Ҳужжат кучини йўқотган " " 31.03.2015

Ҳужжат 12.09.2007 00 санаси ҳолатига
Амалдаги версияга ўтиш

Ўзбекистон Республикаси Вазирлар Маҳкамасининг

Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси фаолиятини ташкил этиш тўғрисида

LexUZ шарҳи

Мазкур қарор Ўзбекистон Республикаси Президентининг 2015 йил 31 мартдаги ПҚ-2327-сонли «Акциядорлик жамиятлари фаолияти самарадорлигини ошириш ва корпоратив бошқарув тизимини такомиллаштириш бўйича комиссия ташкил этиш тўғрисида»ги қарорига асосан ўз кучини йўқотган.

Хусусийлаштирилган корхоналарнинг устав фондидаги давлат улушини бошқариш бўйича давлатнинг ишончли вакиллари ва профессионал бошқарувчи компанияларнинг фаолияти самарадорлигини ошириш, давлат активларини профессионал бошқарувчи компанияларга ишончли бошқарувга бериш жараёнларини жадаллаштириш мақсадида Вазирлар Маҳкамаси қарор қилади:

Кейинги таҳрирга қаранг.

1. Қуйидагилар:

Олдинги таҳрирга қаранг.

(1-банднинг иккинчи хатбошиси Ўзбекистон Республикаси Президентининг 2006 йил 21 июлдаги ПҚ–423-сон Қарори билан ўз кучини йўқотган — Ўзбекистон Республикаси Қонун ҳужжатлари тўплами, 2006 й., 30-сон, 289-модда)

Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси тўғрисидаги низом 2-иловага мувофиқ тасдиқлансин.

2. Қуйидагилар Комиссиянинг асосий вазифалари этиб белгилансин:

хўжалик жамиятлари устав фондидаги давлат улушини бошқариш самарадорлигини оширишга йўналтирилган чора-тадбирларни амалга ошириш;

давлат улуши профессионал бошқарувчи компанияларга бошқарувга берилгунгача бўлган муддатга республика иқтисодиёти учун стратегик аҳамиятга эга бўлган хўжалик жамиятларининг устав фондидаги давлат улушини бошқариш бўйича давлатнинг ишончли вакилини тайинлаш, шунингдек уларни юкланган вазифалардан озод қилиш;

Кейинги таҳрирга қаранг.

республика иқтисодиёти учун стратегик аҳамиятга эга бўлган хўжалик жамиятларининг устав фондидаги давлат улушларини ишончли бошқариш ҳуқуқи учун ўтказилган танловлар натижаларини тасдиқлаш;

хўжалик жамиятларининг устав фондидаги давлат улуши бўйича дивидендлар давлат бюджетига тўлиқ ва ўз вақтида тўланишини таъминлаш ишларини ташкил этиш;

Олдинги таҳрирга қаранг.

хўжалик бошқаруви органлари раҳбарлари, давлат ишончли вакиллари ва бошқарувчи компанияларнинг акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларининг давлат улушларини бошқариш бўйича фаолиятларининг натижалари тўғрисидаги ахборотларини мунтазам равишда эшитиб бориш.

(2-банднинг олтинчи хатбоши Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

Кейинги таҳрирга қаранг.

Олдинги таҳрирга қаранг.

акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини тайинлаш ва озод қилиш.

(2-банд Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори асосида еттинчи хатбоши билан тўлдирилган — ЎР ҚҲТ, 2007 й., 37-38-сон, 386-модда)

3. Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссиясининг ишчи органи функцияси Ўзбекистон Республикаси Давлат мулки қўмитасига юклансин.

Кейинги таҳрирга қаранг.

4. Давлат мулки қўмитаси Давлат статистика қўмитаси, Молия вазирлиги ва Иқтисодий ночор корхоналар ишлари қўмитаси билан биргаликда уч ой муддатда устав фондида давлат улуши бўлган давлат унитар корхоналари, хўжалик жамиятларини ҳисобга олиш, давлат улушига ҳисобланган дивидендларни давлат бюджетига тушириш бўйича идоралар ўртасида ўзаро ҳамкорлик ва ахборот алмашиш тизимини ишлаб чиқсин ва жорий этсин.

5. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Вазирлар Маҳкамасининг Раиси И. КАРИМОВ

Тошкент ш.,

2004 йил 25 июнь,

295-сон

Олдинги таҳрирга қаранг.

