Ҳужжат 11.08.2014 00 санаси ҳолатига
Амалдаги версияга ўтиш
Ўзбекистон Республикаси Президентининг
Қарори
Ўзбекистон Республикаси Фанлар академияси тузилмасини янада мақбуллаштириш ҳамда республика академик илм-фани ва олий таълимининг интеграциясини мустаҳкамлаш чора-тадбирлари тўғрисида
Ўзбекистон Республикаси Фанлар академияси илмий муассасаларининг тузилмасини янада мақбуллаштириш ҳамда уларнинг фаолияти самарадорлигини ошириш, олий ўқув юртларининг илмий салоҳиятини мустаҳкамлаш ва ривожлантириш, олий ўқув юртлари профессор-ўқитувчилар таркиби ва талабаларини илмий-тадқиқот фаолиятига кенг жалб этишни таъминлаш, шунингдек ўқув жараёнида илмий тадқиқотлар ва инновация ишланмалари натижаларидан фаол фойдаланиш мақсадида:
1. Ўзбекистон Республикаси Фанлар академияси, Олий ва ўрта махсус таълим вазирлиги, Молия вазирлиги ва Иқтисодиёт вазирлигининг Фанлар академияси илмий муассасаларининг тузилмасини янада мақбуллаштириш ҳамда республика олий ўқув юртларининг илмий салоҳиятини мустаҳкамлаш бўйича қуйидаги таклифлари қабул қилинсин, унда:
Ўзбекистон Республикаси Фанлар академиясининг тугатилаётган Абу Райҳон Беруний номидаги Шарқшунослик институти негизида Тошкент давлат шарқшунослик институти ҳузурида Абу Райҳон Беруний номидаги Шарқ қўлёзмалари марказини ташкил этиш;
Ўзбекистон Республикаси Фанлар академиясининг тугатилаётган Полимерлар кимёси ва физикаси институти негизида Ўзбекистон Миллий университети ҳузурида Полимерлар кимёси ва физикаси илмий-тадқиқот марказини ташкил этиш;
Ўзбекистон Республикаси Фанлар академиясининг Механика ва иншоотлар сейсмик мустаҳкамлиги институтини тугатиб, машиналар, механизмлар, суюқлик ва газлар механикаси блоки негизида Тошкент давлат техника университети ҳузурида Тармоқ машинашунослиги муаммолари илмий-тадқиқот марказини, шунингдек иншоотлар сейсмик мустаҳкамлиги блоки негизида Ўзбекистон Республикаси Фанлар академиясининг Иншоотлар сейсмик мустаҳкамлиги институтини ташкил этиш назарда тутилсин.
Кейинги таҳрирга қаранг.
2. Қуйидагилар:
қадимий шарқ қўлёзмалари ва шарқ тилларидаги тарихий ҳужжатларнинг сақланишини, тизимлаштирилиши ва қайта тикланишини таъминлаш, Ўзбекистонда сақланаётган ноёб қўлёзмаларнинг электрон базасини ташкил этиш ва юритиш, ёзма ёдгорликларни чуқур тизимли ўрганишни ва уларнинг илмий тавсифларини тузишни ташкил қилиш, илмий шарҳланган таржималарини тайёрлаб, маҳаллий ва хорижий олимлар, мутахассислар, ўқувчи ёшлар кенг танишиб, ўрганишлари учун уларни оммавий ахборот воситаларида ва Интернет тармоқларида ўзбек тилида ва хорижий тилларда нашр этиш Абу Райҳон Беруний номидаги Шарқ қўлёзмалари марказининг;
табиий ва синтетик полимерларни синтез қилиш ва қайта ишлашнинг янги технологияларини ишлаб чиқиш ва амалдагиларини такомиллаштириш, нанокомпозициявий полимер материаллар соҳасида чуқур тадқиқотлар ўтказиш, маҳаллий полимер препаратлари ҳамда материаллар яратиш ва иқтисодиёт тармоқларида жорий этиш Ўзбекистон Миллий университети ҳузуридаги Полимерлар кимёси ва физикаси илмий-тадқиқот марказининг;
