Мирзаев З.Т. | — | Ўзбекистон Республикаси Бош вазирининг ўринбосари — Қишлоқ ва сув хўжалиги вазири, Жамғарма кенгаши раиси |
Хўжаев Б.А. | — | Ўзбекистон Республикаси Молия вазири, Жамғарма кенгаши раисининг ўринбосари |
Саидова Г.К. | — | Ўзбекистон Республикаси Иқтисодиёт вазири |
Абдуразаков Ш.Ш. | — | Ўзбекистон Республикаси Вазирлар Маҳкамасининг Қишлоқ ва сув хўжалиги, қишлоқ хўжалиги маҳсулотларини қайта ишлаш ва истеъмол товарлари масалалари ахборот-таҳлил департаменти мудири |
Ишметов Т.А. | — | Ўзбекистон Республикаси Марказий банки раисининг биринчи ўринбосари |
Турдиев С. | — | Ўзбекистон фермерлари Кенгаши раиси |
Камалов А.А. | — | «Ўзпахтасаноатэкспорт» холдинг компанияси бошқаруви раиси |
Хайдаров С.О. | — | «Ўздонмаҳсулот» акциядорлик компанияси раиси |
Отажонов Н.С. | — | «Ўзагротехсаноатхолдинг» акциядорлик жамияти бошқаруви раиси |
Тамикаев А.У. | — | «Агробанк» акциядорлик тижорат банки бошқаруви раиси |
Лавозими бўйича | — | Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларини давлат хариди ва қишлоқ хўжалигини техника билан жиҳозлашни мақсадли молиялаштириш жамғармасини бошқариш департаменти директори. Жамғарма кенгаши котиби. |
Ўзбекистон Республикаси Президентининг Қарори, 27.06.2017 йилдаги ПҚ-3096-сон
Кучга кириш санаси
10.07.2017
Рус
Ўзб
O’zb
Ўзб|Рус
Ҳужжат кучини йўқотган 27.02.2021
|
Ҳужжат 10.07.2017 санаси ҳолатига
Амалдаги версияга ўтиш |
Кейинги таҳрирга қаранг.
LexUZ шарҳи
Мазкур қарор Ўзбекистон Республикаси Президентининг 2021 йил 26 февралдаги ПФ-6179-сонли «Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси фаолиятини тубдан такомиллаштириш тўғрисида»ги Фармонига асосан ўз кучини йўқотган.
Ўзбекистон Республикаси Президентининг «Ўзбекистон Республикаси Вазирлар Маҳкамаси ҳузуридаги Давлат хариди учун қишлоқ хўжалиги маҳсулотларини етиштириш ва қишлоқ хўжалигини техника билан жиҳозлашни мақсадли молиялаштириш жамғармасини ташкил этиш тўғрисида» 2017 йил 27 июндаги ПФ-5095-сонли Фармонини ижро этиш ҳамда қишлоқ хўжалиги маҳсулотларининг давлат хариди ва замонавий, юқори ишлаб чиқариш қувватига эга қишлоқ хўжалиги техникасини етказиб беришни мақсадли молиялаштиришнинг принципиал янги механизмини жорий этиш мақсадида:
Кейинги таҳрирга қаранг.
1. Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш жамғармасини бошқариш департаменти (кейинги ўринларда — Департамент) ташкил этилсин.
Кейинги таҳрирга қаранг.
Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш жамғармаси кенгаши (кейинги ўринларда — Жамғарма кенгаши) таркиби 1-иловага мувофиқ;
Кейинги таҳрирга қаранг.
Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш жамғармасини бошқариш департаментининг бошқарув ходимларининг чекланган сони 17 нафар бўлган тузилмаси 2-иловага мувофиқ;
Кейинги таҳрирга қаранг.
Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш жамғармаси (кейинги ўринларда — Жамғарма) тўғрисидаги Низом 3-иловага мувофиқ тасдиқлансин.
Кейинги таҳрирга қаранг.
