Турар жойларни бошқариш, уларга хизмат кўрсатиш ва уларни таъмирлаш бўйича хизматлар кўрсатишнинг аниқ бозорини шакллантиришни тубдан яхшилаш, аҳолининг кўп квартирали уйларни сақлаш ва мукаммал таъмирлашдан манфаатдорлигини ошириш, шунингдек уй-жой мулкдорлари ширкатларининг ўзини ўзи бошқариш институти сифатида ширкатларнинг нуфузини, ташкилий ва молиявий мустақиллигини ҳамда улар фаолиятининг самарадорлигини ошириш мақсадида Вазирлар Маҳкамаси қарор қилади:
1. Хусусий уй-жой мулкдорларининг ширкатларини ривожлантириш ҳамда уй-жойларга хизматлар кўрсатишнинг аниқ бозорини шакллантириш чора-тадбирлари дастури иловага мувофиқ тасдиқлансин.
Кейинги таҳрирга қаранг.
икки ой муддатда вилоятлар, шаҳарлар ва Тошкент шаҳри туманлари хусусий уй-жой мулкдорларининг ширкатлари уюшмалари билан биргаликда фуқароларнинг ўзини ўзи бошқариш органлари иштирокида «Хусусий уй-жой мулкдорларининг ширкатлари тўғрисида»ги Ўзбекистон Республикасининг Қонунини тушунтириш, хонадонлар мулкдорларини уларнинг ҳуқуқлари ва мажбуриятлари билан таништириш мақсадида кўп квартирали уйларда яшовчилар билан йиғилишлар ўтказилишини ташкил этсинлар;
2006 йил мобайнида вилоятлар, шаҳарлар ва Тошкент шаҳри туманлари хусусий уй-жой мулкдорларининг уюшмалари билан биргаликда кичик (умумий хонадонлари сони 250дан ортиқ бўлмаган 1 тадан 5 тагача уйлар) ширкатларнинг афзалликлари тўғрисида уй-жой мулкдорлари билан тушунтириш ишлари олиб борсинлар ҳамда шартнома асосида хусусий уй-жой мулкдорларининг ширкатларига хизматлар кўрсатадиган, ихтисослаштирилган бошқариш ва хизмат кўрсатиш (сервис) ташкилотлари, шу жумладан қайта ташкил қилинаётган йирик ширкатлар негизида ташкил этилишига ёрдам кўрсатсинлар;
ўз ҳудудларида хусусий уй-жой мулкдорларининг ширкатлари ходимларини тайёрлаш ва уларнинг малакасини ошириш бўйича ўқув марказлари ҳамда аҳоли учун хусусий уй-жой мулкдорларининг ширкатлари фаолияти масалалари бўйича консультация маслаҳат пунктлари ташкил этиш юзасидан зарур чора-тадбирлар кўрсинлар.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг ҳар йили «Энг яхши шаҳар (туман, вилоят) хусусий уй-жой мулкдорларининг ширкати» танловларини ўтказиш, уларнинг натижаларини ҳамда энг яхши ширкатлар иш тажрибасини оммавий ахборот воситаларида кенг ёритиш тўғрисидаги таклифи қабул қилинсин.
Олдинги таҳрирга қаранг.
4. Ҳокимликларга хусусий уй-жой мулкдорларининг ширкатлари ходимларини ўқитиш ва аҳоли учун консультациялар ўтказиш харажатларини Қорақалпоғистон Республикаси республика бюджетининг, вилоятлар вилоят бюджетларининг ва Тошкент шаҳри шаҳар бюджетининг, туманлар ва шаҳарлар бюджетининг захира жамғармалари, шунингдек қонун ҳужжатларида рухсат этилган бошқа манбалар маблағларидан тўлашга рухсат берилсин.
