Ҳужжат кучини йўқотган " " 22.02.2021
Ўзбекистон ССЖ Президенти ҳузуридаги Вазирлар Маҳкамасининг
қарори
ССЖИ Вазирлар Кенгашининг «Чет элга хизмат сафарига юбориладиган ходимлар учун жўнаб кетиш ҳужжатларини расмийлаштириш бўйича хизматлар ҳақини тўлаш тартиби» ҳақида 1991 йил 2 январдаги 7-сон қарори
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Вазирлар Маҳкамаси қарор қилади:
1. ЎзССЖ Ташқи ишлар вазирлиги ва ЎзССЖ Молия вазирлигининг чет элга хизмат сафарига юборилаётган ходимлар учун жўнаб кетиш ҳужжатларини расмийлаштириш хизматлари ва хизматларнинг бошқа шакллари ҳақини тўлашнинг ягона тарифини жорий этиш тўғрисидаги таклифига розилик билдирилсин.
ЎзССЖ Молия вазирлиги бир ой муддат ичида мавжуд халқаро амалиётни ва паспорт-рухсатнома бериш ишларининг ўзига хослигини ҳисобга олиб, хизматлар ҳақини тўлашнинг ягона тарифини тасдиқласин.
ЎзССЖ Ташқи ишлар вазирлигининг консуллик хизмати мазкур тариф бўйича ишлашга ўтказилсин.
2. Белгилаб қўйилсинки, ЎзССЖ Ташқи ишлар вазирлиги томонидан кўрсатиладиган хизматларнинг барча турлари учун келиб тушадиган маблағлардан (давлат божидан ташқари), уларга ЎзССЖ Молия вазирлиги томонидан тасдиқланган тарифларга мувофиқ, ЎзССЖ Ташқи ишлар вазирлиги моддий-техник базани ривожлантиришга, асбоб-ускуналар, жиҳозлар ва идора ашёлари сотиб олиш, жорий ва капитал ремонт қилиш, шунингдек, консуллик хизматини мустаҳкамлаш учун фойдаланади.
3. Бюджет ташкилотлари ушбу ташкилотларнинг чет элга хизмат сафарига юборилаётган ходимлари учун жўнаш ҳужжатларини расмийлаштириш бўйича хизматларнинг ҳақини тўлашдан озод қилинсин.
ЎзССЖ Ташқи ишлар вазирлигига, узрли сабаблар мавжуд бўлган тақдирда, ходимларини чет элга хизмат сафарига юбораётган бошқа ташкилотларни бундай хизматларнинг ҳақини тўлашдан озод қилиш ҳуқуқи берилсин.
Ўзбекистон ССЖ Вице-Президенти Ш. МИРСАИДОВ
Тошкент ш.,
1991 йил 15 апрель,
98-сон