Ҳужжат кучини йўқотган " " 01.04.2017

Ҳужжат 10.11.2006 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

қарори

ТИЖОРАТ ФАОЛИЯТИ УЧУН МЎЛЖАЛЛАНГАН ТОВАРЛАРНИ ОЛИБ КЕЛУВЧИ ЮРИДИК ШАХС БЎЛМАГАН ЯККА ТАРТИБДАГИ ТАДБИРКОРЛАРНИ ДАВЛАТ РЎЙХАТИДАН ЎТКАЗИШ, ҲИСОБГА ҚЎЙИШ ВА ИМПОРТ ОПЕРАЦИЯЛАРИ СУБЪЕКТЛАРИНИНГ ҲИСОБГА ОЛИШ КАРТАЛАРИНИ БЕРИШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА

Кейинги таҳрирга қаранг.

Вазирлар Маҳкамасининг «Тижорат фаолияти учун мўлжалланган товарларни олиб келувчи жисмоний шахсларни рўйхатдан ўтказишни тартибга солиш чора-тадбирлари тўғрисида» 2004 йил 12 августдаги 387-сон қарорига мувофиқ Вазирлар Маҳкамаси қарор қилади:

1. Тижорат фаолияти учун товарларни олиб келувчи юридик шахс бўлмаган якка тартибдаги тадбиркорларни давлат рўйхатидан ўтказиш, ҳисобга қўйиш ва импорт операциялари субъектларининг ҳисобга олиш карталарини бериш тартиби тўғрисидаги низом 1-иловага мувофиқ тасдиқлансин.

Кейинги таҳрирга қаранг.

Олдинги таҳрирга қаранг.

2. Ўзбекистон Республикаси Давлат солиқ қўмитаси, жисмоний шахсларнинг буюм бозорларидаги тадбиркорлик фаолияти амалга оширилиши устидан қаттиқ назорат ўрнатсинлар, жисмоний шахсларга савдо ўринлари ноқонуний берилганлиги учун буюм бозорлари (савдо комплекслари)нинг раҳбарлари ва мансабдор шахсларини жиноий жазолашгача жавобгарликка тортсинлар.

(2-банд Ўзбекистон Республикаси Вазирлар Маҳкамасининг 2006 йил 10 ноябрдаги 235-сонли қарори таҳририда — Ўзбекистон Республикаси қонун ҳужжатлари тўплами, 2006 й., 46-47-сон, 458-модда)

Кейинги таҳрирга қаранг.

3. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

4. Мазкур қарорнинг бажарилишини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Вазирлар Маҳкамасининг Раиси И. КАРИМОВ

Тошкент ш.,

2004 йил 2 сентябрь,

413-сон

Вазирлар Маҳкамасининг
2004 йил 2 сентябрдаги 413-сон қарорига
1-ИЛОВА

Тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорларни давлат рўйхатидан ўтказиш, ҳисобга қўйиш ва импорт операциялари субъектларининг ҳисобга олиш карталарини бериш тартиби тўғрисидаги

Кейинги таҳрирга қаранг.

НИЗОМ

I. Умумий қоидалар

1. Мазкур Низом тижорат фаолияти учун мўлжалланган товарларни олиб келувчи юридик шахс бўлмасдан тадбиркорлик фаолияти билан шуғулланувчи жисмоний шахсларни (кейинги ўринларда матнда «якка тартибдаги тадбиркор» деб юритилади) давлат рўйхатидан ўтказиш, давлат солиқ хизмати органларида ҳисобга қўйиш ва импорт операциялари субъектларининг ҳисобга олиш карталарини бериш тартиби ва муддатини белгилаб беради.

Кейинги таҳрирга қаранг.

Мазкур Низомнинг амал қилиши қонун ҳужжатларида белгиланган тартибда фаолиятнинг бошқа турлари билан шуғулланувчи якка тартибдаги тадбиркорларга татбиқ этилмайди.

II. Якка тартибдаги тадбиркорларни давлат рўйхатидан ўтказиш ва уларни ҳисобга қўйиш

2. Якка тартибдаги тадбиркорни давлат рўйхатидан ўтказиш жисмоний шахснинг яшаш жойи бўйича унинг ўзи шахсан келгани ҳолда давлат солиқ инспекциясида амалга оширилади.

Кейинги таҳрирга қаранг.

3. Якка тартибдаги тадбиркор давлат рўйхатидан ўтказилганлиги учун рўйхатдан ўтказиш йиғими энг кам ойлик иш ҳақининг беш баравари миқдорида ундирилади, йиғимдан якка тартибдаги тадбиркорларни давлат рўйхатидан ўтказишга оид харажатларни қоплаш учун фойдаланилади.

Рўйхатдан ўтказиш йиғими қайтарилмайди.

Кейинги таҳрирга қаранг.

4. Якка тартибдаги тадбиркорни давлат рўйхатидан ўтказиш учун давлат солиқ инспекциясига (шахсан келиб) мазкур Низомга 1-иловага мувофиқ шакл бўйича якка тартибдаги тадбиркор томонидан ариза тақдим этилади.

Кейинги таҳрирга қаранг.

Давлат рўйхатидан ўтказиш тўғрисидаги аризага:

3х4 ўлчамли тўртта фотосурат;

рўйхатдан ўтказиш йиғими тўланганлигини тасдиқлайдиган тўлов ҳужжати;

Кейинги таҳрирга қаранг.

