Ҳужжат 10.06.2015 00 санаси ҳолатига
Амалдаги версияга ўтиш
Ўзбекистон Республикасининг қонуни
Радиочастота спектри тўғрисида
1-модда. Ушбу Қонуннинг мақсади
Ушбу Қонуннинг мақсади радиочастота спектрини тақсимлаш ва ундан фойдаланиш соҳасидаги ҳуқуқий муносабатларни тартибга солишдан иборатдир.
2-модда. Асосий тушунчалар
Ушбу Қонунда қуйидаги асосий тушунчалар қўлланилади:
радиочастоталар (радиотўлқинлар) — белгилар, сигналларни, ёзма матнни, тасвирлар ва товушларни узатиш ёки қабул қилиш мақсадида фазода сунъий тўлқин ўтказгичсиз тарқатиладиган, шартли равишда уч минг гигагерцдан камроқ қилиб қабул қилинган частотали электромагнит тўлқинлар;
радиочастота спектри — шартли равишда уч минг гигагерцдан камроқ қилиб қабул қилинган оралиқдаги радиочастоталар тўплами;
радиоэлектрон воситалар — радиотўлқинларни тарқатиш ва (ёки) қабул қилиш учун мўлжалланган техник қурилмалар ёки тизимлар;
юқори частотали қурилмалар — радиочастоталар энергиясини саноат, илмий, тиббий, маиший ёки бошқа мақсадларда ҳосил қилиш ва ундан фойдаланиш учун мўлжалланган ускуналар ёки асбоблар, улардан радиотўлқинларни тарқатиш ёки қабул қилиш мақсадида фойдаланиш бундан мустасно;
радиочастоталар полосаси — радиочастота спектрининг муайян шароитларда радиоэлектрон воситалар ёки юқори частотали қурилмалардан фойдаланиш учун мўлжалланган қисми;
Олдинги таҳрирга қаранг.
Ўзбекистон Республикаси радиочастоталарни тақсимлаш жадвали — ҳар хил турдаги радиохизматлар ўртасида тақсимланган радиочастоталар полосалари рўйхати;
(2-модданинг еттинчи хатбошиси Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
Олдинги таҳрирга қаранг.
(2-модданинг саккизинчи хатбошиси Ўзбекистон Республикасининг 2015 йил 9 июндаги ЎРҚ-388-сонли Қонунига асосан чиқарилган — ЎР ҚҲТ, 2015 й., 23-сон, 301-модда)
радиохалақитлар — радиоалоқа тизимида қабул чоғида бир ёки бир нечта тўлқин тарқатишлар келтириб чиқарган, ахборот сифатининг ёмонлашуви, хатоликлар бўлиши ёки ахборот йўқолишида намоён бўладиган электромагнит энергиясининг таъсири;
индустриал радиохалақитлар — радиотўлқинларни узатиш учун мўлжалланмаган техник воситалар томонидан вужудга келадиган радиочастота спектри диапазонидаги электромагнит тарқатишлар;
электромагнит мослашув — радиоэлектрон воситаларнинг уларга радиохалақитлар таъсир этиб турган бир вақтнинг ўзида мавжуд ишлатиш шароитларида талаб даражасидаги сифат билан ишлай олиш қобилияти;
Олдинги таҳрирга қаранг.
радиочастота спектридан фойдаланувчи — радиоэлектрон воситаларни ёки юқори частотали қурилмаларни ишлатиш учун радиочастота органининг рухсатномасига эга бўлган юридик ёхуд жисмоний шахс;
(2-модданинг ўн иккинчи хатбошиси Ўзбекистон Республикасининг 2013 йил 30 апрелдаги ЎРҚ-352-сонли Қонуни таҳририда — ЎР ҚҲТ, 2013 й., 18-сон, 233-модда)
Олдинги таҳрирга қаранг.
радиочастота бериш — радиочастота органи томонидан бериладиган тегишли рухсатномада кўрсатиладиган аниқ радиочастота;
(2-модданинг ўн учинчи хатбошиси Ўзбекистон Республикасининг 2013 йил 30 апрелдаги ЎРҚ-352-сонли Қонуни таҳририда — ЎР ҚҲТ, 2013 й., 18-сон, 233-модда)
Кейинги таҳрирга қаранг.
