Ҳужжат 31.08.2022 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
Ўзбекистон Республикаси Фанлар академиясининг янгидан ташкил этилган илмий ташкилотлар фаолиятини ташкил этиш чора-тадбирлари тўғрисида
Ўзбекистон Республикаси Фанлар академияси тузилмасига берилган ҳамда унинг таркибида янгидан ташкил этилган илмий-тадқиқот муассасалари фаолиятини ташкил этиш юзасидан зарур чора-тадбирлар амалга оширилишини таъминлаш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон Республикаси Президентининг «Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида» 2017 йил 17 февралдаги ПҚ-2789-сон қарори билан Тарих институти Ўзбекистон Республикаси Фанлар академияси (кейинги ўринларда Фанлар академияси деб аталади) таркибига ўтказилганлиги, шунингдек В.И. Романовский номидаги Математика институти, Ядро физикаси институти, У.А. Орифов номидаги Ион-плазма ва лазер технологиялари институти, М.Т. Ўрозбоев номидаги Механика ва иншоотлар сейсмик мустаҳкамлиги институти, Полимерлар кимёси ва физикаси институти, Абу Райҳон Беруний номидаги Шарқшунослик институти, Я. Ғуломов номидаги Археологик тадқиқотлар институти, Ўзбек тили, адабиёти ва фольклори институти ҳамда Алишер Навоий номидаги Давлат адабиёт музейи (кейинги ўринларда янгидан ташкил этилган илмий ташкилотлар деб аталади) янгидан ташкил этилганлиги маълумот учун қабул қилинсин.
(1-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
2. Қуйидагилар:
археологик ва этнологик тадқиқотларнинг назарий ва методологик жиҳатларини ишлаб чиқиш, XIX асрнинг иккинчи ярми — ХХ аср боши Ўзбекистон тарихини тизимли ўрганишни ташкил этиш, холисона ёндашув асосида ўзбек халқининг давлатчилиги тарихи бўйича тадқиқотларни амалга ошириш, ўтмишнинг сохталаштирилишига йўл қўймаслик, жаҳоннинг цивилизацион ривожланиши билан боғлиқликда Ўзбекистоннинг янги ва энг янги тарихи билан боғлиқ масалаларни ҳар томонлама ва чуқур тадқиқ этиш — Фанлар академияси Тарих институтининг;
математика фанлари: алгебра ва функционал анализ, дифференциал тенглама ва математик физика, динамик тизимлар назарияси, геометрия ва топология, эҳтимоллик назарияси ва математик статистика, амалий математика ва математик моделлаштириш математика фанларининг устувор йўналишлари бўйича халқаро стандартлар даражасида илмий тадқиқотлар олиб бориш — Фанлар академияси В.И. Романовский номидаги Математика институтининг;
ядро физикаси, элементар зарралар ва амалий ядро физикаси, қаттиқ жисм радиацион физикаси ва наноматериаллар физикаси, ядро аналитикаси ва радиокимё, илмий приборсозлик ва амалий электрониканинг истиқболли йўналишларида тадқиқотлар олиб бориш — Фанлар академияси Ядро физикаси институтининг;
электроника, фотоника, молекуляр физика ва иссиқлик физикаси, ярим ўтказгичлар ва янги материаллар технологияси соҳасида илмий тадқиқотлар олиб бориш, замонавий жаҳон тенденцияларини ҳисобга олган ҳолда оригинал ион-плазма, лазер технологияларини ишлаб чиқиш — Фанлар академиясининг У.А. Орифов номидаги Ион-плазма ва лазер технологиялари институтининг;
