Ҳужжат 30.09.2019 01 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этишни янада такомиллаштириш чора-тадбирлари тўғрисида
«Аҳолининг санитария-эпидемиологик осойишталиги тўғрисида»ги Ўзбекистон Республикаси Қонуни ҳамда Ўзбекистон Республикаси Вазирлар Маҳкамасининг «2015 — 2020 йиллар даврида Ўзбекистон Республикаси аҳолисининг соғлом овқатланишини таъминлаш Концепциясини ва чора-тадбирлар комплексини тасдиқлаш тўғрисида» 2015 йил 29 августдаги 251-сон қарори ижросини таъминлаш, умумий ўрта ва ўрта махсус, касб-ҳунар таълими муассасаларининг ошхона ва буфетларида (кейинги ўринларда ошхоналар деб аталади)ўқувчиларнинг соғлом овқатланишини ташкил этишни янада такомиллаштириш, санитария қоидалари, нормалари ва гигиена нормативлари талабларига мос шароитлар яратиш, озиқ-овқат маҳсулотлари ва таомлар сифатини назорат қилишни кучайтириш, ошхоналарни ижарага олувчи тадбиркорлик субъектларига қулай шарт-шароитлар ташкил этиш мақсадида Вазирлар Маҳкамаси қарор қилади:
1. Қуйидагилар:
Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этиш тартиби тўғрисидаги Низом 1-иловага мувофиқ;
Кейинги таҳрирга қаранг.
2016 — 2020 йилларда умумий ўрта ва ўрта махсус, касб-ҳунар таълими муассасаларида соғлом овқатланишни ташкил этишни янада такомиллаштириш бўйича чора-тадбирлар режаси 2-иловага мувофиқ;
2017 — 2020 йилларда овқатланиш тизими мавжуд бўлмаган умумий ўрта таълим муассасаларида ошхоналарни ташкил этиш ва жиҳозлаш кўрсаткичлари 2а-иловага мувофиқ;
2017 — 2020 йилларда умумий ўрта таълим муассасаларида ишламаётган ошхоналарнинг фаолиятини ташкил этиш ва уларни қайта жиҳозлаш кўрсаткичлари 2б-иловага мувофиқ тасдиқлансин.
2. Қорақалпоғистон Республикаси Вазирлар Кенгаши, вилоятлар ҳокимликлари Халқ таълими вазирлиги билан келишилган ҳолда мазкур қарорнинг 2а ва 2б-иловалардаги кўрсаткичларга мувофиқ 2017 — 2020 йилларда умумий ўрта таълим муассасаларида ошхоналарнинг фаолиятини ташкил этиш бўйича ҳудудий манзилли дастурларини икки ой муддатда ишлаб чиқсинлар ва белгиланган тартибда тасдиқласинлар.
3. Ўзбекистон Республикаси Соғлиқни сақлаш вазирлигининг давлат санитария-эпидемиология назорати марказлари томонидан умумий ўрта ва ўрта махсус, касб-ҳунар таълими муассасаларининг ошхоналарида сотилаётган озиқ-овқат маҳсулотлари ва таомлар, шунингдек уларда фойдаланиладиган технологик жиҳозларнинг санитария қоидалари, нормалари ва гигиена нормативларига мослигини, ошхоналар ходимларининг санитария-гигиена тадбирлари ва эпидемияга қарши тадбирлар бажарилишига риоя этишини аниқлаш юзасидан Назорат қилувчи органлар фаолиятини мувофиқлаштирувчи республика кенгаши ҳамда унинг ҳудудий комиссиялари билан келишувларсиз ҳар чоракда бир марта назорат ишларини олиб бориш ҳуқуқини бериш тўғрисидаги таклифига розилик берилсин.
4. Ўзбекистон Республикаси Соғлиқни сақлаш вазирлиги бир ой муддатда манфаатдор вазирликлар ва идоралар билан келишган ҳолда умумий ўрта ва ўрта махсус, касб-ҳунар таълими муассасаларининг ошхоналарида сотилаётган озиқ-овқат маҳсулотлари ва таомлар, шунингдек уларда фойдаланиладиган технологик жиҳозларнинг санитария қоидалари, нормалари ва гигиена нормативларига мослигини, ошхоналар ходимларининг санитария-гигиена тадбирлари ва эпидемияга қарши тадбирлари бажарилишига риоя этишини назорат қилиш тартибини белгилаш тўғрисида Назорат қилувчи органлар фаолиятини мувофиқлаштирувчи республика кенгашига таклиф киритсин.
5. Умумий ўрта ва ўрта махсус, касб-ҳунар таълими муассасаларининг ошхоналарини ижарага бериш бўйича танлов комиссиясига қишлоқ жойлардаги таълим муассасалари жойлашган ҳудуднинг ижтимоий-иқтисодий ривожланиш ҳолатидан келиб чиқиб, уларнинг ошхоналарини Хусусийлаштириш, монополиядан чиқариш ва рақобатни ривожлантириш давлат қўмитасининг ҳудудий бошқармалари билан келишган ҳолда ижарага беришда «ноль» ставкасини белгилаш ваколати берилсин.
Кейинги таҳрирга қаранг.
6. Ўзбекистон Республикаси Халқ таълими вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази, Соғлиқни сақлаш вазирлиги Ўзбекистон матбуот ва ахборот агентлиги ҳамда Ўзбекистон миллий телерадиокомпанияси билан биргаликда оммавий ахборот воситаларида, шу жумладан электрон оммавий ахборот воситаларида умумий ўрта ва ўрта махсус, касб-ҳунар таълими муассасаларида соғлом, рационал ва хавфсиз овқатланишнинг ташкил этилишини такомиллаштириш юзасидан тарғибот-ташвиқот ишларини кенг ёритсинлар.
7. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.
8. Манфаатдор вазирликлар ва идоралар бир ой муддатда ўз норматив-ҳуқуқий ҳужжатларини ушбу қарорга мувофиқлаштирсинлар.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари А.И. Икрамов ва Б.Ю. Ходиев зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 2 май,
132-сон
Вазирлар Маҳкамасининг 2016 йил 2 майдаги 132-сон қарорига
1-ИЛОВА
Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этиш тартиби тўғрисида
НИЗОМ
I. Умумий қоидалар