(4-банд Ўзбекистон Республикаси Вазирлар Маҳкамасининг 2018 йил 22 майдаги 384-сонли қарори таҳририда — Қонун ҳужжатлари маълумотлари миллий базаси, 24.05.2018 й., 09/18/384/1266-сон)
5. «Ўзкоммунхизмат» агентлиги Ўзбекистон Республикаси Молия вазирлиги, Иқтисодиёт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2006 йил 1 июнгача 1991 йилгача қурилган, 2002—2006 йилларда уй-жойларнинг умумий фойдаланиладиган жойларини ва муҳандислик коммуникацияларини мукаммал таъмирлаш дастурига кирмаган кўп квартирали уйларни (шу жумладан 2002—2006 йиллар даврида маҳаллий ҳокимият органлари балансига берилган идораларга қарашли уйларни) пухта хатловдан ўтказиш асосида 1991 йилгача қурилган уйларни мукаммал таъмирлашни тугаллаш дастурини белгиланган тартибда тасдиқлаш учун Вазирлар Маҳкамасига киритсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.М. Ханов зиммасига юклансин.
Т/р | Тадбирлар номи | Бажариш муддати | Ҳужжат тури | Бажариш учун масъуллар |
I. Хусусий уй-жой мулкдорларининг ширкатларини уй-жой мулкдорларининг ҳақиқий ўзини ўзи бошқариш институтлари сифатида ривожлантириш | ||||
1. | Янги таҳрирдаги «Хусусий уй-жой мулкдорларининг ширкатлари тўғрисида»ги Қонунга мувофиқ: хусусий уй-жой мулкдорларининг ширкатлари намунавий уставини; хусусий уй-жой мулкдорларининг ширкатлари (ХУЖМШ) ва кўп квартирали уйдаги яшаш учун мўлжалланмаган хоналар мулкдорлари ўртасидаги намунавий шартномани ишлаб чиқиш ва тасдиқлаш. | Янги таҳрирдаги «Хусусий уй-жой мулкдорларининг ширкатлари тўғрисида»ги Қонун кучга киргандан кейин 1 ой муддатда | Вазирлар Маҳкамасининг қарори | «Ўзкоммунхизмат» агентлиги, Адлия вазирлиги |
2. | Вилоятлар, шаҳарлар ва туманлар ҳокимликлари, ХУЖМШ уюшмалари, фуқароларнинг ўзини ўзи бошқариш органлари вакиллари учун янги таҳрирдаги «Хусусий уй-жой мулкдорларининг ширкатлари тўғрисида»ги Қонунни аҳоли билан бевосита иш олиб бориш методидан фойдаланган ҳолда тушунтиришга ўқитиш бўйича ўқув семинарлари туркумини ўтказиш. | Янги таҳрирдаги «Хусусий уй-жой мулкдорларининг ширкатлари тўғрисида»ги Қонун кучга киргандан кейин 1 ой муддатда | Янги таҳрирдаги «Хусусий уй-жой мулкдорларининг ширкатлари тўғрисида»ги Қонун бўйича аҳоли билан тушунтириш ишлари олиб боришга доир тавсияномалар | «Ўзкоммунхизмат» агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, «Маҳалла» жамғармаси, ХУЖМШ уюшмалари |
3. | Янги таҳрирдаги «Хусусий уй-жой мулкдорларининг ширкатлари тўғрисида»ги Қонунни ҳамда квартираларнинг умумий сони 250 тадан ошмайдиган 1 тадан 5 тагача уйга эга бўлган кичик ширкатларнинг афзалликларини тушунтириш мақсадида кўп квартирали уйларда яшовчилар йиғилишлари жадвалини ишлаб чиқиш ва ўтказиш. | Янги таҳрирдаги «Хусусий уй-жой мулкдорларининг ширкатлари тўғрисида»ги Қонун кучга киргандан кейин 2 ой муддатда | Йиғилишлар жадвали, йиғилишлар ўтказилгани тўғрисидаги ҳисоботлар | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, ХУЖМШ уюшмалари, «Маҳалла» жамғармаси, «Ўзкоммунхизмат» агентлиги |
