Ҳужжат кучини йўқотган " " 13.08.2025
Ҳужжат 19.08.2013 00 санаси ҳолатига
Амалдаги версияга ўтиш
ЎЗБЕКИСТОН АЛОҚА ВА АХБОРОТЛАШТИРИШ АГЕНТЛИГИ
ЎЗБЕКИСТОН РЕСПУБЛИКАСИ МУДОФАА ВАЗИРЛИГИ
ЎЗБЕКИСТОН РЕСПУБЛИКАСИ МИЛЛИЙ ХАВФСИЗЛИК ХИЗМАТИ
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ҲУКУМАТ АЛОҚАСИ ХИЗМАТИ
ЎЗБЕКИСТОН РЕСПУБЛИКАСИ ФАВҚУЛОДДА ВАЗИЯТЛАР ВАЗИРЛИГИ
ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИНИНГ
ҚАРОРИ
ФАВҚУЛОДДА ҲОЛАТЛАРДА ТЕЛЕКОММУНИКАЦИЯЛАР ТАРМОҚЛАРИ ВА ВОСИТАЛАРИДАН УСТУВОР ФОЙДАЛАНИШ, УЛАРДАН ФОЙДАЛАНИШНИ ТЎХТАТИБ ҚЎЙИШ ЁКИ ЧЕКЛАШ ТАРТИБИ ТЎҒРИСИДАГИ НИЗОМНИ ТАСДИҚЛАШ ҲАҚИДА
[Ўзбекистон Республикаси Адлия вазирлиги томонидан 2007 йил 27 ноябрда 1743-сон билан давлат рўйхатидан ўтказилган]
 LexUZ шарҳи
Мазкур қарор Ўзбекистон Республикаси адлия вазирининг 2025 йил 11 августдаги 20-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруғига (рўйхат рақами 3664, 11.08.2025 й.) асосан давлат реестридан чиқарилган.
Ўзбекистон Республикасининг «Телекоммуникациялар тўғрисида»ги Қонунининг 19-моддаси ва Ўзбекистон Республикаси Президентининг 2007 йил 20 февралдаги «Ўзбекистон Республикаси телекоммуникациялар тармоқларини бошқариш тизимини такомиллаштиришга оид қўшимча чора-тадбирлар тўғрисида»ги ПҚ-589-сон Қарорининг 4-бандига асосан қарор қиламиз:
1. Илова қилинган фавқулодда ҳолатларда телекоммуникациялар тармоқлари ва воситаларидан устувор фойдаланиш, улардан фойдаланишни тўхтатиб қўйиш ёки чеклаш тартиби тўғрисидаги низом тасдиқлансин.
2. Ушбу қарор Ўзбекистон Республикаси Адлия вазирлигида давлат рўйхатидан ўтказилганидан ўн кун ўтгандан кейин кучга киради.
3. Ушбу қарор бажарилишининг назоратини ўз зиммамизда қолдирамиз.
Ўзбекистон алоқа ва ахборотлаштириш агентлиги Бош директори А. АРИПОВ
Тошкент ш.,
2007 йил 31 октябрь,
02-8/3191-сон
Мудофаа вазири Р. МИРЗАЕВ
Тошкент ш.,
2007 йил 31 октябрь,
16-сон
Миллий хавфсизлик хизмати раиси Р. ИНОЯТОВ
Тошкент ш.,
2007 йил 31 октябрь,
133-сон
Вазирлар Маҳкамасининг Ҳукумат алоқаси хизмати бошлиғи Т. АСЛАНОВ
Тошкент ш.,
2007 йил 31 октябрь,
9-сон
Фавқулодда вазиятлар вазири К. БЕРДИЕВ
Тошкент ш.,
2007 йил 31 октябрь,
207-сон
Ички ишлар вазири Б. МАТЛЮБОВ
Тошкент ш.,
2007 йил 31 октябрь,
18-сон
Ўзбекистон алоқа ва ахборотлаштириш агентлиги, Мудофаа вазирлиги, Миллий хавфсизлик хизмати, Вазирлар Маҳкамасининг Ҳукумат алоқа хизмати, Фавқулодда вазиятлар вазирлиги, Ички ишлар вазирлигининг
2007 йил 31 октябрдаги 02-8/3191, 16, 133, 9, 207, 18-сон қарори билан
ТАСДИҚЛАНГАН
Фавқулодда ҳолатларда телекоммуникациялар тармоқлари ва воситаларидан устувор фойдаланиш, улардан фойдаланишни тўхтатиб қўйиш ёки чеклаш тартиби тўғрисидаги
НИЗОМ
Ушбу Низом Ўзбекистон Республикасининг «Телекоммуникациялар тўғрисида»ги Қонуни, Ўзбекистон Республикаси Президентининг 2007 йил 20 февралдаги «Ўзбекистон Республикаси телекоммуникациялар тармоқларини бошқариш тизимини такомиллаштиришга оид қўшимча чора-тадбирлар тўғрисида»ги ПҚ-589-сон қарорига мувофиқ Ўзбекистон Республикасида фавқулодда ҳолатларда телекоммуникациялар тармоқлари ва воситаларидан устувор фойдаланиш, фойдаланишни тўхтатиб қўйиш ёки чеклаш тартибини белгилайди.