3. Департамент Ўзбекистон Республикаси Вазирлар Маҳкамасининг Қишлоқ ва сув хўжалиги, қишлоқ хўжалиги маҳсулотларини қайта ишлаш ва истеъмол товарлари комплекси таркибига кириши белгилаб қўйилсин.
Кейинги таҳрирга қаранг.
Департамент давлат хариди учун етиштириладиган пахта ва ғалла ҳосили ҳисоб-китобини молиялаштиришга ажратилган Жамғарманинг маблағларидан фойдаланишда, шунингдек замонавий, юқори ишлаб чиқариш қувватига эга қишлоқ хўжалиги техникасини имтиёзли лизинг шартларида етказиб беришни рағбатлантириш учун қайтариб бериш асосида ажратилган қарз маблағларидан фойдаланилишида ваколати бўлмаган мансабдор шахсларнинг барча аралашувлари бўйича қонун ҳужжатларига мувофиқ Жамғарма кенгашига тегишли ахборот киритади;
Жамғарма кенгаши Департамент томонидан киритилган ахборотни белгиланган тартибда кўриб чиқади, Ўзбекистон Республикаси Молия вазирлигининг Назорат-тафтиш Бош бошқармасига аниқланган ҳолатлар бўйича текшириш ва тафтишлар ўтказиш тўғрисида кўрсатма беради.
Кейинги таҳрирга қаранг.
5. Ўзбекистон Республикаси Марказий банкига Жамғармага молиявий операциялар ўтказиш учун бир ҳафта муддатда миллий ва чет эл валютасида тегишли махсус ҳисобварақлари очиш тавсия этилсин.
давлат хариди учун қишлоқ хўжалиги маҳсулотларини етиштиришда иштирок этадиган фермер хўжаликлари ва бошқа қишлоқ хўжалиги ташкилотларига замонавий, юқори ишлаб чиқариш қувватига эга қишлоқ хўжалиги техникасини имтиёзли лизинг шартларида етказиб беришни молиялаштириш;
пахта толаси, дон ва дон маҳсулотларининг тасдиқланган прейскурантдаги улгуржи нархлардан паст бўлган жаҳон нархлари амалда бўлган даврдаги салбий тафовутни зарурат бўлганда қоплаш;
уруғлик пахта етиштирувчи хўжаликлар, нав оригинаторлари бўлган илмий муассасаларга, шунингдек уруғлик чигитни тайёрлашда иштирок этган бошқа субъектларга тўланадиган устама маблағлари харажатларини қоплаш;
пахта хом ашёси етиштиришда фермер хўжаликлари учун зарур бўлган моддий-техника ресурслари хариди учун тайёрлов корхоналарининг харажатларини қоплаш;
ривожланаётган ва ривожланган давлатларнинг аграр соҳасини молиялаштириш бўйича тажрибасини кейинчалик унинг ижобий натижаларини республикада жорий қилиш мақсадида ўрганиш;
Кейинги таҳрирга қаранг.
пахта ва ғалла етиштириш, харид қилиш, шунингдек, замонавий, юқори ишлаб чиқариш қувватига эга қишлоқ хўжалиги техникасини имтиёзли лизинг шартларида етказиб беришни молиялаштириш бўйича молия агенти — «Агробанк» акциядорлик тижорат банки;
пахтани харид қилиш, сақлаш, қайта ишлаш ва сотиш бўйича тижорат агенти — «Ўзпахтасаноат» акциядорлик жамияти ва унинг ҳудудий филиаллари;
Кейинги таҳрирга қаранг.
ғаллани харид қилиш, сақлаш, қайта ишлаш ва сотиш бўйича тижорат агенти — «Ўздонмаҳсулот» акциядорлик компанияси;
замонавий, юқори ишлаб чиқариш қувватига эга қишлоқ хўжалиги техникасини имтиёзли лизинг шартларида етказиб бериш бўйича тижорат агенти — «Ўзагролизинг» акциядорлик жамияти.
Кейинги таҳрирга қаранг.
