Ҳужжат 15.11.2017 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Олдинги таҳрирга қаранг.
ЎЗБЕКИСТОН РЕСПУБЛИКАСИДА БИРЖА ВА кўргазма-ярмарка савдосини ЯНАДА ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА
(қарор номи Ўзбекистон Республикаси Вазирлар Маҳкамасининг 2006 йил 29 майдаги 96-сонли қарори таҳририда — ЎР ҚҲТ, 2006 й., 22-сон, 192-модда)
Маҳсулот ишлаб чиқарувчилар билан истеъмолчилар ўртасидаги боғловчи бўғин ҳамда бозор инфратузилмасининг таъсирчан механизми сифатида товар-хом ашё биржалари фаолияти самарадорлигини янада ошириш мақсадида Вазирлар Маҳкамаси қарор қилади:
1. Ўзбекистон Республикаси Товар-хом ашё биржалари савдоларида импорт контрактлар тузиш тартиби 1-иловага мувофиқ тасдиқлансин.
2. Ўзбекистон Республикаси Давлат солиқ қўмитаси манфаатдор вазирликлар ва идоралар билан биргаликда Республика товар-хом ашё биржаларининг ҳисоб-китоб (клиринг) палаталари тўғрисида Низомни бир ой муддатда ишлаб чиқсин ва Ўзбекистон Республикаси Адлия вазирлигида рўйхатдан ўтказсин.
Олдинги таҳрирга қаранг.
3. Вазирликлар ва идораларнинг корхоналари ҳамда ихтисослаштирилган ташқи савдо бирлашмалари ва фирмаларига, Ўзбекистон Республикаси Савдо-саноат палатаси аъзоларига, Ўзбекистон Фермерлари кенгаши аъзоларига битишувларни, қоидага кўра, биржалар ва ярмаркаларда тузиш тавсия қилинсин, бунда рақобат, қулайлик ва битишувларнинг ошкоралиги таъминлансин.
(3-банд Ўзбекистон Республикаси Вазирлар Маҳкамасининг 2012 йил 29 декабрдаги 369-сонли қарори таҳририда — ЎР ҚҲТ, 2013 й., 1-сон, 8-модда)
Кейинги таҳрирга қаранг.
4. Ўзбекистон Миллий ахборот агентлиги товарлар ва хом ашёларнинг асосий турлари учун Биржалар кенгаши томонидан тақдим этилган биржа котировкалари оммавий ахборот воситаларида мунтазам эълон қилиб борилишини таъминласин.
5. Ўзбекистон Республикаси вазирликлари ва идоралари ўзларининг меъёрий-ҳуқуқий ҳужжатларини бир ой муддатда белгиланган тартибда мазкур қарорга мувофиқлаштирсинлар.
6. Ҳукумат қарорларига 2-иловага мувофиқ ўзгартириш ва қўшимчалар киритилсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В.А. Чжен зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1999 йил 6 май.,
223-сон
Вазирлар Маҳкамасининг 1999 йил
6 майдаги 223-сон қарорига
1-ИЛОВА
Ўзбекистон Республикаси Товар-хом ашё биржалари савдоларида импорт контрактлар тузиш
ТАРТИБИ
Олдинги таҳрирга қаранг.
1. Мазкур Тартиб «Биржалар ва биржа фаолияти тўғрисида»ги Ўзбекистон Республикаси Қонунига мувофиқ ишлаб чиқилган ва у тўлов ҳамда ҳисоб-китоб Ўзбекистон Республикасининг миллий валютаси — «сўм»да назарда тутиладиган биржа савдоларида тузиладиган товарлар ва хом ашё харид қилиш бўйича импорт контрактларга жорий этилади.
(1-банд Ўзбекистон Республикаси Вазирлар Маҳкамасининг 2006 йил 29 майдаги 96-сонли қарори таҳририда — ЎР ҚҲТ, 2006 й., 22-сон, 192-модда)
Олдинги таҳрирга қаранг.