радиочастота спектрининг мониторинги — радиочастота спектри ҳолатини кузатиш, ундан фойдаланишни баҳолаш, радиочастота спектри тўғрисидаги қонун ҳужжатлари бузилишининг олдини олиш ва бартараф этиш учун мўлжалланган ташкилий-техник тадбирлар мажмуи.
Кейинги таҳрирга қаранг.
3-модда. Радиочастота спектри тўғрисидаги қонун ҳужжатлари
Радиочастота спектри тўғрисидаги қонун ҳужжатлари ушбу Қонундан ва бошқа қонун ҳужжатларидан иборатдир.
Агар Ўзбекистон Республикасининг халқаро шартномасида радиочастота спектри тўғрисидаги Ўзбекистон Республикаси қонун ҳужжатларидагидан бошқача қоидалар белгиланган бўлса, халқаро шартнома қоидалари қўлланилади.
Кейинги таҳрирга қаранг.
4-модда. Радиочастота спектрини тақсимлаш ва ундан фойдаланиш ҳуқуқи
Ўзбекистон Республикаси ҳудуди доирасида радиочастота спектридан фойдаланувчиларга радиочастоталарни тақсимлаш ваколатли давлат органларининг мутлақ ҳуқуқидир.
Ўзбекистон Республикаси ҳудудида радиочастота спектридан фойдаланиш ҳуқуқи оммавий ва хусусий мулк асосида фаолият кўрсатувчи фойдаланувчиларга берилади.
5-модда. Радиочастота спектридан фойдаланиш соҳасида давлат томонидан тартибга солиш ва бошқариш
Радиочастота спектридан фойдаланиш соҳасида давлат томонидан тартибга солиш сертификатлаш, лицензиялаш, солиқ солиш, ягона илмий-техника сиёсатини шакллантириш йўли билан, шунингдек қонун ҳужжатларида назарда тутилган бошқа воситалар билан амалга оширилади.
Кейинги таҳрирга қаранг.
Радиочастота спектридан фойдаланиш соҳасида давлат бошқарувини Ўзбекистон Республикаси Вазирлар Маҳкамаси томонидан ваколат берилган радиочастота спектри бўйича давлат бошқарув органи амалга оширади.
 LexUZ шарҳи
Қўшимча маълумот учун қаранг: Ўзбекистон Республикаси Президентининг 2013 йил 22 октябрдаги ПҚ-2053-сонли «Радиочастота спектрини бошқаришни ташкил қилиш ва фойдаланишни такомиллаштириш тўғрисида»ги қарори.
6-модда. Радиочастота спектри бўйича давлат бошқарув органининг ваколатлари
Радиочастота спектри бўйича давлат бошқарув органи:
радиочастота спектрини тақсимлаш ва ундан фойдаланиш соҳасида давлат сиёсатини амалга оширади;
Олдинги таҳрирга қаранг.
радиочастота спектрини тақсимлаш ва ундан фойдаланиш масалалари бўйича норматив ҳужжатларни, радиоэлектрон воситалар ва юқори частотали қурилмалардан фойдаланиш бўйича давлат стандартлари, техник регламентлар, ишлатиш нормалари ва қоидалари ҳамда бошқа норматив-техник ҳужжатларни ишлаб чиқади;
(6-модданинг биринчи қисми учинчи хатбошиси Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
Кейинги таҳрирга қаранг.
Олдинги таҳрирга қаранг.
радиочастота органлари ўртасида радиочастоталар полосаларини тақсимлайди, Ўзбекистон Республикаси радиочастоталарни тақсимлаш жадвалини шакллантиради;
(6-модданинг биринчи қисми тўртинчи хатбошиси Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
радиочастота органларининг радиочастота спектридан фойдаланиш соҳасидаги фаолиятини мувофиқлаштириб боради;
ажратиладиган радиочастоталар ёки радиочастоталар полосаларининг техник экспертизасига оид ишларни ташкил этади;
радиочастота спектридан фойдаланувчиларнинг ҳуқуқлари ва қонуний манфаатларини ҳимоя қилади;
радиочастота спектри тўғрисидаги қонун ҳужжатларига риоя этилиши устидан назоратни амалга оширади;
Кейинги таҳрирга қаранг.
