1. | Б.М. Мавлонов | — | Ўзбекистон Республикаси Бош прокурорининг ўринбосари, Ишчи комиссия раҳбари |
2. | Д.Р. Ли | — | Ўзбекистон Республикаси Президенти ҳузуридаги Лойиҳа бошқаруви миллий агентлиги директорининг биринчи ўринбосари, Ишчи комиссия раҳбарининг ўринбосари |
3. | Ж.А. Ходжаев | — | Ўзбекистон Республикаси ташқи савдо вазири |
4. | А.И. Ахмедходжаев | — | Ўзбекистон Республикаси инвестициялар бўйича давлат қўмитаси раиси |
5. | Н.С. Жўраев | — | Ўзбекистон Республикаси адлия вазирининг биринчи ўринбосари |
6. | Г.М. Исламова | — | Ўзбекистон Республикаси Президенти ҳузуридаги Лойиҳа бошқаруви миллий агентлиги бошқарма бошлиғи |
7. | Д.К. Ахмедов | — | Тошкент давлат иқтисодиёт университетининг проректори |
8. | Ж.А. Арипов | — | Ўзбекистон Республикаси Бош прокуратураси ҳузуридаги Мажбурий ижро бюроси директорининг биринчи ўринбосари |
9. | В.Ю. Пак | — | Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти бошлиғининг биринчи ўринбосари |
10. | Д.Ш. Султанов | — | Ўзбекистон Республикаси Молия вазирлиги бошқарма бошлиғи |
11. | Д.И. Шаулов | — | Ўзбекистон Республикаси Иқтисодиёт вазирлиги бўлим бошлиғи ўринбосари |
Распоряжение Президента Республики Узбекистан, 16.01.2018 йилдаги Ф-5182-сон
Кучга кириш санаси
17.01.2018
Рус
Ўзб
O’zb
Ўзб|Рус
Мамлакатимизни жадал ижтимоий-иқтисодий ривожлантириш бўйича кенг қамровли ислоҳотларни амалга ошириш шароитларида молия, солиқ ва божхона органларининг уйғун ва самарали ишлаши алоҳида аҳамият касб этмоқда.
Шу билан бирга, мазкур органлар фаолиятининг ташкил этилиши замонавий талаблар ва халқаро стандартларга жавоб бермайдиган эски қарашлар ва тамойилларга асосланиб қолмоқда, ушбу вазият эса ижтимоий-иқтисодий ислоҳотларни амалга оширишда тўхтатиб турувчи омил бўлиб қолмоқда.
Хусусан, молия органларининг иши жойлардаги ҳақиқий вазиятни, аҳоли ва тадбиркорлик субъектлари эҳтиёжларини ҳисобга олмаган ҳолда эришилган ижобий молия-иқтисодий кўрсаткичларга таянишни давом эттирмоқда, мазкур ҳолат эса ўз навбатида иқтисодиётни бошқаришнинг замонавий тамойилларини жорий этишга ва реал бозор муносабатларига тўлақонли ўтишни таъминлашга тўсқинлик қилмоқда.
Солиқ органлари фаолиятидаги айрим муаммолар ва камчиликлар сақланиб қолаётганлиги, солиққа тортиш базасини кенгайтириш ҳисобига солиқ юкини тушириш, солиқлар йиғилишини ошириш, солиқ маъмуриятчилиги самарадорлигини таъминлаш, солиқ тўловчиларнинг, айниқса тадбиркорлик субъектларининг ҳуқуқ ва манфаатларини ҳимоя қилиш бўйича муҳим вазифаларни ҳал этишни таъминлашга йўл қўймаяпти.
Бюрократия ва сансалорлик, божхона органлари фаолиятининг шаффоф эмаслиги, божхона жараёнларининг замонавий шаклларини жорий этиш муддатларини асоссиз равишда чўзиб юбориш мамлакатимизнинг инвестицион жозибадорлигини тушириб юбормоқда, шунингдек, унинг обрў-эътибори ҳамда етакчи халқаро ташкилотларнинг баҳо бериш рейтинг кўрсаткичларига салбий таъсир кўрсатмоқда.
Тизимли муаммолар ва камчиликларни бартараф этиш, мамлакатимизни жадал ижтимоий-иқтисодий ривожлантириш бўйича кенг кўламли чора-тадбирларни амалга ошириш шароитларида молия, солиқ ва божхона органлари фаолияти самарадорлигини тубдан ошириш мақсадида, шунингдек, Ўзбекистон Республикаси Президентининг 2017 йил 8 сентябрдаги ПФ-5185-сон Фармони билан тасдиқланган Ўзбекистон Республикасида маъмурий ислоҳотлар Концепциясига мувофиқ:
1. Молия, солиқ ва божхона органлари фаолиятини тубдан такомиллаштиришга йўналтирилган таклифларни танқидий ўрганиш ва тайёрлаш бўйича Ишчи комиссия (кейинги ўринларда — Ишчи комиссия) иловага мувофиқ тузилсин.