2. Импорт товарларни биржа ва кўргазма-ярмарка савдоларида, шу жумладан ихтисослаштирилган савдо майдончалари орқали сотувга қўйишда сотувчи ёки сотувчининг брокери биржага:
сотувга қўйилаётган товарга унинг мижозининг мулк ҳуқуқини, товарнинг мавжудлигини ёки ишлаб чиқарувчи корхона томонидан унинг тайёрланишини тасдиқловчи — кафолат таъминоти маблағларини тўлаган ҳолда биржа битишувлари амалга оширилган тақдирда, шунингдек товарнинг қонун ҳужжатларида белгиланган сифат талабларига мувофиқлигини тасдиқловчи сотувчи томонидан имзоланган кафолат хатини;
кафолат таъминоти маблағлари тўланмаган ҳолда биржа битишувлари амалга оширилган тақдирда — омбор маълумотномасини;
Ўзбекистон Республикаси қонун ҳужжатларида назарда тутилган ҳолларда бошқа ҳужжатларни тақдим этади»;
(2-банд Ўзбекистон Республикаси Вазирлар Маҳкамасининг 2006 йил 29 майдаги 96-сонли қарори таҳририда — ЎР ҚҲТ, 2006 й., 22-сон, 192-модда)
Кейинги таҳрирга қаранг.
3. Банклар, бошқа кредит муассасалари ва суғурта ташкилотларининг белгиланган тартибдаги шартнома-кафолатномалари, кафолатлари сўм асосида биржаларда тузилган импорт контрактларни таъминлаш шакллари ҳисобланади.
4. Биржа савдоларида тузилган импорт контрактларида консалтинг хизматларининг нархлар даражаси ҳақидаги эксперт хулосаси талаб қилинмайди.
Олдинги таҳрирга қаранг.
5. Биржанинг барча қатнашчилари учун реал вақт режимида ташкил этилиб ўтказилган биржа савдолари натижаларига кўра тузилган импорт контракти:
товар-хом ашё биржаларининг биржа савдоларида тузиладиган контрактларга идентификация рақамлари беришнинг тасдиқланган Тартибига мувофиқ биржада ёки унинг филиалида (ихтисослаштирилган савдо майдончасида) рўйхатдан ўтказилади;
биржада ёки унинг филиалида (ихтисослаштирилган савдо майдончасида) расмийлаштирилади ҳамда уларнинг муҳри билан тасдиқланади.
Импорт контрактида:
реал вақт режимида биржа савдоси ўтказилган сана;
биржа савдоси протоколининг тартиб рақами кўрсатилиши шарт.
Мазкур Тартибнинг 2-бандида санаб ўтилган ҳужжатлардаги маълумотларнинг ҳаққонийлиги учун ушбу маълумотларни имзолаган мансабдор шахслар жавоб беради.
Импорт контрактларининг тўғри расмийлаштирилиши учун уларни имзолаган томонлар жавоб беради.
Импорт контрактларининг биржада рўйхатдан ўтказилиши учун биржа жавоб беради;
(5-банд Ўзбекистон Республикаси Вазирлар Маҳкамасининг 2006 йил 29 майдаги 96-сонли қарори таҳририда — ЎР ҚҲТ, 2006 й., 22-сон, 192-модда)
6. Биржада рўйхатдан ўтказилган импорт контрактлари икки иш куни давомида уларни Ўзбекистон Республикаси Давлат божхона қўмитасида ёки унинг ҳудудий органларида ҳисобга қўйиш учун шахсан жўнатилади.
Кейинги таҳрирга қаранг.
Олдинги таҳрирга қаранг.
7. Божхона органлари биржа ёки унинг филиали (ихтисослаштирилган савдо майдончаси) брокерларидан импорт контрактларини рўйхат бўйича қабул қилиб оладиган масъул ходимларни белгилайди, контрактлар ҳисобга қўйилгандан кейин икки иш куни давомида биржага қайтарилиши керак.
