Ҳужжат 12.10.2017 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
ОСИЁ ТАРАҚҚИЁТ БАНКИ ҲАМДА ХАЛҚАРО ТИКЛАНИШ ВА ТАРАҚҚИЁТ БАНКИ ИШТИРОКИДАГИ ЛОЙИҲАЛАРНИ АМАЛГА ОШИРИШ УЧУН НОРМАТИВ ҲУЖЖАТЛАРНИ ТАСДИҚЛАШ ТЎҒРИСИДА
Пахта ва дон маҳсулотлари етиштиришни рағбатлантириш, Осиё тараққиёт банки ва Халқаро тикланиш ва тараққиёт банки иштирокида амалга ошириладиган лойиҳаларда қатнашувчи қишлоқ хўжалиги корхоналари хўжалик фаолиятининг норматив-ҳуқуқий базасини шакллантириш мақсадида Вазирлар Маҳкамаси қарор қилади:
1. Ўзбекистон Республикаси Вазирлар Маҳкамасининг «Осиё тараққиёт банки иштирокида «Инфратузилмаларни ривожлантиришни, шунингдек Сирдарё вилояти Оқолтин туманидаги таркиби ўзгартирилган хўжаликларни қўллаб-қувватлаш» лойиҳасини амалга ошириш чора-тадбирлари тўғрисида» 2001 йил 2 майдаги 201-сон ҳамда «Халқаро тикланиш ва тараққиёт банки иштирокида «Қишлоқ хўжалиги корхоналарини қўллаб-қувватлаш» лойиҳасини амалга оширишга тайёрланиш чора-тадбирлари тўғрисида» 2001 йил 26 ноябрдаги 461-сон қарорларига мувофиқ кўрсатиб ўтилган лойиҳаларга киритилган қишлоқ хўжалиги корхоналарига давлат эҳтиёжлари учун пахта хом ашёси ва дон маҳсулотлари харидлари бўйича топшириқлар ўрнига белгилаб қўйилган харид квоталари белгиланганлиги маълумот учун қабул қилинсин.
2. Қуйидагилар:
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан ички хўжалик дренажлари ва ирригация тизимларини тиклаш ҳамда мелиоратив қурилиш техникаси етказиб бериш учун инвестиция харажатларини қоплаш механизми тўғрисидаги вақтинчалик низом 1-иловага мувофиқ;
Осиё тараққиёт банки ҳамда Халқаро тикланиш ва тараққиёт банки лойиҳаларига киритилган туманларда қишлоқ хўжалиги корхоналари учун пахта хом ашёси ва дон маҳсулотлари учун ҳисоб-китоб қилиш ва харид квоталарини тақсимлашнинг вақтинчалик тартиби 2-иловага мувофиқ;
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёси ва дон маҳсулотлари етиштиришни молиялаштириш тартиби тўғрисидаги вақтинчалик низом 3-иловага мувофиқ;
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёсини қайта ишлашдан олинган пахта маҳсулотларини сотиш тартиби тўғрисидаги вақтинчалик низом 4-иловага мувофиқ;
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан харид квоталаридан ортиқча етиштирилган пахта хом ашёси учун уни давлат эҳтиёжлари учун сотишда шартномавий нархларни белгилашнинг вақтинчалик тартиби 5-иловага мувофиқ тасдиқлансин.
3. Ўзбекистон Республикаси Иқтисодиёт вазирлиги, Молия вазирлиги Қишлоқ ва сув хўжалиги вазирлиги билан биргаликда 2004 йил 1 ноябргача бўлган муддатда лойиҳаларда қатнашувчи қишлоқ хўжалиги корхоналари томонидан пахта хом ашёси етиштириш ва сотишни ташкил этиш механизмини янада такомиллаштириш бўйича таклифлар киритсинлар, бунда жалб этилган инвестицияларни ҳисобга олган ҳолда ҳосилдорликни оширишнинг мақсадли кўрсаткичларига эришиш, қарз маблағларидан самарали фойдаланиш чора-тадбирларини назарда тутсинлар.
4. Белгилаб қўйилсинки, Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан етиштирилган пахта маҳсулотлари Ўзбекистон Республикаси Ҳукумати томонидан қабул қилинган қарорларга мувофиқ белгиланган тартибда пахта терминалларидан сотилади.
5. Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Осиё тараққиёт банки ҳамда Халқаро тикланиш ва тараққиёт банки лойиҳаларининг амалга оширилиши, уларни амалга оширишга ажратилган маблағларнинг самарали ва ўз вақтида сарфланиши устидан доимий назоратни амалга оширсинлар.
Кейинги таҳрирга қаранг.
6. Осиё тараққиёт банки ҳамда Халқаро тикланиш ва тараққиёт банкининг кўрсатиб ўтилган лойиҳаларини самарали амалга ошириш учун Қишлоқ хўжалиги корхоналарини таркибий ўзгартириш агентлигига ҳамда лойиҳаларга киритилган туманлар ҳокимликларига кредит маблағларидан фойдаланишни назорат қилиш ва ҳисобга олиш, шунингдек Ўзбекистон Республикаси қонун ҳужжатлари талабларига мувофиқ зарур ҳисоботлар ва ҳужжатларнинг ўз вақтида тайёрланиши ва киритилишини таъминлаш юзасидан жавобгарлик юклансин.
Кейинги таҳрирга қаранг.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 30 март,
153-сон
Вазирлар Маҳкамасининг
2004 йил 30 мартдаги 153-сон қарорига
1-ИЛОВА
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан ички хўжалик дренажлари ва ирригация тизимларини тиклаш ҳамда мелиоратив қурилиш техникаси етказиб бериш учун инвестиция харажатларини қоплаш механизми тўғрисида
ВАҚТИНЧАЛИК НИЗОМ
Мазкур Низом Осиё тараққиёт банки иштирокида «Инфратузилмаларни ривожлантиришни, шунингдек Сирдарё вилояти Оқолтин туманидаги таркиби ўзгартирилган хўжаликларни қўллаб-қувватлаш» ҳамда Халқаро тикланиш ва тараққиёт банки иштирокида «Қишлоқ хўжалиги корхоналарини қўллаб-қувватлаш» лойиҳаларини (кейинги ўринларда лойиҳалар деб аталади) амалга ошириш мақсадида ишлаб чиқилган ва лойиҳаларда қатнашувчи қишлоқ хўжалиги корхоналари томонидан ички хўжалик дренажлари ҳамда ирригация тизимларини тиклашга ва мелиоратив қурилиш техникаси етказиб беришга инвестиция харажатларини қоплаш механизмини белгилайди.
I. Атамалар
1. Ушбу Низомда қуйидаги атамалар қабул қилинган:
Қишлоқ хўжалиги корхоналарини таркибий ўзгартириш агентлиги — лойиҳаларни амалга оширувчи ташкилот, Ўзбекистон Республикаси Қишлоқ ва сув хўжалиги вазирлиги номидан фаолият кўрсатади (кейинги ўринларда Ижро этувчи агентлик деб аталади);
Кейинги таҳрирга қаранг.
Олдинги таҳрирга қаранг.
Сув истеъмолчилари уюшмаси — юридик шахслар бўлган сув истеъмолчилари томонидан сувга доир муносабатлар соҳасидаги ўз фаолиятларини мувофиқлаштириш, шунингдек умумий манфаатларини ифодалаш ва ҳимоя қилиш учун ихтиёрий асосда ташкил этиладиган нодавлат нотижорат ташкилоти;
(1-банднинг учинчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
лойиҳа бенефициарлари — Сув истеъмолчилари уюшмаси аъзолари ёки лойиҳаларда қатнашувчи ҳар қандай қишлоқ хўжалиги корхонаси, ушбу корхоналар ҳудудида ички хўжалик дренажлари ва ирригация тизимлари бўйича қурилиш-тиклаш ишлари амалга оширилади ёки улар томонидан мелиоратив қурилиш техникаси сотиб олинади (кейинги ўринларда бенефициарлар деб аталади);
(1-банднинг тўртинчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
мелиоратив қурилиш техникаси — Сув истеъмолчилари уюшмаларига ички хўжалик дренажлари ва ирригация тизимларини тиклаш ва уларга хизмат кўрсатиш мақсадида етказиб бериладиган ер қазиш техникаси (кейинги ўринларда техника деб аталади);
(1-банднинг бешинчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Консультант танлаш — ушбу тартиботлар бўйича Осиё тараққиёт банки ёки Халқаро тикланиш ва тараққиёт банки томонидан тасдиқланган талабларга мувофиқ дизайн ва тендер ҳужжатларини тайёрлаш бўйича консультант танлаш;
тендер бўйича танлаш — ушбу тартиботлар бўйича Осиё тараққиёт банки ёки Халқаро тикланиш ва тараққиёт банки томонидан тасдиқланган талабларга мувофиқ қурилиш-тиклаш ишларини бажариш (техника етказиб бериш) учун Пудратчини (Етказиб берувчини) танлаш;
пудратчи — дренаж ва ирригация тизимлари бўйича қурилиш-тиклаш ишларини бажариш юзасидан тендер бўйича танлов қатнашчиларига қўйиладиган талабларга жавоб берувчи юридик шахс;
етказиб берувчи — мелиоратив қурилиш техникаси етказиб бериш юзасидан тендер бўйича танлов қатнашчиларига қўйиладиган талабларга жавоб берувчи юридик шахс;
дизайн — Ўзбекистон Республикаси Вазирлар Маҳкамасининг 2003 йил 11 июндаги 261-сон қарори билан тасдиқланган Объектларни қуриш қийматини шартномавий жорий нархларда белгилаш тартиби тўғрисида вақтинчалик низомга мувофиқ Консультант томонидан ишлаб чиқилган лойиҳалаш объектининг дала текширишлари асосидаги лойиҳа-смета ҳужжатлари;
консультация маркази — бенефициарларга қишлоқ хўжалиги бўйича консультация хизматлари кўрсатиш учун лойиҳалар доирасида ташкил этиладиган қишлоқ бизнеси консультация маркази;
Олдинги таҳрирга қаранг.