молия агенти «Агробанк» АТБга — махсус очиладиган мақсадли ҳисобварақлар орқали давлат хариди учун етказиб бериладиган маҳсулотларга, шу жумладан замонавий, юқори ишлаб чиқариш қувватига эга қишлоқ хўжалиги техникасини лизинг шартларида етказиб беришга ажратиладиган маблағлардан мақсадли фойдаланилиши ва ҳисоб-китобларнинг ўз вақтида амалга оширилиши, шунингдек, Жамғарманинг мақсадли маблағларини ва тегишли комиссия тўловларини белгиланган муддатларда қайтарилиши юзасидан назорат ўрнатиш;
Жамғармага — давлат хариди учун пахта ва ғалланинг умумий ҳажми бўйича, шунингдек, замонавий, юқори унумли қишлоқ хўжалиги техникасини имтиёзли лизинг шартларида етказиб бериш бўйича тижорат агентлари билан Бош битим тузиш;
тижорат агентларига — Жамғарма номидан ҳамда у билан келишилган ҳолда, маҳсулот харид қилишда, контрактация шартномаларини ўз вақтида тузиш, харид қилинадиган қишлоқ хўжалиги маҳсулотлари ҳисоб-китобини қилиш, уларни харид қилиш, сақлаш ва қайта ишлашда белгиланган стандартларга риоя этилиши, шунингдек, замонавий, юқори ишлаб чиқариш қувватига эга қишлоқ хўжалиги техникасининг имтиёзли лизинг шартларида етказиб берилиши доирасида назоратни таъминлаш юклансин.
Кейинги таҳрирга қаранг.
10. Ўзбекистон Республикаси Ахборот технологиялари ва коммуникацияларини ривожлантириш вазирлиги Департаментни Ҳукумат алоқа ва шаҳар алоқаси воситалари билан, шунингдек Интернет жаҳон ахборот тармоғига уланишини белгиланган тартибда таъминласин.
11. Ўзбекистон Республикаси Молия вазирлиги Ўзбекистон Республикаси Адлия вазирлиги ҳамда манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида бир ой муддатда Ўзбекистон Республикаси Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Кейинги таҳрирга қаранг.
Кейинги таҳрирга қаранг.
Кейинги таҳрирга қаранг.
Кейинги таҳрирга қаранг.
1. Ушбу Низом Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларининг давлат хариди ва қишлоқ хўжалигини техника билан жиҳозлашни мақсадли молиялаштириш жамғармасининг (кейинги ўринларда — Жамғарма) мақоми, асосий вазифалари, функциялари, ҳуқуқлари ва жавобгарлигини, шунингдек фаолиятини ташкил этиш тартибини белгилайди.
2. Жамғарма ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталари қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга, шунингдек бошқа қонун ҳужжатларига амал қилади.
3. Жамғарма ўз фаолиятини давлат бошқаруви бошқа органлари, маҳаллий давлат ҳокимияти органлари ва бошқа ташкилотлар билан ҳамкорликда амалга оширади.
4. Жамғарма ривожланаётган ва ривожланган давлатларнинг аграр соҳасини молиялаштириш бўйича тажрибасини ўрганиш ва кейинчалик унинг ижобий томонини республикада татбиқ этишда тегишли халқаро ташкилотлар ва молиявий институтлар билан ҳамкорлик қилади.
пахта толасини экспорт ва ички истеъмолчиларга сотишдан тушадиган бўнак, шунингдек улар юзасидан якуний ҳисоб-китоб қилишдан тушадиган маблағлар;
тасдиқланган прейскурантдаги улгуржи нархлардан юқори бўлган маблағлар, тегишли йил ҳосили пахта толасини сотиш якунлари бўйича — ижобий тафовутнинг тўлиқ миқдордаги якуний суммаси;
дон, ун ва ун маҳсулотларини сотиш ва қайта баҳолашдан, шунингдек маҳсулотлар экспортидан тушган валюта маблағларини эркин биржа савдолари орқали сотишдан тушадиган маблағлар;
Кейинги таҳрирга қаранг.