якка тартибдаги тадбиркорнинг яшаш жойи бўйича фуқароларнинг ўзини ўзи бошқариш органининг маълумотнома-тасдиқномаси;

муҳр ва штамп эскизлари уч нусхада илова қилинади.

Кейинги таҳрирга қаранг.

Ариза берилаётганда паспорт кўрсатилади.

Кейинги таҳрирга қаранг.

5. Давлат рўйхатидан ўтказиш ёки рўйхатдан ўтказиш рад этилиши сабаблари кўрсатилган қарор зарур ҳужжатлар илова қилинган ҳолда рўйхатдан ўтказиш тўғрисидаги ариза олинган кундан бошлаб уч кундан кечикмай давлат солиқ инспекцияси томонидан қабул қилинади.

6. Давлат солиқ инспекцияси жисмоний шахс томонидан давлат рўйхатидан ўтказиш тўғрисида ариза берилгандан кейин етти кун мобайнида унга:

мазкур Низомга 2-иловага мувофиқ шакл бўйича тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркор давлат рўйхатидан ўтганлиги тўғрисидаги гувоҳномани ёки ёзма равишдаги сабаблари кўрсатилган рад жавобини;

мазкур Низомга 3-иловага мувофиқ шакл бўйича тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорнинг рўйхатдан ўтиш (рухсат берувчи) тартиб-қоидалардан ўтиши карточкасини;

муҳр ва штамп тайёрлашга ички ишлар органининг рухсатномаси нусхасини эскизларнинг бир нусхаси билан биргаликда беради.

Кейинги таҳрирга қаранг.

7. Ариза берувчи (якка тартибдаги тадбиркор) давлат рўйхатидан ўтказилган пайтдан бошлаб бир ой мобайнида:

Олдинги таҳрирга қаранг.

Ўзбекистон Республикаси Ташқи иқтисодий алоқалар, инвестициялар ва савдо вазирлигида ва божхона органларида ташқи иқтисодий алоқалар қатнашчиси сифатида рўйхатдан ўтиши;

(7-банднинг иккинчи хатбоши Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й., 34—36-сон, 264-модда)

чакана савдо қилиш ҳуқуқини берадиган рухсатномани туман (шаҳар) ҳокимлигида белгиланган тартибда расмийлаштириши;

Кейинги таҳрирга қаранг.

тижорат банкида талаб қилиб олинадиган депозит ҳисоб рақами очиши шарт.

Кейинги таҳрирга қаранг.

8. Якка тартибдаги тадбиркор давлат рўйхатидан ўтганлиги тўғрисидаги гувоҳнома фақат барча зарур рўйхатдан ўтиш (рухсат берувчи) тартиб-қоидалардан ўтилгандан кейин олинадиган импорт операциялари субъектининг ҳисобга олиш картаси мавжуд бўлган тақдирда тадбиркорлик фаолиятини амалга ошириш учун асос ҳисобланади.

Кейинги таҳрирга қаранг.

9. Якка тартибдаги тадбиркорларнинг давлат рўйхатидан ўтганлиги тўғрисидаги маълумотлар давлат солиқ инспекцияси томонидан белгиланган шакл бўйича давлат реестрига киритилади.

10. Давлат солиқ инспекцияси давлат рўйхатидан ўтказилган кундан бошлаб уч кун мобайнида қонун ҳужжатларида белгиланган тартибда ва шакл бўйича ариза берувчининг яшаш жойидаги ички ишлар органларига маълумотларни тақдим этади.

11. Фаолият тури ўзгарган тақдирда якка тартибдаги тадбиркор тегишли давлат солиқ инспекциясига Давлат рўйхатидан ўтганлик тўғрисидаги гувоҳномани ва Импорт операциялари субъектининг ҳисобга олиш картасини топшириши зарур.

Кейинги таҳрирга қаранг.

12. Ариза берувчи (якка тартибдаги тадбиркор), зарурат бўлганда, ваколатли банкларда ва фойдаланиш ташкилотларида тадбиркорлик фаолиятини юритиш учун объектлар қуриш, уларни қайта ихтисослаштириш ва реконструкция қилиш ҳамда турар жойларни нотурар жойлар тоифасига ўтказиш учун зарур бўлган рухсат берувчи ҳужжатларни расмийлаштиради. Рухсат берувчи тартиб-қоидаларни расмийлаштириш учун якка тартибдаги тадбиркор туманлар (шаҳарлар) ҳокимликлари ҳузуридаги тадбиркорлик субъектларини рўйхатдан ўтказиш инспекциясига мурожаат қилиши мумкин.

Олдинги таҳрирга қаранг.

III. Ўзбекистон Республикаси Ташқи иқтисодий алоқалар, инвестициялар ва савдо вазирлигида рўйхатдан ўтиш тартиби

(III бўлим номи Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й., 34—36-сон, 264-модда)

Олдинги таҳрирга қаранг.

13. Жисмоний шахсни ташқи иқтисодий алоқалар қатнашчиси сифатида рўйхатдан ўтказиш Ўзбекистон Республикаси Ташқи иқтисодий алоқалар, инвестициялар ва савдо вазирлигида амалга оширилади.

(13-банд Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й., 34—36-сон, 264-модда)

Олдинги таҳрирга қаранг.