маблағлар йиғиш — бенефициарлар томонидан ички хўжалик дренажлари ва ирригация тизимларини тиклаш ёки техника етказиб бериш учун тегишли компонентлар бўйича жалб этилган Осиё тараққиёт банки ёки Халқаро тикланиш ва тараққиёт банки кредитларини тўлаш мақсадида (фоизлар ва воситачилик ҳақини ҳисобга олган ҳолда) Сув истеъмолчилари уюшмасининг махсус мақсадли ҳисоб рақамига пул маблағлари ўтказиш.
(1-банднинг ўн иккинчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
II. Консультант танлаш ва унинг хизматларини молиялаштириш
2. Ички хўжалик дренажлари ва ирригация тизимларини тиклашга йўналтирилган лойиҳа ечимларини амалга ошириш учун Ижро этувчи агентлик Консультант танлайди ҳамда танлаш натижалари бўйича Консультант билан дизайн ва тендер ҳужжатларини тайёрлаш юзасидан контракт тузади. Юқорида кўрсатиб ўтилган тадбирларни молиялаштириш тегишли компонентлар бўйича ажратиладиган маблағлар ҳисобига амалга оширилади. Контрактда контракт умумий суммасининг кўпи билан 10 фоизини олдиндан тўлаш назарда тутилиши мумкин.
Олдинги таҳрирга қаранг.
3. Консультант тузилган контрактга мувофиқ ҳамда дала текширишлари асосида Сув истеъмолчилари уюшмаси билан келишилиши керак бўлган дизайн ва тендер ҳужжатларини тайёрлайди ва уларни лойиҳалар мақсадларига мувофиқ бўлган қурилиш ишларини молиялаштириш учун Ижро этувчи агентликка тақдим этади. Дизайн ва тендер ҳужжатларини тайёрлаш билан боғлиқ барча харажатлар Осиё тараққиёт банки ва Халқаро тикланиш ва тараққиёт банки кредитларининг тегишли компонентлари доирасида ажратиладиган маблағлар ҳисобига молиялаштирилади.
(3-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
4. Ижро этувчи агентлик ва Консультант ўртасидаги қабул қилиш далолатномаси имзолангандан кейин Ижро этувчи агентлик маблағларни лойиҳаларнинг махсус ҳисоб рақамларидан кўчиради ва Консультантга контракт суммасининг тўланмаган қисмини тўлайди.
III. Қурилиш-тиклаш ишларини молиялаштириш ва уларнинг харажатларини қоплаш
5. Қабул қилиш далолатномаси имзолангандан кейин:
10 кун мобайнида Ижро этувчи агентлик бенефициарга дизайнни тақдим этади;
Олдинги таҳрирга қаранг.
бенефициарга дизайн тақдим этилган кундан бошлаб 15 кун мобайнида — Ижро этувчи агентлик, бенефициар ва Сув истеъмолчилари уюшмасининг ваколатли вакиллари ушбу Низомга иловага мувофиқ харажатларни молиялаштириш ва қоплаш тўғрисида уч томонлама шартнома (кейинги ўринларда Шартнома деб аталади) тузадилар.
(5-банднинг учинчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Шартномада кредитларни тўлаш, олинган кредитлар бўйича фоизларни, бир марталик воситачилик ҳақини ва кредитнинг фойдаланилмаган суммаси бўйича мажбурият учун воситачилик ҳақини тўлаш шартлари назарда тутилади.
6. Ижро этувчи агентлик тендер ҳужжатлари асосида, бенефициар иштирокида қурилиш-тиклаш ишларини бажаришга (техника етказиб беришга) Пудратчини (Етказиб берувчини) тендер бўйича танлашни амалга оширади.
Олдинги таҳрирга қаранг.
7. Тендер бўйича танлаш натижаларига кўра Ижро этувчи агентлик, Пудратчи (Етказиб берувчи), Сув истеъмолчилари уюшмаси ва бенефициарлар ўртасида контракт тузилади, контракт шартлари бўйича олдиндан тегишли равишда Халқаро тикланиш ва тараққиёт банки ёки Осиё тараққиёт банкининг розилиги олиниши керак.
(7-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
8. Қурилиш-тиклаш ишларининг (техника етказиб беришнинг) тугалланганлиги беш нусхадаги далолатнома билан расмийлаштирилади, далолатнома Ижро этувчи агентлик, Пудратчи (Етказиб берувчи), Сув истеъмолчилари уюшмаси ва бенефициарнинг ваколатли вакиллари томонидан имзоланади.
(8-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
9. Қабул қилиб олишда Ижро этувчи агентлик, Сув истеъмолчилари уюшмаси ёки бенефициар тугалланган қурилиш-тиклаш ишларининг тайёрланган дизайнга мувофиқлиги тўғрисида хулоса олиш учун Консультация марказига мурожаат қилишлари мумкин.
(9-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
10. Томонлардан бири далолатномани имзолашни рад этган тақдирда пайдо бўлган низолар Ўзбекистон Республикаси қонун ҳужжатларига ва контракт шартларига мувофиқ ҳал этилади. Ишларни бажариш (техникани топшириш-қабул қилиб олиш) тугалланганлиги тўғрисидаги далолатнома бенефициарлар томонидан қопланадиган Шартномада белгиланган маблағлар миқдорига тузатишлар киритиш учун асос ҳисобланади.
Кейинги таҳрирга қаранг.
Олдинги таҳрирга қаранг.
11. Ижро этувчи агентлик қурилиш-тиклаш ишларини (техника етказиб беришни) молиялаштиришни Осиё тараққиёт банки ёки Халқаро тикланиш ва тараққиёт банки кредитларининг тегишли компонентлари бўйича, контракт шартларига мувофиқ ажратиладиган маблағлар ҳисобига амалга оширади, шунингдек Сув истеъмолчилари уюшмасини қарз маблағларини зарур даражада ҳисобга олиш ва фоизларни тўлаш мақсадида контракт бўйича маблағларни кўчириш тўғрисида хабардор қилади.
(11-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
12. Шартномага мувофиқ Сув истеъмолчилари уюшмаси ҳар ярим йилликда бир марта асосий қарзни, фоизларни ҳамда мазкур кредитга хизмат кўрсатиш билан боғлиқ бўлган ва бенефициарлар томонидан ички хўжалик дренажлари ва ирригация тизимларини яхшилаш ёки техника етказиб бериш учун тўланадиган барча воситачилик тўловларини тўлаш учун ўз ҳисоб рақамига маблағлар йиғишни амалга оширади.
(12-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
13. Сув истеъмолчилари уюшмаси бенефициарлардан тушган маблағларни шу куннинг ўзида Ўзбекистон Республикаси Молия вазирлигининг махсус ҳисоб рақамига ўтказади.
(13-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Олдинги таҳрирга қаранг.
14. Ягона қишлоқ хўжалиги корхонаси бенефициар сифатида иш кўрган ҳолларда шартнома тўғридан-тўғри Ижро этувчи агентлик ва қишлоқ хўжалиги корхонаси ўртасида, Сув истеъмолчилари уюшмаси (ташкил этмасдан) иштирокисиз тузилади. Бу ҳолда Сув истеъмолчилари уюшмасининг ушбу Низомда назарда тутилган барча ҳуқуқ ва мажбуриятлари қишлоқ хўжалиги корхонасига ўтади.
(14-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан ички хўжалик дренажлари ва ирригация тизимларини тиклаш ҳамда мелиоратив қурилиш техникаси етказиб бериш учун инвестиция харажатларини қоплаш механизми тўғрисидаги вақтинчалик низомга
ИЛОВА
_______________каналини (дренажни) тиклаш (мелиоратив қурилиш техникаси етказиб бериш) бўйича (номи) инвестиция харажатларини молиялаштириш ва тўлаш юзасидан
НАМУНАВИЙ ШАРТНОМА
Олдинги таҳрирга қаранг.
