Ҳужжат кучини йўқотган " " 24.10.2008

Ҳужжат 07.09.1995 00 санаси ҳолатига
Амалдаги версияга ўтиш

ҚИММАТЛИ ҚОҒОЗЛАР БОЗОРИНИ РИВОЖЛАНТИРИШГА ОИД ҚЎШИМЧА ЧОРА-ТАДБИРЛАР ТЎҒРИСИДА

LexUZ шарҳи

Ушбу Фармон Ўзбекистон Республикаси Президентининг 2008 йил 24 октябрдаги ПФ-4045-сонли «Ўзбекистон Республикаси Президентининг баъзи ҳужжатларига ўзгартиш ва қўшимчалар киритиш, шунингдек айримларини ўз кучини йўқотган деб ҳисоблаш тўғрисида»ги Фармони билан ўз кучини йўқотган.

Қимматли қоғозлар бозорини ривожлантириш, чуқурлаштириш ва кенгайтириш борасида давлат сиёсатини амалга ошириш, уни жонлантириш йўлидаги мавжуд тўсиқларни олиб ташлаш, шунингдек акциядор инвесторларнинг ҳуқуқ ва манфаатлари ҳимоя қилинишини таъминлаш мақсадида:

1. Ўзбекистон Республикаси Молия вазирлиги ҳузурида давлат бошқарув органи мақомига эга бўлган қимматли қоғозлар ва фонд биржалари бўйича Давлат комиссияси тузилсин.

2. Белгилаб қўйилсинки, Давлат комиссиясининг фаолият кўрсатиши унинг ишчи аппарати ва иловага * мувофиқ таркибдаги Мувофиқлаштирувчи кенгаш томонидан таъминланади. Мувофиқлаштирувчи кенгаш зиммасига қимматли қоғозлар бозорини шакллантиришга ва ривожлантиришга концептуал ёндашиш, фонд бозорини давлат томонидан тартибга солиб бориш бўйича тавсиялар ишлаб чиқиш ҳамда ушбу соҳада қонунчиликни такомиллаштиришга доир таклифлар тайёрлаш масалалари юклансин.

* Илова берилмайди.

3. Қимматли қоғозлар бозорини шакллантириш, ривожлантириш, назорат қилиш ва тартибга солиш соҳасида давлат сиёсатини амалга ошириш Ўзбекистон Республикаси Молия вазирлиги ҳузуридаги қимматли қоғозлар ва фонд биржалари бўйича Давлат комиссиясининг асосий вазифаси деб ҳисоблансин.

4. Давлат комиссияси зиммасига қуйидаги вазифаларни ҳал этиш юклансин:

— ўзбек ва хорижий эмитентларнинг қимматли қоғозларни чиқариш ҳамда уларнинг миллий ва халқаро қимматли қоғозлар бозорида самарали муомалада бўлиши учун зарур ҳуқуқий шартларни таъминловчи меъёрий ҳужжатларни ишлаб чиқиш;

— қимматли қоғозларни, шу жумладан хорижий эмитентларнинг қимматли қоғозларни ҳам рўйхатга олиш, бозорга чиқариш ва муомаласини тартибга солиш;

— қимматли қоғозлар билан операцияларни амалга оширувчи инвесторларнинг, ҳам юридик, ҳам жисмоний шахсларнинг ҳуқуқ ва манфаатларини ҳимоя қилиш;

— қимматли қоғозлар бозорининг самарали инфраструктурасини вужудга келтиришда тегишли давлат органлари билан биргаликда иштирок этиш;

— Ўзбекистон Республикаси вазирликлари, идоралари, маҳаллий бошқарув органларининг ва қимматли қоғозлар бозори бевосита қатнашчиларининг фаолиятини мувофиқлаштириш;

— республикада рўйхатга олинган қимматли қоғозлар, шунингдек, инвестиция институтлари сифатида фаолият кўрсатиш учун лицензия олган юридик шахсларнинг Ягона давлат рўйхатларини олиб бориш;

— қимматли қоғозлар эмиссияси ва муомаласи масалаларига оид қонунларга риоя этилишини назорат қилиш;

— ҳисоб-китоб ва ҳисоб юритиш, қимматли қоғозлар бозорини ташкил этиш ва ривожлантириш тўғрисидаги маълумотлар банкини шакллантириш, инвесторлар ва жамоатчиликни кенг хабардор қилиш.

Кейинги таҳрирга қаранг.