Ҳужжат кучини йўқотган " " 13.03.2025
Ҳужжат 09.10.2017 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси фаолиятини ташкил этиш тўғрисида
Кейинги таҳрирга қаранг.
 LexUZ шарҳи
Мазкур қарор Ўзбекистан Республикаси Вазирлар Маҳкамасининг 2025 йил 11 мартдаги 158-сонли «Камбағалликни қисқартириш давлат мақсадли жамғармаси фаолиятини ташкил этиш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида» 2017 йил 24 майдаги ПФ-5052-сон Фармонини ва Ўзбекистон Республикаси Президентининг «Аҳолининг кам таъминланган қатламларини қўллаб-қувватлашга оид қўшимча чора-тадбирлар тўғрисида» 2017 йил 12 сентябрдаги ПҚ-3268-сон қарорини бажариш, ишсиз шахсларни ҳақ тўланадиган жамоат ишларига кенг жалб этиш асосида аҳоли бандлигини таъминлаш бўйича қўшимча чора-тадбирларни амалга ошириш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси Васийлик кенгашининг таркиби 1-иловага мувофиқ;
Кейинги таҳрирга қаранг.
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси ижро этувчи дирекциясининг тузилмаси 2-иловага мувофиқ;
Кейинги таҳрирга қаранг.
Ҳақ тўланадиган жамоат ишларини ташкил этиш тартиби тўғрисидаги низом 3-иловага мувофиқ;
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг маблағларини шакллантириш ва улардан фойдаланиш тартиби тўғрисидаги низом 4-иловага мувофиқ;
Кейинги таҳрирга қаранг.
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг маблағлари ҳисобидан ҳақ тўланадиган Жамоат ишларига банд бўлмаган аҳолини босқичма-босқич жалб этиш жадвали 5-иловага мувофиқ тасдиқлансин.
Кейинги таҳрирга қаранг.
Ўзбекистон Республикаси Бандлик ва меҳнат муносабатлари вазирига, зарурат бўлганда, Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг (кейинги ўринларда Жамғарма деб аталади) ижро этувчи дирекцияси тузилмасига бошқарув ходимларининг белгиланган сони ва меҳнатга ҳақ тўлаш фонди доирасида ўзгартиришлар киритиш ваколати берилсин.
Кейинги таҳрирга қаранг.
2. Белгилансинки, Жамғарма маблағлари ҳисобидан ҳақ тўланадиган жамоат ишларини амалга ошириш учун буюртмалар қуйидаги иш берувчилар томонидан берилади, жумладан:
бюджет ташкилотлари ва фуқароларнинг ўзини ўзи бошқариш органлари томонидан — жамоат ишларига жалб қилинган ишсиз ва банд бўлмаган шахсларнинг иш ҳақи бўйича тўловлар 100 фоиз миқдорида;
бошқа ташкилотлар, тадбиркорлик субъектлари, нодавлат нотижорат ташкилотлари томонидан — жамоат ишларига жалб қилинган ишсиз ва банд бўлмаган шахсларнинг иш ҳақи бўйича 50 фоиз миқдорида тўланади.
3. Ўзбекистон Республикаси Бандлик ва меҳнат муносабатлари вазирлиги Жамғармани тасдиқланган тузилмасига мувофиқ малакали кадрлар билан шакллантирилишини икки ой муддатда таъминласин.
Кейинги таҳрирга қаранг.
4. «Ўзавтосаноат» АЖ Жамғарма маблағлари ҳисобидан ҳақ тўланадиган жамоат ишларида иштирок этадиган фуқароларни ташиш учун, ҳақ тўланадиган жамоат ишларини амалга оширишни мувофиқлаштирадиган ҳар бир туман (шаҳар) аҳоли бандлигига кўмаклашиш маркази эҳтиёжлари учун «Damas» автомашиналарини 100 фоиз олдиндан тўлов шартлари асосида етказиб беришни таъминласин.
5. Жамғарма Тошкент шаҳар, Олмазор тумани, Қамарнисо кўчаси, 37-уй манзили бўйича жойлаштирилсин.
Кейинги таҳрирга қаранг.
6. Ўзбекистон Республикаси Ахборот технологиялари ва коммуникацияларини ривожлантириш вазирлиги Жамғармани белгиланган тартибда ҳукумат ва шаҳар алоқа воситалари билан таъминласин.
7. Ўзбекистон Республикаси Бандлик ва меҳнат муносабатлари вазирлиги Молия вазирлиги билан биргаликда бир ой муддатда Жамғарманинг Васийлик Кенгаши ва Ижро этувчи дирекцияси тўғрисидаги низомларни тасдиқласин.
Кейинги таҳрирга қаранг.
8. Ишсиз ва банд бўлмаган аҳолини кенг жалб этиш асосида ҳақ тўланадиган жамоат ишларини манзилли ва тизимли равишда ташкил этиш, Республиканинг ҳар бир маҳалласида ишсиз фуқароларни қамраб олган ҳолда тўланадиган жамоат ишлари дастурининг сифатли, тўлиқ ва самарали бажарилишини таъминлаш учун жавобгарлик Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳамда Ўзбекистон Республикаси Бандлик ва меҳнат муносабатлари вазирлигига юклансин.
Кейинги таҳрирга қаранг.
Кейинги таҳрирга қаранг.
9. Ўзбекистон Республикаси Вазирлар Маҳкамасининг «Ҳақ тўланадиган жамоат ишларини ташкил қилиш тўғрисидаги низомни тасдиқлаш ҳақида» 1999 йил 19 июлдаги 353-сон қарори (Ўзбекистон Республикаси ҚТ, 1999 й., 7-сон, 40-модда) ўз кучини йўқотган деб ҳисоблансин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ҳамда Ўзбекистон Республикаси Бандлик ва меҳнат муносабатлари вазири А.А. Хаитов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 5 октябрь,
799-сон
Вазирлар Маҳкамасининг 2017 йил 5 октябрдаги 799-сон қарорига
1-ИЛОВА
Ўзбекистон Республикаси Бандлик ва меҳнат муносабатлари вазирлиги ҳузуридаги жамоат ишлари жамғармаси Васийлик кенгашининг
ТАРКИБИ

Қўчқоров Ж.А.

—

Ўзбекистон Республикаси Бош вазирининг ўринбосари, Кенгаш раиси

Хаитов А.А.

—

Бандлик ва меҳнат муносабатлари вазири, Кенгаш раисининг ўринбосари

Хайдаров А.Я.

