Ҳужжат 27.01.2021 00 санаси ҳолатига
Амалдаги версияга ўтиш
PDF-файлидаги расмий манба
Ўзбекистон Республикаси Президентининг
Фармони
ЎЗБЕКИСТОН РЕСПУБЛИКАСИДА ПАСПОРТ ТИЗИМИНИ ТАКОМИЛЛАШТИРИШГА ДОИР ҚЎШИМЧА ЧОРА-ТАДБИРЛАР ТЎҒРИСИДА
Ўзбекистон Республикаси Президентининг 2009 йил 23 июнда қабул қилинган «Ўзбекистон Республикасида паспорт тизимини янада такомиллаштириш чора-тадбирлари тўғрисида»ги ПФ-4117-сонли Фармонига мувофиқ ҳамда замонавий халқаро стандартлар ва талабларни инобатга олган ҳолда Ўзбекистон Республикаси фуқароси паспортини, шунингдек, фуқаролиги бўлмаган шахсларга ҳаракатланиш ҳужжатларини расмийлаштириш, бериш ва алмаштириш тартибини янада такомиллаштириш мақсадида:
1. Қуйидагилар:
Ўзбекистон Республикасида паспорт тизими тўғрисидаги низом 1-иловага мувофиқ;
Кейинги таҳрирга қаранг.
Ўзбекистон Республикасининг фуқаролиги бўлмаган шахсларининг биометрик ҳаракатланиш ҳужжати тўғрисидаги низом 2-иловага мувофиқ тасдиқлансин.
2. Ўзбекистон Республикаси Президентининг 1999 йил 26 февралда қабул қилинган ПФ-2240-сонли Фармони билан тасдиқланган Ўзбекистон Республикасида паспорт тизими тўғрисидаги низом, Ўзбекистон Республикаси фуқаросининг амалдаги паспорти ва фуқаролиги бўлмаган шахснинг шахсини тасдиқловчи гувоҳнома 2015 йил 31 декабргача ҳақиқийлиги маълумот учун қабул қилинсин.
3. Ўзбекистон Миллий телерадиокомпанияси (А. Хўжаев), Ўзбекистон Миллий ахборот агентлиги (М. Ҳазратқулов) оммавий ахборот воситаларида (матбуот, телевидение, радиоэшиттириш) фуқаролар ўртасида мазкур Фармоннинг асосий қоидаларини кенг тарғиб қилиш бўйича чиқишлар ва мавзуга оид кўрсатувлар тайёрлашни таъминласин.
4. Ўзбекистон Республикаси Ташқи ишлар вазирлиги (Э. Ғаниев) белгиланган тартибда хорижий давлатлар ҳукуматларини, Халқаро фуқаро авиацияси ташкилотини ва Халқаро стандартлаштириш ташкилотини Ўзбекистонда миллий паспорт тизимини такомиллаштириш бўйича амалга оширилаётган тадбирлар тўғрисида хабардор қилсин.
5. Ўзбекистон Республикаси Президентининг 2003 йил 9 декабрда қабул қилинган ПФ-3358-сонли Фармони билан тасдиқланган Республика давлат бошқаруви органлари рўйхатининг V бўлими қуйидаги мазмундаги 7-банд билан тўлдирилсин:
«7. Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази».
Кейинги таҳрирга қаранг.
6. Ўзбекистон Республикаси Ички ишлар вазирлиги (Б. Матлюбов) Адлия вазирлиги (Р. Муҳитдинов) ва бошқа манфаатдор вазирликлар, идоралар билан биргаликда икки ой муддатда қонун ҳужжатларига мазкур Фармондан келиб чиққан ҳолда тегишли ўзгартиш ва қўшимчалар киритиш тўғрисида Ўзбекистон Республикаси Вазирлар Маҳкамасига таклифлар киритсин.
7. Ушбу Фармоннинг ижросини назорат қилиш Ўзбекистон Республикаси Бош вазири Ш. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2011 йил 5 январь,
ПФ-4262-сон
Ўзбекистон Республикаси Президентининг 2011 йил 5 январдаги ПФ-4262-сонли Фармонига
 1-ИЛОВА
Ўзбекистон Республикасида паспорт тизими тўғрисидаги
НИЗОМ
I. Умумий қоидалар
Олдинги таҳрирга қаранг.
1. Ўзбекистон Республикасида паспорт тизими тўғрисидаги низом (кейинги ўринларда Низом деб юритилади) Ўзбекистон Республикаси фуқаросининг биометрик паспортини расмийлаштириш, бериш, алмаштириш, ундан фойдаланиш тартибини, шунингдек, паспорт тизими қоидаларини бузганлик учун жавобгарликни белгилайди.
(1-банд Ўзбекистон Республикаси Президентининг 2018 йил 28 августдаги ПФ-5528-сонли Фармони таҳририда — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
2. Ушбу Низомда қуйидаги асосий тушунчалардан фойдаланилади:
Олдинги таҳрирга қаранг.
Ўзбекистон Республикаси фуқаросининг биометрик паспорти (кейинги ўринларда — паспорт) — Ўзбекистон Республикасининг фуқаролигини ва эгасининг шахсини Ўзбекистон Республикаси ҳудудида тасдиқловчи, паспорт эгасининг шахсий биографик маълумотлари ва биометрик параметрлари киритилган электрон ташувчи қурилма (чип)га эга бўлган ҳужжат;
(2-банднинг иккинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
персоналлаштириш — паспорт эгасининг биографик маълумотларини ва биометрик параметрларини паспорт бланкасига киритиш;
верификация — паспортга киритилган биометрик параметрларнинг паспорт эгасининг биометрик параметрлари билан мослигини машина ёрдамида текшириш;
фуқарони рўйхатга олиш ва рўйхатдан чиқариш — фуқаронинг Ўзбекистон Республикаси ҳудудидаги муайян жойда доимий ёки вақтинча яшаш фактининг Ўзбекистон Республикаси Ички ишлар вазирлигининг тегишли хизматлари томонидан ушбу Низомда белгиланган тартибда қайд қилиниши;
хорижда доимий яшайдиган Ўзбекистон Республикаси фуқаролари — Ўзбекистон Республикасидаги доимий яшаш жойидан рўйхатдан чиқиб, хорижга доимий яшашга чиқиш учун белгиланган тартибда рухсатнома расмийлаштирган Ўзбекистон Республикаси фуқаролари;
хорижда вақтинча бўладиган Ўзбекистон Республикаси фуқаролари — Ўзбекистон Республикасида доимий яшайдиган, хорижга чиқиб, вақтинча у ерда бўладиган Ўзбекистон Республикаси фуқаролари;
консуллик муассасаси — Ўзбекистон Республикаси дипломатик ваколатхонасининг консуллик бўлими, Ўзбекистон Республикасининг хорижий давлатда таъсис этиладиган бош консулхонаси, консулхонаси, вице-консулхонаси ва консуллик агентлиги;
консуллик рўйхати — тегишли консуллик округи ҳудудига келган Ўзбекистон Республикаси фуқароларини хориждаги Ўзбекистон Республикасининг консуллик муассасалари қошида белгиланган тартибда қайддан ўтказиш;
доимий консуллик рўйхати — доимий яшаш учун хорижга чиқиш рухсатномаси белгиланган тартибда расмийлаштирилган, Ўзбекистон Республикасининг хориждаги консуллик муассасаси консуллик округи ҳудудида доимий яшаётган Ўзбекистон Республикаси фуқароларини қайддан ўтказиш;
вақтинча консуллик рўйхати — Ўзбекистон Республикасида доимий яшайдиган, хорижда вақтинча бўладиган, хорижга вақтинча чиқиш рухсатномасини белгиланган тартибда расмийлаштирган Ўзбекистон Республикаси фуқароларини хориждаги Ўзбекистон Республикаси консуллик муассасалари томонидан қайддан ўтказиш;
консуллик округи — консуллик муассасасига консуллик вазифаларини бажариш учун бириктирилган бир ёки бир неча давлат ҳудуди;
Олдинги таҳрирга қаранг.
маълумотларни йиғиш пункти — паспорт олиш учун мурожаат қилган фуқароларнинг биографик маълумотларини ва биометрик параметрларини жамлаш, ушбу маълумотларни Ўзбекистон Республикаси Вазирлар Маҳкамаси ҳузуридаги Давлат персоналлаштириш марказига (кейинги ўринларда — ДПМ) топшириш ҳамда фуқароларга биометрик параметрларга эга паспортлар бериш бўйича вазифаларни бажарувчи ички ишлар органларининг миграция ва фуқароликни расмийлаштириш бўлинмалари;
(2-банднинг ўн учинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
паспорт олиш учун талабнома — паспорт олувчи ҳақида маълумотларни йиғиш пункти томонидан шакллантирилган биографик маълумотлар ва биометрик параметрларни ўз ичига олган электрон ҳужжат (кейинги ўринларда — талабнома).
Олдинги таҳрирга қаранг.
3. Паспорт Ўзбекистон Республикаси ҳудудида Ўзбекистон Республикасининг фуқаролигини ва эгасининг шахсини тасдиқловчи асосий ҳужжатдир.
(3-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
4. Паспорт Ўзбекистон Республикаси мулкидир ва унинг эгаси Ўзбекистон Республикаси ҳимоясидадир.
Олдинги таҳрирга қаранг.
5. 16 ёшга тўлган, Ўзбекистон Республикаси ҳудудида яшовчи Ўзбекистон Республикаси фуқаролари (кейинги ўринларда — фуқаролар) паспортга эга бўлишлари шарт.
(5-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
6. Паспорт фуқароларга 10 йил муддатга берилади.
Олдинги таҳрирга қаранг.
(6-банднинг иккинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан чиқарилган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
(6-банднинг учинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан чиқарилган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
7. Фуқаро паспорт олиш учун доимий яшаш жойи бўйича рўйхатга олинган жойидаги маълумотларни йиғиш пунктига паспортининг амал қилиш муддати тугагач бир ойдан кечикмасдан, биринчи марта паспорт олаётган шахс эса 16 ёшга тўлганидан кейин бир ойдан кечикмасдан мурожаат этади.