механика ва ахборот технологияларининг замонавий усуллари асосида механизм ва машиналар назариясини ривожлантириш, нефтгаз ва кон-металлургия соҳасида ишлаб чиқариш технологияларининг самарадорлигини ошириш, суюқлик ва газлар механикасининг фундаментал муаммолари асосида турли мақсадлардаги машиналарнинг узатмалари тизимини такомиллаштириш, қишлоқ хўжалиги машиналари ва технологик ускуналар конструкцияларини оптимал лойиҳалаштириш ва моделлаштириш бўйича тадқиқотлар олиб бориш Тошкент давлат техника университети ҳузуридаги Тармоқ машинашунослиги муаммолари илмий-тадқиқот марказининг;
иншоотлар сейсмик мустаҳкамлигини ҳисоблашнинг тўлқинсимон жараёнларни инобатга олган ҳолда самарали, амалий усулларини ишлаб чиқиш, асос ва пойдеворлар ҳамда тупроқ иншоотларнинг зилзилабардошлигини чуқур тадқиқ этиш ва баҳолаш, замонавий лаборатория-экспериментал асбоб-ускуналардан фойдаланган ҳолда моделли ва табиий шароитда экспериментал тадқиқотларни амалга ошириш асосида бино ва иншоотларнинг сейсмик мустаҳкамлигини ошириш бўйича таклифлар тайёрлаш, стратегик муҳим ва ноёб объектларнинг техник ҳолатини баҳолаш, уларнинг зилзилабардошлиги ва чидамлилигини таъминлаш бўйича конструктив ечимлар тайёрлаш Ўзбекистон Республикаси Фанлар академиясининг Иншоотлар сейсмик мустаҳкамлиги институтининг асосий вазифалари ва фаолиятининг йўналишлари этиб белгилансин.
Қуйидагилар олий ўқув юртлари ҳузурида ташкил этилаётган марказларнинг асосий вазифалари деб ҳисоблансин:
ўтказилаётган илмий ва амалий тақдиқотларга мазкур олий ўқув юрти ва бошқа ихтисослашган олий таълим муассасалари ўқитувчи ва талабаларини кенг жалб этиш;
ўтказилаётган тадқиқотларнинг натижалари асосида ўқув фанларини ўқитиш сифати ва савиясини оширишга йўналтирилган, мамлакатнинг ихтисослашган олий ўқув юртларининг ўқув режалари ва дастурларига жорий этиш учун илмий ва ўқув-услубий материалларни ишлаб чиқиш.
Кейинги таҳрирга қаранг.
3. Қуйидагилар:
Тошкент давлат шарқшунослик институти ҳузуридаги Абу Райҳон Беруний номидаги Шарқ қўлёзмалари марказининг ташкилий тузилмаси 1-иловага* мувофиқ;
Ўзбекистон Миллий университети ҳузуридаги Полимерлар кимёси ва физикаси илмий-тадқиқот марказининг ташкилий тузилмаси 2-иловага* мувофиқ;
Тошкент давлат техника университети ҳузуридаги Тармоқ машинашунослиги муаммолари илмий-тадқиқот марказининг ташкилий тузилмаси 3-иловага* мувофиқ;
Ўзбекистон Республикаси Фанлар академияси Иншоотлар сейсмик мустаҳкамлиги институтининг ташкилий тузилмаси 4-иловага* мувофиқ тасдиқлансин.
Белгилансинки, қайта ташкил этиш натижасида ташкил қилинган юқорида кўрсатиб ўтилган илмий муассасалар Ўзбекистон Республикаси Фанлар академиясининг тугатилаётган илмий муассасаларининг ҳуқуқлари ва мажбуриятлари бўйича ҳуқуқий вориси ҳисобланадилар.
