|
Ҳужжат 20.03.2020 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИДА АРХИВ ИШИНИ ЯНАДА РИВОЖЛАНТИРИШГА ДОИР ҚЎШИМЧА ЧОРА-ТАДБИРЛАР ТЎҒРИСИДА
Республикада архив ишини ва иш юритишни янада ривожлантириш, архив ҳужжатлари сақланишини таъминлаш ва улардан фойдаланиш имкониятларини кенгайтириш, тармоқнинг норматив ва методик базасини такомиллаштириш мақсадида Вазирлар Маҳкамаси қарор қилади:
1. Қуйидагилар:
* 2-илова рус тилидаги матнда берилган.
Ўзбекистон Республикаси Вазирлар Маҳкамаси ҳузуридаги «Ўзархив» агентлиги марказий аппаратининг тузилмаси 3-иловага мувофиқ;
архив иши ҳудудий бошқармаларининг намунавий тузилмаси 4-иловага мувофиқ тасдиқлансин.
Кейинги таҳрирга қаранг.
2. Қуйидагилар 2011 йилгача архив ишини ва иш юритишни ривожлантириш дастурининг (кейинги ўринларда Дастур деб аталади) асосий вазифалари этиб белгилансин:
Ўзбекистон Республикаси Миллий архив фонди ҳужжатлари сақланиши ва сақлаш хавфсизлиги шарт-шароитларини такомиллаштириш;
давлат архивларининг моддий-техника базасини мустаҳкамлаш, уларни рақамлаш, таъмирлаш, консервация қилиш ва архив ҳужжатларидан эҳтиётлаш мақсадида нусха олиш бўйича юқори технологик асбоб-ускуналар билан жиҳозлаш;
республиканинг умумий фойдаланиладиган архив ахборотлари маълумотлари базасини шакллантиришни назарда тутувчи архив муассасаларининг маълумотлар узатиш ва интеграциялашган ахборот тизимининг корпоратив тармоғини яратиш;
масофадан ўқитишнинг замонавий технологияларидан фойдаланган ҳолда архив иши ва иш юритиш ходимлари малакасини мунтазам равишда ошириш тизимини шакллантириш.
Кейинги таҳрирга қаранг.
3. Давлат бюджети маблағлари, республика архив муассасаларининг бюджетдан ташқари даромадлари ва грант маблағлари Дастурни молиялаштириш манбалари ҳисобланиши маълумот учун қабул қилинсин.
4. Ўзбекистон Республикаси Вазирлар Маҳкамаси ҳузуридаги «Ўзархив» агентлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда Дастур тадбирларининг сифатли ва ўз вақтида бажарилишини ҳамда архив иши ва иш юритишни ривожлантиришнинг белгиланган мақсадли мўлжалларига эришилишини таъминласин.
5. Вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари идоравий архивлар фаолиятини ривожлантириш, идоравий сақлашдаги Миллий архив фонди ҳужжатларининг сақланишини ва илмий-техник жиҳатдан ишланишини таъминлаш, шунингдек архив иши ва иш юритиш ходимлари малакасини ошириш бўйича аниқ чора-тадбирлар кўрсинлар.
Олдинги таҳрирга қаранг.
6. Ўзбекистон Республикаси Молия вазирлиги ҳар йили Ўзбекистон Республикаси Давлат бюджети лойиҳасини тузишда:
ушбу қарорда назарда тутилган мақсадли мўлжалларга эришиш тадбирларини, шунингдек 2011 йилгача архив иши ва иш юритишни ривожлантириш дастурини амалга оширишга;
идоравий сақлаш босқичида Ўзбекистон Республикаси Миллий архив фонди ҳужжатларини илмий-техник жиҳатдан ишлашга ва уларнинг сақланишини таъминлашга, шунингдек вазирликлар, идоралар ва республика бошқа ташкилотларининг ҳар йилги таклифларига мувофиқ ходимлар малакасини ошириш тадбирларига зарур бюджет маблағлари ажратилишини назарда тутсин.
(6-банд Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)
Олдинги таҳрирга қаранг.
(7-банд Ўзбекистон Республикаси Вазирлар Маҳкамасининг 2020 йил 19 мартдаги 174-сон қарорига асосан ўз кучини йўқотган — Қонун ҳужжатлари маълумотлари миллий базаси, 20.03.2020 й., 09/20/174/0343-сон)
8. Қорақалпоғистон Республикаси Вазирлар Кенгаши ва вилоятлар ҳокимликлари Ўзбекистон Республикаси Вазирлар Маҳкамаси ҳузуридаги «Ўзархив» агентлиги ва Молия вазирлиги билан давлат янги архивларини ташкил этиш тўғрисидаги қарорлар лойиҳаларини келишиб олсинлар.