I. Умумий қоидалар
1. Мазкур Низомда қуйидаги тушунчалар қўлланилади:
фавқулодда ҳолатлар — ҳарбий ҳаракатлар, зилзилалар, сув тошқинлари, ёнғинлар, эпидемиялар ва бошқа фавқулодда вазиятлар;
телекоммуникациялар тармоқлари ва воситаларидан устувор фойдаланиш — бошқа фойдаланувчиларга нисбатан телекоммуникацияларнинг исталган тармоқлари ва воситаларидан фойдаланиш учун биринчи навбатдаги ҳуқуқ;
телекоммуникациялар тармоқлари ва воситаларидан фойдаланишни тўхтатиб қўйиш — фавқулодда ҳолатлар бўйича ишларни ташкил қилиш ва ўтказиш вақтида бошқа фойдаланувчилар томонидан телекоммуникациялар тармоқлари ва воситаларидан фойдаланишни тўхтатиб қўйиш;
телекоммуникациялар тармоқлари ва воситаларидан фойдаланишни чеклаш — фавқулодда ҳолатлар бўйича ишларни ташкил қилиш ва ўтказиш вақтида бошқа фойдаланувчилар томонидан телекоммуникациялар тармоқлари ва воситаларидан фойдаланишни қисқартириш (телекоммуникациялар воситалари ишларининг режимлари, кўрсатилаётган телекоммуникациялар хизматларининг ҳажмларини ўзгартириш);
Олдинги таҳрирга қаранг.
2. Фавқулодда ҳолатларда алоқа, ахборотлаштириш ва телекоммуникация технологиялари соҳасидаги махсус ваколатли орган алоқа, ахборотлаштириш ва телекоммуникация технологияларининг исталган тармоқлари ва воситаларидан устувор фойдаланиш, уларнинг ишлашини чеклаш ёки тўхтатиб қўйиш ҳуқуқига эга.
(2-банд Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси, Мудофаа вазирлиги, Миллий хавфсизлик хизмати, Фавқулодда вазиятлар вазирлиги, Ички ишлар вазирлигининг 2013 йил 26 июлдаги 42-мҳ, 10, 61, 7, 24-сонли қарори (рўйхат рақами 1743-1, 12.08.2013 й.) таҳририда — ЎР ҚҲТ, 2013 й., 33-сон, 445-модда)
Олдинги таҳрирга қаранг.
3. Телекоммуникациялар тармоқлари ва воситаларидан устувор фойдаланиш, улардан фойдаланишни тўхтатиб қўйиш ёки чеклаш Мудофаа вазирлиги, Ички ишлар вазирлиги, Фавқулодда вазиятлар вазирлиги, Ўзбекистон Республикаси Миллий хавфсизлик хизмати (кейинги ўринларда — махсус истеъмолчи деб юритилади) фавқулодда ҳолатларнинг олдини олиш ва уларнинг оқибатларини бартараф этиш бўйича кечиктириб бўлмайдиган чора-тадбирларни кўриш имкониятини таъминлаш, фавқулодда ҳолатлар юзага келганда давлат бошқаруви, миллий хавфсизлик, мудофаа ва ҳуқуқ-тартиботни қўриқлаш бўйича вазифаларни таъминлаш мақсадида амалга оширилади.