радиочастота спектридан фойдаланиш масалалари бўйича халқаро ташкилотларда Ўзбекистон Республикасининг манфаатларини ифода этади;
радиочастота спектридан фойдаланиш соҳасида халқаро ҳамкорликни амалга оширади.
Радиочастота спектри бўйича давлат бошқарув органи қонун ҳужжатларига мувофиқ бошқа ваколатларга ҳам эга бўлиши мумкин.
Кейинги таҳрирга қаранг.
7-модда. Радиочастота органлари
Радиочастота органлари жумласига қуйидагилар киради:
Олдинги таҳрирга қаранг.
Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси;
(7-модданинг биринчи қисми иккинчи хатбошиси Ўзбекистон Республикасининг 2014 йил 14 майдаги ЎРҚ-372-сонли Қонуни таҳририда — ЎР ҚҲТ, 2014 й., 20-сон, 222-модда)
Кейинги таҳрирга қаранг.
Ўзбекистон Республикаси Мудофаа вазирлиги;
Олдинги таҳрирга қаранг.
Ўзбекистон Республикаси Миллий хавфсизлик хизмати.
(7-модданинг биринчи қисми тўртинчи хатбошиси Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
Кейинги таҳрирга қаранг.
Радиочастота органлари ўз фаолиятларини радиочастота спектри тўғрисидаги қонун ҳужжатларига мувофиқ амалга оширадилар.
Кейинги таҳрирга қаранг.
8-модда. Радиочастота органларининг ваколатлари
Радиочастота органлари:
Олдинги таҳрирга қаранг.
(8-модданинг биринчи қисми иккинчи хатбошиси Ўзбекистон Республикасининг 2013 йил 30 апрелдаги ЎРҚ-352-сонли Қонунига асосан чиқарилган — ЎР ҚҲТ, 2013 й., 18-сон, 233-модда)
радиочастоталар спектри бўйича давлат бошқарув органи томонидан ажратилган радиочастоталар полосалари доирасида радиоэлектрон воситалар ва юқори частотали қурилмаларни Ўзбекистон Республикаси ҳудудида олиш (бериш), лойиҳалаш, қуриш (ўрнатиш), ишлатиш ҳамда чет эллардан олиб кириш учун рухсатнома беради;
Кейинги таҳрирга қаранг.
радиоэлектрон воситалар ва юқори частотали қурилмалар белгиланган стандартлар ва техник нормаларга номувофиқ бўлган, фуқароларнинг хавфсизлиги, атроф муҳит муҳофазасини таъминламаган тақдирда, шунингдек алоҳида ҳолатларда уларни ишлатишни белгиланган тартибда тақиқлайди;
 LexUZ шарҳи
Қаранг: Вазирлар Маҳкамасининг 2020 йил 22 декабрдаги 801-сон қарори билан тасдиқланган Радиоэлектрон воситалар ва юқори частотали қурилмаларни сотиб олиш (бериш) ва (ёки) ўрнатиш (қуриш), олиб кириш, фойдаланишга рухсат бериш тартиби тўғрисидаги низомнинг 15-банди, Ўзбекистон Республикаси Президентининг 2013 йил 22 октябрдаги ПҚ-2053-сон қарори билан тасдиқланган Радиочастоталар бўйича Республика кенгаши тўғрисидаги низом.
Олдинги таҳрирга қаранг.
қонунга зид равишда ишлаётган радиоэлектрон воситалар ва юқори частотали қурилмаларни аниқлайди;
(8-модданинг биринчи қисми Ўзбекистон Республикасининг 2015 йил 9 июндаги ЎРҚ-388-сонли Қонунига асосан тўртинчи хатбоши билан тўлдирилган — ЎР ҚҲТ, 2015 й., 23-сон, 301-модда)
фойдаланувчиларга берилган радиочастоталар ҳисобини юритади, шунингдек радиочастота спектридан радиочастота спектри бўйича давлат бошқарув органи томонидан белгиланган тартибга мувофиқ фойдаланилиши устидан назоратни амалга оширади;
Кейинги таҳрирга қаранг.
радиоэлектрон воситаларга, шу жумладан халқаро ташкилотлар ва хорижий давлатларнинг халқаро шартномалар ва қоидаларга мувофиқ фаолият кўрсатаётган радиоэлектрон воситаларига бўлган радиохалақитларни бартараф этади;
бошқа ваколатли органлар билан биргаликда электромагнит мослашувни таъминлаш бўйича ташкилий-техник тадбирларни ишлаб чиқади.