Кейинги таҳрирга қаранг.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н. Арипов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2008 йил 26 август,
194-сон
Вазирлар Маҳкамасининг 2008 йил 26 августдаги 194-сон қарорига
1-ИЛОВА
1-ИЛОВА
2011 йилгача Ўзбекистон Республикасида архив иши ва иш юритишни ривожлантириш дастури
| Т/р | Тадбирлар номи | Молиялаштириш манбалари (млн сўм) | Амалга ошириш механизми | Масъул бажарувчилар | ||
| Давлат бюджети маблағлари | бюджетдан ташқари ва грант маблағлари | амалга ошириш шакли | бажариш муддатлари | |||
| 1. | Архив муассасалари биноларининг ҳолатини хатловдан ўтказиш. | Тадбирлар | 2008 йил III чорак | «Ўзархив» агентлиги, Иқтисодиёт вазирлиги, Давлат мулки қўмитаси, «Давархитектқурилиш» қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари | ||
| Кейинчалик биноларни архив муассасалари балансига берган ҳолда биноларни босқичма-босқич қуриш, реконструкция қилиш ва мукаммал таъмирлаш бўйича таклифлар тайёрлаш ва киритиш. | Вазирлар Маҳкамасига таклиф | 2008 йил ноябрь | ||||
| 2. | Марказий ва вилоят давлат архивларини: | | | Чора-тадбирлар жадвали | Тасдиқлаш — 2008 йил III чорак | «Ўзархив» агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| ҳавони мўътадиллаштириш тизими билан; | 238,1 | 368,3 | ||||
| ёнғинни ўчириш ва ёнғинга қарши сигнализациянинг замонавий тизими билан; | 237,9 | 300,0 | ||||
| бинода ва ўқув залларида периметрал назорат ва видео кузатиш тизими билан; | 107,0 | 26,6 | Амалга ошириш — 2009—2011 йиллар | |||
| компьютерлар билан; | 37,8 | 133,0 | ||||
| металл стеллажлар билан; | 835,0 | 1688,2 | ||||
| ишларни картонлаштириш учун қутилар билан жиҳозлаш | | 962,4 | ||||
| 3. | Давлат архивлари ва шахсий таркиб ҳужжатларининг идоралараро хўжалик ҳисобидаги архивлари маълумотларини корпоратив узатиш тармоғини шакллантириш | 150,0 | 83,0 | Тадбирлар режаси | Тасдиқлаш — 2008 йил IV чорак | «Ўзархив» агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| Амалга ошириш — 2011 йил охиригача | ||||||
| 4. | Қўшимча архив сақланадиган жойлар қуриш. | Лойиҳа-смета ҳужжатлари | Тасдиқлаш — 2008 йил октябрь | «Ўзархив» агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар, туманлар ва Тошкент шаҳар ҳокимликлари | ||
| Инвестиция дастурига киритиш бўйича таклифлар | Амалга ошириш — 2011 йил 31 декабргача | |||||
| 5. | Архивчилар ва иш юритувчиларни масофадан ўқитиш тизимини яратиш: | | | Тадбирлар режаси | Тасдиқлаш — 2008 йил IV чорак | «Ўзархив» агентлиги, Олий ва ўрта махсус таълим вазирлиги, Ўзбекистон алоқа ва ахборотлаштириш агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| масофадан ўқитиш учун платформа яратиш; | 9,2 | | ||||
| архившунослик, иш юритиш ва электрон ҳужжат айланиши бўйича масофадан ўқитиш курсларини ишлаб чиқиш; | 4,0 | 7,0 | Амалга ошириш — 2010 йил 1 январгача | |||
| Кино, фото, фоно ҳужжатлар Марказий давлат архивида ва архив иши бошқармаларида компьютерли ўқув синфлари тармоғини ташкил этиш; | | 94,0 | ||||
