Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasi Prezidenti saylovi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 34-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 9, 206-modda):

1) 14-moddasining ikkinchi qismi:

birinchi xatboshisidan “Oʻzbekiston Respublikasi Prezidenti saylovini oʻtkazishni tashkil etar ekan” degan soʻzlar chiqarib tashlansin;

quyidagi mazmundagi 10-1-band bilan toʻldirilsin:

“10-1) saylangan shaxsga Oʻzbekiston Respublikasi Prezidenti etib saylanganligi toʻgʻrisida qonun hujjatlari bilan belgilanadigan namunadagi guvohnoma topshiradi”;

2) 30-moddasining birinchi qismidan “mahalliy vaqt bilan” degan soʻzlar chiqarib tashlansin.

II. Oʻzbekiston Respublikasining 1991-yil 19-noyabrda qabul qilingan “Ijara toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 1, 45-modda; 1993-yil, № 9, 329-modda) 12-moddasi ikkinchi qismining ikkinchi jumlasi quyidagi tahrirda bayon etilsin:

“Bunda, basharti davlat mol-mulki ijaraga berilgan boʻlsa, ijara haqi qonun hujjatlarida belgilangan tartibda taqsimlanishi lozim”.

III. Oʻzbekiston Respublikasining 1992-yil 13-yanvarda qabul qilingan “Aloqa toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-yil, № 3, 159-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda):

1) 2-moddasining birinchi qismi quyidagi tahrirda bayon etilsin:

“Aloqa sohasidagi munosabatlarning obyektlari pochta joʻnatmalarini qabul qilib olish, tashish va koʻrsatilgan joyiga yetkazib berish vositalarining yigʻindisi boʻlgan pochta aloqasi tarmoqlaridan hamda bir yoki bir nechta uzatish turlarini: telefon, telegraf, faksimil uzatishlarni, hujjatli xabarlarning boshqa turlari maʼlumotlarini uzatishni, televideniye va radioeshittirish dasturlarini translyatsiya qilishni taʼminlovchi telekommunikatsiyalar vositalari yigʻindisi boʻlgan telekommunikatsiyalar tarmoqlaridan iborat”;

2) 4-moddasidagi tegishli kelishikdagi “Oliy Kengashi” degan soʻzlar shunday kelishikdagi “Oliy Majlisi” degan soʻzlar bilan almashtirilsin;

3) 5-moddasining birinchi qismidan “Prezidenti huzuridagi” degan soʻzlar chiqarib tashlansin;

4) 6-moddasidagi “yakka tartibdagi, jamoa, davlat va aralash” degan soʻzlar “xususiy va ommaviy” degan soʻzlar bilan almashtirilsin;

5) 7-moddasi chiqarib tashlansin;

6) 8-moddasining:

uchinchi qismidagi “Muayyan egalikdagi yer hududlari”, “aloqa kommunikatsiyalari” va “bunday kommunikatsiyalarni” degan soʻzlar tegishincha “Yer uchastkalari”, “telekommunikatsiyalar liniyalari” va “bunday liniyalarni” degan soʻzlar bilan almashtirilsin;

toʻrtinchi qismidagi “aloqa kommunikatsiyalarining” degan soʻzlar “pochta va telekommunikatsiyalar tarmoqlarining” degan soʻzlar bilan almashtirilsin;

beshinchi qismidagi “aloqa kommunikatsiyalari” degan soʻzlar “telekommunikatsiyalar tarmoqlari va inshootlari” degan soʻzlar bilan almashtirilsin;

7) 9-moddasi chiqarib tashlansin;

8)11-moddasining matni quyidagi tahrirda bayon etilsin:

“Pochta va telekommunikatsiyalar koʻrsatadigan universal xizmatlarning tariflari qonun hujjatlarida belgilangan tartibda pochta va telekommunikatsiyalar sohasidagi maxsus vakolatli organ tomonidan tartibga solinadi.

Pochta va telekommunikatsiyalar koʻrsatadigan xizmatlarning qolgan turlari tariflari qonun hujjatlariga muvofiq shartnoma asosida belgilanadi”;

9) 14-moddasining birinchi qismi quyidagi tahrirda bayon etilsin:

“Aloqa korxonalari koʻrsatilayotgan xizmatlar sifati uchun Oʻzbekiston Respublikasining qonun hujjatlari, xalqaro konvensiyalar va shartnomalarga muvofiq javobgar boʻladilar”.

IV. Oʻzbekiston Respublikasining 1992-yil 13-yanvarda qabul qilingan “Aholini ish bilan taʼminlash toʻgʻrisida”gi Qonunining 1998-yil 1-mayda qabul qilingan Oʻzbekiston Respublikasi Qonuni bilan tasdiqlangan tahriri (Oʻzbekiston Respublikasi Oliy Majlisining Axborotnomasi, 1998-yil, № 5-6, 97-modda; 1999-yil, № 1, 20-modda, № 5, 124-modda, № 9, 229-modda) 18-moddasi birinchi qismining oltinchi xatboshisi quyidagi tahrirda bayon etilsin:

“boʻsh ish joylari (vakant lavozimlar) bor-yoʻqligi toʻgʻrisidagi maʼlumotlarni, oldindan (kamida ikki oy oldin) Mahalliy mehnat organiga moʻljallanayotgan ishdan ozod qilishlar toʻgʻrisidagi axborotlarni boʻshab qoladigan har bir xodimni koʻrsatgan holda taqdim etish. Boʻsh ish joylari bor-yoʻqligi toʻgʻrisidagi maʼlumotlarni hamda xodimlarning ishdan ozod qilinishi toʻgʻrisidagi axborotlarni taqdim etish tartibi va muddatlari qonun hujjatlari bilan belgilanadi”.

V. Oʻzbekiston Respublikasining 1992-yil 9-dekabrda qabul qilingan “Tabiatni muhofaza qilish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 38-modda; Oʻzbekiston Respublikasi Oliy Majlisining Axborotnomasi, 1995-yil, № 6, 118-modda; 1997-yil, № 4—5, 126-modda; 1999-yil, № 1, 20-modda) 34-moddasining:

1) uchinchi qismi quyidagi tahrirda bayon etilsin:

“Atrof tabiiy muhitga ifloslantiruvchi moddalar chiqarganlik va oqizganlik uchun hamda chiqindilarni joylashtirganlik uchun toʻlov miqdorlari Oʻzbekiston Respublikasi Vazirlar Mahkamasi tomonidan tasdiqlanadi”;

2) sakkizinchi qismi quyidagi tahrirda bayon etilsin:

“Atrof tabiiy muhitga ifloslantiruvchi moddalar chiqarganlik va oqizganlik uchun hamda ishlab chiqarish va isteʼmol chiqindilarini joylashtirganlik uchun toʻlov tushumi, shuningdek bu mablagʻlardan foydalanish tartibi qonun hujjatlari bilan belgilanadi”.

