|
Ҳужжат кучини йўқотган " " 01.08.2018
|
Ҳужжат 02.12.2003 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Ўзбекистон Республикаси Давлат архитектура ва қурилиш қўмитаси фаолиятини такомиллаштириш чора-тадбирлари тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2018 йил 31 июлдаги 603-сонли «Ўзбекистон Республикаси Қурилиш вазирлиги, унинг таркибий бўлинмалари, шунингдек, Республика ва ҳудудий архитектура-шаҳарсозлик кенгашлари тўғрисидаги низомларни тасдиқлаш ҳақида»ги қарорига асосан ўз кучини йўқотган.
Ўзбекистон Республикаси Президентининг «Капитал қурилишда иқтисодий ислоҳотларни янада чуқурлаштиришнинг асосий йўналишлари тўғрисида» 2003 йил 6 майдаги ПФ-3240-сон Фармонини бажариш юзасидан ҳамда Ўзбекистон Республикаси Давлат архитектура ва қурилиш қўмитаси фаолиятини такомиллаштириш, капитал қурилишда иқтисодий ислоҳотларни янада чуқурлаштириш масалаларида унинг масъулиятини ошириш мақсадида Вазирлар Маҳкамаси қарор қилади:
1. Қуйидагилар Ўзбекистон Республикаси Давлат архитектура ва қурилиш қўмитасининг муҳим вазифалари ҳисоблансин:
шаҳарсозлик ва шаҳарсозлик фаолияти соҳасида давлат сиёсатини ўтказиш, лойиҳалаштириш ва қурилиш-монтаж ишлари сифати, шаҳар ва қишлоқ аҳоли яшаш пунктларини режалаштириш ва қуришда шаҳарсозликка оид қонун ҳужжатлари, шаҳарсозлик нормалари, қоидалари ва стандартларига риоя этилиши устидан назоратни амалга ошириш;
капитал қурилишда ислоҳотларнинг боришини мувофиқлаштириш ва унинг мониторингини олиб бориш, танлов савдоларини ташкил этиш ва ўтказишнинг белгиланган тартибига риоя этилишини назорат қилиш, шартнома муносабатларининг ролини ошириш, қурилишда нархларни шакллантириш тизимини такомиллаштириш юзасидан таклифлар ишлаб чиқиш;
лойиҳалаштириш ва пудрат ишлари, қурилиш материаллари бозорларида рақобат муҳитини шакллантириш, қурилишнинг бозор инфратузилмасини янада ривожлантиришга кўмаклашиш;
капитал қурилишда иқтисодий ислоҳотларнинг боришини акс эттирувчи кўрсаткичлар тизимини ишлаб чиқиш ва жорий этиш;
танлов савдолари натижаларига кўра тузилган шартномалар мажбуриятлари бажарилишининг мониторингини олиб бориш, объектларни қуриш сифати ва муддатларини назорат қилиш.
Кейинги таҳрирга қаранг.
2. Қуйидагилар:
Ўзбекистон Республикаси Давлат архитектура ва қурилиш қўмитасининг ташкилий тузилмаси ҳамда ходимларининг чекланган умумий сони 96 нафар, шу жумладан бошқарув ходимларининг сони 85 нафар бўлган марказий аппарати тузилмаси 1 ва 2-иловаларга мувофиқ;
ҳудудий архитектура ва қурилиш бош бошқармасининг намунавий тузилмаси 3-иловага мувофиқ;
Кейинги таҳрирга қаранг.
Ўзбекистон Республикаси Давлат архитектура ва қурилиш қўмитаси тўғрисидаги низом 4-иловага мувофиқ тасдиқлансин.
Кейинги таҳрирга қаранг.
3. Ўзбекистон Республикаси Давлат архитектура ва қурилиш қўмитаси раисига ходимларнинг чекланган сони доирасида раиснинг уч нафар, шу жумладан бир нафар биринчи ўринбосари ҳамда 9 кишидан иборат ҳайъат бўлишига рухсат берилсин.
Кейинги таҳрирга қаранг.
Ўзбекистон Республикаси Давлат архитектура ва қурилиш қўмитаси раисига ходимларнинг чекланган сони ва меҳнатга ҳақ тўлаш фонди доирасида Қўмита марказий аппаратининг тасдиқланган тузилмасига ўзгартириш киритиш ҳуқуқи берилсин.
4. Ўзбекистон Республикаси Иқтисодиёт вазирлиги, Молия вазирлиги ҳамда Давлат архитектура ва қурилиш қўмитасининг мазкур Қўмита таркибида:
Иқтисодиёт ва қурилишни ташкил этиш, янги технологиялар илмий-тадқиқот институти негизида Капитал қурилишда иқтисодий ислоҳотлар ва нархларни шакллантириш марказини ташкил этиш;
Пудрат савдоларини (тендерларни) ташкил этиш республика бошқармаси ҳамда Ўзбекистон Республикаси Давлат архитектура ва қурилиш қўмитаси Давлат идорадан ташқари экспертиза бош бошқармасининг капитал қурилишда нархларни шакллантириш минтақавий марказлари негизида Қурилишда танлов савдолари ва нархларни шакллантириш ҳудудий консалтинг марказлари ташкил этиш;
Давлат архитектура-қурилиш назорати бош бошқармасининг Стандартлаштириш ва сертификатлаш бошқармаси негизида хўжалик ҳисобидаги Қурилишда стандартлаштириш ва сертификатлаш республика марказини ташкил этиш тўғрисидаги таклифига розилик берилсин.
Ўзбекистон Республикаси Давлат архитектура ва қурилиш қўмитаси бир ой муддатда Капитал қурилишда иқтисодий ислоҳотлар ва нархларни шакллантириш маркази ҳамда Қурилишда стандартлаштириш ва сертификатлаш республика марказининг тузилмасини ва Марказлар тўғрисидаги низомларни тасдиқласин.
5. Давлат экспертизаси ҳудудий бошқармалари, давлат архитектура-қурилиш назорати инспекциялари, Қурилишда танлов савдолари ва нархларни шакллантириш ҳудудий консалтинг марказларининг намунавий тузилмалари шунингдек улар тўғрисидаги намунавий низомлар 5, 5а, 5б, 6, 6а, 6б-иловаларга мувофиқ маъқуллансин.
Кейинги таҳрирга қаранг.
6. Белгилаб қўйилсинки, Ўзбекистон Республикаси Давлат архитектура ва қурилиш қўмитаси фаолиятини жорий молиялаштириш давлат бюджети маблағлари ва бюджетдан ташқари манбалар, шу жумладан давлат экспертизаси ҳудудий бошқармалари, давлат архитектура-қурилиш назорати инспекциялари ҳамда Қурилишда танлов савдолари ва нархларни шакллантириш ҳудудий консалтинг марказлари даромадларидан 10 фоиз ажратмалар ҳисобига амалга оширилади.
Кейинги таҳрирга қаранг.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Давлат архитектура ва қурилиш қўмитаси билан биргаликда Қурилишда танлов савдолари ва нархларни шакллантириш ҳудудий консалтинг марказларини юкланган вазифаларни бажариш, шу жумладан нархларни шакллантириш масалалари бўйича керакли материаллар ва ахборотлар тақдим этиш учун зарур шарт-шароитлар билан таъминласинлар
8. Инвестиция лойиҳаларининг ҳужжатларини ишлаб чиқиш, экспертизадан ўтказиш ва тасдиқлаш тартиби тўғрисидаги Низом 7-иловага мувофиқ тасдиқлансин.
Кейинги таҳрирга қаранг.
9. Ўзбекистон Республикаси Ҳукуматининг 8-иловага мувофиқ қарорлари ўз кучини йўқотган деб ҳисоблансин.
10. Вазирликлар ва идоралар бир ой муддатда идоравий норматив-ҳуқуқий ҳужжатларга мазкур қарордан келиб чиқувчи ўзгартириш ва қўшимчалар киритсинлар.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2003 йил 2 декабрь,
538-сон
Ўзбекистон Республикаси Давлат архитектура ва қурилиш қўмитасининг
ташкилий тузилмаси
Кейинги таҳрирга қаранг.
Кейинги таҳрирга қаранг.
Кейинги таҳрирга қаранг.
Ўзбекистон Республикаси Давлат архитектура ва қурилиш қўмитаси марказий аппаратининг
тузилмаси
LexUZ шарҳиЎзбекистон Республикаси Президентининг 2008 йил 10 январдаги ПҚ-771-сонли «Ўзбекистон Республикаси Давлат архитектура ва қурилиш қўмитаси марказий аппарати тузилмасига ўзгартишлар киритиш тўғрисида»ги Қарори билан Ўзбекистон Республикаси Давлат архитектура ва қурилиш қўмитаси марказий аппаратининг янги тузилмаси тасдиқланган.
Кейинги таҳрирга қаранг.
Ҳудудий архитектура ва қурилиш бош бошқармасининг
намунавий тузилмаси
Кейинги таҳрирга қаранг.
Кейинги таҳрирга қаранг.
Ўзбекистон Республикаси Давлат архитектура ва қурилиш қўмитаси тўғрисида
НИЗОМ
I. Умумий қоидалар
1. Мазкур Низом Ўзбекистон Республикаси Давлат архитектура ва қурилиш қўмитаси (кейинги ўринларда матнда «Давархитектқурилиш» қўмитаси деб юритилади)нинг мақоми, вазифалари, функциялари, ваколатлари ва фаолиятининг ташкилий асосларини белгилайди.
2. «Давархитектқурилиш» қўмитаси:
шаҳарсозлик ва шаҳарсозлик фаолияти соҳасида давлат сиёсатини амалга оширувчи ваколатли давлат органи ҳисобланади;
ўз фаолиятини давлат бошқаруви бошқа органлари ва жойлардаги давлат ҳокимияти органлари билан ўзаро ҳамкорликда амалга оширади;
ўз фаолиятида Ўзбекистон Республикаси Вазирлар Маҳкамасига ҳисоб беради.
3. «Давархитектқурилиш» қўмитаси ўз фаолиятида Ўзбекистон Республикаси Конституциясига ва Ўзбекистон Республикаси қонунларига, Олий Мажлис қарорларига, Ўзбекистон Республикаси Президентининг фармонлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонун ҳужжатларига ҳамда мазкур Низомга амал қилади.
4. «Давархитектқурилиш» қўмитасининг ўз ваколатлари доирасида қабул қилган қарорлари вазирликлар, идоралар, маҳаллий ҳокимият ва бошқарув органлари, муассасалар ва ташкилотлар, мулкчилик шаклларидан қатъи назар, хўжалик юритувчи субъектлар ва уларнинг бирлашмалари, мансабдор шахслар ва фуқаролар томонидан бажарилиши мажбурий ҳисобланади.
5. «Давархитектқурилиш» қўмитаси юридик шахс ҳисобланади, Ўзбекистон Республикасининг Давлат герби тасвири туширилган ва ўз номи ёзилган муҳрга, мустақил балансга, банкда ҳисоб рақамларига эга бўлади.
II. «Давархитектқурилиш» қўмитасининг асосий вазифалари
6. Қуйидагилар «Давархитектқурилиш» қўмитасининг асосий вазифалари ҳисобланади:
шаҳарсозлик ва шаҳарсозлик фаолияти соҳасида давлат сиёсатини амалга ошириш, замонавий архитектура ва шаҳарсозлик талаблари технологияларини ҳисобга олган ҳолда ҳудудларни жойлаштириш, режалаштириш ва қуришнинг илмий асосланган схемаларини таъминлаш;
лойиҳалаштириш ва қурилиш-монтаж ишлари сифати, шаҳар ва қишлоқ аҳоли яшаш пунктларини режалаштириш ва қуришда шаҳарсозликка оид қонун ҳужжатлари, шаҳарсозлик нормалари, қоидалари ва стандартларига риоя этилиши устидан назоратни амалга ошириш;
шаҳарсозлик фаолияти соҳасида ягона илмий ва техника сиёсатини амалга ошириш, тегишли ахборот базасини яратиш;
капитал қурилишда ислоҳотларнинг боришини мувофиқлаштириш ва унинг мониторингини олиб бориш, капитал қурилишда иқтисодий ислоҳотларнинг боришини акс эттирувчи кўрсаткичлар тизимини ишлаб чиқиш ва жорий этиш, капитал қурилишда ислоҳотларни чуқурлаштириш бўйича таклифлар тайёрлаш ва Вазирлар Маҳкамасига киритиш;
капитал қурилишни янада ислоҳ қилиш масалаларини тартибга солувчи норматив-ҳуқуқий ҳужжатларни ишлаб чиқиш ва уларнинг мониторингини олиб бориш, танлов савдоларини ташкил этиш ва ўтказишнинг белгиланган тартибига риоя этилишини назорат қилиш, шартнома муносабатларининг ролини ошириш, қурилишда нархларни шакллантириш тизимини такомиллаштириш юзасидан таклифлар ишлаб чиқиш;
лойиҳалаштириш ва пудрат ишлари, қурилиш материаллари бозорларида рақобат муҳитини янада шакллантиришга кўмаклашиш;
хусусийлаштириш жараёнларини чуқурлаштиришда, хусусий ва қўшма корхоналар, инжиниринг, консалтинг, суғурта ташкилотлари ва бозор инфратузилмасининг бошқа ташкилотларини ташкил этишда, шаҳарсозлик фаолияти соҳасида кичик ва ўрта бизнесни ривожлантиришда кўмаклашиш;
танлов савдолари натижалари бўйича тузилган шартномалар мажбуриятлари бажарилиши мониторингини олиб бориш, объектлар қурилиши сифати ва муддатлари устидан назорат қилиш, марказлаштирилган манбалар ҳисобига молиялаштирилаётган объектларни қуриш сифати ва муддатларини назорат қилиш;
қурилиш ва қурилиш материаллари, буюмлар ва конструкциялар ишлаб чиқариш соҳасида стандартлаштириш тартибини белгилаш ва у бўйича ишларни ташкил этиш, лойиҳалаштириш ва конструкциялаш ҳам шу жумлага киради;
шаҳарлар, қишлоқ аҳоли яшаш пунктлари ва қишлоқлар орасидаги ҳудудларни режалаштириш ва қуришда шаҳарсозлик нормалари, қоидалари ва стандартларига риоя қилиниши, маданий мерос объектлари сақлаб қолинишини ҳисобга олган ҳолда уларнинг архитектура-режалаштирилиши ва архитектура-бадиий сифатларини яхшилаш, архитектура ва шаҳарсозликда миллий ва маданий анъаналарни ривожлантириш устидан назорат қилиш.
III. «Давархитектқурилиш» қўмитасининг асосий функциялари
7. «Давархитектқурилиш» қўмитаси ўзига юкланган вазифаларга мувофиқ қуйидаги функцияларни амалга оширади:
шаҳарсозлик ва шаҳарсозлик фаолияти соҳасида давлат шаҳарсозлик нормалари ва қоидалари, бошқа қонун ҳужжатлари ишлаб чиқилиши ва тасдиқланишини таъминлайди, уларга риоя этилиши ва уларнинг қўлланиши устидан мониторингни амалга оширади;
ўз ваколатига кирувчи масалалар бўйича республика мақсадли дастурлари, ижтимоий-иқтисодий ривожлантириш прогнозларининг шаҳарсозлик бўлимларини ишлаб чиқиш ва амалга оширишда қатнашади;
Ўзбекистон Республикаси ҳудудида аҳоли жойлашишининг Бош схемаси ишлаб чиқилишини, Қорақалпоғистон Республикаси, вилоятлар (вилоятлар гуруҳлари) ҳудудларини режалаштириш схемалари ва умумдавлат аҳамиятига эга бўлган алоҳида тартибга солинадиган шаҳарсозлик объектларининг шаҳарсозлик ҳужжатлари, шунингдек шаҳарсозлик фаолияти соҳасида илмий-тадқиқот ишлари ишлаб чиқилиши ташкил этилишини таъминлайди;
шаҳарлар, шаҳар посёлкаларининг бош режаларини тасдиқлайди, тасдиқланиши Ўзбекистон Республикаси Вазирлар Маҳкамасининг ваколатига тегишли бўлган шаҳарларнинг бош режалари бундан мустасно, ва Тошкент шаҳрининг, вилоят марказларини ва маданий мерос объекти аҳамиятига эга бўлган шаҳарларнинг марказий қисмларини батафсил режалаштириш лойиҳаларини тасдиқлайди;
Ўзбекистон Республикаси Вазирлар Маҳкамасига умумдавлат аҳамиятига эга бўлган алоҳида тартибга солинадиган шаҳарсозлик фаолияти объектлари учун чегараларни белгилаш тўғрисида таклифлар киритади;
давлат шаҳарсозлик кадастри, шаҳарсозлик фаолияти объектлари мониторинги юритилишини амалга оширади, шаҳарсозлик ва танлов ҳужжатларини экспертизадан ўтказади;
капитал қурилишда иқтисодий ислоҳотларнинг бориши ва унинг аҳволини, лойиҳалаштириш ва қурилиш ташкилотларини, қурилиш индустрияси корхоналарини рейтинг баҳоларини акс эттирувчи кўрсаткичлар тизимини жорий этади;
лойиҳалаш ва пудрат ташкилотлари, қурилиш индустрияси корхоналари ва инвестиция фаолиятининг бошқа қатнашчилари тўғрисидаги маълумотлар банкини, шунингдек қурилиш материаллари, конструкциялари ва буюмлари нархлари, қурилиш машиналари ва механизмлари қиймати, транспорт харажатлари, ҳудудлар, тармоқ вазирликлари ва идоралари бўйича қурувчи ишчилар иш ҳақи тўғрисидаги маълумотларнинг ахборот банкини шакллантиради;
Кейинги таҳрирга қаранг.