1. Мазкур Низом ўқувчиларнинг тўлақонли соғлом овқатланишини ташкил этиш, уларни ижтимоий қўллаб-қувватлаш, соғлиғини мустаҳкамлаш ва ўқув жараёнининг самарали ташкил этилишини таъминлаш мақсадида Ўзбекистон Республикаси «Таълим тўғрисида»ги, «Аҳолининг санитария-эпидемиологик осойишталиги тўғрисида»ги қонунлари ҳамда Вазирлар Маҳкамасининг «2015 — 2020 йиллар даврида Ўзбекистон Республикаси аҳолисининг соғлом овқатланишини таъминлаш Концепциясини ва чора-тадбирлар комплексини тасдиқлаш тўғрисида» 2015 йил 29 августдаги 251-сон қарорларига мувофиқ умумий ўрта ва ўрта махсус, касб-ҳунар таълими муассасаларида (кейинги ўринларда таълим муассасалари деб аталади) соғлом овқатланишни ташкил этиш тартибини белгилайди.
2. Таълим муассасаларида соғлом овқатланишни ташкил этиш уларнинг ошхона ва буфетларида (кейинги ўринларда ошхоналар деб аталади)санитария қоидалари, нормалари ва гигиена нормативларига мувофиқ шарт-шароитлар яратилган ҳолда амалга оширилади.
3. Ушбу Низом давлат таълим муассасалари ҳудудида фаолият юритувчи ошхоналарга нисбатан татбиқ этилади.
II. Таълим муассасаларида соғлом овқатланишни ташкил этишнинг асосий мақсади ва вазифалари
4. Таълим муассасалари ўқувчиларининг соғлом камол топишини ва ўсишини таъминлаш, таълим муассасалари ошхоналарида таркибида зарарли моддалар бўлган озиқ-овқат маҳсулотлари билан савдо қилишни, истеъмол қилинганда ўқувчиларнинг саломатлигига салбий таъсир кўрсатадиган таомларнинг тайёрланиши ва сотилишининг олдини олиш соғлом овқатланишни ташкил этишнинг асосий мақсади ҳисобланади.
5. Қуйидагилар таълим муассасаларида соғлом овқатланишни ташкил этишнинг асосий вазифалари ҳисобланади:
ўқувчиларнинг физиологик ёшига мувофиқ озиқ-овқат маҳсулотларига бўлган талабларини инобатга олган ҳолда уларнинг рационал овқатланишини таъминлаш;
озиқ-овқат маҳсулотлари ва таомларни ўқувчиларнинг соғлом ўсишида муҳим аҳамиятга эга бўлган зарур моддалар билан таъминлаш;
ўқувчиларда тана вазнининг меъёрдан ортишининг, организмда йод моддасининг танқислиги ва моддалар алмашинуви жараёни бузилишининг олдини олиш;
озиқ-овқат маҳсулотлари ва таомларнинг хавфсизлиги ва сифатини кафолатлаш;
ўқувчиларда овқатланиш билан боғлиқ юқумли касалликларнинг кенг тарқалишига йўл қўймаслик;
ўқувчилар ўртасида соғлом овқатланиш кўникмаларини шакллантириш;
таълим муассасалари ошхоналарида сотилиши тақиқланган озиқ-овқат маҳсулотлари ва таомлар билан савдо қилишнинг олдини олиш;
ўқувчилар учун сифатли озиқ-овқат маҳсулотлари ва таомлар тайёрлашга ҳамда уларнинг мақбул нархларда сотилишини таъминлаш;
озиқ-овқат маҳсулотлари ва таомларни тайёрлашда ҳамда озиқ-овқат хом ашёсини сақлашда санитария қоидалари, нормалари ва гигиена нормативларига қатъий риоя этиш.
III. Таълим муассасаларида соғлом овқатланишни ташкил этишга қўйиладиган асосий талаблар
6. Таълим муассасаларида соғлом овқатланиш юридик шахс мақомига эга бўлган тадбиркорлик субъектлари, якка тартибдаги тадбиркорлар (кейинги ўринларда талабгорлар деб аталади) ҳамда таълим муассасаси томонидан ташкил этилади.
7. Ўқувчилар учун соғлом овқатланиш таълим муассасаларининг ошхоналарида, белгиланган санитария қоидалари, нормалари ва гигиена нормативлари ҳамда уларнинг хавфсиз овқатланишини ташкил этишга доир санитария-гигиена тадбирлари ва эпидемияга қарши тадбирлари бажарилишига риоя қилган ҳолда амалга оширилади.
8. Таълим муассасалари ошхоналарида Ўзбекистон Республикаси Бош давлат санитария врачи томонидан тасдиқланадиган озиқ-овқат хом ашёлари турларидан озиқ-овқат маҳсулотлари ва таомлар тайёрланади.
9. Таълим муассасаси ошхонаси ошпази:
сифатли озиқ-овқат маҳсулотларининг қабул қилиниши, уларнинг тўғри сақланиши ва меъёрлар асосида сарфланиши;
ошхонада санитария қоидалари, нормалари ва гигиена нормативларига қатъий риоя этилиши;
Ўзбекистон Республикаси Бош давлат санитария врачи томонидан тасдиқланган озиқ-овқат маҳсулотларининг таркиби (рецептураси)ни белгиловчи намунавий рўйхатга асосан таомлар тайёрланиши учун масъул ҳисобланади.
Олдинги таҳрирга қаранг.
10. Таълим муассасаларида ўқувчиларнинг соғлом овқатланишини ташкил этиш учун Қорақалпоғистон Республикаси Халқ таълими вазирлиги, вилоятлар халқ таълими бошқармалари ҳамда Тошкент шаҳри халқ таълими бош бошқармаси, ўрта махсус, касб-ҳунар таълими ҳудудий бошқармалари, туман (шаҳар) халқ таълими бўлимлари, таълим муассасалари раҳбарлари масъул ҳисобланади.
(10-банд Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
IV. Таълим муассасаларида соғлом овқатланишни ташкил этиш тартиби
11. Соғлом овқатланишни ташкил этиш:
ўқувчилар сони 400 нафардан ортиқ бўлган таълим муассасаларида — юридик шахс мақомига эга бўлган тадбиркорлик субъектлари томонидан;
ўқувчилар сони 400 нафардан кам бўлган таълим муассасаларида — юридик шахслар, якка тартибдаги тадбиркорлар ёки таълим муассасалари томонидан амалга оширилади.
12. Таълим муассасалари ошхоналарида озиқ-овқат маҳсулотлари ва таомларни тайёрлаш ўқувчиларнинг ёшларига мувофиқ равишда тузилган ҳафталик таомномалар асосида тайёрланади.