VI. 1993-yil 7-mayda qabul qilingan Oʻzbekiston Respublikasining Havo kodeksi (Oʻzbekiston Respublikasi Oliy Kengashining Axborotnomasi, 1993-yil, № 6, 247-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda):

1) 2-moddasining birinchi qismi quyidagi tahrirda bayon etilsin:

“Oʻzbekiston Respublikasining samoviy hududidan foydalanishga hamda undan foydalanuvchilarning barchasi faoliyatiga, shu jumladan aviatsiya faoliyatiga taalluqli munosabatlar respublika hududida ushbu Kodeks, respublikaning boshqa qonunlari bilan, Oʻzbekiston Respublikasi Vazirlar Mahkamasi tomonidan tasdiqlanadigan Oʻzbekiston Respublikasi samoviy hududidan foydalanish toʻgʻrisidagi Nizom bilan, shuningdek tegishincha Aviatsiya maʼmuriyati hamda Mudofaa vazirligi tomonidan tasdiqlanadigan Oʻzbekiston Respublikasi Samoviy hududida fuqaro aviatsiyasi va eksperimental aviatsiyaning parvoz qilish qoidalari hamda Oʻzbekiston Respublikasi Samoviy hududida davlat aviatsiyasining parvoz qilish qoidalari bilan tartibga solinadi”;

2) 3-moddasining matnidan “57” raqami chiqarib tashlansin;

3) 29-moddasining matni quyidagi tahrirda bayon etilsin:

“Oʻzbekiston Respublikasining, shuningdek Oʻzbekiston Respublikasining xalqaro shartnomalariga asosan oʻzga davlatning muayyan aerodromga mulk huquqi asosida (aerodrom egasi), ijara shartnomasiga binoan yoki Oʻzbekiston Respublikasi qonun hujjatlarida nazarda tutilgan boshqa asoslarga kura tegishli boʻlgan hamda aerodromning muvofiqlik sertifikatiga ega boʻlgan yuridik shaxsi yoki fuqarosi shu aerodromning ekspluatanti deb eʼtirof etiladi”;

4) 30-moddasi:

ikkinchi qismining birinchi xatboshisi quyidagi tahrirda bayon etilsin:

“Aerodromlarning, shuningdek ulardagi asbob-uskunalarning foydalanishga yaroqliligi normalari va ularni sertifikatlashtirish tartibi:”;

uchinchi qismidagi “uning foydalanishga yaroqliligi haqida sertifikat” degan soʻzlar “aerodromning muvofiqlik sertifikati” degan soʻzlar bilan almashtirilsin;

5) 62-moddasining ikkinchi qismidagi, 64-moddasining uchinchi qismidagi, 65-moddasidagi, 66-moddasining uchinchi qismidagi, 71-moddasining uchinchi qismi va 73-moddasidagi tegishli kelishikdagi “Oʻzbekiston Respublikasi samoviy hududida parvoz qilish Qoidalari” degan soʻzlar shunday kelishikdagi “Oʻzbekiston Respublikasi Samoviy hududida fuqaro aviatsiyasi va eksperimental aviatsiyaning parvoz qilish qoidalari yoki Oʻzbekiston Respublikasi Samoviy hududida davlat aviatsiyasining parvoz qilish qoidalari” degan soʻzlar bilan almashtirilsin;

6) 77-moddasi quyidagi tahrirda bayon etilsin:

Havo transportida xalqaro koʻlamda tashishga moʻljallangan, bojxona, chegara va sanitariya-karantin nazorati taʼminlanadigan aeroportlar, aerodromlar havo kemalarining xalqaro parvozlari uchun moʻljallangan aeroportlar, aerodromlar deb eʼtirof etiladi.

Havo kemalarining xalqaro parvozlari uchun moʻljallangan aeroportlarni, aerodromlarni ochish haqidagi qaror Oʻzbekiston Respublikasi Vazirlar Mahkamasi tomonidan qabul qilinadi.

Xalqaro havo yoʻllarini ochish haqidagi qaror Aviatsiya maʼmuriyati tomonidan Oʻzbekiston Respublikasi Mudofaa vazirligi va Milliy xavfsizlik xizmati bilan kelishilgan holda qabul qilinadi.

Havo kemalarining xalqaro parvozlari uchun moʻljallangan aeroportlar, aerodromlar va havo yoʻllarini ochish tartibi Oʻzbekiston Respublikasi samoviy hududidan foydalanish toʻgʻrisidagi Nizom bilan belgilanadi”;

7) 92-moddasining birinchi qismi “shahar aerovokzalida yoxud” degan soʻzlardan keyin “aerodromda” degan soʻz bilan toʻldirilsin.

VII. “Oʻzbekiston Respublikasining Havo kodeksini amalga kiritish tartibi toʻgʻrisida”gi Oʻzbekiston Respublikasi Oliy Kengashining 1993-yil 7-mayda qabul qilingan Qarori (Oʻzbekiston Respublikasi Oliy Kengashining Axborotnomasi, 1993-yil, № 6, 248-modda) 2-bandining uchinchi xatboshisi quyidagi tahrirda bayon etilsin:

“Oʻzbekiston Respublikasi havo kodeksida bayon etilgan Aviatsiya maʼmuriyatining vazifalarini Oʻzbekiston Respublikasi Parvozlar xavfsizligi nazorati davlat inspeksiyasi zimmasiga yuklasin”.

IX. Oʻzbekiston Respublikasining 1993-yil 28-dekabrda qabul qilingan “Oʻzbekiston Respublikasi Oliy Majlisiga saylov toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 1, 6-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 9, 206-modda):

1) 11-moddasining 13-bandi quyidagi tahrirda bayon etilsin:

“13) deputatlarga Oliy Majlis deputatining guvohnomasi va koʻkrak nishonini beradi”;

2) 17-moddasining sakkizinchi qismi quyidagi tahrirda bayon etilsin:

“Okrug va uchastka saylov komissiyalari tegishli saylov okruglaridan saylangan deputatlar Markaziy saylov komissiyasi tomonidan roʻyxatga olinganidan keyin oʻz faoliyatlarini toʻxtatadilar”;

3) 22-1-moddasining:

uchinchi qismi quyidagi tahrirda bayon etilsin:

“Okrug saylov komissiyasi oʻziga taqdim etilgan hujjatlarning ushbu Qonun talablariga muvofiqligini aniqlab, hujjatlar qabul qilingan kundan eʼtiboran besh kun ichida, takroriy saylov yoki boʻshab qolgan oʻrinlarga Oliy Majlis deputatlari saylovi oʻtkazilayotgan taqdirda esa ikki kun ichida saylovchilar tashabbuskor guruhini roʻyxatga olish toʻgʻrisida yoki roʻyxatga olishni rad etish haqida qaror qabul qiladi”;

oʻn ikkinchi qismining ikkinchi jumlasi quyidagi tahrirda bayon etilsin:

“Okrug saylov komissiyasi imzo varaqalari toʻgʻri toʻldirilganligini tekshirib koʻradi va besh kunlik muddat ichida, takroriy saylov yoki boʻshab qolgan oʻrinlarga Oliy Majlis deputatlari saylovi oʻtkazilayotgan taqdirda esa ikki kunlik muddat ichida tegishli bayonni Markaziy saylov komissiyasiga topshiradi”;

4) 42-moddasi birinchi qismining oltinchi xatboshisi chiqarib tashlansin;

5) 47-moddasining matnidan “alifbo tartibida” degan soʻzlar chiqarib tashlansin;

6) 48-moddasi quyidagi tahrirda bayon etilsin:

Oliy Majlis deputatiga Oliy Majlis deputatining guvohnomasi va koʻkrak nishoni Markaziy saylov komissiyasi tomonidan beriladi. Oliy Majlis deputatining guvohnomasi va koʻkrak nishoni namunasi qonun hujjatlari bilan belgilanadi”.