шаҳарсозлик ва шаҳарсозлик фаолияти соҳасида давлат нормалари ва қоидалари ишлаб чиқилиши, рўйхатдан ўтказилиши, тасдиқланиши, амалга жорий этилиши ва қайта кўриб чиқилиши тартибини белгилайди;
муҳандислик изланишлари соҳасида ягона техника сиёсатини амалга оширади, капитал қурилиш учун комплекс муҳандислик изланишларининг давлат фондини яратади;
турар жой, жамоат бинолари ва бошқа биноларнинг кўп марталаб қўлланиладиган якка тартибдаги, намунавий ва тажриба лойиҳаларини ишлаб чиқади ва тасдиқлайди;
лойиҳалаштириш ва қурилиш-монтаж ишлари сифатига, шаҳарсозлик ва шаҳарсозлик фаолиятида шаҳарсозлик нормалари, қоидалари ва стандартларига риоя этилиши устидан давлат архитектура-қурилиш назоратини амалга оширади, қурилиш объектлари рўйхатдан ўтказади ва қурилиш-монтаж ишларини бошлашга рухсатномалар беради;
Кейинги таҳрирга қаранг.
шаҳарсозлик ва шаҳарсозлик фаолияти соҳасида қоида бузилишлари учун қонун ҳужжатларида назарда тутилган молиявий ва бошқа жазоларни белгиланган тартибда қўллайди, қонун ҳужжатларида назарда тутилган ҳолларда материалларни йўл қўйилган қоида бузишларда айбдор бўлган юридик ва мансабдор шахсларни жавобгарликка тортиш учун ҳуқуқни муҳофаза қилиш органларига беради;
Кейинги таҳрирга қаранг.
капитал қурилишда давлат харидлари тизимини такомиллаштириш ишларини ва танлов савдолари мониторингини, шартнома муносабатларини мустаҳкамлаш, шартнома мажбуриятлари бажарилиши таъминланиши учун жавобгарликнинг турли шаклларини жорий этиш бўйича ишларни ташкил этади;
қурилиш қийматини аниқлаш методларини ишлаб чиқади, моддий-техника ресурслари сарфининг смета-норматив базасини ва норматив кўрсаткичларини ишлаб чиқиш ва такомиллаштиришни ташкил этади;
капитал қурилишда шартномавий жорий нархлар ва тарифларни шакллантириш бўйича методологик кўрсатмалар ва тавсияларни ишлаб чиқади;
манфаатдор вазирликлар, идоралар, маҳаллий давлат ҳокимияти ва бошқаруви органлари билан биргаликда шаҳарсозлик ва шаҳарсозлик фаолиятида таркибий, илмий-техник ва иқтисодий сиёсатининг асосий йўналишларини белгилайди;
тармоқни ривожлантиришнинг ягона илмий-техник концепцияси ўтказилишини таъминлайди ва мақсадли илмий-техник дастурларни амалга оширади;
қурилишнинг техник даражаси ва индустриялаштирилишини ошириш, комплекс механизациялаш ва автоматлаштириш, ресурсларни тежаш, материаллар ва меҳнат сарфини камайтириш, қурилиш материалларини лойиҳалаштириш ва ишлаб чиқариш, капитал қурилишда ишларнинг сифатини яхшилаш ишларини ташкил этишда қатнашади;
шаҳарсозлик фаолияти, инвестиция жараёнини бошқариш, шаҳарсозлик ҳужжатларини ишлаб чиқиш, пудрат ишлари ва қурилиш материаллари бозорини такомиллаштириш, янги техникани ва қурилиш-монтаж ишлари технологияларини қўллаш масалалари бўйича хорижий мамлакатлар ва ташкилотлар билан халқаро илмий-техник ва иқтисодий ҳамкорликни амалга оширади ва уларда қатнашади, мамлакатимиз корхоналари ва ташкилотларига хорижий шериклар билан тўғридан-тўғри алоқалар ўрнатишда кўмаклашади;
ўз ваколатлари доирасида шаҳарсозлик ва шаҳарсозлик фаолияти соҳасида мутахассислар тайёрлаш ва уларни қайта тайёрлашни ташкил этади;
Вазирлар Маҳкамасининг қурилиш соҳасида лицензиялаш комиссиясининг ишчи органи функциясини бажаради, унинг қарорларига кўра лицензияларни расмийлаштиради, лицензия битимлари тузади, лицензиялар реестрини юритади, лицензиатлар томонидан лицензия талаблари ва шартларига риоя этилиши устидан назоратни амалга оширади, лицензияларнинг амал қилишини тўхтатиб туради ва тиклайди;
Кейинги таҳрирга қаранг.
қурилиш материаллари, буюмлар ва конструкцияларни стандартлаштириш ва сертификатлашни амалга оширади;
ҳар йили 1 февралгача Вазирлар Маҳкамасига капитал қурилишда иқтисодий ислоҳотларнинг бориши ҳамда қурилиш маҳсулотлари қийматига таъсир қилувчи нарх шакллантирувчи омилларнинг ҳолати тўғрисидаги таҳлилий маълумотномаларни тақдим этади, унда марказлаштирилган манбалар ҳисобига молиялаштирилаётган объектлар қурилишига харажатлар моддалар бўйича кўрсатилади;
аҳолини шаҳарсозлик фаолияти тўғрисида мунтазам равишда хабардор қилиб боради;
қонун ҳужжатларига мувофиқ бошқа ваколатларни амалга оширади.
IV. «Давархитектқурилиш» қўмитасининг ҳуқуқлари ва жавобгарлиги
8. «Давархитектқурилиш» қўмитасига ўзига юкланган функцияларни амалга ошириши учун қуйидаги ҳуқуқлар берилади:
ўз ваколатлари доирасида шаҳарсозлик ва шаҳарсозлик фаолияти соҳасида капитал қурилишдаги иқтисодий ислоҳотларни янада чуқурлаштириш масалалари ишлаб чиқилишини мувофиқлаштириш;
ўз ваколатига кирувчи масалаларни ҳал этиш учун зарур бўлган материалларни вазирликлар, идоралар, хўжалик бирлашмалари, маҳаллий ҳокимият ва бошқарув органлари, корхоналар ва ташкилотлардан сўраш ва белгиланган тартибда олиш;
ўз ваколатига кирувчи масалалар бўйича норматив-ҳуқуқий ва методологик ҳужжатларни ишлаб чиқиш ва белгиланган тартибда тасдиқлаш;
ўз ваколатига кирувчи масалалар юзасидан Вазирлар Маҳкамасининг топшириғига кўра халқаро даражада Ўзбекистон Республикаси манфаатларини ифодалаш, ўз ваколатига кирувчи масалалар бўйича хорижий давлатлар билан битимлар тайёрлаш ва тузишда, халқаро ва ҳукуматлараро ташкилотлар (комиссиялар) ишида қатнашиш;
шаҳарсозлик ва шаҳарсозлик фаолияти соҳасида энг муҳим муаммоларни ишлаб чиқиш ва кўриб чиқиш бўйича идоралараро комиссиялар ва кенгашлар ташкил этиш;
илмий-тадқиқот, технология, лойиҳа-конструкторлик ташкилотларини, олий ўқув юртлари ва бошқа муассасалар мутахассисларини, шунингдек алоҳида олимларни материалларни ишлаб чиқишга жалб этиш;
шаҳарсозлик фаолияти соҳасидаги энг яхши илмий-техник ишланмаларни ҳамда ҳудудларни режалаштириш ва қуриш лойиҳаларини танлаш учун танловлар эълон қилиш ва танлов комиссиялари ташкил этиш;
лойиҳалаштириш ва қуришнинг сифати ҳамда техник даражасини, ишлаб чиқарилаётган қурилиш материаллари, буюмлар ва конструкцияларни стандартлаштириш ва сертификатлаш ишлари ташкил этилишини белгиланган тартибда назорат қилиш; назорат натижалари бўйича тегишли қарорлар қабул қилиш;
танлов ҳужжатларининг сифати ва таркибини, марказлаштирилган манбалар ҳисобига молиялаштириладиган капитал қурилишда товарлар (ишлар, хизматлар)ни харид қилиш бўйича танлов савдоларини ташкил этиш ва ўтказишнинг белгиланган тартиб-қоидаларига риоя этилишини текшириш;
молиялаштиришнинг марказлаштирилган манбалари ҳисобига амалга оширилаётган қурилишда танлов савдолари натижалари тўғрисида буюртмачиларнинг ҳисоботларини келишиш;
молиялаштиришнинг марказлаштирилган манбалари ҳисобига амалга оширилаётган қурилиш объектлари бўйича танлов савдолари ва тузилган шартномалар шартларининг буюртмачилар ва пудратчилар томонидан бажарилиши мониторингини ўтказиш;
тасдиқланган лойиҳа ҳамда қурилиш нормалари ва қоидалари бузилган ҳолда амалга оширилаётган объектлар қурилишини тўхтатиб қўйиш;
қонун ҳужжатларида белгиланган тартибда жарима солиш ва бошқа жазолар бериш;
Кейинги таҳрирга қаранг.
материалларни объектларни фойдаланишга қабул қилиб олиш қоидаларини бузиш ҳоллари бўйича — ҳуқуқни муҳофаза қилиш органларига ҳамда объектларни (якка тартибдаги уй-жой қурилишидан ташқари) қурилиш нормалари ва қоидалари бузилган ҳолда фойдаланишга топшириш ҳоллари бўйича статистика органларига статистика ҳисоботидан чиқариш учун — бериш;
вазирликлар, идоралар ҳамда давлат ва хўжалик бошқаруви бошқа органларининг, шунингдек улар тасарруфидаги ташкилотларнинг шаҳарсозлик ва шаҳарсозлик фаолияти масалалари бўйича қонун ҳужжатларига зид бўлган норматив-ҳуқуқий ҳужжатларининг амал қилишини тўхтатиб туриш ёки бекор қилиш тўғрисида таклифлар киритиш;
шаҳарсозлик ва шаҳарсозлик фаолияти масалалари бўйича норматив-ҳуқуқий ҳужжатларни мустақил равишда ёки бошқа вазирликлар ва идоралар билан биргаликда ишлаб чиқиш ҳамда белгиланган тартибда тасдиқлаш.
9. «Давархитектқурилиш» қўмитаси қуйидагилар учун жавоб беради:
шаҳарсозлик ва шаҳарсозлик фаолияти соҳасида давлат сиёсатини амалга ошириш, замонавий архитектура ва шаҳарсозлик талаблари технологияларини ҳисобга олган ҳолда ҳудудларни жойлаштириш, режалаштириш ва қуришнинг илмий асосланган схемаларини таъминлаш;
шаҳарлар, қишлоқ аҳоли яшаш пунктлари ва қишлоқлар орасидаги ҳудудларни режалаштириш ва қуришда лойиҳалаштириш, қурилиш-монтаж ишлари сифатига, шаҳарсозлик нормалари, қоидалари ва стандартларига риоя қилинишини ҳисобга олган ҳолда уларнинг архитектура-режалаштирилиши ва архитектура-бадиий сифатларини яхшилаш, архитектура шаҳарсозликда миллий анъаналарни ривожлантириш устидан назорат қилиш;
лойиҳалаштириш ишларини такомиллаштириш, лойиҳалаштириш ва қурилиш ишлари сифатини ошириш, қурилишда норматив базани янгилаш;
капитал қурилишни янада иқтисодий ислоҳ қилиш масалаларини тартибга солувчи норматив-ҳуқуқий ҳужжатларни ишлаб чиқиш ва уларнинг мониторингини олиб бориш, нархларни шакллантириш, пудрат ишлари ва қурилиш материаллари бозорини ривожлантириш методларини такомиллаштириш;
моддий-техника ресурсларини сарфлашнинг смета-норматив базасини ва норматив кўрсаткичларини ишлаб чиқиш ва такомиллаштириш;
танлов савдоларини ташкил этиш ва ўтказиш тартибига риоя қилиш, танлов савдолари натижалари бўйича тузилган шартнома мажбуриятларининг буюртмачилар ва пудратчилар томонидан бажарилиши мониторингини олиб бориш, объектларни қуриш сифати ва муддатларини назорат қилиш.
V. «Давархитектқурилиш» қўмитаси фаолиятини ташкил этиш
10. «Давархитектқурилиш» қўмитасига белгиланган тартибда лавозимга тайинланадиган ва лавозимдан озод этиладиган раис бошчилик қилади.
«Давархитектқурилиш» қўмитаси раисининг Ўзбекистон Республикаси Вазирлар Маҳкамаси томонидан тайинланадиган уч нафар ўринбосари, шу жумладан бир нафар биринчи ўринбосари бўлади.
Кейинги таҳрирга қаранг.
11. «Давархитектқурилиш» қўмитаси раиси:
«Давархитектқурилиш» қўмитаси фаолиятига раҳбарлик қилади ва «Давархитектқурилиш» қўмитасига юкланган вазифалар ва функцияларнинг бажарилиши учун шахсан жавоб беради;
«Давархитектқурилиш» қўмитасининг марказий аппарати штат жадвалини тасдиқлайди;
тегишли органларда, шунингдек халқаро ташкилотларда «Давархитектқурилиш» қўмитаси номидан вакиллик қилади;
Қўмитага қарашли ташкилотларнинг уставлари (низомлари)ни белгиланган тартибда тасдиқлайди, уларнинг раҳбарларини лавозимга тайинлайди ва лавозимдан озод қилади, Қўмитага қарашли ташкилотлар раҳбарлари билан қонун ҳужжатларига мувофиқ шартномалар тузади, уларни ўзгартиради ва бекор қилади;
қонун ҳужжатларига мувофиқ бошқа ваколатларни амалга оширади.
12. «Давархитектқурилиш» қўмитасида таркибига раис (ҳайъат раиси) ва раис ўринбосарлари, шунингдек «Давархитектқурилиш» қўмитаси ва унинг таркибий бўлинмаларининг бошқа ходимлари кирувчи 9 кишидан иборат ҳайъат тузилади.
«Давархитектқурилиш» қўмитаси ҳайъати аъзолари Ўзбекистон Республикаси Вазирлар Маҳкамаси томонидан тасдиқланади.
Кейинги таҳрирга қаранг.
13. «Давархитектқурилиш» қўмитаси ҳайъати ўз мажлисларида шаҳарсозлик ва шаҳарсозлик фаолияти соҳасида ягона сиёсатни ўтказиш, шаҳарсозлик даражасини ошириш, қурилишда илмий-техника тараққиётини жадаллаштириш ва иқтисодий ислоҳотларни чуқурлаштириш масалаларини ҳамда «Давархитектқурилиш» қўмитаси фаолиятига тааллуқли бошқа масалаларни кўриб чиқади, «Давархитектқурилиш» қўмитаси ташкилотларига амалий раҳбарлик қилиш масалаларини, шунингдек қарорлар, буйруқлар, қоидалар, йўриқномалар ва бошқа норматив ҳужжатлар лойиҳаларини муҳокама қилади.
Кейинги таҳрирга қаранг.
14. «Давархитектқурилиш» қўмитаси ҳузурида шаҳарсозлик ва капитал қурилишда илмий-техника тараққиёти муаммоларини мақбул тарзда ҳал этиш йўлларини кўриб чиқиш ва излаш учун илмий-техника кенгаши тузилади. Илмий-техника кенгашига Қўмита раиси бошчилик қилади. Кенгашнинг шахсий таркиби ва унинг тўғрисидаги Низом Қўмита раиси томонидан тасдиқланади. Вазирликлар, идоралар, хўжалик бирлашмалари ва бошқа ташкилотлар мутахассислари Илмий-техника кенгашида ишлашга жамоатчилик асосида жалб қилиниши мумкин.
15. Бошқармалар ва бўлимлар «Давархитектқурилиш» қўмитаси марказий аппаратининг асосий таркибий бўлинмалари ҳисобланади.
«Давархитектқурилиш» қўмитаси бошқармалари ва бўлимлари бошлиқлари «Давархитектқурилиш» қўмитаси раисининг буйруғи билан лавозимга тайинланади ва лавозимдан озод этилади.
