LexUZ шарҳи
Ўзбекистон Республикаси ушбу Битимига Ўзбекистон Республикасининг 2006 йил 14 мартдаги ЎРҚ-24-сонли «Ўзбекистон Республикасининг 1968 йил 8 октябрда Локарнода имзоланган саноат намуналарининг халқаро таснифини таъсис этиш тўғрисидаги Локарно Битимига қўшилиши ҳақида»ги Қонуни билан қўшилган.
(1) Ушбу Битим қўлланиладиган давлатлар Махсус иттифоқни ташкил қилади.
(2) Улар саноат намуналари учун ягона таснифни (кейинги ўринларда «Халқаро тасниф» деб номланади) қабул қиладилар.
(ii) саноат намуналари бирлаштирилган товарларнинг алифбо тартибидаги рўйхати, улар тегишли бўлган синфлар ва кичик синфлар билан кўрсатилади;
(4) 3-моддага мувофиқ ташкил этилган Экспертлар қўмитаси (бундан буён матнда «Экспертлар қўмитаси» деб номланади) томонидан ўзгартирилган ва тўлдирилган, ушбу Битимга илова* қилинган синфлар ва кичик синфлар рўйхати.
(5) Товарларнинг алифбо тартибидаги рўйхати ва изоҳли ёзувлари 3-моддада белгиланган тартибда Экспертлар қўмитаси томонидан тасдиқланади.
(6) Халқаро тасниф 3-моддада белгиланган тартибда Экспертлар қўмитаси томонидан ўзгартирилиши ёки тўлдирилиши мумкин.
(б) 5-моддада кўрсатилган Ассамблея белгилаши мумкин бўлган бошқа тиллардаги халқаро таснифнинг расмий матнлари Бутунжаҳон интеллектуал мулк ташкилотини (бундан буён матнда — «Ташкилот») таъсис этиш конвенциясида кўрсатилгандек Интеллектуал мулк халқаро бюроси (бундан буён матнда — «Халқаро бюро») билан тегишли ҳукуматлар маслаҳатлашгандан сўнг тузилади.
(1) Ушбу битим мажбуриятларини ҳисобга олган ҳолда, халқаро тасниф фақат маъмурий характерга эга. Шунга қарамай, ҳар бир давлат унга мос келадиган ҳуқуқий маъно бериши мумкин. Хусусан, халқаро тасниф Махсус иттифоқ давлатларини ушбу давлатлардаги саноат намуналарини муҳофаза қилиш табиати ва ҳажми билан боғламайди.
(2) Махсус иттифоқнинг ҳар бир аъзо давлати халқаро таснифни бирламчи ёки иккиламчи тизим сифатида қўллаш ҳуқуқини ўзида сақлаб қолади.
(3) Махсус иттифоқ давлатларининг ваколатли органлари саноат намуналарини депонентлаш ва рўйхатдан ўтказиш бўйича расмий ҳужжатларга ва агар улар расман эълон қилинган бўлса, ушбу нашрларда халқаро таснифдаги синфлар ва кичик синфларнинг рақамларини, саноат намуналарига киритилган товарларни киритади.
(4) Товарларнинг алифбо тартибидаги рўйхатига киритиш учун номларни танлашда Экспертлар қўмитаси мутлақ ҳуқуқлар предмети бўлиши мумкин бўлган номларни ишлатишдан оқилона воз кечади. Бироқ, атамани алифбо рўйхатига киритишни Экспертлар қўмитасининг мутлақ ҳуқуқлар мавзуси ёки йўқлиги ҳақидаги фикри сифатида талқин қилиш мумкин эмас.
(1) Экспертлар қўмитасига 1-модданинг (4), (5), (6)-бандларида кўрсатилган вазифалар юклатилган. Махсус иттифоқнинг ҳар бир давлати, процедура қоидаларига мувофиқ, ўз фаолиятини ташкил этувчи Экспертлар қўмитасида вакиллик қилади, унинг вакили оддий кўпчилик овоз билан танланади.
(2) Экспертлар қўмитаси алифбо рўйхати ва изоҳли ёзувларини Махсус иттифоқ давлатларининг оддий кўпчилик овози билан қабул қилади.