давлат хариди учун қишлоқ хўжалиги маҳсулотларини етиштиришда иштирок этадиган фермер хўжаликлари ва бошқа қишлоқ хўжалиги ташкилотларига замонавий, юқори унумли қишлоқ хўжалиги техникасини имтиёзли лизинг шартларида етказиб беришни молиялаштириш;
пахта толаси, дон ва дон маҳсулотларининг тасдиқланган прейскурантдаги улгуржи нархлардан паст бўлган жаҳон нархлари амалда бўлган даврлардаги салбий тафовутни қоплаш;
уруғлик пахта етиштирувчи хўжаликлар, нав оригинаторлари бўлган илмий муассасаларга, шунингдек уруғлик чигитни тайёрлашда иштирок этган бошқа субъектларга тўланадиган устама маблағлари харажатларини қоплаш;
пахта хом ашёсини етиштиришда фермер хўжаликлари фойдаланиши зарур бўлган моддий-техника ресурслари хариди учун тайёрлов ташкилотларининг харажатларини қоплаш;
ривожланаётган ва ривожланган давлатларнинг аграр соҳасини молиялаштириш бўйича тажрибасини кейинчалик унинг ижобий натижаларини республикада жорий этиш мақсадида ўрганиш;
Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотларини давлат хариди ва қишлоқ хўжалигини техника билан жиҳозлашни мақсадли молиялаштириш Жамғармасини бошқариш департаменти (кейинги ўринларда — Департамент) фаолиятини таъминлаш харажатларини молиялаштириш.
давлат хариди учун қишлоқ ҳўжалиги маҳсулотларини етиштиришда иштирок этадиган фермер хўжаликлари ва бошқа қишлоқ хўжалиги ташкилотларига замонавий, юқори унумли қишлоқ хўжалиги техникасини имтиёзли лизинг шартларида етказиб беришни рағбатлантириш учун қайтариб бериш асосида қарз маблағлари ажратиш;
мақсадли ажратиладиган маблағлардан аниқ ва самарали фойдаланилишини тизимли назорат қилишни таъминлаш;
харид қилинадиган маҳсулот учун ҳисоб-китобларни таъминлайдиган барча бўғинлар — Ўзбекистон Республикаси Молия вазирлиги, банклар, тайёрлов, таъминотчи, хизмат кўрсатувчи, етказиб берувчи ва лизинг ташкилотлари, таъминотчилар, шунингдек қишлоқ хўжалиги маҳсулоти ишлаб чиқарувчилари фаолиятини мувофиқлаштириш;
замонавий ахборот ва компьютер технологияларидан фойдаланиш асосида ҳисоб-китоб тизимини янада такомиллаштириш ва жорий этишни молиялаштириш;
ривожланаётган ва ривожланган давлатларнинг аграр соҳани молиялаштириш бўйича тажрибасини кейинчалик унинг ижобий натижаларини республикада жорий этиш мақсадида ўрганиш;
Жамғарманинг даромадлари ва харажатларининг ҳар йилги баланслари лойиҳаларини ишлаб чиқади, белгиланган тартибда ва муддатларда Ўзбекистон Республикаси Вазирлар Маҳкамасига тақдим этади;
Департаментни сақлаш харажатлари сметасини ишлаб чиқади ва тасдиқлаш учун Жамғарма кенгашига киритади;
Жамғарма даромадлари ва харажатлари ҳисобини юритади ва унинг ижроси юзасидан ҳар ойда Вазирлар Маҳкамасига ахборот тақдим этади;
давлат эҳтиёжи учун харид қилинадиган пахтанинг умумий ҳажми бўйича — «Ўзпахтасаноат» акциядорлик жамияти ва унинг ҳудудий филиаллари билан, ғалла харид қилиш умумий ҳажми бўйича — «Ўздонмаҳсулот» акциядорлик компанияси билан, замонавий, юқори унумли қишлоқ хўжалиги техникасини имтиёзли лизинг шартларида етказиб бериш бўйича — «Ўзагролизинг» акциядорлик жамияти билан бош битим тузади;
Кейинги таҳрирга қаранг.