| «охирги мил» алоқасининг тезкор каналини яратиш. | | 14,4 | ||||
| 6. | Давлат архивларини ноёб ва алоҳида қимматли ҳужжатларни реставрация қилиш, консервация қилиш ва эҳтиёт нусхалари кўчириш учун юқори технологияли асбоб-ускуналар билан жиҳозлаш. | 294,0 | 253,0 | Чора-тадбирлар жадвали | Тасдиқлаш — 2008 йил IV чорак | «Ўзархив» агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| Амалга ошириш — 2010 йил 1 январгача | ||||||
| 7. | Давлат архивларини ахборотни ёзиш ва электрон манбаларда сақлаш учун асбоб-ускуналар билан жиҳозлаш. | 55,0 | 133,0 | Чора-тадбирлар жадвали | Тасдиқлаш — 2008 йил IV чорак | «Ўзархив» агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| Амалга ошириш — 2010 йил 1 январгача | ||||||
| 8. | Архив муассасаларини компьютер асбоб-ускуналари ва лицензияли дастурий таъминот билан жиҳозлаш. | 85,0 | 200,0 | Чора-тадбирлар жадвали | Тасдиқлаш — 2008 йил III чорак | «Ўзархив» агентлиги, Молия вазирлиги, Қорақалпоғистон Республикаси Вазирлар Кенгаши, вилоятлар, туманлар ва Тошкент шаҳар ҳокимликлари |
| Амалга ошириш — 2010 йил 1 июнгача | ||||||
| 9. | «Ўзбекистон архивлари» веб-порталини такомиллаштириш ва қўллаб-қувватлаш. | 1,5 | 4,0 | Тадбирлар режаси | Тасдиқлаш — 2008 йил III чорак | «Ўзархив» агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| Доимо | ||||||
| 10. | Умумий фойдаланиладиган архив ахбороти бўйича маълумотлар базасини ишлаб чиқиш ва яратиш. | | 258,0 | Тадбирлар режаси | Тасдиқлаш — 2008 йил III чорак | «Ўзархив» агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
| Амалга ошириш — 2011 йил 1 январгача | ||||||
| 11. | Архив иши ва иш юритиш соҳасида кадрлар малакасини ошириш ва уларни қайта тайёрлаш. | Ўқитиш жадвали | Тасдиқлаш — ҳар йили йил охирида | «Ўзархив» агентлиги, вазирликлар, идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари | ||
| Амалга ошириш — доимо | ||||||
| Дастур бўйича жами: | 2 054,5 | 4 524,9 | | | | |
Кейинги таҳрирга қаранг.
Вазирлар Маҳкамасининг 2008 йил 26 августдаги 194-сон қарорига
3-ИЛОВА
3-ИЛОВА
Ўзбекистон Республикаси Вазирлар Маҳкамаси ҳузуридаги «Ўзархив» агентлигининг марказий аппарати тузилмаси
Кейинги таҳрирга қаранг.
Вазирлар Маҳкамасининг 2008 йил 26 августдаги 194-сон қарорига
4-ИЛОВА
4-ИЛОВА
Архив иши ҳудудий бошқармаларининг намунавий тузилмаси
Кейинги таҳрирга қаранг.
Вазирлар Маҳкамасининг 2008 йил 26 августдаги 194-сон қарорига
5-ИЛОВА
5-ИЛОВА
Вазирлар Маҳкамасининг «Ўзбекистон Республикасида архив ишини бошқаришни янада такомиллаштириш тўғрисида» 2004 йил 3 февралдаги 49-сон қарорига киритилаётган ўзгартириш ва қўшимчалар
1. 4-бандда:
иккинчи хатбоши қуйидаги таҳрирда баён қилинсин:
«Ўзбекистон Республикаси Вазирлар Маҳкамаси ҳузуридаги «Ўзархив» агентлигининг ташкилий тузилмаси 1-иловага мувофиқ»;
учинчи хатбоши ўз кучини йўқотган деб ҳисоблансин.
2. Қарорга 2 ва 3-иловалар ўз кучини йўқотган деб ҳисоблансин.
