Oʻzbekiston Respublikasi xalqaro aeroportlarida texnik qoʻnishni amalga oshiruvchi chet el havo kemalarining Oʻzbekiston Respublikasi bojxona hududi orqali tranzit harakatini tartibga solish maqsadida:

1. Oʻzbekiston Respublikasi Vazirlar Mahkamasining “Alkogolli va tamaki mahsulotlarini chetdan keltirish, ishlab chiqarish va sotish ustidan davlat nazoratini kuchaytirishga doir qoʻshimcha chora-tadbirlar toʻgʻrisida” 1998-yil 4-avgustdagi 331-sonli qarorining 1-bandi quyidagi mazmundagi ikkinchi xatboshi bilan toʻldirilsin:

“Mazkur talab Oʻzbekiston Respublikasi xalqaro aeroportlarida bortga yoʻlovchilarni qabul qilish va (yoki) tushirish, tovarlar yoki pochta ortish va (yoki) tushirish nazarda tutilmagan yoqilgʻi quyish, kutilmagan zarur taʼmirlashni oʻtkazish yoki avariya holatidagi qoʻnishni amalga oshiruvchi havo kemalariga nisbatan tadbiq etilmaydi”;

ikkinchi xatboshi uchinchi xatboshi deb hisoblansin.

2. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.