13. Таълим муассасалари ошхоналарида ҳафталик таомномалар Ўзбекистон Республикаси Бош давлат санитария врачи томонидан тасдиқланган озиқ-овқат маҳсулотларининг таркиби (рецептураси)ни белгиловчи намунавий рўйхатга асосан тузилади.
14. Таълим муассасалари ошхоналари фаолиятини ташкил этаётган талабгорлар ва таълим муассасаси ўз фаолиятини ўқувчиларнинг ота-оналари билан ҳамкорликда ташкил этади.
Улар томонидан ота-оналар йиғилишларида ўқувчиларнинг соғлом овқатланиши учун тайёрланаётган таомларнинг сифати ва овқатланишни ташкил этишда кўрсатиладиган хизматлар тўғрисида тақдимотлар ва кўргазмалар ўтказилади.
15. Таълим муассасалари ошхоналари ходимлари ошпазлик соҳаси бўйича тегишли билимга эга бўлиши ва ўз малакасини доимий равишда ошириб бориши зарур.
16. Таълим муассасалари ошхоналарининг фаолият кўрсатиш самарадорлиги ўқувчиларнинг овқатланишга жалб этилиши даражасига ҳамда таълим муассасаси маъмурияти томонидан ўқувчилар ва ота-оналар ўртасида ўтказиладиган сўровномалар натижаларига кўра аниқланади.
V. Танловни ташкил этиш, ўтказиш ва унинг натижаларини расмийлаштириш
17. Таълим муассасаларида соғлом овқатланишни ташкил этиш ошхонани шартнома асосида ижарага бериш орқали амалга ошириладиган ҳолатларда ижарачи талабгорлар ўртасида ҳар бир ошхона бўйича алоҳида танлов ўтказиш йўли билан аниқланади.
Олдинги таҳрирга қаранг.
18. Таълим муассасаларининг ошхоналарини ижарага бериш юзасидан буюртманомалари улар томонидан ҳар йили 1 июнга қадар тегишли туман (шаҳар) халқ таълими бўлимлари ҳамда ўрта махсус, касб-ҳунар таълими ҳудудий бошқармаларига берилади.
(18-банд Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
19. Танловни ташкил этиш, ўтказиш ва ғолибларни аниқлаш тегишли туман (шаҳар) ҳокимларининг қарори билан ҳар йили 1 июнга қадар тасдиқланадиган умумий ўрта ва ўрта махсус, касб-ҳунар таълими муассасаларининг ошхоналарини ижара бериш бўйича танлов комиссияси(кейинги ўринларда танлов комиссияси деб аталади) томонидан амалга оширилади.
20. Танлов комиссияси қуйидаги таркибда тузилади:
Олдинги таҳрирга қаранг.
танлов комиссияси раиси — туман (шаҳар) ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари;
(20-бандининг иккинчи хатбошиси Ўзбекистон Республикаси Вазирлар Маҳкамасининг 2017 йил 27 февралдаги 107-сонли қарори таҳририда — ЎР ҚҲТ, 2017 й., 9-сон, 132-модда)
Олдинги таҳрирга қаранг.
Кейинги таҳрирга қаранг.
танлов комиссияси аъзолари — туман (шаҳар) ҳокимлигининг молия бўлими бошлиғи, туман (шаҳар) халқ таълими бўлими мудири ёки ўрта махсус, касб-ҳунар таълими ҳудудий бошқармаси вакили, Давлат санитария-эпидемиология назорати маркази бош шифокори, «Давлат мулкини ижарага бериш маркази» давлат унитар корхонаси вакили;
(20-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
Олдинги таҳрирга қаранг.
танлов комиссияси котиби — туман (шаҳар) халқ таълими бўлимининг таълим муассасаларида овқатланишни ташкил этиш ишлари учун масъул ходими.
(20-банднинг тўртинчи хатбошиси Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
Заруриятга кўра танлов комиссияси таркибига қўшимча мутахассислар жалб этилиши мумкин.
21. Танлов комиссияси таркиби ҳар бир ўқув йили учун алоҳида тасдиқланади ва ўқув йили давомида фаолият кўрсатади.
22. Танловни ташкил этиш ва ўтказиш қуйидаги босқичлардан иборат бўлади:
танлов ўтказилиши ҳақида оммавий ахборот воситаларида ҳамда маҳаллий давлат ҳокимияти органлари ва таълим муассасаларининг расмий веб-сайтларида эълон қилиш;
ариза ва унга илова қилинадиган ҳужжатларни қабул қилиш;
тушган танлов таклифларини баҳолаш, танлов ғолибини аниқлаш ва танлов натижаларини расмийлаштириш;
танлов ғолибларини эълон қилиш.
23. Танлов ўтказилиши ҳақида ҳар йили 10 июнга қадар оммавий ахборот воситаларида ҳамда маҳаллий давлат ҳокимияти органлари ва таълим муассасаларининг расмий веб-сайтлари орқали эълон берилади.
24. Танлов ўтказилиши ҳақидаги эълонда қуйидаги маълумотлар бўлиши керак:
танлов комиссиясининг манзили, алоқа телефони ва электрон почта манзили;
ошхонаси танловга қўйилаётган таълим муассасаларининг рўйхати ва манзиллари;
танловни ўтказиш санаси, вақти, жойи ва шартлари;
аризаларни қабул қилишнинг охирги муддати (кун ва соат кўрсатилган ҳолда);
танлов ҳужжатларига доир маълумотларни олиш мумкин бўлган манзил.
25. Танловда давлат рўйхатидан ўтган, умумий овқатланиш бўйича камида олти ой давомида фаолият юритаётган, махсус моддий-техника базаси (замонавий технологик жиҳозлар), озиқ-овқат маҳсулотлари ва таомлар тайёрлаш технологияси бўйича мутахассислари мавжуд бўлган талабгорлар иштирок этишлари мумкин.
26. Танловда иштирок этиш учун талабгорлар томонидан танлов комиссиясига ҳар йили 10 июль куни соат 18.00 га қадар ариза тақдим этилади.
Аризага қуйидаги ҳужжатлар илова қилиниб, талабгорлар томонидан муҳрланган (агар муҳр мавжуд бўлса) конвертда танлов комиссиясига тақдим этилади:
умумий овқатланишни ташкил этиш соҳасидаги фаолияти, иш тажрибаси тўғрисида маълумотнома;
махсус моддий-техника базаси ва озиқ-овқат маҳсулотларини тайёрлаш технологияси бўйича малакали мутахассислар мавжудлиги ҳақида маълумотнома;
