7. Давлат мактабгача таълим муассасалари ходимларига малака тоифалари бериш Вазирлар Маҳкамасининг 2016 йил 7 апрелдаги 107-сон қарори билан тасдиқланган Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрларини аттестациядан ўтказиш тартиби тўғрисида низомга мувофиқ амалга оширилади.

Кейинги таҳрирга қаранг.

3-боб. Давлат мактабгача таълим муассасалари ходимларининг лавозим маошларига қўшимчалар ва устамалар

Кейинги таҳрирга қаранг.

8. Давлат мактабгача таълим муассасаларининг ўз хизмат вазифаларини виждонан бажарган, ташаббускор ва юқори малакали ходимларини моддий рағбатлантириш давлат мактабгача таълим муассасаларида ташкил этиладиган Бюджет муассасалари ва ташкилотлари ходимларини моддий рағбатлантириш махсус жамғармаси маблағлари ҳисобидан амалга оширилади.

Кейинги таҳрирга қаранг.

Олдинги таҳрирга қаранг.

9. Жисмоний ёки психик ривожланишида нуқсони бўлган болалар учун ихтисослаштирилган давлат мактабгача таълим ташкилотларининг директор, педагог ва тиббиёт ходимларининг лавозим маошлари ва базавий тариф ставкаларига 100 фоиз миқдорида, тарбиячи ёрдамчиларига эса 50 фоиз миқдорида қўшимча тўлов тўланади.

(9-банд Ўзбекистон Республикаси Вазирлар Маҳкамасининг 2021 йил 20 майдаги 320-сонли қарори таҳририда — Қонунчилик маълумотлари миллий базаси, 21.05.2021 й., 09/21/320/0482-сон)

Кейинги таҳрирга қаранг.

10. Район коэффициентлари ва устамалар жорий қилинган жойлардаги давлат мактабгача таълим муассасаларида ишловчи ходимларга қўшимча тўловлар, шунингдек, фахрий унвон, илмий даражалар учун устамалар тўлаш шартлари қонун ҳужжатларида белгиланади.

Кейинги таҳрирга қаранг.

4-боб. Давлат мактабгача таълим муассасаларида меҳнатни нормалаштиришни ташкил этиш

Кейинги таҳрирга қаранг.

11. Давлат мактабгача таълим муассасалари педагог ходимлари меҳнатини нормалаштириш давлат мактабгача таълим муассасаларининг йиллик, чораклик ва ойлик иш режаларига асосланади.

Кейинги таҳрирга қаранг.

Йиллик иш режаси тарбиявий ва ташкилий тусдаги асосий тадбирларни бажариш учун зарур бўлган иш вақти сарфи кўрсатилган ҳолда уларнинг рўйхатини ўз ичига олади.

Олдинги таҳрирга қаранг.

12. Давлат мактабгача таълим ташкилотида педагог ходимлар учун ҳафталик иш юкламасининг қуйидаги миқдорлари белгиланади:

Кейинги таҳрирга қаранг.

тил бўйича ўқитувчи — 18 соат;

ўқитувчи-логопед, ўқитувчи-дефектолог — 24 соат;

кўп тармоқли ихтисослаштирилган мактабгача таълим ташкилотларининг тарбиячиси, тарбиячи-методисти — 25 соат;

Кейинги таҳрирга қаранг.

тарбиячи, тарбиячи-методист — 36 соат;

кўп тармоқли ихтисослаштирилган мактабгача таълим ташкилотларининг ёрдамчи тарбиячиси — 36 соат;

Кейинги таҳрирга қаранг.

жисмоний тарбия йўриқчиси — 30 соат;

мусиқа ходими, хореограф — 24 соат.

(12-банд Ўзбекистон Республикаси Вазирлар Маҳкамасининг 2020 йил 9 мартдаги 135-сонли қарори таҳририда — Қонун ҳужжатлари маълумотлари миллий базаси, 10.03.2020 й., 09/20/135/0273-сон)

13. Йиллик иш режаси ҳар бир педагог ходим учун якка тартибда белгиланади ва кенгайтирилган педагогик кенгашда муҳокама қилингандан кейин давлат мактабгача таълим муассасаси мудири томонидан тасдиқланади.

Иш режаларининг бажарилишини назорат қилиш давлат мактабгача таълим муассасаси мудири томонидан амалга оширилади.

Кейинги таҳрирга қаранг.

14. Давлат мактабгача таълим муассасасида педагог ходимларнинг ҳафталик иш юкламаси ишнинг ушбу тури бўйича иш вақти нормал давом этишининг 1,5 бараваридан ортиқ бўлмаслиги лозим.