деформацияланувчи қаттиқ жисм механикаси, грунтлар механикаси, суюқлик ва газ механикасининг илмий асосларини, экспериментал механика усулларини, механизмлар ва машиналар, конструкциялар динамикаси ва мустаҳкамлиги назарияларини ривожлантириш, иншоотларнинг сейсмик чидамлилиги муаммолари ва уларнинг сейсмик хавфсизлигини таъминлаш, уларни фаол сейсмик ҳимоя қилиш усуллари бўйича тавсиялар тайёрлаш, ҳаётни таъминлаш тизимлари учун сейсмик таҳдидни пасайтириш стратегиясини ишлаб чиқиш — Фанлар академиясининг М.Т.Ўрозбоев номидаги Механика ва иншоотлар сейсмик мустаҳкамлиги институтининг;
Кейинги таҳрирга қаранг.
табиий ва синтетик полимерлар, нанокомпазицион материаллар соҳасида илмий тадқиқотлар олиб бориш, нанокимё, нанофизика, юқори молекуляр бирикмалар нанотехнологиялари соҳасидаги илмий тадқиқотларни ривожлантириш ва чуқурлаштириш, полимер асосида учинчи авлод энергиянинг муқобил манбаларини яратиш, маҳаллий полимер препаратлар, материаллар ва технологияларни яратиш ҳамда иқтисодиёт тармоқларида жорий этиш — Фанлар академияси Полимерлар кимёси ва физикаси институтининг;
шарқ тилларидаги қадимги ва ўрта асрлар шарқ қўлёзмалари ва тарихий ҳужжатларни сақлаш, тизимлаштириш, реставрация қилиш, рақамлашни таъминлаш, Ўзбекистонда сақланаётган ноёб қўлёзмаларнинг электрон базасини яратиш ва жорий этиш, улар чуқур ўрганилишини ва илмий тавсифлари тузилишини ташкил этиш — Фанлар академиясининг Абу Райҳон Беруний номидаги Шарқшунослик институтининг;
Олдинги таҳрирга қаранг.
(2-банднинг тўққизинчи хатбошиси Ўзбекистон Республикаси Вазирлар Маҳкамасининг 2022 йил 31 августдаги 485-сонли қарорига асосан чиқарилган — Қонунчилик маълумотлари миллий базаси, 31.08.2022 й., 09/22/485/0789-сон)
Олдинги таҳрирга қаранг.
ўзбек тили, адабиёти ва фольклорларининг тарихан шаклланган адабий, лингвистик мактаблари ва таълимотларини тадқиқ этиш, ўзбек тилининг базавий академик ва ўқув грамматикаларини яратиш, ўзбек тилининг фонетик тизими бўйича илмий тадқиқотлар олиб бориш, ўзбек тили, адабиёти ва фольклорининг тарихий ривожланиши тамойилларини, шунингдек замонавий тил ва адабий жараёнлар қонунларини, миллий-адабий анъаналарнинг тил ва адабиётнинг ҳозирги ҳолатига таъсири масалаларини тадқиқ этиш, тиллар ва адабиётларнинг ўзаро алоқаси билан боғлиқликда ўзбек тили ва адабиётининг ўзига хослигини ўрганиш — Фанлар академияси Ўзбек тили, адабиёти ва фольклори институтининг асосий вазифалари ва фаолияти йўналишлари этиб белгилансин.
(2-банднинг ўнинчи хатбошиси Ўзбекистон Республикаси Вазирлар Маҳкамасининг 2017 йил 6 ноябрдаги 891-сонли қарори таҳририда — Қонун ҳужжатлари маълумотлари миллий базаси, 07.11.2017 й., 09/17/891/0216-сон)
Олдинги таҳрирга қаранг.
(2-банднинг ўн биринчи хатбошиси Ўзбекистон Республикаси Вазирлар Маҳкамасининг 2017 йил 6 ноябрдаги 891-сонли қарорига асосан чиқарилган — Қонун ҳужжатлари маълумотлари миллий базаси, 07.11.2017 й., 09/17/891/0216-сон)
3. Тарих институти, В.И. Романовский номидаги Математика институти, Ядро физикаси институти, У.А. Орифов номидаги Ион-плазма ва лазер технологиялари институти, М.Т. Ўрозбоев номидаги Механика ва иншоотлар сейсмик мустаҳкамлиги институти, Полимерлар кимёси ва физикаси институти, Абу Райҳон Беруний номидаги Шарқшунослик институти, Я. Ғуломов номидаги Археологик тадқиқотлар институти, Ўзбек тили, адабиёти ва фольклори институти ҳамда Алишер Навоий номидаги Давлат адабиёт музейининг тузилмалари 1 — 10-иловаларга мувофиқ тасдиқлансин.