14. Ташқи иқтисодий алоқалар қатнашчиси сифатида Ташқи иқтисодий алоқалар, инвестициялар ва савдо вазирлигида рўйхатдан ўтиш учун қуйидаги ҳужжатлар тақдим этилади:

(14-банднинг биринчи хатбоши Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й., 34—36-сон, 264-модда)

рўйхатдан ўтказиш тўғрисида ариза (паспортга доир маълумотлар, манзиллар, алоқа қилинадиган телефонлар ва импорт қилинадиган маҳсулот номлари кўрсатилган ҳолда);

рўйхатдан ўтказиш йиғими тўланганлиги тўғрисидаги квитанция;

ариза берувчи (якка тартибдаги тадбиркор)нинг паспорти нусхаси;

давлат рўйхатидан ўтганлик тўғрисидаги гувоҳноманинг нотариал тасдиқланган нусхаси.

Кейинги таҳрирга қаранг.

15. Ташқи иқтисодий алоқалар агентлиги зарур тарзда расмийлаштирилган ҳужжатлар олинган санадан бошлаб уч иш куни мобайнида ташқи иқтисодий алоқалар қатнашчисини тегишли рўйхатдан ўтказиш тартиб рақами остида ташқи иқтисодий алоқалар қатнашчилари реестрига киритади ва унга импорт қилинадиган маҳсулотнинг номлари илова қилинган ҳолда белгиланган намунадаги рўйхатдан ўтганлик тўғрисидаги гувоҳномани беради (мазкур Низомга 4-илова) ёки сабабларини кўрсатган ҳолда рўйхатдан ўтказишни рад этади.

Кейинги таҳрирга қаранг.

16. Якка тартибдаги тадбиркор ташқи иқтисодий алоқалар қатнашчиси сифатида рўйхатдан ўтказилганлиги учун ариза берилган санада қонун ҳужжатларида белгиланган энг кам ойлик иш ҳақининг бир баравари миқдорда рўйхатдан ўтказиш йиғими ундирилади. Ушбу маблағлардан рўйхатдан ўтказувчи орган томонидан мустақил фойдаланилади ва ташқи иқтисодий алоқалар қатнашчиларини рўйхатдан ўтказиш бўйича харажатларни қоплашнинг манбаи ҳисобланади.

Кейинги таҳрирга қаранг.

17. Ташқи иқтисодий алоқалар қатнашчиси гувоҳномасининг асл нусхаси йўқотилганда йўқотганлик тўғрисидаги ариза асосида якка тартибдаги тадбиркорга дубликат берилади.

18. Ташқи иқтисодий алоқалар қатнашчиси гувоҳномасининг амал қилиш муддати — бир йил. Мазкур муддат тамом бўлгандан кейин Ташқи иқтисодий алоқалар қатнашчиси гувоҳномаси ҳақиқий ҳисобланмайди.

19. Зарур тарзда расмийлаштирилмаган ҳужжатлар тақдим этилган тақдирда, бу ҳужжатлар қайта расмийлаштириш учун ариза берувчига қайтарилади.

Кейинги таҳрирга қаранг.

IV. Якка тартибдаги тадбиркорларни божхона органларида рўйхатдан ўтказиш тартиби

20. Якка тартибдаги тадбиркор ташқи иқтисодий алоқалар қатнашчиси сифатида рўйхатдан ўтиш учун яшаш жойи бўйича давлат божхона хизматининг ҳудудий органларига қуйидаги ҳужжатларни тақдим этади:

доимий яшаш жойи манзили кўрсатилган ҳолда божхона органларида ташқи иқтисодий алоқалар қатнашчиси сифатида рўйхатдан ўтказиш тўғрисида ариза;

тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорнинг давлат рўйхатидан ўтганлиги тўғрисидаги гувоҳноманинг нусхаси;

ташқи иқтисодий алоқалар қатнашчисининг гувоҳномаси нусхаси;

Кейинги таҳрирга қаранг.

тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорнинг рўйхатдан ўтиш (рухсат берувчи) тартиб-қоидаларидан ўтиши карточкаси.

Кейинги таҳрирга қаранг.

21. Божхона органи икки кундан ортиқ бўлмаган муддатда (ҳужжатлар берилган кун бу ҳисобга кирмайди) тартиб рақами ва Ўзбекистон Республикаси Давлат божхона қўмитасининг ҳудудий бошқармалари масъул шахслари имзоси қўйилган тартиб рақами ва рўйхатдан ўтказиш санаси кўрсатилган якка тартибдаги тадбиркорнинг рўйхатдан ўтиш (рухсат берувчи) тартиб-қоидалари карточкасининг божхона белгилари қўйиш учун махсус ажратилган жойга рўйхатдан ўтказиш штампини босади.

22. Импорт қилинган товарларни божхонада расмийлаштириш учун якка тартибдаги тадбиркор қуйидаги ҳужжатларни тақдим этади:

юк божхона декларацияси;

Ўзбекистон Республикасидан чиқишда белгиланган тартибда расмийлаштирилган Т-6 шакл бўйича божхона декларацияси (нақд хорижий валюта ва/ёки йўл чеклари олиб чиқилишини тасдиқлаш учун);

Кейинги таҳрирга қаранг.