(3-банд Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси, Мудофаа вазирлиги, Миллий хавфсизлик хизмати, Фавқулодда вазиятлар вазирлиги, Ички ишлар вазирлигининг 2013 йил 26 июлдаги 42-мҳ, 10, 61, 7, 24-сонли қарори (рўйхат рақами 1743-1, 12.08.2013 й.) таҳририда — ЎР ҚҲТ, 2013 й., 33-сон, 445-модда)
4. Фавқулодда ҳолатлар вақтида вазиятга боғлиқ ҳолда махсус истеъмолчилар бўлинмаларини алоқа билан таъминлаш навбати фақат биринчи ва иккинчи навбатнинг алоқалари бўйича амалга оширилади, бунда алоқа каналлари ва воситаларини ажратиш тасдиқланган навбатчилик рўйхати (кўчирма)да белгиланганлигига мувофиқ амалга оширилади;
5. Фавқулодда ҳолатларда телекоммуникациялар тармоқлари ва воситаларидан устувор фойдаланиш, улардан фойдаланишни тўхтатиб қўйиш ва чеклаш телекоммуникацияларнинг исталган тармоқлари ва воситаларига нисбатан қўлланиши мумкин.
6. Фавқулодда ҳолатлар юзага келганда, телекоммуникациялар операторлари, идоравий телекоммуникациялар тармоқлари эгалари техник имкониятлар мавжуд бўлганда, махсус истеъмолчиларга алоқа каналлари, телекоммуникациялар линиялари, телекоммуникациялар воситалари, шу жумладан охирги (терминал) ускунани қонунчиликда белгиланган тартибда ва муддатда фойдаланишга тақдим этадилар.
 LexUZ шарҳи
Қаранг: Ўзбекистон Республикасининг «Фавқулодда ҳолат тўғрисида»ги Қонуни.
7. Телекоммуникациялар операторлари, идоравий телекоммуникациялар тармоқларининг эгалари фавқулодда ҳолатлар, фавқулодда ҳолатлар оқибатлари билан боғлиқ кечиктириб бўлмайдиган тадбирларни ўтказиш, давлат бошқаруви, ҳуқуқ-тартиботни қўриқлаш, давлатнинг мудофаа қобилияти ва хавфсизлигига тааллуқли барча хабарларга мутлақ устуворликни тақдим этади.
II. Фавқулодда ҳолатларда телекоммуникациялар тармоқлари ва воситаларидан устувор фойдаланиш, фойдаланишни тўхтатиб қўйиш ёки чеклаш тартиби
8. Фавқулодда ҳолатлар юзага келганда, телекоммуникациялар тармоқлари ва воситаларидан фойдаланишни тўхтатиб қўйиш ёки чеклаш тўғрисидаги қарор қуйидаги ҳолатларда қабул қилинади:
махсус истеъмолчиларнинг эҳтиёжларини қондириш учун бўш телекоммуникация воситалари мавжуд бўлмаганда;
телекоммуникациялар тармоқларида ўта юкланишнинг олдини олиш мақсадида трафикни чеклаш зарур бўлганда;
фавқулодда ҳолатлар минтақаларида ишга жалб қилинадиган радиоэлектрон воситалар ишида электромагнит мослашувни таъминлаш зарур бўлганда.
Олдинги таҳрирга қаранг.
9. Телекоммуникацияларнинг исталган тармоқлари ва воситаларидан фойдаланишни тўхтатиб қўйиш ёки чеклаш Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси (кейинги ўринларда — Давлат қўмитаси деб юритилади) томонидан тегишли махсус истеъмолчининг асосланган таклифларига биноан махсус истеъмолчилар билан ўзаро ҳамкорликда қабул қилинади. Ушбу таклифлар Давлат қўмитасига телекоммуникацияларнинг исталган тармоқлари ва воситаларидан фойдаланган ҳолда етказилади ҳамда зудлик билан кўриб чиқилади.
(9-банд Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси, Мудофаа вазирлиги, Миллий хавфсизлик хизмати, Фавқулодда вазиятлар вазирлиги, Ички ишлар вазирлигининг 2013 йил 26 июлдаги 42-мҳ, 10, 61, 7, 24-сонли қарори (рўйхат рақами 1743-1, 12.08.2013 й.) таҳририда — ЎР ҚҲТ, 2013 й., 33-сон, 445-модда)
Кейинги таҳрирга қаранг.
10. Таклифларда қуйидагилар кўрсатилади:
телекоммуникациялар тармоқлари ва воситаларининг фавқулодда ҳолатлар минтақаларида алоқа хизматларига эҳтиёжларини қондириш учун зарурлиги ва етарлилигининг асослантириш;
алоқа каналлари, телекоммуникациялар линиялари ва воситалари, жумладан охирги (терминал) ускуна, радиочастоталарнинг қўшимча диапазонлари (полосалари)га нисбатан эҳтиёж;
телекоммуникациялар тармоқлари ва воситаларидан фойдаланишни тўхтатиб қўйиш ва чеклаш ёки уларни тақдим этиш вақти ҳамда муддатлари.