___________________________________ вилояти __________________________________ тумани
200__ йил «_________»_________________
Кейинги ўринларда «Ижро этувчи агентлик» деб аталадиган Қишлоқ хўжалиги корхоналарини таркиби
ўзгартириш агентлиги номидан бош директор ___________ бир томондан, сув истеъмолчиларининг 200__ йил «___» __________даги таъсис йиғилиши қарорига кўра ташкил этилган, кейинги ўринларда
«Сув истеъмолчилари уюшмаси» деб аталадиган ___________ сув истеъмолчилари уюшмаси
номидан________________ иккинчи томондан ҳамда кейинги ўринларда «Бенефициарлар» деб аталадиган
ушбу Шартнома 1-иловага мувофиқ қишлоқ хўжалиги корхоналари раҳбарлари учинчи томондан, (кейинги
ўринларда _______________________________________________________________________ деб аталади)
___________________________________________________________________________________________

(халқаро молия ташкилоти номи)

иштирокида, Ўзбекистон Республикаси Вазирлар Маҳкамасининг 2004 йил 30 мартдаги 153-сон қарори билан тасдиқланган Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан ички хўжалик дренажлари ва ирригация тизимларини тиклаш ҳамда мелиоратив қурилиш техникаси етказиб бериш учун инвестиция харажатларини қоплаш механизми тўғрисидаги Вақтинчалик низомга (кейинги ўринларда «Низом» деб аталади) мувофиқ амалга ошириладиган лойиҳанинг дренаж ва ирригация тизимларини яхшилаш бўйича компонентини (кейинги ўринларда «лойиҳа» деб аталади) амалга ошириш доирасида ушбу Шартномани қуйидагилар тўғрисида туздилар:

(муқаддима Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
I. Шартноманинг предмети
1.1. Ижро этувчи агентлик Низомнинг 3-бандига мувофиқ тайёрланган дизайн (кейинги ўринларда «Дизайн» деб аталади) асосида қурилиш-тиклаш ишларини бажаришни ёки мелиоратив техникаси (кейинги ўринларда «техника» деб аталади) етказиб беришни молиялаштиради.
Олдинги таҳрирга қаранг.
(1.2-банд Ўзбекистон Республикаси Вазирлар Маҳкамасининг 2017 йил 9 октябрдаги 810-сонли қарори таҳририда — Қонун ҳужжатлари маълумотлари миллий базаси, 12.10.2017 й., 09/17/810/0095-сон)
1.3. Бенефициарлар инвестиция харажатларини (ушбу Шартномага 2-иловага мувофиқ) ўз вақтида қайтариш, шу жумладан кредитдан фойдаланиш билан боғлиқ фоизлар ва воситачилик ҳақини тўлов кунидаги банклараро савдо сессияси курси бўйича миллий валютада тўлаш мажбуриятини ўз зиммасига оладилар.
1.5. Бенефициарлар воситачилик ҳақини мазкур вақтда ҳисоб рақамидан кўчирилмаган, кредитнинг асосий суммасидан 0,75 фоиз йиллик ставка миқдоридаги мажбуриятлар бўйича тўлайдилар.
1.6. Асосий суммани, фоизларни ва бошқа тўловларни тўлаш ҳар йили икки марта: 10 январь ва 10 июлда (Осиё тараққиёт банки Лойиҳаси бўйича) ёки 10 апрель ва 10 октябрда (Халқаро тикланиш ва тараққиёт банки лойиҳаси бўйича) амалга оширилади.
Олдинги таҳрирга қаранг.
(1.7-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
II.Томонларнинг мажбуриятлари
2.1. Бенефициарлар қуйидагиларга мажбур:
Олдинги таҳрирга қаранг.
2.1.1. Ушбу Шартноманинг 1.3-бандига мувофиқ инвестиция харажатларини Сув истеъмолчилари уюшмасининг махсус мақсадли ҳисоб рақамига белгиланган тартибда тўлаш;
(2.1-банднинг 2.1.1 кичик банди Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
2.1.2. Қайтариладиган маблағларни тўлаш муддати ўтказиб юборилган тақдирда тўловнинг белгиланган санасидан бошлаб муддати ўтказиб юборилган ҳар бир кун учун муддати ўтказиб юборилган сумманинг 0,05 фоизи миқдорида, лекин муддати ўтказиб юборилган сумманинг 50 фоизидан кўп бўлмаган миқдорда пеня тўлаш;
Олдинги таҳрирга қаранг.
2.1.3. Пудратчи томонидан ишларни амалга оширишда ёки Етказиб берувчи томонидан техника етказиб беришда аниқланган нуқсонлар тўғрисида бевосита ёки сув истеъмолчилари уюшмаси орқали Ижро этувчи агентликка ўз вақтида хабар қилиш;
(2.1-банднинг 2.1.3 кичик банди Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
2.1.4. Бенефициар тугатилган тақдирда ушбу Шартнома бўйича барча мажбуриятларни ўзининг ҳуқуқий ворисига бериш.
2.2. Ижро этувчи агентлик қуйидагиларга мажбур:
2.2.1. Қарз битими шартларига мувофиқ ва бенефициарлар ҳамда Ҳукумат манфаатларини кўзлаб лойиҳанинг самарали амалга оширилишини таъминлаш;
2.2.2. Дизайн асосида қурилиш-тиклаш ишларини бажариш (техника етказиб бериш мақсадида Пудратчи (Етказиб берувчи)ни танлаш учун тендер ташкил этиш ва у билан контракт тузиш;
2.2.3. Пудратчи томонидан бажарилган ишларни (Етказиб берувчи томонидан етказиб берилган техникани) контракт шартларига мувофиқ молиялаштириш ҳамда ишларнинг бажарилишини доимий назорат қилиб боришни таъминлаш;
2.2.4. Бенефициарлар ва Пудратчи (Етказиб берувчи) билан биргаликда қурилиш-тиклаш ишларининг тугалланганлиги тўғрисидаги далолатномани тасдиқланган дизайнга (етказиб берилган техникани топшириш-қабул қилиб олиш) мувофиқ имзолаш;
2.2.5. Халқаро ва маҳаллий консультантлар фаолиятини мувофиқлаштириш;
2.2.6. Лойиҳа маблағларидан мақсадли фойдаланилишини назорат қилиш;
2.2.7. Амалга оширилган ишлар (техника етказиб бериш) тўғрисидаги ҳисоботларни Ўзбекистон Республикаси Қишлоқ ва сув хўжалиги вазирлигига белгиланган тартибда тақдим этиш;
Кейинги таҳрирга қаранг.
2.2.8. Молиявий маблағлардан фойдаланилиши тўғрисидаги ҳисоботларни Ўзбекистон Республикаси Молия вазирлигига белгиланган тартибда тақдим этиш.
Олдинги таҳрирга қаранг.
2.3. Сув истеъмолчилари уюшмаси қуйидагиларга мажбур:
(2.3-банднинг биринчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
2.3.1. Маблағларни қайтариш бўйича мажбуриятларни бенефициарлар ўртасида улар учун бажарилган ишлар ҳажмларига мутаносиб равишда тақсимлаш;
2.3.2. Бенефициарларнинг инвестиция харажатларини қоплаш, шу жумладан фоизлар ва воситачилик тўловларини тўлаш учун мўлжалланган маблағларини тўплаш;
2.3.3. Бенефициарлардан тушган маблағларни (ушбу Шартномага 3-иловага мувофиқ) Ўзбекистон Республикаси Молия вазирлигининг махсус ҳисоб рақамига ўз вақтида ва тўлиқ ҳажмда ўтказиш;
2.3.4. Бенефициар тугатилган тақдирда маблағларни қайта тақсимлаш ёки мажбуриятларни ҳуқуқий ворисга бериш бўйича қўшимча шартномани расмийлаштириш;
2.3.5. Инвестиция харажатларининг, шу жумладан улар бўйича фоизлар ва воситачилик ҳақининг тўланишини назорат қилиш;
2.3.6. Ўзбекистон Республикаси Қишлоқ ва сув хўжалиги вазирлиги ҳамда Молия вазирлигини инвестиция харажатларини тўлаш жадвалининг бажарилиши тўғрисида хабардор қилиш.
Кейинги таҳрирга қаранг.
III. Томонларнинг ҳуқуқлари
3.1. Бенефициарлар қуйидаги ҳуқуқларга эга:
3.1.1. Ўз ҳудудида қурилиш-тиклаш ишларининг (техника етказиб беришнинг) бажарилиши устидан доимий назоратни амалга ошириш;
3.1.2. Дизайннинг тайёрланган лойиҳасини экспертизадан ўтказиш;
3.1.3. Бажарилган ишларнинг (етказиб берилган техниканинг) сифати қониқарсиз бўлган тақдирда қурилиш-тиклаш ишларининг (техникани топшириш-қабул қилишнинг) тугалланганлиги тўғрисидаги далолатномани имзолашни рад этиш.
3.2. Ижро этувчи агентлик қуйидаги ҳуқуқларга эга:
3.2.1. Маблағлардан мақсадли фойдаланилишини назорат қилиш ва ишларнинг бажарилишини (техниканинг етказиб берилишини) доимий назорат қилиш;
3.2.2. Пудратчидан барча ишларнинг дизайнга мувофиқ бажарилишини ва дизайндан барча четга чиқишларни ўз ҳисобига бартараф этишини талаб қилиш;
3.2.3. Бажарилган ишларнинг (етказиб берилган техниканинг) сифати қониқарсиз бўлган тақдирда қурилиш-тиклаш ишларининг (техникани топшириш-қабул қилишнинг) тугалланганлиги тўғрисидаги далолатномани имзолашни рад этиш.
