LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Keyingi yillarda demokratik islohotlarning samarali huquqiy bazasini yaratish va fuqarolik jamiyatini shakllantirish, mamlakatni modernizatsiya va isloh qilishga qaratilgan keng ko‘lamli ishlar amalga oshirildi.
Shu bilan birga, qonun hujjatlarini tanqidiy tahlil qilish jarayonida qonunlarda amalga oshirishning huquqiy mexanizmlari bilan ta’minlanmagan qator havolaki normalar aniqlandi. Bu qonunlarni sharhlash va qo‘llashda subyektivlik, tor idoraviy tanlovli yondashuv uchun shart-sharoit yaratadi.
Qonunchilikni yanada takomillashtirish, normativ-huquqiy hujjatlardagi bo‘shliqlarni to‘ldirish, qonunlarning havolaki normalarini amalga oshirish bo‘yicha aniq chora-tadbirlarni ko‘rish, shuningdek davlat hokimiyati va boshqaruvi organlari, huquqni muhofaza qiluvchi va nazorat tuzilmalarining bir xil huquqni qo‘llash amaliyotini ta’minlash maqsadida:
1. Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalari:
*1—4-ilovalar rus tilidagi matnda berilgan.
bir hafta muddatda vazirliklar, idoralar vakillari, yetakchi olimlar va mutaxassislar orasidan tegishli sohalarda normativ-huquqiy hujjatlar loyihalarini tayyorlash bo‘yicha ekspert guruhlari tuzilishi, shuningdek ularning faoliyatiga samarali rahbarlik qilinishini;
qonun hujjatlarini tanqidiy tahlil qilish, milliy va xalqaro tajribani chuqur va har tomonlama o‘rganish yakunlari bo‘yicha vazirliklar va idoralar tomonidan normativ-huquqiy va boshqa hujjatlarning belgilangan muddatlarda ishlab chiqilishini;
mazkur qarorda nazarda tutilgan normativ-huquqiy hujjatlarning belgilangan muddatlarda kelishilishi, shuningdek qabul qilinishini;
mazkur qarorda nazarda tutilgan normativ-huquqiy hujjatlar loyihalarini belgilangan tartibda tegishlicha O‘zbekiston Respublikasi Prezidenti Devoni, O‘zbekiston Respublikasi Oliy Majlisi Qonunchilik palatasiga kiritilishini ta’minlasin.
normativ-huquqiy hujjatlar loyihalari belgilangan tartibda kelishuv tartibotlaridan o‘tkazilishi hamda O‘zbekiston Respublikasi Prezidenti Devoni, O‘zbekiston Respublikasi Oliy Majlisi va Vazirlar Mahkamasiga kiritilishi ustidan monitoring qilinishini;
mazkur qarorda nazarda tutilgan normativ-huquqiy hujjatlar loyihalari huquqiy ekspertizadan o‘tkazilishi, shuningdek idoraviy normativ-huquqiy hujjatlar o‘z vaqtida davlat ro‘yxatiga olinishini;
vazirliklar va idoralar, mahalliy davlat hokimiyati organlarining hujjatlari qabul qilinadigan normativ-huquqiy hujjatlar bilan muvofiqlashtirilishi ustidan nazoratni ta’minlasin.
4. Vazirliklar, idoralar va mahalliy davlat hokimiyati organlari rahbarlari zimmasiga mazkur qarorda nazarda tutilgan normativ-huquqiy va boshqa hujjatlar loyihalarining o‘z vaqtida va sifatli tayyorlanishi, ekspertiza qilinishi va kelishilishi yuzasidan shaxsiy mas’uliyat yuklansin.
5. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev va O‘zbekiston Respublikasi Prezidentining Davlat maslahatchisi N.M. Ismailov zimmasiga yuklansin.