Ўзбекистон Республикасининг «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2016 йил 25 апрелдаги ЎРҚ-405-сон Қонунининг 6-моддасига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартиришлар киритилсин.

1. Вазирлар Маҳкамасининг 2011 йил 8 июндаги 165-сон қарори (Ўзбекистон Республикаси ҚТ, 2011 й., 6-сон, 46-модда) билан тасдиқланган Ўзбекистон Республикаси Давлат геология ва минерал ресурслар давлат қўмитаси тўғрисидаги Низомда:

а) 5-банднинг бешинчи хатбошидаги «геология-қидирув ишларининг узоқ муддатли (3 йилдан ортиқ даврга), ўрта муддатли (3 йилгача бўлган даврга) ҳамда ҳар йилги дастурларини» сўзлари «минерал хом ашё базасини ривожлантириш ва такрор ҳосил қилишнинг узоқ муддатли (3 йилдан ортиқ даврга), ўрта муддатли (3 йилгача бўлган даврга) ҳамда ҳар йилги давлат дастурларини» сўзлари билан алмаштирилсин;

б) 6-бандда:

бешинчи хатбошидаги «геология-қидирув ишлари дастурларини» сўзлари «минерал хом ашё базасини ривожлантириш ва такрор ҳосил қилишнинг давлат дастурларини» сўзлари билан алмаштирилсин;

олтинчи хатбоши қуйидаги таҳрирда баён қилинсин:

еттинчи хатбошидаги «геология-қидирув ишларининг узоқ муддатли, ўрта муддатли ва ҳар йилги дастурларини» сўзлари «минерал хом ашё базасини ривожлантириш ва такрор ҳосил қилишнинг узоқ муддатли, ўрта муддатли ва ҳар йилги давлат дастурларини» сўзлари билан алмаштирилсин;

ўн тўртинчи хатбошидаги «геология-қидирув ишларининг тасдиқланган дастурларига» сўзлари «минерал хом ашё базасини ривожлантириш ва такрор ҳосил қилишнинг тасдиқланган давлат дастурларига» сўзлари билан алмаштирилсин;

ўн олтинчи хатбошидаги «геология-қидирув ишларининг» сўзлари «минерал хом ашё базасини ривожлантириш ва такрор ҳосил қилишнинг» сўзлари билан алмаштирилсин;

йигирманчи хатбошидаги «алоҳида» сўзи чиқариб ташлансин;

в) 12-банднинг тўртинчи хатбошидаги «геология-қидирув ишларининг узоқ муддатли, ўрта муддатли ҳамда ҳар йилги дастурларини» сўзлари «минерал хом ашё базасини ривожлантириш ва такрор ҳосил қилишнинг узоқ муддатли, ўрта муддатли ҳамда ҳар йилги давлат дастурларини» сўзлари билан алмаштирилсин.

2. Вазирлар Маҳкамасининг «Ўзбекистон Республикаси Давлат геология ва минерал ресурслар қўмитаси, «Навоий КМК» давлат корхонаси ва «Олмалиқ КМК» очиқ акциядорлик жамияти томонидан амалга ошириладиган геология-қидирув ишлари дастурларини шакллантириш тартибини такомиллаштириш чора-тадбирлари тўғрисида» 2012 йил 30 майдаги 152-сон қарорида:

а) қарорнинг номидаги, муқаддимадаги, 1 ва 3-бандлардаги «геология-қидирув ишлари дастурларига» сўзлари «минерал хом ашё базасини ривожлантириш ва такрор ҳосил қилишнинг давлат дастурларига» сўзлари билан алмаштирилсин;

3. Вазирлар Маҳкамасининг 2013 йил 15 августдаги 225-сон қарори (Ўзбекистон Республикаси ҚТ, 2013 й., 8-сон, 55-модда) билан тасдиқланган Тадбиркорлик фаолияти соҳасидаги рухсат этиш хусусиятига эга ҳужжатлар рўйхатининг 107-позициясининг «Содир этилиши ва (ёки) амалга оширилиши учун рухсат берувчи тусдаги ҳужжат зарур бўлган хатти-ҳаракат ва (ёки) муайян фаолият» устунидаги «алоҳида» сўзи чиқариб ташлансин.

4. Вазирлар Маҳкамасининг «Ўзбекнефтгаз» миллий холдинг компанияси бўйича геология-қидирув ишлари дастурларини шакллантириш тартиби тўғрисидаги Низомни тасдиқлаш ҳақида» 2014 йил 14 августдаги 230-сон қарорида (Ўзбекистон Республикаси ҚТ, 2014 й., 8-сон, 86-модда):

а) қарорнинг номидаги, 1-банд ва 2-банднинг биринчи хатбошидаги «геология-қидирув ишлари дастурларига» сўзлари «минерал хом ашё базасини ривожлантириш ва такрор ҳосил қилишнинг давлат дастурларига» сўзлари билан алмаштирилсин;