16. «Давархитектқурилиш» қўмитаси таркибига қуйидагилар киради:
Қорақалпоғистон Республикаси архитектура ва қурилиш қўмитаси;
вилоятлар ва Тошкент шаҳар архитектура ва қурилиш бош бошқармалари;
шаҳарлар ва туманлар архитектура ва қурилиш бошқармалари (бўлимлари);
Давлат экспертизаси ҳудудий бошқармалари;
Давлат архитектура-қурилиш назорати ҳудудий инспекциялари;
Қурилишда танлов савдолари ва нархларни шакллантириш ҳудудий консалтинг марказлари;
Қурилишда стандартлаштириш ва сертификатлаш республика маркази;
Капитал қурилишда иқтисодий ислоҳотлар ва нархларни шакллантириш маркази;
«AQATM» ахборот-жорий этиш маркази.
17. Қорақалпоғистон Республикаси архитектура ва қурилиш давлат қўмитаси, вилоятлар ва Тошкент шаҳар архитектура ва қурилиш бош бошқармалари раҳбарларини лавозимга тайинлаш ва лавозимдан озод этиш тўғрисидаги қарор тегишли равишда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг тақдимномаси бўйича Ўзбекистон Республикаси Давлат архитектура ва қурилиш қўмитаси раиси томонидан қабул қилинади.
Бошқа таркибий бўлинмалар раҳбарларини лавозимга тайинлаш ва лавозимдан озод этиш тўғрисидаги қарорни Ўзбекистон Республикаси Давлат архитектура ва қурилиш қўмитаси раиси қабул қилади.
Кейинги таҳрирга қаранг.
18. «Давархитектқурилиш» қўмитаси марказий аппарати тузилмаси ва ходимлари сони, Қорақалпоғистон Республикаси архитектура ва қурилиш қўмитаси ҳамда вилоятлар ва Тошкент шаҳар архитектура ва қурилиш бош бошқармалари тузилмаси ва ходимлари сони Ўзбекистон Республикаси Вазирлар Маҳкамаси томонидан тасдиқланади.
19. «Давархитектқурилиш» қўмитаси марказий аппарати, Қорақалпоғистон Республикаси архитектура ва қурилиш қўмитаси ҳамда вилоятлар ва Тошкент шаҳар архитектура ва қурилиш бош бошқармалари таъминоти харажатларини маблағ билан таъминлаш давлат бюджети маблағлари ҳамда бюджетдан ташқари маблағлар ҳисобига амалга оширилади.
Кейинги таҳрирга қаранг.
20. «Давархитектқурилиш» қўмитаси марказий аппаратининг штат жадвали, шунингдек унинг таркибий бўлинмалари тўғрисидаги низомлар ҳамда уларнинг штат жадвали молия органларида рўйхатдан ўтказилгандан кейин, «Давархитектқурилиш» қўмитаси раиси томонидан тасдиқланади.
21. «Давархитектқурилиш» қўмитаси ходимларини моддий рағбатлантириш қонун ҳужжатларига мувофиқ амалга оширилади.
«Давархитектқурилиш» қўмитасида Ривожлантириш ва моддий рағбатлантириш жамғармаси ташкил этилади. Жамғарма маблағлари капитал қурилишда қонунбузишлар учун жазо жарималари қўллашдан Ўзбекистон Республикаси Давлат архитектура ва қурилиш қўмитаси тасарруфига тушган маблағларнинг бир қисмини ажратиш ҳисобига ва қонун ҳужжатларида тақиқланмаган бошқа манбалар ҳисобига белгиланган тартибда шакллантирилади.
Ривожлантириш ва моддий рағбатлантириш жамғармаси тўғрисидаги низом Молия вазирлиги билан келишган ҳолда «Давархитектқурилиш» қўмитаси ҳайъатининг қарори билан тасдиқланади.
22. «Давархитектқурилиш» қўмитаси қонун ҳужжатларига мувофиқ журналлар, газеталар таъсис этади ва нашр қилади ҳамда радио ва телевидениеда мавзули дастурлар шакллантирилишини таъминлайди.
23. «Давархитектқурилиш» қўмитасини қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.
Давлат экспертизаси ҳудудий бошқармасининг намунавий
тузилмаси
Кейинги таҳрирга қаранг.
Давлат архитектура-қурилиш назорати ҳудудий инспекциясининг
намунавий тузилмаси
Кейинги таҳрирга қаранг.
Қурилишда танлов савдолари ва нархларни шакллантириш ҳудудий консалтинг марказининг
намунавий тузилмаси
Кейинги таҳрирга қаранг.
Ўзбекистон Республикаси Давлат архитектура ва қурилиш қўмитасининг Давлат экспертизаси ҳудудий бошқармаси тўғрисида
Намунавий низом
I. Умумий қоидалар
1. Ушбу Низом Ўзбекистон Республикаси Шаҳарсозлик кодексининг 24-моддасига мувофиқ ишлаб чиқилган ҳамда Қорақалпоғистон Республикаси, вилоятлар ва Тошкент шаҳридаги Давлат экспертизаси ҳудудий бошқармасининг (кейинги ўринларда Бошқарма деб аталади) вазифалари, функциялари, ҳуқуқлари ва жавобгарлигини белгилайди.
2. Бошқарма Ўзбекистон Республикаси Давлат архитектура ва қурилиш қўмитасининг (кейинги ўринларда «Давархитектқурилиш» қўмитаси деб аталади) таркибий бўлинмаси ҳисобланади.
3. Бошқарма ўз фаолиятида Ўзбекистон Республикаси Конституциясига, Ўзбекистон Республикаси қонунларига, Олий Мажлис қарорларига ва бошқа қарорларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорлари ва фармойишларига, бошқа норматив-ҳуқуқий ҳужжатларга, Ўзбекистон Республикаси «Давархитектқурилиш» қўмитасининг буйруқлари, фармойишлари ва топшириқларига ҳамда мазкур Низомга амал қилади.
4. Бошқарма давлат мулки шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга эга бўлади.
II. Бошқарманинг асосий вазифалари
5. Қуйидагилар Бошқарманинг асосий вазифалари ҳисобланади:
марказлаштирилган манбалар ҳисобига амалга ошириладиган шаҳарсозлик ҳужжатларининг, шунингдек юридик ва жисмоний шахсларнинг ўз маблағлари ва жалб этилган маблағлари ҳисобига объектлар қурилиши техник-иқтисодий асосларини ва техник-иқтисодий ҳисобларининг мустаҳкамликка, ёнғин ва портлаш хавфсизлиги ҳамда шаҳарсозлик, ижтимоий, санитария-гигиена талабларига риоя этилиши, ёқилғи-энергетика, хом ашё ва табиий ресурслардан оқилона фойдаланилиши, лойиҳа ечимларининг амалдаги нормативлар ва стандартларга мувофиқлиги юзасидан белгиланган тартибда давлат экспертизаси ташкил этилиши ва ўтказилишини таъминлаш;
архитектура-режалаштириш ва шаҳарсозлик ечимлари даражасини ошириш;
лойиҳалаштириш ишларини, қурилиш ишлаб чиқаришини такомиллаштириш, лойиҳалаштириш ва қурилиш соҳасидаги илғор тажрибани ўрганиш ва оммалаштириш;
буюртмачилар, шаҳарсозлик ҳужжатларини ишлаб чиқувчилар ва бошқа ташкилотлар ўртасидаги шаҳарсозлик ҳужжатларига оид келишмовчиликларни кўриб чиқиш.
III. Бошқарманинг функциялари
6. Бошқарма қуйидаги функцияларни бажаради:
мулкчилик шаклларидан ва молиялаштириш манбаларидан қатъи назар, техник-иқтисодий асосларни ва техник-иқтисодий ҳисобларни, корхоналар, бинолар, иншоотлар, муҳандислик тармоқлари ва йўл қурилиши объектларини қуриш, кенгайтириш ва реконструкция қилишга доир лойиҳалаштириш ҳужжатларини, қишлоқ аҳоли яшаш жойлари ва шаҳар типидаги аҳоли яшаш жойларининг лойиҳалаштириш-режалаштириш ҳужжатларини белгиланган тартибда давлат экспертизасидан ўтказади;
кейинчалик лойиҳалаштириш ва қуришда эксперт бўлинмасининг таклифлари амалга оширилишини танлаб назорат қилади;
экспертиза ва танлаб назорат қилиш натижаларини умумлаштиради, улар тўғрисида «Давархитектқурилиш» қўмитасининг Шаҳарсозлик ҳужжатларини экспертизадан ўтказиш бошқармасини, буюртмачи ва лойиҳалаштириш ташкилотларининг барча манфаатдор хизматларини хабардор қилади, шаҳарсозлик ҳужжатларини ва экспертизани такомиллаштириш тўғрисида белгиланган тартибда таклифлар киритади;
фаолияти лицензияланадиган ташкилотлар, бошқа юридик шахслар томонидан ишлаб чиқилган шаҳарсозлик ҳужжатларининг сифати тўғрисида хулосалар беради;
зарур ҳолларда Ўзбекистон Республикаси «Давархитектқурилиш» қўмитасининг Шаҳарсозлик ҳужжатларини экспертизадан ўтказиш бошқармасига ишлаб чиқилган шаҳарсозлик ҳужжатларининг сифати пастлигида айбдор бўлган юридик ва жисмоний шахсларга нисбатан санкциялар қўллаш тўғрисида, шу жумладан уларни шаҳарсозлик ҳужжатларини ишлаб чиқиш ҳуқуқини берувчи лицензиядан маҳрум қилиш тўғрисида ҳам таклифлар киритади;
буюртмачиларга (инвесторларга) шаҳарсозлик ҳужжатларини ишлаб чиқишда (қайта ишлаб чиқишда), уларни экспертизадан ўтказишда ҳамда инвестиция фаолиятининг техник ва иқтисодий масалалари бўйича маслаҳатлар беришда шартнома асосида хизматлар кўрсатади.
IV. Бошқарманинг ҳуқуқлари
7. Бошқарма қуйидаги ҳуқуқларга эга:
экспертиза ва маслаҳатлар ўтказиш учун манфаатдор ташкилотларни, давлат муассасалари ва корхоналарини, олий ўқув юртларини, шунингдек айрим олимлар ва мутахассисларни жалб этиш;
зарур ҳолларда оқилона лойиҳа ечимларини танлаб олиш учун мураккаб технология жараёнларига ёки қурилиш конструкцияларига эга бўлган корхоналар, бинолар ва иншоотлар қурилиши лойиҳаларининг (ёки уларнинг бир қисмининг) қўшимча вариантларини ишлаб чиқиш тўғрисида таклифлар киритиш;
лойиҳалаштириш ташкилотларида ва бошқа ташкилотларда шаҳарсозлик ҳужжатларини ишлаб чиқиш бўйича қурилиш нормалари ва қоидаларига, йўриқномаларга ва кўрсатмаларга риоя қилиниши мониторингини олиб бориш;
зарур ҳолларда, ишлаб чиқилган шаҳарсозлик ҳужжатларининг сифати пастлигида айбдор бўлган юридик ва жисмоний шахсларга нисбатан санкциялар қўллаш тўғрисида, шу жумладан уларни шаҳарсозлик ҳужжатларини ишлаб чиқиш ҳуқуқини берувчи лицензиядан маҳрум қилиш тўғрисида ҳам таклифлар киритиш.
V. Бошқарма ходимларининг жавобгарлиги
8. Бошқарма ходимлари Ўзбекистон Республикаси қонун ҳужжатларида белгиланган тартибда жавоб берадилар.
Бошқарма ходимлари:
ўз функциялари бажарилмаганлиги ёки зарур даражада бажарилмаганлиги;
Ўзбекистон Республикасининг норматив-ҳуқуқий ҳужжатлари ҳамда мазкур Низом қоидалари ва талабларига риоя этилмаганлиги;
шаҳарсозлик ҳужжатларининг экспертизадан сифатсиз ўтказилганлиги сабабли етказилган зарар учун давлат ва буюртмачи олдида;
ноқонуний хатти-ҳаракатлар (ҳаракатсизлик) оқибатида корхоналар, муассасалар, ташкилотлар ва фуқароларга моддий ва маънавий зарар етказилганлиги;
Ўзбекистон Республикасининг қонун ҳужжатлари ва нормаларига мувофиқ бўлмаган қарорлар қабул қилинганлиги;
бошқа ҳуқуқбузарликлар учун жавоб берадилар.
VI. Бошқарма фаолиятини ташкил этиш
9. Бошқармага Ўзбекистон Республикаси Давлат архитектура ва қурилиш қўмитаси тўғрисидаги низомга мувофиқ «Давархитектқурилиш» қўмитаси раисининг буйруғи билан лавозимга тайинланадиган ва лавозимдан озод қилинадиган бошлиқ раҳбарлик қилади.
Бошқарма бошлиғи давлат бош эксперти ҳисобланади.
10. Бошқарма бошлиғи:
Бошқарма фаолиятига раҳбарлик қилади, штатларни тасдиқлайди;
ўз ваколатлари доирасида буйруқлар, фармойишлар чиқаради;
Бошқарма ходимларини амалдаги қонун ҳужжатларига мувофиқ ишга қабул қилади ва ишдан бўшатади;
Бошқарма номидан ишончномасиз иш кўради, ташкилотлар, муассасалар ва корхоналарда унинг манфаатларини ифодалайди, белгиланган тартибда Бошқарма маблағлари ва мол-мулкини тасарруф этади, шартномалар, шу жумладан меҳнат шартномалари тузади, банкларда ҳисоб рақамлари ва бошқа ҳисоб рақамлари очади, ўзига юкланган вазифалар ва функцияларнинг бажарилиши учун шахсан жавоб беради;
қонун ҳужжатларига мувофиқ бошқа ваколатларни амалга оширади.
11. Бошқарма тўлиқ хўжалик ҳисобида ва ўзини-ўзи маблағ билан таъминлаш асосида фаолият кўрсатади.
12. Бошқарма ҳар ойда Ўзбекистон Республикаси «Давархитектқурилиш» қўмитаси ҳисоб рақамига ўз даромадларининг 10 фоизи миқдорида маблағ ўтказади.
13. Бошқармани қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.
Ўзбекистон Республикаси Давлат архитектура ва қурилиш қўмитасининг Давлат архитектура-қурилиш назорати ҳудудий инспекцияси тўғрисида
Намунавий низом
I. Умумий қоидалар
1. Ушбу Низом Ўзбекистон Республикаси Шаҳарсозлик кодексининг 25-моддасига мувофиқ ишлаб чиқилган ҳамда Ўзбекистон Республикаси Давлат архитектура ва қурилиш қўмитасининг (кейинги ўринларда «Давархитектқурилиш» қўмитаси деб аталади) давлат архитектура-қурилиш назорати ҳудудий инспекциясининг (кейинги ўринларда Инспекция деб аталади) мақоми, вазифалари, функциялари, ваколатлари ва жавобгарлигини белгилайди.
Инспекция ўз фаолиятида Ўзбекистон Республикаси «Давархитектқурилиш» қўмитасига ҳисоб беради.
2. Инспекция ўз фаолиятида Ўзбекистон Республикаси Конституциясига ва қонунларига, Олий Мажлис қарорларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорлари ва фармойишларига, Ўзбекистон Республикаси «Давархитектқурилиш» қўмитасининг буйруқлари ва фармойишларига, бошқа норматив-ҳуқуқий ҳужжатларга ҳамда мазкур Низомга амал қилади.
3. Инспекция Ўзбекистон Республикаси «Давархитектқурилиш» қўмитаси тизимига киради, қонун ҳужжатларида белгиланган ўз ваколатлари доирасида Ўзбекистон Республикаси ҳудудида давлат стандартларига, шаҳарсозлик нормалари ва қоидаларига риоя этилишини назорат қилади.
4. Инспекция давлат мулки шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи ўзбек ва рус тилларида ёзилган муҳрга, мустақил балансга, банкларда ҳисоб рақамларига эга бўлади.
II. Инспекциянинг асосий вазифалари ва функциялари
5. Қуйидагилар Инспекциянинг асосий вазифалари ҳисобланади:
юридик ва жисмоний шахслар томонидан шаҳарсозлик тўғрисидаги қонун ҳужжатлари, белгиланган шаҳарсозлик нормалари ва қоидалари талабларига риоя этилиши устидан назоратни амалга ошириш;
объектлар қурилишини молиялаштириш манбаларидан қатъи назар, қурилишнинг барча босқичларида лойиҳалаштириш ва қурилиш-монтаж ишлари сифатига, давлат стандартларига, қурилиш нормалари ва қоидаларига, ишларни амалга ошириш технологиясига риоя этилиши устидан назоратни амалга ошириш;
молиялаштириш манбаларидан ва буюртмачининг мулкчилик шаклларидан қатъи назар, якка тартибдаги уй-жой қурилишидан ташқари, барча қурилиш объектларини рўйхатдан ўтказиш ва ҳисобга олиш, қурилиш-монтаж ишларини бошлашга рухсатномалар бериш;
бажарилаётган қурилиш-монтаж ишларининг, қўлланаётган қурилиш материаллари, буюмлари ва конструкцияларининг давлат стандартлари талабларига ва техник шартларга мувофиқлиги устидан назоратни амалга ошириш;
қурилиш индустрияси корхоналарида қурилиш материаллари, конструкциялари, буюмларини ишлаб чиқариш шарт-шароитларининг давлат стандартларига, норматив-техник ва лойиҳа ҳужжатларига мувофиқлигини назорат қилиш;
қурилиши тугалланган объектларни фойдаланишга қабул қилиш бўйича комиссиялар ишларида мажбурий равишда қатнашиш;
иш ҳужжатларини ишлаб чиқиш, объектларни қуриш ва қурилиш материаллари, конструкциялари ва буюмларини ишлаб чиқариш сифати устидан назоратни ташкил этиш ва амалга ошириш масалалари бўйича норматив-методик ҳужжатларни ишлаб чиқишда қатнашиш;
қурилишда стандартлаштириш ва қурилиш материаллари, буюмлари ва конструкцияларини сертификатлаш бўйича ишларни амалга ошириш.