Кейинги таҳрирга қаранг.
Олдинги таҳрирга қаранг.
Фанлар академияси президентига, зарурият бўлганда, илмий ташкилотларнинг тасдиқланган тузилмаларига ходимларнинг умумий белгиланган сони ва меҳнатга ҳақ тўлаш фонди доирасида ўзгартиришлар киритиш ҳуқуқи берилсин.
(3-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
4. Белгилансинки:
Олдинги таҳрирга қаранг.
Ўзбекистон Республикаси Инновацион ривожланиш вазирлиги томонидан ўтказиладиган танловлар натижалари бўйича ажратиладиган грантлар;
(4-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 14 февралдаги 109-сонли қарори таҳририда — Қонун ҳужжатлари маълумотлари миллий базаси, 15.02.2018 й., 09/18/109/0699-сон)
Олдинги таҳрирга қаранг.
Алишер Навоий номидаги Давлат адабиёт музейини, шунингдек ноёб илмий объект сифатида янгидан ташкил этилган илмий ташкилотларнинг алоҳида бўлинмаларини жорий сақлаб туриш учун ажратиладиган мақсадли бюджет маблағлари;
(4-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Олдинги таҳрирга қаранг.
тадбиркорлик фаолиятидан олинадиган тушумлар, халқаро молия институтлари ва бошқа институтларнинг, хорижий ҳукумат ташкилотларининг грантлари, шунингдек қонун ҳужжатларида тақиқланмаган бошқа манбалар Фанлар академиясининг янгидан ташкил этилган илмий ташкилотлар фаолиятини молиялаштириш манбалари ҳисобланади.
(4-банднинг тўртинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
5. Фанлар академияси икки ой муддатда:
Олдинги таҳрирга қаранг.
янгидан ташкил этилган илмий ташкилотларнинг уставлари ишлаб чиқилиши ва тасдиқланишини ва улар давлат рўйхатидан ўтказилишини таъминласин;
(5-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Олдинги таҳрирга қаранг.
янгидан ташкил этилган илмий ташкилотларни юқори малакали илмий кадрлар ва истиқболли ёш мутахассислар билан бутлашни таъминласин;
(5-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Ўзбекистон Республикаси Фан ва технологиялар агентлиги билан биргаликда янгидан ташкил этилган илмий муассасаларнинг илмий тадқиқотлари мавзуларини, уларнинг замонавий талабларга ва жаҳон илмий ютуқлари даражасига мувофиқлигини, шунингдек иқтисодиёт тармоқлари ва соҳаларининг илм-фанни кўплаб талаб этадиган технологияларга реал эҳтиёжидан келиб чиқиб ва амалга оширилаётган ислоҳотлар ва таркибий қайта ўзгартиришларни ҳисобга олиб танқидий таҳлил қилсин ва қайта кўриб чиқсин;
Олдинги таҳрирга қаранг.
Ўзбекистон Республикаси Фан ва технологиялар агентлиги Меҳнат вазирлиги ва Молия вазирлиги билан биргаликда республика илмий ташкилотларнинг ёрдамчи ходимларининг намунавий штатларини ишлаб чиқсин ва тасдиқласин.
(5-банднинг бешинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Олдинги таҳрирга қаранг.
6. Фанлар академиясининг Ядро физикаси институтида олиб борилаётган илмий тадқиқотларнинг самарадорлигини ошириш мақсадида Ўзбекистон Республикаси Фанлар академияси, Ўзбекистон Республикаси Саноат хавфсизлиги давлат қўмитаси, Соғлиқни сақлаш вазирлиги, Фавқулодда вазиятлар вазирлиги, Молия вазирлигининг Фанлар академиясининг Ядро физикаси институтининг ВВР-СМ тадқиқотчилик ядро реактори фаолият кўрсатишини давом эттириши тўғрисидаги таклифига розилик берилсин.
