Ҳужжат 31.12.2014 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Ўзбекистон Республикаси Президентининг «1941 — 1945 йиллардаги уруш ва меҳнат фронти фахрийларини ижтимоий қўллаб-қувватлашни янада кучайтириш чора-тадбирлари тўғрисида» 2014 йил 13 октябрдаги ПФ-4658-сон Фармонини амалга ошириш чора-тадбирлари ҳақида
Ўзбекистон Республикаси Президентининг «1941 — 1945 йиллардаги уруш ва меҳнат фронти фахрийларини ижтимоий қўллаб-қувватлашни янада кучайтириш чора-тадбирлари тўғрисида» 2014 йил 13 октябрдаги ПФ-4658-сон Фармонига мувофиқ, тиббий хизмат кўрсатиш даражасини ва сифатини ошириш ҳамда санаторийда соғломлаштириш ҳисобига уруш ва меҳнат фронти фахрийларининг саломатлигини мустаҳкамлаш учун қулай шарт-шароитлар яратиш мақсадида Вазирлар Маҳкамаси қарор қилади:
1. Қуйидагилар:
1941 — 1945 йиллардаги уруш ва меҳнат фронти фахрийларини (кейинги ўринларда уруш ва меҳнат фронти фахрийлари деб аталади) Ўзбекистон Республикаси Меҳнат ва аҳолини ижтимоий муҳофаза қилиш вазирлигига, Ўзбекистон Касаба уюшмалари Федерацияси Кенгашига ҳамда давлат ва хўжалик бошқаруви органларига қарашли санаторий-соғломлаштириш муассасаларида соғломлаштириш тартиби тўғрисидаги Низом 1-иловага мувофиқ;
Кейинги таҳрирга қаранг.
уруш ва меҳнат фронти фахрийларини Меҳнат ва аҳолини ижтимоий муҳофаза қилиш вазирлигига, Ўзбекистон Касаба уюшмалари Федерацияси Кенгашига ҳамда давлат ва хўжалик бошқаруви органларига қарашли санаторий-соғломлаштириш муассасаларида соғломлаштириш схемаси 2-иловага мувофиқ тасдиқлансин.
Кейинги таҳрирга қаранг.
2. Ўзбекистон Республикаси Меҳнат ва аҳолини ижтимоий муҳофаза қилиш вазирлиги:
Ногиронларни соғломлаштириш ва протезлаш миллий маркази тузилмасида ходимларининг сони 4 нафардан иборат бўлган Уруш ва меҳнат фронти фахрийларини санаторийларда соғломлаштиришни ташкил этиш бўлинмаси ташкил қилсин;
ўн кун муддатда уруш ва меҳнат фронти фахрийларини санаторийларда соғломлаштиришни ташкил этиш бўлинмаси тўғрисида низомни тасдиқласин, унда ходимларга бюджетдан ташқари жамғарма маблағлари ҳисобига лавозим маошининг 50 фоизигача миқдорда устама белгилашни назарда тутсин.
3. Ўзбекистон Республикаси Соғлиқни сақлаш вазирлиги 2014 йил 30 декабргача бўлган муддатда барча уруш ва меҳнат фронти фахрийлари яшаш жойидаги соғлиқни сақлаш муассасаларида диспансеризациядан ўтказилишини таъминласин, унинг натижаларига кўра ҳар бир уруш ва меҳнат фронти фахрийсига санаторийда соғломлаштиришнинг тавсия этилган йўналишини кўрсатган ҳолда санаторий-курорт картаси очсин.
4. Ўзбекистон Республикаси Меҳнат ва аҳолини ижтимоий муҳофаза қилиш вазирлиги Соғлиқни сақлаш вазирлиги ва «Нуроний» жамғармаси билан биргаликда:
2015 йил 20 январгача бўлган муддатда — уруш ва меҳнат фронти фахрийларини 2015 йилда санаторийларда соғломлаштиришга йўлланмалар ажратиш учун уларнинг рўйхатлари шакллантириш ишлари ташкил этилишини;
2015 йил 1 февралгача бўлган муддатда — Ўзбекистон Республикаси Вазирлар Маҳкамасига 2015 йилда йўлланмаларни тақсимлаш режасининг, ҳар бир санаторийда уруш ва меҳнат фронти фахрийларини соғломлаштириш учун ҳар бир ойда ажратилган йўлланмалар сонини кўрсатган ҳолда ишлаб чиқилишини ва тасдиқлашга тақдим этилишини;
2015 йил 15 февралгача бўлган муддатда — Ўзбекистон Республикаси Молия вазирлиги томонидан белгиланган чекланган суткалик харажатларни ҳисобга олган ҳолда, Ўзбекистон Касаба уюшмалари Федерацияси Кенгашининг Санатория-курортлар бошқармаси, давлат ва хўжалик бошқаруви органлари санаторийлари билан 2015 йилда уруш ва меҳнат фронти фахрийларини соғломлаштириш юзасидан шартномалар тузилишини;