Ўзбекистон Республикаси Қишлоқ ва сув хўжалиги вазирлиги билан биргаликда ҳар йилги ҳосил учун агротехнологик хариталардан келиб чиққан ҳолда пахта хом ашёси ва ғалла ҳосилини етиштириш харажатларининг ҳар бир турини молиялаштириш учун ажратиладиган кредитларнинг энг кўн миқдори юзасидан тавсияларни ишлаб чиқади ва тасдиқлайди;
давлат хариди учун етиштириладиган пахта хом ашёси ва ғалла ҳосили учун якуний ҳисоб-китобларни ўз вақтида, шунингдек Жамғарма маблағларидан мақсадли ва самарали фойдаланилиши юзасидан белгиланган тартибда назоратни амалга оширади;
Жамғарма кенгашига жамғарма маблағларидан мақсадли фойдаланишни текширишлар жараёнида аниқланган қонун бузилишлар ва камчиликлар тўғрисидаги ахборотни, шунингдек уларни бартараф этиш, Жамғарма агентларига бош келишув ва қонун ҳужжатларида назарда тутилган молиявий санкцияларни (жарималар ва пенялар) қўллаш бўйича белгиланган тартибда таклифлар киритади;
Жамғарма даромадлари ва харажатлари тўғрисида Ҳукумат қарори лойиҳасини ишлаб чиқади ва белгиланган тартибда Ўзбекистон Республикаси Вазирлар Маҳкамасига киритади.
давлат хариди учун етиштириладиган пахта ва ғалла ҳосили ва замонавий юқори унумли қишлоқ хўжалиги техникасини имтиёзли лизинг шартларида етказиб беришни молиялаштиришга ажратилган маблағлардан мақсадли фойдаланиш бўйича тафтиш ва текширишларни ўтказиш учун Ўзбекистон Республикаси Молия вазирлигининг Назорат-тафтиш Бош бошқармаси ва унинг ҳудудий бошқармаларини жалб этиш;
хизмат кўрсатувчи тижорат банкларидан Жамғарма маблағларининг ҳаракати тўғрисидаги маълумотларни олиш;
жамғарманинг молия («Агробанк» акциядорлик тижорат банки) ва тижорат («Ўзпахтасаноат» акциядорлик жамияти, «Ўздонмаҳсулот» акциядорлик компанияси) агентларидан — Жамғарма маблағларидан фойдаланиш бўйича йиллик бухгалтерия ва статистика ҳисоботларини олиш;
«Ўзагролизинг» акциядорлик жамиятидан ҳар йилги бухгалтерия ва статистика ҳисоботларини, давлат хариди учун қишлоқ хўжалик маҳсулотларини етиштиришда иштирок этадиган фермер хўжаликлари ва бошқа қишлоқ хўжалиги ташкилотларига замонавий, юқори унумли қишлоқ хўжалиги техникасини имтиёзли лизинг шартларида етказиб бериш учун қайтариш асосида ажратилган қарз маблағларидан мақсадли фойдаланилиши тўғрисидаги маълумотларни олиш;
Жамғарма маблағларидан мақсадсиз фойдаланилганлиги аниқланганда ва илгари ажратилган маблағлар ва уларга ҳисобланган фоизлар ўз вақтида қайтарилмаганда молиялаштиришни тўхтатиш;
молия ва тижорат агентлари мақсадли маблағларни қайтариш бўйича ўз мажбуриятларини бажармаганда, Жамғармага қарздорларнинг барча ҳисобварақларидаги маблағ қолдиқларини кўчириб олиш ҳисобига ўз талабларини тўла қондиради.
Давлат хариди учун етиштириладиган пахта ва ғалла ҳосили харажатлари ва якуний ҳисоб-китобларни ўз вақтида молиялаштиришни таъминлаш;
Жамғарма даромадларининг истиқболдаги кўрсаткичлари бажарилишини таҳлил қилиш ва маблағларнинг келиб тушишига салбий таъсир қилган аниқланган омиллар асосида уларни бартараф этиш бўйича тегишли чоралар кўриш.