(7-банд Ўзбекистон Республикаси Вазирлар Маҳкамасининг 2006 йил 29 майдаги 96-сонли қарори таҳририда — ЎР ҚҲТ, 2006 й., 22-сон, 192-модда)
Кейинги таҳрирга қаранг.
Олдинги таҳрирга қаранг.
8. Импорт контрактлари божхона органларида рўйхатдан ўтказилгандан сўнг тегишли банк муассасалари томонидан ижро этишга қабул қилинади. Биржада тузилган импорт контрактлари бўйича ҳақ тўлаш контракт асосида амалга оширилади. Факсимиль алоқа бўйича олинган ва биржа муҳри билан тасдиқланган шартномалар — топшириқлар, кафолат хатларидан фойдаланишга йўл қўйилади, кейинчалик асл нусхалари навбатдаги ўн календарь кун давомида тақдим этилади.
(8-банд Ўзбекистон Республикаси Вазирлар Маҳкамасининг 2011 йил 20 октябрдаги 284-сонли қарори таҳририда — ЎР ҚҲТ, 2011 й., 42-сон, 455-модда)
Кейинги таҳрирга қаранг.
Олдинги таҳрирга қаранг.
(9-банд Ўзбекистон Республикаси Вазирлар Маҳкамасининг 2011 йил 20 октябрдаги 284-сонли қарори билан чиқарилган — ЎР ҚҲТ, 2011 й., 42-сон, 455-модда)
10. Импорт контракти тузилгандан кейин харидор уч банк куни давомида контрактда кўрсатилган тўлов шартларига мувофиқ, бироқ битишув суммасининг камида 15 фоизи миқдорида биржа ҳисоб-китоб (клиринг) палатасининг махсус счётига пул маблағлари ўтказади. Тўлов факти божхона органида контрактни рўйхатдан ўтказиш учун етарли ҳисобланади.
Кейинги таҳрирга қаранг.
11. Ўзбекистон Республикаси Давлат божхона қўмитаси томонидан ёки унинг ҳудудий органлари томонидан рўйхатдан ўтказилган биржа импорт контрактлари бўйича товарни олиб келишда товарнинг келиб тушиш жойидаги божхона бўлинмаларига қуйидаги ҳужжатлар ҳам тақдим этилади:
Кейинги таҳрирга қаранг.
товарнинг келиб чиқишини тасдиқловчи сертификат;
юк божхона декларацияси.
Ўзбекистон Республикаси божхона органларига тақдим этилган ҳужжатларнинг ҳаққонийлиги учун тегишли ҳужжатларни тақдим этган шахс жавоб беради.
Олдинги таҳрирга қаранг.
12. Товар биржа импорт контрактлари бўйича Ўзбекистон Республикасига келиб тушгандан ва харидор томонидан белгиланган тартибда қабул қилингандан кейин биржанинг ҳисоб-китоб-клиринг палатаси маблағларни Ўзбекистон Республикаси миллий валютаси — сўмда сотувчи-норезидентнинг биржанинг ҳисоб-китоб (клиринг) палатасидаги ҳисоб рақамига ўтказади, сотувчи улардан фақат биржалар ва биржаларнинг кўргазма-ярмарка савдоларида тузилган экспорт шартномалари, божхона божлари, суд харажатлари ҳамда биржа шартномаларини тузиш ва ижро этиш билан бевосита боғлиқ хизматлар (воситачилик йиғимлари, брокерлик ҳақлари, ташиш харажатлари ва қонун ҳужжатларига мувофиқ бошқа харажатлар) тўловлари учун ишлатиши мумкин.
Кейинги таҳрирга қаранг.
Кейинги таҳрирга қаранг.
Биржалар ва ярмаркаларнинг ҳисоб-китоб-клиринг палаталари ҳисоб рақамларида бўлган маблағлардан фойдаланган ҳолда, пул талабномасидан воз кечиш бўйича операцияларни амалга ошириш тақиқланади.
