|
Ҳужжат 16.09.1991 00 санаси ҳолатига
Амалдаги версияга ўтиш |
Ўзбекистон Республикаси ПРезиденти ҳузуридаги
Вазирлар Маҳкамасининг
Вазирлар Маҳкамасининг
қарори
АВТОМОТОТРАНСПОРТ ВОСИТАЛАРИНИ ХАРИД
ҚИЛИШ-СОТИШ, АЛМАШТИРИШ ВА ҲАДЯ ЭТИШ БИТИМЛАРИНИ
РАСМИЙЛАШТИРИШ ТАРТИБИ ТЎҒРИСИДА
ҚИЛИШ-СОТИШ, АЛМАШТИРИШ ВА ҲАДЯ ЭТИШ БИТИМЛАРИНИ
РАСМИЙЛАШТИРИШ ТАРТИБИ ТЎҒРИСИДА
Автомототранспорт воситаларини харид қилиш-сотиш, алмаштириш ва ҳадя этиш битимларини расмийлаштиришни тартибга солиш мақсадида Вазирлар Маҳкамаси қарор қилади:
1. Ўзбекистон Республикаси давлат нотариал идораларига, мулкчиликнинг шаклидан қатъи назар, корхоналар, муассасалар ва ташкилотлар ўртасида, фуқаролар ўртасида, шунингдек, фуқаролар, корхоналар ва ташкилотлар ўртасида барча турдаги автомототранспорт воситаларини харид қилиш-сотиш, алмаштириш ва ҳадя этишни тасдиқлаш бўйича вазифалар юклатилсин.
Автомототранспорт воситаларини харид қилиш-сотиш, алмаштириш ва ҳадя этиш битимларини тасдиқлаганлик учун корхоналар, ташкилотлар, муассасалардан ва фуқаролардан иловага мувофиқ миқдорларда пошлина олинади.
Бунда автомототранспорт воситаларини харид қилиш-сотиш, алмаштириш ва ҳадя этиш битимларини тасдиқлашда фуқаролар ўз даромадлари манбалари тўғрисида декларация тақдим этмайдилар.
Кейинги таҳрирга қаранг.
2. Ўзбекистон Республикаси Ички ишлар вазирлиги Давлат автомобиль назорати органлари томонидан қайта рўйхатга олиш учун қуйидагича тўловлар белгилансин: автотранспорт учун — 100 сўм мототранспорт учун — 30 сўм, уларнинг 30 фоизи Давлат автомобиль назорати органлари ихтиёрида қолади.
Кейинги таҳрирга қаранг.
3. Автомототранспорт воситаларини харид қилиш-сотиш, алмаштириш ва ҳадя этиш битимларини тасдиқлаганлик учун давлат нотариал идоралари томонидан ундириладиган пошлина суммаси, шунингдек, Ўзбекистон Республикаси Ички ишлар вазирлиги Давлат автомобиль назорати органлари томонидан амалга ошириладиган автомототранспорт воситаларини қайта рўйхатга олиш учун тўловларнинг 70 фоизи маҳаллий бюджетлар даромадига ўтказилади.
Кейинги таҳрирга қаранг.
4. Корхоналар, ташкилотлар, муассасалар ва фуқаролар томонидан автомототранспорт ишлаб чиқарувчи корхоналардан тўғридан-тўғри шартномалар бўйича, шунингдек, чакана савдо тармоқлари ва кимошди савдосидан сотиб олинган автомототранспортни расмийлаштириш пошлина олинмасдан амалга оширилади.
Кейинги таҳрирга қаранг.
5. Ўзбекистон Республикаси Молия вазирлиги Адлия вазирлигига 62 тадан иборат қўшимча давлат нотариуслари ва уларни сақлаш учун тегишли бюджет маблағлари ажратсин.
6. Автомототранспорт воситаларининг қайта рўйхатдан ўтказилганлиги учун пошлина суммасининг ва тўловларнинг тўлиқ келиб тушишини назорат қилиш республика солиқ органлари томонидан амалга оширилади.
Ўзбекистон Республикаси Вице-Президенти Ш.Мирсаидов
Тошкент ш.,
1991 йил 16 сентябрь
233-сон
Автомототранспорт воситаларини харид қилиш-сотиш, алмаштириш ва ҳадя этиш битимларини расмийлаштиришда давлат нотариал идоралари томонидан ундириб олинадиган пошлина ставкалари
ЖАДВАЛИ
|
Транспорт тури ва |
Фойдаланиш даври | ||
|
3 йилгача |
3 йилдан ортиқ |
7 йилдан ортиқ | |
| Ҳар бир от кучи учун: | |||
| 1. Юк автотранспорти 100 от кучигача |
50 сўм |
40 сўм |
40 сўм |
| 100 от кучидан ошганда |
20 сўм |
10 сўм |
5 сўм |
| 2. Енгил автотранспорт 50 от кучигача |
40 сўм |
30 сўм |
20 сўм |
| 50 от кучидан ошганда |
20 сўм |
15 сўм |
10 сўм |
| 3. Мототранспорт харид қилиш-сотиш битимларини расмийлаштирганлик учун |
|
|
|
Эслатма:
алмаштириш шартномасини расмийлаштирганда пошлина фақат пошлинанинг катта суммаси ундириб олиниши керак бўлган бир машинадан ундириб олинади;
эр-хотинлар, ота-оналар билан болалар ўртасида шартнома расмийлаштирилганда пошлина белгиланган ставканинг 15 фоизи миқдорида ундириб олинади;
туғишган ака-укалар, опа-сингиллар ўртасида шартнома расмийлаштирилганда белгиланган ставканинг 25 фоизи миқдорида ундирилади;
йўл-транспорт ҳодисаси туфайли шикастланган автомототранспорт воситасини харид қилиш-сотиш, алмаштириш ва ҳадя этиш битимини расмийлаштиришда пошлина миқдорига транспорт воситасининг яроқлилиги қолдиқ фоизига мувофиқ тузатиш киритилади, қолдиқ фоизи битим иштирокчиларининг хоҳиши ва давлат нотариусининг топшириғи билан Ўзбекистон Республикаси Адлия вазирлиги суд-эксперт муассасалари мутахассислари, бундай муассасалар бўлмаган вилоятларда эса «Ўзавтотехобслуживание» корхоналари томонидан аниқланади.
Кейинги таҳрирга қаранг.
(Ўзбекистон Республикаси Ҳукумати қарорлари тўплами, 1991 й., 9-сон,30-модда; Ўзбекистон Республикаси қонун ҳужжатлари тўплами, 2003 й., 1-2-сон, 8-модда; 7-8-сон, 66-модда; 22-сон, 223-модда; 2006 й., 19-сон, 164-модда; 2016 й., 17-сон, 176-модда; Қонун ҳужжатлари маълумотлари миллий базаси, 26.10.2017 й., 09/17/873/0180-сон)
