LexUZ sharhi
Mazkur qaror O‘zbekiston Respublikasi Vazirlar Mahkamasining 1993-yil 27-maydagi 259-sonli “Aholiga sotiladigan oziq-ovqat mahsulotlarining chakana narxlarini va xizmatlarning tariflarini qayta ko‘rib chiqish to‘g‘risida”gi qarori bilan o‘z kuchini yo‘qotgan.
Yoqilg‘i, energiya manbalari, texnika va asbob-uskunalarga sarflanayotgan xarajatlar muttasil o‘sib borayotgan sharoitda respublika shahar va shahar atrofi yo‘lovchilar transportining barqaror ishlashi uchun zarur sharoitlar yaratish maqsadida Vazirlar Mahkamasi qaror qiladi:
1. 1993-yilning 5-yanvaridan boshlab metro, tramvay, trolleybus va avtobusda bir marta yurish uchun cheklangan tarif — 3 so‘m qilib belgilansin.
2. 1993-yilning 5-yanvaridan boshlab shahar atrofiga yo‘lovchilarni avtomobilda tashish tariflarining amaldagi cheklangan miqdori 1,5 baravar oshirilsin.
3. Aholining ayrim toifalariga shahar va shahar atrofi yo‘lovchilar avtomobil transportida yurish uchun hozirgi vaqtda amal qilib turgan imtiyozlar saqlab qolinsin.