2015 йил 1 мартдан бошлаб — уруш ва меҳнат фронти фахрийларига 2015 йил учун соғломлаштиришга йўлланмалар берилишини таъминласин.
5. Вазирлар Маҳкамасининг «Ногиронларни соғломлаштириш ва протезлаш миллий марказини ташкил этиш тўғрисида» 2006 йил 17 майдаги 89-сон қарори 3-иловасига мувофиқ қўшимчалар ва ўзгартиришлар киритилсин.
Кейинги таҳрирга қаранг.
6. Ўзбекистон Республикаси Меҳнат ва аҳолини ижтимоий муҳофаза қилиш вазирлиги манфаатдор вазирликлар ва идоралар билан биргаликда бир ой муддатда ўзларининг норматив-ҳуқуқий ҳужжатларини ушбу қарорга мувофиқлаштирсин
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари А.И. Икрамов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2014 йил 24 декабрь,
361-сон
Вазирлар Маҳкамасининг 2014 йил 24 декабрдаги 361-сон қарорига
1-ИЛОВА
1941 — 1945 йиллардаги уруш ва меҳнат фронти фахрийларини Ўзбекистон Республикаси Меҳнат ва аҳолини ижтимоий муҳофаза қилиш вазирлигига, Ўзбекистон Касаба уюшмалари Федерацияси Кенгашига ҳамда давлат ва хўжалик бошқаруви органларига қарашли санаторий-соғломлаштириш муассасаларида соғломлаштириш тартиби тўғрисида
Кейинги таҳрирга қаранг.
I. Умумий қоидалар
1. Ушбу Низом Ўзбекистон Республикаси Президентининг «1941 — 1945 йиллардаги уруш ва меҳнат фронти фахрийларини ижтимоий қўллаб-қувватлашни янада кучайтириш чора-тадбирлари тўғрисида» 2014 йил 13 октябрдаги ПФ-4658-сон Фармонига мувофиқ 1941 — 1945 йиллардаги уруш ва меҳнат фронти фахрийларини (кейинги ўринларда уруш ва меҳнат фронти фахрийлари деб аталади) санаторий-соғломлаштириш муассасаларига (кейинги ўринларда санаторийлар деб аталади) юбориш тартибини, шунингдек уларни соғломлаштириш шарт-шароитларини, муддатларини ва давомийлигини, йўлланмалар қийматини Ўзбекистон Республикаси Давлат бюджети маблағлари ҳисобига тўлаш тартибини белгилайди.
2. Уруш ва меҳнат фронти фахрийлари ўзлари учун мақбул муддатларда йилига бир марта Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Ўзбекистон Касаба уюшмалари Федерацияси Кенгаши ҳамда давлат ва хўжалик бошқаруви органлари санаторийларида ўн икки кунлик соғломлаштириш курсидан текин ўтиш ҳуқуқига эга.
Кейинги таҳрирга қаранг.
Уруш ва меҳнат фронти фахрийларини соғломлаштириш амалга ошириладиган санаторийлар рўйхати Ўзбекистон Республикаси Соғлиқни сақлаш вазирлиги, Ўзбекистон Касаба уюшмалари Федерацияси Кенгаши ҳамда «Нуроний» жамғармаси томонидан белгиланади ва тасдиқлаш учун Ўзбекистон Республикаси Бош вазирининг биринчи ўринбосарига киритилади.
Кейинги таҳрирга қаранг.
3. 1-гуруҳ ногиронлиги бўлган уруш ва меҳнат фронти фахрийлари бир нафар кузатувчи шахс учун қўшимча текин йўлланма олиш ҳуқуқига эга.
Уруш ва меҳнат фронти фахрийларининг бошқа тоифалари ушбу санаторийда бўш ўрин мавжуд бўлган тақдирда кузатувчи шахс учун тўлов асосида қўшимча йўлланма олиш ҳуқуқига эга.
4. Уруш ва меҳнат фронти фахрийларини санаторийларда соғломлаштириш Ўзбекистон Республикаси Вазирлар Маҳкамаси томонидан тасдиқланадиган Йўлланмаларни тақсимлаш режасига мувофиқ амалга оширилади.
5. Ўзбекистон Касаба уюшмалари Федерацияси Кенгаши ҳамда давлат ва хўжалик бошқаруви органлари ўзларига қарашли санаторийларда, уруш ва меҳнат фронти фахрийларини соғломлаштириш учун ўринлар сони параметрларидан келиб чиққан ҳолда, ўринлар фонди (квотаси)нинг 15 фоизидан кам бўлмаган миқдорда жой ажратадилар.
