LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi tomonidan Ishga qabul qilish uchun eng kichik yosh to‘g‘risidagi Konvensiya hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiya ratifikatsiya qilinishi munosabati bilan hamda bolalar mehnati masalalari bo‘yicha vazirliklar, idoralar va mahalliy davlat hokimiyati organlari faoliyatini muvofiqlashtirish, ularning xalqaro va jamoat tashkilotlari bilan o‘zaro hamkorligini kuchaytirish maqsadida Vazirlar Mahkamasi qaror qiladi:
1. Ishga qabul qilish uchun eng kichik yosh to‘g‘risidagi Konvensiyani hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiyani amalga oshirish bo‘yicha Milliy harakatlar rejasi (keyingi o‘rinlarda Milliy harakatlar rejasi deb yuritiladi) ilovaga muvofiq tasdiqlansin.
2. Yuqorida ko‘rsatib o‘tilgan konvensiyalar, shuningdek Milliy harakatlar rejasidan kelib chiqadigan majburiyatlarning bajarilishini ta’minlash bo‘yicha vazirliklar, idoralar va tashkilotlar faoliyatini muvofiqlashtirish O‘zbekiston Respublikasi Mehnat va aholini ijtimoiy muhofaza qilish vazirligi zimmasiga yuklansin.
3. O‘zbekiston Respublikasi Mehnat va aholini ijtimoiy muhofaza qilish vazirligi, Ichki ishlar vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda korxonalar, tashkilotlar va jismoniy shaxslar tomonidan bolalarni mehnatga majbur qilishga yo‘l qo‘ymaslik va ular tomonidan voyaga yetmaganlar uchun qonun hujjatlarida belgilangan mehnat normalari va sharoitlariga rioya qilinishi yuzasidan ta’sirchan nazoratni ta’minlasinlar.
O‘zbekiston Respublikasi Bosh prokuraturasiga respublika hududida Ishga qabul qilish uchun eng kichik yosh to‘g‘risidagi Konvensiya hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiya talablariga so‘zsiz rioya etilishi yuzasidan nazoratni kuchaytirish tavsiya etilsin.
4. Voyaga yetmaganlar ishlari bo‘yicha respublika idoralararo komissiyasi Milliy harakatlar rejasi bajarilishi muntazam ravishda ko‘rib chiqilishini ta’minlasin.
(4-band O‘zbekiston Respublikasi Vazirlar Mahkamasining 2017-yil 16-iyundagi 385-sonli qarori tahririda — O‘R QHT, 2017-y., 25-son, 539-modda)
5. O‘zbekiston Respublikasi Tashqi ishlar vazirligi Milliy harakatlar rejasi to‘g‘risidagi axborotni manfaatdor xalqaro tashkilotlarga ma’lum qilsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
T/r | Tadbirlar nomi | Amalga oshirish mexanizmi* | Bajarish muddati | Mas’ul ijrochilar |
I. Bolalar mehnatidan noqonuniy foydalanishga yo‘l qo‘ymaslik yuzasidan nazoratni amalga oshirish bo‘yicha normativ-huquqiy bazani takomillashtirish | ||||
1. | O‘zbekiston Respublikasida ishga qabul qilish uchun belgilangan eng kichik yoshga ko‘rsatmani nazarda tutuvchi Ishga qabul qilish uchun eng kichik yosh to‘g‘risidagi Konvensiyaning ratifikatsiya qilinganligi haqidagi hujjatga ilova qilinadigan bayonotni ishlab chiqish va Xalqaro Mehnat Tashkilotiga (keyingi o‘rinlarda XMT deb yuritiladi) yuborish. | Ishga qabul qilish uchun eng kichik yosh to‘g‘risidagi Konvensiya ratifikatsiya qilinganligi haqidagi hujjatga ilova qilinadigan bayonot | 2008-yil III chorak | Tashqi ishlar vazirligi, Mehnat va aholini ijtimoiy muhofaza qilish vazirligi, O‘zbekiston kasaba uyushmalari Federatsiyasi Kengashi, Savdo-sanoat palatasi |