(3) Халқаро таснифга ўзгартириш ёки қўшимчалар киритиш бўйича таклифлар Махсус иттифоқнинг ҳар қандай давлатининг ваколатли органи ёки Халқаро бюро томонидан киритилиши мумкин. Ҳар қандай ваколатли орган томонидан берилган ҳар қандай таклифлар ушбу орган томонидан Халқаро бюрога юборилиши керак. Ваколатли органлар ва Халқаро бюронинг таклифлари экспертлар қўмитасининг аъзоларига таклифлар кўриб чиқиладиган Қўмита сессиясидан камида икки ой олдин юборилиши керак.
(4) Халқаро таснифга ўзгартиш ва қўшимчалар киритиш бўйича Экспертлар қўмитасининг қарорлари Махсус иттифоқ давлатларининг оддий кўпчилиги томонидан қабул қилинади. Аммо, агар бу қарорлар янги синф яратиш ёки товарларни бир синфдан иккинчисига ўтказиш билан боғлиқ бўлса, якдиллик талаб қилинади.
(6) Агар бирор давлат Экспертлар қўмитасининг маълум бир сессиясига ўз вакилини таклиф қилмаган бўлса ёки тайинланган эксперт йиғилиш пайтида ёки Экспертлар қўмитасининг процедураси қоидаларида белгиланган муддатда овоз бермаса, бу давлат Қўмита қарорини қабул қилган ҳисобланади.
(1) Экспертлар қўмитаси томонидан қабул қилинган товарларнинг алифбо тартибидаги рўйхати ва изоҳли ёзувлари, шунингдек Қўмита қарор қилган халқаро таснифга киритилган ҳар қандай ўзгартиш ва қўшимчалар Халқаро бюро томонидан Махсус иттифоқ давлатларининг ваколатли органларига етказилади. Экспертлар қўмитасининг қарорлари билдиришнома олгандан кейин кучга киради. Аммо, агар бу қарорлар янги синф яратиш ёки товарларни бир синфдан иккинчисига ўтказиш билан боғлиқ бўлса, улар хабар берилган кундан бошлаб олти ой ичида кучга киради.
(2) Халқаро тасниф депозитарийси сифатида Халқаро бюро кучга кирган барча ўзгартиш ва қўшимчаларни киритади. Ўзгартиш ва қўшимчалар ҳақидаги хабарлар Ассамблея томонидан кўрсатиладиган даврий нашрларда эълон қилинади.
(b) Махсус иттифоқнинг ҳар бир давлати ҳукумати битта вакилдан иборат бўлиб, унинг ўринбосарлари, маслаҳатчилари ва экспертлари бўлиши мумкин.
(i) Махсус иттифоқни сақлаш ва ривожлантириш ва ушбу Битимни қўллаш билан боғлиқ барча масалаларни кўриб чиқади;
(iii) Ташкилот Бош директорининг (бундан буён матнда — «Бош директор») Махсус иттифоққа тегишли ҳисоботлари ва фаолиятини кўриб чиқади ва тасдиқлайди ва унга Махсус иттифоқ ваколатига кирадиган масалалар бўйича барча керакли кўрсатмаларни беради;
(iv) дастурни аниқлайди, Махсус иттифоқнинг икки йиллик бюджетини қабул қилади ва унинг молиявий ҳисоботини тасдиқлайди;
(vi) инглиз ва француз тилларидан бошқа тилларда халқаро таснифнинг расмий матнларини тайёрлаш тўғрисида қарор қабул қилади;
(vii) 3-моддада кўзда тутилган Экспертлар қўмитасидан қатъи назар, Махсус иттифоқ мақсадларини амалга ошириш учун зарур деб ҳисоблаган бошқа эксперт қўмиталари ва ишчи гуруҳларни тузади;
(viii) қайси давлатлар Махсус иттифоқ аъзоси эмаслигини ва қайси ҳукуматлараро ва халқаро нодавлат ташкилотлари унинг йиғилишларига кузатувчи сифатида киритилиши мумкинлигини аниқлайди;
(b) Ташкилот томонидан бошқариладиган бошқа Иттифоқларни қизиқтирган масалалар бўйича Ассамблея Ташкилот Мувофиқлаштирувчи қўмитасининг фикрини эшитгандан сўнг қарорлар қабул қилади.
