“Umumiy harbiy majburiyat va harbiy xizmat to‘g‘risida”gi Qonunga muvofiq, muqobil xizmatni tashkil etish va O‘zbekiston Respublikasi fuqarolarining uni o‘tashi tartibini takomillashtirish maqsadida Vazirlar Mahkamasi qaror qiladi:
1. Muqobil xizmatni tashkil etish va O‘zbekiston Respublikasi fuqarolarining uni o‘tashi tartibi to‘g‘risidagi Nizom, shuningdek korxonalari, tashkilotlari va muassasalarida fuqarolar tomonidan muqobil xizmat o‘taladigan vazirliklar va idoralar ro‘yxati 1 va 2-ilovalarga muvofiq tasdiqlansin.
2. O‘zbekiston Respublikasi Vazirlar Mahkamasining “Muqobil xizmatni tashkil etish va uni o‘tash tartibi to‘g‘risidagi Nizomni tasdiqlash haqida” 1993-yil 7-iyundagi 275-son qarori (O‘zbekiston Respublikasi QT, 1993-y., 6-son, 21-modda) o‘z kuchini yo‘qotgan deb hisoblansin.
2004-yil dekabrgacha muqobil xizmat organlarini bosqichma-bosqich tugatsin va ular faoliyatiga rahbarlik qilishni mudofaa ishlari hududiy organlariga yuklasin.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari H.S. Karomatov zimmasiga yuklansin.
1. Mazkur Nizom O‘zbekiston Respublikasi fuqarolari tomonidan muqobil xizmatni o‘tash tartibini, shuningdek, uni tashkil etish yuzasidan joylardagi davlat hokimiyati organlari, vazirliklar, idoralar, konsernlar, korxonalar, tashkilotlar va muassasalarning vazifalarini belgilaydi.
2. Muqobil xizmat fuqarolarning umumiy harbiy majburiyatni bajarishining chaqiruv bo‘yicha harbiy xizmat o‘rniga iqtisodiyot, ijtimoiy sohaning turli tarmoqlarida kam malaka talab etiladigan (yordamchi) ishlarni, shuningdek falokatlar, halokatlar, tabiiy ofatlar va boshqa favqulodda vaziyatlar oqibatlarini bartaraf etish ishlarini bajarish bilan bog‘liq bo‘lgan alohida turidir.
3. Muqobil xizmatga rahbarlikni, uni o‘tash ustidan nazoratni, shuningdek, muqobil xizmat xizmatchilarining huquqlarini himoya qilishni va ijtimoiy kafolatlarini ta’minlashni tegishli mudofaa ishlari organlari amalga oshirdilar.
4. O‘zbekiston Respublikasi fuqarolarining muqobil xizmatni o‘tashi O‘zbekiston Respublikasi Konstitutsiyasiga, “Umumiy harbiy majburiyat va harbiy xizmat to‘g‘risida”gi Qonunga, mazkur Nizomga va boshqa qonun hujjatlariga muvofiq amalga oshiriladi.
Keyingi tahrirga qarang.
5. Fuqarolarni muqobil xizmatga chaqirish “Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonuniga muvofiq Vazirlar Mahkamasining qarori asosida amalga oshiriladi.
6. Fuqarolarni muqobil xizmatga chaqirish joylardagi davlat hokimiyati organlariga, tuman (shahar) chaqiriq komissiyalariga, hokimliklariga, shuningdek, tegishli tuman (shahar) mudofaa ishlari organlariga yuklatiladi.
7. O‘n sakkiz yoshdan yigirma yetti yoshgacha bo‘lgan, harbiy ro‘yxatda turuvchi va xizmatga chaqirilishi lozim bo‘lgan fuqarolar, agar ular diniy ta’limoti qurol-yarog‘dan foydalanish va Qurolli Kuchlarda xizmat qilishga yo‘l qo‘ymaydigan, ro‘yxatga olingan diniy tashkilotlar hisobida tursalar, muqobil xizmat huquqiga ega.
Muqobil xizmatga chaqiriladigan fuqarolar o‘zlarining ko‘rsatib o‘tilgan ro‘yxatdan o‘tkazilgan diniy tashkilotlarga mansubliligi to‘g‘risida ma’lumotnoma taqdim etgan holda tuman (shahar) mudofaa ishlari organlarini oldindan xabardor qiladilar.
