Ҳужжат кучини йўқотган " " 22.02.2021
Ҳужжат 18.06.1997 00 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
ФАРҒОНА ВИЛОЯТИНИНГ ТОШЛОҚ ШАҲАРЧАСИДА «ДЭУ ТЕКСТИЛЬ КОМПАНИ» ТЎҚИМАЧИЛИК КОМБИНАТИНИ ИШГА ТУШИРИШ ТЎҒРИСИДА
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўз вақтида ишга туширишни таъминлаш ва экспортга мўлжалланган маҳсулот ишлаб чиқаришни кўпайтириш мақсадида Вазирлар Маҳкамаси қарор қилади:
1. Қуйидагилар:
«ДЭУ» корпорацияси ва «Ўзбекенгилсаноат» корпорацияси ўртасида Тошлоқ нотўқима материаллар фабрикасининг 2,5 млн АҚШ доллари суммасидаги бинолари ва иншоотларининг олди-сотди шартномаси тузилганлиги;
йилига 13 минг тонна пахта калаваси ишлаб чиқарадиган, устав сармояси 10,0 млн АҚШ доллари бўлган 60,0 млн АҚШ доллари ҳажмидаги 100 фоиз хорижий инвестициялар иштирокидаги «ДЭУ текстиль компани» корхонаси ташкил этилганлиги;
«ДЭУ текстиль компани» корхонаси томонидан ишлаб чиқарилган маҳсулотнинг ҳаммаси (йилига 35,0 млн АҚШ доллари) экспортга етказиб берилиши;
олинган фойдани беш йил мобайнида Ўзбекистон Республикасида амалга оширилаётган лойиҳаларга, шу жумладан Фарғона вилоятининг ижтимоий ва муҳандислик инфратузилмасини ривожлантиришга қайта молиялаштириш назарда тутилаётганлиги маълумот учун қабул қилинсин.
2. Ўзбекистон Республикаси Макроиқтисодиёт ва статистика вазирлиги Тошлоқ шаҳарчасидаги тўқимачилик комбинати учун «ДЭУ текстиль компани»га белгиланган тартибда ҳар йили пахта толаси ажратишни назарда тутсин.
Кейинги таҳрирга қаранг.
3. Тошлоқ шаҳарчасидаги тўқимачилик комбинати ишлаб чиқариш бошланган вақтдан бошлаб икки йил муддатга фойда солиғидан озод қилинсин.
4. Фарғона вилояти ҳокимлиги хорижий мутахассислар оилалари билан биргаликда узоқ муддат яшашлари учун амалдаги меъёрларга мувофиқ шароитлар яратсин.
5. Тўқимачилик комбинатида ишлаш учун келаётган хорижий мутахассисларга визаларни расмийлаштириш, республика ҳудудида яшашлари ва транспортнинг барча турларида юрганликлари учун Ўзбекистон Республикаси фуқаролари учун назарда тутилган тарифлар бўйича ҳақ тўлаш ҳуқуқи берилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари М.З. Усмонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 18 июнь,
311-сон