11. Жамғарма кенгаши Жамғарманинг юқори органи ҳисобланади. Жамғарма кенгашининг шахсий таркиби Ўзбекистон Республикаси Президентининг қарори билан тасдиқланади.
Департамент томонидан тақдим этилган Жамғарма балансини кўриб чиқади, қарор қабул қилади ва уларни тасдиқлаш учун белгиланган тартибда Ўзбекистон Республикаси Вазирлар Маҳкамасига киритади;
Департаментнинг, Ўзбекистон Республикаси Молия вазирлиги, Қишлоқ ва сув хўжалиги вазирлиги, «Ўзпахтасаноат» акциядорлик жамияти, «Ўздонмаҳсулот» акциядорлик компанияси ва «Ўзагролизинг» акциядорлик жамиятининг давлат хариди учун пахта ва ғалла ҳосили етиштириш, замонавий, юқори унумли қишлоқ хўжалиги техникаларини имтиёзли лизинг шартларида етказиб бериш бўйича амалга оширилаётган ишлари, ажратилган маблағлардан мақсадли фойдаланилиши тўғрисидаги ҳисоботларини эшитади;
Ўзбекистон Республикаси Вазирлар Маҳкамасига Жамғарманинг даромадлари ва харажатларини шакллантириш тартибини такомиллаштиришга доир таклифлар киритади;
меҳнатга ҳақ тўлаш фондини шакллантириш, ходимларни тақдирлаш ва моддий рағбатлантириш, моддий-техника базасини мустаҳкамлаш ва Департаментнинг кўзда тутилмаган бошқа харажатларини молиялаштириш тартибини тасдиқлайди;
Ўзбекистон Республикаси Молия вазирлигининг Назорат-тафтиш Бош бошқармасига аниқланган ҳолатлар бўйича текшириш ва тафтишлар ўтказиш бўйича кўрсатма беради, уларнинг натижасини кўриб чиқади, кўриб чиқиш якуни бўйича тегишли қарор қабул қилади ва Департаментга бажариш учун юборади.
13. Департамент Жамғарманинг ижро этувчи органи, Жамғармани бошқариш бўйича функциясини бажарувчи ҳисобланади.
14. Департаментнинг тузилмаси ва штатдаги ходимлари сони Ўзбекистон Республикаси Президентининг қарори билан тасдиқланади.
15. Департаментни сақлаш харажатлари Жамғарма маблағлари ва қонун ҳужжатларида тақиқланмаган бошқа манбалар ҳисобидан амалга оширилади.
Департамент давлат муассасаси шаклидаги юридик шахс ҳисобланади, мустақил балансга, Ўзбекистон Республикаси Марказий банки Тошкент шаҳар Бош бошқармаси Ҳисоб-китоб касса марказида миллий ва чет эл валютасида тегишли махсус ҳисобварақларга, Ўзбекистон Республикаси Давлат герби тасвири туширилган ва ўз номи давлат тилида ёзилган муҳр ва бланкаларга эга бўлади.
16. Департамент Жамғарманинг даромадлари ва харажатлари ижроси тўғрисидаги бухгалтерия ҳисоботини тузади ва уни белгиланган тартибда Жамғарма кенгашига тақдим этади.
17. Департаментга Жамғарма кенгаши томонидан сайланадиган, Ўзбекистон Республикаси Вазирлар Маҳкамаси томонидан лавозимга тасдиқланадиган ва лавозимдан озод этиладиган директор бошчилик қилади. Департамент директори мақомига, моддий таъминот, ижтимоий ва транспорт хизмати кўрсатиш бўйича шарт-шароитларига кўра вазир ўринбосарига тенглаштирилади.
Департамент фаолиятига умумий раҳбарлик қилади ва Жамғармага юкланган вазифа ва функцияларнинг бажарилиши учун шахсан жавоб беради.