X. Oʻzbekiston Respublikasining 1993-yil 28-dekabrda qabul qilingan “Standartlashtirish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 2, 46-modda):

1) 2-moddasining uchinchi qismidan “roʻyxatga oladilar” degan soʻzlar chiqarib tashlansin;

2) 3-moddasining uchinchi qismidagi “axborot jamgʻarmalarini” degan soʻzlar “tarmoq axborot jamgʻarmalarini” degan soʻzlar bilan almashtirilsin;

3) 6-moddasi:

birinchi qismining uchinchi xatboshisidagi “standartlari” degan soʻz “davlat standartlari” degan soʻzlar bilan almashtirilsin;

birinchi qismi quyidagi mazmundagi xatboshi bilan toʻldirilsin:

“maʼmuriy-hududiy standartlar”;

modda quyidagi mazmundagi ikkinchi qism bilan toʻldirilsin:

“Davlat yagona va uzluksiz taʼlim tizimida Oʻzbekiston Respublikasi Vazirlar Mahkamasi tomonidan tasdiqlanadigan davlat taʼlim standartlari ishlab chiqiladi”;

ikkinchi, uchinchi, toʻrtinchi, beshinchi, oltinchi, yettinchi, sakkizinchi, toʻqqizinchi va oʻninchi qismlari tegishincha uchinchi, toʻrtinchi, beshinchi, oltinchi, yettinchi, sakkizinchi, toʻqqizinchi, oʻninchi va oʻn birinchi qismlar deb hisoblansin;

beshinchi qismi quyidagi mazmundagi jumla bilan toʻldirilsin:

“Ular xalqaro savdo-sotiq uchun ortiqcha toʻsqinliklarni vujudga keltirmasligi lozim”;

sakkizinchi qismi quyidagi tahrirda bayon etilsin:

“Isteʼmolchilarga realizatsiya qilinadigan mahsulotga doir standartlar va ularga kiritilgan oʻzgartishlar “Oʻzdavstandart” organlarida haq olmasdan davlat roʻyxatidan oʻtkazilishi lozim. “Oʻzdavstandart” organlarida roʻyxatdan oʻtgan standartlashtirishga doir normativ hujjatlar davlat axborot jamgʻarmasini tashkil etadi”;

4) 9-moddasi uchinchi qismining toʻrtinchi xatboshisi quyidagi tahrirda bayon etilsin:

“tekshirilgan mahsulot standartlarning majburiy talablariga nomuvofiq boʻlgan hollarda uni ishlab chiqarishni taqiqlash yoki uni realizatsiya qilishni (yetkazib berishni, sotishni), undan foydalanishni (uni ishlatishni) toʻxtatib qoʻyish toʻgʻrisida koʻrsatmalar berish”;

XI. Oʻzbekiston Respublikasining 1993-yil 28-dekabrda qabul qilingan “Metrologiya toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 2, 48-modda):

1) 1-moddasi quyidagi mazmundagi xatboshilar bilan toʻldirilsin:

“oʻlchov vositalarini metrologik attestatsiya qilish” — yagona namunalarda ishlab chiqariladigan (yoki Oʻzbekiston hududiga yagona namunalarda olib kiriladigan) oʻlchov vositalarining xossalarini sinchiklab tadqiq etish asosida ular qoʻllanish uchun haqqoniy ekanligining metrologiya xizmati tomonidan eʼtirof etilishi;

“metrologiya xizmatlari, markazlari, laboratoriyalarini akkreditatsiya qilish” — oʻlchovlarning yagona birligini taʼminlash ishlarini akkreditatsiya qilishni belgilangan sohada oʻtkazishga metrologiya xizmatlari, markazlari, laboratoriyalarining vakolatli ekanligining rasmiy eʼtirof etilishi;

“oʻlchov vositalarini kalibrlash huquqiga ega boʻlishi uchun yuridik shaxslar metrologiya xizmatini akkreditatsiya qilish” — yuridik shaxslar metrologiya xizmatining belgilangan sohada oʻlchov vositalarini kalibrlashdan oʻtkazishga vakolatli ekanligining rasmiy eʼtirof etilishi;

“oʻlchovlarning bajarilish uslubiyotlarini metrologik attestatsiya qilish” — oʻlchovdagi xatolik xususiyatlarini tadqiq qilish va baholash;

“davlat metrologiya tekshiruvi” — oʻlchov vositalarining turini tasdiqlash va tekshiruvdan oʻtkazish, ularning tayyorlanishi, taʼmirlanishi, sotilishi va ijaraga berilishini litsenziyalash boʻyicha davlat metrologiya xizmati tomonidan amalga oshiriladigan faoliyat”;

2) 8-moddasining:

birinchi qismi quyidagi mazmundagi jumla bilan toʻldirilsin:

“Oʻlchovlar belgilangan tartibda attestatsiya qilingan oʻlchovlarning bajarilish uslubiyotlariga muvofiq holda amalga oshirilishi lozim”;

ikkinchi qismidagi “attestatsiya” degan soʻz “metrologik attestatsiya” degan soʻzlar bilan almashtirilsin;

3) 14-moddasi birinchi qismining toʻrtinchi xatboshisi quyidagi tahrirda bayon etilsin:

“savdo-tijorat, bojxona, pochta va soliq operatsiyalarini oʻtkazish, telekommunikatsiya xizmatlarini koʻrsatish”;

4) 15-moddasining matni quyidagi tahrirda bayon etilsin:

“Davlat metrologiya tekshiruvi quyidagi tarzda amalga oshiriladi:

oʻlchov vositalarining turlarini sinash va tasdiqlash;

oʻlchov vositalarini metrologik attestatsiya qilish;

oʻlchov vositalarini, shu jumladan etalonlarni tekshiruvdan oʻtkazish, kalibrlash;

oʻlchov vositalarini hamda oʻlchovlarning bajarilish uslubiyotlarini sinash, tekshiruvdan oʻtkazish, metrologik attestatsiya qilish, oʻlchov vositalarini va metrologiya faoliyatning boshqa muayyan turlarini kalibrlash huquqiga ega boʻlishi uchun metrologiya xizmatlari, markazlari, laboratoriyalarini akkreditatsiya qilish;

yuridik va jismoniy shaxslarning oʻlchov vositalarini tayyorlash, taʼmirlash, realizatsiya qilish, ijaraga berishga doir faoliyatini litsenziyalashda mazkur shaxslarning belgilangan metrologiya qoidalari va normalariga rioya etishlarini guvohlantirish (attestatsiya qilish).

Davlat metrologiya nazorati oʻlchov vositalarini, shu jumladan oʻlcham birliklarining etalonlarini chiqarish, ularning holati va qoʻllanilishi, belgilangan metrologiya qoidalari va normalariga rioya etilishi ustidan, shuningdek akkreditatsiya qilingan metrologiya xizmatlari, markazlari va laboratoriyalari faoliyati ustidan amalga oshiriladi.

Zarur hollarda “Oʻzdavstandart” qaroriga binoan metrologiya tekshiruvi va nazoratning boshqa turlari va shakllari ham belgilanishi mumkin”;

5) quyidagi mazmundagi 17-1-modda bilan toʻldirilsin:

Ushbu Qonunning 14-moddasida koʻrsatib oʻtilganidan boʻlak sohalarda qoʻllaniladigan va majburiy tekshiruvdan oʻtkazilmaydigan oʻlchov vositalari ularni ishlab chiqarish, realizatsiya qilish, ishlatish, ijaraga berish, taʼmirlashda va Oʻzbekiston Respublikasi hududiga olib kirishda kalibrlashdan oʻtkazilishi mumkin.

Oʻlchov vositalarini kalibrlash huquqi yuridik shaxslarning akkreditatsiya qilingan metrologiya xizmatlariga berilishi mumkin.

Yuridik shaxslarning metrologiya xizmatlarini oʻlchov vositalarini kalibrlash huquqiga ega boʻlishi uchun akkreditatsiya qilish tartibi va kalibrlashni oʻtkazish tartibi “Oʻzdavstandart” tomonidan belgilanadi”.