Ўзбекистон Республикасига киришда белгиланган тартибда расмийлаштирилган Т-6 шакл бўйича божхона декларацияси;

олиб кирилган товар қиймати олиб чиқилган нақд хорижий валюта ва/ёки йўл чеклари суммасидан кўпайиш томонга фарқ қилиши аниқланганда пул маблағлари олиш легитимлигини тасдиқловчи ҳужжат тақдим этилади;

Кейинги таҳрирга қаранг.

импорт операциялари субъектининг ҳисобга олиш картаси билан биргаликда тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорнинг давлат рўйхатидан ўтганлик тўғрисидаги гувоҳнома;

Кейинги таҳрирга қаранг.

ташқи иқтисодий алоқалар қатнашчиси гувоҳномаси;

транспорт ва товарга илова қилинадиган ҳужжатлар;

лицензия (лицензияланиши керак бўлган товарлар учун);

мувофиқлик сертификатлари (сертификатланиши шарт бўлган товарлар учун);

товарларнинг келиб чиқиш сертификатлари (унинг зарурлиги контрактда, олиб кириш мамлакатининг миллий қоидаларида қайд этилган ёки Ўзбекистон Республикасининг халқаро мажбуриятларида назарда тутилган ҳолларда);

фитосанитария ва карантин (ветеринария) сертификатлари (тегишли ҳолларда).

Кейинги таҳрирга қаранг.

V. Якка тартибдаги тадбиркор томонидан банк ҳисоб рақами очилиши ва ҳисоб рақами бўйича операциялар ўтказиш

23. Банк ҳисоб рақами очиш қонун ҳужжатларида белгиланган тартибда якка тартибдаги тадбиркор давлат рўйхатидан ўтказилган жой бўйича амалга оширилади.

24. Банк ҳисоб рақами очилгандан кейин тижорат банкининг бўлими томонидан рўйхатдан ўтиш (рухсат берувчи) тартиб-қоидаларидан ўтиш карточкасига тегишли белги қўйилади.

25. Якка тартибдаги тадбиркор ҳар куни импорт қилинган товар сотилишидан олинадиган тушумни хўжалик юритувчи субъектларнинг пул тушумини инкассация қилиш учун белгиланган тартибда тижорат банкларининг кассасига топширади.

26. Тижорат банки якка тартибдаги тадбиркор талабига кўра унинг ҳисоб рақамида нақд пул маблағи мавжуд бўлган тақдирда белгиланган тартибда нақд пул маблағлари беради.

27. Якка тартибдаги тадбиркор хорижий валютани қонун ҳужжатларида белгиланган тартибда тижорат банкларининг алмаштириш пунктларида сотиб олади. Хорижий валютани олиб чиқиш божхона ҳақидаги қонунларга мувофиқ амалга оширилади.

Кейинги таҳрирга қаранг.

VI. Чакана савдо қилиш ҳуқуқини берадиган рухсат берувчи ҳужжатларни расмийлаштириш тартиби

Кейинги таҳрирга қаранг.

28. Чакана савдо қилиш ҳуқуқини берадиган рухсат берувчи гувоҳнома якка тартибдаги тадбиркорга қонун ҳужжатларида белгиланган тартибда фаолият жойи бўйича туман (шаҳар) ҳокимлиги томонидан берилади.

29. Якка тартибдаги тадбиркор, унга берилган чакана савдо қилиш ҳуқуқини берадиган рухсатномада кўрсатилган савдо жойи ўзгарган тақдирда, бу ҳақда тегишли давлат солиқ инспекциясига ёзма равишда хабар бериши шарт.

Олдинги таҳрирга қаранг.

30. Рухсат гувоҳномасининг амал қилиши бир ҳафта мобайнида сотиш бўйича айланмалар мавжуд бўлмаганда ёки нақд пул тушуми инкассацияси қоидалари бузилган тақдирда, рухсатномани берган туман (шаҳар) ҳокимлигининг мурожаати бўйича суд тартибида ўн иш кунидан ортиқ бўлган муддатга, ўн иш кунидан ортиқ бўлмаган муддатга эса — ҳокимликнинг қарори бўйича тўхтатиб турилади. Давлат солиқ хизмати органининг хизмат кўрсатувчи банкнинг ахборотига асосланган тақдимномаси судга мурожаат қилиш ёки ҳокимлик томонидан тўхтатиб туриш тўғрисида қарор қабул қилиниши учун асос ҳисобланади

(30-банднинг биринчи хат боши Ўзбекистон Республикаси Вазирлар Маҳкамасининг 2006 йил 10 ноябрдаги 235-сонли қарори таҳририда— Ўзбекистон Республикаси қонун ҳужжатлари тўплами, 2006 й., 46-47-сон, 458-модда)

Якка тартибдаги тадбиркор товар учун республика ташқарисига чиққан тақдирда, у чет элда бўлган даврда рухсат берувчи гувоҳноманинг амал қилиши тўхтатиб турилишига йўл қўймаслик мақсадида якка тартибдаги тадбиркор тегишли давлат солиқ инспекциясини ёзма равишда хабардор қилиши зарур.

VII. Якка тартибдаги тадбиркорга давлат солиқ инспекцияси томонидан импорт операциялари субъектининг ҳисобга олиш картасини бериш

Кейинги таҳрирга қаранг.