Фуқаронинг доимий яшаш жойи бўйича рўйхатга олинганлиги мавжуд бўлмаган тақдирда паспорт олиш учун у олдинги рўйхатда турган жойи бўйича маълумотларни йиғиш пунктига мурожаат қилиши мумкин.
Доимий яшаш жойи бўйича рўйхатга олишга оид маълумотлар мавжуд бўлмаган ҳолларда фуқаро паспорт олиш учун ўзи турган жойидаги маълумотларни йиғиш пунктига мурожаат қилиши мумкин.
(7-банд Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
71. Ўзгалар ёрдамига муҳтож қариялар ва ногиронлиги бўлган шахсларга биометрик паспорт расмийлаштириш ва бериш тегишли мурожаат асосида белгиланган тартибда ушбу шахсларнинг доимий яшаш ёки бўлиш жойига борган ҳолда амалга оширилади.
(71-банд Ўзбекистон Республикаси Президентининг 2018 йил 1 июндаги ПФ-5454-сонли Фармонига асосан киритилган — Қонун ҳужжатлари маълумотлари миллий базаси, 01.06.2018 й., 06/18/5454/1290-сон)
8. Паспорт бланки қатъий ҳисобга олинадиган ҳужжат ҳисобланади.
Паспорт бланкларини ишлаб чиқариш «Давлат белгиси» Давлат ишлаб чиқариш бирлашмасида, биометрик паспортларни персоналлаштириш ва йўқ қилиш — ДПМда, паспортларни эгаларига топшириш — маълумотларни йиғиш пунктларида амалга оширилади.
Олдинги таҳрирга қаранг.
Паспортларни Ўзбекистон Республикаси ҳудудида етказиб бериш Ўзбекистон Республикаси Вазирлар Маҳкамаси томонидан белгиланган тартибда Ўзбекистон Республикаси Ахборот технологиялари ва коммуникацияларини ривожлантириш вазирлигининг Давлат фельдъегерлик хизмати (кейинги ўринларда — ДФХ) томонидан амалга оширилади.
(8-банднинг учинчи ва тўртинчи хатбошилари Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
9. Ўзбекистон Республикаси Қуролли Кучлари сафига муддатли ҳарбий хизматни ўташга чақирилган фуқароларнинг паспортлари мудофаа ишлари бўйича бўлимлар томонидан олиб қўйилади ва хизмат тугагунича сақланади. Муддатли ҳарбий хизмат тугагач мудофаа ишлари бўйича бўлимлар бир ой муддат ичида фуқароларга олиб қўйилган паспортларини қайтаришлари шарт.
Контракт асосида ҳарбий хизматга кирган, олий ҳарбий-таълим муассасаларига ўқишга кирган фуқароларнинг паспортлари ҳарбий қисмларнинг ва олий ҳарбий-таълим муассасаларининг кадрлар бўлимлари томонидан олиб қўйилиб, штабларда сақланади.
Олдинги таҳрирга қаранг.
Ўзбекистон Республикасидан ташқарига чиқаётган ҳарбий хизматчиларнинг паспорти бўлмаса, шунингдек уларга паспорт бериш зарурати билан боғлиқ бошқа ҳолларда, паспортлар Ўзбекистон Республикаси мудофаа, ички ишлар, фавқулодда вазиятлар вазирликлари, Миллий гвардия, Давлат хавфсизлик хизмати (кейинги ўринларда — вазирликлар ва идоралар)нинг ёзма илтимосномалари асосида ушбу Низомда белгиланган тартибда маълумотларни йиғиш пунктлари томонидан берилади.
(9-банднинг учинчи хатбошиси Ўзбекистон Республикаси Президентининг 2018 йил 31 октябрдаги ПФ-5567-сонли Фармони таҳририда — Қонун ҳужжатлари маълумотлари миллий базаси, 31.10.2018 й., 06/20/5567/0802-сон)
Олдинги таҳрирга қаранг.
Ҳарбий хизматчи хизмат тугаганидан кейин бир ой муддатдан кечикмай доимий яшаш жойи бўйича рўйхатга олинган жойидаги маълумотларни йиғиш пунктига паспортни расмийлаштириш учун мурожаат этиши шарт.
(9-банднинг тўртинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
Ҳарбий хизматчининг доимий яшаш жойи бўйича рўйхатга олинганлиги мавжуд бўлмаган тақдирда паспорт олиш учун у олдинги рўйхатда турган жойи ёки туғилган жойи ёхуд амалда яшаб турган жойи бўйича маълумотларни йиғиш пунктига мурожаат қилиши мумкин;
(9-банднинг бешинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Ҳарбий хизматчиларнинг вазирликлар ва идораларнинг тегишли бўлинмаларида сақланаётган паспортлари амал қилиш муддати тугагандан кейин белгиланган тартибда йўқ қилиш учун маълумотларни йиғиш пунктига жўнатилади.
Олдинги таҳрирга қаранг.
10. Паспорт талабнома ДПМга юборилганидан кейин маълумотларни йиғиш пунктида ўн иш куни мобайнида белгиланган тартибда берилади;
(10-банднинг биринчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
Фуқаро паспортини йўқотиб қўйган ёки суд ажрими билан амал қилиши тўхтатиб турилган тақдирда, унга янги паспорт мазкур Низомда белгиланган тартибда берилади.
(10-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
11. Паспорт белгиланган намуна бўйича тайёрланади ва ўзбек ҳамда инглиз тилларида, Қорақалпоғистон Республикаси учун эса — қорақалпоқ, ўзбек ва инглиз тилларида персоналлаштирилади.
12. Паспорт бланкасига қуйидаги асосий маълумотлар киритилади:
паспортни берган давлатнинг номи;
ҳужжатнинг номи;
ҳужжатнинг тури;
паспортни берган давлатнинг коди;
паспортнинг рақами;
фамилияси, исми, отасининг исми;
миллати;
фуқаролиги;
туғилган санаси;
туғилган жойи;
жинси;
берилган вақти;
ким томонидан берилгани;
персоналлаштирувчи идора;
амал қилиш муддати тугайдиган сана;
эгасининг рақамли сурати;
эгаси ҳақидаги машина ўқийдиган маълумотлар.
13. Чипга қуйидаги маълумотлар киритилади:
паспорт эгаси тўғрисидаги биографик маълумотлар;
эгасининг рақамли сурати;
қўл бармоқ излари.
14. Паспортдаги миллати ҳақидаги ёзув ота-онанинг миллатига мувофиқ ёзилади. Агар ота-оналар турли миллатга мансуб бўлишса, биринчи марта паспорт берилаётганда паспорт эгасининг хоҳишига қараб отасининг ёки онасининг миллати ёзилади. Кейинчалик, фуқаронинг ёзма аризасига кўра миллати ҳақидаги ёзув фақат бир марта отаси ёки онасининг миллатига ўзгартирилиши мумкин.
15. Паспортга:
ҳарбий мажбурият тўғрисидаги;
никоҳ қайд этилганлиги ёки бекор қилинганлиги тўғрисидаги;
паспорт эгасининг рўйхатдан ўтганлиги ва рўйхатдан чиққанлиги тўғрисидаги;
Олдинги таҳрирга қаранг.
хорижга чиқиш учун берилган биометрик паспорт тўғрисидаги;
(15-банднинг бешинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
ҳамроҳлик қилаётган шахслар тўғрисидаги (16 ёшгача бўлган болалар учун);
Ўзбекистон Республикасининг Давлат чегарасидан ўтиш тўғрисидаги;
консуллик рўйхатига олингани ёки консуллик рўйхатидан чиқарилгани тўғрисидаги;
хорижий давлатларга кириш учун рухсатнома (виза) тўғрисидаги;
илгари қўйилган қайдларни бекор қилиш тўғрисидаги маълумотлар киритилади.
Паспортда эгасининг имзоси бўлиши лозим.
Фуқароларнинг розилигига кўра уларнинг паспортларига паспорт эгасининг қон гуруҳи ва қайси резусга мансублиги тўғрисидаги маълумотлар киритилади.
16. Паспортга:
Олдинги таҳрирга қаранг.
ички ишлар органлари бўлинмалари томонидан — паспорт эгасининг рўйхатдан ўтганлиги ва рўйхатдан чиққанлиги, хорижга чиқиш учун берилган биометрик паспорт, ҳамроҳлик қилувчи шахслар (16 ёшгача бўлган болалар учун) ҳақидаги, илгари қўйилган қайдларни бекор қилиш ҳақидаги, шунингдек ҳарбий мажбурият ва паспорт алмаштирилган ҳолларда никоҳ қайд қилинганлиги ҳақидаги;
(16-банднинг иккинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
мудофаа ишлари бўйича бўлимлар томонидан — ҳарбий мажбурият тўғрисидаги;
чегара назорати бўлинмалари томонидан — Ўзбекистон Республикасининг Давлат чегарасидан ўтганлик ҳолати ҳақидаги ва илгари қўйилган қайдларни бекор қилиш ҳақидаги;
фуқаролик ҳолатлари далолатномаларини ёзиш идоралари томонидан — никоҳни қайд этиш ва бекор қилиш ҳақидаги;
соғлиқни сақлаш муассасалари томонидан — қон гуруҳи ва қайси резусга мансублиги ҳақидаги;
Олдинги таҳрирга қаранг.
Ўзбекистон Республикасининг консуллик муассасалари томонидан — консуллик рўйхатига олиш ёки консуллик рўйхатидан чиқариш ҳақидаги, хорижга чиқиш учун берилган биометрик паспорт ҳақидаги (вақтинчалик консуллик рўйхатида турувчи фуқаролар учун), ҳамроҳлик қилувчи шахслар ҳақидаги (16 ёшга тўлмаган болалар учун), никоҳни қайд этиш ва бекор қилиш ҳақидаги, илгари қўйилган қайдларни бекор қилиш ҳақидаги;
(16-банднинг еттинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
хорижий давлатларнинг дипломатик ваколатхоналари ва консуллик муассасалари томонидан — хорижий давлатларга кириш рухсатномалари (визалар) ҳақидаги қайдлар киритилади.
Паспортга ушбу Низомда кўзда тутилмаган ёзувлар ва қайдларни киритиш тақиқланади.