бўш айланма маблағлари мавжудлиги тўғрисида банкнинг маълумотномаси;
талабгорнинг таълим муассасаси ошхонасининг моддий-техника базасини мустаҳкамлаш бўйича истиқбол режаси ва таклифлари;
талабгор томонидан тасдиқланган мавсумий намунавий таомномалар.
27. Қуйидаги ҳолларда танлов комиссияси томонидан аризани қабул қилиш рад этилади:
ариза белгиланган муддатдан кечикиб топширилганда;
аризага илова қилинадиган ҳужжатлар муҳрланган (агар муҳр мавжуд бўлса) ва елимланган конвертда тақдим этилмаганда.
Аризаларни қабул қилишнинг бошқа асосларга кўра рад этилишига йўл қўйилмайди.
28. Танлов таълим муассасаларининг буюртманомалари асосида ҳар йили 1 августга қадар ўтказилади.
Буюртманома тақдим этмаган таълим муассасаларининг ошхоналарини ижарага бериш бўйича танлов ўтказилмайди.
29. Танлов комиссиясига танловда қатнашиш учун бирорта ҳам ариза тушмаган тақдирда, танлов комиссияси Хусусийлаштириш, монополиядан чиқариш ва рақобатни ривожлантириш давлат қўмитасининг ҳамда Молия вазирлигининг ҳудудий бошқармалари билан келишган ҳолда соғлом овқатланишни ташкил этишнинг ошхонаси ижарага бериладиган таълим муассасаси томонидан амалга оширилиши тўғрисида қарор қабул қилиши мумкин.
30. Танловда биринчи марта ғолиб деб эътироф этилган талабгорлар билан ижара шартномаси шу даврдаги ўқув йили учун тузилади.
Ижара шартномаси ва бошқа мажбуриятларни зарур даражада бажарган талабгорлар билан тузилган ижара шартномасининг муддати танлов ўтказмасдан танлов комиссияси қарорига асосан яна беш йилгача узайтирилиши мумкин.
Шартнома муддатини узайтириш қонун ҳужжатларида белгиланган тартибда расмийлаштирилади.
Кейинги таҳрирга қаранг.
31. Танлов комиссияси котиби томонидан қабул қилиниши белгиланган тартибда рад этилган ҳужжатлар тўплами рад қилиш сабаблари ёзма равишда кўрсатилган ҳолда талабгорга ёки унинг вакилига қайтарилади.
32. Талабгорларнинг аризалари саҳифалари рақамланган ҳамда ип ўтказилиб муҳрланган махсус журналда рўйхатдан ўтказилади.
Талабгорлар томонидан тақдим этилган конвертлар танлов кунигача очилмайди ва сейфда сақланади.
33. Танлов ҳужжатларининг танлов ўтгунга қадар сақланиши ва талабгорларга қайтарилиши учун танлов комиссияси раиси ва котиби масъул ҳисобланади.
34. Қуйидагилар танлов комиссиясининг вазифалари ҳисобланади:
таълим муассасаларининг буюртманомалари асосида ошхоналари ижарага бериладиган таълим муассасаларининг рўйхатини тузиш;
танловни ўтказиш санасини ва танлов шартларини белгилаш;
танлов ўтказилиши тўғрисидаги хабарни оммавий ахборот воситаларида ҳамда маҳаллий давлат ҳокимияти органлари ва таълим муассасаларининг расмий веб-сайтларида эълон қилиш;
талабгорларга уларнинг сўровлари бўйича танлов ҳужжатлари рўйхатини тақдим этиш;
талабгорларнинг танловда қатнашиш учун берилган аризаларини рўйхатдан ўтказиш ҳамда улар ҳужжатларининг махфийлигини ва сақланишини таъминлаш;
талабгорларга таълим муассасаси ошхонаси билан танишиши учун шарт-шароитлар яратиш;
танлов таклифларини кўриб чиқиш ва ғолибларни аниқлаш.
35. Танлов комиссияси қуйидаги ҳуқуқларга эга:
ўз иш регламентини ишлаб чиқиш ва тасдиқлаш;
танлов ҳужжатларини тақдим этиш муддатларини ёки танлов ўтказиш санасини талабгорларни эълон орқали хабардор қилган ҳолда 10 кундан ортиқ бўлмаган муддатга узайтириш;
танлов санасини белгилаш ва танлов ғолибини аниқлаш;
танловга ариза фақат бир нафар талабгордан тушганда, ҳужжатларни ўрганиб чиқиб, ижара шартномасини мазкур талабгор билан тузиш тўғрисида ижарага берувчига тавсия бериш;
Хусусийлаштириш, монополиядан чиқариш ва рақобатни ривожлантириш давлат қўмитасининг ҳудудий бошқармалари билан келишган ҳолда таълим муассасалари ошхоналарини ижарага беришда «ноль» ставкасини белгилаш.
Кейинги таҳрирга қаранг.
36. Танлов комиссияси қуйидагиларга мажбур:
танлов ўтказиладиган санада комиссия аъзоларининг тўлиқ қатнашишини таъминлаш;
танлов ўтказиш жараёнини назорат қилиш;
талабларнинг ягоналигини ва танлов натижалари бўйича қарорлар қабул қилишнинг холисоналигини таъминлаш;
ушбу Низом, бошқа қонун ҳужжатлари талаблари бузилган, тил бириктириш ва танлов ўтказиш тартиб-қоидаларини бузадиган бошқа ҳолатлар аниқланган тақдирда танловни тўхтатиш;
Кейинги таҳрирга қаранг.
талабгорларнинг ҳужжатлари ошкор этилмаслигини, шунингдек талабгорлар учун тенг шароитларни таъминлаш.
37. Қуйидагилар танлов комиссияси котибининг вазифалари ҳисобланади:
талабгорлар томонидан тақдим этилаётган аризани ва унга илова қилинаётган ҳужжатларни қабул қилиш;
ҳужжатларни қабул қилиш журналини юритиш ҳамда ҳужжатларни сақлаш;
ҳужжатлар белгиланган тартибда тақдим этилмаган ҳолларда уларни қабул қилишни рад этиш;
қабул қилинган ҳужжатларни танлов комиссиясига тақдим этиш;
танловни ташкил этиш, комиссия йиғилишлари тўғрисида комиссия аъзоларини хабардор қилиш;
танлов комиссияси мажлисининг баёнини расмийлаштириш ва унинг нусхасини белгиланган муддатларда талабгорларга, таълим муассасаси раҳбарларига ҳамда «Давлат мулкини ижарага бериш маркази» давлат унитар корхонасига тақдим этиш.