II. Уруш ва меҳнат фронти фахрийларини соғломлаштириш йўналишларини аниқлаш
6. Молия вазирлиги ҳузуридаги Бюджетдан ташқари пенсия жамғармасининг туман (шаҳар) бўлимлари ҳар йили 1 сентябргача бўлган муддатда туман (шаҳар) тиббиёт бирлашмаларига уруш ва меҳнат фахрийлари рўйхатларини тақдим этадилар.
Кейинги таҳрирга қаранг.
7. Туман (шаҳар) тиббиёт бирлашмалари ҳар йили уруш ва меҳнат фахрийлари рўйхатлари олингандан кейин ўн кун муддатда рўйхатларни уруш ва меҳнат фахрийлари яшайдиган жойдаги тиббиёт муассасаларига етказадилар.
8. Тиббиёт муассасалари туман (шаҳар) тиббиёт бирлашмалари томонидан тақдим этилган уруш ва меҳнат фахрийлари рўйхатлари бўйича ҳар йили 15 октябргача бўлган муддатда уруш ва меҳнат фахрийларини мажбурий диспансеризациядан ўтказадилар, унинг натижаларига кўра санаторийда соғломлаштиришнинг зарур йўналиши аниқланади.
9. Уруш ва меҳнат фронти фахрийсини диспансеризациядан ўтказиш натижалари асосида унинг тиббий картасида санаторийда соғломлаштиришнинг зарур йўналиши ва зид кўрсатмалар (улар мавжуд бўлганда) кўрсатилган ҳолда тегишли ёзув қайд этилади.
10. Тиббий картадаги ёзув асосида тиббиёт муассасаси уруш ва меҳнат фронти фахрийсига белгиланган шаклдаги санаторий-курорт картаси расмийлаштирилади, ушбу карта расмийлаштирилган кундан бошлаб икки ой мобайнида амал қилади ва йўлланма олиш учун асос ҳисобланади.
Зарурият бўлганда, уруш ва меҳнат фронти фахрийсининг саломатлиги ўзгарган тақдирда санаторий-курорт картасига ўзгартиришлар киритилиши мумкин.
11. Тиббиёт муассасалари ҳар йили 20 октябргача бўлган муддатда диспансеризациядан ўтган уруш ва меҳнат фронти фахрийларининг рўйхатини соғломлаштиришнинг талаб қилинадиган йўналишини ва тавсия этилаётган муддатини кўрсатган ҳолда тузадилар, рўйхатни туман (шаҳар) бандликка кўмаклашиш ва аҳолини ижтимоий муҳофаза қилиш марказига тақдим этадилар.
Кейинги таҳрирга қаранг.
12. Тиббиёт муассасаси раҳбари уруш ва меҳнат фронти фахрийларини диспансеризациядан ўтказишнинг белгиланган муддатлари таъминланиши учун, шунингдек тиббиёт ва санаторий-курорт картасида соғломлаштиришнинг зарур йўналиши тўғрисидаги ёзувларнинг тўғрилиги ва уларнинг фахрийнинг саломатлиги ҳолатига мос келиши учун шахсан жавоб беради.
III. Йўлланмалар олиш учун мурожаат қилиш ва уларни олиш
13. Санаторийга йўлланма олиш учун уруш ва меҳнат фронти фахрийлари туман (шаҳар) бандликка кўмаклашиш ва аҳолини ижтимоий муҳофаза қилиш марказига қуйидаги ҳужжатларни тақдим этадилар:
Кейинги таҳрирга қаранг.
ушбу Низомга 1-иловага мувофиқ шакл бўйича ариза;
паспортининг нусхаси;
уруш фахрийси гувоҳномаси ёки 1941 — 1945 йилларда меҳнат фронтида қатнашганлик тўғрисидаги ҳужжат нусхаси;
соғломлаштиришнинг тавсия этилган йўналиши ва мавжуд зид кўрсатмалар ёзилган санаторий-курорт картаси.
Кузатувга муҳтож бўлган 1-гуруҳ уруш ногирони ўзини кузатиб бораётган шахс тўғрисидаги маълумотларни (паспортининг нусхаси ва ушбу шахс ногиронни амалда парвариш қилаётганлиги тўғрисида фуқароларнинг ўзини ўзи бошқариш органининг маълумотномасини) ҳам тақдим этади.
Кейинги таҳрирга қаранг.
Тақдим этилган ҳужжатлар ушбу Низомга 2-иловага мувофиқ шакл бўйича Аризаларни рўйхатдан ўтказиш дафтарида рўйхатдан ўтказилади.
Кейинги таҳрирга қаранг.