Олдинги таҳрирга қаранг.
II. Паспортни расмийлаштириш ва бериш тартиби
(II бўлим номи Ўзбекистон Республикаси Президентининг 2018 йил 28 августдаги ПФ-5528-сонли Фармони таҳририда — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
17. Паспорт расмийлаштириш ва бериш қуйидаги ҳолатларда амалга оширилади:
шахс 16 ёшга тўлганда;
Ўзбекистон Республикаси фуқаролиги олинганида;
паспортнинг амал қилиш муддати тугаганида;
фамилияси, исми, отасининг исми, миллати, туғилган санаси ўзгарганида;
ёзувларда ноаниқликлар ва хатолар мавжудлиги аниқланганида;
Олдинги таҳрирга қаранг.
суд ажрими билан паспортнинг амал қилиши тўхтатиб турилганда;
(17-банд Ўзбекистон Республикаси Президентининг 2021 йил 26 январдаги ПФ-6146-сонли Фармонига асосан еттинчи хатбоши билан тўлдирилган — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
рўйхатга олиш (рўйхатдан чиқариш), алоҳида маълумотлар ёки визалар учун мўлжалланган варақлар ишлатилиб бўлинганида;
паспорт бланкаси яроқсиз ҳолга келганида;
паспорт йўқотиб қўйилганида.
Паспорт эгасининг фамилияси, исми, отасининг исми, миллати, туғилган санаси ўзгарганлиги ёки ёзувларда ноаниқликлар мавжудлиги аниқланганлиги муносабати билан алмаштирилаётганида, фуқаро маълумотларни йиғиш пунктига ушбу ҳолатларни тасдиқловчи ҳужжатларни тақдим этади.
(17-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
Ички ишлар органларининг миграция ва фуқароликни расмийлаштириш бўлинмалари паспортнинг амал қилиши тўхтатиб турилганлиги тўғрисидаги суд ажримини Ўзбекистон Республикаси Ташқи ишлар вазирлигининг Консуллик-ҳуқуқий департаменти орқали Ўзбекистон Республикасининг хориждаги консуллик муассасаларига маълумот учун юборади.
(17-банд Ўзбекистон Республикаси Президентининг 2021 йил 26 январдаги ПФ-6146-сонли Фармонига асосан хатбоши билан тўлдирилган — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
18. Ўзбекистон Республикаси ҳудудида доимий яшовчи фуқаро паспорт олиши учун маълумотларни йиғиш пунктига қуйидагиларни тақдим этади:
(18-банднинг биринчи хатбошиси Ўзбекистон Республикаси Президентининг 2018 йил 28 августдаги ПФ-5528-сонли Фармони таҳририда — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
белгиланган шаклдаги ариза;
илгари берилган паспорт;
туғилганлик ҳақида гувоҳнома (биринчи марта расмийлаштирилаётганда);
Олдинги таҳрирга қаранг.
(18-банднинг бешинчи хатбошиси Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан чиқарилган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
давлат божи тўланганлиги ҳақида квитанция.
Олдинги таҳрирга қаранг.
19. Ҳақиқий ҳарбий хизматни ўтаб, Ўзбекистон Республикаси Қуролли Кучлари резервига бўшатилган ва паспорти бўлмаган ҳарбий хизматчиларга паспорт контракт асосида хизмат қилган ҳарбий хизматчининг шахсини тасдиқловчи гувоҳнома ёки Ўзбекистон Республикаси Қуролли Кучлари офицерининг шахсини тасдиқловчи гувоҳнома асосида улар доимий яшаш жойи бўйича рўйхатга олинган маълумотларни йиғиш пункти томонидан берилади.
(19-банднинг биринчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Ўзбекистон Республикаси Қуролли Кучларининг ҳақиқий ҳарбий хизматни ўтаётган ҳарбий хизматчиларига паспортлар ҳарбий қисм жойлашган жойдаги маълумотларни йиғиш пункти томонидан тегишли вазирликлар ва идоралар раҳбарларининг илтимосномалари асосида берилади.
Олдинги таҳрирга қаранг.
20. Ўзбекистон Республикасининг хориждаги консуллик муассасаларида вақтинча консуллик рўйхатига олинган фуқаролар ушбу Низомнинг 17-бандида кўрсатилган ҳолларда паспортни расмийлаштириш учун маълумотларни йиғиш пунктига қуйидаги ҳужжатларни тақдим этадилар:
(20-банднинг биринчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
белгиланган шаклдаги ариза;
илгари берилган паспорт;
туғилганлик ҳақидаги гувоҳнома (биринчи марта паспорт расмийлаштирилаётганда);
Олдинги таҳрирга қаранг.
(20-банднинг бешинчи хатбошиси Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан чиқарилган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
(20-банднинг олтинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан чиқарилган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
консуллик йиғими ва бошқа йиғимлар тўланганлиги ҳақида квитанция.
21. Маълумотларни йиғиш пункти тақдим этилган ҳужжатлар асосида аризачининг биографик маълумотларини, электрон кўринишдаги қўл бармоқ изларини йиғади, шахсни олд томондан рақамли форматда суратга олади ва паспортни расмийлаштириш учун талабнома тузиб, сўнг ДПМ га жўнатади.
22. Агар фуқаро қўл бармоқ излари олинишидан бош тортса ва кўзойнакда ёки бош кийимда суратга тушиш истагидан қайтмаса, маълумотларни йиғиш пункти унга паспорт расмийлаштиришни рад этиш ҳуқуқига эга.
23. Маълумотларни йиғиш пункти фуқарога янги паспорт бериш чоғида илгари берилган паспортни олиб қўяди ва уни йўқ қилиш учун ДПМга жўнатади.
Олдинги таҳрирга қаранг.
24. ДПМ Ўзбекистон Республикаси фуқаросининг тайёр бўлган паспортини ДФХ орқали паспорт расмийлаштириш учун талабнома жўнатган, уни эгасига беришни таъминлаши керак бўлган маълумотларни йиғиш пунктига юборади.
(24-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
241. Паспорт алмаштирилганда фуқарога ички ишлар органи томонидан янги паспорт унга илгариги паспортида мавжуд ва паспорт бериш вақтида амалда бўлган барча маълумотларни кўчирган ҳолда берилади.
Олдинги таҳрирга қаранг.
Паспортда фуқаронинг никоҳдан ўтганлиги ҳақидаги белги ва бошқа маълумотлар мавжуд бўлмаганда ички ишлар органи томонидан фуқаронинг никоҳдан ўтганлиги ҳолати шахснинг доимий яшаш жойи бўйича рўйхатга олинган жойидаги ёки охирги яшаган жойидаги (агар манзилини ўзгартирган бўлса) ФҲДЁ бўлимидан маълумотларни олиш йўли билан текширилади. Фуқаронинг никоҳи мавжудлиги тўғрисидаги ФҲДЁ бўлимининг маълумоти паспортга никоҳдан ўтганлик ҳақидаги штампни қўйиш учун асос ҳисобланади.
(241-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
(25-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
(26-банд Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
(27-банд Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
(28-банд Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
29. Топиб олинган паспорт ички ишлар органларига ёки Ўзбекистон Республикасининг хориждаги консуллик муассасасига топширилиши лозим.
(29-банд Ўзбекистон Республикаси Президентининг 2018 йил 1 июндаги ПФ-5454-сонли Фармони таҳририда — Қонун ҳужжатлари маълумотлари миллий базаси, 01.06.2018 й., 06/18/5454/1290-сон)
30. Вафот этган шахснинг паспорти фуқаролик ҳолатлари далолатномаларини ёзиш идорасига топширилади. Ушбу идора ҳужжатни йўқ қилиш мақсадида ДПМга топшириш учун маълумотларни йиғиш пунктига жўнатади.
Хорижда вафот этган фуқаронинг паспорти Ўзбекистон Республикасининг консуллик муассасаси томонидан Ўзбекистон Республикаси Ташқи ишлар вазирлигига жўнатилади. Ушбу вазирлик эса ҳужжатни йўқ қилиш учун ДПМга юборади.
Олдинги таҳрирга қаранг.
31. Ҳибсга олинган ёки озодликдан маҳрум этишга ҳукм қилинган шахснинг паспорти суриштирув, тергов идоралари ёки суд томонидан олиб қўйилади. Агар шахс суднинг ҳукми билан қамоқда қолдирилса, унинг паспорти Ўзбекистон Республикаси Ички ишлар вазирлиги Жазони ижро этиш бош бошқармасига жўнатилади.
(31-банднинг биринчи хатбошиси Ўзбекистон Республикаси Президентининг 2017 йил 10 майдаги ПФ-5040-сонли Фармони таҳририда — Ўзбекистон Республикаси қонун ҳужжатлари тўплами, 2017 й., 19-сон, 334-модда)
Шахс қамоқдан озод этилганида ёки жазо муддатини ўтаб бўлгач, унга паспорти тергов, суд идоралари ёки жазони ижро этиш муассасаси маъмурияти томонидан қайтарилади.
Ҳибсга олинган ёки озодликдан маҳрум этишга ҳукм қилинган шахсларнинг тергов, суд идораларида ёки жазони ижро этиш муассасаси маъмуриятида сақланаётган муддати ўтган паспортлари ушбу Низомда белгиланган тартибда йўқ қилиш учун маълумотларни йиғиш пунктига жўнатилади.
32. Текшириш, верификация (солиштириб ўқиш) жараёнида ноаниқликлар ёки чегара (миграция) белгилари, хорижий визалар, рухсатнома ёзувлари қалбакилаштирилгани аломатлари аниқланган, шунингдек белгиланган тартибда ҳақиқий эмас деб топилган паспортлар тегишли вазирликлар ва идораларга жўнатиш учун чегара назорати бўлинмалари томонидан олиб қўйилиши мумкин.
33. Ушбу Низомнинг 9, 18, 20, 23, 30, 31 ва 32-бандларида кўзда тутилган ҳоллардан ташқари, фуқаролардан паспортларини олиб қўйиш тақиқланади.
Мажбуриятни бажариш мақсадида паспортни гаров сифатида қабул қилиш ва топшириш тақиқланади.
Олдинги таҳрирга қаранг.