38. Танлов ҳужжатлари жойланган конвертлар танлов комиссияси томонидан танлов ўтказиладиган кунда, танлов аъзоларининг барчаси қатнашган тақдирда очилади ҳамда ўрганиш натижаларига кўра танлов ғолиби эълон қилинади.
Талабгорлар танлов ҳужжатлари жойланган конвертларни очишда иштирок этишлари мумкин.
39. Танлов комиссияси томонидан талабгорнинг ҳужжатлари қуйидаги мезонлар асосида баҳоланади:
иш тажрибаси (умумий овқатланиш соҳасидаги фаолияти);
мутахассисларининг малакаси (ошпазлик йўналишида ўрта махсус ва касб-ҳунар маълумоти, ошпазларнинг касб маҳорати бўйича белгиланган тартибда малака оширганлиги ва сертификатга эгалиги);
фаолиятини ташкил этишнинг талабгорнинг ўз маблағлари, шу жумладан кредит ресурслари ҳисобига молиялаштириш билан таъминланганлиги;
меҳнат ресурслари ва ташкил этиладиган иш ўринлари сони;
таълим муассасалари ошхонасининг моддий-техника базасини мустаҳкамлаш бўйича киритилиши мўлжалланган технологик жиҳозлари рўйхати;
таомномаларнинг мавсумийлиги ва соғлом овқатланишни таъминлашга қаратилганлиги.
40. Танлов комиссияси томонидан энг яхши танлов ҳужжатини тақдим этган талабгор танлов ғолиби деб эътироф этилади.
41. Танлов ғолибини аниқлаш танлов комиссиясининг очиқ мажлисида қарор қабул қилиш йўли билан амалга оширилади.
Қарор танлов комиссияси аъзолари умумий сонининг оддий кўпчилик овози билан қабул қилинади. Овозлар тенг бўлиб қолган тақдирда танлов комиссияси раиси ҳал қилувчи овозга эга бўлади.
42. Танлов натижалари конвертлар очилган санадан бошлаб уч календарь кундан ортиқ бўлмаган муддатда танлов комиссияси мажлисининг баёни билан расмийлаштирилади.
Комиссия мажлиси баёнида:
танлов комиссиясининг таркиби;
талабгорлар ва уларнинг таклифлари тўғрисидаги маълумотлар;
таълим муассасаси ошхонаси жойлашган жойнинг манзили;
танлов ғолиби;
овоз бериш натижалари ва танлов комиссияси аъзоларининг қарори;
ғолибни танлашга асос бўлган шартлар кўрсатилади.
Мажлис баёни танлов комиссиясининг барча аъзолари томонидан имзоланади ва танлов комиссияси раиси томонидан тасдиқланади.
Танлов комиссияси баёни танлов комиссияси котиби томонидан юритилади.
43. Танлов комиссияси котиби танлов якунлари бўйича қарор қабул қилинган кундан бошлаб уч иш куни мобайнида танлов ғолибини ва талабгорларни танлов натижалари тўғрисида хабардор қилади, уларга ўтказилган танлов натижалари тўғрисидаги тасдиқланган мажлис баёнини юборади.
44. Ўтказилган танлов натижалари тўғрисидаги мажлис баёни расмийлаштирилгандан сўнг бир иш куни мобайнида тегишли «Давлат мулкини ижарага бериш маркази» давлат унитар корхонасига ва тегишли таълим муассасасига ижара шартномаси тузиш учун тақдим этилади.
45. Танлов ғолиби ижара шартномасини тузишдан бош тортган ёки уни рад этган тақдирда, шунингдек ижарага олинмаган ёки ижара шартномаси бекор қилинган муассасалар учун танлов ушбу Низом талаблари асосида ўқув йили давомида ўтказилиши мумкин.
Кейинги таҳрирга қаранг.
46. Таълим муассасалари ошхоналарининг ижара шартномаси «Давлат мулкини ижарага бериш маркази» давлат унитар корхонаси (ижарага берувчи), талабгор (ижарага олувчи) ва таълим муассасаси (балансда сақловчи) ўртасида қонун ҳужжатларига мувофиқ тузилади.
Ижара шартномасини бекор қилиш қонун ҳужжатларида белгиланган тартибда амалга оширилади.
47. Ижарага олувчи қуйидаги ҳуқуқларга эга:
шартнома имзоланган вақтдан бошлаб ижарага берилган мулкни балансда сақловчидан талаб қилиш;
ижарага олинган бино ва иншоотнинг ички қисмида техник жиҳатдан жиҳозлаш ишларини амалга ошириш.
48. Ижарага олувчи қуйидагиларга мажбур:
таълим муассасасида ўқувчилар учун соғлом овқатланишни ташкил этиш;
соғлиқ учун зарарли бўлган озиқ-овқат маҳсулотлари ва таомлар савдосига йўл қўймаслик;
таълим муассасасининг ижарага олинган ошхонасидан мақсадли ва тўғри фойдаланиш;
таълим муассасасининг ижарага олинган ошхонасини техник жиҳозлашдан олдин балансда сақловчининг ёзма розилигини олиш;
ижарага олинган мол-мулкни соз ҳолатда сақлаш, ўз ҳисобидан жорий таъмирлаш ишларини амалга ошириш ва мулкни сақлаш харажатларини қоплаш;
озиқ-овқат хом ашёси ва озиқ-овқат маҳсулотларининг сифатли сақланишини таъминлаш;
таълим муассасасининг ижарага олинган ошхонасидан фойдаланишда санитария қоидалари, нормалари ва гигиена нормативларига риоя қилиш;
ижара шартномаси бўйича олинган мажбуриятларнинг бажарилишини таъминлаш;
ижара шартномаси бўйича барча тўловларни ўз вақтида амалга ошириш (агар тўлов белгиланган бўлса);
ижара муддати тугагандан кейин давлат мулкини балансда сақловчига белгиланган тартибда топшириш.
Ижарага олувчи томонидан ушбу мажбуриятларнинг бузилиши қонун ҳужжатларида белгиланган тартибда ижара шартномасини бекор қилиш учун асос ҳисобланади.
Кейинги таҳрирга қаранг.
49. Таълим муассасаси ошхонасида озиқ-овқат маҳсулотлари ва таомларни тайёрлаш ҳамда сақлашда сарфланадиган газ, сув ва электр энергияси учун тўловлар алоҳида ўрнатиладиган ҳисоблагичларнинг кўрсаткичлари асосида, ижарага олувчи ҳисобидан қопланади.
VI. Таълим муассасаси томонидан соғлом овқатланишни ташкил этиш