Кейинги таҳрирга қаранг.

15. Давлат мактабгача таълим муассасасининг ҳар бир ходими иш режаси бажарилиши тўғрисида педагогик кенгашда ярим йилда камида бир марта ҳисобот беради.

Кейинги таҳрирга қаранг.

5-боб. Якунловчи қоида

16. Мазкур Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Кейинги таҳрирга қаранг.

Давлат мактабгача таълим тизими ходимлари меҳнатига ҳақ тўлаш ва уларни моддий рағбатлантириш тартиби тўғрисида низомга
ИЛОВА

Давлат мактабгача таълим тизими ходимлари меҳнатига ҳақ тўлашнинг базавий тариф ставкалари

МИҚДОРЛАРИ

Олдинги таҳрирга қаранг.

Давлат мактабгача таълим тизими ходимлари меҳнатига ҳақ тўлашнинг базавий тариф ставкалари

МИҚДОРЛАРИ

Кейинги таҳрирга қаранг.

I. Давлат мактабгача таълим тизими педагог ходимлари:
Т/р	Лавозим номи	Базавий тариф ставкаси миқдори (сўм)
Т/р	Лавозим номи	олий малака тоифали	биринчи малака тоифали		иккинчи малака тоифали	олий маълумотли	ўрта махсус (касб-ҳунар) маълумотли
1.	Қорақалпоғистон Республикаси Мактабгача таълим вазирлиги, Тошкент шаҳар мактабгача таълим бош бошқармаси, вилоятлар мактабгача таълим бошқармалари методистлари, инспектор-методистлари	1 905 340	1 796 024		1 681 867	1 570 548	х
2.	Туман (шаҳар) мактабгача таълим бўлимларининг методистлари	1 754 102	1 590 760		1 489 903	1 391 628	х
3.	Олий маълумотли: тайёргарлик (5 ёшдан 6-7 ёшгача) гуруҳи тарбиячилари, тил ўқитувчилари, ўқитувчи-дефектолог, ўқитувчи-логопед, психологлар	2 095 874	1 975 627		1 850 054	1 727 603	х
4.	Мактабгача таълим ташкилоти ўқитувиси (3-банддагидан ташқари)	1 620 021	1 510 347		1 403 920	х	1 203 660
5.	Тарбиячи-методист, тарбиячи (олий маълумотли тайёргарлик (5 ёшдан 6-7 ёшгача) гуруҳи тарбиячиларидан ташқари)	1 510 347	1 403 920		1 301 738	1 203 660	1 111 444
6.	Мусиқа ходими, хореограф, барча ихтисосликлар йўриқчилари	1 329 081	1 222 677		1 120 510	1 023 015	930 302
7.	Олий ёки ўрта махсус, касб-ҳунар педагогик маълумотли тарбиячи ёрдамчиси	1 014 333
8.	Олий, ўрта махсус, касб-ҳунар нопедагогик маълумотли ва умумий ўрта маълумотли тарбиячи ёрдамчиси	845 278
II. Туман (шаҳар) мактабгача таълим бўлимлари ходимлари:
Т/р	Лавозим номи			Базавий тариф ставкалари миқдорлари (сўм)
Т/р	Лавозим номи			I гуруҳ		II гуруҳ	III гуруҳ
1.	Мудир			2 327 553		2 188 680	2 051 955
2.	Мудир ўринбосари, шуъба мудири			1 919 166		1 788 525	1 660 748
3.	Кадрлар бўйича мутахассис, жисмоний ва юридик шахсларнинг мурожаатлари билан ишлаш бўйича мутахассис, ахборот-коммуникация технологиялари бўйича мутахассис			1 107 135		1 022 197	1 022 197

Туман (шаҳар) мактабгача таълим бўлимларининг гуруҳлари мактабгача таълим ташкилотлари сонидан келиб чиқиб, қуйидагича аниқланади:

41 ва ундан ортиқ мактабгача таълим ташкилотлари бўлганда — I гуруҳ;

21 — 40 мактабгача таълим ташкилотлари бўлганда — II гуруҳ;

20 тагача мактабгача таълим ташкилотлари бўлганда — III гуруҳ.

III. Давлат мактабгача таълим ташкилоти мудири:
Т/р	Лавозим номи	Базавий тариф ставкалари миқдорлари (сўм)
		I гуруҳ	II гуруҳ
1.	Мудир	1 782 700	1 661 382

Кейинги таҳрирга қаранг.

