LexUZ sharhi
Mazkur buyruq O‘zbekiston Respublikasi axborot texnologiyalari va kommunikatsiyalarini rivojlantirish vazirining 2020-yil 30-iyundagi 208-mh-sonli “Telekommunikatsiya xizmatlarini ko‘rsatish qoidalarini tasdiqlash to‘g‘risida”gi buyrug‘iga (ro‘yxat raqami 3275, 30.06.2020-y.) asosan 2020-yil 1-oktabrdan o‘z kuchini yo‘qotadi.
O‘zbekiston Respublikasining “Telekommunikatsiyalar to‘g‘risida”gi, “Iste’molchilarning huquqlarini himoya qilish to‘g‘risida”gi qonunlariga muvofiq mobil aloqadan foydalanish va xizmatlar ko‘rsatish tartibi hamda shartlarini, mobil aloqa tarmog‘i operatorlari va foydalanuvchilarining huquq hamda majburiyatlarini, shuningdek, ularning javobgarliklarini belgilash maqsadida buyuraman:
2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgandan o‘n kundan keyin kuchga kiradi.
O‘zbekiston aloqa va axborotlashtirish agentligi bosh direktorining 2009-yil 4-yanvardagi 2-son buyrug‘i bilan
TASDIQLANGAN
TASDIQLANGAN
Mazkur Qoidalar O‘zbekiston Respublikasining Fuqarolik kodeksi (O‘zbekiston Respublikasi Oliy Majlisining Axborotnomasi, 1996-yil, 2-songa ilova), O‘zbekiston Respublikasining “Telekommunikatsiyalar to‘g‘risida”gi (O‘zbekiston Respublikasi Oliy Majlisining Axborotnomasi, 1999-y., 9-son, 219-modda), “Iste’molchilarning huquqlarini himoya qilish to‘g‘risida”gi (O‘zbekiston Respublikasi Oliy Majlisining Axborotnomasi, 1996-y., 5-6-son, 59-modda) va “Xo‘jalik yurituvchi subyektlar faoliyatining shartnomaviy-huquqiy bazasi to‘g‘risida”gi (O‘zbekiston Respublikasi Oliy Majlisining Axborotnomasi, 1998-y., 9-son, 170-modda) qonunlariga muvofiq, mobil aloqa xizmatlaridan foydalanish hamda uni ko‘rsatish tartibi va shartlarini, mobil aloqa tarmoqlari operatorlari va abonentlarning huquq va majburiyatlarini, shuningdek ularning javobgarligini belgilaydi.
1. Mazkur Qoidalar mobil aloqa abonentlari (bundan keyin matnda abonentlar deb yuritilada) va mobil aloqa tarmoqlari operatorlari (bundan keyin matnda operatorlar deb yuritiladi) foydalanishi uchun majburiy hisoblanadi.
abonent — mobil aloqa xizmatlari ko‘rsatilishi uchun operator bilan shartnoma tuzgan yuridik yoki jismoniy shaxs;
abonent raqami — mobil aloqa xizmatlari ko‘rsatilishi uchun shartnomaning amal qilish davrida abonentga operator tomonidan ajratiladigan raqam;
abonent qurilmasi — abonentga mobil aloqa xizmatlaridan foydalanish imkonini beruvchi mobil aloqa tarmog‘ining oxirgi uskunasi, elementi;
tarifikatsiya birligi — operator tomonidan belgilangan tarifikatsiya tizimiga bog‘liq bo‘lgan ko‘rsatiladigan xizmatning to‘lanadigan birligi;
xizmat ko‘rsatish zonasi — operator litsenziya bitimi asosida aloqa xizmatlarini ko‘rsatish huquqiga ega bo‘ladigan va normativ-huquqiy hujjatlar bilan o‘rnatilgan shartlarga javob beradigan xizmatlar sifatini ta’minlash uchun texnik imkoniyatlarga ega bo‘lgan hudud;
operator — mobil aloqa tarmog‘iga ega bo‘lgan, uning qurilishi, ishlashi, rivojlanishini ta’minlovchi va litsenziyaga asosan mobil aloqa xizmatlarini ko‘rsatuvchi yuridik shaxs;
mobil aloqa tarmog‘i — abonentlarga mobil aloqa (telefon, ma’lumotlarni uzatish va boshqalar) xizmatlarini ko‘rsatuvchi texnik vositalar (kommutatsion va radiouskuna, abonent qurilmalari, ulovchi liniyalar, inshootlar va sh. k.) majmui. Mobil aloqa tarmoqlariga aloqaning mobil radiotelefon (sotali, trank, lokal-trank, radial-zona, global shaxsiy mobil yo‘ldoshli) tarmoqlari kiradi;
yirik avariya — tarmoq va mobil aloqa xizmatlarini ko‘rsatish harakati to‘xtatilishiga olib keladigan avariya;
tarif rejasi — operator bir yoki bir nechta mobil aloqa xizmatlaridan foydalanishni taqdim etadigan baholi shartlar jami;
SIM-karta — abonent qurilmasining identifikatsiyasini, uning mobil aloqa tarmog‘idan foydalanishni, shuningdek abonent raqamidan ruxsatsiz foydalanishdan himoyani ta’minlanishi yordamida qurilgan mikrosxemali identifikatsion modul.
