O‘zbekiston Respublikasi Oliy Kengashi qaror qiladi:
1. “Mustaqillik” ordeni bilan O‘zbekiston Respublikasining fuqarolari mustaqil huquqiy davlat barpo etish va uni mustahkamlashga, respublikada tinchlik va taraqqiyotni ta’minlashga qo‘shgan ulkan hissalari uchun mukofotlanadilar.
“Mustaqillik” ordeni bilan ayrim hollarda O‘zbekiston Respublikasi fuqarosi bo‘lmagan shaxslar ham mukofotlanishi mumkin.
2. “Mustaqillik” ordeni bilan O‘zbekiston Respublikasining Prezidenti mukofotlaydi. Orden bilan mukofotlash to‘g‘risidagi Farmon matbuotda va boshqa ommaviy axborot vositalarida e’lon qilinadi.
O‘zbekiston Respublikasi Prezidentini “Mustaqillik” ordeni bilan mukofotlash O‘zbekiston Respublikasi Oliy Majlisi tomonidan amalga oshiriladi.
Z. “Mustaqillik” ordeni bilan mukofotlash O‘zbekiston Respublikasi Vazirlar Mahkamasi, O‘zbekiston Respublikasi Konstitutsiyaviy sudining Raisi, O‘zbekiston Respublikasi Oliy sudining Raisi, O‘zbekiston Respublikasi Oliy xo‘jalik sudining Raisi, O‘zbekiston Respublikasi Bosh prokurori, Qoraqalpog‘iston Respublikasi Jo‘qorg‘i Kengesining Raisi, viloyatlar va Toshkent shahar hokimlari, vazirliklar, davlat qo‘mitalari va idoralar rahbarlarining hamda jamoat birlashmalari respublika organlarining taqdimnomasiga binoan amalga oshiriladi.
Keyingi tahrirga qarang.
4. “Mustaqillik” ordenini va bu mukofotga oid tegishli hujjatni tantanali va keng oshkoralik vaziyatida O‘zbekiston Respublikasi Prezidenti yoki uning nomidan O‘zbekiston Respublikasi Oliy Majlisining Raisi, O‘zbekiston Respublikasi Bosh vaziri topshiradi.
Keyingi tahrirga qarang.
5. “Mustaqillik” ordeni bilan mukofotlangan shaxslar eng kam oylik ish haqining ellik karrasi miqdorida bir yo‘la to‘lanadigan pul mukofoti oladilar.
Keyingi tahrirga qarang.
“Mustaqillik” ordeni bilan mukofotlangan shaxslar qonun hujjatlarida belgilab qo‘yiladigan imtiyozlardan foydalanadilar.
7. “Mustaqillik” ordeni bilan vafotidan keyin mukofotlangan taqdirda orden, mukofotlash to‘g‘risidagi hujjat va bir yo‘la to‘lanadigan pul mukofoti mukofotlanganning oilasiga topshiriladi.
“Mustaqillik” ordeni dastlab 0,5 mikron qalinlikda nikel, keyin esa 0,25 mikron qalinlikda tilla qoplangan 925 darajali (probali) kumushdan tayyorlanadi. Orden ikki yon bag‘ridan zarhal nur taralgan sakkiz qirrali yulduz ko‘rinishida bo‘ladi. Yulduzning burchaklari orasida taram bo‘lib tarqalayotgan yoqutrang emal bilan qoplangan nurlar joylashgan. Yulduzning qarama-qarshi joylashgan uchlarining orasi 48 millimetr. Nurlar jo bo‘lgan aylananing diametri 44 millimetr.
Ordenning markazida mustaqillik ramzi bo‘lmish kumush rangdagi Humo qushi tasvirlangan. Humo qushi ortidagi, rangli emaldan ishlangan manzara O‘zbekiston go‘zalligi va boyligining ramziy ifodasidir.
Humo qushini o‘rab turgan aylananing yuqori qismida O‘zbekiston Respublikasi Davlat gerbining ramzi — yarim oy va yulduzni o‘z ichiga olgan moviy musamman tasvirlangan. Musamman jo bo‘lgan sath aylanasining diametri 9 millimetr, yarim oy hamda besh qirrali yulduz jo bo‘lgan sath aylanasining diametrlari tegishlicha 5 va 3 millimetrdir. Aylananing tepa qismida o‘n ikkita insoniy fazilat ramzi bo‘lgan, diametri 2 millimetrli o‘n ikkita yoqut tosh bor. Aylananing diametri 31 millimetr, eni esa 5 millimetrdir.
Aylananing pastki qismida yoqutrang emal bilan qoplangan “MUSTAQILLIK” degan yozuv bor. Harflarning balandligi 3 millimetr.
Ordenning orqa tomoni botiq bo‘lib, markazida ordenni taqish uchun o‘yma shtift va burab kirgiziladigan murvat bor.
Keyingi tahrirga qarang.