(c) (b)-кичик бандининг қоидаларига қарамай, агар бирон бир сессияда вакиллик қилинган давлатлар сони ярмидан кам бўлса-да, лекин Ассамблеяга аъзо давлатларнинг учдан бир қисмига тенг ёки кўп бўлса, Ассамблея қарор қабул қилиши мумкин; аммо, Ассамблеянинг барча қарорлари, ўз тартибига тегишли қарорлар бундан мустасно, қуйидаги шартлар бажарилган тақдирдагина кучга киради. Халқаро бюро Ассамблея сессиясида бўлмаган аъзо давлатларига қарорларни тақдим этади ва уларни қарорлар юборилган санадан бошлаб, улар овоз беришса ёки қарши бўлса ҳам, бетараф қолса ҳам, уч ой ичида ёзма равишда хабар беришга таклиф қилади. Агар бу муддат тугагандан сўнг, овоз берган ёки бетараф қолган давлатлар сони ҳеч бўлмаганда сессиянинг ўзида кворумга эришиш учун етарли сон бўлмаган бўлса, зарур бўлган кўпчилик овоз билан бундай қарорлар кучга киради.
(d) 8-модданинг 2-банди қоидаларини ҳисобга олган ҳолда, Ассамблея овоз берганларнинг учдан икки қисм овози билан қарор қабул қилади.
(4) (a) Ассамблея ҳар икки йилда бир марта навбатдаги сессияда, Ташкилот Бош ассамблеяси билан бир вақтда ва бир жойда, Бош директор томонидан чақирилади ва истисно ҳоллар бундан мустасно.
(b) Ассамблея Ассамблеяга аъзо давлатларнинг тўртдан бир қисмининг талабига биноан Бош директор томонидан навбатдан ташқари сессияларда чақирилади.
(b) Халқаро бюро, хусусан, йиғилишлар ўтказилишини тайёрлайди ва Ассамблея котибиятини, Экспертлар қўмитасини, Ассамблея ёки Экспертлар қўмитаси тузиши мумкин бўлган бошқа экспертлар қўмиталарини ва ишчи гуруҳларини таъминлайди.
(2) Бош директор ва у тайинлаган ҳар қандай ходим Ассамблея, Экспертлар қўмитаси ва Ассамблея ёки Экспертлар қўмитаси тузиши мумкин бўлган бошқа экспертлар қўмитаси ёки ишчи гуруҳининг барча йиғилишларида овоз бериш ҳуқуқисиз иштирок этади. Бош директор ёки у тайинлаган ходим бу органларнинг расмий котиблари ҳисобланади.
(3) (a) Халқаро бюро, Ассамблеянинг кўрсатмасига биноан, 5 — 8-моддаларда кўрсатилган қоидалар бундан мустасно, Битим қоидаларини қайта кўриб чиқиш учун конференциялар тайёрлайди.
(b) Халқаро бюро қайта кўриб чиқиш конференцияларини тайёрлаш бўйича ҳукуматлараро ва халқаро нодавлат ташкилотлар билан маслаҳатлашиши мумкин.
(b) Махсус иттифоқ бюджети Махсус иттифоқнинг даромадлари ва харажатларини, унинг иттифоқларининг умумий харажатлари бюджетига қўшилишини ва агар керак бўлса, Ташкилот Конференцияси бюджетига ажратмаларни ўз ичига олади.
(c) Иттифоқлар учун умумий харажатлар — бу фақат Махсус иттифоқ билан боғлиқ бўлмаган харажатлар, шу вақтнинг ўзида Ташкилот бошқарадиган бир ёки бир нечта бошқа Иттифоқларга тегишли. Махсус иттифоқнинг ушбу умумий харажатлардаги улуши унинг ушбу харажатларга бўлган қизиқишига мос келади.
(2) Махсус иттифоқ бюджети Ташкилот томонидан бошқариладиган бошқа иттифоқларнинг бюджетлари билан мувофиқлаштириш зарурлигини ҳисобга олган ҳолда тузилади.
(iii) Махсус иттифоққа тегишли Халқаро бюронинг нашрларини сотишдан тушган тушумлар ва бундай нашрларга бўлган ҳуқуқлардан фойдаланишдан тушган маблағлар;
(4) (a) (3) (i)-бандига мувофиқ бюджетга қўшиладиган ҳиссани аниқлаш учун Махсус иттифоқнинг ҳар бир давлати Саноат мулкини ҳимоя қилиш бўйича Париж иттифоқи билан бир хил синфга киради, ҳар йили ўз ҳиссасини ушбу Иттифоқ учун белгиланган бирликлар сони бўйича тўлайди.