34. Ушбу Низом талабларини амалга ошириш учун зарур бўлган штамплар ва бланкалар намуналари тегишли равишда Ўзбекистон Республикаси Ички ишлар, Ташқи ишлар, Соғлиқни сақлаш, Адлия, Мудофаа вазирликлари ва Давлат хавфсизлик хизмати томонидан тасдиқланади.
(34-банд Ўзбекистон Республикаси Президентининг 2018 йил 5 июндаги ПФ-5456-сонли Фармони таҳририда — Қонун ҳужжатлари маълумотлари миллий базаси, 07.06.2018 й., 06/18/5456/1316-сон)
Олдинги таҳрирга қаранг.
35. Паспорт бериш учун «Давлат божи тўғрисида»ги Ўзбекистон Республикаси Қонуни билан белгиланган миқдорда давлат божи ундирилади.
(35-банд Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
II1. ЙЎҚОТИЛГАН ПАСПОРТ ЎРНИГА ПАСПОРТ БЕРИШ
351. Фуқаро паспортини эҳтиёт қилиб сақлаши шарт.
Олдинги таҳрирга қаранг.
Паспортини йўқотиб қўйган фуқаро зудлик билан доимий яшаш жойи бўйича рўйхатга олинган жойидаги маълумотларни йиғиш пунктига хабар бериши лозим, қонун ҳужжатларида назарда тутилган тартиб-таомиллар ўтказилганидан кейин унга ушбу Низомда назарда тутилган тартибда янги паспорт берилади.
(351-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
Вақтинча хорижда бўлган фуқаролар паспортини йўқотган, паспорти яроқсиз ҳолга келган ёки унинг амал қилиш муддати тугаган ёхуд суд ажрими билан амал қилиши тўхтатиб турилган ҳолларда Ўзбекистон Республикасига қайтиш гувоҳномасини олиш учун Ўзбекистон Республикасининг консуллик муассасасига мурожаат этадилар, ушбу Низомнинг 20-бандида кўрсатилган шахслар бундан мустасно.
(351-банднинг учинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
352. Ўзбекистон Республикаси фуқаролари, чет эл фуқаролари ва фуқаролиги бўлмаган шахсларнинг паспортини ёки шахсни тасдиқловчи бошқа ҳужжатини йўқотганликлари ҳақидаги аризалари бўйича ички ишлар органлари томонидан тегишинча мазкур Низомнинг 1 ва 2-иловаларга мувофиқ белгиланган шаклдаги маълумотнома берилади, маълумотноманинг орқа томонига доимий ёки вақтинча рўйхатда турганлиги тўғрисида штамп қўйилиши мумкин. Маълумотнома ички ишлар органларининг миграция ва фуқароликни расмийлаштириш бўлинмаси томонидан берилади.
353. Паспорт йўқолганлиги тўғрисидаги аризалар ҳисобга олиш журналида Ўзбекистон Республикаси Ички ишлар вазирлиги томонидан ўрнатилган тартибда рўйхатга олинади.
Олдинги таҳрирга қаранг.
354. Республиканинг бошқа ҳудудларидан доимий яшаш жойига келган ва янги яшаш жойи бўйича рўйхатга олингунга қадар паспортини йўқотиб қўйган Ўзбекистон Республикаси фуқароларига уларнинг аризаларига кўра ички ишлар органлари томонидан паспорт йўқолгани ҳақидаги иш очилади. Паспортлар фуқаро доимий яшаш мақсадида келган жойдаги ички ишлар органлари томонидан уларни доимий яшаш жойи бўйича рўйхатга олиш асослари мавжуд бўлган тақдирда берилади.
(354-банднинг биринчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Янги яшаш жойи бўйича рўйхатга олишга асослар мавжуд бўлмаган ҳолларда паспорт олиш тўғрисидаги ариза рад этилади. Бундай ҳолларда паспорт рўйхатдан чиқишни бекор қилган ҳолда фуқаронинг олдинги рўйхатдан ўтган жойидаги ёки рўйхатга қўйишга асослар мавжуд бўлганда бошқа янги рўйхатдан ўтиш жойидаги ички ишлар органи томонидан берилади.
355. Агарда паспортлари йўқолгани ҳақида ариза берган фуқаролар паспортларини топиб олсалар, паспорт эгаларининг ёзма аризаларига асосан паспорт йўқолгани ҳақидаги иш юритиш тугатилади. Агарда йўқолган паспортлар янги паспорт берилганидан кейин топилган тақдирда, фуқаролар топилган паспортларни зудлик билан ички ишлар органларига топширишлари лозим.
356. Топилган паспортларда олдинги яшаш жойидан рўйхатдан чиққанлиги ҳақида штамплар мавжуд бўлса, бундай паспортлар уларни берган ички ишлар органларига йўқ қилиниш учун юборилади.
357. Паспортлар ўғирланган ҳолларда бу ҳақдаги аризалар жиноят содир этилган жойдаги ёки фуқаронинг яшаш жойидаги ҳудудий ички ишлар органларининг навбатчилик қисмлари ходимлари томонидан қабул қилинади. Бундай аризалар қабул қилинганлиги ҳақида фуқароларга маълумотномалар берилади ва улар маъмурий жавобгарликка тортилмайди.
Жазони ижро этиш муассасасида жазони ўтаб чиққан ва табиий офатлар (ёнғин, сув тошқини, зилзила ва бошқалар) оқибатида паспортлари йўқолганлиги тўғрисида ариза билан мурожаат этган ва бу ҳолатларни тасдиқловчи тегишли ҳужжатларни тақдим этган шахслар ҳам маъмурий жавобгарликка тортилмайди.
Фуқаро паспортини йўқотганда паспорт йўқолгани ҳақида ариза берилган кундан бошлаб бир ой ичида янги паспорт мазкур Низомда белгиланган тартибда берилади. Зарур ҳолларда, бу муддат ҳудудий ички ишлар органи раҳбарияти томонидан яна бир ойга узайтирилиши мумкин. Истисно тариқасида, бундай аризаларни кўриб чиқиш муддати (бошқа ички ишлар органларидан жавоблар келмаганда, аризачининг касаллиги, унинг яшаш жойида узоқ муддат бўлмаганлиги) олти ойгача узайтирилиши мумкин. Олти ойдан ортиқ муддатда жавоб келмаганида, фуқаронинг шахси текширилади ва ундан кейин паспорт берилади.
Ички ишлар органларининг муайян яшаш жойига эга бўлмаган шахсларни реабилитация қилиш марказларидан озод этилган ва паспортини йўқотган шахсларга мазкур Низомнинг 1-иловасига мувофиқ шакл бўйича маълумотнома берилади. Бундай шахсларга паспорт бериш масалалари уларни сўнгги рўйхатдан ўтган жойидаги ички ишлар органлари томонидан, агар улар Ўзбекистон Республикаси фуқаролари бўлсалар, кўриб чиқилади.
Олдинги таҳрирга қаранг.
358. Хорижга доимий яшаш учун белгиланган тартибда чиққан, аммо Ўзбекистон Республикасининг консуллик муассасасида консуллик рўйхатида турмаган ва Ўзбекистон Республикасида бўлган пайтида паспортини йўқотиб қўйган фуқаролар сўнгги доимий яшаш жойи бўйича рўйхатга олинган жойларидаги маълумотларни йиғиш пунктига мурожаат этадилар.
(358-банднинг биринчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
Агар аризачининг турар жойи бўлган тақдирда, ички ишлар органлари уни вақтинча турган жойи бўйича рўйхатга олади ҳамда манфаатдор вазирлик ва идоралар билан бирга унга паспорт расмийлаштиради.
(358-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
Агар аризачини вақтинча турган жойи бўйича рўйхатга олиш учун унинг турар жойи бўлмаган тақдирда, ички ишлар органлари Ўзбекистон Республикаси Ташқи ишлар вазирлиги билан келишган ҳолда унга истисно тариқасида паспорт расмийлаштирадилар.
(358-банднинг учинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
359. Агар фуқаро келган давлатида Ўзбекистон Республикасининг консуллик муассасаси бўлмаса, у Ўзбекистон Республикасининг мазкур давлат консуллик округига кирадиган хориждаги консуллик муассасасига мурожаат қилади.
3510. Ўзбекистон Республикаси фуқаролигини йўқотган шахс паспортини сўнгги яшаш жойидаги ички ишлар органига ёки турган жойи бўйича Ўзбекистон Республикасининг хориждаги дипломатик ваколатхонаси ёхуд консуллик муассасасига топшириши шарт.
(II1 бўлим Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан киритилган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
II2. Суд ажрими билан амал қилиши тўхтатиб турилган паспорт ўрнига янги паспорт бериш тартиби
3511. Қидирувда бўлган айбланувчи ёки судланувчи республика ҳудудида ушланган тақдирда суд ажрими билан амал қилиши тўхтатиб турилган паспорт ички ишлар органлари ёки чегара назорати бўлинмалари томонидан маълумотларни йиғиш пунктига йўқ қилиш учун жўнатиш мақсадида олиб қўйилади ва унга паспорти олиб қўйилганлиги ҳақида далолатнома берилади.
3512. Вақтинча хорижда бўлган паспортининг амал қилиши тўхтатиб турилган айбланувчи ёки судланувчи Ўзбекистон Республикасига қайтиш гувоҳномасини олиш учун Ўзбекистон Республикасининг консуллик муассасасига мурожаат этганда унинг паспорти олиб қўйилади ва унга бу ҳақида далолатнома берилади. Олиб қўйилган паспортни йўқ қилиш учун Ўзбекистон Республикаси Ташқи ишлар вазирлиги орқали маълумотларни йиғиш пунктига юборилади.
3513. Суд ажрими билан паспортининг амал қилиши тўхтатиб турилган айбланувчига ёки судланувчига янги паспорт маълумотларни йиғиш пункти томонидан ушбу бандда кўрсатиб ўтилган ҳужжатлар тақдим этилган кундан бошлаб ўн кун ичида берилади.
Аризани кўриб чиқиш муддати Ўзбекистон Республикасининг қонун ҳужжатларига мувофиқ узайтирилиши мумкин.