Радиочастота органлари қонун ҳужжатларига мувофиқ радиочастота спектри соҳасида бошқа ваколатларга ҳам эга бўлиши мумкин.
Кейинги таҳрирга қаранг.
9-модда. Радиочастота спектридан фойдаланиш
Радиочастота спектри фойдаланувчиларга давлат, жамоат ва шахсий эҳтиёжларни таъминлаш учун берилади.
Олдинги таҳрирга қаранг.
Радиоэлектрон воситалар ва юқори частотали қурилмаларни яратиш, ишлаб чиқариш, лойиҳалаш, қуриш (ўрнатиш), олиш (бериш), олиб кириш, ишлатиш, илмий-тадқиқот ва тажриба-конструкторлик ишларини ўтказишда радиочастота спектридан фойдаланиш белгиланган тартибда радиочастота органи томонидан бериладиган рухсатнома асосида амалга оширилади.
(9-модданинг иккинчи қисми Ўзбекистон Республикасининг 2013 йил 30 апрелдаги ЎРҚ-352-сонли Қонуни таҳририда — ЎР ҚҲТ, 2013 й., 18-сон, 233-модда)
Олдинги таҳрирга қаранг.
Фойдаланувчиларга муайян радиочастоталар бериш Ўзбекистон Республикаси радиочастоталарни тақсимлаш жадвалига мувофиқ амалга оширилади. Радиочастота бериш ўта муҳим давлат эҳтиёжларини таъминлаш мақсадида ўзгартирилиши мумкин;
(9-модданинг учинчи қисми Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
Радиочастоталарни радиочастота спектридан фойдаланувчилар ўртасида тақсимлаш танлов асосида ёки ким ошди савдоси натижаларига кўра амалга оширилиши мумкин.
Радиочастота органи ва радиочастота спектридан фойдаланувчи ўртасидаги ўзаро муносабатлар шартнома асосида амалга оширилади.
Олдинги таҳрирга қаранг.
Радиочастота спектридан фойдаланувчининг ўз радиочастота спектридан фойдаланиш ҳуқуқини бошқа шахсга бериши тақиқланади;
(9-модда Ўзбекистон Республикасининг 2015 йил 9 июндаги ЎРҚ-388-сонли Қонунига асосан олтинчи қисм билан тўлдирилган — ЎР ҚҲТ, 2015 й., 23-сон, 301-модда)
Кейинги таҳрирга қаранг.
10-модда. Радиочастота спектридан фойдаланиш муддатлари
Радиочастота спектри фойдаланувчиларга радиочастота органи рухсатномасида ёки фойдаланиш шартномасида назарда тутилган муайян муддатга берилади.
Кейинги таҳрирга қаранг.
11-модда. Радиочастота спектридан фойдаланганлик учун ҳақ тўлаш
Радиочастота спектридан фойдаланиш пулликдир. Радиочастота спектридан фойдаланганлик учун ҳақ тўлаш тартиби, шунингдек ҳақ тўлашдаги имтиёзлар қонун ҳужжатлари билан белгиланади.
Кейинги таҳрирга қаранг.
12-модда. Радиочастота спектридан фойдаланувчиларнинг ҳуқуқ ва мажбуриятлари
Радиочастота спектридан фойдаланувчилар қуйидаги ҳуқуқларга эга:
қонун ҳужжатларида белгиланган тартибда радиочастота спектридан фойдалана олиш;
Кейинги таҳрирга қаранг.
Ўзбекистон Республикаси ҳудудида фойдаланиш учун рухсат этилган радиоэлектрон воситалар ва юқори частотали қурилмаларни белгиланган тартибда олиш (бериш);
 LexUZ шарҳи
Қўшимча маълумот учун Ўзбекистон Республикаси Вазирлар Маҳкамасининг 1998 йил 10 июлдаги 293-сон қарори билан тасдиқланган «Радиоэлектрон воситалар ва юқори частотали қурилмаларни Ўзбекистон Республикаси ҳудудида сотиб олиш (бериш), лойиҳалаш, қуриш (ўрнатиш), ишлатиш ҳамда чет элдан келтириш тартиби тўғрисида»ги Низомга қаранг.