3. Mobil aloqa xizmatlarini ko‘rsatish bilan bog‘liq operatorlarning faoliyati belgilangan tartibda olingan litsenziya asosida hamda operator va litsenziya beruvchi organ o‘rtasida tuzilgan litsenziya bitimiga muvofiq amalga oshiriladi.
4. Mobil aloqa xizmatlarini ko‘rsatishda operatorlar hamda telekommunikatsiya tarmoqlarining boshqa operatorlari o‘rtasidagi o‘zaro munosabatlar qonun hujjatlariga muvofiq, ular o‘rtasida tuzilgan shartnomalar bilan tartibga solinadi.
5. Mobil aloqa xizmatlari operator va abonent o‘rtasida tuzilgan mobil aloqa xizmatlarini ko‘rsatish shartnomasi asosida taqdim etiladi.
6. Abonent operatordan mobil aloqaning abonent qurilmasini sotib olishi yoki ijaraga olishi yoxud o‘zining shaxsiy abonent qurilmasidan foydalanishi mumkin.
7. Foydalanilayotgan abonent qurilmasi O‘zbekiston Respublikasida amal qilayotgan standartlarga muvofiq, uskunaning ushbu turiga qo‘yiladigan belgilangan texnik talablarga javob berishi kerak.
8. Favqulodda holatlarda telekommunikatsiyalar sohasidagi maxsus vakolatli organ “Favqulodda holatlarda telekommunikatsiyalar tarmoqlari va vositalaridan ustuvor foydalanish, ulardan foydalanishni to‘xtatib qo‘yish yoki cheklash tartibi to‘g‘risida”gi nizomda (2007-yil 27-noyabr, ro‘yxat raqami 1743 — O‘zbekiston Respublikasi qonun hujjatlari to‘plami, 2007-y., 48-49-son, 492-modda) belgilangan tartibda mobil aloqaning istalgan tarmoqlari va vositalaridan ustuvor foydalanish, ularning ishlashini cheklash yoki to‘xtatib qo‘yish huquqiga ega.
9. Operatorlar odamlarning dengizdagi, yerdagi, havodagi, kosmik fazodagi xavfsizligiga, O‘zbekiston Respublikasida mudofaa, xavfsizlik va huquq-tartibotni saqlash sohasidagi kechiktirib bo‘lmaydigan tadbirlarni o‘tkazishga taalluqli xabarlar, shuningdek yirik avariyalar, falokatlar, epidemiyalar va boshqa favqulodda vaziyatlar haqidagi xabarlarga mutlaq ustuvorlik taqdim etishlari lozim.
10. Operatorlar telekommunikatsiya tarmoqlari orqali uzatiladigan telefon so‘zlashuvlari va boshqa xabarlar, shuningdek ularga taalluqli bo‘lgan barcha ma’lumotlar sir tutilishiga rioya qilishga majbur.
Telefon so‘zlashuvlarini eshitish, telekommunikatsiya tarmoqlari orqali uzatilayotgan xabarlar bilan tanishish, ular to‘g‘risidagi ma’lumotlarni olishga, shuningdek so‘zlashuvlar sirlariga doir boshqa cheklanishlariga qonun bilan belgilangan hollarda va tartibda yo‘l qo‘yiladi.