8. Muqobil xizmatning muddati yigirma to‘rt oyni, oliy ma’lumotli fuqarolar uchun esa o‘n sakkiz oyni tashkil etadi.
9. Muqobil xizmatga chaqiriluvchilarning tibbiy ko‘rigi Tinch davrda va urush davrida O‘zbekiston Respublikasi Qurolli Kuchlarida tibbiy ko‘rikdan o‘tkazish to‘g‘risidagi Nizomga muvofiq tuman (shahar) mudofaa ishlari organi tomonidan tashkil etiladi va o‘tkaziladi.
10. Tuman (shahar) chaqiruv komissiyasi taqdim etilgan hujjatlar asosida va tibbiy ko‘rik natijalariga muvofiq fuqarolarni muqobil xizmatga chaqirish to‘g‘risida tegishli qaror qabul qiladi.
Chaqiriq sanasi va xizmat o‘talayotgan joy haqidagi belgi qo‘yilgan muqobil xizmat xizmatchilari guvohnomasi fuqarolarning muqobil xizmatga munosabatini tasdiqlovchi hujjat hisoblanadi.
11. Muqobil xizmatga chaqirilgan fuqaro unga xizmatni o‘tash joyi tayinlanganligi to‘g‘risidagi va yetib borish muddati belgilangan yozma ko‘rsatmani olish uchun tuman mudofaa ishlari bo‘limiga belgilangan muddatda yetib keladi.
Muqobil xizmatga chaqirilgan fuqarolarni o‘zlarining yashash joylaridagi, shuningdek mamlakatning boshqa mintaqalaridagi korxonalar, tashkilotlar va muassasalarga yuborish yetib borish muddati belgilangan holda yakka tartibda amalga oshiriladi.
Ishga qabul qilinganlik to‘g‘risida buyruq chiqarilgan kun muqobil xizmat boshlangan kun hisoblanadi.
12. Muqobil xizmatni o‘tash Vazirlar Mahkamasining qarori bilan belgilangan vazirliklar, idoralar va konsernlarning korxonalari, tashkilotlari va muassasalarida amalga oshiriladi.
Muqobil xizmatni o‘tayotgan fuqarolarga mehnat to‘g‘risidagi qonun hujjatlari tatbiq etiladi. Muqobil xizmat muddati mehnat stajiga qo‘shiladi.
Keyingi tahrirga qarang.
Muqobil xizmatni o‘tayotgan fuqaro rahbarlik va saylab qo‘yiladigan lavozimlarni egallashi, tadbirkorlik faoliyati bilan shug‘ullanishi, ta’lim muassasalariga o‘qishga kirishi mumkin emas.
13. Muqobil xizmatni o‘tayotgan fuqaro uni belgilangan joyda o‘tashi, qonun hujjatlarida nazarda tutilgan talablarga, ish joyida amal qiladigan ichki mehnat tartibi qoidalariga, shuningdek mehnat shartnomasi (kontrakti) shartlariga rioya etishi shart.
Keyingi tahrirga qarang.
Muqobil xizmat xizmatchilarining korxonalar, tashkilotlar va muassasalarda mehnat shartnomasi (kontrakt) tuzmasdan mehnat faoliyati bilan shug‘ullanishi taqiqlanadi.
14. Muqobil xizmatni o‘tayotgan fuqarolar falokatlar, halokatlar va tabiiy ofatlar oqibatlarini bartaraf qilish ishlariga jalb etilgan taqdirda yuzaga kelgan vaziyatdan kelib chiqadigan hamda ana shu oqibatlarni bartaraf etish komissiyalari yoki shtablarining joylardagi rahbarlari tomonidan belgilanadigan maxsus vazifalarni bajaradilar.
15. Muqobil xizmat xizmatchilarini muqobil xizmat o‘taladigan boshqa korxonalar, tashkilotlar, muassasalarga o‘tkazish:
xodimlar soni (shtati) o‘zgarishiga yoki ish xususiyati o‘zgarishiga, yoxud korxonaning tugatilishiga olib kelgan texnologiyadagi, ishlab chiqarish va mehnatni tashkil etishdagi o‘zgarishlar, ish hajmlarining qisqarishi;
falokatlar, halokatlar, tabiiy ofatlar va favqulodda hodisalarni tugatish bo‘yicha ishlarni bajaruvchi korxonalar, tashkilotlar va muassasalarni butlash zaruriyati bo‘lgan hollarda amalga oshiriladi.
respublika doirasida — O‘zbekiston Respublikasi Qurolli Kuchlari Birlashgan shtabining Tashkiliy-safarbarlik bosh boshqarmasining boshlig‘iga beriladi.
