Vazirlar Mahkamasi qaror qiladi:

Oʻzbekiston Respublikasi Vazirlar Mahkamasining “Yevvoyi hayvonlar va oʻsimliklarni muhofaza qilishni kuchaytirish hamda ulardan foydalanishni tartibga solish chora-tadbirlari toʻgʻrisida” 1993-yil 15-dekabrdagi 600-son qarorining 3-bandi quyidagi mazmundagi xatboshilar bilan toʻldirilsin:

“Oʻzbekiston Respublikasi hududida, mulkchilik shakllaridan qatʼi nazar, korxonalar, tashkilotlar va jismoniy shaxslar tomonidan amaldagi qonunchilikka xilof ravishda terilgan (tayyorlangan) yoki keltirilgan yovvoyi holda oʻsuvchi oʻsimliklar, shu jumladan, Oʻzbekiston Respublikasining qizil kitobiga kiritilganlari ham, shuningdek, ushbu oʻsimliklarning qismlari Oʻzbekiston Respublikasi Davlat Tabiatni muhofaza qilish qoʻmitasi tomonidan, keyinchalik ularni sotish huquqiga ega boʻlgan vositachi savdo tashkilotlariga berish sharti bilan olib qoʻyiladi.

Olib qoʻyilgan mahsulotlarni sotishdan tushgan mablagʻlar, belgilangan tartibda savdo tashkilotlariga ajratiladigan ajratmalar chegirib tashlangan holda, Oʻzbekiston Respublikasi Davlat Tabiatni muhofaza qilish qoʻmitasi huzuridagi “Davbionazorat”ning maxsus mablagʻlari joriy schyotiga oʻtkaziladi, ulardan Oʻzbekiston Respublikasining Kizil kitobiga kiritilgan yovvoyi holda oʻsuvchi oʻsimliklarni sotishdan tushgan mablagʻlarning 75 foizi “Davbionazorat” tomonidan respublika budjeti daromadiga va yovvoyi holda oʻsuvchi oʻsimliklarning boshqa turlarini sotishdan tushgan mablagʻlarning 50 foizi mahalliy budjetlar daromadiga oʻtkaziladi”.