6. Инспекция ўзига юкланган вазифаларга мувофиқ қуйидаги назорат функцияларини бажаради:
а) капитал қурилиш объектларини рўйхатдан ўтказади (якка тартибдаги уй-жой қурилиши объектлари бундан мустасно) ва қурилиш-монтаж ишларини бошлашга рухсатнома беради;
б) қуйидагиларни:
аҳоли яшаш пунктларини қуришнинг бош режаси амалга оширилишига риоя қилинишини;
ер участкалари ажратишнинг аҳоли яшаш пунктларини қуришнинг бош режаси қоидаларига мувофиқлигини;
лойиҳа ҳужжатларининг норматив талабларга мувофиқлигини;
қизил чизиқларга риоя қилинишини;
ажратилган ер участкаларидан мақсадли фойдаланилишини назорат қилади;
бошланғич — рухсат бериш ҳужжатлари мавжудлигини назорат қилади ва бош режаларга риоя этилишини назорат қилишда аниқланган ўзбошимчалик билан амалга оширилаётган қурилишни тўхтатиб қўяди, бош режаларнинг аниқланган бузилишларини таҳлил қилади, тенденцияларни ҳудудлар бўйича умумлаштиради ҳамда ҳудудий архитектура ва қурилиш бош бошқармасига, ҳокимликка ва «Давархитектқурилиш» қўмитасига таҳлилий ахборот ва бош режалар бузилишини бартараф этиш юзасидан таклифлар тақдим этади;
лойиҳалаш ва пудрат ташкилотларида — ишлар ва хизматларни бажарувчиларда лойиҳалаш ва қурилиш фаолиятининг қонун ҳужжатларида назарда тутилган лицензияланадиган турларини амалга ошириш ҳуқуқига лицензияларнинг мавжудлигини;
бажарилаётган қурилиш-монтаж ишларининг сифатли ва қурилиш нормалари ва қоидаларига, норматив-техник ва лойиҳа ҳужжатларига мувофиқлигини, шунингдек пудрат ташкилоти томонидан ижро ҳужжатлари юритилишини;
умумий фойдаланиладиган автомобиль йўллари, тегишли йўл инфратузилмаси қурилиши ва таъмирланишини;
норматив-техник ва лойиҳа ҳужжатларида назар тутилган синовлар, суратга олишлар ва ўлчашлар ўтказилишини;
қўлланаётган қурилиш материаллари, буюмлари ва конструкцияларининг давлат стандартларига, нормалар ва техник шартларга мувофиқлигини;
қурилиш индустрияси корхоналарида қурилиш материаллари, буюмлари ва конструкциялари ишлаб чиқариш шароитларининг давлат стандартлари, нормаларига ва техник шартларга мувофиқлигини назорат қилади;
в) техника комиссияларининг бинолар, иншоотлар, уларнинг қисмлари ва конструктив элементларининг авария ҳолатларини ва авариялари сабабларини текшириш бўйича ишларида қатнашади;
г) шартнома асосида мавжуд бинолар ва иншоотларнинг техник аҳволини уларни тиклаш ёки реконструкция қилиш мақсадида текширади ва хулосалар беради;
д) зарур ҳолларда бажарилган қурилиш-монтаж ишлари ҳажмларининг назорат ўлчовини амалга оширишда қатнашади;
е) қурилиш маҳсулотларининг сифатини таъминлаш, қонун ҳужжатларига риоя қилиш масалалари бўйича давлат назоратининг бошқа ваколатли органлари, илмий-тадқиқот, лойиҳалаштириш ва жамоат ташкилотлари билан ўзаро ҳамкорлик қилади;
ж) қонун ҳужжатларига мувофиқ, Ўзбекистон Республикаси «Давархитектқурилиш» қўмитасига давлат стандартлари, қурилиш нормалари ва қоидалари талабларининг бузилишига йўл қўяётган ташкилотлар ва корхоналарнинг муҳандислик-техник қидирувларни ўтказиш, лойиҳалаштириш ва қурилиш фаолиятини амалга оширишга берилган лицензияларининг амал қилишини тўхтатиб туриш тўғрисида таклифлар киритади;
з) қонун ҳужжатларига мувофиқ қурилиш соҳасидаги қонун бузилишлари учун жарима санкциялари белгилаш тўғрисида қарор қабул қилади;
и) ўтказилган назорат натижаларини умумлаштиради ва таҳлил қилади, қурилиш сифатини яхшилаш бўйича норматив талабларни, методик ва йўриқнома ҳужжатларни такомиллаштиришга доир таклифларни ишлаб чиқади;
к) қурилишда стандартлаш ва қурилиш материаллари, буюмлари ва конструкцияларини сертификатлаш ишларини олиб боради.
7. Инспекция:
лойиҳалаштириш ва қурилиш-монтаж ишларининг зарур сифати таъминланиши;
бинолар ва иншоотларнинг сейсмик барқарорлигини таъминлаш тадбирларининг бажарилиши, рўйхатдан ўтказилган қурилиш объектларини архитектура жиҳатидан жиҳозлаш нормаларига, қоидалар ва стандартлар, техник шартларга риоя этилиши;
лойиҳалаштириш ва қурилиш-монтаж ишларининг, ишлаб чиқарилаётган қурилиш материаллари, буюмлари ва конструкцияларининг сифатини яхшилаш масалаларини тартибга солувчи норматив талаблар, методик ва йўриқнома ҳужжатлар ишлаб чиқилиши ва такомиллаштирилиши;
қўлланаётган қурилиш материаллари, буюмлари ва конструкцияларининг давлат стандартларига, нормалар ва техник шартларга мувофиқлиги устидан зарур назорат таъминланиши;
қурилиш индустрияси корхоналарида қурилиш материаллари, буюмлари ва конструкциялари ишлаб чиқариш шароитларининг давлат стандартлари, нормаларига ва техник шартларга мувофиқлиги учун жавоб беради.
8. Марказлаштирилган манбалар ҳисобига амалга оширилган, қурилиши тугалланган объектларни фойдаланишга қабул қилиб олишда Инспекция вакили, агар қонун ҳужжатларида бошқача қоида назарда тутилмаган бўлса, Давлат қабул комиссияси раисининг ўринбосари этиб тайинланади.
9. Марказлаштирилган манбалар ҳисобига объектларни қуришда уни рўйхатдан ўтказган Инспекция ҳар ойда буюртмачига бажарилган ишларнинг шаҳарсозлик нормалари, қоидаларига, стандартларга ва техник шартларга мувофиқлиги тўғрисида хулоса беради.
Қурилиш тугаллангандан кейин якуний хулоса берилади.
10. Инспекция мунтазам асосда «Давархитектқурилиш» қўмитасининг Лойиҳалаштириш ва қурилиш-монтаж ишлари сифати устидан давлат назорати бош бошқармасига белгиланган шакллар бўйича ахборот ва зарур материаллар тақдим этади.
III. Инспекциянинг ҳуқуқлари
11. Инспекция қуйидаги ҳуқуқларга эга:
юкланган вазифаларни бажариш мақсадида ташкилотларда, қурилиш объектларида ҳамда қурилиш материаллари, буюмлари ва конструкциялари ишлаб чиқарувчи корхоналарда бўлиш;
лойиҳалаштириш, пудрат ташкилотлари ва буюртмачи ташкилотлардан лойиҳа, технология ва ижро ҳужжатларини ҳамда қўлланилаётган материаллар, буюмлар, конструкциялар ва бажарилаётган қурилиш-монтаж ишлари сифатини текшириш учун зарур бўлган бошқа материалларни олиш;
пудрат ташкилотларига конструкциялар, узеллар ва деталларнинг айрим элементларини очишни, тагзаминдаги тупроқни синашни ва қайта ёпиб қўйишни, қўлланилган қурилиш материаллари, буюмлари, конструкцияларини, муҳандислик тизимларини синаб кўришни топшириш, зарурат бўлганда тегишли хулоса тайёрлаш учун экспертларни жалб қилиш;
қурилиши тугалланган объектларни фойдаланишга қабул қилиб олиш бўйича комиссиялар ишида қатнашиш;
йўл қўйилган бузилишларни бартараф этиш тўғрисида ўз ваколатлари доирасида қурилиш қатнашчилари ва қурилиш материаллари, буюмлари, конструкцияларини тайёрловчилар (етказиб берувчилар) томонидан бажарилиши мажбурий бўлган ёзма кўрсатмалар бериш;
вазирликлар, идоралар ва ташкилотларнинг объектлар қурилиши сифатини назорат қилувчи техник назорат ишлаб чиқариш хизматлари ҳамда синов лабораториялари ишини танлаб назоратдан ўтказиш;
лойиҳани ишлаб чиққан муаллифлар томонидан муаллифлик назорати юритилишини назорат қилиш, асосланган ҳолларда уларга нисбатан қонун ҳужжатларига мувофиқ санкциялар қўллаш тўғрисида Ўзбекистон Республикаси «Давархитектқурилиш» қўмитасига таклифлар киритиш;
Ўзбекистон Республикаси «Давархитектқурилиш» қўмитасига капитал қурилиш соҳасидаги норматив-ҳуқуқий ҳужжатлар талабларини бузувчиларга нисбатан қонун ҳужжатларига мувофиқ санкциялар қўллаш тўғрисида тақдимномалар киритиш;
қурилиш материаллари, конструкциялари, буюмларини тайёрлаш, юклаш-тушириш, ташиш, сақлаш бўйича давлат стандартлари талаблари ва техник шартлар бузилишлари аниқланганда уларни ишлаб чиқариш, сотиш ва қўллашни тўхтатиб туриш;
тасдиқланган лойиҳа ечимлари ва норматив-ҳуқуқий ҳужжатлар талаблари бузилганда, ушбу бузилишлар пишиқлик ва мустаҳкамлик тавсифларини пасайтиришга олиб келганда, шунингдек бинолар ва иншоотларда авария хавфи пайдо бўлганда, объектлар ўзбошимчалик билан қурилганда қурилиш-монтаж ишлари амалга оширилишини тўхтатиб туриш, якка тартибдаги уй-жой қурилиши бундан мустасно;
буюртмачи ва пудратчининг ташкилотларига капитал қурилиш соҳасида қонун ҳужжатлари талабларини бузаётган мансабдор шахсларни жавобгарликка тортиш ҳақида тақдимномалар киритиш;
бажарилган қурилиш-монтаж ишларининг сифати ва қурилиш объектларининг ҳолати ҳақида эксперт хулосалари бериш;
қурилиши тугалланган объектларни фойдаланишга қабул қилишда қоидалар бузилганлиги тўғрисидаги материалларни тегишли органларга ва қонун ҳужжатларида белгиланган қабул қилиш қоидалари бузилган ҳолда топширилган объектларни статистика ҳисоботидан чиқариш тўғрисидаги материалларни статистика органларига бериш.
IV. Инспекция фаолиятини ташкил этиш
12. Давлат архитектура-қурилиш назорати ҳудудий инспекциясининг давлат инспекторлари ўз функционал фаолиятини Ўзбекистон Республикаси «Давархитектқурилиш» қўмитаси томонидан ҳар йили ўтказиладиган аттестация натижаларига кўра бериладиган сертификатлар асосида амалга оширадилар.
13. Қурилиш объектларида назорат ишлари буюртмачи ва пудратчининг буйруқлари билан тайинланадиган уларнинг масъул вакиллари иштирокида ўтказилади.
Зарур ҳолларда назорат мақсадлари учун лойиҳалаштириш, банк ва (ёки) бошқа манфаатдор ташкилотлар мутахассислари шартнома асосида жалб этилиши мумкин.
14. Қурилиш материаллари, конструкциялари, буюмлари саноати корхоналарида назорат ишлари ишлаб чиқаришнинг техник шартларига риоя этилиши учун масъул бўлган мансабдор шахслар (бош муҳандис, цех бошлиғи, техника назорати бўлими бошлиғи ва бошқалар) иштирокида ўтказилади.
15. Назорат ишлари натижаларига кўра ишларни бажариш дафтарига тегишли ёзув ёзилади, Инспекция инспектори, буюртмачи ва пудратчининг вакиллари имзолайдиган далолатнома тузилади, зарур ҳолларда ёзма кўрсатма берилади.
Буюртмачи ёки пудратчи вакиллари далолатномада баён қилинган хулосаларга рози бўлмаган тақдирда, уни ўз эътирозларини ёзма шаклда қайд этган ҳолда имзолайдилар.
16. Инспекция инспекторлари ўз функционал вазифаларини бажаришда давлат назоратининг бошқа ваколатли органлари, солиқ инспекцияси, банк муассасалари, прокуратура органлари, судлар, ҳокимликларнинг тегишли хизматлари, истеъмолчилар ҳуқуқларини ҳимоя қилиш жамиятлари ва оммавий ахборот воситалари органлари билан ўзаро ҳамкорлик қиладилар.
17. Инспекцияларнинг мансабдор шахслари хатти-ҳаракатлари юзасидан Ўзбекистон Республикаси «Давархитектқурилиш» қўмитасига ёки судга шикоят қилиниши мумкин.
18. Инспекция инспекторлари ғайриқонуний хатти-ҳаракатлари ва етказилган зарар учун қонун ҳужжатларига мувофиқ жавобгарликка тортиладилар.
19. Инспекциянинг молия-хўжалик фаолияти қонун ҳужжатларига мувофиқ шартнома асосида амалга оширилади.
Инспекция ҳар ойда Ўзбекистон Республикаси «Давархитектқурилиш» қўмитасига ўз даромадларининг 10 фоизи миқдорида ажратма ўтказади.
20. Инспекцияга Ўзбекистон Республикаси «Давархитектқурилиш» қўмитаси раисининг буйруғи билан лавозимга тайинланадиган ва лавозимдан озод қилинадиган бошлиқ раҳбарлик қилади.
21. Давлат архитектура-қурилиш назорати ҳудудий инспекциясини қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.
Қурилишда танлов савдолари ва нархларни шакллантириш ҳудудий консалтинг маркази тўғрисида
намунавий низоми
I. Умумий қоидалар
1. Ушбу Низом Ўзбекистон Республикаси Давлат архитектура ва қурилиш қўмитаси (кейинги ўринларда «Давархитектқурилиш» қўмитаси деб аталади) қурилишда танлов савдолари ва нархларни шакллантириш ҳудудий консалтинг марказининг (кейинги ўринларда Марказ деб аталади) мақоми, вазифалари, функциялари, ваколатлари ва жавобгарлигини белгилайди.
2. Марказ Ўзбекистон Республикаси «Давархитектқурилиш» қўмитасига ҳисоб беради.
3. Марказ ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси қарорларига, Ўзбекистон Республикаси Президентининг фармонлари ва фармойишларига, Вазирлар Маҳкамасининг қарорлари ва фармойишларига, бошқа норматив-ҳуқуқий ҳужжатларга, Ўзбекистон Республикаси «Давархитектқурилиш» қўмитасининг буйруқлари ва фармойишларига ҳамда мазкур Низомга амал қилади.
4. Марказ давлат мулки шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга, мустақил балансга, банкда ҳисоб рақамларига эга бўлади.