Keyingi tahrirga qarang.
16. Xizmat davrida muqobil xizmat xizmatchilari Mudofaa vazirligi tomonidan belgilangan dasturlar bo‘yicha O‘zbekiston Respublikasi Mudofaa vazirligining harbiy qismlari va muassasalarida o‘tkaziladigan harbiy tayyorgarlik bo‘yicha o‘quv yig‘inlari (mashg‘ulotlar)ga jalb qilinadilar. O‘quv yig‘inlari tamom bo‘lgach muqobil xizmat xizmatchilari, o‘qitish dasturiga muvofiq qurol-yarog‘dan foydalanish va qo‘llash bilan bog‘liq bo‘lmagan harbiy hisobga olish mutaxassisligini oladilar va harbiy qasamyod qiladilar.
Keyingi tahrirga qarang.
Mudofaa ishlari organlari korxonalar, tashkilotlar va muassasalarning rahbarlarini oldindan va 1 oydan kechiktirmay muqobil xizmat xizmatchilarini o‘quv yig‘inlariga jalb qilish haqida xabardor qiladilar va keyinchalik muqobil xizmat xizmatchilarini yig‘inlar o‘tkaziladigan joyga yuborishni amalga oshiradilar.
17. Muqobil xizmatni o‘tayotganda mehnat qobiliyatini yo‘qotgan fuqarolar va halok bo‘lgan fuqarolarning oilalari, shuningdek ularning qaramog‘ida bo‘lgan shaxslar qonun hujjatlariga muvofiq muddatli harbiy xizmatdagi harbiy xizmatchilar uchun belgilangan nafaqalar va pensiya ta’minoti olish huquqiga ega.
Keyingi tahrirga qarang.
18. Belgilangan xizmat muddatlarini o‘tab bo‘lgan muqobil xizmat xizmatchilari O‘zbekiston Respublikasi Qurolli Kuchlari zaxirasiga bo‘shatiladilar.
Muqobil xizmat xizmatchilarini bo‘shatish O‘zbekiston Respublikasi Vazirlar Mahkamasining qarori asosida amalga oshiriladi.
Fuqaro oilaviy ahvoli o‘zgarganligi munosabati bilan, agar bu hol unga qonun hujjatlariga muvofiq chaqirilish muddatini kechiktirish yoki chaqirilishdan ozod etilish huquqini beradigan bo‘lsa, muqobil xizmatdan muddatidan oldin bo‘shatilishi mumkin.
Keyingi tahrirga qarang.
19. O‘zbekiston Respublikasi Qurolli Kuchlari zaxirasiga bo‘shatiladigan muqobil xizmat xizmatchilari harbiy xizmatga chaqirilgan joydagi tuman (shahar) mudofaa ishlari bo‘limiga yuboriladilar va ular uch kun muddatda harbiy hisobga turishlari shart.
20. Qoraqalpog‘iston Respublikasi Vazirlar Kengashi, viloyat, tuman (shahar) hokimliklari korxonalar, tashkilotlar va muassasalarga tegishli kvotalar belgilaydi va muqobil xizmat xizmatchilarini ish bilan ta’minlaydi.
“Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonuni talablariga va mudofaa ishlari tegishli organi bilan tuzilgan shartnoma shartlariga qat’iy rioya qilishga;
muqobil xizmat xizmatchilarini ustavlar, nizomlar, ichki tartib-intizom qoidalari, mehnat va o‘qish sharoitlari bilan tanishtirishga, ularning huquqlari, burchlari va javobgarliklarini tushuntirishga;
mudofaa ishlari fuqarolarning muqobil xizmatga kelganliklari to‘g‘risida xabardor qilishga, xizmatchilar tomonidan mehnat to‘g‘risidagi qonunlarning buzilishi va ularning uzrsiz sabablar bilan xizmatga chiqmasligi hollari to‘g‘risida xabardor qilishga;
har oyda O‘zbekiston Respublikasi Mudofaa vazirligining hisob (budjetdan tashqari) raqamiga muqobil xizmat faoliyatini ta’minlash uchun foydalaniladigan xizmatchilar ish haqining 20 foizini o‘tkazishga;
Keyingi tahrirga qarang.
tegishli shartnomalar bilan belgilanadigan miqdorlarda muqobil xizmat xizmatchilarini ishchi kasblarga o‘qitish uchun mablag‘ ajratishga majburdir.
Keyingi tahrirga qarang.
Keyingi tahrirga qarang.
Keyingi tahrirga qarang.