4. | Аҳоли учун ХУЖМШ уюшмалари ҳузурида доимий ишлайдиган консультация пунктлари ташкил этиш, уларни ХУЖМШ фаолияти бўйича зарур қонунлар ва норматив адабиётлар, ахборот ва методик материаллар билан таъминлаш. | 2006 йил 1 сентябргача | Консультация пунктлари | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, «Ўзкоммунхизмат» агентлиги, ХУЖМШ уюшмалари |
5. | «Ўзкоммунхизмат» агентлигига аҳоли билан тушунтириш ишларини таъминлаш учун ахборот-методик материаллар, норматив адабиётлар нашр этиш учун маблағлар ажратиш. | Ҳар йили | Тушунтириш ҳужжатлари, норматив-ҳуқуқий ҳужжатлар | Молия вазирлиги, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари |
6. | Хусусий уй-жой мулкдорларининг ширкатларида йиллик умумий йиғилишлар ташкил этиш ва ўтказиш бўйича тавсияномалар ишлаб чиқиш. | 2006 йил май | Тавсияномалар | «Ўзкоммунхизмат» агентлиги |
7. | Уй-жой фондини сақлаш ва аҳолига коммунал хизматлар кўрсатиш масалалари бўйича маҳаллий давлат ҳокимияти ижро этувчи органлари ва фуқароларнинг ўзини ўзи бошқариш органларининг Хусусий уй-жой мулкдорларининг ширкатлари ва уларнинг уюшмалари билан ўзаро муносабатлари тўғрисидаги низомни ишлаб чиқиш. | 2006 йил июнь | Низом | «Ўзкоммунхизмат» агентлиги, Адлия вазирлиги, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, «Маҳалла» жамғармаси |
8. | Кичик ва бир уйга эга хусусий уй-жой мулкдорларининг ширкатларини ташкил этиш бўйича тавсияномалар ишлаб чиқиш. | 2006 йил июль | Тавсияномалар | «Ўзкоммунхизмат» агентлиги, Адлия вазирлиги |
9. | Телекўрсатувлар туркумини тайёрлаш ва уй-жой мулкдорларининг ҳуқуқлари, мажбуриятлари ва уларнинг кўп квартирали уйлардаги умумий мулкни сақлаш учун жавобгарлиги, Хусусий уй-жой мулкдорлари ширкатларини ташкил этишнинг мақсади ва вазифалари, шунингдек Хусусий уй-жой мулкдорлари ширкатлари фаолиятининг ижобий тажрибасини тарғиб қилиш масалаларини республика газеталари ва маҳаллий газеталарнинг доимий рукнлари орқали тушунтириш. | Мунтазам, тасдиқланган ҳар чораклик жадваллар асосида | Телекўрсатувлар, рекламалар тўплами, мақолалар | Ўзбекистон МТРК, ЎзА, «Ўзкоммунхизмат» агентлиги, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари |
II. Кўп квартирали уйларни бошқариш ва уларга хизматлар кўрсатиш сифатини яхшилаш, ХУЖМШ ишлари самарадорлигини ошириш | ||||
10. | Хусусий уй-жой мулкдорларининг ширкатларига, ихтисослаштирилган бошқарувчиларга, хизмат кўрсатувчи ташкилотларга молиявий ёрдам кўрсатиш учун кўп квартирали уйларни сақлаш, умумий фойдаланиладиган жойларини ва муҳандислик коммуникацияларини таъмирлашга йўналтирилган имтиёзли кредит бериш бўйича таклифлар тайёрлаш. | 2006 йил 15 майгача | Таклифлар билан бирга таҳлилий хат | Марказий банк, Давлат солиқ қўмитаси, Молия вазирлиги, «Ўзкоммунхизмат» агентлиги |