Олдинги таҳрирга қаранг.
3.3. Сув истеъмолчилари уюшмаси қуйидаги ҳуқуқларга эга:
(3.3.-банд Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
3.3.1. Ушбу Шартномага мувофиқ бенефициарлардан канални (дренажни) тиклаш (техника етказиб бериш) бўйича инвестиция харажатларини тўлаш учун маблағларнинг вақти-вақти билан ўтказиб турилишини ўз вақтида амалга оширишни талаб қилиш;
3.3.2. Ўзбекистон Республикаси Қишлоқ ва сув хўжалиги вазирлиги ҳамда Молия вазирлиги билан инвестиция харажатларини тўлаш жадвалини ўзгартириш масалалари бўйича музокаралар олиб бориш;
Кейинги таҳрирга қаранг.
3.3.3. Бенефициарлар томонидан ушбу Шартнома шартлари бажарилмаган тақдирда уларга эътироз билдириш учун Ўзбекистон Республикаси қонун ҳужжатларига мувофиқ судга даъво тақдим этиш.
Кейинги таҳрирга қаранг.
IV. Томонларнинг жавобгарлиги
4.1. Томонлар ўз хатти-ҳаракатлари учун Ўзбекистон Республикаси қонун ҳужжатларига мувофиқ жавоб беришади.
Кейинги таҳрирга қаранг.
V. Махсус шартлар
5.1. Бенефициарлар фаолият кўрсатадиган зонада қишлоқ хўжалиги экинлари ҳосилининг қисман ёки тўлиқ нобуд бўлишига олиб келган форс-мажор ҳолатлари вужудга келган тақдирда қарз маблағларини тўлаш муддати ___ йилга узайтирилади. Форс-мажор ҳолати таъсирида ҳосилнинг қисман ёки тўлиқ нобуд бўлганлиги Ўзбекистон Республикаси қонун ҳужжатларида назарда тутилган тартиботларга мувофиқ аниқланади.
Кейинги таҳрирга қаранг.
5.2. Бенефициар тугатилган тақдирда тўланмаган маблағларнинг қолган қисми тугатиш тўғрисида қарор қабул қилинган кундан бошлаб бир ой мобайнида тўлиқ ҳажмда қайтарилиши ёки ҳуқуқий ворисга (қўшимча шартномани имзолаган ҳолда) берилиши керак.
5.3. Ушбу Шартноманинг амал қилиш даврида пайдо бўладиган низолар ва келишмовчиликлар хўжалик судида ҳал этилиши керак.
VI. Шартноманинг муддати
6.1. Ушбу Шартнома 20__ йил «__»_________дан 20__ йил «__»_________ гача - 20 йил муддатга тузилган ва бенефициарлар томонидан Ўзбекистон Республикаси Молия вазирлигига ички хўжалик дренажлари ва ирригация тизимларини тиклашга (техника етказиб беришга) Ижро этувчи агентлик томонидан бенефициарлар учун молиялаштирилган харажатларнинг бутун суммаси тўлиқ тўлангунгача амал қилади.
6.2. Шартнома уни томонлар имзолаган ваsтдан бошлаб кучга киради.
VII. Томонларнинг юридик манзиллари ва реквизитлари
Ижро этувчи агентлик: Қишлоқ хўжалиги корхоналарини таркибий ўзгартириш агентлиги, 700000, Тошкент шаҳри, Қори Ниёзий кўчаси, 39-уй, «Б» корпус. Банкнинг ҳисоб рақами _______________ МФО №_____________.
Олдинги таҳрирга қаранг.
Сув истеъмолчилари уюшмаси: _________ вилояти _________ тумани _________ шаҳарчасидаги «_________» сув истеъмолчилари уюшмаси. Банкнинг ҳисоб рақами ________________ МФО №_____.
(VII-бўлимнинг иккинчи хатбошиси Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Бенефициарлар:
1. _________ вилояти _________ туманидаги «_________» қишлоқ хўжалиги корхонаси. Банкнинг ҳисоб рақами _______________ МФО №_______.
2. _________ вилояти _________ туманидаги «_________» қишлоқ хўжалиги корхонаси. Банкнинг ҳисоб рақами _______________ МФО №__________.
Олдинги таҳрирга қаранг.
(жадвал Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
200__йил «___» ________даги ____-сон Шартномага
1-ИЛОВА
Ички хўжалик дренажлари ва ирригация тизимларини тиклаш (техника етказиб бериш) бўйича инвестиция харажатларини молиялаштириш ва тўлаш юзасидан _________________________ -сон шартномада қатнашувчи қишлоқ хўжалиги корхоналари (номи)
РЎЙХАТИ
200__йил «___» ________даги ____-сон Шартномага
2-ИЛОВА
Ички хўжалик дренажлари ва ирригация тизимларини тиклашга (техника етказиб беришга) инвестиция харажатларини ___________ вилояти ________________ туманидаги __________________ қишлоқ хўжалиги корхонаси томонидан тўлаш
ЖАДВАЛИ
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2017 йил 9 октябрдаги 810-сонли қарори таҳририда — Қонун ҳужжатлари маълумотлари миллий базаси, 12.10.2017 й., 09/17/810/0095)
200__йил «___» ________даги ____-сон Шартномага
3-ИЛОВА
Олдинги таҳрирга қаранг.
Ички хўжалик дренажлари ва ирригация тизимларини тиклашга (техника етказиб беришга) инвестиция харажатларини ______________ вилояти ____________ туманидаги _____________________________ сув истеъмолчилари уюшмаси томонидан тўлаш
(илова номи Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
ЖАДВАЛИ
Олдинги таҳрирга қаранг.
(3-илова Ўзбекистон Республикаси Вазирлар Маҳкамасининг 2017 йил 9 октябрдаги 810-сонли қарори таҳририда — Қонун ҳужжатлари маълумотлари миллий базаси, 12.10.2017 й., 09/17/810/0095-сон)
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан ички хўжалик дренажлари ва ирригация тизимларини тиклаш ҳамда мелиоратив қурилиш техникаси етказиб бериш учун инвестиция харажатларини қоплаш механизми тўғрисидаги вақтинчалик низомга схема
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан ички хўжалик дренажлари ва ирригация тизимларини тиклаш ҳамда мелиоратив қурилиш техникаси етказиб бериш учун инвестиция харажатларини қоплаш механизми
Олдинги таҳрирга қаранг.
(илова Ўзбекистон Республикаси Вазирлар Маҳкамасининг 2011 йил 18 февралдаги 40-сонли қарори таҳририда — ЎР ҚҲТ, 2011 й., 7-8-сон, 62-модда)
Кейинги таҳрирга қаранг.
Вазирлар Маҳкамасининг
2004 йил 30 мартдаги 153-сон қарорига
2-ИЛОВА
Осиё тараққиёт банки ҳамда Халқаро тикланиш ва тараққиёт банки лойиҳаларига киритилган туманларда қишлоқ хўжалиги корхоналари учун пахта хом ашёси ва дон маҳсулотлари учун ҳисоб-китоб қилиш ва харид квоталарини тақсимлашнинг
ВАҚТИНЧАЛИК ТАРТИБИ
1. Мазкур Тартиб Осиё тараққиёт банки иштирокида «Инфратузилмаларни ривожлантиришни, шунингдек Сирдарё вилояти Оқолтин туманидаги таркиби ўзгартирилган хўжаликларни қўллаб-қувватлаш» ҳамда Халқаро тикланиш ва тараққиёт банки иштирокида «Қишлоқ хўжалиги корхоналарини қўллаб-қувватлаш» лойиҳаларини (кейинги ўринларда лойиҳалар деб аталади) рўёбга чиқариш ҳамда лойиҳаларга киритилган туманлар қишлоқ хўжалиги корхоналари учун давлат эҳтиёжлари учун етказиб бериладиган пахта хом ашёси ва дон маҳсулотлари учун ҳисоб-китоб қилиш ва харид квоталарини тақсимлаш тартиботини белгилайди.
2. Тегишли туманларда лойиҳаларни амалга ошириш даврида пахта хом ашёси ва дон маҳсулотларининг давлат харидлари бўйича топшириқлар Ўзбекистон Республикаси Вазирлар Маҳкамасининг 2001 йил 2 майдаги 201-сон ва 2001 йил 26 ноябрдаги 461-сон қарорларида белгиланган ҳажмларда ҳар йиллик харид квоталари билан алмаштирилган.
3. Ички хўжалик ва хўжаликлараро ирригация-дренаж тизимларини тиклаш ишларининг тугалланишига ва бунинг натижасида лойиҳаларни амалга оширишда қатнашувчи қишлоқ хўжалиги корхоналарида экин майдонлари кенгайиши ва ерлар сифатининг яхшиланишига қараб якка тартибдаги харид квоталари, пахта хом ашёси ва дон экинлари ҳосилдорлиги ортишининг тузатиш коэффициентини умуман лойиҳаларга киритилган туманлар бўйича харид квоталарини тенг равишда кўпайтиришни ҳисобга олган ҳолда, қайта кўриб чиқилиши мумкин.
