Ҳужжат 13.01.2003 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
СПИРТ, АЛКОГОЛЛИ МАҲСУЛОТЛАР ВА ТАМАКИ МАҲСУЛОТЛАРИ ИШЛАБ ЧИҚАРИШ ВА СОТИШНИ ДАВЛАТ ТОМОНИДАН ТАРТИБГА СОЛИШНИ ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА
[Кўчирма]
Спирт, алкоголли маҳсулотлар ва тамаки маҳсулотлари ғайриқонуний ишлаб чиқарилиши, улар контрабандаси ва айланиши ҳолларига барҳам бериш, бюджетга даромадлар тушумининг тўлиқлигини таъминлаш, шунингдек хўжалик юритувчи субъектлар ўртасидаги ўзаро ҳисоб-китобларни тартибга солиш мақсадида Вазирлар Маҳкамаси қарор қилади:
1. Бош вазир Ў.Т. Султонов ва Бош вазирнинг ўринбосари Б.М. Олимжонов томонидан «Ўзмевасабзавотузумсаноат-холдинг» холдинг компанияси ҳамда спирт ва вино-ароқ маҳсулотлари ишлаб чиқарувчи корхоналар фаолияти устидан суст раҳбарлик қилинаётганлиги қайд этилсин.
Спирт ва вино-ароқ маҳсулотлари ишлаб чиқарувчи корхоналарнинг раҳбарлари, раҳбарларнинг ўринбосарлари, бош мутахассислар лавозимларини махсус маълумотга ва тегишли тайёргарликка эга бўлмаган шахслар эгаллаб туриши йўл қўйиб бўлмайдиган ҳол деб ҳисоблансин.
Қонун ҳужжатларини бузиш, спирт ва вино-ароқ маҳсулотларини ғайриқонуний ишлаб чиқариш ва сотиш ҳоллари давом этмоқда.
2. Ўзбекистон Республикаси Молия вазирлигига спирт ва вино-ароқ маҳсулотлари ишлаб чиқарувчи корхоналарга бириктирилган молия инспекторлари фаолияти устидан суст назорат қилинаётганлиги кўрсатиб ўтилсин.
Ўзбекистон Республикаси Молия вазирлиги молия инспекторлари фаолиятига ҳар чоракда баҳо берсин ҳамда молия инспекторларига бириктирилган корхоналарда аниқланган ҳар бир қонун бузилишини уларнинг эгаллаб турган лавозимига номувофиқлиги сифатида қарасин.
Кейинги таҳрирга қаранг.
3. Спирт ва вино-ароқ маҳсулотлари ишлаб чиқарувчи хўжалик бирлашмалари ва корхоналарнинг раҳбарлари, раҳбарларнинг ўринбосарлари, бош мутахассислари (муҳандислар ва технологлар), бош бухгалтерларини аттестациядан ўтказиш бўйича 1-иловага* мувофиқ таркибда махсус идоралараро комиссия тузилсин.
* 1-илова берилмайди.
Комиссия бир ой муддатда ходимларнинг кўрсатиб ўтилган тоифаларини талабчанлик билан аттестациядан ўтказсин ҳамда уларнинг сафларини касбига яроқсиз шахслардан ва жиноятчи унсурлардан шафқатсиз тозаласин.
5. Ўзбекистон Республикаси Давлат солиқ қўмитаси, Давлат божхона қўмитаси Ички ишлар вазирлиги билан биргаликда спирт, алкоголли маҳсулотлар ва тамаки маҳсулотлари ғайриқонуний ишлаб чиқарилиши, келтирилиши ва сотилиши ҳолларини аниқлаш ва уларга барҳам бериш бўйича режали ва мунтазам иш олиб борилишини таъминласинлар.
6. Қуйидагилар:
«Ўзкимёсаноат» уюшмаси ва «Ўзмевасабзавотузумсаноат-холдинг» холдинг компанияси тизимига кирмайдиган хўжалик юритувчи субъектлар томонидан спирт ишлаб чиқарилиши;
Кейинги таҳрирга қаранг.
технология эҳтиёжлари учун сотиб олинадиган техник спирт қайта сотилиши;
спиртнинг масъулиятли сақлашга топширилиши тақиқлансин.
Кейинги таҳрирга қаранг.
7. Белгилансинки:
Олдинги таҳрирга қаранг.