(6-банд Ўзбекистон Республикаси Вазирлар Маҳкамасининг 2019 йил 6 мартдаги 195-сонли қарори таҳририда — Қонун ҳужжатлари маълумотлари миллий базаси, 07.03.2019 й., 09/19/195/2712-сон)
Олдинги таҳрирга қаранг.
7. Ўзбекистон Республикаси Фанлар академияси илмий ташкилотларнинг илмий ходимларини моддий рағбатлантириш жамғармаси тўғрисидаги Низом 11-иловага мувофиқ тасдиқлансин.
(7-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
8. Ўзбекистон Республикаси Олий ва ўрта махсус таълим вазирлиги ҳамда Фавқулодда вазиятлар вазирлиги 12-иловага* мувофиқ рўйхат бўйича бинолар ва иншоотларни оператив бошқариш ҳуқуқи билан белгиланган тартибда берсин, Ўзбекистон Республикаси Фанлар академияси эса қабул қилиб олсин.
* 12-илова рус тилидаги матнда берилган.
9. Бепул фойдаланиш ҳуқуқи билан:
Фанлар академиясининг Ўзбек тили, адабиёти ва фольклори институти ҳамда Фанлар академиясининг Тарих институти Тошкент шаҳри, Шаҳрисабз кўчаси, 5-уй манзилида;
Фанлар академиясининг Микробиология институти Тошкент шаҳри, А.Қодирий кўчаси, 7б-уй манзилида жойлаштирилсин.
10. Ўзбекистон Республикаси Фанлар академияси, Олий ва ўрта махсус таълим вазирлиги, Фавқулодда вазиятлар вазирлиги ҳамда Фан ва технологиялар агентлиги Ўзбекистон Республикаси Олий ва ўрта махсус таълим вазирлиги ҳамда Фавқулодда вазиятлар вазирлигининг тугатилаётган илмий-тадқиқот муассасаларининг илмий-техник лойиҳалари, асбоб-ускуналари, моддий бойликлари ва бошқа мол-мулкини, шу жумладан автотранспорт воситалари ва ёқилғи-мойлаш материаллари лимитларини бир ой муддатда тўлиқ хатловдан ўтказсинлар, уларни Фанлар академиясининг янгидан ташкил этилган илмий-тадқиқот муассасаларига берсинлар.
11. Ўзбекистон Республикаси Молия вазирлиги ушбу қарор қоидаларидан келиб чиқиб Ўзбекистон Республикаси Давлат бюджетининг 2017 йил учун тасдиқланган харажатлари рўйхатига тегишли ўзгартиришлар киритсин.
12. Ўзбекистон Республикаси Ҳукуматининг 13-иловага мувофиқ айрим қарорларига ўзгартиришлар киритилсин.
13. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Таълим ва илм-фан масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 18 май,
292-сон
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2020 йил 8 июндаги 366-сонли қарорига асосан ўз кучини йўқотган — Қонун ҳужжатлари маълумотлари миллий базаси, 09.06.2020 й., 09/20/366/0740-сон)
Олдинги таҳрирга қаранг.
(2-илова Ўзбекистон Республикаси Президентининг 2019 йил 21 ноябрдаги ПҚ-4526-сонли қарорига асосан ўз кучини йўқотган — Қонун ҳужжатлари маълумотлари миллий базаси, 22.11.2019 й., 07/19/4526/4064-сон)
Олдинги таҳрирга қаранг.
(3-илова Ўзбекистон Республикаси Президентининг 2019 йил 21 ноябрдаги ПҚ-4526-сонли қарорига асосан ўз кучини йўқотган — Қонун ҳужжатлари маълумотлари миллий базаси, 22.11.2019 й., 07/19/4526/4064-сон)
Вазирлар Маҳкамасининг 2017 йил 18 майдаги 292-сон қарорига
4-ИЛОВА
Ўзбекистон Республикаси Фанлар академиясининг У.А. Орифов номидаги Ион-плазма ва лазер технологиялари институтининг
ТУЗИЛМАСИ
Вазирлар Маҳкамасининг 2017 йил 18 майдаги 292-сон қарорига
5-ИЛОВА
Ўзбекистон Республикаси Фанлар академиясининг М.Т. Ўрозбоев номидаги Механика ва иншоотлар сейсмик мустаҳкамлиги институтининг
ТУЗИЛМАСИ
Олдинги таҳрирга қаранг.