радиохалақитлар манбаларини аниқлаш учун радиочастота органига мурожаат этиш ва уларни бартараф қилишда иштирок этиш;
берилган рухсатнома доирасида радиочастота спектридан фойдаланиш жараёнида қонун ҳужжатларида тақиқланмаган ҳар қандай фаолиятни амалга ошириш;
Кейинги таҳрирга қаранг.
ўз ҳуқуқлари ва қонуний манфаатлари бузилган тақдирда ваколатли давлат органларига ёки судга мурожаат этиш.
Радиочастота спектридан фойдаланувчилар қуйидаги мажбуриятларга эга:
радиоэлектрон воситалар ва юқори частотали қурилмаларни олиш (бериш) учун радиочастота органининг рухсатномасини олиш;
радиоэлектрон воситалар ва юқори частотали қурилмаларни радиочастота органида рўйхатдан ўтказиш ҳамда уларни ишлатиш ҳуқуқи учун рухсатнома олиш;
радиоэлектрон воситалар ва юқори частотали қурилмаларни белгиланган нормалар ҳамда қоидаларга мувофиқ лойиҳалаш, қуриш (ўрнатиш) ва ишлатишни амалга ошириш;
радиочастота спектридан фойдаланганлик учун ҳақни ўз вақтида тўлаш.
Радиочастота спектридан фойдаланувчилар қонун ҳужжатларига мувофиқ бошқа ҳуқуқ ва мажбуриятларга эга бўлиши мумкин.
Кейинги таҳрирга қаранг.
13-модда. Радиочастота спектридан фойдаланиш ҳуқуқини бекор қилиш, тўхтатиш ёки чеклаш
Радиочастота органлари радиоэлектрон воситалар ва юқори частотали қурилмаларни ишлатиш хусусиятлари, шунингдек айрим частоталардан фойдаланиш имкониятлари билан боғлиқ муайян шароитларда радиочастота спектридан фойдаланишни бекор қилиш, тўхтатиш ёки чеклашга ҳақлидир.
Радиочастота спектридан фойдаланиш ҳуқуқи қуйидаги ҳолларда бекор қилинади:
Олдинги таҳрирга қаранг.
фойдаланилаётган радиоэлектрон воситалар ва юқори частотали қурилмалардан фуқароларнинг ҳаётига ёки соғлиғига, жамият ва давлатнинг ахборот хавфсизлигига, шунингдек атроф муҳит ҳолатига ҳақиқий таҳдид юзага келганда;
(13-модданинг иккинчи қисми иккинчи хатбошиси Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
фойдаланиш рухсатномаси ёки шартномасининг амал қилиш муддати тугаганда;
берилган радиочастоталардан белгиланган муддат мобайнида фойдаланилмаганда;
Кейинги таҳрирга қаранг.
берилган радиочастоталардан воз кечилганда;
Кейинги таҳрирга қаранг.
юридик шахснинг ўзи ёки жисмоний шахснинг фаолияти тугатилганда.
Радиочастота спектридан фойдаланиш ҳуқуқи қуйидаги ҳолларда тўхтатилиши ёки чекланиши мумкин:
фойдаланиш рухсатномаси ёки шартномаси шартлари бузилганда;
радиочастота спектрининг муайян полосаларидан ўта муҳим давлат эҳтиёжлари учун фойдаланиш зарур бўлиб қолганда;
радиочастота спектридан фойдаланганлик учун белгиланган ҳақ тўланмаганда.
Радиочастота спектри бўйича давлат бошқарув органи ҳам қонун ҳужжатларида назарда тутилган ҳолларда радиочастота спектридан вақт ва (ёки) ҳудуд бўйича фойдаланиш ҳуқуқини тўхтатишга ёки чеклашга ҳақлидир.
Кейинги таҳрирга қаранг.
Давлат мудофааси, миллий хавфсизлик ва ҳуқуқ-тартибот мақсадлари учун ажратилган радиочастоталардан фойдаланиш фақат тегишли давлат бошқарув органлари билан келишилган ҳолда тўхтатилиши, чекланиши ёки тугатилиши мумкин.