11. | ХУЖМШни давлат томонидан қўллаб-қувватлаш мақсадида 1991 йилгача қурилган кўп квартирали уй-жойларнинг (шу жумладан 2002—2006 йиллар даврида маҳаллий ҳокимият органлари балансига берилган идорага қарашли уйларнинг) умумий фойдаланиладиган жойларини ва муҳандислик коммуникацияларини мукаммал таъмирлаш жадвалини молиялаштириш манбаларини белгилаган ҳолда ишлаб чиқиш. | 2006 йил 1 июнгача | Вазирлар Маҳкамасининг қарори | «Ўзкоммунхизмат» агентлиги, Молия вазирлиги, Иқтисодиёт вазирлиги, Монополиядан чиқариш, рақобат ва тадбиркорликни қўллаб-қувватлаш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари |
12. | Кўп квартирали уйларга хизмат кўрсатиш ва таъмирлаш ишлари қониқарсиз йўлга қўйилган ширкатларни, малакасиз ва ноҳалол раҳбарларни аниқлаш учун ХУЖМШ аъзолари умумий йиғилишига раисларни қайта сайлаш бўйича тавсиялар бериш мақсадида ХУЖМШлар томонидан уй-жойларни бошқариш сифатини таҳлил қилиш. | 2006 йил 1 июнгача | Тавсиялар билан бирга таҳлилий хат | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, ХУЖМШ уюшмалари, «Ўзкоммунхизмат» агентлиги |
13. | ХУЖМШларни ихчамлаштириш мақсадида уйлардаги яшовчилар билан йиғилишлар ўтказиш: биринчи босқичда уйларга хизмат кўрсатиш ва иситиш мавсумига тайёргарлик қониқарсиз йўлга қўйилган ХУЖМШларда; иккинчи босқичда хизмат кўрсатиладиган уйларнинг сони 5 тадан ортиқ бўлган (250 квартирадан ортиқ) қолган ХУЖМШларда. | 2006 йил май 2006 йил август | Йиғилишлар жадвали, ўтказилган йиғилишлар тўғрисидаги ҳисоботлар, ХУЖМШлар сони ва таркибидаги ўзгариш тўғрисида ахборот | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, ХУЖМШ уюшмалари |
14. | ХУЖМШ статистика ҳисоботлари шаклларини қайта кўриб чиқиш ва улар фаолиятининг мониторинги натижаларини самарали амалга ошириш имконини берадиган янги шаклларини ишлаб чиқиш. | 2006 йил май | Ҳисобот шакллари | Давлат статистика қўмитаси, «Ўзкоммунхизмат» агентлиги, Молия вазирлиги, Иқтисодиёт вазирлиги, Монополиядан чиқариш, рақобат ва тадбиркорликни қўллаб-қувватлаш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, ХУЖМШ уюшмалари |
15. | ХУЖМШ ходимларини (бошқарув ва тафтиш комиссиялари раислари, бухгалтерларини) ХУЖМШ фаолиятининг қонунчилик базаси, турли уйлар мулкдорлари маблағларининг тушиши ва сарфланишини алоҳида-алоҳида ҳисобга олиш, ХУЖМШ фаолиятининг ошкоралиги бўйича ўқитиш. | 2006 йил май-сентябрь | Ўқитиш жадваллари | «Ўзкоммунхизмат» агентлиги, Адлия вазирлиги, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, ХУЖМШ уюшмалари |
16. | «Энг яхши хусусий уй-жой мулкдорларининг ширкати» минтақавий (шаҳар, туман) танлови тўғрисидаги намунавий низомни ишлаб чиқиш. | 2006 йил II чорак | Намунавий низом | «Ўзкоммунхизмат» агентлиги, «Маҳалла» жамғармаси |
17. | ХУЖМларнинг минтақавий (шаҳар, туман) танловларини ўтказиш. | Ҳар йили | Танловлар | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, «Маҳалла» жамғармаси, ХУЖМШ уюшмалари |
18. | Эгасиз турар жойларни хатловдан ўтказиш ва кейинчалик давлат мулкига ўтказиш мақсадида уларни ҳисобга қўйиш тадбирларини амалга ошириш. | 2006 йил 1 октябргача ва кейинчалик ҳар йили | Хатловдан ўтказиш | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, Давлат мулки қўмитаси ва «Ергеодезкадастр» давлат қўмитасининг ҳудудий органлари |