Изоҳ. Бюджет ташкилотлари ходимларининг иш ҳақи миқдорлари Ўзбекистон Республикаси Президенти Фармонларига мувофиқ оширилганда, мактабгача таълим ходимлари меҳнатига ҳақ тўлашнинг базавий тариф ставкалари миқдорлари Ўзбекистон Республикаси Мактабгача таълим вазирининг буйруғи асосида тегишли миқдорларда оширилади.

(илова матни Ўзбекистон Республикаси Вазирлар Маҳкамасининг 2020 йил 9 мартдаги 135-сонли қарори таҳририда — Қонун ҳужжатлари маълумотлари миллий базаси, 10.03.2020 й., 09/20/135/0273-сон)

Кейинги таҳрирга қаранг.

Вазирлар Маҳкамасининг 2018 йил 5 январдаги 10-сон қарорига
2-ИЛОВА

Ўзбекистон Республикаси Ҳукуматининг айрим қарорларига киритилаётган

ЎЗГАРТИРИШ ВА ҚЎШИМЧАЛАР

1. Вазирлар Маҳкамасининг «Халқ таълими ходимлари меҳнатига ҳақ тўлаш шартларини тартибга солиш тўғрисида» 1994 йил 29 сентябрдаги 490-сон қарорига 2-иловада:

а) I бандда:

«г» кичик банддан «мактабгача муассасалари» ва «мактабгача муассасаларда» сўзлари чиқариб ташлансин;

изоҳларнинг иккинчи хатбошидан биринчи жумла чиқариб ташлансин;

б) III бандга изоҳларда:

1-кичик банднинг иккинчи хатбошидан «мактабгача тарбия муассасалари» сўзлари чиқариб ташлансин;

2-кичик банд қуйидаги таҳрирда баён қилинсин:

«2. Ақлий ривожланишда нуқсони бўлган болалар учун мўлжалланган таълим-тарбия муассасаларига: ақлан заиф, кўр ва ақлан заиф, руҳий ривожланишда орқада қолган, тафаккурида нуқсони бўлганлар учун мўлжалланган мактаблар, мактаб-интернатлар, болалар уйлари, (синфлар, гуруҳлар); Ўзбекистон Республикаси Соғлиқни сақлаш вазирлиги тизимидаги шундай болалар муассасалари киради»;

3-кичик банддан «мактабгача тарбия болалар муассасалари» сўзлари чиқариб ташлансин.

2. Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорида (Ўзбекистон Республикаси ҚТ, 2005 й., 12-сон, 63-модда):

а) 1-иловада:

7-позиция чиқариб ташлансин;

8-позициянинг «олий малака тоифали» устунидан изоҳ белгиси чиқариб ташлансин;

изоҳнинг иккинчи хатбоши чиқариб ташлансин;

б) 2-иловадан 1.5-позиция чиқариб ташлансин;

в) 3-илованинг 3-банди саккизинчи хатбоши қуйидаги таҳрирда баён қилинсин:

«Халқ таълими муассасалари раҳбарларининг базавий тариф ставкалари қуйидаги жадвалга биноан ўқувчилар (тарбияланувчилар) контингентига қараб муассасалар гуруҳидан келиб чиқиб белгиланади:

Халқ таълими муассасасининг типи	Контингент сони (киши)
Халқ таълими муассасасининг типи	I гуруҳ	II гуруҳ	III гуруҳ	IV гуруҳ
Умумтаълим мактаблари*	1601 нафар ва ундан ортиқ	881 — 1600	401 — 880	400 нафаргача
«Меҳрибонлик» уйлари	201 нафар ва ундан ортиқ	200 нафаргача
Мусиқа мактаблари ва санъат мактаблари	401 нафар ва ундан ортиқ	400 нафаргача
Мактабдан ташқари муассасалар	1601 нафар ва ундан ортиқ	881 — 1600	880 нафаргача
Болалар ва ўсмирлар спорт мактаблари	Муассасаларни тегишли гуруҳга киритиш Ўзбекистон Республикаси Жисмоний тарбия ва спорт давлат қўмитаси томонидан белгиланган тартибда амалга оширилади.				».