Директор

Илмий кенгаш

Директор ўринбосари

Илмий котиб

Ер ости иишоотлари, асослар ва пойдеворлар сейсмодинамикаси лабораторияси

10

Конструкциялар мустаҳкамлиги ва иншоотлар сейсмик барқарорлигининг экспериментал тадқиқотлар лабораторияси

9

Ахборот-таҳлил хизмати

2

Бош юрисконсульт

1

Ахборот-ресурс маркази

2

Бухгалтерия

3

Фазовий иншоотлар динамикаси ва устуворлиги

лабораторияси

11

Механизм ва машиналар назарияси лабораторияси

10

«Механика муаммолари» илмий журнали

Кадрлар бўйича инспектор

1

«Кузатишлар муҳандислик-сейсмометрик станцияси» ноёб илмий объект

4

Грунтли иншоотлар динамикаси лабораторияси

10

Машиналар динамикаси ва технологик жараёнлар муаммолари лабораторияси

10

Махсус қисм

1

Маъмурий-хўжалик хизмати

2

Бино ва иншоотларни моделлаштириш ва паспортлаштириш лабораторияси

9

Суюқлик, газ ва гидроузатиш тизимлари механикаси лабораторияси

10

Ходимларнинг чекланган умумий сони бажариладиган илмий-тадқиқот ва инновация ишлари ҳажмига қараб 98 нафаргачани, шу жумладан илмий ходимлар 81 нафаргачани ташкил этади.
Ёрдамчи ходимлар сони қонун ҳужжатларига мувофиқ нормативлар бўйича белгиланади.
Илмий-техник лойиҳаларни амалга ошириш учун мутахассислар ва олимлар шартнома асосида қўшимча жалб этилиши мумкин.
(5-илова Ўзбекистон Республикаси Вазирлар Маҳкамасининг 2022 йил 9 мартдаги 102-сонли қарори таҳририда — Қонунчилик маълумотлари миллий базаси, 09.03.2022 й., 09/22/102/0190-сон)
Кейинги таҳрирга қаранг.
Вазирлар Маҳкамасининг 2017 йил 18 майдаги 292-сон қарорига
6-ИЛОВА
Ўзбекистон Республикаси Фанлар академияси Полимерлар кимёси ва физикаси институтининг
ТУЗИЛМАСИ
Вазирлар Маҳкамасининг 2017 йил 18 майдаги 292-сон қарорига
7-ИЛОВА
Ўзбекистон Республикаси Фанлар академиясининг Абу Райҳон Беруний номидаги Шарқшунослик институтининг
ТУЗИЛМАСИ
Олдинги таҳрирга қаранг.
(8-илова Ўзбекистон Республикаси Вазирлар Маҳкамасининг 2020 йил 8 июндаги 366-сонли қарорига асосан ўз кучини йўқотган — Қонун ҳужжатлари маълумотлари миллий базаси, 09.06.2020 й., 09/20/366/0740-сон)
Вазирлар Маҳкамасининг 2017 йил 18 майдаги 292-сон қарорига
9-ИЛОВА
Олдинги таҳрирга қаранг.
Ўзбекистон Республикаси Фанлар академияси Ўзбек тили, адабиёти ва фольклори институтининг
ТУЗИЛМАСИ
Ходимларнинг чекланган умумий сони бажариладиган илмий-тадқиқот ва инновация ишлари ҳажмига қараб 60 нафаргачани, шу жумладан илмий ходимлар 51 нафаргачани ташкил этади.
Ёрдамчи ходимлар сони қонун ҳужжатларига мувофиқ нормативлар бўйича белгиланади.
Илмий-техник лойиҳаларни амалга ошириш учун мутахассислар ва олимлар шартнома асосида қўшимча жалб этилиши мумкин.
(9-илованинг матни Ўзбекистон Республикаси Вазирлар Маҳкамасининг 2020 йил 11 мартдаги 139-сонли қарори таҳририда — Қонун ҳужжатлари маълумотлари миллий базаси, 11.03.2020 й., 09/20/139/0283-сон)
Вазирлар Маҳкамасининг 2017 йил 18 майдаги 292-сон қарорига
10-ИЛОВА
Ўзбекистон Республикаси Фанлар академиясининг Алишер Навоий номидаги Давлат адабиёт музейининг