11. Телекоммуникациялар тармоқлари ва воситаларининг фавқулодда ҳолатлар зонасида алоқа хизматларига эҳтиёжларини қондириш учун зарурлиги ва етарлилигини асослаган ҳолда, улардан фойдаланишни тўхтатиб қўйиш ва чеклаш тўғрисидаги таклифлар бир кун давомида ҳужжатларни узатишнинг исталган усулларидан, шу жумладан электрон рақамли имзодан фойдаланган ҳолда, ҳужжатлар билан махсус истеъмолчининг раҳбари томонидан тасдиқланган бўлиши керак.
Олдинги таҳрирга қаранг.
12. Фавқулодда ҳолатлар минтақасида телекоммуникациялар тармоқлари ва воситаларининг ҳолатини таҳлил қилиш асосида Давлат қўмитаси телекоммуникациялар тармоқлари ва воситаларидан фойдаланишни тўхтатиб қўйиш ёки чеклаш тўғрисидаги қарорни қабул қилади. Қабул қилинган қарор фармойиш билан расмийлаштирилади ва телекоммуникациялар операторлари ва идоравий тармоқлар эгаларига, шу жумладан фавқулодда ҳолатлар зонасида жойлашганларга етказилади.
Ушбу фармойиш Давлат қўмитаси раҳбари томонидан имзоланади ва телекоммуникацияларнинг исталган тармоқлари ва воситаларидан фойдаланган ҳолда, телекоммуникациялар операторлари ва идоравий тармоқлар эгаларига етказилади ҳамда зудлик билан бажарилади.
Давлат қўмитаси, алоқани ташкил қилиш зарур бўлганда, фавқулодда ҳолатлар вақтида ҳудудда барча алоқа ташкилотларининг ўзаро ҳамкорлигини таъминлаш, уларнинг телекоммуникациялар тармоқларини бошқариш ва тиклаш бўйича ваколатлари учун жавобгарларни белгилайди ҳамда буни кўрсатилган фармойишда белгилайди.
(12-банд Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси, Мудофаа вазирлиги, Миллий хавфсизлик хизмати, Фавқулодда вазиятлар вазирлиги, Ички ишлар вазирлигининг 2013 йил 26 июлдаги 42-мҳ, 10, 61, 7, 24-сонли қарори (рўйхат рақами 1743-1, 12.08.2013 й.) таҳририда — ЎР ҚҲТ, 2013 й., 33-сон, 445-модда)
Кейинги таҳрирга қаранг.
Олдинги таҳрирга қаранг.
13. Фавқулодда ҳолатлар вақтида телекоммуникациялар тармоқлари ва воситаларидан фойдаланишни тўхтатиб қўйиш ёки чеклаш тўғрисидаги фармойишда чеклашлар (тақиқлашлар)нинг амал қилиш муддатлари белгиланади. Зарур бўлганда телекоммуникацияларнинг исталган тармоқлари ва воситаларидан фойдаланишни тўхтатиб қўйиш ёки чеклаш муддатини фармойишда кўрсатилгандан ортиқ муддатга узайтиришни Давлат қўмитаси тегишли қарор билан қабул қилади ва уни ушбу Низомда белгиланган тартибда етказади.
(13-банд Ўзбекистон Республикаси Алоқа, ахборотлаштириш ва телекоммуникация технологиялари давлат қўмитаси, Мудофаа вазирлиги, Миллий хавфсизлик хизмати, Фавқулодда вазиятлар вазирлиги, Ички ишлар вазирлигининг 2013 йил 26 июлдаги 42-мҳ, 10, 61, 7, 24-сонли қарори (рўйхат рақами 1743-1, 12.08.2013 й.) таҳририда — ЎР ҚҲТ, 2013 й., 33-сон, 445-модда)
Кейинги таҳрирга қаранг.
III. Якуний қоидалар
14. Фавқулодда вазиятлар вақтида ушбу Низомнинг талаблари бажарилишини рад этиш, кечиктириш ёки бажарилишига қарши ҳаракат қилиш ҳолатларида юридик ва жисмоний шахслар қонун ҳужжатларига мувофиқ жавобгар бўладилар.
Кейинги таҳрирга қаранг.

(Ўзбекистон Республикаси қонун ҳужжатлари тўплами, 2007 й., 48-49-сон, 492-модда; 2013 й., 33-сон, 445-модда; 2015 й., 21-сон, 275-модда; Қонунчилик маълумотлари миллий базаси, 30.11.2021 й., 10/21/3338/1117-сон)