3. Вазирлар Маҳкамасининг 2016 йил 7 апрелдаги 107-сон қарори (Ўзбекистон Республикаси ҚТ, 2016 й., 4-сон, 25-модда) билан тасдиқланган Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрларини аттестациядан ўтказиш тартиби тўғрисидаги низомда:

а) 2-банд қуйидаги таҳрирда баён қилинсин:

«2. Педагог кадрларнинг малака тавсифларига мувофиқлиги Ўзбекистон Республикаси Мактабгача таълим вазирлиги (кейинги ўринларда Мактабгача таълим вазирлиги деб аталади), Ўзбекистон Республикаси Халқ таълими вазирлиги (кейинги ўринларда — Халқ таълими вазирлиги), Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази (кейинги ўринларда — Ўрта махсус, касб-ҳунар таълими маркази) ҳамда тасарруфида таълим муассасалари бўлган вазирликлар ва идоралар томонидан белгиланган тартибда тасдиқланган ходимларнинг асосий лавозимлари малака тавсифларидаги (кейинги ўринларда — малака тавсифлари) талаблар асосида ўрганилади»;

б) 11-банд қуйидаги таҳрирда баён қилинсин:

«11. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси (кейинги ўринларда — Давлат инспекцияси) Мактабгача таълим вазирлиги, Халқ таълими вазирлиги, Ўрта махсус, касб-ҳунар таълими маркази ҳамда тасарруфида таълим муассасалари бўлган вазирликлар ва идоралар билан биргаликда ҳар йили 20 январга қадар аттестациядан ўтиш муддати келган педагог кадрларни аттестациядан ўтказиш жадвалини тасдиқлаш учун Вазирлар Маҳкамасининг Таълим, соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари комплексига тақдим этади.

Аттестациядан ўтиш муддати келган педагог кадрларни аттестациядан ўтказиш жадвали тақдим этилган кундан эътиборан бир ой ичида Вазирлар Маҳкамасининг Таълим, соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари комплекси раҳбари томонидан тасдиқланади»;

в) 15-банднинг учинчи хатбошидаги «Вазирлар Маҳкамасининг Ёшлар сиёсати, таълим, маданият ва спорт масалалари комплексига» сўзлари «Вазирлар Маҳкамасининг Таълим, соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари комплексига» сўзлари билан алмаштирилсин;

г) 17-банднинг иккинчи хатбошидаги «халқ таълими тизими» сўзлари «мактабгача таълим ва халқ таълими тизимлари» сўзлари билан алмаштирилсин;

д) 20-банд қуйидаги таҳрирда баён қилинсин:

«20. Педагог кадрлар аттестацияси уларнинг малака тавсифларида белгиланган вазифаларга мувофиқ фаолият кўрсатишини тасдиқловчи мактабгача таълим бошқармалари ва халқ таълими бошқармалари аттестация комиссиялари, туман (шаҳар), муассасалар ва ўрта махсус, касб-ҳунар таълими ҳудудий бошқармалари аттестация комиссиялари (кейинги ўринларда — аттестация комиссиялари) томонидан амалга оширилади»;

е) қуйидаги мазмундаги 20¹— 20⁶-бандлар қўшилсин:

«20¹. Қорақалпоғистон Республикаси Мактабгача таълим вазирлигида, вилоятлар мактабгача таълим бошқармаларида, Тошкент шаҳар мактабгача таълим бош бошқармасида (кейинги ўринларда — мактабгача таълим бошқармалари) олий малака тоифасига талабгор педагог кадрларни аттестациядан ўтказиш учун Мактабгача таълим бошқармалари аттестация комиссиялари тузилади.

Мактабгача таълим бошқармалари аттестация комиссиялари таркиби Мактабгача таълим вазирлиги ва Давлат инспекциясининг қўшма қарори билан тасдиқланади.

Мактабгача таълим бошқармалари аттестация комиссиялари таркиби мактабгача таълим бошқармалари бошлиғи (комиссия раиси), Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг таълим соҳасига масъул ходими, Ўзбекистон Касаба уюшмалари Федерацияси (кейинги ўринларда — касаба уюшмаси) вакили, икки нафар аттестациядан ўтган, олий тоифали педагог кадрлардан (бир нафари комиссия котиби) иборат бўлади.

20². Қуйидагилар мактабгача таълим бошқармалари аттестация комиссияларининг вазифалари ҳисобланади:

олий малака тоифасига талабгор педагог кадрларни аттестациядан ўтказиш;

туман (шаҳар) ва муассасалар аттестация комиссияларининг биринчи ва иккинчи малака тоифасига талабгор педагог кадрлар аттестацияси якунлари бўйича ҳисоботларини таҳлил қилиш;

олий, биринчи ва иккинчи малака тоифали педагог кадрларга сертификатлар олиш учун Давлат инспекциясига буюртманома бериш ҳамда аттестация ўтказилгандан сўнг бир ой муддатда педагог кадрларни сертификатлар билан таъминлаш.

20³. Туман (шаҳар) мактабгача таълим бўлимларида биринчи малака тоифасига талабгор педагог кадрлар аттестациясини ўтказиш учун туман (шаҳар) аттестация комиссиялари тузилади.