2. | Qonun hujjatlarini xatlovdan o‘tkazish va bolalarni Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiyada belgilangan bolalar mehnatining og‘ir shakllariga jalb etganlik uchun, shuningdek 18 yoshga yetmagan shaxslarga nisbatan mehnat qonunchiligini buzganlik uchun xo‘jalik yurituvchi subyektlar va jismoniy shaxslarning, shu jumladan ota-onalarning javobgarligini belgilash va kuchaytirish bo‘yicha takliflar tayyorlash. | Normativ-huquqiy hujjatlar loyihalari | 2009-yil II chorak | Mehnat va aholini ijtimoiy muhofaza qilish vazirligi, Iqtisodiyot vazirligi, O‘zbekiston kasaba uyushmalari Federatsiyasi Kengashi, Adliya vazirligi |
3. | O‘n sakkiz yoshdan kichik shaxslarning mehnati qo‘llanishi taqiqlanadigan noqulay mehnat sharoitlari ishlari ro‘yxatini qayta ko‘rib chiqish. | Idoraviy normativ-huquqiy hujjatga o‘zgartirishlar kiritish | 2009-yil II chorak | Mehnat va aholini ijtimoiy muhofaza qilish vazirligi, Sog‘liqni saqlash vazirligi, O‘zbekiston kasaba uyushmalari Federatsiyasi Kengashi, Savdo-sanoat palatasi, Adliya vazirligi |
4. | Bolalar mehnatidan foydalanishga yo‘l qo‘ymaslik, shuningdek uning og‘ir shakllarini taqiqlash va yo‘q qilish masalalarini voyaga yetmaganlar ishlari bo‘yicha komissiyalar majlislarida ko‘rib chiqish. | Voyaga yetmaganlar ishlari bo‘yicha komissiyalar qarorlari | Har yili | O‘zbekiston Respublikasi Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar, tumanlar va shaharlar hokimliklari huzuridagi voyaga yetmaganlar ishlari bo‘yicha komissiyalar |
5. | 16 yoshgacha bo‘lgan bolalarni ishga qabul qilish tartibini ishlab chiqish va tasdiqlash. | Idoraviy normativ-huquqiy hujjat | 2008-yil IV chorak | Mehnat va aholini ijtimoiy muhofaza qilish vazirligi, O‘zbekiston kasaba uyushmalari Federatsiyasi Kengashi |
6. | Ishga qabul qilish uchun eng kichik yosh to‘g‘risidagi Konvensiya hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiya talablarini hisobga olgan holda, 18 yoshdan kichik bo‘lgan shaxslarning og‘ir yuklarni ko‘tarish va ko‘chirishdagi mavjud normativlarni ko‘rib chiqish va zarur bo‘lganda ularga o‘zgartirishlar kiritish. | Idoraviy normativ-huquqiy hujjat | 2008-yil IV chorak | Mehnat va aholini ijtimoiy muhofaza qilish vazirligi, Sog‘liqni saqlash vazirligi, O‘zbekiston kasaba uyushmalari Federatsiyasi Kengashi |
7. | O‘quvchilarning respublika korxonalarida ishlab chiqarish amaliyotini o‘tkazish tartibi to‘g‘risidagi nizomni ishlab chiqish va tasdiqlash uchun kiritish. | Hukumat qarori loyihasi | 2008-yil IV chorak | Oliy va o‘rta maxsus ta’lim vazirligi, Xalq ta’limi vazirligi, Mehnat va aholini ijtimoiy muhofaza qilish vazirligi, Iqtisodiyot vazirligi |
8. | Oilaviy biznes va hunarmandchilik faoliyati to‘g‘risidagi nizomni, ularda o‘n sakkiz yoshga yetmagan shaxslarning ishtirok etishi tartibini nazarda tutgan holda ishlab chiqish va tasdiqlash. | Hukumat qarori loyihasi | 2009-yil II chorak | Mehnat va aholini ijtimoiy muhofaza qilish vazirligi, Iqtisodiyot vazirligi, Adliya vazirligi, Savdo-sanoat palatasi |