—

Молия вазирининг биринчи ўринбосари

Бекенов С.Х.

—

Иқтисодиёт вазирининг биринчи ўринбосари

Азимов Д.С.

—

Уй-жой коммунал хизмат кўрсатиш вазирининг биринчи ўринбосари

Низомов Б.М.

—

Бандлик ва меҳнат муносабатлари вазирининг ўринбосари

Хамраев Ш.Р.

—

Қишлоқ ва сув хўжалиги вазирининг ўринбосари

Абдувалиев А.А.

—

Автомобиль йўллари давлат қўмитаси раиси

Рафиков К.М.

—

Ўзбекистон Касаба уюшмалари Федерацияси Кенгаши раиси

Жавлонов Ш.С.

—

«Маҳалла» хайрия жамғармаси кенгаши раиси

Юсупов Б.Т.

—

Ўзбекистон Фермерлари кенгаши раиси

Лавозими бўйича

—

Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси раиси, Кенгашнинг масъул котиби

Изоҳ: Васийлик кенгаши аъзолари бошқа ишга ўтган тақдирда, собиқ аъзоларнинг вазифалари ушбу лавозимларга янгидан тайинланган шахслар зиммасига юкланади.
Кейинги таҳрирга қаранг.
Вазирлар Маҳкамасининг 2017 йил 5 октябрдаги 799-сон қарорига
2-ИЛОВА
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси Ижро этувчи дирекциясининг
ТУЗИЛМАСИ
Бошқарув ходимларининг чекланган сони — 20 нафар, шу жумладан 14 нафар — Қорақалпоғистон Республикаси, вилоятлар ва Тошкент шаҳридаги бош мутахассислар.
Кейинги таҳрирга қаранг.
Вазирлар Маҳкамасининг 2017 йил 5 октябрдаги 799-сон қарорига
3-ИЛОВА
Ҳақ тўланадиган жамоат ишларини ташкил қилиш тартиби тўғрисида
НИЗОМ
1-боб. Умумий қоидалар
1. Мазкур Низом Ўзбекистон Республикаси Президентининг «Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида» 2017 йил 24 майдаги ПФ-5052-сон Фармонига мувофиқ ҳақ тўланадиган жамоат ишларини (кейинги ўринларда Жамоат иши деб аталади) ташкил қилиш турлари ва тартибини белгилайди.
2. Мазкур Низомда қуйидаги асосий тушунчалардан фойдаланилади:
жамоат ишлари — ишсиз ва банд бўлмаган аҳоли учун умумжалб этиш мумкин бўлган, алоҳида тайёргарлик ва малака талаб қилмайдиган, ҳақ тўланадиган вақтинчалик меҳнат фаолияти турлари;
буюртмачи иш берувчи — мазкур Низомга мувофиқ жамоат ишларини ташкил қилиш бўйича ташаббускор (Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари, вазирликлар, идоралар, фуқароларнинг ўзини ўзи бошқариш органлари, тадбиркорлик субъектлари, бошқа ташкилотлар);
жамоат ишларини бажарувчи шахс — белгиланган тартибда ишсиз деб эътироф этилган, шунингдек иш изловчи шахс сифатида рўйхатга олинган ва жамоат ишларида қатнашиш учун жалб қилинган фуқаро.
Кейинги таҳрирга қаранг.
3. Жамоат ишлари қуйидаги мақсадларда ташкил қилинади:
банд бўлмаган шахсларни вақтинчалик маош (меҳнат даромади) билан таъминлаш ва уларни иш қидириш даврида моддий қўллаб-қувватлаш;
Кейинги таҳрирга қаранг.
ишсиз шахсларнинг вақтинчалик бандлигини таъминлаш учун шароитлар яратиш;
касбга (мутахассисликка) эга бўлмаган илк бор иш изловчи шахсларни меҳнат фаолиятига жалб этиш;
турли сабабларга кўра (илгари бола тарбияси, бемор ва кекса оила аъзоларини парваришлаш, жазони ижро этиш муассасаларидан озод қилинган ва бошқа сабабларга кўра) узоқ танаффусдан сўнг касбий фаолият билан шуғулланмаган шахслар меҳнатини реабилитация қилиш;
иқтисодиёт ва ижтимоий соҳанинг ижтимоий муҳим аҳамиятга эга бўлган объектларини ишчи кучи билан таъминлаш.
4. Жамоат ишларининг таклиф қилинаётган турлари жамоат ишларига юборилаётган шахсларнинг касбий маҳоратини, иш тажрибасини, ёшини, жинсини ва бошқа хусусиятларини, иш вақти ва меҳнатни муҳофаза қилиш учун зарур шароитларни ҳисобга олиши керак.
5. Аҳоли бандлигига кўмаклашиш маркази (кейинги ўринларда АБКМ деб аталади) жамоат ишларига юбориладиган фуқароларнинг касби, ёши ва бошқа хусусиятларини ҳисобга олган ҳолда жамоат ишларининг жойларини, шунингдек жамоат ишларида иштирок этиш шартларини белгилайди.
Буюртмачи иш берувчи АБКМ билан биргаликда жамоат ишлари турлари ва ҳажмини белгилайди.
Ишсиз ва банд бўлмаган шахслар томонидан жамоат ишларида иштирок этиш ишнинг хавфлилиги, зарарлилиги ва меҳнат шароитларининг оғирлиги сабабли рад этилса, уларга жамоат ишларининг бошқа турлари таклиф қилинади.
Кейинги таҳрирга қаранг.
6. Ишсиз шахсларга ишсизлик нафақасини тўлаш жамоат ишларида қатнашаётган даврларида тўхтатилади ва жамоат ишлари тугаган кундан бошлаб тикланади.
7. Бюджет ташкилотлари ва фуқароларнинг ўзини ўзи бошқариш органлари томонидан ташкил қилинган жамоат ишларида АБКМ йўлланмаси асосида жамоат ишларида иштирок этиш учун юборилган фуқароларнинг ойлик иш ҳақи миқдори энг кам ойлик иш ҳақининг беш баробаридан ортиқ бўлмаган миқдорда белгиланиши мумкин, иш ҳақи бўйича тўловлар 100 фоиз миқдорида кейинчалик Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармаси (кейинги ўринларда Жамғарма деб аталади) ҳисобидан қопланади.
Кейинги таҳрирга қаранг.
8. Тадбиркорлик субъектлари, нодавлат нотижорат ташкилотлари буюртмалари асосида ташкил қилинган жамоат ишларида АБКМ йўлланмаси асосида жамоат ишларида иштирок этиш учун юборилган фуқароларга иш ҳақи бўйича тўловларнинг 50 фоизи кейинчалик Ўзбекистон Республикаси Бандлик ва меҳнат муносабатлари вазирлиги ҳузуридаги Жамғарма ҳисобидан қопланади.
Бунда жамоат ишларига жалб қилинган фуқароларнинг Жамғарма томонидан қопланадиган қисми энг кам ойлик иш ҳақининг икки ярим баробаридан ошмаслиги керак.
Кейинги таҳрирга қаранг.
Кейинги таҳрирга қаранг.
2-боб. Жамоат ишларининг турлари
9. Жамоат ишлари турларига қуйидагилар киради:
шаҳар, туман, аҳоли пунктлари, маҳаллалар ва бошқа ҳудудларни ободонлаштириш (кўкаламзорлаштириш, тозалаш, оқлаш, маданий объектлар, зиёратгоҳлар, қабристонлар ва ариқларни тозалаш кабилар);
уй-жой коммунал ва бошқа инфратузилма объектларини таъмирлаш;
кўчалар, йўллар ва пиёдалар юриш йўлакларини таъмирлаш;
мавсумий қишлоқ хўжалик ишлари, қишлоқ хўжалиги маҳсулотларини тайёрлаш, сақлаш ва қайта ишлаш, ирригация ва мелиорация тармоқларини таъмирлаш;
ногиронлар, кексалар, беморлар ва бошқаларни парваришлаш;
саноат тармоқлари ва хизматлар кўрсатиш соҳаси ташкилотларидаги ишлар;
объектларни қуриш, реконструкция қилиш ва таъмирлаш ишлари.
Қонун ҳужжатларига мувофиқ уларга бўлган эҳтиёждан келиб чиққан ҳолда жамоат ишларининг бошқа турлари ҳам назарда тутилиши мумкин.
Кейинги таҳрирга қаранг.
3-боб. Жамоат ишларини ташкил қилиш тартиби
10. Буюртмачи иш берувчилар ҳар ойнинг 15-санасига қадар келгуси ҳисобот ойи учун жамоат ишларини ташкил қилиш бўйича буюртмалар рўйхатига киритиш учун туман (шаҳар) АБКМга жамоат ишларини ташкил қилиш бўйича буюртма беради.
Жамоат ишларини ташкил қилиш ва уларни Жамғарма ҳисобидан молиялаштириш мазкур Низомнинг 1-иловасида келтирилган схемаларга мувофиқ амалга оширилади.
11. АБКМ ҳар ойнинг 20-санасига қадар буюртмачи иш берувчилардан келгуси ойда жамоат ишларини ташкил қилиш бўйича буюртмаларни қабул қилади ва мазкур мақсадлар учун кўзда тутилган маблағлар доирасида ҳар ойнинг 25-санасига қадар йиғма буюртмани шакллантиради ва тасдиқлаш учун туман (шаҳар) ҳокимлигига киритади.
12. Туман (шаҳар) ҳокими томонидан йиғма буюртма тасдиқлангандан сўнг АБКМ томонидан ҳисобот ойининг 1-санасига қадар маблағ ажратиш учун Жамғармага тақдим этилади.
Кейинги таҳрирга қаранг.
13. Жамоат ишларини ташкил қилиш мақсадида АБКМ буюртмачи-иш берувчилар буюртмаларига мувофиқ ишчи кучига бўлган талабдан келиб чиққан ҳолда ишсиз ва иш изловчи шахслар рўйхатини шакллантиради. Жамғарма томонидан ҳисобот ойининг 5-санасига қадар йиғма буюртмага мувофиқ АБКМнинг ғазначилик ҳисобрақамига маблағларнинг ўтказилишини таъминлайди.
Кейинги таҳрирга қаранг.
Кейинги таҳрирга қаранг.
14. Бир вақтнинг ўзида ҳисобот ойининг 1-санасига қадар АБКМ буюртмачи-иш берувчи билан жамоат ишларида қатнашадиган фуқаролар рўйхатини илова қилган ҳолда жамоат ишларини ташкил қилиш бўйича шартнома тузади.
Кейинги таҳрирга қаранг.
15. Жамоат ишларини ташкил қилиш учун шартномалар молия йили учун 2 ҳафтадан кам бўлмаган, лекин 3 ойдан ортиқ бўлмаган муддатга тузилади. Шартнома муддати тугагандан сўнг буюртмачи-иш берувчи жамоат ишларини ташкил қилиш бўйича АБКМга қайта буюртма бериши мумкин.
Кейинги таҳрирга қаранг.
16. Шартномалар АБКМнинг жамоат ишларини ташкил қилиш учун харажатлар сметасида кўзда тутилган маблағлар доирасида Ўзбекистон Республикаси Молия вазирлиги Ғазначилиги бўлинмалари томонидан рўйхатга олинади.
17. Йиғма буюртмадаги жамоат ишларининг хусусияти ва амалга ошириладиган жойидан келиб чиққан ҳолда ушбу ишларга фуқаролар ўз розилиги асосида тақсимланади.
Кейинги таҳрирга қаранг.
18. Жамоат ишларини ташкил қилиш бўйича кўзда тутилмаган эҳтиёж туғилганда, буюртмачи бюджет ташкилоти ва фуқароларнинг ўзини ўзи бошқариш органлари бўлган ҳолда, буюртмачилари туман (шаҳар) ҳокимлиги жамоат ишлари ҳажмини қайта тақсимлаш бўйича қарор қабул қилиш ҳуқуқига эга.
19. АБКМ буюртмачи иш берувчи билан тузилган шартномага мувофиқ жамоат ишлари бошланишидан 5 кун олдин фуқароларга 2-иловага мувофиқ шаклда иш билан банд бўлмаган шахсга жамоат ишларида қатнашиш учун йўлланма беради.
Кейинги таҳрирга қаранг.
20. Жамоат ишларида қатнашувчи ишсиз ва банд бўлмаган фуқаролар рўйхатларини шакллантиришда, буюртмачи бюджет ташкилоти ва фуқароларнинг ўзини-ўзи бошқариш органи бўлганда, мазкур ҳудудда яшовчи банд бўлмаган фуқаролар қамраб олиниши лозим.
Кейинги таҳрирга қаранг.
21. Жамоат ишларини ташкил этиш даврида буюртмачи-иш берувчи қонунчиликка мувофиқ меҳнат муҳофазаси талабларига мос шароитларни таъминлайди.
22. АБКМ томонидан ҳар ҳафтада камида бир марта жамоат ишлари ташкил қилинишининг ҳолати мониторинг қилиб борилади ва тегишли мониторинг далолатномаси билан расмийлаштирилади.
Жамғарманинг Қорақалпоғистон Республикаси, вилоятлар ва Тошкент шаҳрида жамоат ишлари дастурларини шакллантириш ва мониторинг қилиш бўйича бош мутахассислари ҳар ойда, шу жумладан жойига борган ҳолда жамоат ишларининг ташкил қилиниши, амалга оширилиши ва ҳақ тўланишини назорат қилади.
Кейинги таҳрирга қаранг.
23. Мониторинг жараёнида шартнома шартлари бузилганлиги ҳолати аниқланганда, аниқланган қонунбузилиши ҳолати бўйича тегишли АБКМ ходими томонидан далолатнома расмийлаштирилади ва қонунчиликда белгиланган тартибда чоралар кўриш учун АБКМга тақдим этилади.
24. Буюртмачи иш берувчи ҳар ойнинг 15-санасига қадар ҳисобот ойининг биринчи ярми учун АБКМга фуқароларнинг жамоат ишларида қатнашган даври бўйича ҳисобга олиш табелини тақдим этади.
25. АБКМ буюртмачи иш берувчи томонидан ҳисобот ойининг 15-санасига қадар тақдим этилган табелга асосан Жамғарма томонидан қопланадиган тўловларнинг 50 фоиз қисмини аванс сифатида тўлайди.
Кейинги таҳрирга қаранг.
Жамоат ишларини ташкил қилиш бўйича тўловлар АБКМ томонидан Ўзбекистон Республикаси Молия вазирлиги Ғазначилиги бўлинмаларига мемориал ордер ёки тўлов топшириқномалари тақдим этиш орқали амалга оширилади.