XII. Oʻzbekiston Respublikasining 1994-yil 5-mayda qabul qilingan “Doʻstlik” ordenini taʼsis etish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 117-modda) bilan tasdiqlangan “Doʻstlik” ordenining tavsifi quyidagi tahrirda bayon etilsin:

“Doʻstlik” ordeni 1 mikron qalinlikda tilla qoplangan tompakdan tayyorlanadi va u bir-biriga joylashtirilgan turli kattalikdagi, markazi bitta boʻlgan ikkita sakkiz qirrali yulduz shaklida boʻladi. Katta va kichik yulduzlar oraligi moviy emal bilan toʻldirilgan. Yulduzning burchaklari orasida taraluvchi zarhal, uchlari yumaloqlangan nur tutamlari joylashgan. Katta yulduzning qarama-qarshi qirralari oraligi 47 millimetr, kichik yulduzning qarama-qarshi qirralari oraligi esa 41 millimetr.

Ordenning markazida, diametri 12 millimetrli doira ichida oq kumushrang fonda koʻlni koʻlga berib koʻrishish ramziy tasvirlangan boʻlib, qoʻllar tasvirining ayrim yerlari zarhallangan. Tasvir atrofida, moviy emal berilgan fonda oʻn ikki insoniy fazilat ramzi sifatida oʻn ikkita kumushrang yulduz joylashgan. Sathida yulduzlar joylashgan doira diametri 24 millimetr. Butun tasvir atrofida aylana joylashgan boʻlib, uning yuqori qismiga qizil emal bilan naqsh etilgan “DOʼSTLIK” degan yozuv, pastki qismiga esa zarhal dafna barglari jo boʻlgan. Aylana diametri 33 millimetr.

Orqa tomonining pastki qismida ordenning tartib raqami 1 millimetr kattalikdagi botiq shrift bilan yozigʻliq.

Orden moviy, yashil, sariq, qizil rangli, bir-biridan oq yoʻl bilan ajratilgan, eni bir xil rangdor yoʻlli shoyi lenta sirilgan qadagʻichga halqa va ilmoqcha yordamida ulanadi”.

XIII. Oʻzbekiston Respublikasining 1994-yil 5-mayda qabul qilingan “Xalq deputatlari viloyat, tuman va shahar Kengashlariga saylov toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 125-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 1, 20-modda, № 9, 206-modda):

1) 10-moddasining birinchi qismi “hamda oʻz vakolatlarini tegishli xalq deputatlari Kengashiga yangi saylov tayinlangunga qadar amalga oshiradi” degan soʻzlar bilan toʻldirilsin;

2) 11-moddasining 12-bandi quyidagi tahrirda bayon etilsin:

“12) deputatlarga tegishli xalq deputatlari Kengashi deputati guvohnomasini va koʻkrak nishonini beradi”;

3) 17-moddasining:

yettinchi qismi quyidagi tahrirda bayon etilsin:

“Okrug va uchastka saylov komissiyalari tegishli saylov okruglaridan saylangan deputatlar viloyat, tuman, shahar saylov komissiyasi tomonidan roʻyxatga olinganidan keyin oʻz faoliyatlarini toʻxtatadilar”;

sakkizinchi qismi chiqarib tashlansin;

4) 22-1-moddasining:

uchinchi qismi quyidagi tahrirda bayon etilsin:

“Tegishli viloyat, tuman, shahar saylov komissiyasi oʻziga taqdim etilgan hujjatlarning ushbu Qonun talablariga muvofiqligini aniqlab, hujjatlar qabul qilingan kundan eʼtiboran besh kun ichida, takroriy saylov yoki boʻshab qolgan oʻrinlarga deputatlar saylovi oʻtkazilayotgan taqdirda esa ikki kun ichida saylovchilar tashabbuskor guruhini roʻyxatga olish toʻgʻrisida yoki roʻyxatga olishni rad etish haqida qaror qabul qiladi”;

oʻn ikkinchi qismining ikkinchi jumlasi quyidagi tahrirda bayon etilsin:

“Okrug saylov komissiyasi imzo varaqalari toʻgʻri toʻldirilganligini tekshirib koʻradi va besh kunlik muddat ichida, takroriy saylov yoki boʻshab qolgan oʻrinlarga deputatlar saylovi oʻtkazilayotgan taqdirda esa ikki kunlik muddat ichida bayonni tegishli viloyat, tuman, shahar saylov komissiyasiga topshiradi”;

5) 41-moddasi birinchi qismining oltinchi xatboshisi chiqarib tashlansin;

6) 44-moddasi birinchi qismining uchinchi, toʻrtinchi va beshinchi jumlalari quyidagi mazmundagi jumla bilan almashtirilsin:

“Bunda okrug saylov komissiyasi saylovga yigirma besh kun qolganida, uchastka saylov komissiyalari esa — oʻn besh kun qolganida tuziladi”;

7) 47-moddasi quyidagi tahrirda bayon etilsin:

Deputatga xalq deputatlari viloyat, tuman, shahar Kengashi deputatining guvohnomasi va koʻkrak nishoni tegishli viloyat, tuman, shahar saylov komissiyasi tomonidan beriladi. Xalq deputatlari viloyat, tuman, shahar Kengashi deputatining guvohnomasi va koʻkrak nishoni namunasi qonun hujjatlari bilan belgilanadi”.

XIV. Oʻzbekiston Respublikasining 1994-yil 5-mayda qabul qilingan “Bankrotlik toʻgʻrisida”gi Qonunining 1998-yil 28-avgustda qabul qilingan Oʻzbekiston Respublikasi Qonuni bilan tasdiqlangan tahriri (Oʻzbekiston Respublikasi Oliy Majlisining Axborotnomasi, 1998-yil, № 9, 167 va 168-moddalar; 1999-yil, № 9, 229-modda) 16-moddasi ikkinchi qismining toʻrtinchi xatboshisi “Xoʻjalik yurituvchi subyektlarning” degan soʻzlardan keyin “(kichik va oʻrta korxonalar, mikrofirmalar bundan mustasno)” degan soʻzlar bilan toʻldirilsin.

XV. Oʻzbekiston Respublikasining 1994-yil 22-sentabrda qabul qilingan “Oʻzbekiston Respublikasining Oliy Majlisi toʻgʻrisida”gi Konstitutsiyaviy Qonuni (Oʻzbekiston Respublikasi Oliy Kengashining Axborotnomasi, 1994-yil, № 10, 250-modda):

1) 2-moddasi matnidagi “respublikaning boshqa qonunlari” degan soʻzlar “boshqa qonun hujjatlari” degan soʻzlar bilan almashtirilsin;

2) 4-moddasi quyidagi mazmundagi 14-1-band bilan toʻldirilsin:

“14-1) Oliy Majlisning Inson huquqlari boʻyicha vakilini va uning oʻrinbosarini saylash”;

3) 7-moddasining beshinchi qismidan “respublika” degan soʻz chiqarib tashlansin;

4) 12-moddasining birinchi qismidan “hududiy deputatlar guruhlari vakillari yigʻilishining taklifiga binoan” degan soʻzlar chiqarib tashlansin;

5) 13-moddasi birinchi qismining 7-bandidan “Oliy Majlis Kengashi bilan kelishgan holda” degan soʻzlar chiqarib tashlansin;

6) 16-moddasi quyidagi tahrirda bayon etilsin:

Oʻzbekiston Respublikasi Oliy Majlisi Kengashining tarkibiga Oliy Majlis Raisi, Oliy Majlis Raisining oʻrinbosarlari, Oliy Majlis qoʻmitalarining, komissiyalarining (muvaqqatlaridan tashqari) raislari, Oliy Majlis deputatlari fraksiyalarining, bloklarining rahbarlari kiradi”;