31. Мазкур Низомга 5-иловага мувофиқ шакл бўйича импорт операциялари субъектининг ҳисобга олиш картаси якка тартибдаги тадбиркор томонидан тақдим этилган ва мазкур Низомга мувофиқ расмийлаштирилган рўйхатдан ўтиш (рухсат берувчи) тартиб-қоидаларидан ўтиш карточкаси асосида давлат солиқ инспекцияси томонидан уч кун мобайнида берилади.

Импорт операциялари субъектининг ҳисобга олиш картаси экспорт-импорт операцияларини амалга ошириш ҳуқуқини берадиган рухсатнома ҳисобланади.

32. Импорт операциялари субъектининг ҳисобга олиш картасининг фото нусхаси якка тартибдаги тадбиркорнинг давлат солиқ инспекциясидаги ҳужжатлар йиғма жилдида сақланади.

33. Импорт операциялари субъектининг ҳисобга олиш картаси якка тартибдаги тадбиркор давлат рўйхатидан ўтганлиги тўғрисидаги гувоҳнома билан бир хил серия ва тартиб рақамига эга бўлади.

34. Импорт операциялари субъектининг ҳисобга олиш картаси давлат рўйхатидан ўтказилган санадан бошлаб бир йил мобайнида, бироқ Ташқи иқтисодий алоқалар агентлиги томонидан берилган ташқи иқтисодий алоқалар қатнашчисининг гувоҳномаси амал қилиш муддатидан ортиқ бўлмаган муддатда амал қилади.

VIII. Якка тартибдаги тадбиркор томонидан импорт операцияларининг амалга оширилиши

35. Якка тартибдаги тадбиркор қонун ҳужжатларида белгиланган тартибда даромадлар ва товар операцияларини ҳисобга олиш регистрларида товар операциялари ҳисобини юритиши ва ҳар ойда Ўзбекистон Республикаси Молия вазирлиги билан келишилган Давлат солиқ қўмитаси томонидан белгиланадиган шакл бўйича олиб келинган товарларнинг ҳаракати тўғрисида ҳисобот тақдим этиши шарт.

36. Якка тартибдаги тадбиркорларга импорт операциялари субъектининг ҳисобга олиш картаси олинган кундан бошлаб қонун ҳужжатларида белгиланган тартибда солиқ солинади.

Кейинги таҳрирга қаранг.

IX. Якка тартибдаги тадбиркорларнинг ҳисобга олиш регистрини юритиш

37. Якка тартибдаги тадбиркорларнинг ҳисобга олиш регистри давлат солиқ хизмати органлари томонидан юритилади.

Якка тартибдаги тадбиркорларнинг ҳисобга олиш регистрида улар томонидан тақдим этилган ҳисоботлар асосида:

содир этилган импорт операциялари;

бюджетга тегишли тўловлар;

олиб келинган товарларнинг ҳаракати тўғрисидаги маълумотлар назарда тутилади.

X. Ҳуқуқни муҳофаза қилувчи ва назорат органларининг ўзаро муносабатлари

38. Ўзбекистон Республикаси Давлат солиқ қўмитаси ҳар ўн кунда Ўзбекистон Республикаси Давлат божхона қўмитасига тижорат фаолияти учун мўлжалланган товарларни олиб келувчи юридик шахс бўлмасдан якка тартибдаги тадбиркорлар сифатида давлат рўйхатидан ўтган ҳамда ўз фаолиятини тўхтатган (ёки вақтинча тўхтатган) тадбиркорлар тўғрисидаги ахборотни тақдим этади.

Кейинги таҳрирга қаранг.

39. Ўзбекистон Республикаси Давлат божхона қўмитаси ҳисобот ойидан кейинги ойининг 15-кунигача ҳар ойда Ўзбекистон Республикаси Давлат солиқ қўмитасига тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорлар томонидан олиб келинган ва олиб чиқилган товарлар ҳажми тўғрисида шахсларга доир ахборотни тақдим этади.

XI. Мазкур Низом бузилганлиги учун жавобгарлик

40. Мазкур Низом талаблари бузилганлиги учун маҳаллий давлат ҳокимияти органлари ва давлат бошқаруви органларининг мансабдор шахслари қонун ҳужжатларига мувофиқ жавоб берадилар.

41. Ариза берувчи (якка тартибдаги тадбиркор) давлат органларининг қарорларидан, уларнинг мансабдор шахсларининг ноқонуний хатти-ҳаракатларидан (ҳаракатсизлигидан) норози бўлган ёки рўйхатдан ўтказиш, ҳисобга қўйиш ва импорт операциялари субъектининг ҳисобга олиш картасини бериш муддатлари бузилган тақдирда белгиланган тартибда юқори турувчи органларга ёхуд судга мурожаат қилишга ҳақлидир.

Кейинги таҳрирга қаранг.

42. Тадбиркорлик фаолиятини юритиш тартиби, солиқ ҳақидаги қонунлар, савдо қоидалари, касса операциялари қоидалари ва нақд пул маблағлари айланиши қоидалари ҳамда мазкур Низом талаблари бузилган тақдирда якка тартибдаги тадбиркорларга нисбатан молиявий жазолар қўлланилади ҳамда улар қонун ҳужжатларига мувофиқ маъмурий ва жиноий жавобгарликка тортиладилар.

Кейинги таҳрирга қаранг.