Давлат хариди учун етиштириладиган пахта ва ғалла ҳосили ҳисоб-китобини молиялаштиришга ажратилган, Жамғарманинг маблағларидан фойдаланишда, шунингдек, замонавий, юқори ишлаб чиқариш қувватига эга қишлоқ хўжалиги техникасини имтиёзли лизинг шартларида етказиб беришни рағбатлантириш учун қайтариб бериш асосида ажратилган қарз маблағларидан фойдаланилишда ваколатлари бўлмаган мансабдор шахсларнинг аралашуви йўлидаги уринишлари тўғрисида тегишли ахборотни қонун ҳужжатларига мувофиқ Жамғарма кенгашига киритади;
ўтказилган текшириш ва тафтишда аниқланган ҳолатлар бўйича Жамғарма кенгаши қарорини ижросини таъминлайди;
Департамент ходимларини белгиланган тартибда лавозимга тайинлайди ва лавозимдан озод қилади, шунингдек Департамент ходимларини рағбатлантириш бўйича қарорлар қабул қилади;
19. Департамент ходимларининг иш ҳақи қонун ҳужжатларида белгиланган лавозим маоши, мукофот, қушимча ва устамалардан иборат.
Департамент ходимларига ҳар йили бир маротаба рағбатлантириш йўли билан кўп йиллик хизмат учун устамалар тўланади. Кўп йиллик хизмат учун устамалар лавозим маошига коэффициентларда, рағбатлантириш коэффициентини ҳисобга олган ҳолда ҳисобланади.
Иш стажи Жамғарма кенгаши томонидан тасдиқланадиган тартибга мувофиқ рағбатлантириладиган кўп йиллик хизмат учун устамалар белгилаш ҳуқуқини беради.
20. Жамғарманинг минтақавий инспекторлари «Ўзпахтасаноат» акциядорлик жамияти ҳудудий филиалларининг пахта хом ашёси ва пахта маҳсулотлари контрактацияси ва ҳисоб-китоби марказларига бириктириб қўйилади ва бевосита Департамент штатларида туради.
Кейинги таҳрирга қаранг.
21. «Ўзпахтасаноат» акциядорлик жамиятининг ҳудудий филиаллари минтақавий инспекторларни алоҳида хона, офис жиҳозлари, «Агромарказ» мониторинг ахборот базасига уланган компьютер ва ахборот-коммуникация техникалари билан таъминлайди.
Кейинги таҳрирга қаранг.
22. Минтақавий инспекторларга Жамғарма маблағларидан белгиланган мақсадда фойдаланилиши, тўловларнинг ўз вақтида ўтиши, ҳисоб-китобларнинг тўлиқ амалга оширилиши юзасидан давлат молиявий назоратини таъминлаш вазифаси юкланади.
молия ва тижорат агентларининг мансабдор ва масъул шахсларидан назорат давомида пайдо бўладиган масалалар бўйича тушунтиришлар беришни, шунингдек назорат натижалари бўйича расмийлаштириладиган ҳужжатларни имзолашни талаб қилиш;
молия ва тижорат агентлари мансабдор ва масъул шахсларининг тушунтиришлар бериш ва назорат натижалари бўйича расмийлаштириладиган ҳужжатларни имзолашдан бош тортганликлари тўғрисида далолатнома тузиш ва тегишли ахборотни Департаментга тақдим этиш.
24. «Агробанк» акциядорлик тижорат банки пахта ва ғалла етиштириш, харид қилиш, шунингдек замонавий, юқори унумли қишлоқ хўжалиги техникасини имтиёзли лизинг шартларида етказиб беришни молиялаштириш бўйича Жамғарманинг молия агенти ҳисобланади.
Жамғарманинг молия агентига махсус очиладиган мақсадли ҳисобварақлар орқали давлат хариди учун етказиб бериладиган маҳсулотларга, шу жумладан замонавий, юқори ишлаб чиқариш қувватига эга қишлоқ хўжалиги техникасини лизинг шартларида етказиб беришга ажратиладиган маблағлардан мақсадли фойдаланилиши ва ҳисоб-китобларнинг ўз вақтида амалга оширилиши, шунингдек Жамғарманинг тегишли маблағларини ва тегишли комиссия тўловларининг белгиланган муддатларда қайтарилиши юзасидан назорат ўрнатиш вазифаси юкланади.