Янги паспортни олиш учун қуйидаги ҳужжатлар тақдим этилади:
белгиланган шаклдаги ариза;
процессуал мажбурлов чораси бекор қилинганлиги ҳақидаги тасдиқланган қарор нусхаси;
давлат божи тўланганлиги ҳақида квитанция.
Суд ажрими билан паспортининг амал қилиши тўхтатиб турилган айбланувчи ёки судланувчи паспорт тизими қоидаларини бузганлик учун маъмурий жавобгарликка тортилмайди.
3514. Тергов ҳибсхоналари ёки вақтинча сақлаш ҳибсхоналарида сақланаётган шахсга янги паспорт расмийлаштириш ушбу шахслар сақланаётган жойга борган ҳолда амалга оширилади.
(II2-бўлим Ўзбекистон Республикаси Президентининг 2021 йил 26 январдаги ПФ-6146-сонли Фармонига асосан киритилган — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
(III-бўлим Ўзбекистон Республикаси Президентининг 2018 йил 28 августдаги ПФ-5528-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
Олдинги таҳрирга қаранг.
(IV бўлим Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан ўз кучини йўқотган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
V. Паспорт тизими қоидаларини бузганлик учун жавобгарлик
57. Қонун ҳужжатларида қуйидагилар учун жавобгарлик белгиланади:
Олдинги таҳрирга қаранг.
паспортга эга бўлиши шарт бўлган фуқаронинг паспортсиз ёки ҳақиқий бўлмаган паспорт билан, доимий яшаш жойи ёки вақтинча турган жойи бўйича рўйхатга олинмай яшаши, паспортни атайлаб яроқсиз ҳолга келтирганлиги, шунингдек паспортни эҳтиёт қилиб сақламаганлиги оқибатида йўқотиб қўйганлиги;
(57-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
фуқаролар ўз паспортларидан ғаразли мақсадлари йўлида фойдаланганлиги, сўнг уларни йўқотиб қўйганлиги тўғрисида ариза берганлиги, шунингдек бошқа фуқароларга тегишли паспортлардан фойдаланганлиги;
Олдинги таҳрирга қаранг.
паспорт тизими қоидаларига риоя этилиши учун масъул бўлган шахслар томонидан фуқароларнинг паспортсиз ёки шахсни тасдиқловчи бошқа ҳужжатларсиз яшашига йўл қўйганлиги, шунинг баробарида фуқароларнинг ўзлари эгаллаб турган турар жойларда паспортсиз ёки шахсни тасдиқловчи бошқа ҳужжатларсиз, доимий яшаш жойи ёки вақтинча турган жойи бўйича рўйхатга олинмаган шахсларнинг яшашига йўл қўйганлиги;
(57-банднинг тўртинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Олдинги таҳрирга қаранг.
фуқароларнинг паспортларини ноқонуний олиб қўйиш ёки паспортларни гаров сифатида қабул қилиш.
(57-банднинг бешинчи хатбошиси Ўзбекистон Республикаси Президентининг 2018 йил 28 августдаги ПФ-5528-сонли Фармони таҳририда — Қонун ҳужжатлари маълумотлари миллий базаси, 30.08.2018 й., 06/18/5528/1812-сон)
чегара зонасига кириш ёки бу зонада яшаш, шунингдек фуқароларнинг кириши ва бўлиши вақтинча чекланган жойларга кириш ва бу жойларда бўлиш қоидаларини бузиш;
ғаразли ёки бошқа тубан мақсадларда паспортни эгаллаб олиш, худди шунингдек уни йўқ қилиш, яроқсиз ҳолга келтириш, яшириш.
Олдинги таҳрирга қаранг.
Ўзбекистон Республикасида паспорт тизими тўғрисидаги низомга
1-ИЛОВА
Ўзбекистон Республикасида паспорт тизими тўғрисидаги низомга
2-ИЛОВА
Олдинги таҳрирга қаранг.
Ҳудудий ички ишлар органининг штампи
20__й. «___» __________
_________________-сон

МАЪЛУМОТНОМА


Расм учун
жой

Чет эл фуқароси (фуқаролиги бўлмаган шахс)
____________________________________________________________________________
(кераксизи ўчирилсин)
____________________________________________________________________________
фамилияси, исми, шарифи
____________________________________________________________________________
туғилган йили ва жойи
____________________________________________________________________________

миллий паспортни, хизмат паспортини, шахсни тасдиқловчи бошқа ҳужжатни йўқотилганлиги ҳақида мурожаат қилди.

____________________________________________________________________________(кераксизи ўчирилсин)

Юқоридаги шахс ҳақиқатдан___________________________________________________да

(миграция ва фуқароликни расмийлаштириш бўлимининг номи)

20____ й. «_____» _______________дан 20____ й. «______» _________________гача
____________________________________________-сон миллий паспорт (фуқаролиги йўқ шахснинг гувоҳномаси) бўйича доимий яшаш жойи бўйича рўйхатга олинган.
Амал қилиш муддати «_____» _______________ 20___ й.
ТШИИБ МваФРБ бошлиғи____________________________________________________________________________

М.Ў.
(2-илова Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Кейинги таҳрирга қаранг.
Ўзбекистон Республикаси Президентининг 2011 йил 5 январдаги ПФ-4262-сонли Фармонига
2-ИЛОВА
Ўзбекистон Республикасининг фуқаролиги бўлмаган шахсларининг биометрик ҳаракатланиш ҳужжати тўғрисидаги
НИЗОМ
I. Умумий қоидалар
1. Фуқаролиги бўлмаган шахсларнинг биометрик ҳаракатланиш ҳужжати тўғрисидаги Низом (кейинги ўринларда — Низом) фуқаролиги бўлмаган шахсларнинг хорижга чиқиши учун биометрик ҳаракатланиш ҳужжатини расмийлаштириш, бериш, алмаштириш тартибини белгилаб беради.
2. Ушбу Низомда қуйидаги асосий тушунчалардан фойдаланилади:
фуқаролиги бўлмаган шахснинг биометрик ҳаракатланиш ҳужжати (кейинги ўринларда — ҳаракатланиш ҳужжати) — Ўзбекистон Республикасида доимий яшовчи фуқаролиги бўлмаган шахснинг хорижда шахсини тасдиқловчи, ҳаракатланиш ҳужжати эгасининг шахсий биографик маълумотлари ва биометрик параметрлари киритилган электрон ташувчи қурилма (чип)га эга бўлган ҳужжат;
персоналлаштириш — ҳаракатланиш ҳужжати бланкасига унинг эгаси тўғрисидаги биографик маълумотлар ва биометрик параметрларни киритиш;
верификация — ҳаракатланиш ҳужжатига киритилган биометрик параметрларнинг ҳаракатланиш ҳужжати эгасининг биометрик параметрлари билан мослигини машина ёрдамида текшириш;
консуллик муассасаси — Ўзбекистон Республикаси дипломатик ваколатхонасининг консуллик бўлими, Ўзбекистон Республикасининг хорижий давлатда таъсис этиладиган бош консулхонаси, консулхонаси, вице-консулхонаси ва консуллик агентлиги;
консуллик рўйхати — тегишли консуллик округи ҳудудига келган фуқаролиги бўлмаган шахсни хориждаги Ўзбекистон Республикасининг консуллик муассасалари қошида белгиланган тартибда қайддан ўтказиш;
доимий консуллик рўйхати — доимий яшаш учун хорижга чиқиш рухсатномасини белгиланган тартибда расмийлаштирган, Ўзбекистон Республикасининг хориждаги консуллик муассасаси консуллик округи ҳудудида доимий яшаётган фуқаролиги бўлмаган шахсни қайддан ўтказиш;
вақтинча консуллик рўйхати — хорижга вақтинча чиқиш рухсатномасини белгиланган тартибда расмийлаштирган, Ўзбекистон Республикасида доимий яшовчи фуқаролиги бўлмаган шахсларни Ўзбекистон Республикасининг хориждаги консуллик муассасалари томонидан қайддан ўтказиш;
консуллик округи — консуллик муассасасига консуллик вазифаларини бажариш учун бириктирилган бир ёки бир неча давлат ҳудуди;
Олдинги таҳрирга қаранг.
маълумотларни йиғиш пункти — паспорт олиш учун мурожаат қилган фуқароларнинг биографик маълумотларини ва биометрик параметрларини жамлаш, ушбу маълумотларни Ўзбекистон Республикаси Вазирлар Маҳкамаси ҳузуридаги Давлат персоналлаштириш марказига (кейинги ўринларда — ДПМ) топшириш ҳамда фуқароларга биометрик параметрларга эга паспортлар бериш бўйича вазифаларни бажарувчи ички ишлар органларининг миграция ва фуқароликни расмийлаштириш бўлинмалари, Ўзбекистон Республикаси Ташқи ишлар вазирлигининг Консуллик-ҳуқуқ департаменти, Ўзбекистон Республикасининг хориждаги консуллик муассасалари;
(2-банднинг ўнинчи хатбошиси Ўзбекистон Республикаси Президентининг 2018 йил 19 ноябрдаги ПФ-5578-сонли Фармони таҳририда — Қонун ҳужжатлари маълумотлари миллий базаси, 19.11.2018 й., 06/20/5578/0984-сон)
Кейинги таҳрирга қаранг.
ҳаракатланиш ҳужжати олиш учун талабнома — ҳаракатланиш ҳужжати олувчи ҳақида маълумотларни йиғиш пункти томонидан шакллантирилган биографик маълумотлар ва биометрик параметрларни ўз ичига олган электрон ҳужжат (кейинги ўринларда — талабнома).
Олдинги таҳрирга қаранг.
Олдинги таҳрирга қаранг.
3. Фуқаролиги бўлмаган шахс ҳаракатланиш ҳужжати олиш учун доимий яшаш жойи бўйича рўйхатга олинган жойи бўйича маълумотларни йиғиш пунктига мурожаат қилади.
(3-банднинг биринчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Фуқаролиги бўлмаган шахсларга ҳаракатланиш ҳужжати беш йил муддатга берилади.
Олдинги таҳрирга қаранг.