Ишчи комиссиянинг (Б. Мавлонов) асосий вазифалари этиб молия, солиқ ва божхона органлари фаолиятини тубдан такомиллаштиришга йўналтирилган таклифларни танқидий ўрганиш ва тайёрлаш белгилансин, бунда қуйидаги масалаларга алоҳида эътибор қаратилсин:
фаолиятни режалаштириш ҳамда комплекс таҳлил қилиш шу жумладан барча даражадаги мазкур органлар ходимлари томонидан хизмат юки ва ҳажмини ҳисобга олган ҳолда бошқариш ва назорат қилиш самарадорлиги тизими, ички идоравий ва ташқи назоратнинг амалий механизмларини яратиш;
молия, солиқ ва божхона органлари вазифалари ва функцияларининг долзарблиги, уларни амалга ошириш механизмлари ҳамда жавобгарлик соҳаларининг замонавий талаблар ва халқаро стандартларга жавоб бериши;
қабул қилинаётган қарорларнинг самарали амалга оширилишини тезкор кузатиб бориш ва таъминлашга йўл қўядиган ахборот-коммуникация технологияларини кенг жорий этиш ҳисобига штатлар сонини мақбуллаштириш;
бюджетнинг даромад қисмини, шу жумладан якка тартибдаги имтиёзлар ва преференцияларни бекор қилиш, солиқ ва божхона тўловларининг тушумлари қўшимча ва асосланган захира маблағларини қидириб топиш, хўжалик жамиятлари устав жамғармаларидаи давлат улушидан дивидендлар олиш ҳисобидан ошириш;
минимал харажатлар ҳисобига хорижда қўлланиладиган илғор ва синовдан ўтказилган юқори натижаларга эришиш усулларини жорий этиш ҳисобига ишлаш механизмларини қайта кўриб чиқиш;
ташқи иқтисодий фаолиятни амалга ошириш учун бюрократик жараёнлар ва бошқа тўсиқларни бартараф этиш, экспорт-импорт операцияларини амалга оширишда божхона расмийлаштируви муддатлари ва қийматларининг асосланганлигини таъминлаш;
молия, солиқ ва божхона қонун ҳужжатларини халқаро тамойиллар ва стандартларга унификация қилиш ва уйғунлаштириш;
божхона инфратузилмаси, шу жумладан божхона постлари ва уларнинг моддий-техник жиҳозланганлиги даражаси, божхона жараёнларини сифатли ва тезкор амалга ошириш учун зарур бўлган юқори технологияли ускуналарнинг мавжудлиги, божхона чегараси орқали ўтиш пунктларида икки йўлакча тизимини йўлга қўйиш;
солиқ ва божхона органлари фаолиятига солиқ ва божхона назоратини амалга оширишнинг илғор шакл ва услубларини жорий этиш;
жумладан жисмоний ва юридик шахслар билан молия, солиқ ва божхона органлари ҳамкорлигининг тўғридан-тўғри алоқа қилмаслик шаклларини жорий этиш орқали давлат хизматлари кўрсатиш тизимини яхшилаш;
кадрлар тайёрлаш тизимини ташкил этиш, молия, солиқ ва божхона органларини малакали мутахассислар билан тўлдириш;
молия, солиқ ва божхона органлари ходимларини шу жумладан уларнинг фаолияти самарадорлигини баҳолаш мезонларини жорий этиш ҳамда ижтимоий ҳимоя чораларини кучайтириш орқали моддий рағбатлантириш механизмларини такомиллаштириш.
уч кун муддатда ишчи гуруҳлар таркибини, молия, солиқ ва божхона органлари фаолиятини танқидий ўрганишнинг батафсил режа-жадвалини тасдиқласин;
ўрганиш натижалари бўйича 2018 йил 15 апрелга қадар Ўзбекистон Республикаси Президенти девонига молия, солиқ ва божхона органлари фаолиятини тубдан такомиллаштириш бўйича тегишли норматив-ҳуқуқий ҳужжатлар лойиҳаларини киритсин.
3. Мазкур фармойишга мувофиқ белгиланган вазифаларни самарали бажариш учун вазирлик ва идоралар раҳбарлари зиммасига Ишчи комиссияга ҳар томонлама кўмаклашишни таъминлаш юзасидан шахсий жавобгарлик юклансин.
4. Ушбу фармойишнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош прокурори И.Б. Абдуллаев зиммасига юклансин.