7) 17-moddasining birinchi qismi:

6-bandidan “shuningdek ish joyidagi maʼmuriyat tashabbusiga koʻra deputatlarni ishdan boʻshatishga” degan soʻzlar chiqarib tashlansin;

quyidagi mazmundagi 6-1-band bilan toʻldirilsin:

“6-1) Oʻzbekiston Respublikasi Markaziy banki boshqaruvi raisining oʻrinbosarlari va boshqaruv aʼzolarini, Oʻzbekiston Respublikasi Tabiatni muhofaza qilish davlat qoʻmitasi raisining oʻrinbosarlarini lavozimga tayinlaydi va vazifasidan ozod qiladi”;

8) 18-moddasi birinchi qismining birinchi jumlasi quyidagi tahrirda bayon etilsin:

“Oʻzbekiston Respublikasi Oliy Majlisi birinchi sessiyada deputatlar orasidan oʻz vakolati muddatiga qoʻmitalar, komissiyalarni va ularning raislarini saylaydi”;

9) ruscha matni 1-moddasining beshinchi qismidagi, 5-moddasining sakkizinchi qismidagi, 13-moddasi birinchi qismining 3, 8, 12 va 14-bandlari hamda ikkinchi qismidagi, V bobining nomidagi, 15-moddasining nomi va matnidagi, 17-moddasining nomi, birinchi qismining birinchi xatboshisi hamda ikkinchi qismidagi, 19-moddasining birinchi qismidagi, 20 va 21-moddalarining matnidagi, 23-moddasining 1, 5 va 7-bandlaridagi tegishli kelishikdagi “Sovet (Kengash)” degan soʻzlar shunday kelishikdagi “Kengash” degan soʻz bilan almashtirilsin;

10) oʻzbekcha matni 13-moddasining 2-bandidagi, 27-moddasining nomi va matnidagi “Ish tartibiga”, “Ish tartibi” degan soʻzlar tegishincha “Reglamentiga”, “Reglamenti” degan soʻzlar bilan almashtirilsin.

XVI. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Jinoyat kodeksi (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomsi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda):

1) quyidagi mazmundagi 185-1-modda bilan toʻldirilsin:

Qimmatbaho metallar sirasiga kirmaydigan rangli metallar, ularning parcha va rezgi-chiqitlarini tayyorlash, olish, ulardan foydalanish hamda ularni oʻtkazish qoidalarini buzish, shunday qilmish uchun maʼmuriy jazo qoʻllanilganidan keyin sodir etilgan boʻlsa, —

mol-mulk musodara qilinib yoki musodara qilinmay, eng kam oylik ish haqining ellik baravaridan yuz baravarigacha miqdorda jarima yoki besh yilgacha muayyan huquqdan mahrum qilish yoxud uch yilgacha axloq tuzatish ishlari yoki olti oygacha qamoq bilan jazolanadi”;

2) 209-moddasi:

birinchi qismining sanksiyasidagi “ellik baravarigacha” degan soʻzlar “ellik baravaridan yetmish besh baravarigacha” degan soʻzlar bilan almashtirilsin;

ikkinchi qismining sanksiyasi quyidagi tahrirda bayon etilsin:

“eng kam oylik ish haqining yetmish besh baravaridan yuz baravarigacha miqdorda jarima yoki uch yilgacha muayyan huquqdan mahrum etilgan holda uch yildan besh yilgacha ozodlikdan mahrum qilish bilan jazolanadi”;

3) 227-moddasi:

birinchi qismining dispozitsiyasidan “yoxud shunday harakatlar pasport, harbiy bilet yoki boshqa muhim shaxsiy hujjatlarga nisbatan sodir etilgan boʻlsa” degan soʻzlar chiqarib tashlansin;

ikkinchi qismi quyidagi tahrirda bayon etilsin:

“Oʻsha harakatlar:

a) pasport, harbiy bilet yoki boshqa muhim shaxsiy hujjatlarga nisbatan yoxud oʻta muhim ahamiyatga ega boʻlgan hujjatlar, shtamplar, muhrlar, blankalarga nisbatan sodir etilgan boʻlsa;

b) ogʻir oqibatlarga sabab boʻlsa, —

eng kam oylik ish haqining ellik baravaridan yuz baravarigacha miqdorda jarima yoki ikki yildan uch yilgacha axloq tuzatish ishlari yoxud uch yilgacha ozodlikdan mahrum qilish bilan jazolanadi”;

4) 228-moddasi:

birinchi qismining sanksiyasi quyidagi tahrirda bayon etilsin:

“eng kam oylik ish haqining ellik baravaridan yuz baravarigacha miqdorda jarima yoki uch yilgacha axloq tuzatish ishlari yoxud olti oygacha qamoq bilan jazolanadi”;

ikkinchi qismining sanksiyasidagi “uch yilgacha ozodlikdan mahrum qilish” degan soʻzlar “uch yildan besh yilgacha ozodlikdan mahrum qilish” degan soʻzlar bilan almashtirilsin;

uchinchi qismining sanksiyasi quyidagi tahrirda bayon etilsin:

“eng kam oylik ish haqining yigirma besh baravaridan ellik baravarigacha miqdorda jarima yoki ikki yilgacha axloq tuzatish ishlari yoxud ikki yilgacha ozodlikdan mahrum qilish bilan jazolanadi”;

5) quyidagi mazmundagi 228-1-modda bilan toʻldirilsin:

Gʻarazgoʻylik yoki boshqa shaxsiy manfaatlarni koʻzlab davlat proba tamgʻasini qonunga xilof ravishda tayyorlash, oʻtkazish yoki undan foydalanish, shuningdek uni qalbakilashtirish —

mol-mulk musodara qilinib, eng kam oylik ish haqining ellik baravarigacha miqdorda jarima yoki ikki yilgacha axloq tuzatish ishlari yoxud olti oygacha ozodlikdan mahrum qilish bilan jazolanadi.

Oʻsha harakatlar:

a) takroran;

b) bir guruh shaxslar tomonidan oldindan til biriktirib sodir etilgan boʻlsa, —

mol-mulk musodara qilinib, ikki yildan uch yilgacha axloq tuzatish ishlari yoki uch yilgacha ozodlikdan mahrum qilish bilan jazolanadi”;

6) quyidagi mazmundagi 255-1-modda bilan toʻldirilsin:

Oʻzbekiston Respublikasining xalqaro shartnomalari bilan taqiqlangan bakteriologik (biologik), kimyoviy va boshqa xil yalpi qirgʻin qurollari turlarini ishlab chiqish, ishlab chiqarish, toʻplash, olish, birovga oʻtkazish, saqlash, qonunga xilof ravishda egallash va ular bilan boshqa harakatlarni sodir etish —

mol-mulk musodara qilinib, besh yildan sakkiz yilgacha ozodlikdan mahrum qilish bilan jazolanadi.

Oʻsha qilmish:

a) odam oʻlishiga;

b) boshqa ogʻir oqibatlarga sabab boʻlsa, —

mol-mulk musodara qilinib, sakkiz yildan oʻn besh yilgacha ozodlikdan mahrum qilish bilan jazolanadi”.

XVII. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Jinoyat-protsessual kodeksi (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5—6, 102-modda, №9, 181-modda; 1999-yil, № 1, 20-modda, № 5, 124-modda, № 9, 229-modda) 345-moddasining beshinchi qismi “185” raqamidan keyin “185-1” degan raqam bilan toʻldirilsin.

