Нефть маҳсулотларини улгуржи сотиш билан шуғулланувчи корхоналар учун қулай шарт-шароитлар яратиш, шунингдек нефть маҳсулотларини сотиш бўйича (нефть маҳсулотларини автомобилларга ёнилғи қуйиш шохобчалари ва мой алмаштириш пунктлари орқали сотишдан ташқари) фаолиятни амалга ошириш учун лицензия олиш тартиботларини соддалаштириш мақсадида Вазирлар Маҳкамаси қарор қилади:

1. Вазирлар Маҳкамасининг «Нефть маҳсулотларини сотиш бўйича фаолиятни лицензиялаш тўғрисидаги низомларни тасдиқлаш тўғрисида» 2003 йил 28 июндаги 289-сон қарорига (Ўзбекистон Республикаси ҚТ, 2003 й., 6-сон, 50-модда) иловага мувофиқ ўзгартиришлар киритилсин.

2. Ўзбекистон Республикаси Вазирлар Маҳкамаси ҳузуридаги «Ўздавнефтгазинспекция» давлат инспекцияси Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.

1. Қарор 3-бандининг иккинчи хатбоши қуйидаги таҳрирда баён қилинсин:

«Ўздавнефтгазинспекция»га Вазирлар Маҳкамасининг Нефть маҳсулотларини сотиш бўйича фаолиятни лицензиялаш комиссиясининг ҳужжатларни қабул қилиш, лицензиялар бериш, лицензия битимини тузиш ва унинг бажарилишини назорат қилишни амалга оширувчи ишчи органи функциялари».

2. 1-иловада (Нефть маҳсулотларини сотиш бўйича (нефть маҳсулотларини автомобилларга ёнилғи қуйиш шохобчалари ва мой алмаштириш пунктлари орқали сотишдан ташқари) фаолиятни лицензиялаш тўғрисидаги низом):

а) 5-банднинг иккинчи хатбошидаги «Ўзбекистон Республикаси Вазирлар Маҳкамасининг Геология, ёқилғи-энергетика комплекси, кимё, нефть-кимё ва металлургия саноати масалалари ахборот-таҳлил департаменти (кейинги ўринларда Департамент деб аталади)» сўзлари «Ўздавнефтгазинспекция» сўзи билан алмаштирилсин;

б) 9, 10¹, 13-бандлардаги, 19-банднинг биринчи хатбошидаги, 20-банднинг биринчи ва ўнинчи хатбошидаги, 21-банднинг биринчи хатбошидаги, 23-банддаги, 24-банднинг иккинчи хатбошидаги, 26-банднинг иккинчи ва учинчи хатбошидаги, 27-банддаги, 29-банднинг биринчи хатбошидаги, 30-банднинг иккинчи хатбошидаги, 32-банднинг биринчи хатбошидаги, 33-банддаги, 34-банднинг биринчи ва иккинчи хатбошидаги «Департамент», «Департаментга», «Департаментнинг» сўзлари тегишли равишда «Ўздавнефтгазинспекция», «Ўздавнефтгазинспекция»га, «Ўздавнефтгаз-инспекция»нинг сўзлари билан алмаштирилсин;

в) 10-бандда:

биринчи хатбошидаги «Департаментга» сўзи «Ўздавнефтгазинспекция»га сўзи билан алмаштирилсин;

«б» кичик банд ўз кучини йўқотган деб ҳисоблансин;

«е» кичик банд қуйидаги таҳрирда баён қилинсин:

«е) «Саноатгеоконтехназорат» давлат инспекцияси бўлинмасининг нефть омбори хўжалигининг саноат хавфсизлиги талабларига мувофиқлиги тўғрисидаги хулосаси;

г) 12-банд қуйидаги таҳрирда баён қилинсин:

«12. Ҳужжатлар лицензия талабгори томонидан «Ўздавнефтгазинспекция»га бевосита, олинганлиги тўғрисидаги билдиришнома билан почта алоқаси орқали ёки электрон шаклда етказиб берилади. Электрон шаклда тақдим этилган ҳужжатлар лицензия талабгорининг электрон рақамли имзоси билан тасдиқланади»:

д) 18-банд қуйидаги таҳрирда баён қилинсин:

«18. «Ўздавнефтгазинспекция» ариза олинган кундан бошлаб ўн беш кундан ошмайдиган муддатда ҳужжатларни кўриб чиқади, улар юзасидан эксперт хулосалар тайёрлайди ва лицензия талабгорига лицензия бериш ёки лицензия беришни рад этиш тўғрисидаги таклифни тегишли қарор протоколи лойиҳаси билан биргаликда Комиссияга тасдиқлаш учун тақдим этади.

«Ўздавнефтгазинспекция» эксперт хулосасини тайёрлаш учун давлат ва хўжалик бошқаруви бошқа органларининг мутахассисларини жалб этиш ҳуқуқига эга.

Комиссия «Ўздавнефтгазинспекция»нинг таклифи олингандан сўнг 10 кундан ортиқ бўлмаган муддатда уни кўриб чиқади ва қабул қилинган қарор тўғрисидаги протоколни тасдиқлайди. Комиссия томонидан қабул қилинган қарорнинг протоколи Комиссия раиси томонидан имзоланади.

Комиссия қарори сўров йўли билан қабул қилиниши мумкин (ёзма тарзда ёки тасдиқловчи электрон рақамли имзо билан электрон шаклда)»;

е) Нефть маҳсулотларини сотиш бўйича (нефть маҳсулотларини автомобилларга ёнилғи қуйиш шохобчалари ва мой алмаштириш пунктлари орқали сотишдан ташқари) фаолиятни лицензиялаш тўғрисидаги низомга илова матни қуйидаги таҳрирда баён қилинсин:

3. 3-иловада:

а) иккинчи хатбоши чиқариб ташлансин;

б) еттинчи хатбошидаги «Шодмонхўжаев Н.С. — Ўзбекистон Республикаси Ички ишлар вазирлигининг Ёнғиндан сақлаш бош бошқармаси бўлим бошлиғининг ўринбосари» сўзлари «Султонов А.А. — Ўзбекистон Республикаси Ички ишлар вазирлигининг Ёнғиндан сақлаш бош бошқармаси бўлими бошлиғининг ўринбосари» сўзлари билан алмаштирилсин;

в) тўққизинчи хатбоши чиқариб ташлансин;

г) ўнинчи хатбошидаги «Рамазонов Н.С. — Ўзбекистон Республикаси Вазирлар Маҳкамаси ҳузуридаги «Ўздавнефтгазинспекция» бошлиғи» сўзлари «Акбарходжаев Л.Т. — Ўзбекистон Республикаси Вазирлар Маҳкамаси ҳузуридаги «Ўздавнефтгазинспекция» бошлиғи, комиссия котиби» сўзлари билан алмаштирилсин;

д) ўн биринчи хатбошидаги «Ташмуҳамедов Х.Ф. — «Саноатконтехназорат» агентлиги бош директорининг ўринбосари» сўзлари «Юнусов А.Н.— «Саноатгеоконтехназорат» давлат инспекцияси бошлиғининг ўринбосари» сўзлари билан алмаштирилсин.