Кейинги таҳрирга қаранг.
4. Ўзбекистон Республикаси Фанлар академиясининг қайд этилган илмий муассасаларини тугатиш ишларини мувофиқлаштириш ва республика олий ўқув юртлари ҳузурида илмий-тадқиқот марказларини ташкил этиш учун 5-иловага* мувофиқ таркибда ишчи гуруҳ ташкил этилсин.
* 1 — 5 иловалар рус тилидаги матнда берилган.
Кейинги таҳрирга қаранг.
5. Ишчи гуруҳ (Р.С. Азимов) Ўзбекистон Республикаси Фанлар академияси, Олий ва ўрта махсус таълим вазирлиги билан биргаликда бир ой муддатда:
Ўзбекистон Республикаси Фанлар академиясининг Иншоотлар сейсмик мустаҳкамлиги институти, Тошкент давлат шарқшунослик институти ҳузуридаги Абу Райҳон Беруний номидаги Шарқ қўлёзмалари маркази, Тошкент давлат техника университети ҳузуридаги Тармоқ машинашунослиги муаммолари илмий-тадқиқот маркази, Ўзбекистон Миллий университети ҳузуридаги Полимерлар кимёси ва физикаси илмий-тадқиқот марказининг устав ҳужжатлари ишлаб чиқилишини ва тасдиқланишини ҳамда уларнинг давлат рўйхатидан ўтказилишини таъминласин;
Фанлар академиясининг тугатилаётган илмий муассасалари ходимларининг аттестациядан ўтказилишини ташкил қилсин ва ташкил этилаётган илмий-тадқиқот марказлари ҳамда Иншоотлар сейсмик мустаҳкамлиги институтини малакали ва ташаббускор илмий ходим ва мутахассислар билан тўлдирилишини таъминласин;
ташкил этилаётган илмий-тадқиқот муассасаларининг илмий тадқиқотлар мавзуларини, уларнинг замонавий талабларга ва жаҳон илмий ютуқлари даражасига мувофиқлигини танқидий таҳлил қилиб, қайта кўриб чиқсин, унда илмий тадқиқотларнинг мамлакатни ижтимоий-иқтисодий ривожлантиришнинг устувор йўналишлари вазифаларини ечишга, уларнинг амалиётга йўналтирилганлиги ва самарадорлигини кучайтиришга алоҳида эътибор қаратсин.
Кейинги таҳрирга қаранг.
6. Белгилансинки, мазкур қарорга мувофиқ олий ўқув юртлари ҳузурида ташкил этилаётган Марказлар ходимларига Ўзбекистон Республикаси Фанлар академияси илмий-тадқиқот муассасаларининг тегишли лавозимлари учун белгиланган меҳнатга ҳақ тўлаш ва моддий рағбатлантириш шартлари қўлланилади.
Кейинги таҳрирга қаранг.
7. Ўзбекистон Республикаси Вазирлар Маҳкамаси Фанлар академияси Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси билан биргаликда бир ой муддатда беғараз асосда, тасарруф этиш ҳуқуқисиз қуйидагиларнинг:
Тошкент шаҳри, Абдулла Қодирий кўчаси, 7-б-уйда жойлашган Полимерлар кимёси ва физикаси институти биноларини Ўзбекистон Республикаси Фанлар академиясининг балансидан Ўзбекистон Миллий университети балансига;
Тошкент шаҳри, М. Улуғбек тумани, Мирзо Улуғбек кўчаси, 81-уйда жойлашган Абу Райҳон Беруний номли Шарқшунослик институти биноларини Ўзбекистон Республикаси Фанлар академиясининг балансидан Тошкент давлат шарқшунослик институти балансига топширилишини-қабул қилиб олинишини таъминласин.