11. Operator shartnomani bajarish tufayli unga oshkor bo‘lgan abonent to‘g‘risidagi ma’lumotlarni, abonentning roziligisiz uchinchi shaxslarga berishi yoki tarqatishga haqli emas, qonun hujjatlarida nazarda tutilgan hollar bundan mustasno.
12. Abonentlarga operator tomonidan ko‘rsatiladigan mobil aloqa xizmatlarining ro‘yxati operatorga tegishli bo‘lgan mobil aloqa tarmog‘ining texnik imkoniyatlarini hisobga olgan holda operator tomonidan belgilanadi.
13. Abonentlarga ko‘rsatiladigan mobil aloqa xizmatlari shartnoma shartlariga, shuningdek operatorning xizmatlar to‘g‘risida axborotiga muvofiq bo‘lishi kerak.
14. Operator abonentga mobil aloqa xizmatlaridan kecha-kunduz foydalanish imkonini ta’minlashga majbur.
15. Operator axborot-ma’lumot xizmat tizimini yaratishga va pulli hamda bepul axborot-ma’lumot xizmatlarini ko‘rsatishga majbur.
e) operator (filiallari)ning rekvizitlari (joylashgan o‘rni) va ish tartibi to‘g‘risida axborot berish;
j) abonentdan texnik nosozliklar, SIM-karta yoki abonent qurilmasi yo‘qolganligi (SIM-kartalardan foydalanish ko‘zda tutilmagan mobil aloqa standartlari uchun), abonentning shaxsiy ma’lumotlari o‘zgarganligi to‘g‘risidagi axborotni qabul qilish;
18. Operator taqdim etiladigan xizmatlar, ularni taqdim etish va mobil aloqa xizmatlaridan foydalanish tartibi, ushbu xizmatlarga tariflar, mobil aloqadan foydalanishda cheklanishlar to‘g‘risida abonentlarni, shuningdek mobil aloqa xizmatlarini ko‘rsatish uchun shartnomani tuzish istagi bo‘lgan jismoniy va yuridik shaxslarni xabardor qilishga majbur.
Tariflar, xizmat ko‘rsatish tartibi, hisob-kitoblar shakli va tartibi o‘zgargan holda, operator abonentlarni bu haqda ommaviy axborot vositalari va (yoki) o‘zi tanlagan boshqa usulda xabardor qilishi lozim.
Operator tarmog‘ida mobil aloqa xizmatlari ko‘rsatilishining to‘xtatilishiga olib keladigan yirik avariyalar yuz berganda, operator abonentlarni bu haqda, shuningdek xizmatlarni ko‘rsatish tiklanishining taxminiy muddatlari to‘g‘risida ommaviy axborot vositalari orqali xabardor qilishga majbur.
19. Operator har bir abonentga tegishli xizmatlar uchun O‘zbekiston Respublikasi hududida belgilangan yagona raqamlarni abonent tomonidan terish yordamida favqulodda tezkor xizmatlarni bepul va kecha-kunduz davomida chaqirish imkoniyatini ta’minlashi kerak. Favqulodda tezkor xizmatlarga quyidagilar kiradi:
20. Mobil aloqa tarmog‘idan foydalanishni ta’minlash va mobil aloqa xizmatlarini ko‘rsatish operator va abonent o‘rtasida tuzilgan shartnomaga muvofiq amalga oshiriladi.
21. Mobil aloqa xizmatlarini ko‘rsatish shartnomasi ommaviy shartnoma hisoblanadi va qonun hujjatlariga muvofiq tuziladi.
22. Mobil aloqa xizmatlarini ko‘rsatish uchun shartnoma ikki tomonlama shartnoma bo‘lib, u tuzilgan vaqtdan boshlab kuchga kiradi.