3. Ўзбекистон Республикаси Вазирлар Маҳкамаси ҳузуридаги «Ўзархив» агентлиги тўғрисидаги низомда (4-илова):
а) 1-банддаги «ва улардан фойдаланиш тўғрисида» сўзларидан кейин «Ахборотлаштириш тўғрисида», «Электрон ҳужжат айланиши тўғрисида» сўзлари қўшилсин;
б) 3-банддаги, 13-банднинг иккинчи хатбошидаги, 14-банднинг иккинчи хатбошидаги «архив иши» сўзларидан кейин «ва иш юритиш» сўзлари қўшилсин;
в) 4-банддаги «фармонлари» сўзидан кейин «қарорлари» сўзи қўшилсин;
г) 7-бандда:
бешинчи ва еттинчи хатбошидаги «архив иши» сўзларидан кейин «ва иш юритиш» сўзлари қўшилсин;
саккизинчи хатбошидаги «археография» сўзидан кейин «иш юритиш, электрон ҳужжат айланиши» сўзлари қўшилсин;
саккизинчи хатбошидан кейин қуйидаги мазмундаги янги хатбоши қўшилсин:
«Ўзбекистон Республикаси Миллий архив фондига тегишли бўлган ахборот ресурсларини сақлашни таъминлайдиган электрон архивларни ташкил этишни ва фаолият кўрсатишини тартибга солиш ҳамда мувофиқлаштириш»;
тўққизинчи хатбоши ўнинчи хатбоши деб ҳисоблансин;
ўнинчи хатбошидаги «архив иши» сўзларидан кейин «ва иш юритиш» сўзлари қўшилсин;
д) 8-бандда:
бешинчи хатбоши қуйидаги таҳрирда баён қилинсин:
«архившунослик, ҳужжатшунослик, археография соҳасидаги илмий-методик ишларни ташкил қилади ва мувофиқлаштиради, илмий тадқиқотлар натижаларини ва илмий-техника ютуқларини архив иши ва иш юритиш амалиётига жорий қилади»;
саккизинчи хатбоши қуйидаги таҳрирда баён қилинсин:
«ҳужжатларнинг, шу жумладан давлат ахборот ресурсларининг илмий ва амалий қимматини экспертизадан ўтказишни ҳамда уларни доимий сақлаш учун давлат архивларига, шу жумладан электрон архивларга танлаб олишни ташкил қилади»;
ўн тўққизинчи хатбошидаги «ва идоравий архивлар» сўзлари «идоравий архивлар, шахсий таркиб бўйича ҳужжатларнинг идоралараро архивлари» сўзлари билан алмаштирилсин;
ўттизинчи хатбошидаги «архив иши» сўзларидан кейин «ва иш юритиш» сўзлари қўшилсин;
қуйидаги мазмундаги ўттиз биринчи ва ўттиз иккинчи хатбоши қўшилсин:
«Ўзбекистон Республикаси Миллий архив фондининг ахборот ресурслари ва электрон ҳужжатлари ҳимоя қилиниши таъминланишини ташкил этади;
Ўзбекистон Республикаси Миллий архив фонди алоҳида қимматли ва ноёб ҳужжатларининг эҳтиёт нусхалари яратилишини ташкил қилади»;
ўттиз биринчи-ўттиз иккинчи хатбоши тегишли равишда ўттиз учинчи-ўттиз тўртинчи хатбоши деб ҳисоблансин;
е) 9-бандда:
бешинчи хатбошидан кейин қуйидаги мазмундаги олтинчи хатбоши қўшилсин:
«давлат ҳокимияти органларидан тугатилаётган корхоналар тўғрисида ахборот олиш»;
олтинчи — ўн иккинчи хатбоши тегишли равишда еттинчи — ўн учинчи хатбоши деб ҳисоблансин;
еттинчи хатбошидаги «яширилиши» сўзидан кейин «йўқотилиши» сўзи қўшилсин;
ж) 11-бандда:
биринчи хатбошидаги «Ўзбекистон Республикаси Вазирлар Маҳкамаси томонидан» сўзлари «белгиланган тартибда» сўзлари билан алмаштирилсин;
иккинчи хатбоши қуйидаги таҳрирда баён қилинсин:
«Бош директорнинг белгиланган тартибда лавозимга тайинланадиган ва лавозимдан озод этиладиган бир нафар ўринбосари бўлади»;
олтинчи хатбоши қуйидаги таҳрирда баён қилинсин:
«Ўзархив» агентлиги аппарати ходимларини, Ўзбекистон Республикаси марказий давлат архивлари директорларини ва директор ўринбосарларини лавозимга тайинлайди ва лавозимдан озод қилади»;
саккизинчи хатбошидаги «давлат архивлари» сўзларидан кейин «шунингдек архив иши ҳудудий бошқармалари» сўзлари қўшилсин.
Кейинги таҳрирга қаранг.
(Ўзбекистон Республикаси қонун ҳужжатлари тўплами, 2008 й., 35-36-сон, 347-модда; 2016 й., 17-сон, 176-модда; Қонун ҳужжатлари маълумотлари миллий базаси, 20.03.2020 й., 09/20/174/0343-сон; 16.02.2021 й., 09/21/68/0115-сон)