Тугатилаётган Механика ва иншоотлар сейсмик мустаҳкамлиги институтининг бинолари, лаборатория корпуслари ва туташ ҳудуди Ўзбекистон Республикаси Фанлар академиясининг Иншоотлар сейсмик мустаҳкамлиги институти тасарруфида сақлаб қолинсин.
Кейинги таҳрирга қаранг.
8. Қуйидагилар беғараз ижара асосида:
Тошкент давлат техника университети ҳузуридаги Тармоқ машинашунослиги муаммолари илмий-тадқиқот маркази Тошкент шаҳри, Дўрмон йўли кўчаси, 31-уйга;
Ўзбекистон Республикаси Фанлар академиясининг Микробиология институти Тошкент шаҳри, Абдулла Қодирий кўчаси, 7-б-уйга жойлаштирилсин.
9. Ўзбекистон Республикаси Ҳукумати билан Ўмон Султонлиги Ҳукумати ўртасида имзоланган Битимга мувофиқ Ўмон Султонлиги томонидан беғараз ажратиладиган техник кўмак (грант) маблағлари ҳисобига Абу Райҳон Беруний номидаги Шарқ қўлёзмалари маркази фондининг янги кутубхона биноси қурилиши амалга оширилиши маълумот учун қабул қилинсин.
Ўмон Султонлиги томонидан беғараз ажратиладиган техник кўмак (грант) маблағлари ҳисобидан харид қилинадиган ва олиб кириладиган товарлар (ишлар, хизматлар) Ўзбекистон Республикаси Вазирлар Маҳкамаси томонидан тасдиқланадиган рўйхат бўйича божхона тўловларидан (жумладан, божхона йиғимларидан), қўшилган қиймат солиғидан, давлат мақсадли жамғармаларига мажбурий ажратмалардан, шунингдек Молия вазирлиги ҳузуридаги Республика йўл жамғармасига йиғимлар тўлашдан озод қилинсин.
10. Ўзбекистон Республикаси Молия вазирлиги:
Кейинги таҳрирга қаранг.
мазкур қарор қоидаларидан келиб чиқиб, Вазирлар Маҳкамаси билан келишган ҳолда, Ўзбекистон Республикасининг 2014 йилги республика бюджети харажатларининг тасдиқланган рўйхатига тегишли ўзгартишлар киритсин;
ушбу қарорга мувофиқ Ўзбекистон Республикаси Фанлар академияси, Олий ва ўрта махсус таълим вазирлиги тизимида ташкил этилаётган илмий муассасаларни молиялаштиришнинг амалдаги тартибини сақлаб қолсин.
11. Вазирлар Маҳкамаси икки ҳафта муддатда Тошкент давлат шарқшунослик институти ҳузуридаги Абу Райҳон Беруний номидаги Шарқ қўлёзмалари маркази фаолиятини ташкил этиш ва янги кутубхона биноси қурилишини жадаллаштириш бўйича қарор қабул қилсин.
Кейинги таҳрирга қаранг.
12. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2014 йил 8 июль,
ПҚ-2204-сон
Ўзбекистон Республикаси Президентининг 2014 йил 8 июлдаги ПҚ-2204-сон қарорига
 1-ИЛОВА
Тошкент давлат шарқшунослик институти ҳузуридаги Абу Райҳон Беруний номидаги Шарқ қўлёзмалари марказининг
ТАШКИЛИЙ ТУЗИЛМАСИ
Изоҳ.
Ходимларнинг чекланган умумий сони — 76 нафар, шу жумладан илмий ходимлар — 46 нафар.
Ёрдамчи ходимлар сони нормативлар бўйича белгиланади.
Шуъба мудири лавозими бўйича бўлим мудирига тенглаштирилади.
Илмий-техникавий лойиҳаларни амалга ошириш учун мутахассислар ва олимлар шартнома асосида жалб этилади.
 LexUZ шарҳи
1-илова норасмий таржима
Ўзбекистон Республикаси Президентининг 2014 йил 8 июлдаги ПҚ-2204-сон қарорига
2-ИЛОВА
Ўзбекистон Миллий университети ҳузуридаги Полимерлар кимёси ва физикаси илмий-тадқиқот марказининг
ТАШКИЛИЙ ТУЗИЛМАСИ