26. Буюртмачи иш берувчи ҳисобот ойидан кейинги ойнинг 1-санасига қадар АБКМга ўтган ой учун жамоат ишларида қатнашган фуқароларни амалда қатнашган кунлари бўйича тасдиқланган ҳисобга олиш табелини ва иш ҳақи ҳисобланганлиги бўйича қайдномани тақдим этади.
Кейинги таҳрирга қаранг.
27. АБКМ томонидан тасдиқловчи ҳужжатлар (табель, қайднома) олингандан сўнг, ҳисобот ойидан кейинги ойнинг 5-санасига қадар ўтган ой учун тўланган аванс суммасини чегириб ташлаган ҳолда жамоат ишларида қатнашган фуқароларнинг иш ҳақларининг қопланадиган қисмини Ўзбекистон Республикаси Молия вазирлиги Ғазначилиги бўлинмаларига мемориал ордер ёки тўлов топшириқномаси ва бажарилган ишлар бўйича тузилган далолатномани илова қилган ҳолда юборади.
28. Буюртмачи иш берувчилар ишсиз ва банд бўлмаган шахсларни жалб қилган ҳолда амалга оширилган жамоат ишлари тўғрисидаги маълумотни, шунингдек буюртмачи иш берувчиларнинг биринчи раҳбарлари томонидан имзоланган бажарилган ишлар бўйича далолатномалар нусхасини ҳар ойда АБКМга тақдим этадилар.
Кейинги таҳрирга қаранг.
Кейинги таҳрирга қаранг.
29. Агар бажарилган ишлар далолатномаларига асосан иш берувчига қоплаб берилган тўлов ҳақиқатда бажарилган ишларнинг ҳажмидан ошса ҳамда мазкур Низомнинг 8-бандига мувофиқ Жамғарма маблағлари ҳисобидан жамоат ишларининг буюртмачиси тадбиркорлик субъектлари, нодавлат нотижорат ташкилотлари бўлса, ошган миқдор тўлиқлигича АБКМ ҳисоб рақамига қайтарилади.
30. АБКМ фуқароларни жамоат ишларини бажариш учун юборган тақдирда уларга меҳнатни ташкил қилиш ва унга ҳақ тўлаш тўғрисида маълумот беради.
31. Жамоат ишларида қатнашадиган фуқаролар билан иш берувчи мазкур Низом талабларига мувофиқ меҳнат шартномаси тузади.
Жамоат ишларини бажариш бўйича шартнома муносабатлари қонун ҳужжатларида белгиланган тартибда тузилган меҳнат шартномаси асосида амалга оширилади. Ихтиёрийлик асосида бригадаларга бирлашган фуқаролар томонидан жамоат ишларининг комплексини ёки алоҳида турларини амалга оширишда шартномада томонларнинг мажбуриятлари, ишнинг ҳажми ва бажариш муддатлари, меҳнатни ташкил этиш ва унга ҳақ тўлаш шакллари назарда тутилади.
Кейинги таҳрирга қаранг.
32. Жамоат ишларини бажараётган фуқароларга корхоналарда амалга бўлган ставкалар ва лавозим маошлари (ишбай нархлар)дан келиб чиққан ҳолда, аммо иш ҳақи тўлаш бўйича Ягона тариф сеткасининг биринчи разрядидан кам бўлмаган миқдорда иш ҳақи тўланади.
Жамоат ишларида иш ҳақидан ташқари меҳнат учун қўшимча мукофотлар миқдори иш берувчилар маблағлари ҳисобидан белгиланиши мумкин.
33. Агар ишсизни ёки банд бўлмаган шахсни жамоат иши қаноатлантирса, унда у буюртмачи-иш берувчи билан келишган ҳолда бундай ишни доимий асосда бажаришга розилик бериши мумкин, АБКМ эса, унга бу доимий мос келадиган иш деб ҳисоблайди.
Кейинги таҳрирга қаранг.
Бундай ҳолларда ушбу шахс билан илгари тузилган меҳнат шартномаси янги меҳнат шароитлари кўрсатилган ҳолда қайта тузилиши керак.
34. Жамоат ишларини ташкил қилишда меҳнат тўғрисидаги қонун ҳужжатларига, меҳнатни муҳофаза қилиш қоидаларига риоя қилиш, бажарилган ишлар бўйича далолатномани тўғри расмийлаштириш, фуқароларнинг меҳнатидан самарали фойдаланиш бундай ишларни бажариш учун меҳнат шартномасини тузган буюртмачи-иш берувчи зиммасига юкланади.
Хавфли, зарарли ва оғир меҳнат шароитлари билан боғлиқ бўлган жамоат ишига юборилган шахслар қонун ҳужжатларида белгиланган тартибда тиббий текширувдан ўтишлари керак.
35. Фуқароларнинг жамоат ишларида қатнашган даври тўғрисида буюртмачи-иш берувчилар томонидан уларнинг меҳнат дафтарчаларига тегишли ёзув киритилади.
Кейинги таҳрирга қаранг.
Жамоат ишларида қатнашган давр меҳнат стажига қўшилади. Жамоат ишларида қатнашган фуқароларда пенсия таъминоти ва вақтинча ишга яроқсизлиги бўйича нафақа олиш ҳуқуқи сақланиб қолади.
Шахснинг жамоат ишларида қатнашган даври учун суғурта бадаллари буюртмачи-иш берувчилар томонидан амалдаги қонун ҳужжатларига мувофиқ тўланади.
Кейинги таҳрирга қаранг.
36. Жамоат ишларини бажараётган фуқаролар иш вақтининг давомийлиги меҳнат қонунчилигига мувофиқ белгиланади. Буюртмачи-иш берувчилар иш куни ва иш вақтининг ўзгарувчан шаклларидан фойдаланиш, шунингдек меҳнат унумдорлигига кўра ёки ишлаган вақтга мутаносиб равишда ҳақ тўлаган ҳолда жамоат ишларининг қисқартирилган иш вақтини киритишга ҳақлидир.
37. АБКМ томонидан жамоат ишларига юборилган ва уларда банд бўлган фуқароларнинг ҳисоби қонунчиликда белгиланган тартибда амалга оширилади.
38. АБКМ томонидан буюртмачи иш берувчиларга Жамғарма маблағлари ҳисобига харид қилинган асосий воситалар, мини-ускуналар ва инвентарлар жамоат ишларини ташкил қилиш учун ижарага берилиши амалга оширилади.
4-боб. Якунловчи қоидалар
39. Жамоат ишларини ташкил қилиш бўйича фаолият билан боғлиқ ҳолда вужудга келадиган баҳслар қонунчиликда белгиланган тартибда ҳал этилади.
40. Мазкур Низом талаблари бузилишида айбдор бўлган шахслар қонун ҳужжатларида белгиланган тартибда жавоб беришади.
Ҳақ тўланадиган жамоат ишларини ташкил қилиш тартиби тўғрисидаги низомга
1-ИЛОВА
Жамоат ишларини ташкил қилиш ва уларни Жамоат ишлари жамғармаси ҳисобидан молиялаштириш
СХЕМАСИ
Кейинги таҳрирга қаранг.
Ҳақ тўланадиган жамоат ишларини ташкил қилиш тартиби тўғрисидаги низомга
2-ИЛОВА
НАМУНА

