Ҳужжат кучини йўқотган " " 01.09.2024
Ҳужжат 31.05.2002 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Импорт бож пошлиналарини унификация қилишга доир қўшимча чора-тадбирлар тўғрисида
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2024 йил 6 майдаги 266-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан 2024 йил 1 сентябрдан ўз кучини йўқотади.
Ўзбекистон Республикаси Президентининг 2002 йил 29 майдаги ПФ-3078-сон Фармонини бажариш ва импорт операцияларини бож-тариф билан тартибга солишни янада такомиллаштириш, импорт бож пошлиналарини унификация қилиш мақсадида Вазирлар Маҳкамаси қарор қилади:
1. Белгилаб қўйилсинки, 2002 йил 1 июлдан бошлаб Ўзбекистон Республикасида Товарларни тавсифлаш ва кодлаштиришнинг Уйғунлаштирилган тизимига асосланган, Жаҳон божхона ташкилоти томонидан 2002 йил 1 январдан бошлаб Уйғунлаштирилган тизимга киритилган ўзгартириш ва қўшимчалар (2002 йилда яратилган) билан, Ташқи иқтисодий фаолият товар номенклатураси қўлланади.
Кейинги таҳрирга қаранг.
2. Импорт бож пошлиналари ставкалари 1-иловага* мувофиқ тасдиқлансин ва улар 2002 йил 1 июлдан бошлаб амалга киритилсин.
*1-илова рус тилидаги матнда берилган.
Кейинги таҳрирга қаранг.
3. Белгилансинки:
2002 йил 1 июлгача «вақтинчалик сақлаш» божхона режими остидаги товарларни эркин муомалага чиқаришда Вазирлар Маҳкамасининг «Ташқи савдо фаолиятини тартибга солишни такомиллаштириш чора-тадбирлари тўғрисида» 2001 йил 2 февралдаги 66-сон қарори билан тасдиқланган ставкалар қўлланади;
«вақтинчалик сақлаш» режимидан эркин Муомалага чиқариладиган барча товарларга 2002 йил 1 августдан бошлаб ушбу қарор билан тасдиқланган импорт бож пошлиналари ставкалари қўлланади.
Кейинги таҳрирга қаранг.
4. Идоралараро бож-тариф Кенгаши (Э.М. Ғаниев) ўзига юкланган вазифаларга мувофиқ товарлар (ишлар, хизматлар) экспорти ва импорти таркиби ҳамда ҳажмларининг мутаносиблиги устидан доимий мониторингни таъминласин ва зарурат бўлганда Вазирлар Маҳкамасига ташқи савдо операцияларини тариф билан ва тарифсиз тартибга солиш юзасидан тезкор чора-тадбирлар кўришга доир таклифлар киритсин.
5. Белгилансинки, бюджет ташкилотлари томонидан ёки уларнинг буюртманомаларига биноан ўз эҳтиёжлари учун бюджет маблағлари ҳисобига Ўзбекистон Республикасига келтириладиган товарлардан импорт бож пошлиналари ундирилмайди.
Кейинги таҳрирга қаранг.
Кейинги таҳрирга қаранг.
6. Ўзбекистон Республикаси Ҳукуматининг баъзи қарорларига 2-иловага мувофиқ ўзгартириш ва қўшимчалар киритилсин.
7. Вазирликлар ва идоралар Ўзбекистон Республикаси Адлия вазирлиги билан биргаликда бир ой муддатда ўз норматив ҳужжатларини ушбу қарорга мувофиқлаштирсинлар.
8. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2002 йил 31 май,
189-сон
Вазирлар Маҳкамасининг
2002 йил 31 майдаги 189-сон қарорига
2-ИЛОВА
Ўзбекистон Республикаси Ҳукуматининг баъзи қарорларига киритилаётган ўзгартириш ва қўшимчалар
1. Ўзбекистон Республикаси Вазирлар Маҳкамасининг «Хорижий валютадаги давлат божлари, йиғимлар ҳамда солиқ бўлмаган бошқа тўловлар ставкалари тўғрисида» 1993 йил 19 августдаги 423-сон қарорига 2-илованинг VI бўлимидан 3-банд чиқариб ташлансин.
Кейинги таҳрирга қаранг.
2. Ўзбекистон Республикаси Вазирлар Маҳкамасининг «Божхона йиғимлари ставкалари тўғрисида» 1999 йил 30 апрелдаги 204-сон қарорининг 1-бандига қуйидаги мазмундаги хат бошилар қўшилсин:
Ўзбекистон Республикасининг бутун ҳудудида божхона йиғимлари миллий валюта — «сўм»да, эркин божхона зоналари ва эркин омборлар ҳудудларида — эркин алмаштириладиган валютада ундирилади.
Эркин божхона зоналари ва эркин омборхоналар ҳудудларида йиғимлар ундиришдан валюта тушумлари қуйидаги тартибда тақсимланади:
— тушумлар умумий суммасининг 15 фоизи, лекин Жаҳон божхона ташкилотига ҳар йилги аъзолик бадалини тўлаш учун Ўзбекистон Республикаси Вазирлар Маҳкамаси қарори билан белгилангандан кам бўлмаган сумма Ўзбекистон Республикаси Давлат божхона қўмитаси тасарруфида қолдирилади;
— қолган суммаси — биржадан ташқари валюта бозорида, талаб ва таклифга кўра вужудга келадиган эркин курс бўйича сотилади.
Кейинги таҳрирга қаранг.
3. Қуйидагилар:
Ўзбекистон Республикаси Вазирлар Маҳкамасининг «Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида» 1998 йил 31 мартдаги 137-сон қарори 5-бандининг бешинчи хатбоши;
Ўзбекистон Республикаси Вазирлар Маҳкамасининг «Ташқи савдо фаолиятини тартибга солишни такомиллаштириш чора-тадбирлари тўғрисида» 2001 йил 2 февралдаги 66-сон қарорининг (Ўзбекистон Республикаси ҚТ, 2001 й., 2-сон, 9-модда) 1 ва 2-бандлари, шунингдек 1-иловаси 2002 йил 1 июлдан бошлаб ўз кучини йўқотган деб ҳисоблансин.

(Ўзбекистон Республикаси қонун ҳужжатлари тўплами, 2002 й., 10-сон, 84-модда; 14-сон, 111-модда; 2003 й., 20-сон, 187-модда; 2004 й., 1-2-сон, 12-модда; 2008 й., 5-сон, 19-модда, 19-сон, 161-модда; 2012 й., 48-49-сон, 536-модда; Қонун ҳужжатлари маълумотлари миллий базаси, 16.06.2020 й., 09/20/384/0770-сон, 10.11.2020 й., 09/20/700/1491-сон)