14. Туман (шаҳар) бандликка кўмаклашиш ва аҳолини ижтимоий муҳофаза қилиш марказлари ариза берган шахслар рўйхатини соғломлаштиришнинг зарур йўналишини ҳамда хоҳиш билдирилган муддатини кўрсатган ҳолда шакллантирадилар, ушбу рўйхатни «Нуроний» жамғармаси бўлинмаларида келишадилар ва 15 ноябргача бўлган муддатда Ногиронларни соғломлаштириш ва протезлаш миллий марказига йўлланмалар ажратиш тўғрисида буюртманома тақдим этадилар.
Кейинги таҳрирга қаранг.
15. Йўлланмалар тушганда туман (шаҳар) бандликка кўмаклашиш ва аҳолини ижтимоий муҳофаза қилиш маркази уч кун муддатда бу ҳақда уруш ва меҳнат фронти фахрийларини хабардор қилади ва соғломлаштириш учун йўлланмаларни расмийлаштиради.
Кейинги таҳрирга қаранг.
16. Тушган йўлланмаларни тегишли санаторийларга расмийлаштириш уруш ва меҳнат фронти фахрийсининг фамилияси, исми, отасининг исми, муҳр билан тасдиқланган йўлланмани берган муассаса номи кўрсатилган ҳолда туман (шаҳар) бандликка кўмаклашиш ва аҳолини ижтимоий муҳофаза қилиш маркази томонидан амалга оширилади.
Кейинги таҳрирга қаранг.
Туман (шаҳар) бандликка кўмаклашиш ва аҳолини ижтимоий муҳофаза қилиш маркази йўлланмаларнинг уруш ва меҳнат фронти фахрийларининг яшаш жойига етказилишини таъминлайдилар.
Кейинги таҳрирга қаранг.
Кейинги таҳрирга қаранг.
17. Йўлланма унда кўрсатилган муддатда ҳақиқий ҳисобланади.
Уруш ва меҳнат фронти фахрийси саломатлигининг ҳолатига ёки бошқа асосли сабабларга кўра йўлланмадан белгиланган муддатда фойдаланиш имкониятига эга бўлмаган тақдирда, йўлланмада кўрсатилган санаторийга келиш муддатидан камида 15 кундан кеч бўлмаган муддатда бу ҳақда, фахрийнинг истагини ҳисобга олган ҳолда, йўлланманинг амал қилиш муддатини кейинги чоракдан олдин бўлмаган муддатга кўчириш тўғрисида туман (шаҳар) бандликка кўмаклашиш ва аҳолини ижтимоий муҳофаза қилиш марказига хабар бериши шарт. Йўлланмада кўрсатилган муддатларни календарь йил мобайнида икки мартадан ортиқ кўчиришга йўл қўйилмайди. Бошқа ҳолларда ушбу йил учун йўлланма фойдаланилган ҳисобланади.
Кейинги таҳрирга қаранг.
18. Санаторийда соғломлаштиришдан ихтиёрий равишда воз кечилганда йўлланма навбатлилик тартибида бошқа уруш ва меҳнат фронти фахрийсига расмийлаштирилиши мумкин.
IV. Йўлланмаларни тақсимлаш ва ажратиш
19. Ҳар бир санаторий бўйича уруш ва меҳнат фронти фахрийларини соғломлаштириш учун ойларга тақсимлаган ва ажратилган ўринлар сони кўрсатилган ҳолда йўлланмаларни тақсимлаш режаси ҳар йили 1 декабргача бўлган муддатда Ногиронларни реабилитация қилиш ва протезлаш миллий маркази ва «Нуроний» жамғармаси томонидан ишлаб чиқилади ҳамда Ўзбекистон Республикаси Меҳнат ва аҳолини ижтимоий муҳофаза қилиш вазирлиги билан келишилгандан кейин Ўзбекистон Республикаси Бош вазирининг биринчи ўринбосари томонидан тасдиқлаш учун Ўзбекистон Республикаси Вазирлар Маҳкамасига юборилади.
Кейинги таҳрирга қаранг.
20. Йўлланмаларни тақсимлашнинг тасдиқланган режасига мувофиқ Ногиронларни реабилитация қилиш ва протезлаш миллий маркази, идоравий мансублигидан қатъи назар, келгуси календарь йил учун ўринлар ажратишнинг ойлар бўйича режасини санаторийларга етказади.
Кейинги таҳрирга қаранг.
21. Зарурат бўлганда, йил мобайнида Йўлланмаларни тақсимлаш асосли сабаблардан (тиббий кўрсаткичлар, уруш ва меҳнат фронти фахрийларининг рад этиши ва шу кабилардан) келиб чиққан ҳолда ўзгартиришлар киритилиши мумкин. Ўзгартиришлар Ногиронларни реабилитация қилиш ва протезлаш миллий маркази томонидан Ўзбекистон Республикаси Меҳнат ва аҳолини ижтимоий муҳофаза қилиш вазирлиги ҳамда «Нуроний» жамғармаси билан келишилган ҳолда киритилади.