XVIII. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksi (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda):

1) quyidagi mazmundagi 219-1-modda bilan toʻldirilsin:

Qimmatbaho metallar sirasiga kirmaydigan rangli metallar, ularning parcha va rezgi-chiqitlarini tayyorlash, olish, ulardan foydalanish hamda ularni oʻtkazish qoidalarini buzish —

rangli metallarni, ularning parcha va rezgi-chiqitlarini musodara qilib, fuqarolarga eng kam ish haqining besh baravaridan oʻn baravarigacha, mansabdor shaxslarga esa — oʻn baravaridan oʻn besh baravarigacha miqdorda jarima solishga sabab boʻladi”;

2) 245-moddasining birinchi qismi “218” raqamidan keyin “219-1” degan raqam bilan toʻldirilsin;

3) 267-moddasi quyidagi tahrirda bayon etilsin:

Oʻzbekiston Respublikasi Makroiqtisodiyot va statistika vazirligining organlariga ushbu Kodeksning 215-moddasida nazarda tutilgan maʼmuriy huquqbuzarliklar toʻgʻrisidagi ishlar taalluqlidir.

Oʻzbekiston Respublikasi makroiqtisodiyot va statistika vaziri hamda uning oʻrinbosarlari, Qoraqalpogʻiston Respublikasi iqtisodiyot va statistika vaziri hamda uning oʻrinbosarlari, viloyatlar va Toshkent shahar hokimliklarining iqtisodiyot va statistika bosh boshqarmalari boshliqlari va ularning oʻrinbosarlari, tuman, shahar hokimliklarining iqtisodiyot va statistika boʻlimlari boshliqlari ushbu moddaning birinchi qismida koʻrsatilgan organlar nomidan maʼmuriy huquqbuzarlik toʻgʻrisidagi ishlarni koʻrib chiqish va maʼmuriy jazo chorasini qoʻllanishiga haqlidirlar”.

XIX. Oʻzbekiston Respublikasining 1995-yil 6-mayda qabul qilingan “Oʻzbekiston Respublikasida deputatlarning maqomi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 6, 114-modda; 1996-yil, № 9, 141-modda; 1999-yil, № 1, 20-modda):

1) 2-moddasining ikkinchi qismi chiqarib tashlansin;

2) 11-moddasi quyidagi tahrirda bayon etilsin:

Deputatlar oʻzaro kelishuv asosida fraksiyalar, bloklar va boshqa deputatlar guruhlariga birlashishlari mumkin”;

3) 28-moddasi quyidagi tahrirda bayon etilsin:

Deputatning hokimiyat vakillik organida ishlagan vaqti umumiy va uzluksiz ish stajiga, avvalgi ixtisosi boʻyicha ish stajiga qoʻshib hisoblanadi”;

4) 33-moddasidagi “deputatlik vakolatlari toʻgʻri deb topilganidan” degan soʻzlar “deputat tariqasida roʻyxatga olinganidan” degan soʻzlar bilan almashtirilsin;

5) ruscha matni 13-moddasining uchinchi qismidagi, 30-moddasining birinchi qismidagi, 32-moddasining birinchi qismidagi tegishli kelishikdagi “Sovet (Kengash)” degan soʻzlar shunday kelishikdagi “Kengash” degan soʻz bilan almashtirilsin.

XX. Oʻzbekiston Respublikasi Oliy Majlisining 1995-yil 31-avgustdagi “Ayrim korxonalar va mol-mulkni davlat tasarrufidan chiqarish va xususiylashtirishning baʼzi masalalari toʻgʻrisida”gi Qarori (Oʻzbekiston Respublikasi Oliy Majlisining Axborotnomasi, 1995-yil, № 9, 194-modda) bilan tasdiqlangan Davlat tasarrufidan chiqarilishi, xususiylashtirilishi va sotib olinishi mumkin boʻlmagan korxonalar va mol-mulk turlari hamda guruhlarning roʻyxati (1-ilova)ning 18-bandidagi “Pochta aloqasi korxonalari va” degan soʻzlar chiqarib tashlansin.

XXI. Oʻzbekiston Respublikasining 1996-yil 26-aprelda qabul qilingan “Oʻzbekiston Respublikasining faxriy unvonlarini taʼsis etish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 64-modda; 1997-yil, № 2, 64-modda; 1998-yil, № 5-6,114-modda, № 9, 164-modda):

1) 1-moddasi “Oʻzbekiston Respublikasi xalq artisti” degan soʻzlardan keyin quyidagi mazmundagi xatboshi bilan toʻldirilsin:

“Oʻzbekiston Respublikasi xalq baxshisi”;

2) mazkur Qonun bilan tasdiqlangan Oʻzbekiston Respublikasining faxriy unvonlari toʻgʻrisidagi Nizom “Oʻzbekiston Respublikasi xalq artisti” faxriy unvoni toʻgʻrisidagi matndan keyin quyidagi mazmundagi xatboshi bilan toʻldirilsin:

“Oʻzbekiston Respublikasi xalq baxshisi” faxriy unvoni baxshichilik sanʼatini yanada rivojlantirishdagi, milliy qadriyatlarimizni eʼzozlash va oʻzbek xalq ogʻzaki ijodiyotini keng targʻib etishdagi, oʻz ijodi va ijrochilik faoliyati bilan xalqimizni, ayniqsa yoshlarni koʻp ming yillik madaniyatimiz sarchashmalaridan bahramand qilishdagi hamda Vatan istiqloli va shon-sharafini ulugʻlash yoʻlidagi salmoqli hissalari uchun Oʻzbekiston Respublikasi fuqarolariga beriladi”;

3) mazkur Qonun bilan tasdiqlangan Oʻzbekiston Respublikasi faxriy unvonlarining koʻkrak nishonlari tavsifining:

“Oʻzbekiston iftixori” koʻkrak nishoni tavsifi matni quyidagi tahrirda bayon etilsin:

Koʻkrak nishoni 1 mikron qalinlikda tilla qoplangan 925 probali kumushdan tayyorlanib, diametri 36 millimetrli doira shaklida boʻladi.

Nishonning hoshiyalangan tekis yuz tomonida kumushrang aylanma yugurish yoʻlkalari bilan oʻralgan, yashil rangli emal qoplangan stadion maydoni tasvirlangan boʻlib, uning markazida olimpiya ramzi — ichki sathi ham kumushrang beshta oʻzaro tutash halqalar joylashgan. Stadion maydoni uzra Oʻzbekiston Respublikasi Davlat gerbini tutib turgan ikkita kumushrang qoʻl tasvirlangan. Gerbning yuqori qismida, musamman joylashgan yerda diametri 1,5 millimetrli yoqut joylashtiriladi. Nishonning yuqori yarim aylanasi boʻylab, gerb uzra “OʼZBEKISTON IFTIXORI” degan yozuv joylashgan. Nishonning pastki yarim aylanasida yashil shaffof emal qoplangan dafna navdasi joylashgan boʻlib, uning oʻrtasidan Oʻzbekiston Respublikasining Davlat bayrogʻi ranglaridagi lenta oʻtgan.

Nishonning orqa tomonida Oʻzbekiston Respublikasining Davlat gerbi tasvirlangan.

Tasvirlar va yozuv qabariq.

Koʻkrak nishoni ichki qismiga Oʻzbekiston Respublikasi Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi”;

tavsif “Oʻzbekiston Respublikasi xalq artisti” faxriy unvonining koʻkrak nishoni tavsifi matnidan keyin quyidagi mazmundagi matn bilan toʻldirilsin:

Koʻkrak nishoni 0,25 mikron qalinlikda tilla qoplangan 925 probali kumushdan tayyorlanib, diametri 34 millimetrli doira shaklida boʻladi. Nishonning qalinligi 2,2 millimetr.