Бир ёшга тўлмаган фуқаролиги бўлмаган шахсларга ҳаракатланиш ҳужжати икки йил муддатга берилади;
(3-банднинг учинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Ҳаракатланиш ҳужжатининг амал қилиш муддати тугагач, шахс уни маълумотларни йиғиш пунктига топшириши шарт.
Ўзгалар ёрдамига муҳтож қариялар ва ногиронлиги бўлган шахсларга ҳаракатланиш ҳужжатини расмийлаштириш ва бериш тегишли мурожаат асосида белгиланган тартибда ушбу шахсларнинг доимий яшаш ёки бўлиш жойига борган ҳолда амалга оширилади.
(3-банд Ўзбекистон Республикаси Президентининг 2018 йил 1 июндаги ПФ-5454-сонли Фармони таҳририда — Қонун ҳужжатлари маълумотлари миллий базаси, 01.06.2018 й., 06/18/5454/1290-сон)
4. Ҳаракатланиш ҳужжати бланки қатъий ҳисобга олинадиган ҳужжат ҳисобланади.
Ҳаракатланиш ҳужжати бланкларини ишлаб чиқариш «Давлат белгиси» Давлат ишлаб чиқариш бирлашмасида, ҳаракатланиш ҳужжатини персоналлаштириш ва йўқ қилиш — ДПМда, ҳаракатланиш ҳужжатини эгаларига бериш — маълумотларни йиғиш пунктларида амалга оширилади.
Кейинги таҳрирга қаранг.
Олдинги таҳрирга қаранг.
Ҳаракатланиш ҳужжатларини Ўзбекистон Республикаси ҳудудидаги маълумотларни йиғиш пунктларига етказиб бериш Ўзбекистон Республикаси Вазирлар Маҳкамаси томонидан белгиланган тартибда Ўзбекистон Республикаси Ахборот технологиялари ва коммуникацияларини ривожлантириш вазирлигининг Давлат фельдъегерлик хизмати (кейинги ўринларда — ДФХ) томонидан амалга оширилади.
(4-банднинг учинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Ҳаракатланиш ҳужжатларини хориждаги маълумотларни йиғиш пунктларига ва консуллик муассасаларидан Ўзбекистон Республикасига етказиб бериш белгиланган тартибда дипломатик почта воситаси орқали амалга оширилади.
5. Ўзбекистон Республикаси ҳудудида ҳаракатланиш ҳужжати талабнома ДПМга жўнатилганидан кейин маълумотларни йиғиш пунктида ўн иш куни мобайнида, хорижда — ўн беш иш куни мобайнида берилади.
Кейинги таҳрирга қаранг.
6. Ҳаракатланиш ҳужжати белгиланган намуна бўйича тайёрланади ва ўзбек ҳамда инглиз тилларида, Қорақалпоғистон Республикаси учун эса қорақалпоқ, ўзбек ва инглиз тилларида персоналлаштирилади.
7. Ҳаракатланиш ҳужжати бланкасига қуйидаги асосий маълумотлар киритилади:
ҳаракатланиш ҳужжатини берган давлатнинг номи;
ҳужжатнинг номи;
ҳужжатнинг тури;
ҳаракатланиш ҳужжатини берган давлатнинг коди;
ҳаракатланиш ҳужжатининг рақами;
фамилияси, исми, отасининг исми;
миллати;
фуқаролиги;
туғилган санаси;
туғилган жойи;
жинси;
берилган санаси;
ким томонидан берилгани;
персоналлаштирувчи идора;
амал қилиш муддати тугайдиган сана;
эгасининг рақамли сурати;
эгаси ҳақидаги машина ўқийдиган маълумотлар.
8. Чипга қуйидаги маълумотлар киритилади:
ҳаракатланиш ҳужжатининг эгаси тўғрисидаги биографик маълумотлар;
эгасининг рақамли сурати;
Олдинги таҳрирга қаранг.
паспорт эгасининг қўл бармоқлари излари — 16 ёшга етганидан кейин.
(8-банднинг тўртинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
9. Ҳаракатланиш ҳужжатига:
Олдинги таҳрирга қаранг.
(9-банднинг иккинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан чиқарилган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
ҳамроҳлик қилаётган шахслар тўғрисидаги (16 ёшгача бўлган болалар учун);
Ўзбекистон Республикасининг Давлат чегарасидан ўтиш тўғрисидаги;
консуллик рўйхатига олингани ёки консуллик рўйхатидан чиқарилгани тўғрисидаги;
хорижий давлатларга кириш учун рухсатнома (виза) тўғрисидаги;
вақтинча қайд тўғрисидаги;
илгари қўйилган қайдларни бекор қилиш тўғрисидаги маълумотлар киритилади.
Фуқаролиги бўлмаган шахсларнинг розилигига кўра уларнинг ҳаракатланиш ҳужжатларига ҳужжат эгасининг қон гуруҳи ва қайси резусга мансублиги тўғрисидаги қайдлар киритилади.
10. Ҳаракатланиш ҳужжатига:
Олдинги таҳрирга қаранг.
ички ишлар органлари бўлинмалари томонидан — ҳамроҳлик қилувчи шахслар (16 ёшгача бўлган болалар учун) ҳақидаги, вақтинча турган жойи бўйича рўйхатга олинганлиги ҳақидаги, илгари қўйилган қайдларни бекор қилиш ҳақидаги;
(10-банднинг иккинчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
чегара назорати бўлинмалари томонидан — Ўзбекистон Республикасининг Давлат чегарасидан ўтганлик ҳолати ҳақидаги ва илгари қўйилган қайдларни бекор қилиш ҳақидаги;
соғлиқни сақлаш муассасалари томонидан — қон гуруҳи ва қайси резусга мансублиги ҳақидаги;
Олдинги таҳрирга қаранг.
Ўзбекистон Республикасининг консуллик муассасалари томонидан — консуллик рўйхатига олиш ёки консуллик рўйхатидан чиқариш ҳақидаги, ҳамроҳлик қилувчи шахслар ҳақидаги (16 ёшга тўлмаган болалар учун), илгари қўйилган қайдларни бекор қилиш ҳақидаги;
(10-банднинг бешинчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
хорижий давлатларнинг дипломатик ваколатхоналари ва консуллик муассасалари томонидан — хорижий давлатларга кириш рухсатномалари (визалар) ҳақидаги қайдлар киритилади.
Ҳаракатланиш ҳужжатига ушбу Низомда назарда тутилмаган ёзув ва қайдларни киритиш тақиқланади.
II. Ҳаракатланиш ҳужжатини расмийлаштириш, бериш ва ундан фойдаланиш тартиби
11. Ҳаракатланиш ҳужжати қуйидаги ҳолларда расмийлаштирилади ва берилади:
фуқаролиги бўлмаган шахс хорижга чиқаётганда;
фуқаролиги бўлмаган шахслар учун Ўзбекистон Республикаси ҳаракатланиш ҳужжатлари билан ҳужжатлаштирилган шахсларнинг фарзанди Ўзбекистон Республикасидан ташқарида туғилганида;
амал қилиш муддати тугаганида;
шахснинг фамилияси, исми, отасининг исми, миллати, туғилган санаси ўзгарганида;
ёзувларда ноаниқликлар ва хатолар мавжудлиги аниқланганда;
алоҳида маълумотлар ёки визалар учун мўлжалланган бетлари ишлатилиб бўлинганида;
Олдинги таҳрирга қаранг.
суд ажрими билан ҳаракатланиш ҳужжатининг амал қилиши тўхтатилганида;
(11-банд Ўзбекистон Республикаси Президентининг 2021 йил 26 январдаги ПФ-6146-сонли Фармонига асосан саккизинчи хатбоши билан тўлдирилган — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
ҳаракатланиш ҳужжати бланкаси яроқсиз ҳолга келганида;
ҳаракатланиш ҳужжати йўқотиб қўйилганида.
Ҳаракатланиш ҳужжати эгасининг фамилияси, исми, отасининг исми, миллати, туғилган санаси ўзгарганлиги ёки ёзувларда ноаниқликлар мавжудлиги аниқланганлиги муносабати билан алмаштирилаётганда, фуқаролиги бўлмаган шахс маълумотларни йиғиш пунктига ушбу ҳолатларни тасдиқловчи ҳужжатларни тақдим этади.
Агар фуқаролиги бўлмаган шахс Ўзбекистон Республикасидан ташқарига чиқаётганида ҳаракатланиш ҳужжатининг амал қилиш муддати бир йилдан камроқ вақтни ташкил этса, ушбу ҳужжат алмаштирилиши мумкин.
Олдинги таҳрирга қаранг.
Олдинги таҳрирга қаранг.
12. Ўзбекистон Республикаси ҳудудида доимий яшовчи фуқаролиги бўлмаган шахс ҳаракатланиш ҳужжатини олиш ва алмаштириш учун ўзи доимий яшаш жойи бўйича рўйхатга олинган жойдаги маълумотларни йиғиш пунктига қуйидагиларни тақдим этади:
(12-банднинг биринчи хатбошиси Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
белгиланган шаклдаги ариза;
илгари берилган ҳаракатланиш ҳужжати;
фуқаролиги бўлмаган шахснинг Ўзбекистон Республикасида истиқомат қилиши учун берилган гувоҳномаси;
Кейинги таҳрирга қаранг.
туғилганлик ҳақида гувоҳнома (16 ёшга тўлмаган шахслар учун);
ота-оналар, васийлар (ҳомийлар)нинг фуқаролиги бўлмаган шахсга (вояга етмаганлар учун) хорижга чиқиши учун нотариал тасдиқланган розилиги;
фуқаролиги бўлмаган шахсга (вояга етмаганлар учун) ҳамроҳлик қилувчи шахснинг нотариал тасдиқланган мажбурияти;
35 x 45 мм ўлчамдаги 2 та фотосурат;
давлат божи тўланганлиги ҳақида квитанция.
15 ёшдан 18 ёшгача бўлган фуқаролиги бўлмаган шахслар ота-оналар, васийлар (ҳомийлар)нинг вояга етмаган шахснинг мустақил равишда хорижга чиқишига нотариал тасдиқланган розилиги бўлган тақдирда хорижга кузатувчисиз чиқиши мумкин.