Кейинги таҳрирга қаранг.
Ушбу ҳолатда Ногиронларни реабилитация қилиш ва протезлаш миллий маркази ҳар чорак охирги ойининг 25-санасигача бўлган муддатда келгуси чорак учун ўринлар ажратишнинг тузатишлар киритилган параметрларини санаторийларга етказади.
Кейинги таҳрирга қаранг.
22. Йўлланмаларни тақсимлашнинг тасдиқланган йиллик режасига мувофиқ Ногиронларни реабилитация қилиш ва протезлаш миллий маркази ҳар қайси йилнинг биринчи ўн кунлигидан кечикмай Ўзбекистон Касаба уюшмалари Федерацияси Кенгашининг Санаторий-курортлар бошқармаси, давлат ва хўжалик бошқаруви органларининг санаторийлари билан кейинги йил учун уруш ва меҳнат фронти фахрийларини соғломлаштириш юзасидан шартномалар тузади, уларда уруш ва меҳнат фронти фахрийлари учун бериладиган ўринлар сони ҳамда соғломлаштириш қиймати кўрсатилади.
Кейинги таҳрирга қаранг.
Уруш ва меҳнат фронти фахрийларини соғломлаштириш юзасидан шартномалар танлов савдолари ўтказилмасдан тузилади.
23. Йўлланмаларни тақсимлаш режасига ва санаторийлар билан тузилган шартномаларга мувофиқ санаторийлар уруш ва меҳнат фронти фахрийларини қабул қилишни таъминлайдилар.
24. Йўлланмаларни ажратиш Ногиронларни реабилитация қилиш ва протезлаш миллий маркази томонидан, туман (шаҳар) бандликка кўмаклашиш ва аҳолини ижтимоий муҳофаза қилиш марказлари шакллантирган буюртманомаларга мувофиқ амалга оширилади.
Кейинги таҳрирга қаранг.
Йўлланмалар уруш ва меҳнат фронти фахрийлари яшайдиган минтақада жойлашган санаторийларга ажратилади. Ушбу минтақада талаб қилинадиган соғломлаштириш йўналишидаги санаторий мавжуд бўлмаган тақдирда йўлланма соғломлаштиришнинг тегишли йўналишидаги энг яқин санаторийга ажратилади.
Кейинги таҳрирга қаранг.
Ажратилган йўлланмалар санаторийга етиб келишнинг белгиланган санасигача бир ойдан кеч бўлмаган муддатда бевосита уруш ва меҳнат фронти фахрийсига ёки унинг қонуний вакилига бериш учун туман (шаҳар) бандликка кўмаклашиш ва аҳолини ижтимоий муҳофаза қилиш марказига юборилади.
Кейинги таҳрирга қаранг.
Ногиронларни реабилитация қилиш ва протезлаш миллий маркази берилган йўлланмалар реестрини юритади.
Кейинги таҳрирга қаранг.
25. Уруш ва меҳнат фронти фахрийсига ажратилган йўлланма унинг санаторийда соғломлаштириш вақтига доир талабларига мувофиқ бўлмаган тақдирда бошқа санаторийга йўлланма ажратиш ёки соғломлаштириш муддатини кўчириш масаласи, унинг талабларини қондириш имконияти мавжудлигини ҳисобга олган ҳолда, якка тартибда ҳал этилади.
Ушбу масалаларни ҳал этиш ҳокимликнинг, «Нуроний» жамғармасининг, туман (шаҳар) тиббиёт бирлашмасининг вакили ҳамда туман (шаҳар) бандликка кўмаклашиш ва аҳолини ижтимоий муҳофаза қилиш маркази директори иштирокида Комиссия тузилади.
Кейинги таҳрирга қаранг.
26. Санаторийларнинг раҳбарлари тузилган шартномага мувофиқ ўринларнинг зарур миқдорда бўлишини таъминлаш юзасидан шахсан жавоб берадилар.
Санаторий уруш ва меҳнат фронти фахрийларини қабул қилишни ҳамда йўлланмада кўрсатилган муддатларда соғломлаштириш учун ўрин беришни рад этган тақдирда уруш ва меҳнат фронти фахрийси яқин жойдаги туман (шаҳар) бандликка кўмаклашиш ва аҳолини ижтимоий муҳофаза қилиш марказига дарҳол мурожаат қилади, марказ вакили мурожаат қилинган кундан бошлаб бир кундан кечикмай рад этишнинг ҳолатларини аниқлаш ва тегишли чоралар кўриш учун санаторийга боради.