4. Якка тартибдаги харид квоталари — лойиҳаларда қатнашувчи хўжаликлар учун белгиланадиган, қишлоқ хўжалиги маҳсулотларини давлат эҳтиёжлари учун амалдаги прейскурант нархлар бўйича харид қиладиган тайёрлов ташкилотларига сотиладиган пахта хом ашёси ва дон маҳсулотлари ҳажми.
5. Ўзбекистон Республикаси Қишлоқ ва сув хўжалиги вазирлиги ҳузуридаги Қишлоқ хўжалиги корхоналарини таркибий ўзгартириш агентлиги лойиҳаларга киритилган туманлар ҳокимликлари билан биргаликда ушбу туманлар учун белгиланган квоталар ҳамда ўртача йиллик ишлаб чиқариш ҳажмидан келиб чиққан ҳолда мазкур Тартибга мувофиқ ҳар бир қишлоқ хўжалиги корхонаси учун пахта хом ашёси ва дон маҳсулотларининг якка тартибдаги харид квоталарини ҳисоблаб чиқади.
Кейинги таҳрирга қаранг.
Лойиҳаларда қатнашувчи ҳар бир қишлоқ хўжалиги корхонаси бўйича якка тартибдаги харид квоталари туман ҳокимликлари томонидан тасдиқланади ва давлат эҳтиёжлари учун харид қилиш прогноз ҳажмларини ҳисоблаб чиқиш учун Ўзбекистон Республикаси Иқтисодиёт вазирлигига тақдим этилади.
Кейинги таҳрирга қаранг.
Янгидан ташкил этилаётган фермер хўжаликлари учун якка тартибдаги харид квоталарини ҳисоблаб чиқиш ва тасдиқлаш ҳар йилнинг 1 июлидан кечикмай, ерларида янги фермер хўжаликлари ташкил этилаётган қишлоқ хўжалиги корхонасининг якка тартибдаги харид квотаси асосида шундай тартибда амалга оширилади.
6. Ҳар бир қишлоқ хўжалиги корхонаси учун белгиланган якка тартибдаги харид квотаси лойиҳаларни амалга ошириш муддати мобайнида амал қилади. Ҳар бир алоҳида қишлоқ хўжалиги корхонаси ўзининг якка тартибдаги харид квотаси бажарилиши учун тегишли контрактация шартномаларида белгиланган тартибга мувофиқ жавоб беради ҳамда учинчи томонларнинг давлат эҳтиёжлари учун қишлоқ хўжалиги маҳсулотлари сотиш юзасидан мажбуриятлари бўйича жавоб бермайди.
Қишлоқ хўжалиги корхоналари учун харид квотасини ҳисоблаб чиқишда пахта хом ашёси ва дон маҳсулотларининг ўртача йиллик ҳажмлари сифатида 1997—2001 йиллар даврида амалда етиштирилган пахта хом ашёси ва дон маҳсулотларининг ўртача йиллик ҳажмлари қабул қилинади.
1997 йилдан кейин ташкил этилган фермер хўжаликлари учун якка тартибдаги харид квотасини ҳисоблаб чиқишда пахта хом ашёси ва дон маҳсулотларининг ўртача йиллик ҳажмлари сифатида фермер хўжалиги рўйхатдан ўтказилган пайтдан бошлаб амалда етиштирилган пахта хом ашёси ва дон маҳсулотларининг ўртача йиллик ҳажми қабул қилинади.
Янгидан ташкил этилаётган фермер хўжаликлари учун белгиланадиган харид квотасини аниқлаш учун пахта хом ашёси ва дон маҳсулотлари етиштиришнинг ўртача йиллик ҳажмлари пахта ва ғалла экиладиган ер участкаси майдони, ерларида фермер хўжалиги ташкил этилаётган қишлоқ хўжалиги корхонасининг 1997—2001 йиллар давридаги ўртача йиллик ҳосилдорлиги асосида, Ўзбекистон Республикасининг ер тўғрисидаги қонун ҳужжатларига мувофиқ фермер хўжалигига берилган ерлар сифатини (тупроқ бонитетини) ҳисобга олган ҳолда ҳисоблаб чиқарилади.
Кейинги таҳрирга қаранг.
7. Туман бўйича 1997—2001 йилларда пахта хом ашёси ва дон маҳсулотлари етиштиришнинг ўртача йиллик ҳажмлари (О(ПР) қуйидаги формула бўйича аниқланади:
О(ПР)=(О1 + О2 + . . . . + ОN) / К(Л)*(1), бунда:
О(1); О(2); О(N) — туман бўйича 1997—2001 йилларда пахта хом ашёси ва дон маҳсулотлари етиштиришнинг йиллик ҳажмлари;
К(Л) — ўртача йиллик кўрсаткични аниқлашда фойдаланиладиган йиллар сони.
Лойиҳадаги туман бўйича давлат харидлари коэффициенти — K(ЗР) қуйидаги формула бўйича аниқланади:
K(ЗР) = Q(ЗР) : О(ПР) (2), бунда:
Q(ЗР) — Ўзбекистон Республикаси Вазирлар Маҳкамасининг 2001 йил 2 майдаги 201-сон ва 2001 йил 26 ноябрдаги 461-сон қарорларига мувофиқ белгиланган лойиҳадаги туман бўйича пахта хом ашёси ва дон маҳсулотлари етиштириш юзасидан давлат харид квоталари ҳажми (тонна).
8. Пахта хом ашёси ва дон маҳсулотлари етиштириш юзасидан якка тартибдаги харид квотаси — Q(ЗП) қуйидаги формула бўйича ҳисоблаб чиқилади:
Q(ЗП) = О(СП) * K(ЗР) (3), бунда:
О(СП) — қишлоқ хўжалиги корхонасининг пахта хом ашёси ва дон маҳсулотлари етиштириш ўртача йиллик ҳажмлари (тонна).
Осиё тараққиёт банки ҳамда Халқаро тикланиш ва тараққиёт банки лойиҳаларига киритилган туманларда қишлоқ хўжалиги корхоналари учун пахта хом ашёси ва дон маҳсулотлари учун ҳисоб-китоб қилиш ва харид квоталарини тақсимлашнинг вақтинчалик тартибига
схема
Осиё тараққиёт банки ҳамда Халқаро тикланиш ва тараққиёт банки лойиҳаларига киритилган туманларда қишлоқ хўжалиги корхоналари учун пахта хом ашёси ва дон маҳсулотлари учун ҳисоб-китоб қилиш ва харид квоталарини тақсимлаш
Кейинги таҳрирга қаранг.
Вазирлар Маҳкамасининг
2004 йил 30 мартдаги 153-сон қарорига
3-ИЛОВА
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёси ва дон маҳсулотлари етиштиришни молиялаштириш тартиби тўғрисида
ВАҚТИНЧАЛИК НИЗОМ
1. Мазкур Низом Осиё тараққиёт банки иштирокида «Инфратузилмаларни ривожлантиришни, шунингдек Сирдарё вилояти Оқолтин туманидаги таркиби ўзгартирилган хўжаликларни қўллаб-қувватлаш» ҳамда Халқаро тикланиш ва тараққиёт банки иштирокида «Қишлоқ хўжалиги корхоналарини қўллаб-қувватлаш» лойиҳаларини (кейинги ўринларда лойиҳалар деб аталади) рўёбга чиқариш ҳамда лойиҳаларга киритилган туманлар қишлоқ хўжалиги корхоналари томонидан белгиланган харид квотасидан ортиқча етиштирилган пахта хом ашёси ва дон маҳсулотлари етиштиришни молиялаштириш ва кредитлаш тартибини белгилайди.
2. Лойиҳаларга киритилган туманларда 2002 йил қишлоқ хўжалиги мавсумидан бошлаб пахта хом ашёси ва бошоқли дон маҳсулотлари бўйича белгиланган харид квоталари жорий этилган, улар учун ҳисоб-китоблар давлат эҳтиёжлари учун қишлоқ хўжалиги маҳсулотлари харид қилишга доир амалдаги прейскурант нархлари бўйича амалга оширилади.
Лойиҳаларда қатнашувчи ширкат хўжаликларининг харид квоталари доирасида пахта хом ашёси ва дон маҳсулотлари етиштириш харажатларини молиялаштириш белгиланган тартибда, контрактация шартномаларидан келиб чиққан ҳолда амалдаги прейскурант нархлари бўйича амалга оширилади.
Лойиҳаларга киритилган туманлар жойлашган минтақалар фермер хўжаликларининг давлат эҳтиёжлари учун харид қилинадиган пахта хом ашёси ва дон маҳсулотлари етиштириш харажатларини тижорат банклари томонидан тўғридан-тўғри имтиёзли кредитлаш механизмига ўтгунга қадар, лойиҳаларда қатнашувчи фермер хўжаликларининг пахта хом ашёси ва дон маҳсулотлари етиштириш харажатларини молиялаштириш худди шундай шартларда амалга оширилади.