(b) Махсус иттифоқнинг ҳар бир давлатининг йиллик бадали, барча давлатларнинг Махсус иттифоқ бюджетига қўшган йиллик бадаллари миқдорига тенг, шунингдек, у тегишли бўлган синф бирликлари сони, барча давлатлар бирликларининг умумий сонини билдиради.
(d) ўз бадалларини тўлаш бўйича қарздор бўлган давлат, агар қарздорлик миқдори олдинги икки йил давомида тўланадиган бадаллар миқдорига тенг ёки ундан ошса, Махсус иттифоқнинг барча органларида овоз бериш ҳуқуқидан маҳрум бўлади. Бироқ, бундай давлатга ўз ҳиссаларини тўлашнинг кечикиши алоҳида ва муқаррар ҳолатлар туфайли содир бўлган деб ҳисобласа, Иттифоқ органида ўз овоз бериш ҳуқуқларини амалга оширишда давом этишга рухсат берилиши мумкин.
(e) агар бюджет янги молиявий йил бошланишидан олдин тасдиқланмаган бўлса, у ҳолда молиявий регламентда кўзда тутилган тартибда бюджет ўтган йил даражасида белгиланади.
(5) Махсус иттифоқ номидан Халқаро бюро томонидан кўрсатиладиган хизматлар учун йиғим ва божлар Бош директор томонидан белгиланади, у бу ҳақда Ассамблеяга ҳисобот беради.
(6) (a) Махсус иттифоқ ҳар бир Махсус иттифоқ давлати томонидан тўланадиган бир марталик тўловлардан иборат айланма маблағлар фондига эга. Агар маблағ етишмай қолса, Ассамблея уни кўпайтириш тўғрисида қарор қабул қилади.
(b) ҳар бир давлатнинг ушбу жамғармага дастлабки тўлови миқдори ёки бу жамғармани кўпайтиришдаги давлатнинг улуши, ушбу жамғарма ташкил этилган ёки уни кўпайтириш тўғрисида қарор қабул қилинган йилга қўшган ҳиссасига мутаносибдир.
(c) Бу нисбат ва тўлов шартлари Ассамблея томонидан Бош директорнинг таклифига биноан ва Ташкилот Мувофиқлаштирувчи қўмитасининг фикрини эшитгандан сўнг белгиланади.
(7) (a) Ташкилотнинг қароргоҳи жойлашган давлат билан тузилган қароргоҳи тўғрисидаги битим, агар айланма маблағлар етарли бўлмаса, ушбу давлат кредит беришини назарда тутади. Бу кредитларнинг ҳажми ва уларни тақдим этиш шартлари, ҳар бир алоҳида ҳолатда, бу давлат ва Ташкилот ўртасидаги махсус келишув мавзуси бўлади.
(b) (а)-кичик бандда кўрсатилган давлат ҳам, Ташкилот ҳам кредит мажбуриятини ёзма огоҳлантириш орқали бекор қилишга ҳақли. Бекор қилиш бундай хабарнома юборилган йил тугаганидан уч йил ўтгач кучга киради.
(8) Молиявий аудит Иттифоқнинг бир ёки бир нечта давлатлари ёки Ассамблеянинг розилиги билан тайинланган ташқи аудиторлар томонидан молиявий тартибга солиш қоидаларига мувофиқ амалга оширилади.
(1) 5, 6, 7-моддаларга ўзгартиришлар киритиш бўйича таклифлар Махсус иттифоқнинг ҳар қандай давлати ёки Бош директори томонидан киритилиши мумкин. Бундай таклифлар Бош директор томонидан Ассамблеяда кўриб чиқилишидан камида олти ой олдин Махсус иттифоқ аъзо давлатларига юборилади.
(2) (1) бандда кўрсатилган моддаларга киритилган ҳар қандай ўзгартишлар Ассамблея томонидан тасдиқланади. Уларни қабул қилиш учун овозларнинг тўртдан уч қисми керак; аммо, 5-модда ва бу бандга ўзгартишлар киритиш учун овозларнинг бешдан тўрт қисми керак.