23. Abonent va operator o‘rtasidagi shartnoma ma’lum muddatga yoki uni ko‘rsatmasdan tuzilgan bo‘lishi mumkin.
d) abonent to‘g‘risidagi ma’lumotlar (familiyasi, ismi, otasining ismi, turar joyi, shaxsini tasdiqlovchi hujjat rekvizitlari — jismoniy shaxs uchun, nomi (firma nomi), bank rekvizitlari, joylashgan yeri — yuridik shaxs uchun);
Shartnomadagi abonent to‘g‘risidagi ma’lumotlar o‘zgarishi bilan bog‘liq o‘zgarishlar qo‘shimcha to‘lov undirilmasdan kiritilishi kerak.
Shartnomada qonun hujjatlari va mazkur Qoidalar talablariga zid kelmaydigan boshqa shartlar bo‘lishi mumkin.
25. Operator abonentni alohida haq evaziga ko‘rsatiladigan mobil aloqa xizmatlaridan foydalanishga majburlashga haqli emas.
26. Operator bitta xizmatni ko‘rsatish texnologik jihatdan boshqa xizmat bilan shart qilib qo‘yilgan holatdan tashqari, mobil aloqaning bitta xizmatini ko‘rsatish uchun aloqaning boshqa xizmatlarini ko‘rsatishni shart qilib qo‘yishga haqli emas.
b) operatorning tashabbusi bo‘yicha, ushbu Qoidalar yoki shartnoma shartlarida belgilangan talablar abonent tomonidan buzilganda;
v) agar abonent — jismoniy shaxs vafot etganda yoki abonent — yuridik shaxs tugatilganda tasdiqlovchi hujjatlar taqdim etilgan taqdirda;
g) davlat organining hujjat qabul qilishi natijasida tomonlarning o‘z majburiyatlarini bajarish imkoni bo‘lmay qolgan taqdirda;
28. Shartnoma bekor qilinganda, tomonlar o‘zlarining barcha majburiyatlari bo‘yicha hisob-kitoblarini amalga oshirishlari kerak.
v) mobil aloqa tarmog‘ida xabarlarni uzatishda xavfsizlikni ta’minlash va tarmoq abonentlariga ko‘rsatilayotgan xizmatlarning tegishli sifatini ta’minlash maqsadida, normativ-huquqiy hujjatlarga muvofiq, mobil aloqa xizmatlari ko‘rsatilishining to‘xtatilishi nazarda tutilgan texnik tadbirlarni o‘tkazish;
a) o‘z faoliyatini normativ-huquqiy hujjatlariga va mazkur Qoidalarga hamda mobil aloqa xizmatlarini ko‘rsatish uchun tuzilgan shartnomaga muvofiq amalga oshirish;
b) xizmat ko‘rsatish zonasida mobil aloqa tarmog‘ining ishini foydalanilayotgan standartning texnik normalariga muvofiq ta’minlash;
g) ko‘rsatilgan xizmatlarning kamchiliklarini shartnomada yoki qonun hujjatlarida belgilangan muddatlarda bartaraf etish;
d) shartnomada belgilangan muddatlarda ko‘rsatilgan xizmatlar uchun hisoblarni berish, ularni abonentlarga shartnomada ko‘rsatilgan usul bilan taqdim etish, abonentlar bilan hisob-kitoblarni amalga oshirish;
j) abonentning talabi bo‘yicha abonent shaxsiy hisobvarag‘idagi o‘zaro hisob-kitoblarning joriy holati to‘g‘risidagi batafsil axborotni taqdim etish;
z) mobil aloqa xizmatlari ko‘rsatilishi to‘xtagan hollarda, abonent tomonidan operatorning aybi bilan xizmatlar ko‘rsatilmagan vaqt uchun operatorga ariza kelib tushgan vaqtdan boshlab, abonent to‘lovini qayta hisoblab chiqish;
i) abonentning yozma arizasi bo‘yicha, agar abonent uchun boshqa maqbul usul operator tomonidan belgilanmagan bo‘lsa, SIM-karta yoki abonent qurilmasi (SIM-kartadan foydalanish ko‘zda tutilmagan mobil aloqa standartlari uchun) yo‘qolganda, xizmatlarning ko‘rsatilishini zudlik bilan to‘xtatish;
b) ko‘rsatilayotgan xizmatlarning ro‘yxati, shuningdek ularni ko‘rsatish tartibi va shartlari o‘zgarganligi to‘g‘risida;