ТУЗИЛМАСИ
Вазирлар Маҳкамасининг 2017 йил 18 майдаги 292- сон қарорига
11-ИЛОВА
Олдинги таҳрирга қаранг.
Ўзбекистон Республикаси Фанлар академиясининг илмий ташкилотлар илмий ходимларини моддий рағбатлантириш жамғармаси тўғрисида
(11-илованинг номи Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
НИЗОМ
1-боб. Умумий қоидалар
Олдинги таҳрирга қаранг.
1. Ушбу Низом Ўзбекистон Республикаси Фанлар академиясининг (кейинги ўринларда Фанлар академияси деб аталади) Илмий ташкилотлар илмий ходимларини моддий рағбатлантириш жамғармаси (кейинги ўринларда Жамғарма деб аталади) маблағларини бошқариш, шакллантириш ва улардан фойдаланиш тартибини белгилайди.
(1-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
2. Жамғарма Фанлар академиясида юридик шахс ташкил этмасдан ташкил этилади.
Олдинги таҳрирга қаранг.
Жамғарма маблағлари Ўзбекистон Республикаси Молия вазирлигининг Ғазначилигида ғазна шахсий ҳисоб рақамларида жамланади ҳамда Фанлар академияси илмий ташкилотларнинг илмий тадқиқотларда салмоқли натижаларга эришган илмий ходимларини моддий рағбатлантириш ва меҳнатини рағбатлантиришга йўналтирилади.
(2-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
2-боб. Жамғармани бошқариш
3. Жамғарма маблағларини бошқариш Фанлар академиясининг Президиуми томонидан амалга оширилади. Қуйидагилар Фанлар академияси Президиумининг асосий вазифалари ҳисобланади:
Жамғарманинг келгуси йилга даромадлари ва харажатлари сметасини тасдиқлаш;
йил чораги якунлари бўйича Жамғарма даромадлари ва маблағлари харажатлари тўғрисидаги ҳисоботларини кўриб чиқиш ва тасдиқлаш;
Жамғарма маблағларидан мақсадли ва самарали фойдаланилишини назорат қилиш;
Жамғармага хорижий грантларни жалб этиш;
Жамғарма маблағларини шакллантириш ва улардан фойдаланиш билан боғлиқ бошқа ваколатларни амалга ошириш.
4. Жамғарма маблағларига жорий хизмат кўрсатиш, шунингдек уларнинг ҳисоби ва ҳисоботини юритиш Фанлар академиясининг молия-иқтисодиёт бўлими томонидан амалга оширилади.
3-боб. Жамғарма маблағларини шакллантириш тартиби
5. Қуйидагилар Жамғарма маблағларини шакллантириш манбалари ҳисобланади:
Олдинги таҳрирга қаранг.
Фанлар академияси илмий ташкилотларнинг хўжалик ва тадбиркорлик фаолиятидан тушган соф фойданинг 10 фоизи миқдоридаги ажратмалар;
(5-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
юридик ва жисмоний шахсларнинг ҳомийлик хайриялари, халқаро ташкилотларнинг грантлари;
қонун ҳужжатларида тақиқланмаган бошқа манбалар.
Олдинги таҳрирга қаранг.
6. Ушбу Низомнинг 5-бандида кўрсатилган манбалардан Жамғармага ажратмалар Фанлар академиясининг илмий ташкилотлар томонидан ҳар чоракда ҳисобот чорагидан кейинги ойнинг 20-кунидан кечикмай амалга оширилади.
(6-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
7. Жамғарма даромадлари ва харажатлари сметаси Фанлар академияси Президиуми томонидан ҳар йили 25 декабргача тасдиқланади.