(3) (1) бандда кўрсатилган моддаларга киритилган ҳар қандай ўзгартиш Бош директор Махсус иттифоқ аъзоси бўлган давлатларнинг, ўз конституциявий қоидаларига мувофиқ, тўртдан учидан унинг қабул қилинганлиги тўғрисида ёзма равишда маъқуллагани тўғрисида хабар олганидан кейин бир ой ўтгач кучга киради. Шу тарзда қабул қилинган юқоридаги моддаларга киритилган ҳар қандай ўзгартиш кучга кирган вақтда Махсус иттифоқ аъзолари бўлган ёки кейинчалик Махсус иттифоқ аъзолари бўлган барча давлатлар учун мажбурий бўлади. Аммо, Махсус иттифоққа аъзо давлатларнинг молиявий мажбуриятларини оширадиган ҳар қандай ўзгартириш фақат бундай тузатиш қабул қилинганлигини билдирган давлатлар учун мажбурий бўлади.
(1) Саноат мулкини ҳимоя қилиш бўйича Париж конвенциясининг иштирокчиси бўлган ва ушбу битимни имзолаган ҳар қандай давлат уни ратификация қилиши мумкин ва агар у имзоламаган бўлса, унга қўшилиши мумкин.
(3) (a) Ратификация ёки битимга қўшилиш тўғрисидаги ҳужжатларини биринчи бўлиб топширган бешта давлат учун ушбу Битим ратификация ёки қўшилиш тўғрисидаги ҳужжат топширилган санадан уч ой ўтгач кучга киради.
(b) Бошқа ҳар қандай давлат учун ушбу Битим Бош директор ратификация ёки битимга қўшилиш тўғрисида хабар берганидан уч ой ўтгач кучга киради, агар ҳужжатда кечроқ муддат кўрсатилмаган бўлса. Бундай ҳолда, ушбу давлат учун ушбу Битим белгиланган санада кучга киради.
(4) Ратификация ёки битимга қўшилиш Битимнинг барча қоидаларини автоматик равишда қабул қилишни ва ушбу Битимда белгиланган барча имтиёзларни олишни ўз ичига олади.
Ушбу Битим Саноат мулкини муҳофаза қилиш бўйича Париж конвенцияси билан бир хил кучга ва бир хил муддатга эга.
(1) Битимга керакли яхшиланишларни киритиш мақсадида ушбу Битимнинг 1 — 4 ва 9 — 15-моддалари қайта кўриб чиқилиши мумкин.
(2) Ҳар бир бундай қайта кўриб чиқиш Махсус иттифоқ давлатлари вакиллари чақириладиган конференцияларда ўтказилади.
(1) Ҳар қандай давлат Бош директорга юборилган хабарнома орқали ушбу Битимни бекор қилиши мумкин. Бундай денонсация фақат ташаббус билан чиққан давлатга таъсир қилади; Махсус иттифоқнинг бошқа давлатлари учун Битим ўз кучида қолади ва бажарилиши шарт.
(2) Денонсация Бош директор томонидан денонсация тўғрисида хабарнома олинганидан кейин бир йил ўтгач кучга киради.
(3) Ушбу бўлимда назарда тутилган денонсация ҳуқуқи, давлат Махсус иттифоққа қўшилган кундан бошлаб беш йил ўтгунга қадар, давлат томонидан амалга оширилиши мумкин эмас.
Саноат мулкини муҳофаза қилиш тўғрисидаги Париж конвенциясининг 24-моддаси қоидалари ушбу Битимга нисбатан қўлланилади.
(1) (a) ушбу битим инглиз ва француз тилларида битта нусхада имзоланган, иккала матн ҳам ҳақиқийдир; Битим Швейцария ҳукуматига сақланади.
(2) Ассамблеянинг қарорига кўра бошқа тиллардаги расмий матнлар Бош директор томонидан тегишли ҳукуматлар билан маслаҳатлашганидан кейин тузилади.
(3) Бош директор ушбу Битим имзоланган матнининг икки нусхасини Швейцария ҳукумати томонидан тасдиқлатади, уни имзолаган давлатлар ҳукуматларига ва илтимосига биноан бошқа давлат ҳукуматига юборади.
(5) Бош директор Битим кучга кирган санаси, унинг имзоланиши, ратификация ва қўшилиш тўғрисидаги ҳужжатларни сақлашга топшириш, Битим матнига ўзгартиш ва ушбу ўзгартиришлар қабул қилинганлиги ва денонсация хабарномалари тўғрисида Махсус иттифоқнинг барча давлатлари ҳукуматларини хабардор қилади.