|
Ҳужжат кучини йўқотган " " 25.10.2022
|
Ҳужжат 19.02.2007 00 санаси ҳолатига
Амалдаги версияга ўтиш |
Ўзбекистон Республикаси Вазирлар Маҳкамасининг
қарори
Микромолиявий хизматлар бозорини янада ривожлантириш чора-тадбирлари тўғрисида
LexUZ шарҳиМазкур қарор Ўзбекистан Республикаси Вазирлар Маҳкамасининг 2022 йил 24 октябрдаги 615-сонли «Ўзбекистон Республикасининг «Нобанк кредит ташкилотлари ва микромолиялаштириш фаолияти тўғрисида»ги Қонуни қабул қилинганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Микромолиявий хизматлар бозорини янада ривожлантириш, микрокредит ташкилотларининг фаолиятини амалга ошириш ҳуқуқига лицензиялар бериш механизмини тартибга солиш мақсадида Вазирлар Маҳкамаси қарор қилади:
1. «Ўзбекистон Республикаси Марказий банки тўғрисида»ги Ўзбекистон Республикаси Қонунига мувофиқ республика ҳудудида микрокредит ташкилотлари фаолиятини лицензиялаш, тартибга солиш ва назорат қилиш Ўзбекистон Республикаси Марказий банки томонидан амалга оширилиши маълумот учун қабул қилинсин.
2. Белгилансинки:
2007 йил 1 апрелдан бошлаб республика ҳудудида Ўзбекистон Республикаси Марказий банкининг тегишли лицензиясисиз микрокредит ташкилотлари фаолияти амалга оширилишига йўл қўйилмайди;
микрокредит ташкилотлари фаолияти амалга оширилиши ҳуқуқига ариза кўриб чиқилганлиги учун лицензия талабгоридан Ўзбекистон Республикаси Марказий банки томонидан ариза берилган кунда қонун ҳужжатларида белгиланган бир энг кам ойлик иш ҳақи миқдорида йиғим ундирилади;
Кейинги таҳрирга қаранг.
микрокредит ташкилотлари фаолияти амалга оширилиши ҳуқуқига лицензия берилганлиги учун тўлов кунида қонун ҳужжатларида белгиланган энг кам ойлик иш ҳақининг икки баравари миқдорида давлат божи ундирилади.
Кейинги таҳрирга қаранг.
3. Ўзбекистон Республикаси Марказий банки:
республикада рўйхатдан ўтказилган ва микрокредит ташкилотлари фаолиятини амалга оширадиган юридик шахсларни хатловдан ўтказишни 2007 йил 1 апрелгача бўлган муддатда тугалласин ва уларга қонун ҳужжатларида белгиланган тартибда тегишли лицензия берсин;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси Савдо-саноат палатаси билан биргаликда бир ой муддатда минтақалар бўйича мақсадли йўналишларни назарда тутадиган 2007-2008 йилларда микрокредит ташкилотлари тармоғини барпо этиш ва кенгайтириш бўйича аниқ чора-тадбирлар комплексини ишлаб чиқсин ва тасдиқласин.
4. Ўзбекистон Республикаси Молия вазирлиги Давлат солиқ қўмитаси ва Марказий банк билан биргаликда бир ой муддатда идоравий норматив ҳужжатларга микрокредит ташкилотларига солиқ солиш хусусиятларини аниқлаштириш юзасидан тегишли ўзгартириш ва қўшимчалар киритсин.
5. Вазирлар Маҳкамасининг ««Фаолиятнинг айрим турларини лицензиялаш тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2002 йил 28 июндаги 236-сон қарорига (Ўзбекистон Республикаси ҚТ, 2002 й., 6-сон, 36-модда) 1-илованинг «Ўзбекистон Республикаси Марказий банки» бўлими қуйидаги мазмундаги хатбоши билан тўлдирилсин:
«Микрокредит ташкилотлари фаолияти».
Кейинги таҳрирга қаранг.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2007 йил 19 февраль,
37-сон
(Ўзбекистон Республикаси қонун ҳужжатлари тўплами, 2007 й., 7-8-сон, 68-модда; 2012 й., 44-сон, 507-модда; Қонун ҳужжатлари маълумотлари миллий базаси, 29.12.2019 й., 09/19/1046/4242-сон; 16.06.2020 й., 09/20/384/0770-сон; Қонунчилик маълумотлари миллий базаси, 26.02.2022 й., 09/22/88/0165-сон, 05.04.2022 й., 09/22/153/0266-сон)