(илова Ўзбекистон Республикаси Президентининг 2006 йил 21 июлдаги ПҚ-423-сонли қарорига асосан ўз кучини йўқотган — ЎР ҚҲТ, 2006 й., 30-сон, 289-модда)

Вазирлар Маҳкамасининг
2004 йил 25 июндаги 295-сон қарорига
2-ИЛОВА

Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси тўғрисида

НИЗОМ

I. Умумий қоидалар

1. Мазкур Низом Акциядорлик бирлашмалари ва компанияларидаги акциялар давлат улушидан самарали фойдаланилиши устидан мониторинг олиб бориш комиссияси (кейинги ўринларда Комиссия деб юритилади) фаолиятини тартибга солади ва унинг асосий вазифалари, функциялари, ҳуқуқлари ва мажбуриятларини белгилаб беради.

2. Ушбу Низомнинг амал қилиши тижорат банклар устав фондидаги акцияларнинг давлат улушини бошқаришга нисбатан татбиқ этилмайди.

3. Комиссиянинг ўз ваколати доирасида давлатнинг ишончли вакиллари ва бошқарувчи компанияларни тайинлаш, озод этиш ва уларнинг фаолиятига тегишли бўлган масалалар бўйича қабул қилган қарорлари давлат ва хўжалик бошқаруви органлари ҳамда хўжалик юритувчи субъектлар томонидан бажарилиши мажбурий ҳисобланади.

Кейинги таҳрирга қаранг.

4. Комиссия ўз фаолиятида Ўзбекистон Республикаси қонунларига, Олий Мажлиснинг қарорларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорларига, мазкур Низомга ва бошқа норматив ҳужжатларга амал қилади.

II. Комиссиянинг вазифалари ва функциялари

5. Қуйидагилар Комиссиянинг асосий вазифалари ҳисобланади:

Кейинги таҳрирга қаранг.

Олдинги таҳрирга қаранг.

(5-банднинг олтинчи хатбоши Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

Кейинги таҳрирга қаранг.

Олдинги таҳрирга қаранг.

акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини тайинлаш ва озод қилиш;

(5-банд Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори асосида еттинчи хатбоши билан тўлдирилган — ЎР ҚҲТ, 2007 й., 37-38-сон, 386-модда)

6. Қуйидагилар Комиссиянинг функциялари ҳисобланади:

Олдинги таҳрирга қаранг.

республика иқтисодиёти учун стратегик аҳамиятга эга бўлган хўжалик жамиятларининг устав фондидаги давлат улушини бошқариш учун танлов ғолиблари — давлатнинг ишончли вакилларини давлат улуши профессионал бошқарувчи компанияларга берилгунгача бўлган муддатга тайинлаш ва бошқарувчи компанияларни тасдиқлаш;

(6-банднинг иккинчи хатбоши Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

Кейинги таҳрирга қаранг.

Олдинги таҳрирга қаранг.

(6-банд Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори асосида учинчи хатбоши билан тўлдирилган — ЎР ҚҲТ, 2007 й., 37-38-сон, 386-модда)

республика иқтисодиёти учун стратегик аҳамиятга эга бўлган хўжалик жамиятларининг устав фондидаги давлат улушларини ишончли бошқариш ҳуқуқига танловлар натижаларини тасдиқлаш;

хўжалик жамиятларининг устав фондларидаги давлат улушларини бошқариш бўйича фаолиятида давлатнинг ишончли вакиллари, бошқарувчи компанияларнинг асосий мақсад ва вазифаларини белгилаш;

Кейинги таҳрирга қаранг.

хўжалик жамиятларидаги давлат улушларини бошқариш бўйича давлатнинг ишончли вакилларини уларга юкланган мажбуриятлардан қонун ҳужжатларида белгиланган тартибда озод этиш;

давлат улушларини бошқариш бўйича шартномавий муносабатларни бошқарувчи компаниялар билан давом эттириш мақсадга мувофиқлигини кўриб чиқиш;

Кейинги таҳрирга қаранг.

давлатнинг ишончли вакиллари, бошқарувчи компанияларнинг ҳисобот шаклларини тасдиқлаш;

Кейинги таҳрирга қаранг.

хўжалик жамиятларининг устав фондларидаги давлат улушларини бошқариш самарадорлиги юзасидан доимий мониторингни амалга ошириш ва таҳлил қилиш, уни такомиллаштириш бўйича таклифлар ва механизмларни ишлаб чиқиш.