техник спирт ишлаб чиқарувчи корхоналар томонидан «Ўзстандарт» агентлигининг спиртдан фойдаланиш заруриятини ва технология эҳтиёжлари учун талаб қилинадиган спирт ҳажмини тасдиқловчи хулосаси бўйича фақат юридик шахсларга сотилади;
(7-банднинг иккинчи хатбоши Ўзбекистон Республикаси Вазирлар Маҳкамасининг 2003 йил 13январдаги 14-сонли қарори таҳририда — ЎР ҚҲТ, 2003 й., 1-2-сон, 9-модда;)
Кейинги таҳрирга қаранг.
спиртни масъулиятли сақлашга топшириш даромадни яширишга тенглаштирилади ҳамда ишлаб чиқарувчи корхоналар раҳбарлари ушбу тартиб бузилиши учун амалдаги қонун ҳужжатларига мувофиқ жавобгарликка тортилади;
Кейинги таҳрирга қаранг.
бартер битишувларида қатнашувчи хўжалик юритувчи субъектларнинг мансабдор шахслари вино-ароқ маҳсулотлари билан бартер операциялари ўтказганлиги учун қонун ҳужжатларида солиқ тўлашдан бош тортганлик учун назарда тутилган жавобгарликка тортиладилар;
Кейинги таҳрирга қаранг.
вино-ароқ маҳсулотлари билан бартер операцияларида қатнашувчи хўжалик юритувчи субъектларга солиқ органлари томонидан битишув суммасининг 100 фоизи миқдорида жарима солинади, у республика бюджети даромадига ўтказилади.
Кейинги таҳрирга қаранг.
8. Белгилаб қўйилсинки:
сотиладиган алкоголли маҳсулотлар ва тамаки маҳсулотлари учун олдиндан ҳақ тўлаш миқдори контракт тузилган маҳсулотнинг бутун ҳажми учун акциз солиғи суммасини ўз ичига олиши керак;
Кейинги таҳрирга қаранг.
алкоголли маҳсулотлар ишлаб чиқарувчи корхоналар контракт тузилган маҳсулотнинг ҳақи тўланган ҳажмини ўз вақтида юклаб жўнатмаганлиги учун (маблағлар тушган кундан бошлаб 3 банк кунидан ортиқ) харидорга муддати кечиктирилган ҳар бир кун учун ўз вақтида юклаб жўнатилмаган маҳсулот қийматининг 3 фоизи миқдорида айбона тўлайдилар.
Кейинги таҳрирга қаранг.
9. «Ўздавстандарт» маркази тизимида ходимларнинг умумий сони доирасида Давлат инспекцияси ташкил этилсин ва унга алкоголли маҳсулотлар сифатини назорат қилиш вазифаси юклансин.
«Ўздавстандарт» маркази «Ўзкимёсаноат» уюшмаси ва «Ўзмевасабзавотузумсаноат-холдинг» холдинг компанияси билан биргаликда Алкоголли маҳсулотлар сифатини назорат қилиш давлат инспекцияси низомини ва тузилмасини ўн кун муддатда тасдиқлаш учун Вазирлар Маҳкамасига киритсин.
10. Ўзбекистон Республикаси Прокуратураси:
спирт, алкоголли маҳсулотлар ва тамаки маҳсулотлари ишлаб чиқариш ва уларнинг айланиши соҳасида ҳуқуқни бузишга йўл қўйган шахсларни ўз вақтида маъмурий ва жиноий жавобгарликка тортиш бўйича қонун ҳужжатларида белгиланган чора-тадбирларга оғишмай риоя қилиниши устидан прокурор назоратини кучайтирсин;
Кейинги таҳрирга қаранг.
спирт, алкоголли маҳсулотлар ва тамаки маҳсулотлари ишлаб чиқариш, келтириш ва сотишни ташкил этишда юзага келаётган аҳволни ярим йиллик якунлари ва умуман йил якунлари бўйича мунтазам равишда таҳлил қилиб борсин ва Вазирлар Маҳкамасига ахборот берсин.
11. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1999 йил 23 сентябрь,
444-сон

(Ўзбекистон Республикаси Ҳукуматининг қарорлари тўплами, 1999 й., 9-сон, 58-модда; Ўзбекистон Республикаси қонун ҳужжатлари тўплами, 2003 й., 1-2-сон, 9-модда; 2006 й., 12-13-сон, 105-модда; 2012 й., 44-сон, 507-модда; Қонун ҳужжатлари маълумотлари миллий базаси, 16.07.2018 й., 09/18/539/1519-сон; 24.08.2019 й., 09/19/707/3626-сон; Қонунчилик маълумотлари миллий базаси, 05.04.2022 й., 09/22/153/0266-сон; 06.08.2022 й., 09/22/431/0716-сон; 30.01.2025 й., 09/25/45/0084-сон)