8. Жамғарманинг жорий йилда фойдаланилмаган маблағлари Ўзбекистон Республикаси Давлат бюджетига олиб қўйилмайди ва кейинги йилда ушбу Низомда белгиланган мақсадларда фойдаланилади.
4-боб. Жамғарма маблағларидан фойдаланиш тартиби
9. Жамғарма маблағларидан фойдаланиш Фанлар академияси Президиумининг қарорлари асосида ҳамда тегишли йилга даромадлар ва харажатлар сметасига мувофиқ амалга оширилади.
Олдинги таҳрирга қаранг.
10. Фанлар академияси Президиумининг илмий ташкилотлар илмий ходимларини моддий рағбатлантириш тўғрисидаги қарори очиқ овоз бериш шартларида йиғилишда иштирок этаётган аъзоларнинг оддий кўпчилик овози билан қабул қилинади. Қарор Фанлар академияси Президиуми аъзоларининг камида учдан икки қисми қатнашганда қонуний ҳисобланади. Овозлар тенг бўлганда, Фанлар академияси президентининг овози ҳал қилувчи овоз ҳисобланади.
(10-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
Олдинги таҳрирга қаранг.
11. Жамғарма маблағлари Фанлар академияси илмий ташкилотларининг илмий тадқиқотларнинг салмоқли натижаларига эришган илмий ходимларини уларнинг базавий маошларига шахсий устамалар белгилаш ва (ёки) бир йўла мукофотлаш йўли билан моддий рағбатлантиришга йўналтирилади.
(11-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
12. Қуйидагилар:
илмий тадқиқотлар соҳасида юқори даражадаги янги натижаларга эришган (янги назариялар, қонуниятлар, ҳодисалар, самаралар, тадқиқот усуллари, янги натижаларни нуфузли, иқтибослар кўп олинадиган илмий журналларда эълон қилиш, монографиялар, дарсликлар ва шу кабиларни нашр этиш);
Олдинги таҳрирга қаранг.
Фанлар академиясининг илмий ташкилотларда бажарилган илмий тадқиқотлар натижалари бўйича фан доктори (DSc) ва фалсафа доктори (PhD) илмий даражаларини олишга диссертацияларни муваффақиятли ҳимоя қилган;
(12-банднинг учинчи хатбошиси Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
янги амалий муҳим натижаларга эришган;
иқтисодиёт тармоқларига ва ишлаб чиқаришга илмий тадқиқотларнинг янги амалий муҳим натижаларини (янги материаллар, технологиялар, приборлар, машиналар, қурилмалар ва шу кабиларни) жорий этган;
олиб борилган илмий тадқиқотлар натижалари бўйича расмийлаштирилган, лицензиялаш ва амалий қўллаш учун истиқболли бўлган Ўзбекистон Республикаси патентлари ва халқаро патентларни олган илмий ходимлар Жамғарма маблағлари ҳисобига моддий рағбатлантирилади.
13. Илмий тадқиқотларда салмоқли натижаларга эришган илмий ходимларга ушбу Низомнинг 12-бандида назарда тутилган мезонларга боғлиқ равишда Жамғарма маблағлари ҳисобига базавий лавозим маошининг 50 фоизи миқдоригача шахсий устамалар белгиланиши мумкин.
Шахсий устаманинг аниқ миқдори Фанлар академияси Президиумининг қарори билан 3 ойгача бўлган муддатга белгиланади.
Олдинги таҳрирга қаранг.
14. Илмий ташкилотларнинг илмий ходимларига Жамғарма маблағларидан бир йўла мукофотлар тўлаш улар томонидан ярим йилда ва бир йилда олинган илмий тадқиқотлар натижалари якунлари бўйича базавий лавозим маошининг икки баравари миқдорида тўланади. Мукофотнинг аниқ миқдори ушбу Низомнинг 12-бандида назарда тутилган мезонларга боғлиқ равишда Фанлар академияси Президиумининг қарори билан белгиланади.