Nishonning hoshiyalangan tekis yuz tomonida milliy cholgʻu asbobi — doʻmbira chalib kuylayotgan baxshi, pastki oʻng chekkasida dafna navdasi tasvirlangan. Ramzlarning yuqorirogʻidan “XALQ BAXSHISI” degan yozuv gorizontal holatda joy olgan.

Nishonning orqa tomonida Oʻzbekiston Respublikasining Davlat gerbi tasvirlangan.

Tasvirlar va yozuv qabariq.

Koʻkrak nishoni ichki qismiga Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi”.

XXII. Oʻzbekiston Respublikasining 1996-yil 26-aprelda qabul qilingan “Oʻzbekiston Respublikasida deputatni chaqirib olish tartibi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 67-modda):

1) 4-moddasining oltinchi qismidan “Oliy Majlisga saylov oʻtkazuvchi” degan soʻzlar chiqarib tashlansin;

2) 5-moddasining uchinchi qismi quyidagi mazmundagi uchinchi va toʻrtinchi qismlar bilan almashtirilsin:

“Deputatni chaqirib olish toʻgʻrisidagi taklif asosli boʻlsa, xalq deputatlari viloyat Kengashi hujjatlar olingan kundan eʼtiboran besh kunlik muddat ichida deputatni chaqirib olish boʻyicha ovoz berish oʻtkazish zarurligi toʻgʻrisida qaror qabul qiladi hamda uni viloyat saylov komissiyasiga yuboradi.

Viloyat saylov komissiyasi xalq deputatlari viloyat Kengashining qarori olingan kundan eʼtiboran besh kunlik muddat ichida deputatni chaqirib olish boʻyicha okrug komissiyasini tuzadi, ovoz berish kunini tayinlaydi va bu xususda xalq deputatlari viloyat Kengashiga axborot beradi”;

3) 6-moddasining uchinchi qismi quyidagi mazmundagi uchinchi va toʻrtinchi qismlar bilan toʻldirilsin:

“Deputatni chaqirib olish toʻgʻrisidagi taklif asosli boʻlsa, xalq deputatlari tuman, shahar Kengashi hujjatlar olingan kundan eʼtiboran besh kunlik muddat ichida deputatni chaqirib olish boʻyicha ovoz berish oʻtkazish zarurligi toʻgʻrisida qaror qabul qiladi hamda uni tuman, shahar saylov komissiyasiga yuboradi.

Tuman, shahar saylov komissiyasi xalq deputatlari tuman, shahar Kengashining qarori olingan kundan eʼtiboran besh kunlik muddat ichida deputatni chaqirib olish boʻyicha okrug komissiyasini tuzadi, ovoz berish kunini tayinlaydi va bu xususda xalq deputatlari tuman, shahar Kengashiga axborot beradi”;

4) 8-moddasining birinchi va ikkinchi qismlari quyidagi tahrirda bayon etilsin:

“Oliy Majlis deputatini chaqirib olish masalasi boʻyicha ovoz berish kuni Markaziy saylov komissiyasi tomonidan tayinlanadi.

Xalq deputatlari viloyat, tuman, shahar Kengashi deputatini chaqirib olish masalasi boʻyicha ovoz berish kuni tegishli viloyat, tuman, shahar saylov komissiyasi tomonidan tayinlanadi”;

5) 13-moddasining:

birinchi qismidagi “Oʻzbekiston Respublikasi Oliy Majlisiga saylov oʻtkazuvchi Markaziy saylov komissiyasiga, tegishli xokimiyat vakillik organining rahbariga” degan soʻzlar “Markaziy saylov komissiyasiga, viloyat, tuman, shahar saylov komissiyasiga” degan soʻzlar bilan almashtirilsin;

beshinchi qismidagi “Okrug yoki Markaziy saylov komissiyasi” degan soʻzlar “Markaziy saylov komissiyasi yoki viloyat, tuman, shahar saylov komissiyasi” degan soʻzlar bilan almashtirilsin;

oltinchi va yettinchi qismlari quyidagi tahrirda bayon etilsin:

“Markaziy saylov komissiyasi, tegishli viloyat, tuman, shahar saylov komissiyasi kelib tushgan okrug komissiyasining bayonnomasiga asosan besh kunlik muddat ichida ovoz berish natijalarini qayd etadi hamda ular haqida mahalliy ommaviy axborot vositalari orqali xabar qiladi.

Oliy Majlis deputatini chaqirib olish boʻyicha ovoz berish yakunlari toʻgʻrisida Markaziy saylov komissiyasi Oliy Majlis Kengashiga maʼlum qiladi, xalq deputatlari viloyat, tuman, shahar Kengashi deputatini chaqirib olish boʻyicha ovoz berish yakunlari toʻgʻrisida esa viloyat, tuman, shahar saylov komissiyasi tegishli xokimiyat vakillik organining rahbariga maʼlum qiladi”;

6) 15-moddasining matni quyidagi tahrirda bayon etilsin:

“Ushbu Qonun buzilganligi ustidan Markaziy saylov komissiyasiga, tegishli viloyat, tuman, shahar saylov komissiyasiga yoki bevosita sudga shikoyat qilinishi mumkin”;

7) ruscha matni 3-moddasining birinchi, ikkinchi va uchinchi qismlaridagi, 4-moddasining ikkinchi, uchinchi, toʻrtinchi, oltinchi va yettinchi qismlaridagi, 7-moddasining birinchi qismidagi tegishli kelishikdagi “Sovet (Kengash)” degan soʻzlar shunday kelishikdagi “Kengash” degan soʻz bilan almashtirilsin.

XXIII. Oʻzbekiston Respublikasi Oliy Majlisining 1996-yil 26-apreldagi Qarori bilan tasdiqlangan Oʻzbekiston Respublikasi Tabiatni muhofaza qilish davlat qoʻmitasi toʻgʻrisidagi Nizom (Oʻzbekiston Respublikasi Oliy Majlisining Axborotnomasi, 1996-yil, № 5—6, 70-modda) 12-bandining sakkizinchi xatboshisi quyidagi tahrirda bayon etilsin:

“tabiiy muhitga ifloslantiruvchi moddalarni chiqarib tashlash (oqizish) hamda Oʻzbekiston Respublikasi hududida chiqindilarni joylashtirish normativlarini belgilaydi va tabiatdan foydalanuvchilar eʼtiboriga yetkazadi; tabiiy muhitga ifloslantiruvchi moddalarni chiqarib tashlaganlik (oqizganlik) hamda chiqindilarni joylashtirganlik uchun olingan haqning bir qismidan belgilangan tartibda foydalanadi”.