Жамоат ишларига
ЙЎЛЛАНМА
________________________________________________________________________________________________
(корхона, ташкилот, муассасанинг номи ва манзили)
________________________________________________________________________________________________
________________________________________________________________________________________________
Фуқаро __________________________________________________________________________________________
(Ф. И. О.)
________________________________________________________________________________________________
ҳақ тўланадиган жамоат ишларига __________________________________________________муддатга юборилмоқда
(касб, мутахассислик кўрсатилади)

Қабул қилинган қарор тўғрисида уч кун муддатда бизга хабар беришингиз сўралади.

АБКМ директори

_______________________________________________

М. Ў.

(имзо)

20 ____йил «_____» _______________________________.

================================================================================================

Қабул қилинган қарор бўйича ЖАВОБ
Фуқаро ______________________________________________________________ ҳақ тўланадиган жамоат ишларига
(Ф. И. О.)
қуйидаги муддатга ишга қабул қилинди _________________________________________________________________
________________________________________________________________________________________________
(касб, мутахассислик)

20___ йил «_____» _________________ даги ___________- сон буйруқ.
Раҳбар _______________________________________________

М. Ў.

(имзо)

Вазирлар Маҳкамасининг 2017 йил 5 октябрдаги 799-сон қарорига
4-ИЛОВА
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг маблағларини шакллантириш ва улардан фойдаланиш тартиби тўғрисида
НИЗОМ
1-боб. Умумий қоидалар
1. Мазкур Низом Ўзбекистон Республикаси Президентининг «Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида» 2017 йил 24 майдаги ПФ-5052-сон Фармони талабларига мувофиқ ташкил этилган Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг (кейинги ўринларда Жамғарма деб аталади) маблағлари шакллантирилиши ва улардан фойдаланиш тартибини белгилаб беради.
2. Жамғарма белгиланган тартибда ишсиз деб эътироф этилган, Аҳоли бандликка кўмаклашиш марказларида (кейинги ўринларда АБКМ) деб аталади) иш изловчи сифатида (кейинги ўринларда банд бўлмаган шахслар деб аталади) рўйхатдан ўтган, ҳақ тўланадиган жамоат ишларига йўналтирилган фуқаролар иштирокини молиялаштириш учун ташкил этилган.
Кейинги таҳрирга қаранг.
3. Жамғарма юридик шахс ҳисобланади, мустақил балансга, ғазначилик ҳисоб рақамига, Ўзбекистон Республикаси Давлат герби тасвири туширилган муҳрга, тамға ва бланкаларга эга.
4. Жамғарма маблағлари Ўзбекистон Республикаси Молия вазирлиги Ғазначилигида очиладиган ғазначилик ҳисоб рақамида жамланади.
5. Қуйидагилар Жамғарма фаолиятининг асосий вазифалари ва йўналишлари ҳисобланади:
шаҳар ва туман ҳокимликлари, АБКМ, фуқароларнинг ўзини ўзи бошқариш органлари манфаатдор вазирликлар, идоралар ва бошқа иш берувчи ташкилотлар билан биргаликда республиканинг барча ҳудудларида ишсиз ва банд бўлмаган аҳолини кенг жалб этган ҳолда жамоат ишларини ташкил этиш ва мувофиқлаштириш;
Кейинги таҳрирга қаранг.
Қорақалпоғистон Республикаси Вазирлар Кенгаши, вилоятлар, шаҳар ва туман ҳокимликлари, вазирликлар ва идоралар, АБКМлар билан биргаликда жамоат ишлари дастурларини ишлаб чиқиш ва амалга ошириш, уларнинг бажарилиши юзасидан мониторинг олиб бориш;
жамоат ишларига жалб этилган, Ўзбекистон Республикаси резидентлари — жисмоний шахсларнинг меҳнатига ҳақ тўлаш харажатларини молиялаштириш, банд бўлмаган аҳолини жамоат ишларидаги иштирокининг ҳисобини ва мониторингини юритиш;
жамоат ишларини ташкил этишга ажратиладиган маблағлардан мақсадли ва самарали фойдаланишни таъминлаш, жамоат ишларининг бандлик ва ишсизлар бозори динамикасига таъсири таҳлилини амалга ошириш;
иш берувчи буюртмачилар ва жамоат ишлари иштирокчилари реестрини ўз ичига олган жамоат ишларининг электрон маълумотлар базасини шакллантириш ва юритиш.
2-боб. Жамғарма маблағларини шакллантириш тартиби
6. Жамғарма маблағлари қуйидаги манбалар ҳисобига шакллантирилади:
жамоат ишларини ташкил этиш ва бажариш бўйича харажатларни молиялаштириш учун Жамғармага Ўзбекистон Республикаси Давлат бюджети ҳисобидан ажратиладиган маблағлар;
халқаро молия институтлари грантлари, жисмоний ва юридик шахсларнинг, ҳомийлик жамғармаларининг ва бошқа хорижий донорларнинг ихтиёрий ёрдамлари;
асосий воситалар, мини-ускуналар ва инвентарлар ижарасидан даромадлар;
Жамғарманинг вақтинча бўш маблағларини жойлаштиришдан даромадлар;
қонунчиликда тақиқланмаган бошқа молиялаштириш манбалари.
7. Жамоат ишларини молиялаштиришга йўналтириладиган Ўзбекистон Республикаси Давлат бюджетидан бюджет ажратмаларининг ҳажми ҳар йили аниқлаштирилади ва Ўзбекистон Республикаси Давлат бюджетининг асосий параметрларида тасдиқланади.
8. Халқаро молия институтлари ва бошқа хорижий донорларнинг грантлари, жисмоний ва юридик шахсларнинг, хайрия жамғармаларининг, жумладан Ўзбекистон Республикаси норезидентларининг ихтиёрий эҳсонлари қонунчиликда белгиланган тартибда Жамғарманинг ғазначиликдаги ҳисоб рақамига келиб тушади, халқаро молия институтлари ва бошқа хорижий донорлар ёки хорижий грантлар бериш шартларида бошқача тартиб назарда тутилган ҳолатлар бундан мустасно.
3-боб. Жамғарма маблағларидан фойдаланиш тартиби
9. Жамғарма маблағларидан қуйидагиларни молиялаштиришда фойдаланилади:
жамоат ишларига жалб этилган ишсизлар ва банд бўлмаган шахсларнинг меҳнат ҳақига тўловлар;
жамоат ишларида, жумладан уларни ижара асосида бериш йўли билан фойдаланиш учун мўлжалланган асосий воситалар, мини-ускуналар ва инвентарларни харид қилиш;