50. Таълим муассасалари ўзларининг бюджетдан ташқари маблағлари, қонун ҳужжатларида тақиқланмаган ҳомийлик хайриялари, овқатланиш учун тўланадиган тўловлар(кейинги ўринларда ошхона маблағлари деб аталади) ҳисобидан ошхона фаолиятини ташкил этиши мумкин.
Кейинги таҳрирга қаранг.
51. Таълим муассасаси ошхонасида озиқ-овқат маҳсулотлари ва таомларни тайёрлашда ҳамда уларни сақлашда сарфланадиган газ, сув, электр энергияси учун тўловлар алоҳида ўрнатилган ҳисоблагичларнинг кўрсаткичларига мувофиқ ошхона маблағлари ҳисобидан қопланади.
52. Таълим муассасаси ошхонасида фаолият юритадиган ходимларга ҳақ тўлаш ошхона маблағлари ҳисобидан амалга оширилади.
53. Таълим муассасаси раҳбари томонидан ошхона ходимларига ҳақ тўлаш, озиқ-овқат маҳсулотлари ва таомларни тайёрлаш учун сарфланадиган озиқ-овқат хом ашёлари қиймати, коммунал тўловлар ҳамда рентабелликни ҳисобга олган ҳолда таомлар калькуляцияси тасдиқланади.
54. Таълим муассасаси ошхонаси маблағларининг сарфланиши бўйича бухгалтерия ҳисоби ва ҳисоботи таълим муассасасининг бухгалтерияси томонидан қонун ҳужжатларига мувофиқ амалга оширилади.
Кейинги таҳрирга қаранг.
55. Озиқ-овқат маҳсулотларини ошхона маблағлари ҳисобидан харид қилиш бўйича шартномалар таълим муассасаси раҳбари томонидан имзоланади.
VII. Таълим муассасаларида соғлом овқатланишни ташкил этиш мониторингини амалга ошириш
Олдинги таҳрирга қаранг.
56. Таълим муассасаларида соғлом овқатланишни ташкил этишда Қорақалпоғистон Республикаси Халқ таълими вазирлиги, вилоятлар халқ таълими бошқармалари, Тошкент шаҳри халқ таълими бош бошқармаси, ўрта махсус, касб-ҳунар таълими ҳудудий бошқармалари, туман (шаҳар) халқ таълими бўлимлари ҳамда таълим муассасалари ваколатлари қуйидагилардан иборат:
(56-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
таълим муассасаларида соғлом овқатланишни ташкил этиш юзасидан доимий мониторинг олиб бориш, жумладан ўқувчилар ва уларнинг ота-оналари ўртасида сўровномалар ўтказиш;
Олдинги таҳрирга қаранг.
мониторинг натижаларини ҳар чоракда Қорақалпоғистон Республикаси Халқ таълими вазирлиги, вилоятлар халқ таълими бошқармалари, Тошкент шаҳар халқ таълими бош бошқармаси, ўрта махсус, касб-ҳунар таълими ҳудудий бошқармалари, туман (шаҳар) халқ таълими бўлимлари раҳбарлари ҳузуридаги йиғилишларда, таълим муассасаларининг педагогик кенгашларида муҳокама қилиб бориш;
(56-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
тегишли маҳаллий давлат ҳокимияти органларига таълим муассасаларида сифатли ва хавфсиз овқатланишни ташкил этиш юзасидан таклифлар киритиш;
таълим муассасалари ошхоналарида санитария қоидалари, нормалари ва гигиена нормативлари ҳамда санитария-гигиена тадбирлари ва эпидемияга қарши тадбирлар бажарилишига риоя қилишнинг бузилиши ҳолатларини бартараф этиш чораларини кўриш;
ўқувчиларнинг ҳаёти ва соғлиғига салбий таъсир кўрсатувчи озиқ-овқат маҳсулотлари ҳақида тушунтириш ишлари олиб бориш.
57. Таълим муассасаларида ошхоналарда тайёрланаётган озиқ-овқат маҳсулотлари ва таомлар сифатини ўрганиш бўйича комиссиялар (кейинги ўринларда комиссия деб аталади) ташкил этилади.
Комиссия таркиби таълим муассасасига бириктирилган ҳамшира, таълим муассасасининг соғлом овқатланишни ташкил этиш масалалари учун масъул ходими ва ўқувчилар ота-оналарининг вакилларидан иборат бўлади.
Комиссия таълим муассасаси ошхонасида тайёрланаётган таомлар сифатини доимий равишда ўрганиб боради. Ўрганиш натижалари алоҳида юритиладиган махсус журналда қайд этилади.
58. Давлат санитария-эпидемиология назорати марказлари томонидан сотилаётган озиқ-овқат маҳсулотлари ва таомлар, таълим муассасаси ошхоналаридаги мавжуд технологик жиҳозларнинг санитария қоидалари, нормалари ва гигиена нормативлари ҳамда санитария-гигиена тадбирлари ва эпидемияга қарши тадбирлар бажарилишига риоя қилиш, озиқ-овқат маҳсулотлари ва таомлар сифати юзасидан назорат ишлари олиб борилади.
Кейинги таҳрирга қаранг.
Олдинги таҳрирга қаранг.
Олиб борилган назорат ишлари ҳар чоракда Қорақалпоғистон Республикаси Халқ таълими вазирлиги, вилоятлар халқ таълими бошқармалари ва Тошкент шаҳар халқ таълими бош бошқармаси ҳамда ўрта махсус, касб-ҳунар таълими ҳудудий бошқармалари, туман (шаҳар) халқ таълими бўлимлари, шунингдек таълим муассасалари билан биргаликда муҳокама қилинади ва тегишли тадбирлар белгиланади.
(58-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 30 сентябрдаги 822-сон қарори таҳририда — Қонун ҳужжатлари маълумотлари миллий базаси, 30.09.2019 й., 09/19/822/3840-сон)
VIII. Якунловчи қоида
59. Ушбу Низом талабларининг бузилишида айбдор бўлган шахслар қонун ҳужжатларига мувофиқ жавоб беради.
Кейинги таҳрирга қаранг.
Кейинги таҳрирга қаранг.
Вазирлар Маҳкамасининг 2016 йил 2 майдаги 132-сон қарорига
2-ИЛОВА
2016 — 2020 йилларда умумий ўрта ва ўрта махсус, касб-ҳунар таълими муассасаларида соғлом овқатланишни ташкил этишни янада такомиллаштириш, ошхоналарни ташкил этиш ва уларни жиҳозлаш ишларини амалга ошириш бўйича
ЧОРА-ТАДБИРЛАР РЕЖАСИ