43. Чакана савдо қилиш ҳуқуқини берадиган рухсатномаларга эга бўлмаган жисмоний шахсларга савдо ўринлари берилган тақдирда буюм бозорларига, савдо комплексларига (ташкилотларга) ва бошқа юридик шахсларга нисбатан молиявий жазолар қўлланилади, уларнинг мансабдор шахслари эса қонун ҳужжатларига мувофиқ жавобгарликка тортиладилар.

Кейинги таҳрирга қаранг.

‎	_____________________________________________‎
‎	^{(рўйхатдан ўтказувчи солиқ органининг номи)‎}
‎	туманининг давлат солиқ инспекцияси бошлиғи‎
‎	________________________________________га‎
‎	^{(ДСИ бошлиғининг Ф.И.О.)‎}
‎	_______________________________________дан‎
‎	(ариза берувчининг Ф.И.О.)‎
‎‎ ‎ ‎АРИЗА‎ ‎
‎‎200__йил «___»_______гача бўлган муддатга тижорат фаолияти учун мўлжалланган товарларни олиб ке-лувчи сифатида юридик шахс бўлмасдан якка тартибдаги тадбиркорлик фаолияти билан шуғулланиш учун давлат рўйхатидан ўтказишингизни илтимос қиламан. ‎
‎‎ ‎Ўзим ҳақимда қуйидагиларни маълум қиламан:‎
‎‎Паспорт: серия ________________________ № ____________________ ____________________ томонидан ‎______________________________________________ да берилган ‎Уй манзили ________________________________________________________________________________ ‎__________________________________________ телефон рақами __________________________________ ‎
‎‎Аризага қуйидаги ҳужжатларни илова қиламан:‎
‎‎1.__________________________________________________________________________________________ 2‎.__________________________________________________________________________________________ ‎3.__________________________________________________________________________________________ 4‎.__________________________________________________________________________________________ ‎5.__________________________________________________________________________________________‎
‎ ‎_______________________‎	‎ ‎____________________________________________‎
^{(сана)‎}	^{(ариза берувчининг имзоси)‎}
________________________________________‎	___________________________________________‎
^{(ариза қабул қилинган сана)‎}	(рўйхатдан ўтказувчи орган масъул ‎ходимининг имзоси)‎

‎	‎	‎
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИ ‎
‎	‎	‎
‎Тижорат фаолияти учун мўлжалланган товарларни олиб келувчи ‎юридик шахс бўлмаган якка тартибдаги тадбиркор давлат ‎рўйхатидан ўтказилганлиги тўғрисида ‎ГУВОҲНОМА*
№____________‎	2004 йил «..........»‎______________________‎
‎‎___________________________________________________________________________________________
^{‎‎(якка тартибдаги тадбиркорнинг Ф.И.О.)}
‎‎Солиқ тўловчининг идентификация рақами _____________________________________________________
‎‎Паспорт: серия _________________ № __________________________________________ ______________ ‎_________________________________________________________________________________томонидан ‎________________________________________________________________________________да берилган
‎	‎	‎
‎‏ ‎‏ Фотосурат ‎ўрни ‎‏ ‎‏ ‎‏ ‎	‎‎___________________________________________________ туман (шаҳар) ДСИ бошлиғи‎
	‎‎____________________________________________________________________________‎
	^{‎‎(Ф.И.О.)‎}
	‎‎________________________200..........й. «...........» _____________________________ М.Ў.‎
	^{(имзо) ‎}	^{(сана)‎}
	‎‎200.......... й. «.............» ____________________________________ гача ҳақиқийдир‎
‎	‎	‎
‎‎ ‎ ‎________________

*‎‎Импорт операциялари субъектининг ҳисобга олиш картасисиз фаолиятни амалга ошириш учун асос ‎‎бўлиб хизмат қилмайди.

Кейинги таҳрирга қаранг.

Тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорнинг рўйхатдан ўтиш (рухсат берувчи) тартиб-қоидалардан ўтиши ___- сон карточкаси

‎	‎	‎
‎‎__________________________ туман (шаҳри) давлат солиқ‎		Сана: __________ ‎
‎‎инспекцияси томонидан ____________________________________________________________________
га берилди‎	^{‎‎(якка тартибдаги тадбиркорнинг Ф.И.О.)‎}
Паспорт: серия ______________ ‎	№__________________________‎	_____________________________‎
‎‎томонидан_______________________________________________________________________________да ‎берилган
‎‎Солиқ тўловчининг идентификация рақами _____________________________________________________
‎‎Фаолият тури: чакана савдо қилиш ҳуқуқи билан экспорт-импорт операциялари
‎1. Ўзбекистон Республикаси Ташқи иқтисодий алоқалар агентлигида ташқи иқтисодий алоқалар қатнашчиси сифатида рўйхатдан ўтказилган ва 200 ___ «__» ____________ гача муддатга гувоҳнома берилган‎‎
_____________________________‎	‎	_____________________________‎
^(Ф.И.О.)	‎	^{(имзо)‎‎}
‎‎№ ____________________________________ 200_ й. «___» ___________________________________ МЎ
‎‎‎2. Ўзбекистон Республикаси Давлат божхона қўмитасида ташқи иқтисодий алоқалар қатнашчиси сифатида рўйхатдан ўтказилган
‎_____________________________‎	‎	_____________________________‎ ‎
^{(Ф.И.О.) ‎}	‎	^{(имзо)‎‎ ‎}
‎‎‎‎№ ____________________________________ 200_ й. «___» ___________________________________ МЎ
‎3.___________________________________________‎‎тижорат банкида		‎____________________________‎
^{(тижорат банкининг номи)‎}	‎	‎
ҳисоб рақами очилган ‎ ‎_____________________________	‎	банк коди ‎____________________ ‎_____________________________
^{(бошқарувчининг Ф.И.О. )}	‎	^{(имзо)‎‎}
‎‎‎‎‎‎№ ____________________________________ 200_ й. «___» ___________________________________ МЎ
‎‎ ‎4. _______________________________________ да ____________________________ билан савдо қилиш
^{(савдо қилинадиган жой)}	^{(товарлар тури)‎‎}	‎
ҳ‎уқуқини берадиган рухсатнома ________________________________________________ туман (шаҳар) ҳокимлиги томонидан берилган.
‎_____________________________‎ ‎	‎	_____________________________‎ ‎‎
^{(Ф.И.О.) ‎ ‎}	‎	^{(имзо)‎‎ ‎}
‎‎‎‎‎‎‎‎№ _________________________ 200_ й. «___» ___________
‎‎_____________________________________ карточкаси _________________________________ да олинди
^{(якка тартибдаги тадбиркорнинг Ф.И.О.)}	‎	^{(сана)‎ ‎ ‎}
‎‎ДСИ бошлиғи __________________________________________ _______________________________ МЎ
‎	^(Ф.И.О.)	^{(имзо)‎‎}