Кейинги таҳрирга қаранг.
Кейинги таҳрирга қаранг.
V. Соғломлаштиришга ва йўлланмалар учун тўловларга харажатларни молиялаштириш
27. Ўзбекистон Касаба уюшмалари Федерацияси Кенгаши, давлат ва хўжалик бошқаруви органлари санаторийларида уруш ва меҳнат фронти фахрийларини соғломлаштиришга харажатларни молиялаштириш Ногиронларни соғломлаштириш ва протезлаш миллий маркази харажатларининг белгиланган тартибда рўйхатдан ўтказилган сметасида йўлланмалар учун тўловга ҳар йили мақсадли тартибда назарда тутиладиган бюджет маблағлари ҳисобига амалга оширилади.
Ўзбекистон Республикаси Меҳнат ва аҳолини ижтимоий муҳофаза қилиш вазирлиги санаторийларида уруш ва меҳнат фронти фахрийларини соғломлаштириш улар таъминоти учун ҳар йили назарда тутиладиган бюджет маблағлари доирасида амалга оширилади.
Кейинги таҳрирга қаранг.
Кейинги таҳрирга қаранг.
28. Санаторийларда бўлиш қийматини тўлаш учун календарь йилга харажатларнинг чекланган суткалик миқдори ҳар йили 1 октябргача бўлган муддатда, ушбу Низомнинг 2-бандига мувофиқ, Ўзбекистон Республикаси Вазирлар Маҳкамаси томонидан тасдиқланадиган рўйхатга киритилган санаторийларда соғломлаштиришга йўлланмаларнинг ўртача қийматидан келиб чиққан ҳолда, Ўзбекистон Республикаси Молия вазирлиги томонидан аниқланади.
Кейинги таҳрирга қаранг.
29. Ногиронларни соғломлаштириш ва протезлаш миллий маркази:
10 ноябргача бўлган муддатда — Ўзбекистон Касаба уюшмалари Федерацияси Кенгашининг Санаторий-курортлар бошқармасига, давлат ва хўжалик бошқаруви органлари санаторийларига келгуси календарь йил учун йўлланмаларнинг қиймати (харажатлар калькуляцияси билан) ҳамда ўринларнинг умумий сони, шу жумладан уруш ва меҳнат фронти фахрийларини соғломлаштириш учун ажратиладиган ўринлар сони тўғрисида таклифларни олиш учун сўровнома юборади;
1 ноябргача бўлган муддатда — олинган маълумотларни калькуляциянинг тўғрилигини текшириш ва ҳар бир санаторий бўйича у ерда бўлиш қийматини тўлашга харажатларнинг суткалик қийматини тасдиқлаш учун Ўзбекистон Республикаси Молия вазирлигига юборади;
Ўзбекистон Республикаси Молия вазирлиги томонидан ҳар бир санаторий бўйича белгиланган харажатларнинг суткалик миқдорини ҳисобга олган ҳолда Ўзбекистон Касаба уюшмалари Федерацияси Кенгашининг Санаторий-курортлар бошқармаси ҳамда давлат ва хўжалик бошқаруви органлари санаторийлари билан шартнома тузади;
молия йили бошида — қонун ҳужжатларида назарда тутилган тартибда мазкур календарь йил учун тузилган шартномалар суммасининг кўпи билан 15 фоизи миқдорида олдиндан тўловни амалга оширади.
Кейинги таҳрирга қаранг.
30. Уруш ва меҳнат фронти фахрийлари соғломлаштирилган Ўзбекистон Касаба уюшмалари Федерацияси Кенгашининг Санаторий-курортлар бошқармаси, давлат ва хўжалик бошқаруви органлари санаторийлари ҳар ойда Ногиронларни соғломлаштириш ва протезлаш миллий марказига улар асосида амалда фойдаланилган йўлланмалардан (амалда фойдаланилган кунлар сонидан қатъи назар) келиб чиқиб, тўланган авансни ҳисобга олган ҳолда узил-кесил ҳисоб-китоблар амалга ошириладиган бажарилган ишлар далолатномаларини ва ўзаро ҳисоб-китобларни таққослаш далолатномаларини тақдим этадилар.
Кейинги таҳрирга қаранг.
VI. Санаторийларда яшаш ва соғломлаштириш шартлари
31. Йўлланмадан фақат унда кўрсатилган шахс фойдаланиши мумкин. Йўлланманинг бошқа шахсга берилишига йўл қўйилмайди.