Т/р

Тадбирлар

Бажариш муддатлари

Масъул бажарувчилар

I. Умумий ўрта ва ўрта махсус, касб-ҳунар таълими муассасалари ошхона ва буфетлари фаолиятини ташкил этиш

1.

Овқатланиш тизими мавжуд бўлмаган умумий ўрта таълим муассасаларида ошхона ва буфетларни ташкил этиш, жиҳозлаш ва қайта жиҳозлаш бўйича белгиланган кўрсаткичларга мувофиқ равишда молиялаштириш манбаларини кўрсатган ҳолда манзилли дастурларни тасдиқлаш.

2016 йил
1 июлгача

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, Халқ таълими вазирлиги

2.

Умумий ўрта ва ўрта махсус, касб-ҳунар таълими муассасаларининг ошхона ва буфетлари учун намунавий таомномаларни (ҳар бир таомнинг тайёрлаш технологиясини кўрсатиб ўтган ҳолда) тасдиқлаш.

2016 йил

август

Соғлиқни сақлаш вазирлиги, Ўзбекистон Ошпазлар уюшмаси, Халқ таълими вазирлиги,
Олий ва ўрта махсус таълим вазирлигининг Ўрта махсус, касб-ҳунар таълими маркази

3.

Замонавий тажрибалар асосида умумий ўрта ва ўрта махсус, касб-ҳунар таълими муассасалари ошпазларини малака ошириш курсларига жалб этиш чораларини кўриш.

2016 йил
III чорагидан бошлаб доимий

Халқ таълими вазирлиги, Ўзбекистон Ошпазлар уюшмаси, Олий ва ўрта махсус таълим вазирлигининг Ўрта махсус, касб-ҳунар таълими маркази, Соғлиқни сақлаш вазирлиги, ижарачи корхоналар билан ҳамкорликда

II. Таълим муассасаларида соғлом овқатланишни ташкил этишга доир тарғибот-ташвиқот ишлари

4.

Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этиш юзасидан оммавий ахборот воситалари орқали кенг тарғибот-ташвиқот ишларини олиб бориш, бунда:

ўқувчилар учун фойдали таомларни тайёрлаш усулларига, уларни истеъмол қилишнинг ижобий таъсирига;

овқатланиш режимига ва уларга амал қилинишига;

таркибида зарарли моддалар мавжуд бўлган озиқ-овқат маҳсулотлари ва таомларни истеъмол қилишнинг салбий оқибатлари масалаларига алоҳида эътибор қаратиш.

Жадвал асосида

Халқ таълими вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази, Соғлиқни сақлаш вазирлиги, Ўзбекистон Миллий ахборот агентлиги, Ўзбекистон миллий телерадиокомпанияси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

5.

Умумий ўрта таълим муассасаларининг бошланғич синф ўқувчилари ўртасида «Тўғри овқатланиш дарслари» таълим дастурини жорий этиш ва унда қуйидагиларни назарда тутиш:

ўқувчиларда саломатликнинг қадри ва уни мустаҳкамлаш зарурлиги тўғрисида тасаввур ҳосил қилиш;

ўқувчиларни соғлом ҳаёт тарзи ва тўғри овқатланиш қоидалари билан таништириш;

ўқувчиларнинг ўз соғлиғига ғамхўрлик қилиши билан боғлиқ хулқ-атвор шаклларини ўзлаштиришлари, уларни тўғри овқатланишга доир миллий-маданий анъаналар билан таништириш асосий мавзу сифатида киритилишини таъминлаш.

2016 йил
III чорак

Халқ таълими вазирлиги,
Соғлиқни сақлаш вазирлиги

6.

Ўқувчилар, педагог ходимлар, ота-оналар томонидан соғлом овқатланиш қоидаларига амал қилиниши юзасидан билим ва кўникмаларни янада ривожлантириш бўйича давра суҳбатлари ўтказиб бориш.