14-модда. Радиоэлектрон воситалар ва юқори частотали қурилмаларни яратиш, лойиҳалаш, ишлаб чиқариш, қуриш (ўрнатиш), олиш (бериш), ишлатиш ва Ўзбекистон Республикаси ҳудудига олиб кириш
Кейинги таҳрирга қаранг.
Олдинги таҳрирга қаранг.
Радиоэлектрон воситалар ва юқори частотали қурилмаларни яратиш, лойиҳалаш ва ишлаб чиқариш, шунингдек радиочастоталардан фойдаланиб илмий-тадқиқот ва тажриба-конструкторлик ишларини ўтказиш фойдаланувчи радиочастота органининг тегишли рухсатномасини олганидан ва яратиш учун ташкилот стандартлари келишилганидан кейингина амалга оширилади.
(14-модданинг биринчи қисми Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
Кейинги таҳрирга қаранг.
Барча турдаги ва йўналишдаги радиоэлектрон воситалар ва юқори частотали қурилмаларни қуриш (ўрнатиш) радиочастота органининг тегишли рухсатномаси бўлган тақдирдагина амалга оширилиши мумкин.
Ўзбекистон Республикаси ҳудудида радиоэлектрон воситалар ва юқори частотали қурилмаларни олиш (бериш) радиочастота органининг тегишли рухсатномасини тақдим этган ҳолда амалга оширилади.
Ўзбекистон Республикаси мудофааси ва хавфсизлигини таъминлаш учун мўлжалланган радиоэлектрон воситалар ва юқори частотали қурилмаларни, шунингдек фуқаро авиациясида учишларни ҳамда ҳаво ҳаракати хизматини радионавигация жиҳатидан таъминлаш мақсадларида фойдаланиш учун мўлжалланган бортдаги ва ер усти радиоэлектрон воситаларни олиш (бериш) тартиби Ўзбекистон Республикаси Вазирлар Маҳкамаси томонидан белгиланади.
 LexUZ шарҳи
Қаранг: Вазирлар Маҳкамасининг 2020 йил 22 декабрдаги 801-сон қарори билан тасдиқланган Радиоэлектрон воситалар ва юқори частотали қурилмаларни сотиб олиш (бериш) ва (ёки) ўрнатиш (қуриш), олиб кириш, фойдаланишга рухсат бериш тартиби тўғрисидаги низом.
Ўзбекистон Республикаси ҳудудида радиоэлектрон воситаларни ва юқори частотали қурилмаларни ишлатиш бевосита тегишли радиочастота органининг рухсатномаси билан, хорижий давлатларнинг дипломатия ваколатхоналари ва консуллик муассасаларида ўрнатилган шундай воситалар ва қурилмаларни ишлатиш эса — Ўзбекистон Республикаси Ташқи ишлар вазирлиги орқали амалга оширилади.
Телевидение кўрсатувлари ва радиоэшиттиришлар дастурларини қабул қилиш учун мўлжалланган радиоэлектрон воситаларни, шунингдек савдо тармоғи орқали сотишга рухсат берилган маиший радиоэлектроника буюмларини олиб кириш, олиш (бериш) ва ишлатиш учун тегишли рухсатнома талаб қилинмайди.
Ўзбекистон Республикаси ҳудудига радиоэлектрон воситалар ва юқори частотали қурилмаларни олиб кириш Ўзбекистон Республикаси Вазирлар Маҳкамаси томонидан белгиланган тартибда амалга оширилади.
 LexUZ шарҳи
Қўшимча маълумот учун Ўзбекистон Республикаси Вазирлар Маҳкамасининг 1998 йил 10 июлдаги 293-сон қарори билан тасдиқланган «Радиоэлектрон воситалар ва юқори частотали қурилмаларни Ўзбекистон Республикаси ҳудудида сотиб олиш (бериш), лойиҳалаш, қуриш (ўрнатиш), ишлатиш ҳамда чет элдан келтириш тартиби тўғрисида»ги Низомга қаранг.
Радиочастота органининг тегишли рухсатномасисиз олиб киришга, олишга (беришга) ва ишлатишга йўл қўйиладиган радиоэлектрон воситалар ва юқори частотали қурилмалар рўйхати радиочастота спектри бўйича давлат бошқарув органи томонидан белгиланади.
