|
Ҳужжат 22.07.2004 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
КОРХОНАЛАРДА ХАЛҚАРО СТАНДАРТЛАРГА МУВОФИҚ БЎЛГАН СИФАТНИ БОШҚАРИШ ТИЗИМЛАРИНИ ЖОРИЙ ЭТИШ ЧОРА-ТАДБИРЛАРИ ТЎҒРИСИДА
Мамлакатимизда ишлаб чиқарилган маҳсулотлар ва кўрсатиладиган хизматларнинг ташқи ва ички бозорларда рақобатбардошлилигини янада ошириш, республиканинг экспорт салоҳиятини кўпайтириш мақсадида Вазирлар Маҳкамаси қарор қилади:
1. 1-иловага* мувофиқ республика ишлаб чиқарувчи корхоналарининг 2004—2006 йиллар мобайнида халқаро стандартларга мувофиқ бўлган сифатни бошқариш тизимларини жорий этиш муддатлари тўғрисидаги таклифларига розилик берилсин.
Кейинги таҳрирга қаранг.
* 1-илова рус тилидаги матнда берилган
2. Ўзбекистон Республикаси Вазирлар Маҳкамаси комплекслари мазкур қарорга 1-иловага* киритилган корхоналар бўйича сифатни бошқариш тизимларини босқичма-босқич ишлаб чиқиш, жорий этиш ва сертификатлаштириш тадбирларининг тармоқ дастурларини икки ҳафта муддатда тасдиқласинлар.
* 1-илова рус тилидаги матнда берилган
Сифатни бошқариш тизимларини жорий этиш ва сертификатлаштиришнинг таҳлилига оид масалаларни Комплексларнинг ҳар чоракдаги мажлисларида мунтазам кўриб чиқиш Вазирлар Маҳкамаси комплекслари иш амалиётига жорий этилсин.
Иш якунларини чиқаришда бошқарувнинг барча даражаларида сифатни бошқариш тизимларини жорий этиш бўйича кўрсаткичлардан раҳбарлар ишини баҳолаш мезонларидан бири сифатида фойдаланилсин.
Кейинги таҳрирга қаранг.
3. Сифатни бошқариш тизимлари жорий этилишини мувофиқлаштириш бўйича 2-иловага мувофиқ таркибда махсус ишчи гуруҳ ташкил этилсин.
Кейинги таҳрирга қаранг.
Қуйидагилар ишчи гуруҳининг асосий вазифалари этиб белгилансин:
республика корхоналарида халқаро стандартларга мувофиқ бўлган сифатни бошқариш тизимларини жорий этиш ва маҳсулотларни ўз вақтида сертификатлаш ишларини мувофиқлаштириш;
ишлаб чиқарувчи корхоналарда сифатни бошқариш тизимларини ўз вақтида ишлаб чиқиш, жорий этиш ва сертификатлаш билан боғлиқ жараёнларнинг мунтазам мониторингини амалга ошириш;
сифатни бошқариш тизимларини жорий этиш тадбирларини молиялаштириш учун халқаро молия институтлари ва бошқа донор ташкилотларнинг грантларини жалб этишда ишлаб чиқарувчи корхоналарга кўмаклашиш;
халқаро стандартларга мувофиқ бўлган сифатни бошқариш тизимини жорий этган ишлаб чиқарувчи корхоналарни рағбатлантиришга доир таклифлар ишлаб чиқиш.
Кейинги таҳрирга қаранг.
4. Белгилансинки, даромад (фойда) солиғини ҳисоблашда юридик шахсларнинг солиқ солинадиган даромади (фойдаси) сифатни бошқариш тизимлари жорий этилиши ва уларни қўллаб-қувватлашга йўналтириладиган инвестициялар суммасига қонун ҳужжатларида назарда тутилган тартибда камайтирилади.
Кейинги таҳрирга қаранг.
5. Синов лабораториялари томонидан четдан олиб келинадиган, маҳсулотларни лабораторияда текшириш ва тест синовидан ўтказишда фойдаланиладиган технология асбоб-ускуналари божхона тўловларидан, шу жумладан қўшилган қиймат солиғидан озод қилинсин (божхонада расмийлаштириш йиғимлари бундан мустасно).
Кейинги таҳрирга қаранг.
6. «Ўзстандарт» агентлиги халқаро сифат стандартларини жорий этган корхоналар реестрини ташкил этсин ва унинг оммавий ахборот воситаларида мунтазам равишда эълон қилинишини таъминласин.
7. Ўзбекистон Республикаси Олий ва ўрта махсус таълим вазирлиги бир ой муддатда Вазирлар Маҳкамасига техника соҳаси ўқув юртларида «сифат менежери» йўналиши бўйича мутахассислар тайёрлаш дастурини жорий этиш тўғрисида таклифлар киритсин.
8. «Ўзтелерадио» компанияси ва Ўзбекистон Миллий ахборот агентлиги корхоналарнинг ишлаб чиқаришларда сифатни бошқариш тизимларини жорий этиш бўйича тажрибасини оммавий ахборот воситаларида кенг ёритсинлар.
9. Мазкур қарорнинг бажарилишини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 22 июль,
349-сон
Вазирлар Маҳкамасининг 2004 йил 22 июлдаги 349-сон қарорига
2-ИЛОВА
2-ИЛОВА
Сифатни бошқариш тизимлари жорий этилишини мувофиқлаштириш бўйича махсус ишчи гуруҳ
таркиби
| 1. | Султонов Ў.Т. | — | Ўзбекистон Республикаси Бош вазирининг ўринбосари, ишчи гуруҳ раҳбари |
| 2. | Ғаниев Э.М. | — | Ўзбекистон Республикаси Бош вазирининг ўринбосари, ишчи гуруҳ раҳбарининг ўринбосари |
| 3. | Бўриев Р.А. | — | «Ўзстандарт» агентлигининг бош директори, ишчи гуруҳ раҳбарининг ўринбосари |
| 4. | лавозимига кўра | — | Вазирлар Маҳкамасининг Машинасозлик, металургия, кимё, геология, стандартлаштириш ва метрология комплекси котибияти мудирининг ўринбосари |
| 5. | Нажимов Н.Э. | — | Ташқи иқтисодий алоқалар агентлиги раисининг биринчи ўринбосари |
| 6. | Ҳасанов С.С. | — | Иқтисодиёт вазирининг ўринбосари |
| 7. | Абдураҳмонов М.С. | — | Молия вазирининг ўринбосари |
| 8. | Анваров А.С. | — | Вазирлар Маҳкамасининг Ташқи иқтисодий алоқалар ва хорижий инвестициялар департаментининг гуруҳ раҳбари |
| 9. | Юсупов Р.Д. | — | «Ўзстандарт» агентлигининг сифат тизимларини жорий этиш бўлими бошлиғи, ишчи гуруҳ масъул котиби |
Кейинги таҳрирга қаранг.
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2004 й., 29-сон, 336-модда; 2005 й., 8-9-сон, 67-модда; 34-36-сон, 264-модда; 45-сон, 341-модда;2006 й., 12-13-сон, 105-модда; 34-35-сон, 348-модда; 2007 й., 19-20-сон, 202-модда; 2009 й., 25-сон, 288-модда, 26-сон, 297-модда; 2015 й., 52-сон, 646-модда)