g) yangi tariflar joriy qilingunga qadar kamida 10 kun oldin xizmatlarga tariflar o‘zgarganligi to‘g‘risida, agar bu o‘zgartirishlar abonent holatini yomonlashtirsa;
a) amaldagi tariflarga, xizmatlar tavsifi va xizmatlar sifatiga qo‘yiladigan talablarga, shuningdek operator tomonidan ko‘rsatiladigan qo‘shimcha xizmatlarga muvofiq shartnomada ko‘zda tutilgan mobil aloqa xizmatlaridan foydalanish;
b) operatordan mobil aloqa xizmatlarini ko‘rsatish uchun shartnomada belgilangan majburiyatlarning bajarilishini talab qilish;
g) barcha amalga oshirilgan ulanishlarning sanasi va vaqti, ularning davomiyligi va abonent raqamlarini ko‘rsatgan holda, operator tomonidan belgilangan tartib va shartlarda barcha xizmat turlari bo‘yicha batafsil hisobni bepul olish;
d) ushbu Qoidalarning talablari va shartnoma shartlariga rioya qilgan holda, shuningdek muayyan hududda (aeroport, samolyot, antenna maydoni va boshqalar) amal qiladigan alohida qoidalarni hamda to‘sqinlik qilishi yoki xavfli vaziyatlar yuzaga kelishi mumkin bo‘lgan holatlarda (tibbiyot muassasalari, yoqilg‘ini saqlash va qayta yuklash hududi, portlash ishlarini o‘tkazish joylarida va boshqalar) cheklanishlarni hisobga olgan holda, istalgan abonent qurilmasidan foydalanish;
e) favqulodda tezkor xizmatlarni chaqirishda, shuningdek shartnomada nazarda tutilgan hollarda mobil aloqa xizmatlaridan bepul foydalanish;
z) operator tomonidan taqdim etilayotgan xizmatlar bo‘yicha takliflar va e’tirozlar bilan operatorga murojaat etish;
m) operator shartnomani bajarmasa yoki xizmatlar shartnomada ko‘rsatilgan muddatda ko‘rsatilmasligi aniq bo‘lsa, shartnomani bajarishdan bosh tortish va zararlarni qoplashni talab qilish;
n) operator tomonidan, ko‘rsatiladigan xizmatlar sifatining yomonlashishiga olib keladigan darajada shartnoma shartlaridan jiddiy chetga chiqishga yo‘l qo‘yilgan yoki boshqa jiddiy kamchiliklar yuzaga kelgan hollarda, o‘z xohshiga ko‘ra: kamchiliklarni bepul bartaraf etish, ko‘rsatilgan xizmatlar narxini mos ravishda kamaytirish, takroran xizmatlarni ko‘rsatish, keltirilgan zararlarni to‘liq qoplagan holda shartnomani bekor qilishni talab qilishi mumkin.
v) operatorga SIM-karta yoki abonent qurilmasi (SIM-kartalardan foydalanish ko‘zda tutilmagan mobil aloqa standartlari uchun) yo‘qolganligi to‘g‘risida zudlik bilan xabar berish. Abonent tomonidan ushbu shartlarga rioya qilinmagan hollarda, u yo‘qotilgan SIM-karta yoki abonent qurilmasidan (SIM-kartadan foydalanish ko‘zda tutilmagan mobil aloqa standartlari uchun) foydalangan holda olingan operator tomonidan ko‘rsatilgan mobil aloqa xizmatlariga to‘lov bo‘yicha, operator abonentning ularning yo‘qolganligi va xizmatlar ko‘rsatishni to‘xtatish istagi to‘g‘risidagi arizasini olgan kunigacha majburiyatga ega, agar abonent uchun qulay bo‘lgan xabar qilishning boshqa usuli operator tomonidan ko‘zda tutilmagan bo‘lsa;
d) 30 kun davomida operatorga ma’lumotlar (familiyasi, ismi, otasining ismi, turar joyi — jismoniy shaxs uchun, nomi (firma nomi), joylashgan yeri — yuridik shaxs uchun) o‘zgarganligi to‘g‘risida xabar berish.
34. Abonentlar bilan hisob-kitoblar va mobil aloqa xizmatlarining to‘lovi mobil aloqa xizmatlariga tariflar asosida amalga oshiriladi.