(12-банд Ўзбекистон Республикаси Вазирлар Маҳкамасининг 2017 йил 13 ноябрдаги 912-сонли қарори таҳририда — Қонун ҳужжатлари маълумотлари миллий базаси, 15.11.2017 й., 09/17/912/0254-сон)
Кейинги таҳрирга қаранг.
Вазирлар Маҳкамасининг 1999 йил
6 майдаги 223-сон қарорига
2-ИЛОВА
Ҳукумат қарорларига киритиладиган ўзгартиришлар ва қўшимчалар
1. Ўзбекистон Республикаси Вазирлар Маҳкамасининг «Ўзбекистон Республикасида биржалар фаолиятини мувофиқлаштириш тўғрисида» 1992 йил 3 мартдаги 95-сон қарорида (Ўзбекистон Республикаси ҚТ, 1992 й., 3-сон, 5-модда):
1-банднинг биринчи хат боши чиқариб ташлансин;
Ўзбекистон Республикаси ҳудудида фаолият кўрсатаётган биржаларни давлат томонидан рўйхатга олиш тартиби 3-бандидаги «лекин 2500 сўмдан кам бўлмаган миқдорда» сўзлари «лекин энг кам ойлик иш ҳақининг беш бараваридан кам ва юз бараваридан кўп бўлмаган миқдорларда» сўзлари билан алмаштирилсин.
Кейинги таҳрирга қаранг.
2. Ўзбекистон Республикаси Вазирлар Маҳкамасининг «Ташқи савдо операцияларини амалга оширишда хорижий валютадаги маблағлардан фойдаланиш устидан назоратни такомиллаштириш чора-тадбирлари тўғрисида» 1996 йил 13 мартдаги 95-сон қарорида:
2-банднинг учинчи хат боши қуйидаги таҳрирда баён этилсин:
Олдинги таҳрирга қаранг.
«импорт контрактларини ҳисобга қўйиш (товар-хом ашё биржаларида тузилганлари бундан мустасно) ваколатли банкларда икки иш кунида, импорт қилувчи хўжалик юритувчи субъект давлат рўйхатидан ўтказилган жойдаги Давлат божхона қўмитаси ҳудудий бошқармаларининг валютани назорат қилиш бўлимларида — икки иш кунида, ҳужжатлар топширилган кундан ташқари амалга оширилади»;
(2-банднинг учинчи хатбошиси Ўзбекистон Республикаси Вазирлар Маҳкамасининг 2003 йил 30 сентябрдаги 2003 й., 416-сонли қарори таҳририда — ЎР ҚҲТ, 2003 й., 17-18-сон, 161-модда)
1-илованинг 1-банди қуйидаги таҳрирда баён этилсин:
«Мазкур низом Ўзбекистон Республикаси ҳудудига товарлар олиб келиниши ёки резидентларга хизматлар кўрсатилишини назарда тутувчи барча битишувларга (товар-хом ашё биржаларида тузилганлари бундан мустасно) тадбиқ этилади».

(Ўзбекистон Республикаси қонун ҳужжатлари тўплами, 2001 й., 9-сон, 45-модда; 2003 й., 17-18-сон, 161-модда; 2006 й., 22-сон, 192-модда; 2011 й., 42-сон, 455-модда; 2013 й., 1-сон, 8-модда; Қонун ҳужжатлари маълумотлари миллий базаси, 15.11.2017 й., 09/17/912/0254-сон, 27.12.2017 й., 09/17/1021/0465-сон, 04.05.2018 й., 09/18/323/1159-сон; 01.04.2019 й., 09/19/269/2861-сон; 11.08.2020 й., 09/20/472/1155-сон; Қонунчилик маълумотлари миллий базаси, 05.04.2022 й., 09/22/153/0266-сон; 13.09.2024 й., 09/24/570/0715-сон)