XXIV. Oʻzbekiston Respublikasining 1997-yil 24-aprelda qabul qilingan Qonuni bilan tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda):

1) 28-moddasi uchinchi qismining toʻrtinchi xatboshisi quyidagi tahrirda bayon etilsin:

“bolalarbop tovarlar, ayollar gigiyenasi ashyolari, badiiy hunarmandchilik mahsulotlari va oʻyinchoqlar ishlab chiqaruvchi yuridik shaxslar uchun”;

2) 31-moddasining birinchi qismi quyidagi mazmundagi 22-band bilan toʻldirilsin:

“22) maktabgacha taʼlim nodavlat muassasalari roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa”;

3) 55-moddasining birinchi qismidagi jadval quyidagi tahrirda bayon etilsin:

4) 71-moddasi:

26-bandidagi “va kitob savdosi” degan soʻzlar chiqarib tashlansin;

quyidagi mazmundagi 40 va 41-bandlar bilan toʻldirilsin:

“40) maktabgacha taʼlim nodavlat muassasalari roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa;

41) budjetdan ajratilgan mablagʻlar hisobidan budjetdagi tashkilotlar buyurtmalari asosida Oʻzbekiston Respublikasi hududiga olib qirilayotgan uskunalar, tovarlar (ishlar va xizmatlar)”;

5) 92-moddasining ikkinchi qismi quyidagi mazmundagi xatboshi bilan toʻldirilsin:

“maktabgacha taʼlim nodavlat muassasalarining mol-mulkiga — roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa”;

6) 102-moddasining birinchi qismi quyidagi mazmundagi 8-band bilan toʻldirilsin:

“8) maktabgacha taʼlim nodavlat muassasalari roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa”;

7) 108-moddasining birinchi qismi quyidagi mazmundagi xatboshi bilan toʻldirilsin:

“maktabgacha taʼlim nodavlat muassasalari — yer osti inshootlari qurganlik va ulardan foydalanganlik uchun, roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa”;

8) 113-moddasi quyidagi tahrirda bayon etilsin:

Quyidagilar ekologiya soligʻidan ozod qilinadi:

ishlovchilari umumiy miqdorining kamida ellik foizi nogironlar boʻlgan yuridik shaxslar, savdo, vositachilik, taʼminot-sotish va tayyorlov faoliyati bilan shugʻullanayotganlari bundan mustasno;

maktabgacha taʼlim nodavlat muassasalari roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa”;

9) 119-moddasi quyidagi mazmundagi xatboshi bilan toʻldirilsin:

“maktabgacha taʼlim nodavlat muassasalari roʻyxatdan oʻtgan paytdan eʼtiboran uch yil muddatga, basharti ular boʻshatib olinayotgan mablagʻlarni moddiy-texnika negizini mustahkamlashga, asbob-uskuna, jihozlar, didaktik material, bolalar oʻyinchoqlari va adabiyot olishga sarflasa”.

XXV. Oʻzbekiston Respublikasining 1997-yil 26-dekabrda qabul qilingan “Oʻsimlik dunyosini muhofaza qilish va undan foydalanish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 1, 12-modda) 4-moddasining ikkinchi qismidagi hamda 24-moddasining ikkinchi qismidagi “Oʻzbekiston Respublikasi Davlat oʻrmon qoʻmitasi” degan soʻzlar “Oʻzbekiston Respublikasi Qishloq va suv xoʻjaligi vazirligi huzuridagi oʻrmon xoʻjaligi bosh boshqarmasi” degan soʻzlar bilan almashtirilsin.

XXVI. Oʻzbekiston Respublikasining 1997-yil 26-dekabrda qabul qilingan “Hayvonot dunyosini muhofaza qilish va undan foydalanish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 1, 14-modda) 6 va 37-moddalaridagi “Oʻzbekiston Respublikasi Davlat oʻrmon qoʻmitasi” degan soʻzlar “Oʻzbekiston Respublikasi Qishloq va suv xoʻjaligi vazirligi huzuridagi oʻrmon xoʻjaligi bosh boshqarmasi” degan soʻzlar bilan almashtirilsin.

XXVII. Oʻzbekiston Respublikasining 1998-yil 30-aprelda qabul qilingan “Oʻzbekiston Respublikasi Markaziy saylov komissiyasi toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 5-6, 95-modda; 1999-yil, № 1, 20-modda. № 9, 206-modda) 5-moddasining yigirma birinchi xatboshisi quyidagi mazmundagi xatboshilar bilan almashtirilsin:

“saylangan shaxsga Oʻzbekiston Respublikasi Prezidenti etib saylanganligi toʻgʻrisida guvohnoma topshiradi;

deputatlarga Oliy Majlis deputatining guvohnomasi va koʻkrak nishonini beradi”.

XXVIII. Oʻzbekiston Respublikasining 1998-yil 28-avgustda qabul qilingan “El-yurt hurmati” ordenini taʼsis etish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 9, 163-modda) bilan tasdiqlangan “El-yurt hurmati” ordenining tavsifi quyidagi tahrirda bayon etilsin:

“El-yurt hurmati” ordeni 1 mikron qalinlikdagi tilla qoplangan 925 probali kumushdan tayyorlanadi va u ikki yoqlama nurlar taraluvchi sakkiz qirrali yulduz shaklida boʻladi. Yulduz burchaklari orasida moviy rangdagi shaffof emal qoplangan, taraluvchi nur tutamlari joylashgan. Yulduzning qarama-qarshi qirralari oraligi 52 millimetr. Nurlarni oʻz ichiga olgan doira diametri — 49 millimetr.

Ordenning markazida, doirada qizil rangli yoʻl bilan hoshiyalangan Registon arxitektura majmui tasvirlangan. Uning orqasida, fon bilan berilgan, rangli emal qoplangan vodiylar va togʻlar, ular uzra esa moviy osmon fonida chiqib kelayotgan quyosh tasvirlangan. Butun tasvir shaffof emal bilan qoplangan boʻlib, u tasvir uzra yarim doira segmentini tashkil etadi.

Tasvir atrofi aylana bilan hoshiyalangan boʻlib, aylananing yuqori qismida, oq fonda “YEL-UYRT HURMATI” degan yozuv, aylananing pastki qismida yashil shaffof emal bilan qoplangan dafna novdasi joylashgan.

Orqa tomonining pastki qismida ordenning tartib raqami 1 millimetr kattalikdagi botiq shrift bilan yozigʻliq.

Orden Oʻzbekiston Respublikasining Davlat bayrogʻi ranglaridagi shoyi lenta sirilgan qadagʻichga halqa va ilmoqcha yordamida ulanadi”.

XXIX. Oʻzbekiston Respublikasining 1998-yil 28-avgustda qabul qilingan “Oʻzbekiston Respublikasining “Oʻzbekiston iftixori” faxriy unvonini taʼsis etish toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1998-yil, № 9, 164-modda) 4-moddasi oʻz kuchini yoʻqotgan deb hisoblansin.

XXX. Oʻzbekiston Respublikasining 1998-yil 24-dekabrda qabul qilingan “Xoʻjalik yurituvchi subyektlar faoliyatini davlat tomonidan nazorat qilish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1999-yil, № 1, 8-modda) 17-moddasining birinchi qismi quyidagi mazmundagi xatboshi bilan toʻldirilsin:

“rejali tekshirishlarni oʻtkazish muddatini koʻchirish toʻgʻrisida, basharti buncha obyektiv asoslar boʻlsa, maxsus vakolatli organga taqdimnoma kiritish”.

XXXI. Oʻzbekiston Respublikasining 1999-yil 15-aprelda qabul qilingan “Oʻrmon toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1999-yil, № 5, 122-modda) 9-moddasidagi, 12-moddasining ikkinchi qismidagi, 15-moddasining ikkinchi qismidagi, 16-moddasining uchinchi qismidagi, 26-moddasining yettinchi qismidagi, 27-moddasining uchinchi qismidagi, 29-moddasining toʻrtinchi qismidagi, 33-moddasining ikkinchi qismidagi, 34-moddasining ikkinchi qismidagi tegishli kelishikdagi “Oʻzbekiston Respublikasi Davlat oʻrmon qoʻmitasi” degan soʻzlar shunday kelishikdagi “Oʻzbekiston Respublikasi Qishloq va suv xoʻjaligi vazirligi huzuridagi oʻrmon xoʻjaligi bosh boshqarmasi” degan soʻzlar bilan almashtirilsin.