Лойиҳаларга киритилган туманлар жойлашган минтақалар Ўзбекистон Республикаси Вазирлар Маҳкамасининг «2004—2006 йилларда фермер хўжаликларини ривожлантириш концепциясини амалга ошириш чора-тадбирлари тўғрисида» 2003 йил 30 октябрдаги 476-сон қарорига 5-иловада тасдиқланган муддатларда тўғридан-тўғри имтиёзли кредитлаш механизмига ўтгандан кейин, лойиҳаларда қатнашувчи фермер хўжаликларининг харид квоталари доирасида пахта хом ашёси ва дон маҳсулотлари етиштириш харажатларини молиялаштириш кўрсатиб ўтилган механизмга мувофиқ амалга оширилади.
3. Халқаро тикланиш ва тараққиёт банки лойиҳасида қатнашаётган қишлоқ хўжалиги корхоналари харид квоталаридан ортиқча пахта хом ашёси ва дон маҳсулотлари етиштириш харажатларини молиялаштиришни Халқаро тикланиш ва тараққиёт банкининг ушбу лойиҳа бўйича очилган кредит линияси ҳисобига амалга оширишлари мумкин.
Валюта тури ва кредит суммаси, кредитдан фойдаланганлик учун фоизлар миқдори ва молиялаштириш шартлари Ўзбекистон Республикаси Ҳукумати, Ўзбекистон Республикаси Қишлоқ ва сув хўжалиги вазирлиги ҳузуридаги Қишлоқ хўжалиги корхоналарини таркибий ўзгартириш агентлиги ҳамда Молия вазирлиги томонидан Ўзбекистон Республикаси ҳамда Халқаро тикланиш ва тараққиёт банки ўртасидаги Қарз тўғрисидаги битимга 5-илова В қисмининг 1-бандида белгиланган талабларга мувофиқ танлаб олинган Ўзбекистон Республикаси банки ўртасида тузилган Халқаро тикланиш ва тараққиёт банки қарзини қайта кредитлаш тўғрисидаги 4644-UZ-сон битим шартларига биноан белгиланади.
4. Лойиҳаларда қатнашаётган қишлоқ хўжалиги корхоналарининг харид квоталаридан ортиқча пахта хом ашёси ва дон маҳсулотлари етиштириш харажатларини молиялаштириш ҳар қандай тижорат банки томонидан, қишлоқ хўжалиги корхоналари билан тузилган кредит шартномаси асосида амалга оширилиши мумкин.
Ушбу ҳолда фермер хўжаликларини кредитлаш Ўзбекистон Республикаси Марказий банки томонидан 2000 йил 4 мартда 465-сон билан тасдиқланган, Ўзбекистон Республикаси Адлия вазирлиги томонидан 2000 йил 7 мартда 907-сон билан рўйхатдан ўтказилган «Тижорат банклари томонидан фермер хўжаликларини, шунингдек кичик ва ўрта бизнес субъектларини миллий валютада кредитлаш тартиби»га мувофиқ амалга оширилади.
5. Кредитдан фойдаланганлик учун фоиз ставкаси миқдори кредит шартномаси асосида қарз олувчи ва банк ўртасидаги ўзаро келишувга мувофиқ белгиланади.
6. Лойиҳаларда қатнашаётган қишлоқ хўжалиги корхоналари харид квоталаридан ортиқча пахта хом ашёси ва дон маҳсулотлари етиштиришни молиялаштириш мақсадида қишлоқ хўжалиги маҳсулотларини давлат эҳтиёжлари учун харид қилувчи ташкилот билан ўз ихтиёрига кўра шартнома тузиш ҳуқуқига ҳам эга. Бунда харажатларни молиялаштириш контрактация шартномасидан келиб чиққан ҳолда мазкур Низомнинг 2-бандида белгиланган тартибда амалга оширилади.
Ушбу ҳолда харид квоталаридан ортиқча етиштирилган ва давлат эҳтиёжлари учун сотилган қишлоқ хўжалиги маҳсулотлари учун узил-кесил ҳисоб-китоблар қуйидаги тартибда амалга оширилади:
пахта хом ашёси учун — Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан харид квоталаридан ортиқча етиштирилган пахта хом ашёси учун уни давлат эҳтиёжлари учун сотишда шартномавий нархларни белгилаш тартибига мувофиқ берилган аванс (кредит)дан фойдаланиш даври учун Ўзбекистон Республикаси Марказий банкининг қайта молиялаштириш ставкаси бўйича ҳисоблаб чиқариладиган, берилган аванс (кредит) маблағлари суммасидан фойдаланганлик учун тўлов сифатида чиқариб ташланадиган чегирма (дисконт)ни ҳисобга олган ҳолда ҳисоблаб чиқиладиган шартномавий нархлар бўйича;
дон маҳсулотлари учун — шартномавий нархлар бўйича.
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёси ва дон маҳсулотлари етиштиришни молиялаштириш тартиби тўғрисидаги вақтинчалик низомга
схема
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёси ва дон маҳсулотлари етиштиришни молиялаштириш
Вазирлар Маҳкамасининг
2004 йил 30 мартдаги 153-сон қарорига
4-ИЛОВА
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёсини қайта ишлашдан олинган пахта маҳсулотларини сотиш тартиби тўғрисида
ВАҚТИНЧАЛИК НИЗОМ
1. Мазкур Низом Осиё тараққиёт банки иштирокида «Инфратузилмаларни ривожлантиришни, шунингдек Сирдарё вилояти Оқолтин туманидаги таркиби ўзгартирилган хўжаликларни қўллаб-қувватлаш» ҳамда Халқаро тикланиш ва тараққиёт банки иштирокида «Қишлоқ хўжалиги корхоналарини қўллаб-қувватлаш» лойиҳаларида (кейинги ўринларда лойиҳалар деб аталади) қатнашувчи қишлоқ хўжалиги корхоналари томонидан белгиланган харид квотасидан ортиқча етиштирилган ва уларнинг ихтиёрида қолдириладиган пахта хом ашёсини қайта ишлашдан олинган пахта маҳсулотларини сотиш тартибини белгилайди.
2. Қишлоқ хўжалиги корхоналари мазкур Низомга мувофиқ белгиланган харид квотасидан ортиқча етиштирилган пахта хом ашёсини қайта ишлашдан олинадиган пахта толасини, линт ва бошқа қўшимча маҳсулотларни сотадилар.
Хўжаликлар томонидан амалда тайёрланган пахта хом ашёси ҳажми пахта хом ашёсини қайта ишлаш корхоналарига етказиб бериш тугаллангандан кейин сортлар ва типлар бўйича дастлабки ҳисобга олиш ҳужжатлари асосида аниқланади.
Ҳар йили пахта хом ашёси тайёрлаш якунларига кўра Қишлоқ хўжалиги корхоналарини таркибий ўзгартириш агентлиги статистика органлари билан биргаликда Иқтисодиёт вазирлигига лойиҳаларда қатнашувчи барча қишлоқ хўжалиги корхоналари бўйича тайёрланган пахта хом ашёсининг йиғма ҳажмини, белгиланган харид квотаси ҳажмини ва харид квотасидан ортиқча етиштирилган пахта маҳсулотлари ҳажмини алоҳида кўрсатган ҳолда, шунингдек пахта маҳсулотларини сотиш йўналишлари бўйича таклифларни тақдим этади.
Кейинги таҳрирга қаранг.
3. Ўзбекистон Республикаси Иқтисодиёт вазирлиги харид квотасидан ортиқча етиштирилган ҳамда хўжаликлар ихтиёрида қолдириладиган пахта хом ашёсини қайта ишлашдан олинган ҳажмларни ҳисобга олган ҳолда пахта маҳсулотлари балансини тузади ва пахта маҳсулотларини сотиш йўналишлари бўйича таклифларга мувофиқ ушбу ҳажмларни марказлаштирилмаган экспорт ёхуд ички бозорда сотиш тоифасига ўтказади.
Кейинги таҳрирга қаранг.
4. Лойиҳаларда қатнашувчи қишлоқ хўжалиги корхоналари харид квотасидан ортиқча етиштирилган пахта маҳсулотларини қайта ишлашдан олинган пахта маҳсулотларини:
Ўзбекистон Республикаси Адлия вазирлигида 2003 йил 29 августда 1267-сон билан рўйхатдан ўтказилган Пахта толасини Ўзбекистон товар-хом ашё биржаси орқали сотиш тартиби тўғрисидаги вақтинчалик низомда назарда тутилган шартларда Ўзбекистон товар-хом ашё биржасининг кимошди савдоларида;
Олдинги таҳрирга қаранг.
(4-банднинг учинчи хатбошиси Ўзбекистон Республикаси Вазирлар Маҳкамасининг 2005 йил 2 мартдаги 79-сон қарори билан чиқарилган — Ўзбекистон Республикаси Қонун ҳужжатлари тўплами, 2005 й., 8-9-сон, 69-модда)
амалдаги қонун ҳужжатларига мувофиқ пахта толаси учун ҳисоб-китобларни воситачилик шартларида амалга оширган ҳолда, қишлоқ хўжалиги корхоналари шартнома тузадиган ташқи савдо компаниялари орқали ёхуд Вазирлар Маҳкамасининг 2003 йил 3 июндаги 240-сон қарорига 1-иловага мувофиқ схема бўйича сотиш ҳуқуқига эга.