32. Санаторийга келган уруш ва меҳнат фронти фахрийларида паспорти, соғлиқни сақлаш муассасаси томонидан берилган санаторий-курорт картаси (тиббий хулоса) ва йўлланма бўлиши керак.
Кейинги таҳрирга қаранг.
33. Уруш ва меҳнат фронти фахрийлари стандарт тартиб рақамлари билан таъминланадилар. Уруш ва меҳнат фахрийларини кузатиб келувчи шахсларга, қоидага кўра, фахрий жойлашган палатада жой берилади.
34. Уруш ва меҳнат фронти фахрийлари санаторийнинг даволовчи шифокори тайинлаган барча зарур тиббий муолажалар билан биринчи навбатда таъминланадилар.
35. Уруш ва меҳнат фронти фахрийсининг санаторийда бўлиши тугагач муассаса раҳбари Ногиронларни соғломлаштириш ва протезлаш миллий марказига йўлланманинг қайтиш (йиртма) талонини жўнатади, унда уруш ва меҳнат фронти фахрийсининг ушбу санаторийда ҳақиқатда бўлган даври кўрсатилади.
Кейинги таҳрирга қаранг.
36. Ажратиладиган ўринларнинг талаб қилинган миқдорда бўлишини, санаторийларда уруш ва меҳнат фронти фахрийлари учун соғломлаштиришнинг зарур даражадаги сифатини ва қулай шарт-шароитларни таъминлаш мақсадида Ўзбекистон Республикаси Соғлиқни сақлаш вазирлиги «Нуроний» жамғармаси билан биргаликда ҳар йили камида бир марта санаторийларни ажратилган ўринлари сонининг ва сифат параметрларининг уруш ва меҳнат фронти фахрийларини соғломлаштириш бўйича белгиланган талабларга мувофиқлиги юзасидан текширувни амалга оширади, бунда уларнинг геронтологик хусусиятларини ҳисобга олади ва Ўзбекистон Республикаси Молия вазирлигига ҳамда Меҳнат ва аҳолини ижтимоий муҳофаза қилиш вазирлигига тегишли хулосани тақдим этади.
Кейинги таҳрирга қаранг.
VII. Якунловчи қоидалар
37. Санаторийлар томонидан уруш ва меҳнат фронти фахрийларини соғломлаштириш учун жойларнинг Йўлланмаларни тақсимлашнинг тасдиқланган режасига мувофиқ ажратилганлиги юзасидан жавобгарлик Ўзбекистон Касаба уюшмалари Федерацияси Кенгаши ҳамда ушбу санаторийлар ўзларининг тасарруфида бўлган давлат ва хўжалик бошқаруви органлари раҳбарларига юкланади.
Кейинги таҳрирга қаранг.
38. Йўлланмалар босмахона усулида босилган, тартиб рақамига эга бўлган махсус бланкаларда тайёрланади, Ногиронларни соғломлаштириш ва протезлаш миллий марказининг «1941 — 1945 йиллардаги уруш ва меҳнат фронти фахрийлари учун йўлланма» сўзлари ёзилган тегишли штампи билан тасдиқланади ҳамда қайтиш (йиртма) талонига эга бўлади.
Кейинги таҳрирга қаранг.
39. Уруш ва меҳнат фронти фахрийларига берилган ва улар томонидан фойдаланилган йўлланмалар ҳисоби туман (шаҳар) бандликка кўмаклашиш ва аҳолини ижтимоий муҳофаза қилиш марказлари томонидан юритилади.
Кейинги таҳрирга қаранг.
40. Туман (шаҳар) бандликка кўмаклашиш ва аҳолини ижтимоий муҳофаза қилиш марказлари йўлланмаларнинг ўз вақтида ва мақсадли берилишини, шунингдек уларни беришда навбатлиликка риоя этилишини таъминлайдилар.
Кейинги таҳрирга қаранг.
41. Ушбу Низомга риоя этилишини назорат қилиш Ўзбекистон Республикаси Молия вазирлигига, Соғлиқни сақлаш вазирлигига, Меҳнат ва аҳолини ижтимоий муҳофаза қилиш вазирлигига ҳамда «Нуроний» жамғармасига юкланади.
Кейинги таҳрирга қаранг.
1941 — 1945 йиллардаги уруш ва меҳнат фронти фахрийларини Ўзбекистон Республикаси Меҳнат ва аҳолини ижтимоий муҳофаза қилиш вазирлигига, Ўзбекистон Касаба уюшмалари Федерацияси Кенгашига ҳамда давлат ва хўжалик бошқаруви органларига қарашли санатория-соғломлаштириш муассасаларида соғломлаштириш тартиби тўғрисидаги низомга
1-ИЛОВА
‎ ‎