(12-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
13. Ўзбекистон Республикасининг хориждаги консуллик муассасаларида доимий ва вақтинча консуллик рўйхатига олинган фуқаролиги бўлмаган шахслар ушбу Низомнинг 11-бандида кўрсатилган ҳолларда ҳаракатланиш ҳужжатини олиш учун маълумотларни йиғиш пунктига қуйидаги ҳужжатларни тақдим этадилар:
белгиланган шаклдаги ариза;
илгари берилган ҳаракатланиш ҳужжати;
туғилганлик ҳақида гувоҳнома (биринчи марта ҳаракатланиш ҳужжатини олишда);
35 x 45 мм ўлчамдаги 2 та фотосурат;
ҳаракатланиш ҳужжати йўқотиб қўйилганлиги тўғрисида маълумотнома (у йўқотиб қўйилганда);
фуқаролиги бўлмаган шахсга (вояга етмаганлар учун) ҳамроҳлик қилувчи шахснинг нотариал тасдиқланган мажбурияти;
консуллик йиғими ва ҳақиқатда қилинган харажатларни қоплаш ҳисобига йиғимлар тўланганлиги тўғрисида квитанция.
(13-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
131. Вояга етмаган фуқаролиги бўлмаган шахсга ҳаракатланиш ҳужжатини расмийлаштиришда қуйидаги ҳолларда ота-оналардан бирининг розилиги талаб қилинмайди:
ота-онанинг бири вафот этганида (вафот этганлик тўғрисидаги гувоҳноманинг нусхаси тақдим этилган тақдирда);
фуқаролик ҳолати далолатномаларини ёзиш органи томонидан берилган ёлғиз она тўғрисидаги маълумотнома мавжуд бўлганда;
агар боланинг ота-онасидан бири чет эл фуқароси бўлса;
ота-оналардан бири суд томонидан ота-оналик ҳуқуқидан маҳрум қилинганида (суд қарорининг нусхаси тақдим этилган тақдирда);
ота-оналардан бири суд томонидан бедарак йўқолган деб топилганда (суд қарорининг нусхаси тақдим этилган тақдирда);
ота-оналардан бири суд томонидан муомалага лаёқатсиз деб топилганда (суд қарорининг нусхаси тақдим этилган тақдирда);
агар ота-оналардан бири Ўзбекистон Республикаси ҳудудидан ўчирилганда ва хорижда доимий яшаётганда.
Ушбу масала юзасидан ота-оналар ёки уларнинг ўрнини босувчи шахслар ўртасида чиққан ҳар қандай низолар суд тартибида ҳал қилинади.
Ота-оналардан бири ўз боласининг хорижга чиқишига рози бўлмаган тақдирда, унинг хорижга чиқиш ҳуқуқини чеклаш учун судга мурожаат қилиш ҳуқуқига эга.
16 ёшга тўлмаган шахслар номидан уларнинг ота-оналари, васийлари (ҳомийлари), ушбу шахсларни хорижга юбораётган ташкилотларнинг вакиллари тегишли аризалар билан мурожаат қиладилар.
(131-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан киритилган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Олдинги таҳрирга қаранг.
14. Маълумотларни йиғиш пункти тақдим этилган ҳужжатлар асосида аризачининг биографик маълумотларини, электрон кўринишдаги (16 ёшдан катта шахслар учун) қўл бармоқ изларини йиғади, шахсни олд томонидан рақамли форматда суратга олади ва ҳаракатланиш ҳужжатини расмийлаштириш учун талабнома тузиб, сўнг ДПМга жўнатади.
(14-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Кейинги таҳрирга қаранг.
15. Агар фуқаролиги бўлмаган шахс қўл бармоқ излари олинишидан бош тортса ва кўзойнакда ёки бош кийимда суратга тушиш истагидан қайтмаса, маълумотларни йиғиш пункти унга ҳаракатланиш ҳужжати расмийлаштиришни рад этиш ҳуқуқига эга.
16. Маълумотларни йиғиш пункти фуқаролиги бўлмаган шахсга янги ҳаракатланиш ҳужжати бериш чоғида илгари берилган ҳужжатни олиб қўяди ва уни йўқ қилиш учун ДПМга жўнатади.
Кейинги таҳрирга қаранг.
17. ДПМ фуқаролиги бўлмаган шахснинг тайёр ҳаракатланиш ҳужжатини ДФХ орқали ҳужжат расмийлаштириш учун талабнома жўнатган маълумотларни йиғиш пунктига ёки дипломатик каналлар орқали маълумотларни йиғиш пунктларига етказиб бериш учун Ўзбекистон Республикаси Ташқи ишлар вазирлигига топширади. Маълумотларни йиғиш пунктлари эса ҳаракатланиш ҳужжатларини эгаларига беришни таъминлашлари керак.
Кейинги таҳрирга қаранг.
Олдинги таҳрирга қаранг.
171. 16 ёшга тўлмаган фуқаролиги бўлмаган шахсларнинг ҳаракатланиш ҳужжати уларнинг ота-оналарига, васийлари (ҳомийлари)га, ҳаракатланиш ҳужжати бериш ҳақида ариза билан мурожаат қилган ташкилотларнинг вакилларига берилади.
(171-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармонига асосан киритилган — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
18. Ўзбекистон Республикасининг хориждаги консуллик муассасаларида доимий консуллик рўйхатига олинган ва вақтинча Ўзбекистон Республикасида бўладиган фуқаролиги бўлмаган шахслар ушбу Низомнинг 11-бандида кўрсатилган ҳолларда ҳаракатланиш ҳужжатини олиш ва алмаштириш учун ушбу Низомнинг 13-бандида кўрсатилган ҳужжатлар билан Ўзбекистон Республикаси Ташқи ишлар вазирлигига мурожаат этадилар.
Олдинги таҳрирга қаранг.
19. Хорижга доимий яшаш учун белгиланган тартибда чиққан, аммо Ўзбекистон Республикасининг консуллик муассасасида консуллик рўйхатига олинмаган ва Ўзбекистон Республикасида бўлган пайтларида ҳаракатланиш ҳужжатларини йўқотиб қўйган фуқаролиги бўлмаган шахслар сўнгги доимий яшаш жойи бўйича рўйхатга олинган жойларидаги маълумотларни йиғиш пунктларига мурожаат этадилар.
(19-банд Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
20. Агар фуқаролиги бўлмаган шахс келган мамлакатда Ўзбекистон Республикасининг консуллик муассасаси бўлмаса, у Ўзбекистон Республикасининг мазкур мамлакат консуллик округига кирадиган хориждаги консуллик муассасасига мурожаат этади.
21. Фуқаролиги бўлмаган шахс ҳаракатланиш ҳужжатини эҳтиёт қилиб сақлаши шарт.
Фуқаролиги бўлмаган шахс ҳаракатланиш ҳужжатини Ўзбекистон Республикаси ҳудудида йўқотиб қўйган тақдирда бу ҳақда ўз вақтида уни берган маълумотларни йиғиш пунктига хабар бериши лозим. Мазкур маълумотларни йиғиш пункти қонунда назарда тутилган чораларни кўрганидан кейин унга ушбу Низомда кўзда тутилган тартибда янги ҳаракатланиш ҳужжатини беради.
22. Фуқаролиги бўлмаган шахслар бошқа давлат фуқаролигини олган тақдирда ҳаракатланиш ҳужжатини кейин ДПМга йўқ қилиш мақсадида топшириш учун ўзлари келган жойдаги маълумотларни йиғиш пунктига топширишлари шарт.
Кейинги таҳрирга қаранг.
Олдинги таҳрирга қаранг.
23. Топиб олинган ҳаракатланиш ҳужжати ички ишлар органларига ёки Ўзбекистон Республикасининг хориждаги консуллик муассасасига топширилиши лозим.
(23-банд Ўзбекистон Республикаси Президентининг 2018 йил 1 июндаги ПФ-5454-сонли Фармони таҳририда — Қонун ҳужжатлари маълумотлари миллий базаси, 01.06.2018 й., 06/18/5454/1290-сон)
24. Вафот этган шахснинг ҳаракатланиш ҳужжати фуқаролик ҳолатлари далолатномаларини ёзиш идорасига топширилади. Ушбу идора эса ҳужжатни йўқ қилиш мақсадида ДПМга топшириш учун маълумотларни йиғиш пунктига жўнатади.
Хорижда вафот этган фуқаролиги бўлмаган шахснинг ҳаракатланиш ҳужжати Ўзбекистон Республикасининг консуллик муассасаси томонидан Ўзбекистон Республикаси Ташқи ишлар вазирлигига жўнатилади. Ушбу вазирлик эса ҳужжатни йўқ қилиш учун ДПМга юборади.
Кейинги таҳрирга қаранг.
Олдинги таҳрирга қаранг.
25. Ҳибсга олинган ёки озодликдан маҳрум этишга ҳукм қилинган фуқаролиги бўлмаган шахснинг ҳаракатланиш ҳужжати суриштирув, тергов идоралари ёки суд томонидан олиб қўйилади. Агар шахс суднинг ҳукми билан қамоқда қолдирилса, унинг ҳаракатланиш ҳужжати Ўзбекистон Республикаси Ички ишлар вазирлиги Жазони ижро этиш бош бошқармасига жўнатилади.
(25-банднинг биринчи хатбошиси Ўзбекистон Республикаси Президентининг 2017 йил 10 майдаги ПФ-5040-сонли Фармони таҳририда — Ўзбекистон Республикаси қонун ҳужжатлари тўплами, 2017 й., 19-сон, 334-модда)
Шахс қамоқдан озод этилганида ёки жазо муддатини ўтаб бўлгач, унга ҳаракатланиш ҳужжати тергов, суд идоралари ёки жазони ижро этиш муассасаси маъмурияти томонидан қайтарилади.
Ҳибсга олинган ёки озодликдан маҳрум этишга ҳукм қилинган шахсларнинг тергов, суд идораларида ёки жазони ижро этиш муассасаси маъмуриятида сақланаётган муддати ўтган ҳаракатланиш ҳужжатлари ушбу Низомда белгиланган тартибда йўқ қилиш учун маълумотларни йиғиш пунктига жўнатилади.
