Олдинги таҳрирга қаранг.
(қарор номи Ўзбекистон Республикаси Вазирлар Маҳкамасининг 2001 йил 5 январдаги 5-сон қарори таҳририда — ЎР ҚҲТ, 2001 й., 1-2 -сон, 2-модда)
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2009 йил 20 майдаги 142-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Вазирлар Маҳкамасининг «Ўздонмаҳсулот» давлат-акционерлик корпорациясини ташкил этиш ва унинг фаолияти масалалари тўғрисида» 1994 йил 20 июндаги 311-сон қарорига мувофиқ, шунингдек, банкнинг нормал фаолият кўрсатиши ҳамда зиммасига юкланган вазифаларни бажаришини таъминлаш мақсадида Вазирлар Маҳкамаси қарор қилади:
1. «Ғалла-банк» таъсисчилари томонидан банкнинг устав фонди 8 млрд. сўм-купон миқдорида эълон қилинганлиги ва уларнинг ҳар бирининг улуши, шу жумладан, Молия вазирлиги — 2 млрд. сўм-купон, «Ўздеҳқончиликсаноатбанк» — 1, Ташқи иқтисодий фаолият миллий банки — 1 ва «Ўздонмаҳсулот» корпорацияси — 4 млрд. сўм-купондан иборат қилиб белгиланганлиги маълумот учун қабул қилинсин.
2. «Ғалла-банк» таъсисчилари бир ой муддатда таъсис бадалларини тўласинлар ва банкнинг устав фондини шакллантирсинлар.
3. «Ғалла-банк»нинг устав фонди банк акцияларини сотишдан олинадиган маблағлар ҳисобига шакллантирилиши лозимлигини ҳисобга олиб, банк Кенгаши уч ой муддатда акцияларнинг чиқишини ва уларнинг акционерлар ўртасида тарқатилишини таъминласин.
шу йилнинг 1 октябригача «Ўздонмаҳсулот» корпорациясининг корхона ва ташкилотларини хизмат кўрсатиш учун устав фондидаги тегишли улуши билан «Ғалла-банк»ка берсин;
1994 йил 1 июлгача бўлган ҳолатга кўра «Ғалла-банк»ка белгиланган тартибда активлар ва пассивларни бўлиш ведомостига мувофиқ берсин.
«Ғалла-банк»нинг ташкил этилиши ва фаолият кўрсатишига алоқадор масалаларни ҳал қилишда амалий ёрдам кўрсатсин;
«Ўздеҳқончиликсаноатбанк» ва «Ўзсаноатқурилишбанк» билан биргаликда банкни малакали мутахассислар билан бутлашда ёрдам берсин.
6. «Ўзулгуржибиржасавдо», «Тошшаҳарйўловчитранс», «Ўзбексавдо» уюшмалари, Ўзбекбирлашув, «Ўзқишлоқхўжаликтаъминоттузатиш» давлат-кооператив қўмитаси, Алоқа вазирлиги «Ғалла-банк»ни унинг талабномалари бўйича зарур миқдорда инвентар, компьютер техникаси, транспорт ва алоқа воситалари билан таъминласинлар.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари «Ғалла-банк» ишини ташкил этиш учун зарур шарт-шароитлар яратишда амалий ёрдам кўрсатсинлар.