Ўзбекистон Республикаси Мудофаа вазирлиги
Ўзбекистон Республикаси Ички ишлар вазирлигининг
Қарори
Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича йўриқномани тасдиқлаш ҳақида
(Ўзбекистон Республикаси қонун ҳужжатлари тўплами, 2015 й., 49-сон, 614-модда)
[Ўзбекистон Республикаси Адлия вазирлиги томонидан 2015 йил 10 декабрда 2737-сон билан давлат рўйхатидан ўтказилган]
Ўзбекистон Республикаси Президентининг 1992 йил 20 ноябрдаги ПФ-500-сонли Фармони билан тасдиқланган Ўзбекистон Республикасининг фуқаролиги билан боғлиқ масалаларни кўриб чиқиш тартиби тўғрисида низом ҳамда Вазирлар Маҳкамасининг 1995 йил 6 январдаги 8-сонли қарори билан тасдиқланган Ўзбекистон Республикаси фуқароларининг чет элга чиқиши ва Ўзбекистон Республикаси ҳудудига кириши тартибига мувофиқ, Ўзбекистон Республикаси Мудофаа вазирлиги ва Ички ишлар вазирлиги қарор қилади:
1. Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича йўриқнома иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Мудофаа вазири К. БЕРДИЕВ
Тошкент ш.,
2015 йил 16 ноябрь,
16-сон
Ички ишлар вазири А. АХМЕДБАЕВ
Тошкент ш.,
2015 йил 16 ноябрь,
33-сон
Ўзбекистон Республикаси Мудофаа вазирлиги ҳамда Ички ишлар вазирлигининг 2015 йил 16 ноябрдаги 16, 33-сонли қарорига
ИЛОВА
Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича
ЙЎРИҚНОМА
Мазкур Йўриқнома Ўзбекистон Республикаси Президентининг 1992 йил 20 ноябрдаги ПФ–500-сонли Фармони билан тасдиқланган Ўзбекистон Республикасининг фуқаролиги билан боғлиқ масалаларни кўриб чиқиш тартиби тўғрисида низом ҳамда Вазирлар Маҳкамасининг 1995 йил 6 январдаги 8-сонли қарори билан тасдиқланган Ўзбекистон Республикаси фуқароларининг чет элга чиқиши ва Ўзбекистон Республикаси ҳудудига кириши тартибига мувофиқ, Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотнома бериш тартибини белгилайди.
1-боб. Умумий қоидалар
1. «Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунининг 4-моддасига асосан, тинчлик даврида оддий аскарлар ва сержантлар таркиби лавозимларида муддатли ҳарбий хизматга, шунингдек сафарбарлик чақируви резервидаги хизматга ўн саккиз ёшдан йигирма етти ёшгача бўлган, саломатлигига кўра Қуролли Кучлар сафида ҳарбий хизматни ўташга яроқли эркак фуқаролар чақириладилар.
2. Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан мазкур Йўриқноманинг 1-иловасига мувофиқ шаклдаги маълумотнома уларнинг сўровига асосан расмийлаштириб берилади.
2-боб. Чақирилиш ёшидаги шахсларга маълумотнома бериш
3. Маълумотнома олиш учун фуқаролар тегишли мудофаа ишлари бўлимига мазкур Йўриқноманинг 2-иловасига мувофиқ шаклдаги ариза билан мурожаат қилади.
4. Ариза мудофаа ишлари бўлими томонидан уч иш куни ичида кўриб чиқилади.
5. Маълумотнома мудофаа ишлари бўлимлари томонидан икки нусхада бир хил шаклда расмийлаштирилади. Бунда маълумотноманинг бир нусхаси ариза билан мурожаат қилган шахсга, иккинчи нусхаси эса, фуқаронинг шахсий ҳужжатлари йиғмажилдига қўшиб қўйилади.
6. Қуйидаги ҳолларда мудофаа ишлари бўлимлари томонидан Ўзбекистон Республикаси фуқаролигидан чиқаётган чақирилиш ёшидаги шахсларга маълумотнома берилмайди:
Ўзбекистон Республикаси Президенти томонидан навбатдаги чақирув бўйича қабул қилинган қарорга асосан чақирувга оид тадбирлар давом этаётган бўлса;
чақирилувчи сафарбарлик чақируви резервидаги ҳарбий хизматга чақирилган, бироқ шартномага мувофиқ Ўзбекистон Республикаси Молия вазирлигининг махсус ҳисобварағига тегишли пул бадалларини белгиланган муддатда тўламаган бўлса.
7. Мудофаа ишлари бўлимлари томонидан маълумотнома беришнинг рад этилганлиги ҳақида фуқарога ёзма равишда асослантирилган жавоб берилади.
8. Ўзбекистон Республикаси фуқаролигидан чиқаётган чақирилиш ёшидаги шахсларга берилган маълумотномалар ҳақида мудофаа ишлари бўлимининг масъул ходими томонидан мазкур Йўриқноманинг 3-иловасига мувофиқ шаклдаги китобга қайд этиб борилади.
3-боб. Якуний қоидалар
9. Чет элга бормоқчи бўлган ҳарбий гувоҳномаси бўлмаган чақирилиш ёшидаги шахсларга мазкур Йўриқноманинг 4-иловасига мувофиқ шаклдаги маълумотнома мазкур Йўриқномада белгиланган тартибда берилади.
10. Мазкур Йўриқнома талабларининг бузилишида айбдор бўлган шахслар қонун ҳужжатларига мувофиқ жавобгар бўлади.
Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича йўриқномага
1-ИЛОВА