II. Марказнинг асосий вазифалари
5. Қуйидагилар Марказнинг асосий вазифалари ҳисобланади:
танлов ҳужжатларини ишлаб чиқиш, шартнома асосида қурилишда танлов савдоларини ташкил этиш ва ўтказиш;
танлов савдоларини ташкил этиш ва ўтказиш, шартномалар тузиш, танлов савдолари шартлари ва инвестиция лойиҳасини амалга оширишда ишларни бажариш ва молиялаштириш жадвалининг бажарилиши, шунингдек марказлаштирилган манбалар ҳисобига молиялаштирилаётган қурилиши тугалланган объектнинг ўз вақтида фойдаланишга топширилиши мониторингини олиб бориш;
шартнома асосида қурилишда танлов савдолари мавзуининг дастлабки қийматини белгилаш бўйича хизматлар кўрсатиш;
қурилиш маҳсулотининг, шу жумладан «элементлар қиймати» усули билан, шартномавий жорий нархини аниқлаш бўйича методик тавсияларни, нархларни шакллантиришни янада такомиллаштириш, қурилишни ташкил этиш ва капитал қурилишда янги технологияларни жорий этиш бўйича норматив-методик ҳужжатларни ишлаб чиқиш ва жорий этишда қатнашиш;
қурилишда ва қурилиш материаллари, буюмлари ва конструкциялари саноатида нархлар шаклланишига таъсир қилувчи омилларни тўплаш, таҳлил қилиш, уларни қайта ишлаш ва умумлаштириш;
қурилиш ишларига ва тайёр қурилиш маҳсулотига нархлар, юкларни ташишга тарифлар, материалларни ташиш шартлари ва масофаларининг ўзгариши мониторингини олиб бориш ва таҳлил қилиш;
маҳаллий тайёрловчи заводлар томонидан ишлаб чиқарилаётган қурилиш материаллари, буюмлари ва конструкцияларининг нархи тўғрисидаги маълумотларни тўплаш;
нархларни шакллантириш бўйича янги смета нормативларини яратиш учун бошланғич ахборотларни тўплаш ва дастлабки таҳлил қилиш;
капитал қурилиш, лойиҳалаштириш ва қийматни аниқлаш юзасидан комплекс масалалар бўйича вазирликлар, идоралар ва хўжалик бирлашмаларига, шунингдек юридик ва жисмоний шахсларга, шу жумладан хорижий юридик ва жисмоний шахсларга консалтинг хизматлари кўрсатиш;
қонун ҳужжатларига мувофиқ ва Ўзбекистон Республикаси «Давархитектқурилиш» қўмитаси томонидан берилган ваколатлар доирасида бошқа вазифаларни бажариш.
III. Марказнинг асосий функциялари
6. Марказ ўзига юкланган вазифаларга мувофиқ қуйидаги функцияларни бажаради:
аризалар ва оферталар қабул қилинишини ташкил этади, уларнинг ҳисобга олинишини, сақланишини ва махфийлигини таъминлайди;
буюртмачи билан биргаликда қурилишда танлов савдоларини ўтказиш тартиботини белгилайди;
Қурилишда танлов савдолари тўғрисидаги Низом шартлари ва талабларига риоя қилган ҳолда танлов савдолари мавзуига қўйиладиган танлов ҳужжатларини ишлаб чиқади;
танлов ҳужжатларини экспертизадан ўтказиш учун Ўзбекистон Республикаси «Давархитектқурилиш» қўмитасига тақдим этади;
танлов ҳужжатларида белгиланган шакл бўйича танлов савдолари ўтказилиши тўғрисида эълон бериш учун материалларни тайёрлайди ва/ёки потенциал талабгорларга таклифномалар юборилишини таъминлайди;
буюртмачи томонидан жалб қилинадиган мустақил экспертлар ёки консультантлар ишини ташкил этади;
талабгорларга танлов ҳужжатларини сотади;
оферталар очилгандан кейин уларни буюртмачига беради;
буюртмачига танлов савдолари якунлари бўйича буюртмачи ҳисоботини тузишда кўмаклашади;
буюртмачи ва пудратчи томонидан тақдим этиладиган ахборотларни таҳлил қилиш йўли билан шартнома мажбуриятлари бажарилиши мониторингини олиб боради ҳамда танлов савдолари ва танлов савдолари натижалари бўйича тузилган шартномалар бажарилиши мониторинги натижалари тўғрисида Ўзбекистон Республикаси «Давархитектқурилиш» қўмитасига ҳар ойлик ҳисоботни тақдим этади;
семинарлар ўтказади, кадрларни танлов савдоларини ташкил этиш ва ўтказиш юзасидан тасдиқланган тартиботини, танлов савдолари натижалари бўйича тузилган шартномалар шартларидан келиб чиқувчи мажбуриятлар бажарилиши мониторингини амалиётда қўллаш бўйича ўқитади;
норматив-ҳуқуқий ҳужжатлар лойиҳаларини, қурилиш таннархи пасайтирилишини ва қурилиш ишлаб чиқариши иқтисодий рағбатлантирилишини таъминловчи қурилишда иқтисодий ишларни такомиллаштириш бўйича таклифларни ишлаб чиқади ва Ўзбекистон Республикаси «Давархитектқурилиш» қўмитасининг Капитал қурилишда иқтисодий ислоҳотлар ва нархларни шакллантириш марказига киритади;
капитал қурилишда иқтисодий ва ташкилий ислоҳотлар амалга оширилиши, қурилиш материаллари, алоҳида ва махсус ишлар нархларининг, қурилиш механизмларини ишлатиш ва қурилиш юкларини ташиш, тайёр қурилиш маҳсулоти харажатлари ўзгариши мониторингини олиб боради;
ўз ваколатлари доирасида инвестиция жараёни қатнашчилари ўртасидаги келишмовчиликларни кўриб чиқади, улар юзасидан қарорлар тайёрлайди ва белгиланган тартибда Ўзбекистон Республикаси «Давархитектқурилиш» қўмитасига ёки тегишли органларга киритади;
нархларни шакллантириш бўйича дастурий воситаларни, норматив ҳужжатларнинг электрон вариантларини сотиб олади, тарқатади;
қонун ҳужжатларига зид бўлмаган бошқа ваколатларни амалга оширади.
IV. Марказнинг ҳуқуқлари ва жавобгарлиги
7. Марказ ўзига юкланган функцияларни амалга ошириш учун қуйидаги ҳуқуқларга эга:
маҳаллий давлат бошқаруви органларидан ва бошқа ташкилотлардан Марказга юкланган вазифаларни бажариш учун зарур бўлган материалларни сўраш ва олиш;
танлов савдолари натижалари бўйича тузилган шартномалар шартларидан келиб чиқувчи мажбуриятлар бажарилиши мониторингини олиб бориш мақсадида қурилишнинг боришини ўрганиш;
қонун ҳужжатларига мувофиқ шартнома асосида хизматлар кўрсатиш ва ишларни бажариш;
қонун ҳужжатларини ва Ўзбекистон Республикаси ҳудудида капитал қурилишда танлов савдолари тўғрисидаги низом талабларини бузиш ҳоллари аниқланган тақдирда буюртмачига хизматларни сотиб олишни тўхтатиш тўғрисида тақдимнома киритиш;
Ўзбекистон Республикасининг лойиҳалаштириш, илмий-тадқиқот ташкилотларини ва бошқа ташкилотларини, олимлар ва мутахассисларни улар меҳнатига Ўзбекистон Республикасининг амалдаги қонун ҳужжатларига мувофиқ ҳақ тўлаган ҳолда, белгиланган тартибда ишга жалб қилиш;
қурилиш ва қурилиш материаллари ишлаб чиқариш масалалари бўйича амалдаги қонун ҳужжатларига зид бўлган идоравий норматив-ҳуқуқий ҳужжатларнинг амал қилишини тўхтатиш ёки бекор қилиш тўғрисида «Давархитектқурилиш» қўмитасига таклифлар киритиш.
8. Марказ ўзига юкланган функционал вазифаларнинг зарур даражада бажарилиши учун қонун ҳужжатларига мувофиқ жавоб беради.
V. Марказ фаолиятини ташкил этиш
9. Марказ фаолиятига раҳбарликни Ўзбекистон Республикаси «Давархитектқурилиш» қўмитаси раисининг буйруғи билан лавозимга тайинланадиган ва лавозимдан озод қилинадиган директор амалга оширади.
10. Марказ директори:
Марказга юкланган вазифаларнинг бажарилиши учун шахсан жавоб беради;
Ўзбекистон Республикаси «Давархитектқурилиш» қўмитаси билан келишган ҳолда Марказнинг штат жадвалини тасдиқлайди;
Марказ фаолияти билан боғлиқ масалалар бўйича барча органларда ва корхоналарда Марказ номидан вакиллик қилади;
қонун ҳужжатларига мувофиқ бошқа ваколатларни амалга оширади.
11. Марказ хўжалик фаолиятини Ўзбекистон Республикасининг амалдаги қонун ҳужжатларига мувофиқ амалга оширади.
12. Қуйидагилар:
шартнома асосида танлов ҳужжатларини ишлаб чиққанлик, қурилишда танлов савдоларини ташкил этганлик ва ўтказганлик;
нархларни шакллантириш, шартнома асосида савдо мавзуининг дастлабки қийматини аниқлаш масалалари бўйича консалтинг хизматлари кўрсатганлик;
қурилиш соҳасида Ўзбекистон Республикасининг қонун ҳужжатларида тақиқланмаган хизматларнинг бошқа турларини амалга оширганлик учун олинадиган даромадлар Марказ фаолиятини молиялаштириш манбалари ҳисобланади.
13. Марказ ҳар ойда «Давархитектқурилиш» қўмитаси таъминоти учун ўз даромадларининг 10 фоизи миқдорида маблағ ўтказади.
14. Марказни қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.
Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартиби тўғрисида
НИЗОМ
I. Умумий қоидалар
1. Ушбу Низом инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тартибини белгилайди.
2. Ушбу Низомда қуйидаги тушунчалардан фойдаланилган:
дастлабки техник-иқтисодий асослаш ёки техник-иқтисодий ҳисоблаш (кейинги ўринларда ДТИА /ДТИҲ/ деб аталади) – лойиҳани оқилона жойлаштиришни ва амалга оширишнинг энг самарали техник, ташкилий ва иқтисодий ечимини танлашни, умуман лойиҳанинг чекланган қийматини, шу жумладан уни амалга оширишнинг вариантларини ва мумкин бўлган схемаларини кўриб чиқиш асосида технологик асбоб-ускуналар қийматини асословчи ҳужжат;
якуний техник-иқтисодий асослаш ёки техник-иқтисодий ҳисоблаш (кейинги ўринларда ТИА /ТИҲ/ деб аталади) – инвестиция лойиҳасини амалга оширишнинг танлов савдолари асосида аниқланган якуний, энг самарали техник, ташкилий ва молиявий-иқтисодий ечимларини белгиловчи ҳужжат;
бошланғич қийматга эга бўлган лойиҳа — лойиҳани жойлаштиришни, уни амалга оширишнинг техник, ташкилий ва иқтисодий ечимини, умуман лойиҳанинг бошланғич қийматини, шу жумладан намунавий ва/ёки такроран қўлланиладиган лойиҳа ҳужжатлари ечимлари асосида технологик асбоб-ускуналар қийматини асословчи ҳужжат;
якуний қийматга эга бўлган лойиҳа — танлов савдолари асосида аниқланган якуний шартномавий қийматга эга бўлган инвестиция лойиҳасини амалга оширишнинг якуний молиявий-иқтисодий ечимини белгиловчи ҳужжат;
халқаро молия институтлари (кейинги ўринларда ХМИ деб аталади) — халқаро иқтисодий муносабатларни, шу жумладан валюта-кредит муносабатларини тартибга солиш мақсадида давлатлараро битимлар асосида ташкил этилган институтлар.
3. Лойиҳа ҳужжатларида қуйидаги асосий масалалар назарда тутилади:
хом ашё ва тайёр маҳсулотларни ташиш оқимлари схемалари;
ишлаб чиқариш технологияси, ишлаб чиқаришни ихтисослаштириш ва кооперациялаш, иқтисодиётнинг ўзаро боғлиқ тармоқлари билан алоқалар, ишлаб чиқаришни ҳисоблаш ва ташкил этиш;
ишлаб чиқаришни кадрлар билан таъминлаш;
қурилиш учун ажратилган ер участкасидан оқилона фойдаланиш, бинолар ва иншоотларнинг ҳажмий-режали, архитектура ва конструктив ечимлари, атроф муҳитни муҳофаза қилиш, бузилган ерларни тиклаш (экинлар ўсадиган қилиш) ҳамда ер остини муҳофаза қилиш, қувватларни ўзлаштириш.
Лойиҳа ҳужжатлари қурилишнинг бошланғич (чекланган) қийматини аниқлаш, танлов ҳужжатларини ишлаб чиқиш, танлов савдоларини ўтказиш учун асос бўлиб хизмат қилади.
Лойиҳа ҳужжатлари таркибига қуйидагилар кириши мумкин:
дастлабки техник-иқтисодий асослаш ёки техник-иқтисодий ҳисоблаш (кейинги ўринларда ДТИА /ДТИҲ/ деб аталади);
якуний техник-иқтисодий асослаш ёки техник-иқтисодий ҳисоблаш (кейинги ўринларда ТИА /ТИҲ/ деб аталади);
бошланғич қийматга эга бўлган лойиҳа;
якуний қийматга эга бўлган лойиҳа;
ишчи ҳужжатлар.
4. Лойиҳа ҳужжатлари лойиҳа ташаббускори ёки унинг буюртмаси бўйича — лойиҳаловчи ташкилот (танлов савдолари ғолиби) томонидан тузиладиган лойиҳалаш юзасидан топшириқлар асосида ишлаб чиқилади.
II. Лойиҳа ҳужжатларини ишлаб чиқиш юзасидан топшириқларни тузиш ва тасдиқлаш тартиби
5. Лойиҳалаш юзасидан топшириқлар таркиби (кейинги ўринларда Топшириқ деб аталади) Ўзбекистон Республикаси Давлат архитектура ва қурилиш қўмитаси томонидан белгиланади.
6. Топшириқ қуйидагилар томонидан тасдиқланади:
а) Ўзбекистон Республикаси Вазирлар Маҳкамасининг тегишли комплекси раҳбари томонидан, қуйидагилар учун ДТИА /ДТИҲ/ни ишлаб чиқишда:
Ўзбекистон Республикаси Ҳукумати номидан ва (ёки) унинг кафолати остида жалб этилган кредитлар ҳисобига, шу жумладан ушбу Низомнинг 8-банди «а» кичик бандига мувофиқ халқаро молия институтлари кредитлари ҳисобига молиялаштириладиган инвестиция лойиҳалари учун — лойиҳа ташаббускори тақдимномаси ва Ўзбекистон Республикаси Иқтисодиёт вазирлиги, Молия вазирлиги ва «Давархитектқурилиш» қўмитаси билан келишган ҳолда;
ушбу Низомнинг 8-банди «а» ва «б» кичик бандларига мувофиқ марказлаштирилмаган манбалар ҳисобига молиялаштириладиган, қурилишнинг ҳисобланган қиймати тасдиқлаш кунидаги Ўзбекистон Республикаси Марказий банк курси бўйича эквивалентда — ишлаб чиқариш мақсадидаги 25 млн АҚШ долларидан ортиқ бўлган ва ноишлаб чиқариш мақсадидаги 15 млн АҚШ доллари бўлган инвестиция лойиҳалари учун — лойиҳа ташаббускори тақдимномаси ва Ўзбекистон Республикаси Иқтисодиёт вазирлиги, «Давархитектқурилиш» қўмитаси билан келишган ҳолда;
б) вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, лойиҳанинг ташаббускори бўлган ташкилотлар томонидан:
ушбу Низомнинг 8-банди «в» кичик бандига мувофиқ бюджет маблағлари ҳисобига молиялаштириладиган инвестиция лойиҳалари учун, қурилишнинг ҳисобланган қиймати тасдиқлаш кунида Ўзбекистон Республикаси Марказий банки курси бўйича эквивалентда 5 млн АҚШ долларидан ортиқ бўлган Ташқи иқтисодий алоқалар агентлиги (ТИҲ)ни ишлаб чиқишда — Ўзбекистон Республикаси Иқтисодиёт вазирлиги, Молия вазирлиги ва «Давархитектқурилиш» қўмитаси билан келишган ҳолда;
ушбу Низомнинг 8-банди «а» ва «б» кичик бандларига мувофиқ марказлаштирилмаган манбалар ҳисобига молиялаштириладиган инвестиция лойиҳалари учун, қиймати тасдиқлаш кунида Ўзбекистон Республикаси Марказий банки курси бўйича эквивалентда қурилишнинг ҳисобланган ишлаб чиқариш мақсадидаги 15 дан 25 млн АҚШ долларигача бўлган ва ноишлаб чиқариш мақсадидаги 5 дан 15 млн АҚШ долларигача бўлган ТИА/ТИҲ/ни ишлаб чиқишда — Ўзбекистон Республикаси Иқтисодиёт вазирлиги ва «Давархитектқурилиш» қўмитаси билан келишган ҳолда;
в) қолган барча ҳолларда Топшириқ лойиҳа ташаббускори томонидан, Ўзбекистон Республикаси «Давархитектқурилиш» қўмитаси билан келишган ҳолда, белгиланган тартибда тасдиқланади.