Кейинги таҳрирга қаранг.

‎	‎	‎
Ozbekiston Respublikasi ‎Tashqi iqtisodiy aloqalar ‎agentligi ‎	‎	Agency for foreign ‎economic relations of the ‎Republic of Uzbekistan ‎
‎ ‎ G U V O H N O M A ‎C E R T I F I C A T E ‎

‎‎
‎ Ushbu guvohnoma ‎This certificate was issued on ‎ ‎ 200______________ y. «_______» _______________________________________da berildi. ‎
‎ ‎ ‎Tashqi iqtisodiy aloqalar qatnashchisi Ozbekiston Respublikasi Reyestriga
‎Participant of foreign economic relations was included into the Registry of the Republic of Uzbekistan under registered number
‎‎ ‎_____________________________ - son boyicha kiritildi.
‎Guvohnomani qollash muddati ‎The certificate is valid till ‎	‎	‎
‎‎ ‎200........... y. «_______»___________________________________________________ gacha haqiqiydir.
‎	‎	(imzo, M.O.)‎
‎ ‎ ‎ ‎ ‎ ‎ ‎‎	‎	‎
Ozbekiston Respublikasi ‎Tashqi iqtisodiy aloqalar ‎agentligi ‎	‎	Agency for foreign ‎economic relations of the ‎Republic of Uzbekistan ‎
‎	‎	‎

Кейинги таҳрирга қаранг.

Ташқ иқисодий алоқлар қтнашчисининг 200 __йил _________ даги ____-сон гувоҳомасига
ИЛОВА

Ташқи иқтисодий алоқалар қатнашчиси сифатида рўйхатдан ўтказилган жисмоний шахс томонидан импорт қилинадиган маҳсулотлар

НОМИ

Т/р	Товарнинг номи‎	ТИФТН бўйича товарнинг коди‎
‎	‎	‎
‎	‎	‎
‎	‎	‎
‎	‎	‎
‎	‎	‎
‎	‎	‎
‎	‎	‎
‎	‎	‎
‎	‎	‎

Кейинги таҳрирга қаранг.

Ўзбекистон Республикаси Давлат солиқ қўмитаси Импорт операциялари субъектининг

ҲИСОБГА ОЛИШ КАРТАСИ*

Олдинги таҳрирга қаранг.

‎	‎	‎	‎
‎‎№ ________________ 2004 й. «___» __________________________2004 й.
‎____________________________________________________________________________‎‎			‎‏ ‎‏Фотосурат ‎ўрни ‎
^{‎‎(Якка тартибдаги тадбиркорнинг Ф.И.О.)}
‎Солиқ тўловчининг инентификация рақами ______________________________________‎‎
‎Фаолият тури: чакана савдо қилиш ҳуқуқи билан экспорт-импорт операциялари ‎‎
‎‎1. Ўзбекистон Республикаси Ташқи иқтисодий алоқалар, инвестициялар ва савдо вазирлигида 200__ йил _____________ да -сон билан ташқи иқтисодий алоқалар қатнашчиси сифатида рўйхатдан ўтказилган
‎‎2. Ўзбекистон Республикаси Давлат божхона қўмитасида 200__ йил _________ да -сон билан ташқи иқтисодий алоқалар қатнашчиси сифатида рўйхатдан ўтказилган
‎‎3. ________________________________________________ бўлимида _____________________-сон ҳисоб
^{(тижорат банки номи)‎}	‎	‎	‎
рақами очилган‎	_________________________‎	‎	‎
‎	Код‎	‎	‎
‎‎4.______________________________________________ да ___________________________ билан чакана
^{(савдо қилинадиган жой)}	‎	^{(товарлар тури)‎‎}	‎
‎‎савдо қилиш ҳуқуқини берадиган рухсатнома _________________________________________________ туман (шаҳар) ҳокимлиги томонидан берилган
‎‎200___йил «___» ___________ № _______________ ‎Ҳисоб картасининг амал қилиш муддати якка тартибдаги тадбиркор давлат рўйхатидан ўтказилган кундан бошлаб 1 йил ‎______________________________________________ туманининг ДСИ бошлиғи _____________________
‎	‎	‎	^{(Ф.И.О.)‎}
_____________________________‎	____________________________‎	‎	‎
^{‎(имзо)}	^{(сана)‎}	‎	‎

‎‎* Импорт операциялари субъектининг ҳисобга олиш картаси Якка тартибдаги тадбиркор давлат рўйхатидан ўтганлиги тўғрисидаги гувоҳномасиз фаолиятни амалга ошириш учун асос бўлиб хизмат қилмайди.