жамоат ишларини бажариш учун хавфсизлик техникаси маблағлари ва махсус кийим харид қилиш;
Жамғармани сақлаб туришга, жумладан, ходимлар меҳнат ҳақи, бино ва иншоотларни, алоқа ва ахборот компьютер технологиялари воситаларини сақлаб туриш, хўжалик ва бошқа харажатлар тўлови;
жамоат ишларини амалга оширишни ташкил этиш масалалари бўйича ахборот материалларини, кўргазмали ахборотларни тайёрлаш, маълумотларни оммавий ахборот воситаларида жойлаштириш.
Жамғарма ходимларига меҳнат ҳақи тўлаш шартларига Ўзбекистон Республикаси Бандлик ва меҳнат муносабатлари вазирлиги ходимлари меҳнатига ҳақ тўлаш шартлари татбиқ этилади.
10. Жамғарма маблағларидан фойдаланиш Жамғарма Кенгаши томонидан тасдиқланган ва Ўзбекистон Республикаси Бандлик ва меҳнат муносабатлари вазирлигида рўйхатга олинган, ҳудудлар бўйича ойма-ой таснифланган харажатлар сметалари асосида амалга оширилади.
11. Жамғарманинг жорий йилда ишлатилмаган маблағлар қолдиқлари кейинги молия йилига ўтказилади ва кейинги йилга маблағлар ажратилаётганда инобатга олинади.
4-боб. Жамғарма фаолиятини ташкил этиш ва маблағларини бошқариш
12. Жамоат ишлари Жамғармасининг Васийлик кенгаши (кейинги ўринларда Жамғарма Кенгаши деб аталади) Жамғармани бошқаришнинг юқори органи ҳисобланади.
Жамғарма Кенгаши:
ҳар йили Жамғарма маблағларидан фойдаланишнинг асосий йўналишларини, Жамғарма даромадлари ва харажатлари баланси прогноз кўрсаткичларини, шунингдек жамоат ишларининг республика дастури кўрсаткичларини кўриб чиқади ва тасдиқлайди;
жамоат ишларига ажратиладиган маблағлар ҳажмларининг фоизли нисбатини тасдиқлайди;
Жамғарма маблағлари даромадлари ва харажатлари сметасини, зарур ҳолларда, тасдиқланган сметаларга киритиладиган тегишли ўзгартиришларни тасдиқлайди, Жамғарма даромадларининг шаклланишини ва маблағлардан мақсадли фойдаланилишини таъминлаш бўйича унинг фаолияти юзасидан назоратни амалга оширади;
Жамғарма фаолияти ҳақида ҳисоботларни даврий равишда эшитиб боради ва тасдиқлайди, жамоат ишларини ташкил этиш ва жамоат ишлари дастурларининг бажарилиши юзасидан вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ҳисоботларини эшитиб боради;
Жамғарма фаолиятини такомиллаштириш, жамоат ишларини ташкил этиш ва молиялаштириш механизмларини яхшилаш, жамоат ишларини амалга ошириш ва уларни молиялаштириш юзасидан мониторинг ва назоратнинг самарадорлигини ошириш бўйича таклифлар киритади;
Ўзбекистон Республикаси Ҳукуматининг тегишли қарорлари асосида алоҳида ҳолатларда ва давлат аҳамиятига молик бошқа ҳолатларда, жамоат ишларининг тасдиқланган дастурига киритилмаган ва иш берувчилардан буюртмага эга бўлмаган жамоат ишларини ташкил этиш бўйича қарор қабул қилади;
Жамғарма фаолияти билан боғлиқ бошқа функцияларни амалга оширади.
Жамғарма Кенгаши қарори очиқ овоз бериш орқали, оддий кўпчилик овоз билан қабул қилинади.
13. Жамғарма маблағларини бошқариш Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг ижро этувчи дирекцияси (кейинги ўринларда Дирекция деб аталади) томонидан амалга оширилади.
14. Дирекция:
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, вазирликлар ва идоралар билан биргаликда жамоат ишларининг республика дастурини ҳудудлар бўйича шакллантиради, унинг бажарилиши таҳлили ва мониторингини амалга оширади;
Жамғарма Кенгашига ҳамда Ўзбекистон Республикаси Бандлик ва меҳнат муносабатлари вазирлигига тақдим этиш учун Жамғарманинг даромадлари ва харажатлари прогнозини, унинг бажарилиши тўғрисида чораклар бўйича ва ойма-ой тақсимланган йиллик ҳисоботни тайёрлайди, Жамғарма Кенгашига ва вазирлик раҳбариятига Жамғарманинг даромадлари ва харажатларининг ойма-ой ёйилмасини тасдиқлаш учун киритади;
шаҳар ва туман АБКМлари билан биргаликда иш берувчилар, шаҳар ва туман ҳокимликлари, фуқароларнинг ўзини ўзи бошқариш органларидан жамоат ишларини ташкил этиш учун ариза қабул қилишни амалга оширади;
мазкур Низомда белгиланган тартибда жамоат ишларини молиялаштиришни таъминлайди;
Меҳнат давлат ҳуқуқ инспекцияси билан биргаликда жамоат ишларида иштирок этаётган ишчиларнинг меҳнат қонунчилигида белгиланган кафолатларига риоя этилиши юзасидан назоратни амалга оширади;
Кейинги таҳрирга қаранг.
жамоат ишларини ташкил этиш масалалари бўйича даъво ишлари олиб борилишини амалга оширади;
жамоат ишларини ташкил этиш масалалари бўйича аҳолини ва иш берувчиларни ахборот билан таъминлаш бўйича тадбирларни амалга оширади;
фуқароларнинг жамоат ишларидаги иштироки ҳисобини юритиш бўйича ахборот- компьютер тизимларини ишлаб чиқишда иштирок этади;
жамоат ишларини амалга ошириш учун иш берувчи-буюртмачилар аризалари шакли ва мазмунига қўйиладиган талабларни белгилайди.
Дирекция Жамғарма фаолиятининг асосий йўналишларига, шунингдек Жамғарма Кенгаши қарорлари ва қонунчиликка мувофиқ бошқа вазифаларни ҳам амалга ошириши мумкин.
Кейинги таҳрирга қаранг.
15. Дирекция ўзига юкланган вазифаларни амалга ошириш учун қуйидаги ҳуқуқларга эга:
солиқ идораларидан жамоат ишларини бажарган фуқаролар учун иш берувчилар томонидан ойлик иш ҳақи ҳисобланиши тўғрисида маълумотларни сўраш ва олиш;
жамоат ишларини ташкил этиш ва амалга ошириш тартибини такомиллаштириш бўйича таклифлар киритиш, унинг ваколатига кирадиган масалалар бўйича услубий ҳужжатлар ишлаб чиқиш.
16. Дирекцияни Бандлик ва меҳнат муносабатлари вазирлиги томонидан Жамғарма Васийлик кенгаши раиси билан келишган ҳолда тайинланадиган ва озод этиладиган ижрочи директор бошқаради.
17. Ижрочи директор:
Жамғарма фаолияти юзасидан умумий раҳбарликни амалга оширади;
Жамғармага ходимларни қабул қилади ва меҳнат шартномаларини тугатади, уларнинг лавозим мажбуриятларини ва ваколатларини тақсимлайди;