(14-банд Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон)
15. Шахсий устамалар ва бир йўла тўланадиган мукофотлар илмий ходимлар учун Фанлар академияси Президиумининг қарори асосида Фанлар академияси президентининг буйруғи билан белгиланади.
16. Илмий ходимларга белгиланадиган шахсий устамалар ва бир йўла тўланадиган мукофотнинг умумий ҳажми бир йилда тегишли илмий ходимнинг базавий лавозим маошининг тўрт бараваридан ортиқ миқдорда бўлмаслиги керак.
17. Жамғарма маблағларидан, зарурат бўлганда, илмий ходимларга бир йилда битта базавий лавозим маоши миқдорида бир йўла моддий ёрдам бериш учун ҳам фойдаланилиши мумкин.
5-боб. Назорат, ҳисоб ва ҳисобот
18. Жамғарма маблағлари шакллантирилиши ва ундан мақсадли фойдаланилиши, шунингдек Жамғарма ҳисобидан бир йўла мукофотлар тўланишини белгилашнинг холислиги ва тўғрилиги учун Фанлар академияси президенти жавоб беради.
19. Жамғарма маблағларидан мақсадли фойдаланилишини текшириш қонун ҳужжатларида белгиланган тартибда амалга оширилади.
Вазирлар Маҳкамасининг 2017 йил 18 майдаги 292-сон қарорига
13-ИЛОВА
Ўзбекистон Республикаси Ҳукуматининг айрим қарорларига киритилаётган
ўзгартиришлар
1. Вазирлар Маҳкамасининг «Алишер Навоий номидаги Тошкент давлат ўзбек тили ва адабиёти университети фаолиятини ташкил этиш тўғрисида» 2016 йил 13 майдаги 152-сон қарорига 1-иловада (Ўзбекистон Республикаси ҚҲТ, 2016 й., 20-сон, 222-модда):
«Илмий ишлар бўйича проректор — Ўзбек тили ва адабиёти илмий-тадқиқот институти директори» блоки «Илмий ишлар бўйича проректор» блоки билан алмаштирилсин;
«Ўзбек тили ва адабиёти илмий-тадқиқот институти» ва Ўзбек тили ва адабиёти музейи» блоклари чиқариб ташлансин.
2. Вазирлар Маҳкамасининг 2016 йил 23 сентябрдаги 323-сон қарори (Ўзбекистон Республикаси ҚҲТ, 2016 й., 39-сон, 461-модда) билан тасдиқланган Ўзбекистон Республикаси Олий ва ўрта махсус таълим вазирлиги марказий аппаратининг тузилмасидан «Ўзбекистоннинг энг янги тарихи масалалари бўйича мувофиқлаштирувчи-методик марказ» блоки чиқариб ташлансин.
Кейинги таҳрирга қаранг.

(қарор номи Ўзбекистон Республикаси Вазирлар Маҳкамасининг 2021 йил 3 июндаги 345-сонли қарори таҳририда — Қонунчилик маълумотлари миллий базаси, 04.06.2021 й., 09/21/345/0522-сон;

(Ўзбекистон Республикаси қонун ҳужжатлари тўплами, 2017 й., 20-сон, 371-модда; Қонун ҳужжатлари маълумотлари миллий базаси, 07.11.2017 й., 09/17/891/0216-сон, 15.02.2018 й., 09/18/109/0699-сон; 07.03.2019 й., 09/19/195/2712-сон, 22.11.2019 й., 07/19/4526/4064-сон; 11.03.2020 й., 09/20/139/0283-сон; 09.06.2020 й., 09/20/366/0740-сон; Қонунчилик маълумотлари миллий базаси, 04.06.2021 й., 09/21/345/0522-сон; 09.03.2022 й., 09/22/102/0190; 31.08.2022 й., 09/22/485/0789-сон; 13.02.2024 й., 09/24/84/0118-сон; 07.05.2024 й., 09/24/266/0329-сон)