II. Ishga qabul qilish uchun eng kichik yosh to‘g‘risidagi Konvensiyani hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiyani amalga oshirishni nazorat qilish va monitoringini olib borish | ||||
9. | Korxonalar, tashkilotlar va jismoniy shaxslar tomonidan bolalarni mehnatga majbur qilishga yo‘l qo‘ymaslik va ular tomonidan voyaga yetmaganlar uchun qonun hujjatlarida belgilangan mehnat normalari va sharoitlariga, shuningdek Ishga qabul qilish uchun eng kichik yosh to‘g‘risidagi Konvensiya hamda Bolalar mehnatining og‘ir shakllarini taqiqla� va yo‘q qilishga doir shoshilinch choralar to‘g‘risidagi Konvensiya talablariga rioya qilinishi yuzasidan ta’sirchan nazoratni ta’minlash. | Tadbirlar rejasi | Tasdiqlash — 2008-yil sentyabr Amalga oshirish — doimo | Mehnat va aholini ijtimoiy muhofaza qilish vazirligi, Ichki ishlar vazirligi, O‘zbekiston Respublikasi Bosh prokuraturasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
10. | Ishga qabul qilish uchun eng kichik yosh va o‘n sakkiz yoshdan kichik bo‘lgan yoshlarning mehnat sharoitlari bo‘yicha mehnat qonunchiligiga rioya etilishi yuzasidan nazoratni ta’minlash. | Qonun hujjatlariga muvofiq rejali va rejadan tashqari tekshirishlar | Qonun hujjatlariga muvofiq belgilanadigan muddatlarda | Mehnat va aholini ijtimoiy muhofaza qilish vazirligi |
11. | Har bir ta’lim muassasasi darajasida o‘quvchilarning mashg‘ulotlarga doimiy ravishda qatnashmasligining har bir holatini ko‘rgazmali muhokama qilgan holda o‘quvchilarning o‘quv mashg‘ulotlaridagi davomati yuzasidan nazoratni ta’minlash. Ta’lim muassasalari rahbarlarining o‘quvchilar kontingentini saqlash va ularning davomati yuzasidan shaxsiy javobgarligini belgilash. | Ijrochilarning qo‘shma qarori | Qaror qabul qilish — 2008-yil sentyabr Amalga oshirish — doimo | Xalq ta’limi vazirligi, Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi, Yoshlar ittifoqi |
12. | Umumta’lim maktablari, kasb-hunar kollejlari va akademik litseylar o‘quvchilarining majburiy mehnatidan foydalanishga yo‘l qo‘ymaslik yuzasidan monitoring va nazoratni amalga oshirish. | Xalq ta’limi vazirligi hamda Oliy va o‘rta maxsus ta’lim vazirligining qo‘shma qarori | Qaror qabul qilish — 2008-yil sentyabr Amalga oshirish — doimo ��� | Xalq ta’limi vazirligi, “Mahalla” jamg‘armasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Yoshlar ittifoqi |
13. | O‘quv muassasasiga qatnamaydigan bolalarning ota-onalariga jamoat ta’sirini ko‘rsatish va bolalarni o‘qishga qaytarish maqsadida fuqarolarning o‘zini o‘zi boshqarish organlarining ana shunday bolalar bilan ishlashini kuchaytirish. | Ijrochilarning qo‘shma qarori | Qaror qabul qilish — 2008-yil sentyabr Amalga oshirish — doimo | Xalq ta’limi vazirligi, O‘rta maxsus, kasb-hunar ta’limi markazi, “Mahalla” jamg‘armasi |
14. | Fuqarolarning o‘zini o‘zi boshqarish organlari hududlarida (yakka tartibdagi qurilish, hunar-mandchilik sohasida va iqtisodiy faoliyatning boshqa turlarida) bolalarning majburiy mehnatidan foydalanishga yo‘l qo‘ymaslik yuzasidan jamoat nazoratini amalga oshirish. | Mahalliy davlat hokimiyati organlari qarori | Qaror qabul qilish — 2008-yil oktyabr Amalga oshirish — doimo | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, “Mahalla” jamg‘armasi |