Доимий

Халқ таълими вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази, Соғлиқни сақлаш вазирлиги

7.

Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этиш масаласини «Саломатлик сабоқлари», «Соғлом авлод асослари», «Соғлом оила асослари» дарслари орқали ўқувчилар онгига етказиш чораларини кўриш.

Жадвал асосида

Халқ таълими вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази, Соғлиқни сақлаш вазирлиги

8.

Умумий ўрта ва ўрта махсус, касб-ҳунар таълими муассасаларида соғлом овқатланишни ташкил этиш юзасидан Қорақалпоғистон Республикаси, вилоятлар ва Тошкент шаҳрида ҳудудий семинарлар ўтказиш.

2016 — 2020 йиллар давомида,

ҳар йили сентябрь — декабрда

Соғлиқни сақлаш вазирлиги, Халқ таълими вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази

Вазирлар Маҳкамасининг 2016 йил 2 майдаги 132-сон қарорига
2а-ИЛОВА
2017 — 2020 йилларда овқатланиш тизими мавжуд бўлмаган умумий ўрта таълим муассасаларида ошхоналарни ташкил этиш ва жиҳозлаш кўрсаткичлари

дона

Т/р

Ҳудудлар

2017 — 2020 йилларда ошхоналар ташкил этиладиган мактаблар сони

ташкил этиладиган ошхоналарни жиҳозлаш кўрсаткичлари, шу жумладан:

ўтириш ўринлари (тўплам)

музлатгич

сув қайнатгич

электр плита

идиш ювиш ванналари

ишлаб чиқариш столи

Республика бўйича

2630

13150

2630

2630

2630

2630

2630

1.

Қорақалпоғистон Республикаси

254

1270

254

254

254

254

254

2.

Андижон

59

295

59

59

59

59

59

3.

Бухоро

83

415

83

83

83

83

83

4.

Жиззах

212

1060

212

212

212

212

212

5.

Қашқадарё

445

2225

445

445

445

445

445

6.

Навоий

127

635

127

127

127

127

127

7.

Наманган

130

650

130

130

130

130

130

8.

Самарқанд

590

2950

590

590

590

590

590

9.

Сирдарё

42

210

42

42

42

42

42

10.

Сурхондарё

210

1050

210

210

210

210

210

11.

Тошкент в.

245

1225

245

245

245

245

245

12.

Фарғона

209

1045

209

209

209

209

209

13.

Хоразм

24

120

24

24

24

24

24

Вазирлар Маҳкамасининг 2016 йил 2 майдаги 232-сон қарорига
2б-ИЛОВА
2017 — 2020 йилларда умумий ўрта таълим муассасаларида ишламаётган ошхоналарнинг фаолиятини ташкил этиш ва уларни қайта жиҳозлаш кўрсаткичлари

дона

Т/р

Вилоятлар

2017 — 2020 йилларда ошхоналар ташкил этилиши белгиланган мактаблар сони

Ташкил этиладиган ошхоналарни қайта жиҳозлаш кўрсаткичлари, шу жумладан:

ўтириш ўринлари (тўплам)

музлатгич

музлатгич витрина

сув қайнатгич

электр плита

идиш ювиш ванналари

ишлаб чиқариш столлари

Республика бўйича

2061

4868

806

1030

823

1091

801

1059

1.

Қорақалпоғистон Республикаси

158

371

53

78

65

83

56

85

2.

Андижон

117

309

42

64

51

68

44

101

3.

Бухоро

121

271

40

55

48

60

44

61

4.

Жиззах

122

252

38

50

46

55

45

34

5.

Қашқадарё

253

585

87

131

90

131

88

141

6.

Навоий

80

177

21

41

31

38

30

27

7.

Наманган

154

339

64

77

66

81

62

16

8.

Самарқанд

274

605

153

143

109

151

153

120

9.

Сирдарё

67

139

36

31

28

30

27

16

10.

Сурхондарё

193

487

76

103

80

101

71

107

11.

Тошкент в.

197

495

83

96

79

108

73

129

12.

Фарғона

206

534

64

100

74

106

60

124

13.

Хоразм

119

304

49

61

56

79

48

98

Вазирлар Маҳкамасининг 2016 йил 2 майдаги 132-сон қарорига
3-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
РЎЙХАТИ
1. Вазирлар Маҳкамасининг «Таълим муассасаларида соғлом овқатланиш шарт-шароитларини яхшилаш чора-тадбирлари тўғрисида» 2010 йил 20 августдаги 184-сон қарори (Ўзбекистон Республикаси қонун ҳужжатлари тўплами, 2010 й., 34-сон, 293-модда).
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» (Вазирлар Маҳкамасининг «Халқ таълими ҳудудий органлари тузилмасини такомиллаштириш тўғрисида» 2011 йил 1 мартдаги 52-сон қарори) 2011 йил 20 июндаги 184-сон қарори (Ўзбекистон Республикаси қонун ҳужжатлари тўплами, 2011 йил, 25-сон, 261-модда)га илованинг 4-банди.
3. Вазирлар Маҳкамасининг «Вазирлар Маҳкамасининг «Таълим муассасаларида соғлом овқатланиш шарт-шароитларини яхшилаш бўйича чора-тадбирлар тўғрисида» 2010 йил 20 августдаги 184-сон қарорига қўшимчалар киритиш ҳақида» 2013 йил 6 ноябрдаги 297-сон қарори (Ўзбекистон Республикаси қонун ҳужжатлари тўплами, 2013 й., 45-сон, 591-модда).

(Ўзбекистон Республикаси қонун ҳужжатлари тўплами, 2016 й., 18-сон, 193-модда; 2017 й., 9-сон, 132-модда; Қонун ҳужжатлари маълумотлари миллий базаси, 30.09.2019 й., 09/19/822/3840-сон; Қонунчилик маълумотлари миллий базаси, 20.11.2021 й., 09/21/694/1075-сон; 05.04.2022 й., 09/22/153/0266-сон; 15.05.2024 й., 09/24/282/0347-сон; 13.01.2025 й., 09/25/8/0026-сон; 30.01.2025 й., 09/25/48/0093-сон)