Кейинги таҳрирга қаранг.

III. Комиссиянинг ҳуқуқ ва мажбуриятлари

7. Комиссия қуйидаги ҳуқуқларга эга:

ўз иш тартибини мустақил ишлаб чиқиш ва тасдиқлаш, республика иқтисодиёти учун стратегик аҳамиятга эга бўлган хўжалик жамиятлари рўйхатини белгилаш;

Олдинги таҳрирга қаранг.

давлатнинг ишончли вакилларини, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини тайинлаш учун номзодларни танлаш талабларини ва шартларини белгилаш;

(7-банднинг учинчи хатбоши Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

ўз ваколатлари доирасида давлат ва хўжалик бошқаруви органларига топшириқлар бериш.

Кейинги таҳрирга қаранг.

8. Комиссия қуйидагиларга мажбур:

Олдинги таҳрирга қаранг.

хўжалик жамиятларидаги давлат улушларини бошқариш бўйича давлатнинг ишончли вакиллари, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини ва бошқарувчи компанияларни тайинлашни ташкил этиш юзасидан Ўзбекистон Республикаси Ҳукуматининг қарорларини бажариш;

(8-банднинг иккинчи хатбоши Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

Кейинги таҳрирга қаранг.

Комиссия мажлисларида қабул қилинган қарорларнинг ўз вақтида бажарилиши юзасидан назорат ва мониторингни амалга ошириш.

IV. Комиссиянинг ишини ташкил этиш

9. Комиссия ишини Раис ташкил қилади, у Комиссия иш тартибини тасдиқлайди, мажлис ўтказиладиган санани ва кун тартибини белгилайди, ўзи ўрнида бўлмаган ҳолларда комиссия аъзоларидан бирини ўринбосар этиб тайинлайди.

Комиссиянинг мажлислари заруриятга қараб даврий, аммо чоракда камида бир марта унинг аъзоларининг учдан икки қисмидан кам бўлмаган аъзолари иштирокида ўтказилади.

Комиссия қарори Комиссия аъзоларининг мажлисида иштирок этувчиларнинг оддий кўпчилик овози билан қабул қилинади. Овозлар тенг бўлганда Комиссия раисининг овози ҳал қилувчи ҳисобланади.

Комиссия қарори мажлисда иштирок этувчи Комиссия аъзолари имзолайдиган ва Комиссия раиси ёки унинг ўринбосари томонидан тасдиқланадиган протокол билан расмийлаштирилади. Протоколни имзолаш вақтида Комиссия аъзолари ўзларининг алоҳида мулоҳазаларини билдириш ҳуқуқига эга.

V. Комиссиянинг ишчи органи

10. Комиссия мажлисини тайёрлаш ва ўтказишни ташкил этишни амалга оширувчи Комиссиянинг ишчи органи Ўзбекистон Республикаси Давлат мулки қўмитаси ҳисобланади.

Кейинги таҳрирга қаранг.

11. Ишчи орган:

Олдинги таҳрирга қаранг.

хўжалик жамиятларидаги давлат улушларини бошқариш бўйича давлатнинг ишончли вакилларини, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини тайинлаш ва бошқарувчи компанияларни тасдиқлаш бўйича;

хўжалик жамиятларининг устав фондларидаги давлат улушларини бошқариш мажбуриятларидан давлатнинг ишончли вакиллари, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини ва бошқарувчи компанияларни озод этиш бўйича;

давлат улушларини ишончли бошқариш бўйича давлатнинг ишончли вакиллари, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларини ва бошқарувчи компанияларнинг фаолиятини тартибга соладиган норматив ҳужжатларни такомиллаштириш бўйича;

(11-банднинг иккинчи—тўртинчи хатбошилари Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

Кейинги таҳрирга қаранг.

давлат улушларини ишончли бошқариш бўйича фаолиятга тегишли бўлган бошқа масалалар юзасидан таклифларни Комиссияга кўриб чиқиш учун киритиш ҳуқуқига эга.

12. Комиссиянинг ишчи органи қуйидагиларга мажбур:

Комиссия томонидан қабул қилинган қарорларни ўз вақтида ва зарур даражада бажариш;

Комиссиянинг давлатнинг ишончли вакиллари, бошқарувчи компанияларни тасдиқлаш тўғрисидаги қарори қабул қилингандан кейин бир ҳафта муддатда янги тайинланган давлатнинг ишончли вакиллари, бошқарувчи компаниялар билан ишончли бошқарувга шартномалар тузиш;

Кейинги таҳрирга қаранг.

