|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
«КЕЙС» КОРПОРАЦИЯСИ ИШТИРОКИДАГИ ҚЎШМА КОРХОНАЛАРНИ ҚЎЛЛАБ-ҚУВВАТЛАШ ЮЗАСИДАН ҚЎШИМЧА ЧОРА-ТАДБИРЛАР ТЎҒРИСИДА
[Кўчирма]
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
«Кейс» корпорацияси иштирокидаги қўшма корхоналар томонидан қишлоқ хўжалигига етказиб берилаётган техника ва кўрсатилаётган сервис ва лизинг хизматлари қийматини пасайтириш мақсадида Вазирлар Маҳкамаси қарор қилади:
1. Белгилансинки, «Кейс» корпорацияси томонидан қўшма корхоналарнинг устав фондига улуш сифатида олиб келинаётган асбоб-ускуналар, моддий-техника ресурслари, бутловчи буюмлар, транспорт воситалари Ўзбекистон Республикаси ҳудудида амал қилувчи солиқлар ва божларнинг барча турларидан озод қилинади.
2. «ЎзКейсмаш», «ЎзКейсТрактор», «ЎзКейссервис» ва «ЎзКейсагролизинг» қўшма корхоналари беш йил муддатга:
техника ишлаб чиқариш ҳамда лизинг ва сервис хизматлари кўрсатиш учун импорт қилинаётган асбоб-ускуналар, бутловчи буюмлар, эҳтиёт қисмлар ва бошқа моддий-техника ресурсларига Ўзбекистон Республикаси ҳудудида амал қилувчи барча бож тўловлари (қўшилган қиймат солиғи, акцизлар ва божлар)дан;
Ўзбекистон Республикаси ҳудудида ишлаб чиқарилаётган техникага ҳамда кўрсатилаётган лизинг ва сервис хизматларига қўшилган қиймат солиғидан озод қилинсин.
4. Ўзбекистон Республикаси Ташқи иқтисодий алоқалар вазирлиги Вазирлар Маҳкамаси томонидан тасдиқланадиган бизнес-режалар асосида «ЎзКейсмаш», ЎзКейсТрактор», «ЎзКейссервис» ва «ЎзКейсагролизинг» қўшма корхоналари томонидан қишлоқ хўжалиги техникаси ишлаб чиқариш, сервис ва лизинг хизматлари кўрсатиш учун асбоб-ускуналар, эҳтиёт қисмлар ва материалларни импорт қилишга доир контрактларни рўйхатдан ўтказсин.
6. Ҳисоб-китоблар механизмини такомиллаштириш ва бюджетга тўловлар интизомини мустаҳкамлаш бўйича Ҳукумат комиссияси «ЎзКейсмаш», «ЎзКейссервис», ЎзКейсагролизинг» ва «ЎзКейсТрактор» қўшма корхоналарини етказиб берилган техника, эҳтиёт қисмлар ва кўрсатилган сервис ва лизинг хизматларига ҳақ тўлаш учун 23202-махсус счёт бўйича аванс тўловлари ҳисобига махсус траншларга киритишни назарда тутсин.
7. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1998 йил 3 декабрь,
508-сон