ваколатлари доирасида юридик шахслар билан шартномалар тузади;
Жамғарма пул маблағлари ва моддий бойликларининг бухгалтерия ҳисоби юритилишини, молиявий ва статистик ҳисоботларнинг белгиланган тартибда тайёрланиши ва тақдим этилишини ташкил этади;
қонунчиликка мувофиқ бошқа мажбуриятлар ва ваколатларни амалга оширади.
18. Дирекция Жамғарма Кенгаши ва Ўзбекистон Республикаси Бандлик ва меҳнат муносабатлари вазирлигига ҳисобот беради.
19. Жамғарма Қорақалпоғистон Республикаси, вилоятлар ва Тошкент шаҳрида Дирекциянинг штат жадвалига кирадиган вакилларга эга.
5-боб. Жамғарманинг даромадлари ва харажатлари прогнозини тайёрлаш, кўриб чиқиш ва тасдиқлаш
20. Жамғарманинг даромадлари ва харажатлари прогнозини тайёрлаш, кўриб чиқиш ва тасдиқлаш Ўзбекистон Республикаси Давлат бюджетининг кейинги йил учун лойиҳаси, шунингдек республика ҳудудларини комплекс ривожлантириш дастури билан биргаликда амалга оширилади.
21. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ўзбекистон Республикаси Бандлик ва меҳнат муносабатлари вазирлигининг ҳудудий бошқармалари билан биргаликда ҳар йили 1 июнга қадар ишларнинг турлари ва ҳажмини, шунингдек, асосий воситалар, мини-ускуналар ва инвентарлар харид қилиш бўйича харажатларни кўрсатган ҳолда жамоат ишларининг ҳудудий лойиҳаларини шакллантиради ва келишиш учун Ўзбекистон Республикаси Бандлик ва меҳнат муносабатлари вазирлигига киритади.
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари иш берувчиларнинг қўшимча аризалари асосида ҳудудий жамоат ишлари дастурларига ўзгартиришлар киритиш ҳуқуқига эга.
22. Ўзбекистон Республикаси Бандлик ва меҳнат муносабатлари вазирлиги ҳар йили 1 июлга қадар Ўзбекистон Республикаси Давлат бюджети ҳисобидан тўланадиган кейинги йилда амалга ошириладиган жамоат ишларига аризаларни, шунингдек Мазкур Низомнинг 6-бандида кўрсатилган манбалардан Жамғармага маблағлар тушуми прогнозини шакллантиради ва Ўзбекистон Республикаси Давлат бюджетининг кейинги йилдаги лойиҳасига киритиш учун Ўзбекистон Республикаси Молия вазирлигига юборади.
23. Дирекция ҳар йили 1 декабрга қадар:
жамоат ишларининг якуний кўрсаткичларини Жамғармага келгуси йил тушадиган маблағлар доирасида келишади;
ҳудудий дастурларга киритилган ҳар бир тадбир бўйича молиялаштириш ҳажмларини аниқлаштирган ҳолда жамоат ишларининг ҳудудий дастурлари лойиҳасини Жамғарма Кенгашига кўриб чиқиш учун киритади. Заруратга кўра, бюджетдан ажратилаётган маблағларнинг қийматига Жамғарма Кенгаши қарорига кўра аниқлик киритилиши мумкин.
24. Ўзбекистон Республикаси Давлат бюджети кўрсаткичлари тасдиқлангандан сўнг, жамоат ишларининг ҳудудий дастурларини Жамғарма Кенгаши тасдиқлагандан кейин, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари қарорлари билан тасдиқланади.
25. Дирекция кейинги йилга белгиланган молиялаштириш ҳажмларини 5 кун мобайнида Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига етказади.
6-боб. Жамғарма маблағларидан тўғри фойдаланиш ҳисоби, ҳисоботи ва назорати
26. Жамғарма маблағлари шаклланиши ва келиб тушиши ҳисобини юритиш ва ҳисоботини тузиш Дирекция томонидан, қонунчиликда белгиланган тартибда амалга оширилади.
27. Жамғарма фаолияти бўйича барча маълумотлар, жумладан, иш берувчилар ва ишчилар (СТИР кўрсатилган ҳолда) ҳисоби реестри, буюртмачи — иш берувчилар ва ишчилар ўртасида тузилган меҳнат шартномалари тўғрисида маълумотлар, пул ўтказмалари ва тўловлари, шунингдек бошқа операциялар Ўзбекистон Республикаси Бандлик ва меҳнат муносабатлари вазирлиги томонидан белгиланадиган тартибда, Дирекция томонидан шакллантириладиган «Жамоат ишлари» автоматлаштирилган ахборот тизимларининг электрон маълумотлар базасида акс эттирилади.
28. Дирекция ҳар ойда ҳисобот ойидан кейинги ойнинг 10-санасига қадар Ўзбекистон Республикаси Бандлик ва меҳнат муносабатлари вазирлигига Жамғарманинг жамоат ишларини ташкил этишга ажратилган маблағлари шаклланиши ва ишлатилиши тўғрисида, шунингдек жамоат ишлари ҳудудий дастурларининг бажарилиши кўрсаткичлари тўғрисида Ўзбекистон Республикаси Бандлик ва меҳнат муносабатлари вазирлиги томонидан тасдиқланадиган шаклларга кўра (электрон ва қоғоз шаклларда) ҳисобот бериб боради.
29. Ўзбекистон Республикаси Бандлик ва меҳнат муносабатлари вазирлиги ҳар чоракда ҳисобот ойидан кейинги ойнинг 20-санасига қадар Жамғарма Кенгашига, Ўзбекистон Республикаси Вазирлар Маҳкамасига ва Молия вазирлигига Жамғарманинг жамоат ишларини ташкил этишга ажратилган маблағлари шаклланиши ва ишлатилиши тўғрисида, шунингдек жамоат ишлари ҳудудий дастурларининг бажарилиши кўрсаткичлари тўғрисида ҳисобот бериб боради.
30. Буюртмачи — иш берувчилар томонидан жамоат ишлари иштирокчиларига Жамғармадан ажратилган маблағлар қисми ҳисобидан иш ҳақининг тўлиқ ва ўз вақтида амалга оширилишини таъминлаш юзасидан назорат Дирекция томонидан амалга оширилади.
31. Жамғарма маблағларидан мақсадли фойдаланиш юзасидан жавобгарлик иш берувчи — буюртмачи ва Дирекцияга юкланади.
7-боб. Якунловчи қоидалар
32. Жамғарма фаолияти, шунингдек Жамғарма маблағларидан фойдаланилиши доирасида вужудга келадиган баҳслар қонун ҳужжатларида белгиланган тартибда ҳал этилади.
33. Мазкур Низом талаблари бузилишида айбдор бўлган шахслар қонунчиликда белгиланган тартибда жавоб беришади.
34. Жамғармани қайта ташкил этиш ва тугатиш қонунчиликда белгиланган тартибда амалга оширилади.
 LexUZ шарҳи
Қаранг: Ўзбекистон Республикаси Фуқаролик кодексининг 49 –– 57-моддалари.
Вазирлар Маҳкамасининг 2017 йил 5 октябрдаги 799-сон қарорига
5-ИЛОВА
Ўзбекистон Республикаси Бандлик ва меҳнат муносабатлари вазирлиги ҳузуридаги Жамоат ишлари жамғармасининг маблағлари ҳисобидан ҳақ тўланадиган жамоат ишларига банд бўлмаган аҳолини босқичма-босқич жалб этиш
ЖАДВАЛИ