15. | Vazirlar Mahkamasining 2007-yil 24-maydagi 106-son qaroriga muvofiq amalga oshirilayotgan aholi bandligini doimiy ravishda o‘rganish doirasida band bo‘lgan 18 yoshgacha bo‘lgan shaxslar soni to‘g‘risida ma’lumotlar olinishini ta’minlash. | Tadbirlar rejasi | Tasdiqlash — 2008-yil sentyabr Amalga oshirish—belgilangan muddatlarda | Mehnat va aholini ijtimoiy muhofaza qilish vazirligi |
16. | Amaldagi davlat statistika hisoboti doirasida 18 yoshgacha bo‘lgan xodimlar sonini hisobga olishni ta’minlash. | O‘zbekiston Respublikasi Davlat statistika qo‘mitasi qarori | 2008-yil IV chorak | O‘zbekiston Respublikasi Davlat statistika qo‘mitasi, Mehnat va aholini ijtimoiy muhofaza qilish vazirligi |
17. | Bolalar mehnati masalalari bo‘yicha bandlikning norasmiy sektorini o‘rganishni o‘tkazish metodikasini ishlab chiqish. | Metodika | 2009-yil II chorak | Mehnat va aholini ijtimoiy muhofaza qilish vazirligi |
Bolalar mehnati masalalari bo‘yicha bandlikning norasmiy sektorini o‘rganishni o‘tkazish. | O‘rganishlarni o‘tkazish | Har yili | ||
18. | Notinch oilalardagi bolalar ahvolining doimiy monitoringini amalga oshirish. | Tadbirlar rejasi | Tasdiqlash — 2008-yil sentyabr Amalga oshirish — doimo | Vazirlar Mahkamasi, Qoraqalpog‘iston Respublikasi Vazirlar Kengashi, viloyatlar, tumanlar va shaharlar hokimliklari huzuridagi Voyaga yetmaganlar ishlari bo‘yicha komissiyalar, Xalq ta’limi vazirligi, Xotin-qizlar qo‘mitasi, “Mahalla” jamg‘armasi, Yoshlar ittifoqi |
19. | Bolalarning mehnat sohasidagi huquqlari buzilishi to‘g‘risida kelib tushayotgan xabarlarga qonun hujjatlari doirasida o‘z vaqtida munosabat bildirish maqsadida Mehnat va aholini ijtimoiy muhofaza qilish vazirligi, shuningdek uning tarkibiy va hududiy bo‘linmalarida bolalar mehnati masalalari bo‘yicha doimiy faoliyat yuritadigan “Ishonch” telefonlarini tashkil etish. | Vazir buyrug‘i | 2008-yil sentyabr | Mehnat va aholini ijtimoiy muhofaza qilish vazirligi |
20. | Paxta yig‘im-terimi ishlarida umumta’lim maktablari o‘quvchilarining majburiy mehnatidan foydalanishga yo‘l qo‘ymaslik yuzasidan joylarda monitoring olib borish uchun ishchi guruh tashkil etish. | Ishchi guruh tarkibi va harakatlar rejasi | 2008-yil sentyabr, keyinchalik har yili––avgust | Xalq ta’limi vazirligi, Mehnat va aholini ijtimoiy muhofaza qilish vazirligi, Tashqi iqtisodiy aloqalar, investitsiyalar va savdo vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
Paxta yig‘im-terimi ishlarida umumta’lim maktablari o‘quvchilarining majburiy mehnatidan foydalanishga yo‘l qo‘ymaslik yuzasidan joylarda monitoring olib borish. | Har yili— avgust-noyabr | |||
Monitoring natijalari to‘g‘risidagi tahliliy ma’lumotnomani tegishli takliflar bilan birga Vazirlar Mahkamasiga kiritish. | Har yili — 10-sentabr, 10-oktabr, 10-noyabr, 10-dekabr | |||