26. Текшириш, верификация (солиштириб ўқиш) жараёнида ноаниқликлар ёки чегара (миграция) белгилари, хорижий визалар, рухсатнома ёзувлари қалбакилаштирилгани аломатлари аниқланган, белгиланган тартибда ҳақиқий эмас деб топилган ҳаракатланиш ҳужжатлари тегишли вазирликлар ва идораларга жўнатиш учун чегара назорати бўлинмалари томонидан олиб қўйилиши мумкин.
27. Ушбу Низомнинг 16, 25 ва 26-бандларида кўзда тутилган холлардан ташқари фуқаролиги бўлмаган шахслардан ҳаракатланиш ҳужжатларини олиб қўйиш тақиқланади.
Мажбуриятни бажариш мақсадида ҳаракатланиш ҳужжатини гаров сифатида қабул қилиш ва топшириш тақиқланади.
28. Ҳаракатланиш ҳужжати:
амал қилиш муддати тугаганида;
ҳаракатланиш ҳужжати бланкаси яроқсиз ҳолга келганида;
Олдинги таҳрирга қаранг.
суд ажрими билан амал қилиши тўхтатиб турилганида;
(28-банд Ўзбекистон Республикаси Президентининг 2021 йил 26 январдаги ПФ-6146-сонли Фармонига асосан тўртинчи хатбоши билан тўлдирилган — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
эгаси бирор-бир давлат фуқаролигини қабул қилганида;
уни расмийлаштириш чоғида атайлаб ёлғон маълумотлар тақдим қилинганида ўз кучини йўқотади.
Олдинги таҳрирга қаранг.
29. Ушбу Низом талабларини амалга ошириш учун зарур бўлган штамплар ва бланкалар намуналари тегишли равишда Ўзбекистон Республикаси Ички ишлар, Ташқи ишлар, Соғлиқни сақлаш вазирликлари ва Давлат хавфсизлик хизмати томонидан тасдиқланади.
(29-банд Ўзбекистон Республикаси Президентининг 2018 йил 5 июндаги ПФ-5456-сонли Фармони таҳририда — Қонун ҳужжатлари маълумотлари миллий базаси, 07.06.2018 й., 06/18/5456/1316-сон)
Олдинги таҳрирга қаранг.
30. Ҳаракатланиш ҳужжатини бериш учун «Давлат божи тўғрисида»ги Ўзбекистон Республикаси Қонуни билан белгиланган миқдорда давлат божи ундирилади.
(30-банд Ўзбекистон Республикаси Президентининг 2021 йил 26 январдаги ПФ-6146-сонли Фармони таҳририда — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
Кейинги таҳрирга қаранг.
Олдинги таҳрирга қаранг.
II1. Суд ажрими билан амал қилиши тўхтатиб турилган ҳаракатланиш ҳужжати ўрнига янги ҳаракатланиш ҳужжати бериш тартиби
301. Қидирувда бўлган айбланувчи ёки судланувчи республика ҳудудида ушланган тақдирда суд ажрими билан амал қилиши тўхтатиб турилган ҳаракатланиш ҳужжати ички ишлар органлари ёки чегара назорати бўлинмалари томонидан маълумотларни йиғиш пунктига йўқ қилиш учун жўнатиш мақсадида олиб қўйилади ва унга ҳаракатланиш ҳужжати олиб қўйилганлиги ҳақида далолатнома берилади.
302. Вақтинча хорижда бўлган суд ажрими билан ҳаракатланиш ҳужжатининг амал қилиши тўхтатиб турилган айбланувчи ёки судланувчи Ўзбекистон Республикасига қайтиш гувоҳномасини олиш учун Ўзбекистон Республикасининг консуллик муассасасига мурожаат этганда унинг ҳаракатланиш ҳужжати олиб қўйилади ва унга бу ҳақида далолатнома берилади. Олиб қўйилган ҳаракатланиш ҳужжати йўқ қилиш учун Ўзбекистон Республикаси Ташқи ишлар вазирлиги орқали маълумотларни йиғиш пунктига юборилади.
303. Суд ажрими билан ҳаракатланиш ҳужжатининг амал қилиши тўхтатиб турилган айбланувчига ёки судланувчига янги ҳаракатланиш ҳужжати маълумотларни йиғиш пункти томонидан ушбу бандда кўрсатиб ўтилган ҳужжатлар тақдим этилган кундан бошлаб ўн кун ичида берилади.
Янги ҳаракатланиш ҳужжатини олиш учун қуйидаги ҳужжатлар тақдим этилиши лозим:
белгиланган шаклдаги ариза;
процессуал мажбурлов чораси бекор қилинганлиги ҳақида тасдиқланган қарор нусхаси;
давлат божи тўланганлиги ҳақида квитанция.
Суд ажрими билан ҳаракатланиш ҳужжатининг амал қилиши тўхтатиб турилган айбланувчи ёки судланувчи паспорт тизими қоидаларини бузганлик учун маъмурий жавобгарликка тортилмайди.
304. Тергов ҳибсхоналари ёки вақтинча сақлаш ҳибсхоналарида сақланаётган шахсга янги ҳаракатланиш ҳужжатини расмийлаштириш ушбу шахслар сақланаётган жойга борган ҳолда амалга оширилади.
(II1-бўлим Ўзбекистон Республикаси Президентининг 2021 йил 26 январдаги ПФ-6146-сонли Фармонига асосан киритилган — Қонун ҳужжатлари маълумотлари миллий базаси, 27.01.2021 й., 06/21/6146/0065-сон)
III. Консуллик рўйхати
31. Белгиланган тартибда хорижга доимий яшаш учун чиққан, шунингдек вақтинча хорижда бўладиган фуқаролиги бўлмаган шахслар Ўзбекистон Республикасининг хориждаги консуллик муассасаларида доимий ёки вақтинча консуллик рўйхатида туришлари шарт.
32. Хорижга доимий яшаш учун чиққан ва хорижга доимий яшаш учун чиқишларини белгиланган тартибда расмийлаштирган фуқаролиги бўлмаган шахслар доимий консуллик рўйхатига олинадилар.
Олдинги таҳрирга қаранг.
33. Хорижга хизмат сафари, ўқиш, даволаниш, ишлаш ва ўз оиласи билан бирлашиш мақсадида чиқиб кетган ва хорижга вақтинча чиқишларини ўрнатилган тартибда расмийлаштирган фуқаролиги бўлмаган шахслар вақтинча консуллик рўйхатига олинадилар.
(33-банднинг биринчи хатбошиси Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
Фуқаролиги бўлмаган шахс ўзи бораётган мамлакатга қонуний тарзда ва олти ойдан ортиқ вақтга келган тақдирда, у вақтинча консуллик рўйхатига олинади.
34. Агар фуқаролиги бўлмаган шахслар доимий яшаш, шунингдек иш, ўқиш ёки хизмат сафари жойи ўзгариши муносабати билан олти ойдан ортиқ муддатга Ўзбекистон Республикасининг бошқа консуллик муассасасининг консуллик округи ҳудудига кўчиб ўтишса, илгари турган жойларидаги консуллик рўйхатидан (доимий, вақтинча) чиқишлари ва янги келган жойларида консуллик рўйхатига туришлари лозим.
Олдинги таҳрирга қаранг.
35. Доимий консуллик рўйхатига олиш учун Ўзбекистон Республикасининг қонун ҳужжатларида белгиланган миқдорда консуллик йиғимлари ундирилади.
(35-банд Ўзбекистон Республикаси Президентининг 2019 йил 28 ноябрдаги ПФ-5885-сонли Фармони таҳририда — Қонун ҳужжатлари маълумотлари миллий базаси, 29.11.2019 й., 06/20/5885/0067-сон)
36. Фуқаролиги бўлмаган шахсларнинг консуллик рўйхатига олиш ва консуллик рўйхатидан чиқариш тўғрисидаги аризаларининг, уларни консуллик рўйхатига олиш ва консуллик рўйхатидан чиқаришга тааллуқли қайд қилиш китоблари ва бошқа ҳужжатларнинг шакллари Ўзбекистон Республикаси Ташқи ишлар вазирлиги томонидан белгиланади.
IV. Фуқаролиги бўлмаган шахснинг ҳаракатланиш ҳужжатидан фойдаланиш қоидаларини бузганлик учун жавобгарлик
37. Қонун ҳужжатларида қуйидагилар учун жавобгарлик белгиланади:
фуқаролиги бўлмаган шахснинг ҳақиқий бўлмаган ҳаракатланиш ҳужжатидан фойдаланганлиги, ҳаракатланиш ҳужжатини атайлаб яроқсиз ҳолга келтирганлиги, шунингдек уни эҳтиёт қилиб сақламаганлиги оқибатида йўқотиб қўйганлиги;
фуқаролиги бўлмаган шахслар ўзларининг ҳаракатланиш ҳужжатларидан ғаразли мақсадлари йўлида фойдаланганлиги, сўнг уларни йўқотиб қўйганлиги тўғрисида ариза берганлиги, шунингдек бошқа шахсларга тегишли ҳаракатланиш ҳужжатларидан фойдаланганлиги;
ғаразли ёки бошқа мақсадларда ҳаракатланиш ҳужжатига эгалик қилганлиги, уни йўқ қилганлиги, яроқсиз ҳолга келтирганлиги, яширганлиги.

(Ўзбекистон Республикаси қонун ҳужжатлари тўплами, 2011 й., 1-2-сон, 2-модда; 2017 й., 19-сон, 334-модда; Қонун ҳужжатлари маълумотлари миллий базаси, 01.06.2018 й., 06/18/5454/1290-сон, 07.06.2018 й., 06/18/5456/1316-сон; 31.10.2018 й., 06/20/5567/0802-сон; 30.08.2018 й., 06/18/5528/1812-сон; 19.11.2018 й., 06/20/5578/0984-сон; 29.11.2019 й., 06/20/5885/0067-сон; Қонунчилик маълумотлари миллий базаси, 27.01.2021 й., 06/21/6146/0065-сон; 20.04.2022 й., 06/22/112/0326-сон; 25.05.2024 й., 06/24/80/0364-сон)