III. Лойиҳа ҳужжатларини ишлаб чиқиш тартиби
7. Лойиҳани амалга ошириш шартларига боғлиқ ҳолда лойиҳа ҳужжатлари қуйидагича изчилликда ишлаб чиқилади:
дастлабки ТИА — танлов ҳужжатлари — якуний ТИА — ишчи ҳужжатлар;
дастлабки ТИҲ — танлов ҳужжатлари — якуний ТИҲ — ишчи ҳужжатлар;
бошланғич қийматга эга бўлган лойиҳа — танлов ҳужжатлари — шартномавий қийматга эга бўлган якуний лойиҳа — ишчи ҳужжатлар.
Лойиҳа ҳужжатларини ишлаб чиқиш вариантлари схемаси ушбу Низомга 1-иловада келтирилган.
8. Лойиҳани амалга ошириш вариантларини ва лойиҳа ҳужжатлари таркибини танлаш қуйидаги мезонлар асосида амалга оширилади:
а) ТИА (дастлабки ва якуний) ишлаб чиқилган ҳолдаги биринчи вариант — қуйидагилар ҳисобига молиялаштириладиган инвестиция лойиҳаларини амалга оширишда фойдаланилади:
давлат бюджети маблағлари — ишлаб чиқариш мақсадидаги объектлар бўйича («бошқа тармоқлар» объектларидан ташқари);
Ўзбекистон Республикаси Ҳукумати номидан ва/ёки унинг кафолати остида жалб этилган кредитлар, шу жумладан халқаро молия институтлари кредитлари, хорижий банкларнинг кредит линиялари доирасида Ўзбекистон Республикасининг тижорат банклари томонидан қайта молиялаштириш йўли билан амалга ошириладиган кичик бизнес лойиҳалари бундан мустасно;
марказлаштирилмаган манбалар маблағлари — ишлаб чиқариш мақсадидаги объектлар бўйича;
б) ТИҲ (дастлабки ва якуний) ишлаб чиқилган ҳолдаги иккинчи вариант — қуйидагилар ҳисобига молиялаштириладиган инвестиция лойиҳаларини амалга оширишда фойдаланилади:
давлат бюджети маблағлари — ишлаб чиқариш мақсадидаги «бошқа тармоқлар» объектлари ва ижтимоий соҳа объектлари бўйича, якка тартибдаги лойиҳани, шунингдек Ўзбекистон Республикаси Вазирлар Маҳкамасининг алоҳида қарорлари бўйича амалга ошириладиган лойиҳани ишлаб чиқишда;
марказлаштирилмаган манбалар маблағлари — ижтимоий соҳа объектлари бўйича, якка тартибдаги лойиҳани ишлаб чиқишда;
в) лойиҳани ишлаб чиққан ҳолдаги учинчи вариант — намунавий ва такрорий қўлланиладиган лойиҳаларни қўлланган ҳолда қуриладиган ишлаб чиқариш мақсадидаги «бошқа тармоқлар» ва ижтимоий соҳа объектлари бўйича (ушбу банднинг «а» ва «б» кичик бандларига тўғри келадиган ҳоллардан ташқари), шунингдек аҳоли яшаш пунктларининг бош режаларида назарда тутилган муҳандислик коммуникациялари қурилишида фойдаланилади.
IV. Лойиҳа ҳужжатларини тасдиқлаш
10. Қуйидагиларнинг маблағлари ҳисобига молиялаштириладиган объектлар бўйича ДТИА /ДТИҲ/ ва ТИА /ТИҲ/ Ўзбекистон Республикаси Вазирлар Маҳкамаси томонидан тасдиқланади:
ушбу Низомнинг 8-бандига мувофиқ марказлаштирилган манбалар —– лойиҳа ташаббускори тақдимномаси бўйича, Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар агентлиги ва ваколатли банк (ваколатли банк кредитор ҳисобланадиган ҳолларда) хулосалари асосида;
Кейинги таҳрирга қаранг.
ҳисобланган қиймати тасдиқлаш кунидаги Ўзбекистон Республикаси Марказий банки курси бўйича эквивалентда ишлаб чиқариш мақсадидаги 25 млн АҚШ долларидан ортиқ ва ноишлаб чиқариш мақсадидаги 15 млн АҚШ доллари бўлган марказлаштирилмаган манбалар — лойиҳа ташаббускори тақдимномаси бўйича, Ўзбекистон Республикаси Иқтисодиёт вазирлиги ва ваколатли банк (ваколатли банк кредитор ҳисобланадиган ҳолларда) хулосалари асосида.
11. Қуйидагилар:
марказлаштирилган манбалар маблағлари, ушбу Низомнинг 10-бандида кўрсатилганлардан ташқари;
марказлаштирилмаган манбалар маблағлари, қурилишнинг ҳисобланган қиймати тасдиқлаш кунида Ўзбекистон Республикаси Марказий банки курси бўйича эквивалентда ишлаб чиқариш мақсадидаги 5 дан 25 млн АҚШ долларигача ҳамда ноишлаб чиқариш мақсадидаги 5 дан 15 млн АҚШ долларигача бўлган маблағлар ҳисобига молиялаштириладиган объектлар бўйича лойиҳа ҳужжатлари ташаббускорлар томонидан Ўзбекистон Республикаси Иқтисодиёт вазирлиги ва «Давархитектқурилиш» қўмитаси билан келишилган ҳолда тасдиқланади.
Қолган барча ҳолларда лойиҳа ҳужжатлари лойиҳа ташаббускори томонидан, Ўзбекистон Республикаси «Давархитектқурилиш» қўмитаси билан келишган ҳолда, белгиланган тартибда тасдиқланади.
V. Марказлаштирилган манбалар ҳисобига амалга ошириладиган инвестиция лойиҳаларининг ДТИА /ДТИҲ/ни ишлаб чиқиш, экспертизадан ўтказиш ва тасдиқлаш тартиби
12. Инвестиция лойиҳасининг ДТИА (ДТИҲ) ушбу Низомга 2-иловага мувофиқ таркибга мувофиқ, зарур бўлганда, асосий техник ва технологик ечимларни ишлаб чиқишга архитектура — шаҳарсозлик ҳужжатларини ишлаб чиқиш бўйича фаолиятнинг тегишли турини амалга ошириш учун лицензияга эга бўлган лойиҳалаш ташкилотларини ва инжиниринг компанияларини танлов асосида жалб этган ҳолда ишлаб чиқилади.
13. Вазирлар Маҳкамаси томонидан тасдиқланадиган инвестиция лойиҳасининг ДТИА (ДТИҲ) ни кўриб чиқиш ва улар бўйича хулоса тайёрлаш қуйидаги ваколатли экспертиза органлари томонидан икки босқичда амалга оширилади: Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар агентлиги, шунингдек ваколатли банк (қарз олувчи (субқарз олувчи)нинг асосий ҳисоб рақамларига хизмат кўрсатувчи ва (ёки) кредит берувчи банк) томонидан амалга оширилади. Ваколатли экспертиза органлари қайта ташкил этилган тақдирда хулоса ҳуқуқий ворис ташкилот томонидан берилади.
Ўзбекистон Республикаси «Давархитектқурилиш» қўмитаси томонидан ТИА (ТИҲ)ни экспертизадан ўтказиш унинг Шаҳарсозлик кодексига мувофиқлигини аниқлаш мақсадида амалга оширилади.
Кейинги таҳрирга қаранг.
14. Биринчи босқичда, ДТИА (ДТИҲ) тақдим этилган вақтдан бошлаб уч кун муддатда лойиҳани амалга оширишнинг принципиал имконияти ва мақсадга мувофиқлиги юзасидан эксперт хулосасини лойиҳа ташаббускорига қуйидагилар беришади:
а) Ўзбекистон Республикаси Иқтисодиёт вазирлиги:
ДТИА бўйича — иқтисодиётни барқарор, мутаносиб ривожлантиришни, ишлаб чиқарувчи кучларни мақбул равишда жойлаштиришни, таркибий қайта ўзгартиришларни, тармоқлараро кооперациялашни амалга оширишни, инвестиция сиёсатини рўёбга чиқаришни, ишлаб турган қувватлардан фойдаланишни, шунингдек хом ашё ва ишлаб чиқарилаётган маҳсулотлар конъюнктурасини таъминлаш нуқтаи назаридан лойиҳани амалга оширишнинг умумий иқтисодий мақсадга мувофиқлигини баҳолаш юзасидан;
ДТИҲ бўйича — ижтимоий аҳамиятини, ижтимоий соҳанинг алоҳида тармоқларини ва ишлаб чиқариш йўналишидаги «бошқа тармоқлар»ни ривожлантиришга доир Ҳукумат қарорларига мувофиқлигини, ишлаб турган қувватлардан фойдаланишни ва уларни жойлаштиришни мақбуллаштиришни ҳисобга олган ҳолда баҳолаш юзасидан;
б) Ўзбекистон Республикаси Ташқи иқтисодий алоқалар агентлиги:
ДТИА бўйича — тавсия этилаётган маркетинг концепцияси, жаҳон бозори конъюнктураси нуқтаи назаридан тайёр маҳсулотларни сотиш истиқболлари, шунингдек техник даража ва ДТИАда тавсия қилинаётган технологияга мувофиқ асбоб-ускуналар нархларининг чекланган параметрлари асосида лойиҳани амалга ошириш имкониятини баҳолаш юзасидан.
Ўзбекистон Республикаси Ташқи иқтисодий алоқалар агентлиги ва Иқтисодиёт вазирлиги ўз ваколатлари доирасида инвестиция лойиҳалари бўйича ДТИАни ишлаб чиқишда ташаббускорларга ички ва ташқи бозорларни уч—беш йиллик прогнозлаш даври учун маркетинг ишланмаларини ташкил этишда кўмаклашадилар.
Кейинги таҳрирга қаранг.
15. Иккинчи босқичда, Ўзбекистон Республикаси Иқтисодиёт вазирлиги ва Ташқи иқтисодий алоқалар агентлигининг ижобий хулосалари мавжуд бўлган тақдирда, ДТИА (ДТИҲ) тақдим этилган вақтдан бошлаб уч ҳафта муддатда лойиҳа ташаббускорига эксперт хулосани қуйидагилар тақдим этишади:
а) Ўзбекистон Республикаси Молия вазирлиги:
ДТИА бўйича — лойиҳанинг молия-иқтисодий самарадорлигини ва қопланувчанлигини, шунингдек молиялаштиришнинг тавсия этилаётган схемаси мақбуллигини баҳолаш юзасидан;
ДТИҲ бўйича — молиялаштиришнинг тавсия этилаётган схемаси мақбуллиги юзасидан;
б) ваколатли банк — ДТИА бўйича, молиялаштиришнинг тавсия этилаётган схемасининг иқтисодий самарадорлиги, мақбуллиги, таваккалчиликларни ва кредитларнинг қайтарилувчанлигини баҳолаш юзасидан.
ДТИА (ДТИҲ)да маблағлар дефицити жалб этиладиган кредитларни бюджет маблағлари ҳисобига қайтариш назарда тутиладиган ижтимоий аҳамиятга эга объектлар бўйича ваколатли органлар хулосасида бюджет маблағларининг, шу жумладан солиқ имтиёзлари беришнинг мақсадга мувофиқлиги (мақсадга мувофиқ эмаслиги) ва ҳажмлари тўғрисидаги хулосалар мавжуд бўлиши керак.
Молиялаштириш бюджет маблағлари ҳисобига (бошқа манбалар иштирокисиз) амалга ошириладиган объектлар бўйича ваколатли банкнинг эксперт хулосаси талаб қилинмайди.
Кейинги таҳрирга қаранг.
16. Ваколатли экспертиза органларининг ижобий хулосалари мавжуд бўлган тақдирда лойиҳа ташаббускори Вазирлар Маҳкамасининг тегишли комплекси котибиятига лойиҳанинг ДТИА (ДТИҲ)ни икки нусхада ва ваколатли экспертиза органлари хулосасини киритади.
Вазирлар Маҳкамасининг тегишли комплекси котибияти бир ҳафта муддатда лойиҳанинг ДТИА (ДТИҲ) юзасидан ушбу Низомга 3-иловага мувофиқ шакл бўйича Комплекс раҳбари билан келишилган хулосани, шунингдек Вазирлар Маҳкамасининг ДТИА (ДТИҲ)ни тасдиқлаш тўғрисидаги фармойиши лойиҳасини киритади ва:
хорижий кредитларни жалб этган ҳолда амалга ошириладиган лойиҳалар бўйича — Вазирлар Маҳкамасининг Ташқи иқтисодий алоқалар ва хорижий инвестициялар департаментига;
фақат ички манбалар ҳисобига амалга ошириладиган лойиҳалар бўйича — Ўзбекистон Республикаси Бош вазирининг биринчи ўринбосари котибиятига беради.
Ташқи иқтисодий алоқалар ва хорижий инвестициялар департаменти ёки Бош вазир биринчи ўринбосарининг котибияти тегишли равишда бир ҳафта муддатда қарор лойиҳасини тасдиқлаш учун Ўзбекистон Республикаси Вазирлар Маҳкамасига киритадилар.
Кейинги таҳрирга қаранг.
17. Лойиҳа ташаббускорининг лойиҳанинг бир ёки бир нечта ваколатли экспертиза органлари хулосаси юзасидан асосланган эътирозлари мавжуд бўлган тақдирда, ДТИА (ДТИҲ) экспертизаси ваколатли экспертиза органлари хулосаларини ҳисобга олган ҳолда Вазирлар Маҳкамасининг тегишли комплекси котибияти ёхуд Ташқи иқтисодий алоқалар ва хорижий инвестициялар департаменти ёки Бош вазир биринчи ўринбосарининг котибияти томонидан кўриб чиқилади, улар тегишли қарор қабул қилишади.
Кейинги таҳрирга қаранг.
18. Вазирлар Маҳкамасининг ДТИА (ДТИҲ)ни тасдиқлаш тўғрисидаги қарорида лойиҳанинг номи, унинг ташаббускори, қурилишнинг чекланган қиймати (шу жумладан импорт технология ва бошқа асбоб-ускуналарни сотиб олиш харажатлари), объектнинг ҳисобланган қуввати (ишлаб чиқарилаётган маҳсулотларнинг йиллик ҳажми ва номенклатураси), шунингдек иқтисодий самарадорлик кўрсаткичлари, шу жумладан ушбу Низомга 3-илованинг 2-бандига мувофиқ шакл бўйича экспорт ҳажмлари мавжуд бўлади.
19. Вазирлар Маҳкамаси томонидан тасдиқланган лойиҳа ДТИА (ДТИҲ)нинг ҳар қайси саҳифасига давлат тилида «Vazirlar Mahkamasining 200__ y. «__»________dagi ___-son farmoyishi bilan tasdiqlangan» ёзуви ёзилган штемпел албатта қўйилган бўлади.
Тасдиқланган ДТИА (ДТИҲ)нинг бир нусхаси лойиҳа ташаббускорига берилади, иккинчи нусхаси сақлаш учун Ўзбекистон Республикаси Вазирлар Маҳкамасининг Умумий бўлимида қолади.
20. Лойиҳанинг тасдиқланган ДТИА (ДТИҲ) параметрлари, шу жумладан харажатлар турлари бўйича молиялаштиришнинг чекланган лимитлари асосида лойиҳа ташаббускори томонидан, пудратчиларни ва лойиҳа бўйича сотиб олинадиган технологик асбоб-ускуналарнинг етказиб берувчиларини аниқлаш учун танлов ҳужжатлари белгиланган тартибда ишлаб чиқилади.
Хорижий кредитлар жалб этилган ҳолда амалга ошириладиган лойиҳалар бўйича танлов савдолари ўтказишда лойиҳани молиялаштиришнинг энг мақбул шартларини тақдим этиш талаблардан бири ҳисобланади.
VI. Марказлаштирилган манбалар ҳисобига амалга ошириладиган инвестиция лойиҳаларининг ТИА (ТИҲ)ни ишлаб чиқиш, экспертизадан ўтказиш ва тасдиқлаш тартиби
21. Лойиҳанинг Ўзбекистон Республикаси Вазирлар Маҳкамаси қарори билан тасдиқланган ДТИА (ДТИҲ), танлов савдолари натижасида танлаб олинган технологиялар ва бошқа асбоб-ускуналар бўйича таклифлар асосида лойиҳа ташаббускори томонидан ушбу Низомга 4-иловага мувофиқ таркибга биноан инвестиция лойиҳасининг ТИА (ТИҲ) ишлаб чиқилади.
22. Лойиҳанинг ТИА (ТИҲ)ни экспертизадан ўтказиш у тақдим этилган вақтдан бошлаб икки ҳафта муддатда, айни бир вақтда Иқтисодиёт вазирлиги, Молия вазирлиги, Ташқи иқтисодий алоқалар агентлиги ҳамда ваколатли банк томонидан, ушбу Низомнинг 14 ва 15-бандларида кўрсатилган ваколатли экспертиза органларидан ҳар бирининг ваколати доирасида амалга оширилади. ТИА (ТИҲ)ни «Давархитектқурилиш» қўмитаси томонидан экспертизадан ўтказиш уларнинг Шаҳарсозлик кодекси талабларига мувофиқлиги юзасидан ўтказилади.