36. Mobil aloqa tarmog‘i bo‘yicha ulanish davomiyligining tarifikatsiya birligi operator tomonidan belgilanadi. Tarifikatsiya birligi bir minutdan ko‘p bo‘lmasligi kerak.
37. Ulanishning davomiyligini hisobga olish operator tomonidan qabul qilingan tarifikatsiya birligiga muvofiq olib boriladi.
38. To‘lov miqdorini aniqlash uchun foydalaniladigan mobil aloqa tarmog‘i bo‘yicha ulanish davomiyligi chaqiriluvchi abonent yoki abonent javob bergan deb tenglashtirilgan javob signali bo‘lgan uskuna javob bergan sekunddan boshlab chaqiruvchi yoki chaqiriluvchi abonent yoki shu uskuna so‘zlashuvi tugagan vaqtgacha hisoblanadi.
Operator tomonidan belgilangan minimal hisoblangan vaqt birliklarida hisoblangan ulanishlar davomiyligi to‘liq birlikkacha yaxlitlanadi.
Operator ushbu Qoidalarga nisbatan abonent holatini yomonlashtirmaydigan mobil aloqa xizmatlarining tarifikatsiya qoidalarini mustaqil belgilaydi.
39. Mobil aloqa xizmatlariga tariflar mobil aloqaning ayrim xizmatlari yoki mobil aloqa xizmatlarining to‘plamiga tariflar (tarif rejalari) ko‘rinishida belgilanishi mumkin. Tarif rejasi bir kecha-kunduz vaqt, hafta kunlari, dam olish va bayram (ishlanmaydigan) kunlari bo‘yicha, shuningdek ko‘rsatilayotgan mobil aloqa xizmatlarining to‘plami va hajmi bo‘yicha differensiyalangan tariflar belgilanishi mumkin.
a) abonentning aniq (hisobot) davri uchun to‘lov miqdori haqiqiy olingan mobil aloqa xizmatlarining hajmiga bog‘liq bo‘lmagan doimiy kattalik hisoblanadigan abonentlik;
b) abonentning to‘lov miqdori hisobot davri davomida taqdim etilgan abonentning tashabbusi bilan amalga oshirilgan ulanishlar davomiyligining summasiga bog‘liq bo‘lgan vaqtbay;
v) to‘lov miqdori amalda ko‘rsatilgan mobil aloqa xizmatlari uchun aniqlanadigan har bir ko‘rsatilgan mobil aloqa xizmati uchun.
Tarif rejalarini shakllantirishda tarifikatsiyaning bir nechta turlarini birga qo‘shishga yo‘l qo‘yiladi.
42. Chaqiriluvchi shaxsning javobiga tenglashtirilgan va ulanish davomiyligining hisobi boshlanadigan javob signaliga ega abonent qurilmasiga quyidagilar kiradi:
v) chaqiriluvchi shaxs bo‘lmagan vaqtda axborot bilan almashish imkoniyatini ta’minlaydigan (yoki imitatsiyalaydigan) boshqa abonent qurilmalari.
44. Hisob-kitoblar shakli va tartibi texnologik imkoniyatlardan kelib chiqib, amaldagi qonun hujjatlari talablarini hisobga olgan holda operator tomonidan belgilanadi.
Mobil aloqa xizmatlarining to‘lovi naqd pul yoki pul o‘tkazish yo‘li bilan, shuningdek hisobotlarning avans yoki kredit shakli bo‘yicha amalga oshirilishi mumkin.
45. Ko‘rsatilgan mobil aloqa xizmatlarini hisoblash uchun tegishli xizmatlarni ko‘rsatish vaqtida amalda bo‘lgan tarifdan foydalaniladi.
46. Abonentlar bilan barcha hisob-kitoblar qonun hujjatlari bilan belgilangan tartib va shartlarda olib boriladi.
Ko‘rsatilayotgan mobil aloqa xizmatlari uchun hisob-kitoblar amalga oshirilganda, xorijiy valyuta, shuningdek xorijiy valyutada to‘lov hujjatlaridan foydalanishga qonun hujjatlari bilan belgilangan tartibda va shartlarda yo‘l qo‘yiladi.