‎‎Намуна

‎‎Мудофаа ишлари бўлими штампи

‎‎М А Ъ Л У М О Т Н О М А
‎000000-сон

‎‎____________________________________________ мудофаа ишлари бўлими томонидан ________

‎‎(маъмурий ҳудудий бирлик номи)

‎‎____________________________________________ да яшовчи __________ йилда туғилган фуқаро ____________________________________________ нинг Ўзбекистон Республикаси ‎‎фуқаролигидан

‎‎(Ф.И.О.)

чиқишига эътироз мавжуд эмаслиги маълум қилинади.

‎‎
‎__________________________
‎(маъмурий ҳудудий бирлик номи)

‎‎мудофаа ишлари бўлими бошлиғи
‎ _______________________________
‎(ҳарбий унвони, имзоси ва фамилияси)

М. Ў.‎
Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича йўриқномага
2-ИЛОВА

Намуна‎

‎‎‎‎________________________________
‎(маъмурий ҳудудий бирлик номи)
‎мудофаа ишлари бўлими бошлиғи
‎______________________________га
‎(ҳарбий унвони, Ф.И.О.)
‎____________________________________
‎(маъмурий ҳудудий бирлик номи, уй манзили)
‎__________________________________да
‎яшовчи фуқаро ___________________ дан


‎‎

(Ф.И.О.)‎

‎‎АРИЗА

‎‎Менга, Ўзбекистон Республикаси фуқаролигидан чиқаётганлигим сабабли, ҳарбий хизматдан озод қилиш тўғрисидаги маълумотномани расмийлаштириб беришингизни сўрайман.

‎‎20___ йил ___ __________

‎‎_____________
‎(имзо)‎

‎‎_______________________
‎(Ф.И.О.)

Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича йўриқномага
3-ИЛОВА

‎‎_________________________________
‎(маъмурий ҳудудий бирлик номи)
‎мудофаа ишлари бўлими томонидан Ўзбекистон Республикаси фуқаролигидан чиқаётган чақирилиш ёшидаги шахсларга берилаётган маълумотномаларни қайд этиш
‎КИТОБИ

Т

Маълумотнома берилган шахснинг Ф.И.О.‎

Туғилган йили‎

Яшаш манзили ‎

Кетиш мақсади‎

Маълумотнома рақами ва берилган санаси‎

Маълумотнома олганлиги ҳақида имзо‎‎‎

‎‎
‎‎
‎‎
Ўзбекистон Республикаси фуқаролигидан чиқаётган чақирилиш ёшидаги шахсларга мудофаа ишлари бўлимлари томонидан ҳарбий хизматдан озод этиш тўғрисидаги маълумотномани бериш бўйича йўриқномага
4-ИЛОВА

‎‎Намуна

‎‎Мудофаа ишлари бўлими штампи

‎‎М А Ъ Л У М О Т Н О М А
‎000000-сон

‎‎____________________________________________ мудофаа ишлари бўлими томонидан ________

‎‎(маъмурий ҳудудий бирлик номи)

‎‎____________________________________________ да яшовчи __________ йилда туғилган фуқаро ____________________________________________ нинг чет элга чиқишига эътироз мавжуд

‎‎(Ф.И.О.)

эмаслиги маълум қилинади.

‎‎
‎__________________________
‎(маъмурий ҳудудий бирлик номи)

‎‎мудофаа ишлари бўлими бошлиғи
‎ _______________________________
‎(ҳарбий унвони, имзоси ва фамилияси)

М. Ў.‎