Ваколатли экспертиза органларининг ижобий хулосалари мавжуд бўлган тақдирда лойиҳа ташаббускори Ўзбекистон Республикаси Вазирлар Маҳкамасининг тегишли комплекси котибияти (Департаменти)га лойиҳанинг ТИА (ТИҲ)ни уч нусхада, ваколатли экспертиза органлари хулосаларини илова қилган ҳолда, шунингдек Вазирлар Маҳкамасининг лойиҳани амалга ошириш бўйича қарори лойиҳасини киритади.
Вазирлар Маҳкамасининг тегишли комплекси котибияти (Департаменти) бир ҳафта муддатда Вазирлар Маҳкамасининг қарори лойиҳасини мазкур Низомга 5-иловага мувофиқ инвестиция лойиҳасининг якуний техник-иқтисодий параметрлари билан бирга кўриб чиқади ва:
хорижий кредитлар жалб этилган ҳолда амалга ошириладиган лойиҳалар бўйича — Вазирлар Маҳкамасининг Ташқи иқтисодий алоқалар ва хорижий инвестициялар департаментига;
фақат ички манбалар ҳисобига амалга ошириладиган лойиҳалар бўйича — Ўзбекистон Республикаси Бош вазири биринчи ўринбосарининг котибиятига беради.
Ташқи иқтисодий алоқалар ва хорижий инвестициялар департаменти ёки Бош вазир биринчи ўринбосарининг котибияти тегишли равишда бир ҳафта муддатда ўз хулосасини тайёрлайди ва Вазирлар Маҳкамасининг қарор лойиҳасини Вазирлар Маҳкамасининг тегишли комплекси котибиятига қайтаради.
Вазирлар Маҳкамасининг тегишли комплекси котибияти (Департаменти) белгиланган тартибда мазкур Низомга 5-иловага мувофиқ инвестиция лойиҳасининг якуний техник-иқтисодий параметрлари билан бирга Вазирлар Маҳкамасининг қарори лойиҳасини келишиб олишни таъминлайди.
Лойиҳа ташаббускорининг лойиҳанинг бир ёки бир нечта ваколатли экспертиза органлари хулосаси юзасидан асосланган эътирозлари мавжуд бўлган тақдирда, ТИА (ТИҲ) экспертизаси ваколатли экспертиза органлари хулосаларини ҳисобга олган ҳолда Вазирлар Маҳкамасининг тегишли комплекси котибияти ёхуд Ташқи иқтисодий алоқалар ва хорижий инвестициялар департаменти ёки Бош вазир биринчи ўринбосарининг котибияти томонидан кўриб чиқилади, улар тегишли қарор қабул қилишади.
Лойиҳа бўйича ТИА (ТИҲ)нинг асосий техник-иқтисодий кўрсаткичлари Вазирлар Маҳкамасининг лойиҳани амалга ошириш бўйича қарорига илова сифатида тасдиқланади.
Кейинги таҳрирга қаранг.
23. Лойиҳа бўйича ТИА (ТИҲ)нинг Вазирлар Маҳкамаси томонидан тасдиқланган ҳар қайси саҳифасига давлат тилида «Vazirlar Mahkamasining 200__ y. «__»________dagi ___-son farmoyishi bilan tasdiqlangan» ёзуви ёзилган штемпел албатта қўйилган бўлади.
Тасдиқланган ТИА (ТИҲ)нинг бир нусхаси лойиҳа ташаббускорига берилади, иккинчи нусхаси сақлаш учун Ўзбекистон Республикаси Вазирлар Маҳкамасининг Умумий бўлимида қолади.
VII. Халқаро молия институтларининг қарз маблағларини жалб этган ҳолда амалга ошириладиган лойиҳаларни тайёрлаш ва кўриб чиқиш тартиби
24. Халқаро молия институтлари (кейинги ўринларда ХМИ деб аталади) қарз маблағлари жалб этилган лойиҳаларни кўриб чиқиш ва тайёрлаш икки босқичда амалга оширилади.
I. Биринчи босқичда:
лойиҳа ташаббускорлари Ўзбекистон Республикаси Иқтисодиёт вазирлиги ва Молия вазирлигига ХМИ миссияларининг баҳолашдан олдинги ҳисоботлари асосида тайёрланган макроиқтисодий сиёсат ва тармоқни ривожлантириш стратегияси нуқтаи назаридан лойиҳани амалга оширишнинг зарурлиги тўғрисидаги, лойиҳа қийматини дастлабки баҳолашни ва ХМИнинг жалб этиладиган қарз маблағлари миқдорини ўз ичига оладиган таклифларни киритадилар;
Ўзбекистон Республикаси Иқтисодиёт вазирлиги тақдим этилган таклифларни ДТИА бўйича — иқтисодиётни барқарор, мутаносиб ривожлантиришни, ишлаб чиқарувчи кучларни мақбул равишда жойлаштиришни, таркибий қайта ўзгартиришларни, тармоқлараро кооперациялашни амалга оширишни, инвестиция сиёсатини рўёбга чиқаришни, ишлаб турган қувватлардан фойдаланишни, шунингдек хом ашё ва ишлаб чиқарилаётган маҳсулотлар конъюнктурасини таъминлаш нуқтаи назаридан лойиҳани амалга оширишнинг умумий иқтисодий мақсадга мувофиқлигини баҳолаш юзасидан кўриб чиқади;
Ўзбекистон Республикаси Молия вазирлиги — таркибий қайта ўзгартиришларни амалга ошириш, лойиҳани молиялаштиришнинг дастлабки қиймати ва схемасининг мақбуллиги юзасидан кўриб чиқади;
лойиҳани амалга оширишнинг зарурлиги ва мақсадга мувофиқлиги тўғрисидаги таклифлар келишиб олингандан кейин Ўзбекистон Республикаси билан ХМИ ўртасидаги ўзаро ҳамфикрлик тўғрисидаги меморандумни белгиланган тартибда имзолайди.
II. Иккинчи босқичда:
лойиҳа ташаббускори ХМИ баҳоловчи миссиясининг ҳисоботи асосида, ушбу Низомга 4-иловага биноан ТИА таркибига мувофиқ ТИАни ишлаб чиқади ва кўриб чиқиш учун Иқтисодиёт вазирлигига ҳамда Молия вазирлигига тақдим этади;
Ўзбекистон Республикаси Иқтисодиёт вазирлиги ва Молия вазирлиги лойиҳанинг ТИА экспертизасини ушбу Низомнинг V бўлимига мувофиқ амалга оширадилар;
ТИАни тасдиқлаш ушбу Низомнинг VI бўлимига мувофиқ амалга оширилади.
Инвестиция лойиҳалари ҳужжатларини
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
1-ИЛОВА
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
1-ИЛОВА
Лойиҳа ҳужжатларини ишлаб чиқиш вариантлари
схемаси
Инвестиция лойиҳалари ҳужжатларини
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
2-ИЛОВА
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
2-ИЛОВА
Дастлабки техник-иқтисодий асослаш (ДТИА)
таркиби
1.Лойиҳанинг мақсади.
2. Объектнинг тавсифи — ишлаб чиқариш ва транспорт инфратузилмасининг мавжудлиги ва уларга кириб бориш имкониятлари, ишчи кучлари мавжудлиги, ижара қиймати, ишлаб чиқариш ва ёрдамчи биноларни сотиб олиш ёки уларни янгидан қуриш имкониятлари ва бошқалар.
3. Шаҳарсозлик талабларини ҳисобга олган ҳолда, корхона (иншоот)ни жойлаштириш райони ва пунктини танлашнинг асосланиши.
4. Архитектура-қурилиш ва ҳажмий-режалаштиришнинг принципиал ечимлари ва уларнинг асосий кўрсаткичлари.
5. Қурилиш ва ишлатишда зарарли ташланмалар ва оқова сувларининг тавсифи ва ҳажми, атроф муҳитни ифлослантиришнинг олдини олиш тадбирлари.
6. Муҳандислик таъминоти (сув билан таъминлаш, канализация, иссиқлик, газ, электр энергияси билан таъминлаш, иситиш, шамоллатиш ва ҳавони тозалаш) ва жиҳозлаш бўйича принципиал ечимлар.
7. Технологиянинг тавсифи ва технология асбоб-ускуналари вариантларининг асосий кўрсаткичлари (қуввати, энергетика ва моддий ресурслар истеъмоли ва бошқалар).
8. Маркетинг тадқиқотлари натижалари, улар:
ташқи ва ички бозорлар конъюнктурасини ўрганишга асосланган, тайёр маҳсулотни ички бозорда сотиш, шунингдек экспорт қилиш имкониятларини;
потенциал истеъмолчилар томонидан талаб ва рақобатчилар томонидан таклиф ўрганилганлигини;
маҳсулотнинг сифат ва нарх кўрсаткичлари бўйича рақобатбардошлигини таъминлаш чора-тадбирларининг мавжудлигини;
лойиҳанинг энг аввало арзон нархдаги, талаб қилинадиган миқдор ва сифатдаги маҳаллий хом ашё ва бошқа моддий ресурслар билан таъминланганлигини;
асбоб-ускуналарга қўйиладиган асосий талабларни, табиий-иқлим, ишлаб чиқариш ва бошқа омилларни ҳисобга олган ҳолда ватанимиз технологияларини ва хорижий технологияларни қиёслаш таҳлилига асосланган самарали ишлаб чиқариш технологияси, принципиал техник ечимлар танланганлигини;
таклиф этилаётган ишлаб чиқаришнинг мақбул ҳажмини;
лойиҳани амалга ошириш, шу жумладан инвестиция фазасининг муддатларини тасдиқлаши керак.
9. Лойиҳа ташаббускорининг техник ва молиявий имкониятларига асосланган лойиҳани амалга оширишнинг дастлабки схемаси, лойиҳани амалга ошириш учун зарур бўладиган ресурсларнинг мавжудлиги ва қиймати (шу жумладан ЭМВда).
10. Танланган вариант асосида қурилишнинг чекланган қиймати, шу жумладан инжиниринг кузатувига, ДТИАни ва якуний техник-иқтисодий асослашни ишлаб чиқишга, технология асбоб-ускуналарига, ер участкаси ажратишга, бинолар ва иншоотлар қурилишига харажатлар, шунингдек айланма капиталнинг, жалб этиладиган кредитлар бўйича молиявий харажатлар ва бошқаларнинг ЭМВ ва миллий валютадаги қиймати.
11. Лойиҳа юзасидан харажатлар таркиби бўйича молиялаштириш схемаси.
12. Лойиҳа таваккалчиликларининг таҳлили.
13. Барча инвестициялар базасида соф дисконт даромад нулга тенг (молиявий баҳолаш) бўлган давр сифатида ҳисоблаб чиқилган лойиҳанинг ЭМВдаги молиявий-иқтисодий самарадорлигининг, ўзини-ўзи қоплаши муддатининг ҳисоб-китоблари, лойиҳанинг якуний қийматига асосланган кредитларни қайтаришнинг ҳисоб-китоблари.
Дастлабки техник-иқтисодий ҳисоблаш (ДТИҲ)
таркиби
1.Лойиҳанинг мақсади.
2. Объектнинг тавсифи — ишлаб чиқариш ва транспорт инфратузилмасининг мавжудлиги ва уларга кириб бориш имкониятлари, ишчи кучлари мавжудлиги, ижара қиймати, ишлаб чиқариш ва ёрдамчи биноларни сотиб олиш ёки уларни янгидан қуриш имкониятлари ва бошқалар.
3. Шаҳарсозлик талабларини ҳисобга олган ҳолда, корхона (иншоот)ни жойлаштириш райони ва пунктини танлашнинг асосланиши.
4. Архитектура-қурилиш ва ҳажмий-режалаштиришнинг принципиал ечимлари ва уларнинг асосий кўрсаткичлари.
5. Қурилиш ва ишлатишда зарарли ташланмалар ва оқова сувларининг тавсифи ва ҳажми, атроф муҳитни ифлослантиришнинг олдини олиш тадбирлари.
6. Муҳандислик таъминоти (сув билан таъминлаш, канализация, иссиқлик, газ, электр энергияси билан таъминлаш, иситиш, шамоллатиш ва ҳавони тозалаш) ва жиҳозлаш бўйича принципиал ечимлар.
7. Технологиянинг тавсифи ва технология асбоб-ускуналари вариантларининг асосий кўрсаткичлари (қуввати, энергетика ва моддий ресурслар истеъмоли ва бошқалар).
8. Лойиҳа ташаббускорининг техник ва молиявий имкониятларига асосланган лойиҳани амалга оширишнинг дастлабки схемаси, лойиҳани амалга ошириш учун зарур бўладиган ресурсларнинг мавжудлиги ва қиймати (шу жумладан ЭМВда).
9. Танланган вариант асосида қурилишнинг чекланган қиймати, шу жумладан инжиниринг кузатувига, ДТИАни ва якуний техник-иқтисодий асослашни ишлаб чиқишга, технология асбоб-ускуналарига, ер участкаси ажратишга, бинолар ва иншоотлар қурилишига харажатлар, шунингдек айланма капиталнинг, жалб этиладиган кредитлар бўйича молиявий харажатлар ва бошқаларнинг ЭМВ ва миллий валютадаги қиймати.
10. Лойиҳа юзасидан харажатлар таркиби бўйича молиялаштириш схемаси.
Изоҳ: ишлаб турган ва янгидан фойдаланишга топшириладиган ижтимоий соҳа муассасаларини жиҳозлаш учун жалб қилинадиган хорижий кредитлар ҳисобига асбоб-ускуналар харид қилишда ДТИА (ДТИҲ) тузилмайди.
Инвестиция лойиҳалари ҳужжатларини
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
3-ИЛОВА
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
3-ИЛОВА
| | | | |
«КЕЛИШИЛГАН» | ||
|
|
|
|
|
200 йил «_____»________________ | ||
|
Инвестиция лойиҳасининг дастлабки техник-иқтисодий асослаши | ||||||
|
______________________________________________________________________________________________ | ||||||
|
Ваколатли экспертиза органлари: |
Хулоса натижаси | |||||
|
Ўзбекистон Республикаси Иқтисодиёт вазирлиги |
| | | |||
|
Ўзбекистон Республикаси Ташқи иқтисодий алоқалар агентлиги |
| | | |||
|
Ўзбекистон Республикаси Молия вазирлиги |
| | | |||
|
Ўзбекистон Республикаси «Давархитектқурилиш» қўмитаси |
| | | |||
|
Ваколатли банк (банклар) |
| | | |||
|
Инвестиция лойиҳасининг ДТИАдаги асосий техник-иқтисодий кўрсаткичлар: | ||||||
|
Т/р |
Кўрсаткичлар номи |
Ўлчов бирлиги |
Жами |
Молиялаштириш манбалари | ||
|
Бюджет |
Кредитлар, шу жумладан хорижий кредитлар, ХМИ қарзлари ҳам шу жумлага киради |
Марказлаш-тирилмаган маблағлар (ўз маблағлари | ||||
| 1. | Қурилишнинг чекланган қиймати |
минг доллар млн сўм |
| | | |
| | шу жумладан: | | | | | |
| | машина ва асбоб-ускуналар ЭМВда | минг доллар | | | | |
| | маҳаллий валютада | млн сўм | | | | |
| | Қурилиш-монтаж ишлари ЭМВда | минг доллар | | | | |
| | маҳаллий валютада | млн сўм | | | | |
| | Инвестиция давридаги молиявий харажатлар ЭМВда | минг доллар | | | | |
| | маҳаллий валютада | млн сўм | | | | |
| | Дастлабки айланма капитал ЭМВда | минг доллар | | | | |
| | маҳаллий валютада | млн сўм | | | | |
| | Бошқа харажатлар ЭМВда | минг доллар | | | | |
| | маҳаллий валютада | млн сўм | | | | |
| 2. |
Корхонанинг қуввати, шу жумладан: |
| ||||
| | — ишлаб чиқариладиган маҳсулот ҳажми | |||||
| | — экспорт ҳажми*) | |||||
| 3. | Иш билан таъминланадиганларнинг мўлжалланаётган сони | киши | ||||
| 4. | Қурилиш муддати | ой | ||||
| 5. | Яратилаётган асосий ишлаб чиқариш фондлари қиймати |
минг АҚШ доллари (эквивалентда) млн сўм | ||||
| 6. | Лойиҳанинг ўзини қоплаш муддати*) |
йил | ||||
| 7. | Кредитни ва бошқа қарз маблағларни қайтариш муддати |
йил | ||||
| | —шу жумладан валюта маблағларини қайтариш муддати |
йил | ||||
|
_____________________________________________________________________________ | ||||||
|
инвестиция лойиҳасининг дастлабки техник-иқтисодий асослаши кўрсатиб ўтилган асосий кўрсаткичлар билан Ўзбекистон Республикаси Вазирлар Маҳкамаси томонидан тасдиқлаш учун тавсия этилади. | ||||||
| | | | | | | |
Изоҳ: * кўрсатиб ўтилган бандлар ДТИҲни тасдиқлашда тўлдирилмайди.