Кейинги таҳрирга қаранг.
Пахта толасини мазкур бандга мувофиқ сотиш ихтисослаштирилган минтақавий пахта терминалларидан (кейинги ўринларда терминаллар деб аталади) амалга оширилади.
Олдинги таҳрирга қаранг.
5. Қишлоқ хўжалиги корхоналари томонидан харид квотасидан ортиқча етиштирилган пахта маҳсулотларини қайта ишлашдан олинган пахта маҳсулотларини экспорт қилиш юзасидан тузилган контрактларни рўйхатдан ўтказиш Ташқи иқтисодий алоқалар, инвестициялар ва савдо вазирлигида, ҳисобга қўйиш — ваколатли банкда ва Ўзбекистон Республикаси Давлат божхона қўмитасида белгиланган тартибда амалга оширилади.
(5-банднинг биринчи хатбоши Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й.,34—36-сон, 264-модда)
Пахта толасини экспорт қилиш контрактларини рўйхатдан ўтказиш пайтида нархнинг мувофиқлигини баҳолашда «Коттон Оутлук» «А» индекси ва унинг ўзбекистонлик компонентининг терминалнинг франко-ташувчи (FCA) етказиб бериш шартларига келтирилган котировкасининг ўртача кўрсаткичларига мувофиқ нархлар асос сифатида қабул қилинади.
Экспорт қилиш юзасидан тузилган контрактларни рўйхатдан ўтказиш ва ҳужжатларни расмийлаштириш:
маҳсулотни ташқи савдо компаниялари орқали экспорт қилишда — Ўзбекистон Республикаси Адлия вазирлиги томонидан 2000 йил 2 декабрда 988-сон билан рўйхатдан ўтказилган Низомга мувофиқ;
Олдинги таҳрирга қаранг.
(5-банднинг бешинчи хатбошиси Ўзбекистон Республикаси Вазирлар Маҳкамасининг 2005 йил 2 мартдаги 79-сон қарори билан чиқарилган — Ўзбекистон Республикаси Қонун ҳужжатлари тўплами, 2005 й., 8-9-сон, 69-модда)
6. Қайта ишловчи корхоналар қишлоқ хўжалиги корхоналари билан тузилган шартномаларга биноан ва уларнинг топшириғига кўра пахта маҳсулотини қайта ишлаш, ўраш-жойлаш ва маркировка қилиш, мувофиқлик сертификатларини расмийлаштириш, маҳсулотни терминалларгача етказиб беришга доир хизматлар кўрсатадилар.
Кейинги таҳрирга қаранг.
Пахта терминаллари қишлоқ хўжалиги корхоналари билан тузилган шартномаларга биноан пахта маҳсулотини тушириш, ортиш ва сақлаш, товарга илова қилинадиган зарур ҳужжатларни расмийлаштиришга доир хизматлар кўрсатадилар.
Пахта толасини экспортга юклаб жўнатиш лойиҳаларда қатнашувчи қишлоқ хўжалиги корхоналари ёки уларнинг топшириғига кўра, ташқи савдо компаниялари томонидан тегишли ташкилотлар («Ўзбекистон темир йўллари» давлат-акциядорлик компанияси, Ўзбекистон «Сифат» маркази, «Ўзбекэкспертиза», Ташқи иқтисодий алоқалар агентлиги, «Ўзкарантин», юк экспедиторлари ва бошқалар) билан қонун ҳужжатларига мувофиқ тузилган шартномалар асосида амалга оширилади.
Кейинги таҳрирга қаранг.
7. Ташқи савдо компаниялари лойиҳаларда қатнашувчи қишлоқ хўжалиги корхоналари томонидан харид квотасидан ортиқча етиштирилган пахта хом ашёсини қайта ишлашдан олинган пахта маҳсулотларини сотишдан тушган хорижий валютадаги тушумни ушбу корхоналар ҳисоб рақамларига, кўрсатиб ўтилган маҳсулотни сотиш харажатларини чегириб қолган ҳолда, тўлиқ ҳажмда ўтказадилар.
Олдинги таҳрирга қаранг.
8. Пахта маҳсулоти ташқи савдо компаниялари орқали сотилганда лойиҳаларда қатнашувчи қишлоқ хўжалиги корхоналари валюта тушумининг бир қисмини қонун ҳужжатларига мувофиқ ваколатли банкларга, умумий валюта тушумининг 50 фоизидан ортиқ бўлмаган миқдорда, сотадилар.
(8-банднинг биринчи хатбошиси Ўзбекистон Республикаси Вазирлар Маҳкамасининг 2005 йил 2 мартдаги 79-сон қарори билан чиқарилган — Ўзбекистон Республикаси Қонун ҳужжатлари тўплами, 2005 й., 8-9-сон, 69-модда)
Валюта тушумининг бир қисмини сотиш Вазирлар Маҳкамасининг 2000 йил 29 июндаги 245-сон қарори билан тасдиқланган Хўжалик юритувчи субъектлар томонидан хорижий валютадаги тушумни мажбурий сотиш тартибига мувофиқ амалга оширилади.
Бунда Ўзбекистон Республикаси Вазирлар Маҳкамасининг «Валюта бозорини янада эркинлаштириш чора-тадбирлари тўғрисида» 2001 йил 22 июндаги 263-сон қарорининг 5-бандига мувофиқ валюта тушумининг бир қисмини сотишдан озод қилиш тарзидаги кичик тадбиркорлик корхоналари учун назарда тутилган имтиёзлар лойиҳаларда қатнашувчи қишлоқ хўжалиги корхоналарининг пахта толасини экспорт қилишига татбиқ этилмайди.
Кейинги таҳрирга қаранг.
9. Лойиҳаларда қатнашувчи қишлоқ хўжалиги корхоналари харид квотасидан ортиқча етиштирилган пахта хом ашёсини қайта ишлашдан олинган пахта маҳсулотларини сотишдан тушган (ҳам хорижий валютадаги, ҳам Ўзбекистон Республикаси миллий валютасидаги) маблағларни олгандан кейин улардан кредитларни қайтариш, пахтани қайта ишлаш корхоналари ва терминалларнинг пахта маҳсулотини ишлаб чиқариш ва сотиш даврида вужудга келган харажатларини қоплаш учун фойдаланадилар.
10. Харид квотасидан ортиқча етиштирилган пахта хом ашёси қишлоқ хўжалиги корхоналарининг ихтиёрига кўра Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёси ва дон маҳсулотлари етиштиришни молиялаштириш тартиби тўғрисидаги вақтинчалик низомга ёки Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан харид квоталаридан ортиқча етиштирилган пахта хом ашёси учун уни давлат эҳтиёжлари учун сотишда шартномавий нархларни белгилашнинг вақтинчалик тартибига мувофиқ давлат эҳтиёжлари учун сотилиши мумкин.
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёсини қайта ишлашдан олинган пахта маҳсулотларини сотиш тартиби тўғрисида вақтинчалик низомга
схема
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёсини қайта ишлашдан олинган пахта маҳсулотларини сотиш
Олдинги таҳрирга қаранг.
(схема Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й.,34—36-сон, 264-модда)
Кейинги таҳрирга қаранг.
Вазирлар Маҳкамасининг
2004 йил 30 мартдаги 153-сон қарорига
5-ИЛОВА
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан харид квоталаридан ортиқча етиштирилган пахта хом ашёси учун уни давлат эҳтиёжлари учун сотишда шартномавий нархларни белгилашнинг
ВАҚТИНЧАЛИК ТАРТИБИ
1. Мазкур Тартиб Осиё тараққиёт банки иштирокида «Инфратузилмаларни ривожлантиришни, шунингдек Сирдарё вилояти Оқолтин туманидаги таркиби ўзгартирилган хўжаликларни қўллаб-қувватлаш» лойиҳасини ҳамда Халқаро тикланиш ва тараққиёт банки иштирокида «Қишлоқ хўжалиги корхоналарини қўллаб-қувватлаш» лойиҳасини (кейинги ўринларда лойиҳалар деб аталади) амалга ошириш мақсадида ишлаб чиқилган ва лойиҳаларга киритилган туманлар қишлоқ хўжалиги корхоналари томонидан харид квоталаридан ортиқча етиштирилган ва давлат эҳтиёжлари учун сотиладиган пахта хом ашёсига шартномавий нархларни шакллантириш тартиботини белгилайди.
Харид квоталаридан ортиқча етиштирилган пахта хом ашёсини бошқа харидорларга сотиш Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан белгиланган харид квоталаридан ортиқча етиштирилган пахта хом ашёсини қайта ишлашдан олинган пахта маҳсулотларини сотиш тартиби тўғрисидаги вақтинчалик низомга мувофиқ амалга оширилади.