19. | ХУЖМШ ва коммунал хизматлар кўрсатувчилар ўртасида мулкнинг бўлиниш чегаралари ҳамда муҳандислик коммуникацияларини сақлаш учун жавобгарлик тўғрисидаги низомни ишлаб чиқиш ва белгиланган тартибда тасдиқлаш. | 2006 йил II чорак | Низом | «Ўзкоммунхизмат» агентлиги, «Давархитектқурилиш» қўмитаси, Адлия вазирлиги, Монополиядан чиқариш, рақобат ва тадбиркорликни қўллаб-қувватлаш давлат қўмитаси |
20. | Мулкдорларнинг уйдаги умумий мулкини сақлаш учун уларнинг маблағлари тушиши ва сарфланишини алоҳида-алоҳида ҳисобга олишни ташкил этиш учун ХУЖМШдаги ҳар бир уй учун шахсий ҳисоб рақамлари очиш тўғрисидаги низомни ишлаб чиқиш. | 2006 йил июль | Низом | «Ўзкоммунхизмат» агентлиги, Марказий банк, «Ипотека-банк», Молия вазирлиги, Иқтисодиёт вазирлиги, Адлия вазирлиги |
21. | ХУЖМШнинг даромадлар ва харажатлар сметасини тузиш ҳамда уйлар мулкдорларининг мажбурий бадаллари миқдорини белгилаш. | 2006 йил сентябрь | Тавсияномалар | «Ўзкоммунхизмат» агентлиги, Молия вазирлиги |
III. Уй-жойларга хизматлар кўрсатишда рақобат муҳитини шакллантириш | ||||
22. | Уй-жойларга хизматлар кўрсатиш соҳасида рақобат муҳитини яратиш учун ХУЖМШга, шу жумладан, ихтисослаштирилган бошқарувчиларга, хизмат кўрсатувчи ташкилотларга имтиёзли солиқ солиш бўйича таклифлар ишлаб чиқиш. | 2006 йил 1 июнгача | Таклифлар | Молия вазирлиги, Давлат солиқ қўмитаси, Иқтисодиёт вазирлиги, Монополиядан чиқариш, рақобат ва тадбиркорликни қўллаб-қувватлаш давлат қўмитаси, «Ўзкоммунхизмат» агентлиги |
23. | Вилоятлар, шаҳарлар, туманлар ҳокимлари ўринбосарлари учун хусусийлаштирилган уй-жойларни бошқариш ва уларга хизмат кўрсатиш усуллари, бошқарувчи ташкилотларни ташкил этиш ва уларнинг фаолияти бўйича Республика семинари ўтказиш. | 2006 йил июнь | Ўқув курси | Вазирлар Маҳкамаси, «Ўзкоммунхизмат» агентлиги |
24. | Бошқарувчи ташкилотларни ташкил этиш бўйича тавсияномалар ишлаб чиқиш. | 2006 йил июнь | Тавсияномалар | «Ўзкоммунхизмат» агентлиги |
25. | Биринчи хусусий бошқарувчи ва хизмат кўрсатувчи ташкилотлар, авария-диспетчерлик хизматлари ташкил этишда, уларнинг моддий-техника базасини (танлов ва қайтариш асосида маблағлар ажратиш) мустаҳкамлашда ёрдам кўрсатиш. | 2006 йил мобайнида ҳар чоракда | Таҳлилий ахборотлар | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари |
26. | Бошқарувчи ташкилотлар раҳбарларини ўқитиш | 2006 йил июль | Ўқитиш | «Ўзкоммунхизмат» агентлиги |
27. | Хусусий уй-жой мулкдорларининг ширкатлари учун бошқарувчи, хизмат кўрсатувчи ва таъмирлаш ташкилотини танлов бўйича танлашга доир тавсияномалар ишлаб чиқиш. | 2006 йил август | Тавсияномалар | «Ўзкоммунхизмат» агентлиги |
28. | Биринчи хусусий бошқарувчи ва хизмат кўрсатувчи ташкилотлар фаолияти тажрибасини таҳлил қилиш, энг яхши тажрибани оммалаштириш. | 2006 йил мобайнида | Тавсияномалар билан бирга таҳлилий хат | Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликлари, ХУЖМШ уюшмалари, Ўзбекистон МТРК, ЎзА, «Ўзкоммунхизмат» агентлиги |
Кейинги таҳрирга қаранг.