Т/р

Ҳудудлар

2017 йилнинг октябрь ойидан бошлаб тажриба тариқасида банд бўлмаган аҳолини жалб қилган ҳолда жамоат ишлари ташкил қилинадиган туманлар (шаҳарлар)

2018 йилнинг 1 январидан бошлаб ҳудудларнинг қолган барча шаҳар ва туманларида банд бўлмаган аҳолини ҳақ тўланадиган жамоат ишларига жалб қилиш кўзда тутилмоқда

1.

Қорақалпоғистон Республикаси

Хўжайли тумани

2.

Андижон вилояти

Шаҳрихон тумани

3.

Бухоро вилояти

Бухоро тумани

4.

Жиззах вилояти

Шароф Рашидов тумани

5.

Қашқадарё вилояти

Шаҳрисабз тумани

6.

Навоий вилояти

Кармана тумани

7.

Наманган вилояти

Наманган тумани

8.

Самарқанд вилояти

Пасдарғом тумани

9.

Сурхондарё вилояти

Денов тумани

10.

Сирдарё вилояти

Сирдарё тумани

11.

Тошкент вилояти

Бекобод шаҳри

Паркент тумани

12.

Фарғона вилояти

Қува тумани

13.

Хоразм вилояти

Хива тумани

14.

Тошкент шаҳри

Сергели тумани