Олдинги таҳрирга қаранг.

давлатнинг ишончли вакиллари, бошқарувчи компаниялар ҳамда акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакиллари томонидан тақдим этиладиган ҳисоботлар (ахборотлар)ни йиғиш, тартибга келтириш ва ишлаш;

Кейинги таҳрирга қаранг.

Ўзбекистон Республикаси ҳудудида ва чет элларда эгалик ҳуқуқи давлатга тегишли бўлган мол-мулкни сақлаш ва самарали бошқариш юзасидан бошқарувчи компаниялар ва давлатнинг ишончли вакилларининг, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларининг фаолияти натижадорлиги бўйича мониторинг ўтказиш;

Кейинги таҳрирга қаранг.

(12-банднинг тўртинчи ва бешинчи хатбошилари Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

устав фондида давлат улуши бўлган давлат унитар корхоналари, хўжалик жамиятлари, уларнинг хўжалик фаолиятининг асосий натижалари тўғрисида маълумотлар базасини юритиш;

Олдинги таҳрирга қаранг.

хўжалик жамиятларининг устав фондларидаги давлат улушларини бошқариш бўйича давлатнинг ишончли вакиллари, бошқарувчи компаниялар, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакиллари фаолияти тўғрисидаги ахборотни Комиссияга ҳар чоракда тақдим этиш;

хўжалик бошқарув органлари раҳбарлари, давлатнинг ишончли вакиллари ва бошқарувчи компанияларнинг ишлари самарадорлиги мониторинги ва улар ишининг самарадорлиги таҳлили асосида давлат улушларини бошқариш бўйича уларнинг фаолияти тўғрисидаги ҳисоботлари, шунингдек акциядорлик жамиятларини бошқаришда давлат иштирокининг махсус ҳуқуқи («олтин акция»)дан фойдаланаётган давлат вакилларининг ўз ваколатларини амалга ошириш бўйича ҳисоботлари Комиссия томонидан эшитилишини ташкил этиш;

(12-банднинг еттинчи ва саккизинчи хатбошилари Ўзбекистон Республикаси Вазирлар Маҳкамасининг 2007 йил 12 сентябрдаги 193-сонли қарори таҳририда — ЎР ҚҲТ, 2007 й., 37-38-сон, 386-модда)

Кейинги таҳрирга қаранг.

Комиссия мажлисини чақириш билан боғлиқ ташкилий масалаларини ҳал қилиш;

Комиссиянинг иш юритишини аниқ ва тўлиқ олиб бориш, Комиссия ёзишмаларини ҳисобга олиш ва таснифлаш, Комиссиянинг барча мажлислари протоколларини ўз вақтида ва тўлиқ расмийлаштириш.

13. Комиссияни қайта ташкил этиш ва тугатиш Ўзбекистон Республикаси Вазирлар Маҳкамасининг қарорига кўра амалга оширилади.

Вазирлар Маҳкамасининг
2004 йил 25 июндаги 295-сон қарорига
3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

Олдинги таҳрирга қаранг.

(1-банд Ўзбекистон Республикаси Вазирлар Маҳкамасининг 2006 йил 16 октябрдаги 215-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 42-сон, 417-модда)

Олдинги таҳрирга қаранг.

(2-банд Ўзбекистон Республикаси Вазирлар Маҳкамасининг 2006 йил 9 июндаги 112-сонли қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 23-сон, 210-модда)

3. Вазирлар Маҳкамасининг «Давлат мулки айрим объектларини инвестиция мажбуриятлари эвазига бепул беришни жадаллаштириш чора-тадбирлари тўғрисида» 2004 йил 5 майдаги 209-сон қарорига 2-илова (Ўзбекистон Республикаси ҚТ, 2004 й., 5-сон, 45-модда) 6-бандининг «а» ва «в» кичик бандлари ўз кучини йўқотган деб ҳисоблансин.

(Ўзбекистон Республикаси қонун ҳужжатлари тўплами, 2004 й., 26-сон, 298-модда; 2005 й., 8-9-сон, 67-модда; 2006 й., 23-сон, 210-модда, 30-сон, 289-модда, 42-сон, 417-модда; 2007 й., 37-38-сон, 386-модда; 2009 й., 52-сон, 568-модда; 2011 й., 37-сон, 381-модда; 2013 й., 37-сон, 485-модда)