47. Abonent tomonidan O‘zbekiston Respublikasining “Telekommunikatsiyalar to‘g‘risida”gi Qonunida, ushbu Qoidalar va shartnomada belgilangan mobil aloqa xizmatlarini ko‘rsatish bo‘yicha talablar buzilgan holatlarda, buzilishlar bartaraf etilgunga qadar operator mobil aloqa xizmatlari ko‘rsatilishini to‘xtatish huquqiga ega. Bunda, mobil aloqa tarmog‘idan foydalana olish va abonent tomonidan favqulodda tezkor xizmatlarni chaqirish imkoniyati saqlanadi.
48. Operator tomonidan mobil aloqa xizmatlarini ko‘rsatish to‘xtatilgandan keyin abonent shartnoma va qonun hujjatlari bilan belgilangan muddatda aniqlangan buzilishlarni bartaraf etish huquqiga ega. Aniqlangan buzilishlar bartaraf etilgandan keyin mobil aloqa xizmatlaridan foydalanish tiklanadi.
49. Taqdim etilgan mobil aloqa xizmatlarini kredit bilan to‘lash muddatini operator mustaqil belgilaydi.
50. Mobil aloqa xizmatlarining to‘lovi uchun mobil aloqa xizmatlarining to‘lovi to‘g‘risidagi ma’lumotlarni operatorga yetkazish uchun foydalaniladigan, belgilangan usul bilan kodlangan axborotga ega oldindan to‘lov kartasidan (bundan keyin matnda — karta deb yuritiladi) foydalanish mumkin. Kartada quyidagilar ko‘rsatilgan bo‘lishi kerak:
51. Shartnoma bekor qilingan hollarda, abonent avans sifatida kiritilgan pul mablag‘larini qaytarish uchun operatorga murojaat qilish huquqiga ega. Bunda, operator pul mablag‘larining foydalanilmagan qoldig‘ini qaytarishga majbur.
52. Operator va abonent O‘zbekiston Respublikasining qonun hujjatlariga va ular o‘rtasida tuzilgan shartnomalarga muvofiq javobgar bo‘ladilar.
53. Abonent huquqini cheklab qo‘yadigan va qonun hujjatlariga zid keladigan shartnoma shartlari haqiqiy emas deb topiladi. Agar ularning qo‘llanilishi natijasida abonentga zarar yetkazilsa, ular operator tomonidan qonun bilan belgilangan tartibda qoplanishi shart.
54. Operator tuzilgan shartnoma bo‘yicha o‘z majburiyatlarini bajarmaganligi yoki lozim darajada bajarmaganligi uchun quyidagi holatlarda abonent oldida javobgardir:
v) shartnomada ko‘rsatilgan va abonent tomonidan talab qilingan mobil aloqa xizmatlarining barcha turlarini ko‘rsatmaganlik;
d) mobil aloqa xizmatlarini ko‘rsatish bilan bog‘liq axborotni taqdim etilmaganligi, to‘liq taqdim etilmaganligi yoki kechiktirib taqdim etilganligi;
e) shartnomani bajarish natijasida operatorga ma’lum bo‘lgan abonent to‘g‘risidagi ma’lumotlarning tarqalishini cheklash to‘g‘risidagi talablarning buzilishi.
55. Xizmatlarni ko‘rsatish davomida aniqlangan kamchiliklarni bartaraf etish muddatlari shartnomada belgilanadi. Ko‘rsatilayotgan xizmatlarning kamchiliklari abonent tomonidan da’vo berilgan kundan boshlab 20 kun davomida operator tomonidan bartaraf etilishi kerak (agar bunda qisqa muddat shartnomada belgilanmagan bo‘lsa).
56. Obyektiv sabablarga ko‘ra operator kamchiliklarni bartaraf etmasa, ushbu muddat uzaytirilishi mumkin.
57. Agar majburiyatlarning bajarilmaganligi yengib bo‘lmaydigan kuch natijasi bo‘lsa yoki abonentning aybi bilan yuz bergan bo‘lsa, operator abonent oldida javobgarlikka ega emas.
59. Ushbu Qoidalar O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi bilan kelishilgan.