Кейинги таҳрирга қаранг.
Инвестиция лойиҳалари ҳужжатларини
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
4-ИЛОВА
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
4-ИЛОВА
Инвестиция лойиҳасини техник-иқтисодий асослаш (ТИА)
ТАРКИБИ
1. Лойиҳанинг мақсади (резюме).
2. Лойиҳанинг буюртмачиси:
2.1. Реквизитлар, мақоми, таркиби;
2.2. Бозордаги аҳвол, мавжуд амалий алоқалар ва амалий репутация;
2.3. Мавжуд ва прогноз қилинаётган потенциал;
2.4. Иқтисодий ва молиявий кўрсаткичлар.
3. Лойиҳа стратегияси (лойиҳани яратиш тарихи ва замини).
4. Маркетинг бозори ва концепцияси:
4.1. Талаб ва таклиф;
4.1.1. Бозор тузилмаси ва тавсифи. Маҳсулот тавсифи, унинг бозордаги рақобатга бардошлилиги;
4.1.2. Тармоқнинг мавжуд потенциали, рақобатчи корхоналар, тармоқни ривожлантириш истиқболлари ва муаммоларини баҳолаш, ҳудудий жойлаштириш, маҳсулот сифати;
4.1.3. Тармоқнинг миллий иқтисодиётдаги роли, унинг устуворликлари ва мақсади;
4.1.4. Мавжуд талаб, унинг ўсишини прогноз қилувчи асосий омиллар ва кўрсаткичлар;
4.1.5. Импорт ва унинг келгусидаги тенденциялари, ҳажми ва нархлари;
4.2. Маркетинг концепцияси, сотиш прогнози;
4.2.1. Бозорларнинг жойлашган жойи, бозор сегментацияси;
4.2.2. Мавжуд потенциал маҳаллий ва хорижий ишлаб чиқарувчилар томонидан кутилаётган рақобат;
4.2.3. Сотиш дастури, сотишни ташкил этиш;
4.3. Фойдаланиладиган савдо маркалари ва маҳсулотнинг патент тозалиги;
4.4. Маркетинг харажатларини баҳолаш.
5. Моддий ресурслар:
5.1. Хом ашё, материаллар, компонентлар классификацияси;
5.1.1. Хом ашё базасининг мавжудлиги, хом ашёнинг қидириб топилган захиралари;
5.1.2. Хом ашё сифатига ва уни тайёрлаш усулларига талаблар, маҳаллий хом ашёнинг технологиялар талабларига мувофиқлиги;
5.2. Лойиҳа бўйича эҳтиёж, материаллар ва компонентларнинг мавжудлиги ва улар билан таъминланиш, уларнинг классификацияси, етказиб бериш дастури;
5.3. Энергия ресурслари билан таъминлаш;
5.4. Бўлим бўйича харажатларни баҳолаш.
6. Объектнинг жойлашган жойи:
6.1. Танланган участканинг тавсифи;
6.1.1. Хом ашё бозорларидан узоқлик ва тайёр маҳсулотни сотиш, транспорт коммуникациялари;
6.1.2. Ишлаб чиқариш ва ижтимоий инфратузилмани баҳолаш;
6.1.3. Минтақани ижтимоий-иқтисодий ривожлантириш хусусиятларини ҳисобга олиш, афзаллик ва чеклашлар;
6.1.4. Экология, атроф муҳитга таъсир (умумий ахборот);
6.2. Асосий позициялар бўйича участкани танлаш асослари;
6.3. Бўлим бўйича харажатларни баҳолаш.
7. Лойиҳалаштириш ва технология:
7.1. Йиллар бўйича ўзлаштирган ҳолда ишлаб чиқариш қуввати;
7.2. Технология ва асбоб-ускуналар;
7.2.1. Технология ва асбоб-ускуналарни, технологик жараён схемаларини танлашни асослаш, афзалликлар ва камчиликлар, асбоб-ускуналарнинг ишончлилиги ва етказиб берувчининг кафолати;
7.2.2. Технологиянинг атроф муҳитга таъсири;
7.2.3. Асбоб-ускуналарни жойлаштириш схемаси:
ишлаб чиқариш асбоб-ускуналари;
ёрдамчи асбоб-ускуналар;
сервис асбоб-ускуналари;
эҳтиёт қисмлар, анжомлар;
7.2.4. Ноу-хауни бериш шартлари, ходимларни ўқитиш;
7.2.5. Маҳсулотларнинг халқаро стандартларга мувофиқлиги. Ишлаб чиқарилаётган маҳсулотларнинг ИСО 9000 серияси талабларига мувофиқлигини таъминлаш тадбирлари ҳамда уларни амалга ошириш харажатлари;
7.2.6. Маҳаллийлаштириш истиқболлари (республика ҳудудида бутловчи буюмлар ва компонентларни ишлаб чиқаришни ташкил этиш имкониятлари);
7.3. Қурилиш;
7.3.1. Вазият режаси;
7.3.2. Бош режа схемаси, бинолар ва корпусларнинг жойлашиши;
7.3.3. Принципиал ҳажмли — режалаштириш ва конструктив ечимлар, уларнинг параметрлари, алоҳида талаблар;
7.3.4. Участкани тайёрлаш ва ўзлаштириш;
7.3.5. Муҳандислик коммуникациялари;
7.3.6. Қурилиш-монтаж ишларининг пул ифодасидаги ҳажмлари;
7.4. Тугалланмаган қурилишни ҳисобга олган ҳолда харажатларни баҳолаш.
8. Ишлаб чиқаришни ташкил этиш ва қўшимча харажатлар:
8.1. Корхонанинг ташкилий тузилмаси;
8.2. Қўшимча харажатлар (умумзавод, маъмурий);
8.3. Бўлим бўйича харажатларни баҳолаш.
9. Меҳнат ресурслари:
9.1. Меҳнат ресурсларига эҳтиёж ва уларнинг мавжудлиги;
9.2. Кадрларга қўйиладиган талаблар, уларни ўқитиш зарурияти ва ўқитишни ташкил этиш;
9.3. Бўлим бўйича харажатларни баҳолаш.
10. Лойиҳани амалга ошириш схемалари:
10.1. Лойиҳани амалга ошириш босқичлари;
10.2. Лойиҳани амалга ошириш жадвали.
10.3. Лойиҳани амалга ошириш бюджети.
11. Лойиҳани амалга ошириш вариантларини молиявий баҳолаш:
11.1. Тўлиқ инвестиция харажатлари;
11.2. Лойиҳани молиялаштириш: молиялаштириш механизми ва манбалари;
11.3. Сотилган маҳсулотларга тўлиқ харажатлар;
11.4. Қарз маблағларининг қопланувчанлигини ва ўз вақтида қайтарилишини ҳисобга олган ҳолда иқтисодий самарадорликни баҳолаш (улардан фойдаланилган тақдирда), валютанинг қопланиши;
11.4.1. Лойиҳанинг асосий таваккалчиликларга сезгирлиги;
11.4.2. Соф жорий қиймат кўрсаткичлари ва капитал қўйилмаларнинг ички қайтарилувчанлиги нормалари;
11.5. Молиявий натижаларнинг мамлакат иқтисодиётига таъсирини баҳолаш.
12. Хулосалар:
12.1. Лойиҳанинг асосий афзалликлари ва камчиликлари;
12.2. Қабул қилинган вариантнинг муқобил вариантлардан афзалликлари;
12.3. Ноаниқлик таваккалчиликлари ва аспектлари;
12.4. Лойиҳани амалга ошириш имкониятини баҳолаш.
13. «А» илова:
«А» иловада эркин шаклда, миллий ва хорижий валюта харажатини алоҳида акс эттирган ҳолда молиявий ва иқтисодий кўрсаткичлар схемаси, шу жумладан қуйидагилар мавжуд бўлиши керак:
13.1. Асосий капиталга инвестициялар;
13.2. Ишлаб чиқаришдан олдинги харажатлар;
13.3. Сотилган маҳсулотларга харажатлар;
13.4. Соф айланма капиталга эҳтиёж;
13.5. Молиялаштириш манбалари ва режаси;
13.6. Қарз маблағларидан фойдаланиш ва уларни қайтариш;
13.7. Солиққа тортишнинг амалдаги тизимини ва мажбурий тўловларни ҳисобга олган ҳолда мавжуд маблағлар (аниқ пуллар) оқими;
13.8. Мавжуд маблағларнинг дисконтланган оқими;
13.9. Дисконт фойда;
13.10. Фойда ва зарарлар прогнози;
13.11. Прогноз қилинаётган баланс.
14. «Б» илова:
«Б» иловада тасдиқловчи ҳужжатлар нусхалари, шу жумладан мавжуд бўлиши керак:
14.1. Юридик ҳужжатлар:
корхона устави ва таъсис шартномаси;
ишлаб чиқариш фаолиятини амалга ошириш ҳуқуқини тасдиқловчи лицензия, агар фаолият тури махсус лицензиялар талаб қилинадиган рўйхатга кирса;
раҳбарлар, асосий менежерлар, директорлар кенгаши, корхона аниқ мулкдорларининг қисқача биографик маълумотлари;
14.2. Контракт ҳужжатлари:
асбоб-ускуналар етказиб бериш ёки объектни фойдаланишга тайёр ҳолда топшириш юзасидан контракт;
қурилиш пудрати ва қурилишни моддий таъминлаш шартномаси;
хом ашё, бутловчи буюмлар етказиб бериш ва тайёр маҳсулотларни харид қилиш шартномаси (мўлжаллар протоколи);
лойиҳани амалга ошириш билан боғлиқ бўлган бошқа шартномалар;
14.3. Смета ҳужжатлари ва молиявий ҳужжатлар:
қурилишнинг смета ҳужжатлари;
корхона (қарз олувчи, инвесторлар, кафиллар, лойиҳа бўйича гарантлар)нинг кейинги уч йил учун солиқ инспекцияси томонидан тасдиқланган тўлиқ бухгалтерия (ҳар чораклик) ҳисоботлари;
бошқа банклардаги ҳисоб рақамлари, қарз маблағлари ва уларни қайтариш тўғрисидаги маълумотнома;
хорижий шериклар (муассислар) тўғрисидаги маълумотлар – кейинги икки йил учун халқаро стандартлар бўйича (маълум аудитор компания томонидан тасдиқланган) йиллик ҳисобот;
14.4. Эксперт ҳужжатлари ва бошқа ҳужжатлар:
идорадан ташқари экспертиза («Давархитектқурилиш» қўмитаси, Давлат табиатни муҳофаза қилиш қўмитаси), мустақил консалтинг ташкилотининг танланган технология ва технология асбоб-ускуналари бўйича хулосалари;
сотиб олинадиган асбоб-ускуналарнинг техник паспортлари ва уларнинг танлов асосида танланишини тасдиқловчи ҳужжатлар;
кадастр (гаровга бериладиган ер ҳамда бино ва иншоотлар кадастри) ва мулкка эгалик қилиш ҳуқуқини тасдиқловчи бошқа ҳужжатлар;
асосий ишлаб чиқариш биноларининг технология асбоб-ускуналари жойлаштирилган ҳолдаги схемаси;
14.5. Тайёр маҳсулотни сотиш ва хом ашё, материаллар харид қилиш маркетинг тадқиқотлари бўйича ҳужжатлар.
15. Техник-иқтисодий ҳисобларни ишлаб чиқишда техник-иқтисодий асослашлар таркибидан қуйидаги бандлар ва кичик бандлар чиқариб ташланиши керак: 2.2, 2.3, 2.4, 4 (кичик бандлар билан), 5.1 (кичик бандлар билан), 5.2, 6.1.1, 6.1.2, 7.1, 7.2 (кичик бандлар билан), 8 (кичик бандлар билан), 11.3, 11.5, 12.3, 13.2, 13.3, 13.4, 13.9, 13.10, 13.11, 14 («Б» илова).
16. Мавжуд ва янгидан фойдаланишга топширилаётган ижтимоий соҳа муассасаларини жиҳозлаш учун жалб этиладиган хорижий кредитлар ҳисобига асбоб-ускуналар харид қилишда техник-иқтисодий асослаш қисқартирилган шакл бўйича, молиявий-иқтисодий самарадорлик, қурилиш-монтаж ишлари учун маблағларга эҳтиёж, маркетинг бўлими ҳисоб-китобларисиз ишлаб чиқилади.
Инвестиция лойиҳалари ҳужжатларини
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
5-ИЛОВА
ишлаб чиқиш, экспертизадан ўтказиш ва
тасдиқлаш тартиби тўғрисидаги низомга
5-ИЛОВА
Лойиҳа техник-иқтисодий асослашларининг асосий техник-иқтисодий
кўрсаткичлари
|
Т/р |
Кўрсаткичлар номи |
Ўлчов бирлиги |
Жами |
Шу жумладан: | ||
|
Бюджет |
кредитлар, шу жумладан хорижий кредитлар, ХМИ қарзлари ҳам шу жумлага киради |
марказлаш-тирилмаган маблағлар (ўз маблағлари) | ||||
| 1 | Қурилишнинг умумий қиймати, шу жумладан: | минг доллар(экв.) | | | | |
| 1.1. | ЭМВдаги харажатлар, улардан: | минг доллар |
| | | |
| | қурилиш-монтаж ишларига; асбоб-ускуналар харид қилишга; |
| | | | |
| | инвестиция даврида фоизлар ва воситачилик ҳақига; | | | | | |
| | бошқа харажатларга | | | | | |
| 1.2. | Миллий валютадаги харажатлар, улардан: | минг доллар(экв.) |
| | | |
| | қурилиш-монтаж ишларига; | | | | | |
| | асбоб-ускуналар харид қилишга; | | | | | |
| | дастлабки айланма капиталга; | | | | | |
| | бошқа харажатларга | | | | | |
| 2. | Корхона қуввати, шу жумладан: |
| ||||
| | йиллик маҳсулот ишлаб чиқариш ҳажми*) | |||||
| | йиллик экспорт ҳажми*) | |||||
| 3. | Иш билан таъминланаётганларнинг мўлжалланаётган сони |
киши | ||||
| 4. | Қурилиш муддати |
ой | ||||
| 5. | Яратилаётган ишлаб чиқариш фондлари қиймати |
минг доллар (эквивалентда) | ||||
| 6. | Лойиҳанинг ўзини қоплаш муддати |
йил | ||||
| 7. | Кредит ва бошқа қарз маблағларини қайтариш муддати |
йил | ||||
| | шу жумладан валюта маблағларини қайтариш муддати |
йил | ||||
Изоҳ. * ТИҲни тасдиқлашда тўлдирилмайди.
Кейинги таҳрирга қаранг.
Ўзбекистон Республикаси Ҳукуматининг ўз кучини йўқотган қарорлари
рўйхати
1. Вазирлар Маҳкамасининг «Ўзбекистон Республикаси Давлат архитектура-қурилиш назорати бош бошқармаси тўғрисидаги ва Давлат идорадан ташқари экспертиза бош бошқармаси тўғрисидаги низомларни тасдиқлаш ҳақида» 1995 йил 26 январдаги 19-сон қарори (Ўзбекистон Республикаси ҚТ, 1995 й., 1-сон, 2-модда).
2. Вазирлар Маҳкамасининг 1998 йил 11 апрелдаги 146-ф-сон фармойиши.
3. Вазирлар Маҳкамасининг «Хорижий инвестициялар иштирокидаги устувор инвестиция лойиҳаларини амалга ошириш чора-тадбирлари тўғрисида» 1999 йил 9 апрелдаги 165-сон қарори.
4. Вазирлар Маҳкамасининг «Ўзбекистон Республикаси Давлат архитектура ва қурилиш қўмитаси тўғрисидаги низомни ва унинг тузилмасини тасдиқлаш ҳақида» 1999 йил 8 ноябрдаги 492-сон қарори (Ўзбекистон Республикаси ҚТ, 1999 й., 11-сон, 63-модда).
7. Вазирлар Маҳкамасининг 2001 йил 30 мартдаги 169-ф-сон фармойиши 1-бандининг иккинчи хатбоши ҳамда фармойишга 1-илова 4-бандининг биринчи хатбоши.
(Ўзбекистон Республикаси қонун ҳужжатлари тўплами, 2003 й., 23-сон, 233-модда; 2005 й., 8-9-сон, 67-модда; 34-36-сон, 264-модда; 46-сон, 350-модда; 2006 й., 6-7-сон, 33-модда; 20-21-сон, 181-модда; 2008 й., 24-25-сон, 223-модда; 2009 й., 5-сон, 36-модда, 46-сон, 499-модда; 2010 й., 18-19-сон, 141-модда, 23-сон, 183-модда; 2011 й., 31-сон, 327-модда; 2014 й., 18-сон, 201-модда; 2016 й., 17-сон, 176-модда; 18-сон, 191-модда; 2017 й., 20-сон, 356-модда, 31-сон, 781-модда)