Туман (шаҳар) аттестация комиссиялари таркиби мактабгача таълим бошқармаларининг буйруғи билан тасдиқланади.

Туман (шаҳар) аттестация комиссиялари таркиби туман (шаҳар) мактабгача таълим бўлими мудири (комиссия раиси), туман (шаҳар) ҳокимлигининг таълим соҳасига масъул ходими, касаба уюшмаси вакили, икки нафар аттестациядан ўтган, олий тоифали педагог кадрлардан (бир нафари комиссия котиби) иборат бўлади.

20⁴. Қуйидагилар туман (шаҳар) аттестация комиссияларининг вазифалари ҳисобланади:

биринчи малака тоифасига талабгор педагог кадрларни аттестациядан ўтказиш;

муассасалар аттестация комиссияларининг иккинчи малака тоифасига талабгор педагог кадрлар аттестацияси якунлари бўйича ҳисоботларини таҳлил қилиш;

биринчи ва иккинчи малака тоифали педагог кадрларга сертификатлар олиш учун мактабгача таълим бошқармалари комиссияларига буюртманома бериш.

20⁵. Таълим муассасаларида иккинчи малака тоифасига талабгор педагог кадрлар аттестациясини ўтказиш учун муассасалар аттестация комиссиялари тузилади.

Муассасалар аттестация комиссиялари таркиби туман (шаҳар) мактабгача таълим бўлимларининг буйруқлари билан тасдиқланади.

Муассасалар аттестация комиссиялари таркиби таълим муассасалари раҳбари (комиссия раиси), туман (шаҳар) мактабгача таълим бўлими ходими (комиссия раисининг ўринбосари), касаба уюшмаси ва ота-оналар қўмитаси вакиллари, уч нафар аттестациядан ўтган, биринчи ёки олий тоифали педагог кадрлардан (бир нафари комиссия котиби) иборат бўлади.

20⁶. Қуйидагилар муассасалар аттестация комиссияларининг вазифалари ҳисобланади:

иккинчи малака тоифасига талабгор педагог кадрларни аттестациядан ўтказиш;

иккинчи малака тоифали педагог кадрларга сертификатлар олиш учун туман (шаҳар) аттестация комиссиясига буюртманома бериш»;

ж) 21-банднинг учинчи хатбошидаги «Ўзбекистон Касаба уюшмалари Федерацияси (кейинги ўринларда касаба уюшмаси деб аталади)» сўзлари «касаба уюшмаси» сўзлари билан алмаштирилсин;

з) 36-бандга «Ўрта махсус, касб-ҳунар таълими маркази» сўзларидан кейин «Мактабгача таълим вазирлиги» сўзлари қўшилсин;

и) 37-бандга «Давлат инспекцияси томонидан» сўзларидан кейин «Мактабгача таълим вазирлиги» сўзлари қўшилсин;

к) 51-банддаги «халқ таълими бошқармалари ва ҳудудий ўрта махсус, касб-ҳунар таълими бошқармалари бошлиқлари» сўзлари «мактабгача таълим бошқармалари, халқ таълими бошқармалари ва ҳудудий ўрта махсус, касб-ҳунар таълими бошқармалари бошлиқлари, туман (шаҳар) мактабгача таълим бўлими мудирлари» сўзлари билан алмаштирилсин;

л) 56-бандга «Давлат инспекцияси» сўзларидан кейин «Мактабгача таълим вазирлиги» сўзлари қўшилсин;

м) 59-банднинг биринчи хатбошига «тегишлилигига кўра» сўзларидан кейин «Мактабгача таълим вазирлиги» сўзлари қўшилсин;

н) Низомга 1-иловада:

«Тадбирлар номи» устунидаги «Ёшлар сиёсати, таълим, маданият ва спорт масалалари» сўзлари «Таълим, соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари» сўзлари билан алмаштирилсин;

«Субъектлар» устунидаги «Ёшлар сиёсати, таълим, маданият ва спорт масалалари» сўзлари «Таълим, соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари» сўзлари билан алмаштирилсин.

(Қонун ҳужжатлари маълумотлари миллий базаси, 09.01.2018 й., 09/18/10/0533-сон; 06.03.2018 й., 09/18/180/0863-сон; 10.03.2020 й., 09/20/135/0273-сон; Қонунчилик маълумотлари миллий базаси, 21.05.2021 й., 09/21/320/0482-сон, 12.08.2021 й., 09/21/510/0784-сон; 05.04.2022 й., 09/22/153/0266-сон; 03.08.2022 й., 09/22/426/0707-сон; 23.12.2024 й., 09/24/848/1049-сон; 26.11.2025 й., 09/25/740/1090-сон)