15-модда. Индустриал радиохалақитларнинг эҳтимол тутилган манбаларига қўйиладиган талаблар
Яратилаётган, лойиҳалаштирилаётган, ишлаб чиқарилаётган ва ишлатилаётган турли техник воситаларнинг техник тавсифномалари радиохалақитларнинг эҳтимол тутилган манбалари (электр транспорти, электр узатиш линиялари, электр асбоблари, автотранспорт воситалари ва бошқалар) тариқасида индустриал радиохалақитларнинг йўл қўйиладиган даражалари нормаларига мувофиқ бўлиши керак.
Олдинги таҳрирга қаранг.
Техник воситаларни радиохалақитларнинг йўл қўйиладиган даражадаги нормаларига мувофиқлигини синаш тартиби Ўзбекистон стандартлаштириш, метрология ва сертификатлаштириш агентлиги томонидан белгиланади.
(15-модданинг иккинчи қисми Ўзбекистон Республикасининг 2015 йил 9 июндаги ЎРҚ-388-сонли Қонуни таҳририда — ЎР ҚҲТ, 2015 й., 23-сон, 301-модда)
Кейинги таҳрирга қаранг.
16-модда. Электромагнит мослашув
Барча фойдаланувчиларнинг радиочастота спектридан фойдаланиши қўлланилаётган радиоэлектрон воситалар ва юқори частотали қурилмаларнинг электромагнит мослашуви қатъий тарзда таъминланган ва уларнинг ўлчамлари ҳамда тавсифлари Ўзбекистон Республикаси ҳудудида қабул қилинган стандартлар ва техник нормаларга мувофиқ бўлган тақдирда амалга оширилади.
Кейинги таҳрирга қаранг.
Радиоэлектрон воситалар ва юқори частотали қурилмаларнинг электромагнит мослашувига риоя қилиниши ҳамда ўлчамлар ва тавсифларнинг стандартлар ва техник нормаларга мувофиқлиги устидан назоратни радиочастота органлари амалга оширади.
Агар радиоэлектрон воситалар ва юқори частотали қурилмаларнинг ишлаши бошқа фойдаланувчиларнинг алоқа сифатига салбий таъсир этса ёки фуқароларнинг соғлиғи ва атроф муҳитга зарарли таъсир кўрсатса, бу воситалар ва қурилмаларни ишлатиш тўхтатилади ёки бевосита радиочастота органининг қарорига кўра ёхуд тегишли давлат органлари ёки фуқароларнинг ўзини ўзи бошқариш органларининг асослантирилган тақдимномасига кўра тугатилади.
17-модда. Берилган радиочастоталар тўғрисидаги ахборот
Кейинги таҳрирга қаранг.
Берилган радиочастоталар тўғрисидаги ахборот маълумотлар миллий базаси (радиочастоталар регистри) асосини ташкил этади.
Кейинги таҳрирга қаранг.
Берилган радиочастоталар тўғрисидаги ахборотни ҳисобга олиш, тизимлаштириш ва сақлашни радиочастота органлари радиочастота спектри бўйича давлат бошқарув органи белгилаган тартибда амалга оширади.
Кейинги таҳрирга қаранг.
Радиочастота органлари радиочастота спектридан фойдаланиш тўғрисидаги ахборотни радиочастота спектри бўйича давлат бошқарув органига белгиланган тартибда тақдим этади.
 LexUZ шарҳи
Қаранг: Вазирлар Маҳкамасининг 2020 йил 22 декабрдаги 801-сон қарори билан тасдиқланган Радиоэлектрон воситалар ва юқори частотали қурилмаларни сотиб олиш (бериш) ва (ёки) ўрнатиш (қуриш), олиб кириш, фойдаланишга рухсат бериш тартиби тўғрисидаги низом.
18-модда. Ҳарбий ҳаракатлар ва фавқулодда ҳолатлар содир бўлганда фойдаланувчиларнинг радиоэлектрон воситаларидан фойдаланиш
Ҳарбий ҳаракатлар, зилзилалар, сув тошқинлари, ёнғинлар, эпидемиялар ва бошқа фавқулодда ҳолатлар содир бўлганда радиочастота органлари фойдаланувчиларнинг радиоэлектрон воситаларини ишлатишини чеклашни жорий этишга, шунингдек бу воситалардан давлат хавфсизлигини таъминлаш, табиий офатларни ёки уларнинг оқибатларини бартараф этиш мақсадларида фойдаланишга ҳақлидир.