2. Лойиҳаларга киритилган туманлар қишлоқ хўжалиги корхоналари томонидан харид квоталаридан ортиқча етиштирилган пахта хом ашёсини давлат эҳтиёжлари учун сотиб олиш шартномавий нархларда амалга оширилади.
Хизмат кўрсатувчи банклар иштирокида қишлоқ хўжалиги корхонаси, пахта тозалаш корхонаси ва «Пахтасаноат» ҳудудий акциядорлик бирлашмаси ўртасида харид квоталаридан ортиқча етиштирилган ва давлат эҳтиёжлари учун сотиладиган пахта хом ашёси ҳажми юзасидан шартнома тузилади.
3. Ўзбекистон Республикаси Қишлоқ ва сув хўжалиги вазирлиги ҳузуридаги Қишлоқ хўжалиги корхоналарини таркибий ўзгартириш агентлиги ҳар йили, ҳосил йиғим-терими бошлангунга қадар бир ой олдин харид квоталаридан ортиқча етиштирилган пахта хом ашёси учун шартномавий нархларни ҳисоблаб чиқади, уни ўн кун муддатда Ўзбекистон Республикаси Молия вазирлиги билан келишади ва қишлоқ хўжалиги корхоналарига етказади.
Кейинги таҳрирга қаранг.
4. Пахта хом ашёси учун ўртача ҳисобланган шартномавий нархлар пахта толаси чиқишининг базавий кўрсаткичларини ҳисобга олган ҳолда, 1 тонна пахта толасини нетто вазни бўйича сотиш жами харажатларини, шунингдек 1 тонна пахта толаси ҳисобида уларни тайёрлаш, сақлаш ва қайта ишлаш бўйича харажатларини чегирган ҳолда қуйидаги формула бўйича аниқланади:
Цд = ((Цм – Зрв ) х Кв – Зп) х Вв,
бунда:
Цд — 1 тонна пахта толасининг ўртача шартномавий нархи, сўм;
Цм — А индексининг ва унинг Ўзбекистон компонентининг ҳисоб-китобни Молия вазирлигига келишиш учун тақдим этилгунга қадар бир ой мобайнида V типдаги I сорт, 35 кодли, «Ўрта» классдаги нетто вазни бўйича 1 тонна пахта толаси учун АҚШ доллари ҳисобидаги ўртача қиймати (СIF Шимолий Европа портлари — «Коттон Оутлук» «А» индекси котировкаси);
Олдинги таҳрирга қаранг.
Зрв — Ўзбекистон Республикаси Молия вазирлиги ва Ташқи иқтисодий алоқалар, инвестициялар ва савдо вазирлиги билан келишилган, 1 тонна пахта толасининг (нетто) экспорти билан боғлиқ харажатларнинг чекланган миқдори, бунга ташқи савдо компанияларининг воситачилик ҳақи ҳам киради, АҚШ доллари ҳисобида;
(4-банднинг олтинчи хатбоши Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й.,34—36-сон, 264-модда)
Кв — ҳисоб-китоб Молия вазирлигига келишиш учун тақдим этилган санада амалда бўлган Ўзбекистон Республикаси Марказий банкининг сўмга нисбатан АҚШ доллари курси;
Зп — 1 тонна пахта толаси ҳисобида тайёрлаш ва сақлаш ҳамда қайта ишлаш учун ҳисоблаб чиқилган харажатлар, шу жумладан «Ўзпахтасаноат» уюшмасининг воситачилик ҳақи, сўм ҳисобида;
Вв — пахта толаси чиқиши меъёри, коэффициент.
Кўрсатилган формула бўйича аниқланган ўртача ҳисобланган шартномавий нархдан келиб чиқиб, Ўзбекистон Республикаси Вазирлар Маҳкамасининг 2003 йил 3 июндаги 240-сон қарори (Вазирлар Маҳкамасининг 2003 йил 18 октябрдаги 450-сон қарори таҳририда) билан тасдиқланган Пахта толасини экспортга сотишнинг ва пахта толаси учун ташқи савдо компанияларининг «Пахтасаноат» ҳудудий акциядорлик бирлашмалари билан ҳисоб-китоб қилишнинг вақтинчалик тартибига 1-иловада келтирилган қайта ҳисоблаш коэффицентларини қўллаган ҳолда 1 тонна пахта хом ашёсининг ҳар қайси типи ва сорти бўйича шартномавий нархлари ҳисоблаб чиқилади.
5. Ҳисобланган шартномавий нархлар лойиҳага киритилган туманлар қишлоқ хўжалиги корхоналари томонидан сотиладиган, Ўзбекистон Республикаси РСТ 615-94 стандарт талабларига жавоб берадиган пахта хом ашёсига жорий этилади.
6. Лойиҳаларда қатнашувчи қишлоқ хўжалиги корхоналари томонидан харид квоталаридан ортиқча етиштирилган ва давлат эҳтиёжлари учун сотиладиган пахта хом ашёси учун ҳисоб-китоблар пахта тозалаш корхоналарининг махсус ҳисоб рақамлари орқали «Пахтасаноат» ҳудудий акциядорлик бирлашмалари томонидан қуйидаги тартибда амалга оширилади:
пахта хом ашёси қабул қилингандан кейин 7 кун мобайнида, таққослаш далолатномасига асосан ва унинг сифат кўрсаткичларига қараб, қишлоқ хўжалиги корхоналари томонидан топширилган пахта хом ашёси қийматининг 80 фоизи ҳисобланган шартномавий нарх бўйича тўланади;
харид квоталаридан ортиқча етиштирилган ва давлат эҳтиёжлари учун сотилган пахта хом ашёсини қайта ишлашдан олинган пахта толаси «Пахтасаноат» ҳудудий акциядорлик бирлашмаси томонидан ташқи савдо компанияларига юклаб жўнатилган пайтдан бошлаб 7 кун мобайнида, пахта толаси ҳақиқий чиқишидан, пахта толасининг белгиланган жаҳон нархидан ва Ўзбекистон Республикаси Марказий банкининг юклаб жўнатиш кунида амалда бўлган курсидан келиб чиқиб шартномавий нархлар ўзгаришини қайта ҳисоблаш асосида узил-кесил тўлов амалга оширилади.
7. Стандарт талабларига мувофиқ бўлмаган пахта хом ашёси учун тўлов, харид нархлар прейскурантида белгиланган тартибга асосан ҳисобланган шартномавий нархдан чегирма билан амалга оширилади.
8. Харид квоталаридан ортиқча харид қилинган пахта хом ашёсининг техник чигитидан ишлаб чиқарилган маҳсулотлар қишлоқ хўжалиги корхоналари томонидан қайта ишлаш корхоналарининг ишлаб чиқариш харажатлари, давр харажатлари, солиқ ва бошқа тўловлар ҳисобга олинган ҳолда белгиланган улгуржи-сотиш (шартномавий) нархлари бўйича сотиб олинади.
9. Харид квоталаридан ортиқча етиштирилган пахта хом ашёсини қайта ишлашдан олинган маҳсулотларга нархлар ишлаб чиқарувчилар томонидан Ўзбекистон Республикаси Вазирлар Маҳкамасининг «Товар бозорларида монополистик фаолиятни чеклаш ва рақобат тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 1997 йил 31 мартдаги 165-сон қарори билан тасдиқланган Нархлар (тарифлар)ни шакллантириш ва уларнинг қўлланишини назорат қилиш тартибига мувофиқ белгиланади.
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан харид квоталаридан ортиқча етиштирилган пахта хом ашёси учун уни давлат эҳтиёжлари учун сотишда шартномавий нархларни белгилашнинг вақтинчалик тартибига
схема
Осиё тараққиёт банки ҳамда Халқаро тикланиш ва тараққиёт банки лойиҳаларида қатнашувчи қишлоқ хўжалиги корхоналари томонидан харид квоталаридан ортиқча етиштирилган пахта хом ашёси учун уни давлат эҳтиёжлари учун сотишда шартномавий нархларни белгилаш тартиби
Олдинги таҳрирга қаранг.
(схема Ўзбекистон Республикаси Вазирлар Маҳкамасининг 2005 йил 8 сентябрдаги 206-сон қарори таҳририда — Ўзбекистон Республикаси Қонун ҳужжатлари тўплами, 2005 й.,34—36-сон, 264-модда)
Кейинги таҳрирга қаранг.

(Ўзбекистон Республикаси қонун ҳужжатлари тўплами, 2004 й., 13-сон, 153-модда; 2005 й., 8-9-сон, 69-модда, 34—36-сон, 264-модда; 2011 й., 7-8-сон, 62-модда; Қонун ҳужжатлари маълумотлари миллий базаси, 12.10.2017 й., 09/17/810/0095-сон; 16.02.2018 й., 09/18/121/0711-сон; 10.12.2018 й., 09/18/995/2287-сон, 14.05.2019 й., 09/19/397/3123-сон; 15.05.2020 й., 09/20/284/0588-сон, 27.06.2020 й., 09/20/411/1000-сон, 11.08.2020 й., 09/20/472/1155-сон; Қонунчилик маълумотлари миллий базаси, 16.12.2021 й., 09/21/752/1166-сон, 05.04.2022 й., 09/22/153/0266-сон)