Директор

Илмий кенгаш



Директорнинг илм-фан ва инновациялар бўйича ўринбосари

Директорнинг умумий масалалар бўйича ўринбосари

Илмий котиб

Ҳисоб-молия ва
иқтисодиёт бўлими

5


«Истиқболли полимерлар синтези» лабораторияси

Ахборот-таҳлил хизмати

1

Хўжалик ва муҳандислик-техника хизмати

15

Кадрлар бўйича инспектор

1


«Нанотаркибий композицион полимер материаллар ва полимерлар физикаси» лабораторияси

Махсус бўлим

1


Кутубхона

2

«Тадқиқотларнинг физика ва физика-кимёвий усуллари»

лабораторияси


«Полимерлар кимёси ва физикасининг назарий асослари» лабораторияси


«Целлюлоза ва унинг ҳосилалари кимёси ва технологияси» лабораторияси

Ходимларнинг умумий сони бажариладиган илмий-тадқиқот ва инновация ишлари ҳажмига қараб 97 нафаргачани, шу жумладан илмий ходимлар 55 нафаргачани ташкил этади.
 LexUZ шарҳи
2-илова норасмий таржима
Ўзбекистон Республикаси Президентининг 2014 йил 8 июлдаги ПҚ-2204-сон қарорига
3-ИЛОВА
Тошкент давлат техника университети ҳузуридаги Тармоқ машинашунослиги муаммолари илмий-тадқиқот марказининг
ТАШКИЛИЙ ТУЗИЛМАСИ

Директор



«Механизм ва машиналар назарияси» лабораторияси

Маркетинг ва маҳсулотни илгари суриш бўлими

1


«Суюқлик, газ ва гидроузатиш тизимлари механикаси» лабораторияси

Бухгалтерия

2


«Қишлоқ хўжалиги машиналари ва қишлоқ хўжалиги экинларини йиғиштириш ва қайта ишлаш ускуналарини моделлаштириш жараёнлари» лабораторияси

Кадрлар бўйича инспектор

1


Махсус бўлим

1


Маъмурий-хўжалик хизмати

2

Ходимларнинг умумий сони бажариладиган илмий-тадқиқот ва инновация ишлари ҳажмига қараб 48 нафаргачани, шу жумладан илмий ходимлар 40 нафаргачани ташкил этади.
 LexUZ шарҳи
3-илова норасмий таржима
Ўзбекистон Республикаси Президентининг 2014 йил 8 июлдаги ПҚ-2204-сон қарорига
4-ИЛОВА
Ўзбекистон Республикаси Фанлар академияси Иншоотлар сейсмик мустаҳкамлиги институтининг
ТАШКИЛИЙ ТУЗИЛМАСИ

Директор

Илмий кенгаш



Илмий ишлар бўйича директор ўринбосари

Илмий котиб

Бухгалтерия

2


«Иншоотлар сейсмик мустаҳкамлигини ҳисоблашнинг илмий асослари ва амалий усулларини такомиллаштириш» лабораторияси


Ахборот-таҳлил хизмати

2

Кадрлар бўйича инспектор

1


«Тупроқ қатлами, асос ва пойдеворларнинг сейсмик мустаҳкамлиги» лабораторияси


Ахборот-ресурс маркази

2

Махсус бўлим

1


«Конструкцияларни моделлаштириш ва иншоотлар сейсмик мустаҳкамлигининг техник ҳолатини баҳолаш»

лабораторияси


«Иншоотларни сейсмик мустаҳкамлиги» журнали

Маъмурий-хўжалик хизмати

15


«Иншоотлар сейсмик мустаҳкамлигининг моделли ва табиий шароитда экспериментал тадқиқотларини ташкил этиш» лабораторияси

Ходимларнинг умумий сони бажариладиган илмий-тадқиқот ва инновация ишлари ҳажмига қараб 67 нафаргачани, шу жумладан илмий ходимлар 41 нафаргачани ташкил этади.
 LexUZ шарҳи
4-илова норасмий таржима

(Ўзбекистон Республикаси қонун ҳужжатлари тўплами, 2014 й., 32-сон, 396-модда; 2017 й., 23-сон, 447-модда)