Кейинги таҳрирга қаранг.
Олдинги таҳрирга қаранг.
181-модда. Ахборот хавфсизлигини таъминлаш
Радиочастота спектридан фойдаланишда фойдаланувчилар томонидан ахборот хавфсизлиги чоралари, шу жумладан:
узатиладиган ахборотдан рухсатсиз фойдаланиш, алоқа тизимларидан назоратсиз фойдаланиш ва уларнинг ишлашини тўхтатиб қўйиш, шунингдек улардан шахс, жамият ва давлатга зарар етказадиган мақсадларда фойдаланиш истисно этилишини;
ахборотни (маълумотларни) узатиш жараёнида унинг (уларнинг) махфийлиги ва яхлитлигини;
рухсатсиз ёки бехосдан аралашувга уринишлар бўлган тақдирда алоқанинг ишлаш режими ўзгармаслигини таъминловчи чоралар кўрилиши керак.
Кейинги таҳрирга қаранг.
182-модда. Радиоалоқанинг махфийлиги
Бошқа шахс учун мўлжалланган радиохабар қабул қилинган тақдирда уни қайд қилиш, унинг мазмунини ва мавжудлиги фактини ошкор этиш, тарқатиш ёки ўзгартириш тақиқланади, қонун ҳужжатларида назарда тутилган ҳоллар бундан мустасно.
Кейинги таҳрирга қаранг.
Махфий ахборотни, шу жумладан давлат сирлари мавжуд бўлган маълумотларни ахборотнинг сертификатлаштирилган криптографик ҳимоя воситаларидан фойдаланмаган ҳолда радиоалоқа каналлари орқали узатиш тақиқланади.
Радиочастота органлари томонидан амалга ошириладиган радиочастота спектри мониторинги радиоалоқанинг махфийлигини бузиш ҳисобланмайди.
(181-182-моддалар Ўзбекистон Республикасининг 2015 йил 9 июндаги ЎРҚ-388-сонли Қонунига асосан киритилган — ЎР ҚҲТ, 2015 й., 23-сон, 301-модда)
Кейинги таҳрирга қаранг.
19-модда. Радиочастота спектри мониторинги
Олдинги таҳрирга қаранг.
Радиочастота спектри мониторингини Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси бошқа радиочастота органлари билан биргаликда амалга оширади.
(19-модданинг биринчи қисми Ўзбекистон Республикасининг 2014 йил 14 майдаги ЎРҚ-372-сонли Қонуни таҳририда — ЎР ҚҲТ, 2014 й., 20-сон, 222-модда)
Кейинги таҳрирга қаранг.
Мониторингни амалга ошириш тартиби радиочастота спектри бўйича давлат бошқарув органи томонидан белгиланади.
20-модда. Низоларни ҳал этиш
Радиочастота спектридан фойдаланиш соҳасида келиб чиқадиган низолар суд тартибида ҳал этилади.
21-модда. Радиочастота спектри тўғрисидаги қонун ҳужжатларини бузганлик учун жавобгарлик
Радиочастота спектри тўғрисидаги қонун ҳужжатларини бузишда айбдор бўлган шахслар белгиланган тартибда жавобгар бўладилар.
Кейинги таҳрирга қаранг.
Ўзбекистон Республикасининг Президенти И. КАРИМОВ
Тошкент ш.,
1998 йил 25 декабрь,
725-I-сон

(Ўзбекистон Республикаси Олий Мажлисининг Ахборотномаси, 1999 й., 1-сон, 16-модда; 2003 й.,5-сон, 67-модда; Ўзбекистон Республикаси қонун ҳужжатлари тўплами, 2013 й., 18-сон, 233-модда; 2014 й., 20-сон, 222-модда; 2015 й., 23-сон, 301-модда; 2017 й., 16-сон, 265-модда, 2019 й., 2-сон, 47-модда; Қонунчилик маълумотлари миллий базаси, 21.04.2021 й., 03/21/683/0375-сон; 04.11.2022 й., 03/22/800/0990-сон; 03.08.2023 й., 03/23/858/0554-сон)