21. | Jamoa shartnomalarini, ularga yoshlarga nisbatan, ayniqsa o‘n sakkiz yoshdan kichik bo‘lgan shaxslarga nisbatan mehnat qonunchiligida va mehnatni muhofaza qilish to‘g‘risidagi qonun hujjatlarida nazarda tutilgan huquqlar va qo‘shimcha kafolatlarga rioya qilishni, shuningdek ularning ishlab chiqarishda ijtimoiy muhofazasi ta’minlanganligini kafolatlaydigan maxsus qoidalarni kiritgan holda qayta ko‘rib chiqish. | Jamoa shartnomasi tuzish bo‘yicha tavsiyalar | 2008-yil IV chorak | O‘zbekiston kasaba uyushmalari Federatsiyasi Kengashi, Mehnat va a�olini ijtimoiy muhofaza qilish vazirligi, Savdo-sanoat palatasi |
III. Ishga qabul qilish uchun eng kichik yosh to‘g‘risidagi Konvensiyani hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiyani amalga oshirish masalalari bo‘yicha keng axborot-tushuntirish ishlari olib borish | ||||
22. | O‘zbekiston Respublikasi tomonidan ratifikatsiya qilingan Ishga qabul qilish uchun eng kichik yosh to‘g‘risidagi Konvensiya hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiya mazmunini tushuntirgan holda ommaviy axborot vositalarida axborot materiallari e’lon qilish. | 2008-2009-yillar uchun ommaviy axborot vositalarida yoritish dasturi | Tasdiqlash — 2008-yil sentyabr Amalga oshirish — 2008-2009-yillar | Mehnat va aholini ijtimoiy muhofaza qilish vazirligi, Adliya vazirligi, O‘zbekiston kasaba uyushmalari Federatsiyasi Kengashi, Savdo-sanoat palatasi, “Kamolot” yoshlar ijtimoiy harakati |
23. | O‘zbekiston Respublikasi tomonidan ratifikatsiya qilingan Ishga qabul qilish uchun eng kichik yosh to‘g‘risidagi Konvensiya hamda Bolalar mehnatining og‘ir shakllarini taqiqlash va yo‘q qilishga doir shoshilinch choralar to‘g‘risidagi Konvensiya mazmunini tushuntirib beradigan axborot materiallari (risolalar, bukletlar)ni ish beruvchilar va fuqarolarning o‘zini o‘zi boshqarish organlari o‘rtasida tarqatish. | Axborot materiallarini ishlab chiqish va nashr etish qo‘shma rejasi | Tasdiqlash — 2008-yil sentyabr Amalga oshirish — 2008-2009-yillar | Mehnat va aholini ijtimoiy muhofaza qilish vazirligi, O‘zbekiston kasaba uyushmalari Federatsiyasi Kengashi, Savdo-sanoat palatasi, XMT**, YUNISEF** |
24. | Ota-onalarni bolalar mehnatining og‘ir shakllari oqibatlari to‘g‘risida maqsadli xabardor qilishga yo‘naltirilgan chora-tadbirlar kompleksini ishlab chiqish va amalga oshirish. | Chora-tadbirlar kompleksi | Tasdiqlash — 2008-yil oktyabr Amalga oshirish — doimo | Xalq ta’limi vazirl�gi, O‘rta maxsus, kasb-hun?r ta’limi markazi, XMT**, YUNISEF** |
25. | Xalqaro tashkilotlar vakillari ishtirokida Butunjahon bolalar mehnatiga qarshi kurashish kuniga bag‘ishlangan “davra suhbati” tashkil etish. | Bolalar mehnati muammolarini keng muhokama qilish | 2009-yildan boshlab har yili 12-iyulda | Mehnat va aholini ijtimoiy muhofaza qilish vazirligi, vazirliklar va idoralar |
26. | Manfaatdor xalqaro tashkilotlar uchun respublika tomonidan bolalar mehnatining og‘ir shakllariga yo‘l qo‘ymaslik bo‘yicha ko‘rilayotgan chora-tadbirlar masalalari bo‘yicha yillik ma’ruzalar tayyorlash. | Xalqaro jamoatchilikni bolalar mehnatining og‘ir shakllarini yo‘q qilish chora-tadbirlari to‘g‘risida xabardor qilish | Har yili 1-fevralgacha | Mehnat va aholini ijtimoiy muhofaza qilish vazirligi, Tashqi ishlar vazirligi, Xalq ta’limi vazirligi, Tashqi iqtisodiy aloqalar, investitsiyalar va savdo vazirligi, O‘zbekiston kasaba uyushmalari Federatsiyasi Kengashi, Inson huquqlari bo‘yicha milliy markaz, YUNISEF**, XMT**, PROON** |