(5-илованинг 1-банди Ўзбекистон Республикаси Вазирлар Маҳкамасининг 8 сентябр 2005 й., 206-сонли қарори таҳририда— Ўзбекистон Республикаси Қонун ҳужжатлари тўплами, 2005 й., 34-36-сон, 264-модда)

Кейинги таҳрирга қаранг.

Вазирлар Маҳкамасининг
2004 йил 2 сентябрдаги 413-сон қарорига
2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг «Юридик ва жисмоний шахсларни рўйхатдан ўтказишни ҳамда улар томонидан савдо фаолияти амалга оширилишини тартибга солиш чора-тадбирлари тўғрисида» 2002 йил 26 ноябрдаги 407-сон қарорида (Ўзбекистон Республикаси ҚТ, 2002 й., 11-сон, 71-модда):

а) қарорнинг 2-банди биринчи хатбоши қуйидаги таҳрирда баён қилинсин:

«Белгилансинки, буюм бозорларида импорт истеъмол товарлари билан чакана савдо қилиш тижорат фаолияти учун мўлжалланган товарларни олиб келувчи юридик шахс бўлмаган якка тартибдаги тадбиркорлар сифатида белгиланган тартибда рўйхатдан ўтказилган ҳамда «эркин муомалага чиқариш» режимида расмийлаштирилган юк божхона декларацияси, мувофиқлик сертификатлари мавжуд бўлганда, божхона тўловлари ва бошқа мажбурий тўловлар тўланганда импорт операциялари субъектининг ҳисобга олиш картасига эга бўлган жисмоний шахслар томонидан амалга оширилиши мумкин»;

б) Улгуржи ва чакана савдо фаолиятини рўйхатдан ўтказиш ва амалга ошириш тартиби тўғрисидаги низомда:

26 ва 37-бандлар қуйидаги мазмундаги хатбоши билан тўлдирилсин:

«Якка тартибдаги тадбиркорнинг ўзи томонидан импорт қилинган товарларни сотишда рухсат берувчи гувоҳнома фақат рўйхатдан ўтказиш жойи бўйича давлат солиқ инспекцияси томонидан берилган импорт операциялари субъектининг ҳисобга олиш картаси мавжуд бўлганда ҳақиқийдир»;

40-банд қуйидаги мазмундаги хатбоши билан тўлдирилсин:

«Бунда тижорат мақсадида олиб келинган товарларни сотувчи якка тартибдаги тадбиркорлар кунлик тушумни белгиланган тартибда банк муассасаларининг кассасига топшириши шарт»;

41-бандда «ҳамда унинг» сўзларидан кейин «рўйхатдан ўтказиш жойи бўйича давлат солиқ инспекцияси томонидан берилган импорт операциялар субъектининг ҳисобга олиш картасига, шунингдек» сўзлари қўшилсин;

46-банд қуйидаги мазмундаги банд билан тўлдирилсин:

«46. Буюм бозорларида чакана савдони амалга ошираётган ва юридик шахс бўлмасдан якка тартибдаги тадбиркор сифатида давлат солиқ инспекциясида давлат рўйхатидан ўтмаган, тадбиркорлик фаолияти учун товарлар олиб келаётган якка тартибдаги тадбиркор сотадиган жойларда импорт товарлар мавжуд бўлиши қонун ҳужжатларига мувофиқ жавобгарлик чоралари қўлланилган ҳолда давлат рўйхатидан ўтказилмаган фаолият сифатида қаралади»;

46 ва 47-бандлар тегишли равишда 47 ва 48-бандлар деб ҳисоблансин.

2. Вазирлар Маҳкамасининг 2003 йил 20 августдаги 357-сон қарори (Ўзбекистон Республикаси ҚТ, 2003 й., 8-сон, 72-модда) билан тасдиқланган Тадбиркорлик субъектларини давлат рўйхатидан ўтказиш, ҳисобга қўйиш ва рухсат берувчи ҳужжатларни расмийлаштириш тартиби тўғрисидаги низомда:

1-банд қуйидаги мазмундаги хатбоши билан тўлдирилсин:

«Юридик шахс бўлмасдан якка тартибдаги тадбиркорлар сифатида тижорат фаолияти учун мўлжалланган товарларни олиб келиш ниятидаги жисмоний шахсларни давлат рўйхатидан ўтказиш тартиби ва муддатлари Вазирлар Маҳкамаси томонидан тасдиқланадиган алоҳида Низом билан тартибга солинади»;

7-банднинг тўртинчи хатбошида «вилоятлар адлия бошқармаларида» сўзларидан кейин «туманлар (шаҳарлар) давлат солиқ инспекцияларида» сўзлари қўшилсин.