Hujjat kuchini yo‘qotgan " " 11.03.2009
Oʻzbekiston Respublikasi Vazirlar Mahkamasining
qarori
QIShLOQ XOʻJALIGI TOVAR IShLAB ChIQARUVChILARI UChUN YAGONA YER SOLIGʻINING MUVAQQAT BAZAVIY STAVKALARINI TASDIQLASh TOʻGʻRISIDA
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2009-yil 11-martdagi 63-sonli “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida” 2009-yil 27-fevraldagi PQ-1062-son qarori)”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Qishloq xoʻjaligi tovar ishlab chiqaruvchilari uchun yagona yer soligʻini joriy etish toʻgʻrisida” 1998-yil 10-oktabrdagi PF-2086-son Farmonini bajarish yuzasidan Vazirlar Mahkamasi qaror qiladi:
Oldingi tahrirga qarang.
(1-band Oʻzbekiston Respublikasi Prezidentining 2007-yil 12-dekabrdagi PQ-744-sonli qarori bilan oʻz kuchini yoʻqotgan — OʻR QHT, 2007-y., 52-son, 534-modda)
2. Belgilansinki, yagona yer soligʻi:
Oldingi tahrirga qarang.
oʻrmonchilik, baliq ovlash, ovchilik xoʻjaliklariga;
(2-bandning ikkinchi xatboshi Oʻzbekiston Respublikasi Vazirlar Mahkamasining 2001-yil 6-iyuldagi 289-sonli qarori tahririda — OʻR QHT, 2001-y., 13-son, 86-modda)
Oldingi tahrirga qarang.
(2-bandning uchinchi xatboshi Oʻzbekiston Respublikasi Vazirlar Mahkamasining 2004-yil 28-dekabrdagi 610-sonli qarori bilan chiqarilgan—OʻR QHT, 2004-y., 52-son, 523-modda)
ular uchun soliq solishning amaldagi tartibi saqlanib qoladigan mustaqil yuridik shaxslar hisoblanmagan yordamchi qishloq xoʻjaliklariga;
“Dehqon xoʻjaligi toʻgʻrisida”gi Oʻzbekiston Respublikasi Qonuni bilan nazarda tutilgan soliq solish shartlari saqlanib qoladigan dehqon xoʻjaliklariga tatbiq etilmaydi.
3. Yagona yer soligʻi toʻlovchilar quyidagi tartibda budjetga bir yilda uch marta soliq toʻlaydi:
hisobot yilining 1-iyuligacha — yillik soliq summasining kamida 20 foizini;
hisobot yilining 1-sentabrigacha — yillik soliq summasining kamida 30 foizini;
hisobot yilining 1-dekabrigacha — soliqning qolgan summasini toʻlaydi.
(3-band Oʻzbekiston Respublikasi Vazirlar Mahkamasining 2002-yil 30-dekabrdagi 455-sonli qarori tahririda — OʻR QHT, 2002-y., 24-son, 200-modda)
Oldingi tahrirga qarang.
4. Agar qishloq xoʻjaligi tovar ishlab chiqaruvchilari — yagona yer soligʻi toʻlovchilar qishloq xoʻjaligi mahsulotlari yetishtirish va oʻzi ishlab chiqargan qishloq xoʻjaligi mahsulotlarini qayta ishlash bilan birga faoliyatning boshqa turlari bilan shugʻullansalar ular alohida hisob-kitob yuritishlari va faoliyatning boshqa turlari boʻyicha soliq toʻlovchilarning mazkur toifasi uchun amaldagi qonun hujjatlarida nazarda tutilgan soliqlarni toʻlashlari shart.
Yer qishloq xoʻjaligi tovar ishlab chiqaruvchilari tomonidan ijaraga berilgan taqdirda ijaraga beruvchida ijaraga berilgan yer boʻyicha yagona yer soligʻi toʻlash majburiyati saqlanib qoladi.
(4-band Oʻzbekiston Respublikasi Vazirlar Mahkamasining 2004-yil 28-dekabrdagi 610-sonli qarori tahririda— OʻR QHT, 2004-y., 52-son, 523-modda)
5. Oʻzbekiston Respublikasi Moliya vazirligi va Davlat soliq qoʻmitasi bir hafta muddatda Yagona yer soligʻini hisoblab chiqish va toʻlash tartibi toʻgʻrisidagi yoʻriqnomani ishlab chiqsinlar va belgilangan tartibda tasdiqlasinlar.
6. Oʻzbekiston Respublikasi Yer resurslari davlat qoʻmitasi sugʻoriladigan yerlarda tuproq kartalariga tuzatish kiritish, tuproq bonitirovkasini aniqlash va yerni qiymat jihatidan baholash boʻyicha dala ishlarini 1999-yilda yakunlasin.
Oʻzbekiston Respublikasi Moliya vazirligi tuproq kartalariga tuzatish kiritish, tuproq bonitirovkasini aniqlash va sugʻoriladigan yerlarni qiymat jihatidan baholash boʻyicha ishlarni Oʻzbekiston Respublikasi Yer resurslari davlat qoʻmitasining hisob-kitoblariga muvofiq mablagʻ bilan taʼminlasin.
7. Mazkur qarorning bajarilishini nazorat qilish Bosh vazirning oʻrinbosari B.S. Hamidov zimmasiga yuklansin.
(4—6-bandlar Oʻzbekiston Respublikasi Vazirlar Mahkamasining 2002-yil 30-dekabrdagi 455-sonli qaroriga muvofiq tegishli ravishda 5—7-bandlarga oʻzgartirilgan — OʻR QHT, 2002-y., 24-son, 200-modda)
Vazirlar Mahkamasining Raisi I. KARIMOV
Toshkent sh.,
1998-yil 26-dekabr,
539-son
Oldingi tahrirga qarang.
(1-ilova Oʻzbekiston Respublikasi Prezidentining 2007-yil 12-dekabrdagi PQ-744-sonli qarori bilan oʻz kuchini yoʻqotgan — OʻR QHT, 2007-y., 52-son, 534-modda)
Oldingi tahrirga qarang.
(2-ilova Oʻzbekiston Respublikasi Prezidentining 2007-yil 12-dekabrdagi PQ-744-sonli qarori bilan oʻz kuchini yoʻqotgan — OʻR QHT, 2007-y., 52-son, 534-modda)
Oldingi tahrirga qarang.
(3-ilova Oʻzbekiston Respublikasi Prezidentining 2007-yil 12-dekabrdagi PQ-744-sonli qarori bilan oʻz kuchini yoʻqotgan — OʻR QHT, 2007-y., 52-son, 534-modda)