LexUZ шарҳи
Ушбу қарор Ўзбекистон Республикаси Олий Мажлисининг 2001 йил 12 майдаги «Амалга оширилиши учун лицензиялар талаб қилинадиган фаолият турларининг рўйхати тўғрисида»ги 222-II-сонли қарорига мувофиқ ўз кучини йўқотган.
Ўзбекистон Республикаси Олий Кенгаши Раёсати қарор қилади:
1. Ўзбекистон Республикаси Олий Кенгашининг 1992 йил 14 январдаги қарори билан тасдиқланган (Ўзбекистон Республикаси Олий Кенгашининг Ахборотномаси, 1992 йил, № 4, 182-модда) Мулкчиликнинг барча шаклидаги корхоналар (ташкилотлар), шу жумладан чет эл корхоналари ва қўшма корхоналар фақат махсус рухсатнома (лицензия) асосидагина шуғулланишга ҳақли бўлган фаолият турларининг Рўйхатига ўзгартишлар ва қўшимчалар киритиш тўғрисидаги Ўзбекистон Республикаси Вазирлар Маҳкамасининг таклифи янги таҳрирдаги иловага мувофиқ қабул қилинсин.
Ўзбекистон Республикаси Олий
Кенгашининг 1992 йил 14 январдаги
қарорига илова (Ўзбекистон
Республикаси Олий Кенгаши
Раёсатининг 1994 йил 18 апрелдаги
1034-XII-сонли қарори билан
тасдиқланган таҳрирда)
Кенгашининг 1992 йил 14 январдаги
қарорига илова (Ўзбекистон
Республикаси Олий Кенгаши
Раёсатининг 1994 йил 18 апрелдаги
1034-XII-сонли қарори билан
тасдиқланган таҳрирда)
Қурол-аслаҳалар ва уларнинг ўқ-дорилари, ҳимоя воситалари, ҳарбий техника, агар бошқа тармоқларда ишлатилмаса, уларнинг эҳтиёт қисмлари, бутловчи қисмлари ва асбоблар, шунингдек уларни ишлаб чиқариш учун махсус материаллар ва махсус ускуналар яратиш, ишлаб чиқариш, уларни таъмирлаш ва сотиш.
Портловчи ва заҳарли моддалар ҳамда бундай моддаларни қўллаган ҳолда бошқа буюмлар яратиш, ишлаб чиқариш, уларни ташиш ва сотиш.
Ракета-космик комплекслар, алоқа тизимлари ва уларни бошқариш воситаларини яратиш, ишлаб чиқариш, таъмирлаш ва сотиш.
Уран ва бошқа парчаланувчи материалларни қазиб чиқариш, шунингдек уларни ва улардан ясалган маҳсулотларни ишлаб чиқариш, ташиш, қайта ишлаш, кўмиб ташлаш ва сотиш.
Бўшатиб олинаётган ҳарбий-техникавий воситаларни тугатиш (йўқ қилиб ташлаш, улардан хом ашё сифатида бошқа ишларда фойдаланиш, уларни кўмиб ташлаш) ва қайта ишлаш.
Ов ва спортга мўлжалланган ўқотар қуролни ва унинг ўқдориларини, шунингдек тиғли қуроллар (пичоқларнинг миллий турларидан ташқари) ишлаб чиқариш, уларни таъмирлаш ва сотиш.
Олдинги таҳрирга қаранг.
(ўнинчи хатбоши Ўзбекистон Республикасининг 1998 йил 25 декабрдаги 729-I-сон Қонуни таҳририда — Олий Мажлис Ахборотномаси, 1999 й., 1-сон, 20-модда)
Таркибида қимматбаҳо металлар ва қимматбаҳо тошлар бўлган иккиламчи ресурслар ва чиқитларни тайёрлаш ҳамда қайта ишлаш.
Радиоактив моддалар ва изотоплардан фойдаланган ҳолда асбоблар ва ускуналар яратиш, ишлаб чиқариш ҳамда уларни сотиш.
Атом энергетикаси объектлари, магистрал трубопроводлар, кўприклар, тонеллар, шунингдек мудофаа объектларини (қурилмалари, ускуналари, тизимлари ва асбобларини) лойиҳалаш, бундай объектларда қурилиш-монтаж ишларини бажариш, уларни ишлатиш ва таъмирлаш.
Таваккалчилик даражаси юқори бўлган объектларни ҳамда хавф-хатар туғдирадиган ишлаб чиқаришларни қуриш ва ишлатиш, улар учун ускуналар, назорат ва аварияга қарши ҳимоя тизимларини тайёрлаш.
Хазина ва банк билетлари, тангалар, қимматли қоғозлар (акциялар, облигациялар ва ҳ. к.), орденлар ва медаллар, почта тўлови белгилари ишлаб чиқариш.
Олдинги таҳрирга қаранг.
(йигирманчи хатбоши Ўзбекистон Республикаси Олий Кенгашининг 1994 йил 31 августдаги 2005-XII-сон қарори таҳририда — Олий Кенгаш Ахборотномаси, 1994 й., 8-9-сон, 244-модда;)
Ёнғинга қарши автоматика воситаларини, қўриқлаш сигнализацияларини, ёнғиндан дарак берувчи ва ёнғиндан сақловчи сигнализацияларни лойиҳалаш, таъмирлаш, монтаж қилиш, созлаш, уларга техника хизмати кўрсатиш.
Бадиий ва хроникал-ҳужжатли, илмий-оммабоп, тасвирий, мультипликацион кино ва видео фильмлар ҳамда дастурлар яратиш.
Кино ва видеога олиш ҳамда шу фаолиятнинг бошқа турларини ташкил этиш юзасидан хизматлар кўрсатиш, шу жумладан воситачилик хизматлари кўрсатиш.
Олдинги таҳрирга қаранг.
(Ўзбекистон Республикасининг 1997 йил 30 августдаги 485-I-сон Қонунига асосан йигирма саккизинчи хатбоши чиқарилган — Олий Мажлис Ахборотномаси, 1997 й., 9-сон, 241-модда)
Ишлаб чиқариш, уй-жой ва фуқаролик ҳамда қишлоқ хўжалик аҳамиятидаги бинолар қурилишини лойиҳалаш ҳамда шу қурилишлар учун муҳандислик-техник изланишлар юритиш.
(Рўйхат Ўзбекистон Республикасининг 1996 йил 30 августдаги 281-I-сон Қонунига асосан хатбошилар билан тўлдирилган — Олий Мажлис Ахборотномаси, 1996 й., 9-сон, 144-модда)
Аудиоёзувларни ва аудиофаолиятнинг бошқа турларини ташкил этиш бўйича хизматлар, шу жумладан бу борада воситачилик хизматлари кўрсатиш.
(Рўйхат Ўзбекистон Республикасининг 1996 йил 27 декабрдаги 357-I-сон Қонунига асосан хатбошилар билан тўлдирилган — Олий Мажлис Ахборотномаси, 1997 й., 2-сон, 56-модда)
(Рўйхат Ўзбекистон Республикасининг 1997 йил 30 августдаги 485-I-сон Қонунига асосан хатбоши билан тўлдирилган — Олий Мажлис Ахборотномаси, 1997 й., 9-сон, 241-модда)