қўмитанинг Мудофаа саноати комплексини ривожлантириш жамғармасини бошқариш хизмати (кейинги ўринларда ишчи орган деб аталади) Жамғарма кенгашининг ишчи органи ҳисобланади ва у қуйидаги функцияларни амалга оширади:

Кейинги таҳрирга қаранг.

Жамғарма маблағларининг тушиши ва тақсимланишининг ҳисобини юритади;

Жамғарма даромадлари ва харажатлари сметасини тузади ҳамда Ўзбекистон Республикаси Молия вазирлигида рўйхатдан ўтказиш учун уни белгиланган тартибда тақдим этади;

Кейинги таҳрирга қаранг.

Жамғарма даромадлари ва харажатлари сметасида назарда тутилган тадбирларни молиялаштиради;