27. | Bolalar mehnati masalalari bo‘yicha xalqaro konferensiyalarda O‘zbekiston delegatsiyasining ishtirokini ta’minlash va ushbu masalalar bo‘yicha O‘zbekiston munosabatini xalqaro jamoatchilikka yetkazish. | Bolalar mehnatining og‘ir shakllarini yo‘q qilish chora-tadbirlari to‘g‘risida xalqaro jamoatchilikni xabardor qilish | Belgilangan tartibda kelishuv bo‘yicha | Mehnat va aholini ijtimoiy muhofaza qilish vazirligi, Tashqi ishlar vazirligi, Tashqi iqtisodiy aloqalar, investitsiyalar va savdo vazirligi, Xalq ta’limi vazirligi, O‘zbekiston kasaba uyushmalari Federatsiyasi Kengashi, Bosh prokuratura, XMT**, YUNISEF**, PROON** |
28. | 2010-yildan boshlab kasb-hunar kollejlari, akademik litseylar va oliy o‘quv yurtlarida o‘quv rejalari va o‘quv dasturlariga “Biznes bilan tanishish” va “Mehnat huquqi” o‘quv modullarini joriy etish. | Chora-tadbirlar kompleksi | Tasdiqlash—2008-yil oktyabr Amalga oshirish — 2008-2009-yillar | O‘rta maxsus, kasb-hunar ta’limi markazi, Savdo-sanoat palatasi, XMT** |
29. | Qishloq xo‘jaligi ishlarini amalga oshirishda bolalarning majburiy mehnatidan foydalanishga yo‘l qo‘ymaslik to‘g‘risida qo‘shma bayonot qabul qilish. | Ijrochilarning qo‘shma bayonoti | 2008-yil III chorak | Fermer xo‘jaliklari uyushmasi, O‘zbekiston kasaba uyushmalari Federatsiyasi Kengashi, Mehnat va aholini ijtimoiy muhofaza qilish vazirligi |
IV. Bolalar mehnatining og‘ir shakllariga yo‘l qo‘ymaslikka yo‘naltirilgan xalqaro hamkorlik loyihalarini amalga oshirish | ||||
30. | O‘zbekiston Respublikasining XMTning Bolalar mehnatiga barham berish bo‘yicha Dasturi (IPEK)ga qo‘shilishi yuzasidan takliflar ishlab chiqish va kiritish.Mamlakatimizda XMT IPEK faoliyatining ustuvor yo‘nalishlarini shakllantirish. | Tadbirlar rejasi, O‘zaro tushunish to‘g‘risidagi Memorandum loyihasi | 2009-yil II chorak | Mehnat va aholini ijtimoiy muhofaza qilish vazirligi, Tashqi ishlar vazirligi, Xalq ta’limi vazirligi, Iqtisodiyot vazirligi |
31. | Bolalar huquqlarini himoya qilish va bolalar mehnatining og‘ir shakllariga yo‘l qo‘ymaslik masalalari bo‘yicha: — mehnat va aholini ijtimoiy muhofaza qilish organlari, xalq ta’limi organlari (umumta’lim maktablari rahbarlari) va huquqni muhofaza qilish organlari xodimlari uchun; — bolalar huquqlarini ta’minlash va bolalar mehnati muammolarini yoritadigan ommaviy-axborot vositalari jurnalistlari va muharrirlari uchun; — kasaba uyushmalari tashkilotlari rahbarlari uchun trening va seminarlar turkumini tashkil etish. | YUNISEF, XMT, PROON va Osiyo taraqqiyot banki moliyaviy ko‘magida o‘tkaziladigan trening va seminarlar dasturi | Tasdiqlash — 2008-yil oktyabr Amalga oshirish— 2008––2009-yillar | Mehnat va aholini ijtimoiy muhofaza qilish vazirligi, Xalq ta’limi vazirligi, O‘rta maxsus, kasb-hunar ta’limi markazi, Bosh prokuratura, Ichki ishlar vazirligi, Adliya vazirligi, O‘zbekiston kasaba uyushmalari Federatsiyasi Kengashi, YUNISEF**, XMT**, PROON**, Osiyo taraqqiyot banki** |