‎‎___________________ туман (шаҳар)
‎ Бандликка кўмаклашиш ва аҳолини
‎ижтимоий муҳофаза қилиш маркази
‎ директорига

‎ ‎

‎‎___________________________________
‎ ____________________ манзилида яшовчи
‎ ________________________________дан
‎ (ариза берувчининг Ф.И.О.)
‎ ___________________________________

‎ ‎ ‎ ‎ ‎

‎‎АРИЗА

‎ ‎ ‎ ‎ ‎

‎‎Менга ______ йил _____________ ойига _______________________ санаторийсига

‎ ‎

(санаторий номи)

‎

‎‎йўлланма ажратишингизни сўрайман.
‎Аризага қуйидагиларни илова қиламан:
‎паспорт нусхаси;
‎уруш фахрийси гувоҳномасининг/1941 — 1945 йилларда меҳнат фронтида қатнашганлик тўғрисидаги ҳужжатнинг нусхаси; ‎
‎соғломлаштиришнинг тавсия этилган йўналиши кўрсатилган санаторий-курорт картаси;
‎бошқа ҳужжатлар: _________________________________________________________

‎ ‎ ‎ ‎ ‎
‎‎‎‎Мурожаат қилувчининг имзоси:

‎‎___________________

 ‎
‎ ‎ ‎ ‎ ‎
‎‎Сана: 20___ йил «___» _______________ ‎ ‎
‎ ‎

‎‎
‎‎Аризани рўйхатдан ўтказувчи
‎
‎__________________________________________
‎‎(Аризани қабул қилган шахснинг Ф.И.О., лавозими)
‎
‎Сана: 20__ йил «___» _____________

Кейинги таҳрирга қаранг.
1941 — 1945 йиллардаги уруш ва меҳнат фронти фахрийларини Ўзбекистон Республикаси Меҳнат ва аҳолини ижтимоий муҳофаза қилиш вазирлигига, Ўзбекистон Касаба уюшмалари Федерацияси Кенгашига ҳамда давлат ва хўжалик бошқаруви органларига қарашли санаторий-соғломлаштириш муассасаларида соғломлаштириш тартиби тўғрисидаги низомга
 2-ИЛОВА
Кейинги таҳрирга қаранг.
Аризаларни рўйхатдан ўтказиш
ДАФТАРИ

Т/р

Ф.И.О.

Уруш ва меҳнат фронти фахрийси-нинг тоифаси

Доимий яшаш жойи

Тиббий маълумот-номанинг тартиб рақами ва санаси, шунингдек тиббий маълумотномани берган муассасанинг номи

Тиббий маълумотномада кўрсатилган санаторийнинг номи

Санаторийнинг номи, тартиб рақами, санаси, йўлланманинг муддати

Йўлланмани берган масъул ходимнинг имзоси ва Ф.И.О.

Йўлланмани олган уруш ва меҳнат фронти фахрийсининг имзоси

Санаторийга келиш куни

Санаторийдан кетиш куни




Вазирлар Маҳкамасининг 2014 йил 24 декабрдаги 361-сон қарорига
2-ИЛОВА
1941 — 1945 йиллардаги уруш ва меҳнат фронти фахрийларини Меҳнат ва аҳолини ижтимоий муҳофаза қилиш вазирлиги, Ўзбекистон Касаба уюшмалари Федерацияси Кенгаши ҳамда давлат ва хўжалик бошқаруви органларининг санаторий-соғломлаштириш муассасаларида соғломлаштиришга доир тадбирларни амалга ошириш
СХЕМАСИ
Кейинги таҳрирга қаранг.
Кейинги таҳрирга қаранг.
Вазирлар Маҳкамасининг 2014 йил 24 декабрдаги 361-сон қарорига
3-ИЛОВА
Вазирлар Маҳкамасининг «Ногиронларни соғломлаштириш ва протезлаш миллий марказини ташкил этиш тўғрисида» 2006 йил 17 майдаги 89-сон қарорига киритилаётган қўшимчалар ва ўзгартиришлар
1. 2-бандга қуйидаги мазмундаги хатбоши қўшилсин:
«санаторий-соғломлаштириш муассасалари билан биргаликда 1941 — 1945 йиллардаги уруш ва меҳнат фронти фахрийларини соғломлаштириш чора-тадбирларини ишлаб чиқиш ва амалга ошириш».
2. 4-бандга қуйидаги мазмундаги тўртинчи хатбоши қўшилсин:
«1941 — 1945 йиллардаги уруш ва меҳнат фронти фахрийларини Меҳнат ва аҳолини ижтимоий муҳофаза қилиш вазирлигига, Ўзбекистон Касаба уюшмалари Федерацияси Кенгашига ҳамда давлат ва хўжалик бошқаруви органларига қарашли санаторий-соғломлаштириш муассасаларида соғломлаштириш соҳасидаги фаолиятни ташкил қилади ва мувофиқлаштиради»;
тўртинчи хатбоши бешинчи хатбоши деб ҳисоблансин.
3. 1-илова матни қуйидаги таҳрирда баён қилинсин:
«Ногиронларни соғломлаштириш ва протезлаш миллий марказининг
ТУЗИЛМАСИ
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2014 й.,52 (I)-сон, 642-модда; 2015 й., 24-сон, 314-модда; 2017 й., 15-сон, 249-модда; Қонун ҳужжатлари маълумотлари миллий базаси, 04.10.2018 й., 09/18/789/1993-сон; Қонунчилик маълумотлари миллий базаси, 08.02.2022 й., 09/22/62/0111-сон; 05.04.2022 й., 09/22/153/0266-сон; 10.08.2022 й., 09/22/438/0726-сон; 18.12.2023 й., 09/23/665/0942-сон; 30.10.2024 й., 09/24/714/0865-сон; 05.02.2026 й., 09/26/40/0112-сон)