32. | Mamlakatimiz mintaqalarida tumanlar va shaharlar hokimlari o‘rinbosarlari uchun bolalar huquqlarini ta’minlash va ularni mehnatning og‘ir shakllaridan muhofaza qilish masalalari bo‘yicha treninglar o‘tkazish. | YUNISEF tomonidan moliyalashtiriladigan treninglar dasturi | 2008––2009-yillar | Davlat va jamiyat qurilishi akademiyasi, YUNISEF** |
33. | Fermyerlar o‘rtasida qishloq xo‘jaligi ishlariga qatnashishga bolalarni jalb etishda qonun hujjatlari buzilishiga yo‘l qo‘ymaslik masalalari bo‘yicha axborot-tushuntirish ishlari o‘tkazish. | Axborot-tushuntirish ishlari jadvali, dasturi | Tasdiqlash — 2008-yil sentyabr Amalga oshirish — 2009-yil | Fermer xo‘jaliklari uyushmasi, O‘zbekiston kasaba uyushmalari Federatsiyasi Kengashi, Mehnat va aholini ijtimoiy muhofaza qilish vazirligi, YUNISEF** |
34. | Bolalar huquqlarini ta’minlash, shu jumladan mehnat sohasida ta’minlash va bolalar mehnatining og‘ir shakllariga yo‘l qo‘ymaslik masalalari bo‘yicha axborot materiallari (plakatlar, postyerlar) ishlab chiqish va o‘quv yurtlarida tarqatish. | YUNISEFning moliyaviy ishtirokida nashr prospekti va ishlab chiqish jadvali | 2009-yil | Xalq ta’limi vazirligi, O‘rta maxsus, kasb-hunar ta’limi markazi, YUNISEF** |
35. | “Bolalarning muhofazalanganligini ta’minlaydigan muhitni qo‘llab-quvvatlash” loyihasini ishlab chiqish va amalga oshirishni ta’minlash, unda: — kam ta’minlangan oilalarni ijtimoiy muhofaza qilish bo‘yicha qo‘shimcha chora-tadbirlarni; — infratuzilmani va hayotda og‘ir vaziyatlarga tushib qolgan bolalarni qo‘llab-quvvatlash metodlarini takomillashtirishni nazarda tutish. Ushbu loyihani aholi farovonligini oshirish mintaqaviy strategiyalariga joriy etish. | Loyihani amalga oshirish dasturi, moliyaviy hujjatlar | Ishlab chiqish — 2009-yil 1-yanvargacha Amalga oshirish — 2009-2010-yillar | Mehnat va aholini ijtimoiy muhofaza qilish vazirligi, Xalq ta’limi vazirligi, YUNISEF, Osiyo taraqqiyot banki, PROON |
36. | Mintaqaga maqsadli donor mablag‘larini jalb qilgan holda Orolbo‘yi mintaqasida yashayotgan bolalarning farovonligini oshirish uchun qulay muhit yaratishni nazarda tutadigan 2009-2010-yillar uchun “Orol bolalari” xalqaro dasturini ishlab chiqish. | Dasturni tasdiqlash to‘g‘risida Hukumat qarori | Ishlab chiqish — 2009-yil II chorak Amalga oshirish — 2009-2010-yillar | Orol genofondini himoya qilish jamg‘armasi, YUNISEF**, PROON**, vazirliklar va idoralar, Qoraqalpog‘iston Respublikasi Vazirlar Kengashi, Xorazm va Buxoro viloyatlari hokimliklari |
37. | Kam ta’minlangan oilalar uchun bolalar mehnatiga iqtisodiy muqobil choralar sifatida, shu jumladan aholining o‘zini o‘�i ish bilan band qilishi?a ko‘maklashish maqsadida ayniqsa uzoq qishloq va tog‘li tumanlarda yangi ish o‘rinlari tashkil etish va mavjud ish o‘rinlari samaradorligini oshirish bo‘yicha innovatsiya dasturlarini ishlab chiqish va amalga oshirish. | Ijrochilar tomonidan tasdiqlangan dasturlar | 2009––2010-yillar | Mehnat va aholini ijtimoiy muhofaza qilish vazirligi, Iqtisodiyot vazirligi, Savdo-sanoat palatasi, viloyatlar va Toshkent shahar hokimliklari, Osiyo taraqqiyot banki, PROON, xalqaro donor tashkilotlar |
(ilova O‘zbekiston Respublikasi Vazirlar Mahkamasining 2017-yil 12-sentabrdagi 712-sonli qarori tahririda — O‘R QHT, 2017-y., 37-son, 996-modda)