25. «Агробанк» акциядорлик тижорат банки ва унинг филиалларида давлат хариди учун етиштириладиган пахта ва ғалла ҳосилига, замонавий, юқори унумли қишлоқ хўжалиги техникасини имтиёзли лизинг шартларида етказиб беришга Жамғармадан ажратилган маблағлардан мақсадли, самарали фойдаланишини, тўловларнинг ўз вақтида ўтишини таъминлайдиган ва доимий назоратини олиб борадиган бўлимлар ташкил этилади.
Ушбу бўлимларга Ўзбекистон Республикаси Марказий банкнинг вилоят бошқармалари бўлим бошлиғи ўринбосарлари, «Агробанк» акциядорлик тижорат банки вилоят бошқармалари бошлиқ ўринбосарлари, филиалларда бошқарувчи ўринбосарлари бевосита раҳбарлик қилади, улар тўловларнинг ўз вақтида ўтиши, маблағларнинг аниқ мақсадли сарфланиши учун шахсан жавоб беради.
Кейинги таҳрирга қаранг.
«Ўзпахтасаноат» акциядорлик жамияти ва унинг ҳудудий филиаллари — пахтани харид қилиш, сақлаш, қайта ишлаш ва сотиш бўйича;
Кейинги таҳрирга қаранг.
«Ўзагролизинг» акциядорлик жамияти — замонавий, юқори унумли қишлоқ хўжалиги техникасини имтиёзли лизинг шартларида етказиб бериш бўйича.
Жамғарма давлат хариди учун пахтанинг умумий ҳажми бўйича — «Ўзпахтасаноат» акциядорлик жамияти билан, ғалланинг умумий ҳажми бўйича эса — «Ўздонмаҳсулот» акциядорлик компанияси билан, замонавий юқори унумли қишлоқ хўжалик техникасини имтиёзли лизинг шартларида етказиб бериш бўйича — «Ўзагролизинг» акциядорлик жамияти билан Бош битим тузади.
Тижорат агентлари Жамғарма номидан ҳамда у билан келишилган ҳолда маҳсулот харид қилиш, контрактация шартномаларининг ўз вақтида тузилиши, харид қилинадиган қишлоқ хўжалиги маҳсулотлари ҳисоб-китобини қилиш, уларни харид қилиш, сақлаш ва қайта ишлашнинг белгиланган стандартларига риоя этилиши, шунингдек замонавий, юқори унумли қишлоқ хўжалиги техникасини имтиёзли лизинг шартларида етказиб бериш юзасидан назоратни таъминлайдилар.
Тижорат агентлари тузилган Бош битимга асосан Жамғарма номидан «Агробанк» акциядорлик тижорат банки иштирокида ўзининг тайёрлов ташкилотлари орқали қишлоқ хўжалиги ташкилотлари билан маҳсулотни сотиб олиш юзасидан ўз вақтида ва асосланган конфактация шартномалари тузилишини, мақсадли маблағлар ва уларга ҳисобланган фоизларни ўз вақтида қайтарилишини таъминлайдилар, сотиб олинаётган маҳсулот учун тўлиқ ҳисоб-китоб қиладилар, маҳсулотни сотиб олишда, сақлаш ва қайта ишлашда белгиланган стандартларга риоя этилиши юзасидан назоратни, шунингдек Жамғарма билан келишилган ҳолда «Ўзпахтаэкспорт» акциядорлик жамияти билан пахта толасини экспортга ва ички истеъмолчиларга сотиш бўйича шартномалар тузилишини таъминлайдилар.
Кейинги таҳрирга қаранг.
Давлат хариди учун қишлоқ хўжалиги маҳсулотларини етиштиришда иштирок этадиган фермер хўжаликлари ва бошқа қишлоқ хўжалиги ташкилотларига замонавий, юқори ишлаб чиқариш қувватига эга қишлоқ хўжалиги техникасини имтиёзли лизинг шартларида етказиб бериш учун Жамғарманинг қайтариб бериш асосида ажратилган қарз маблағлари ва уларга ҳисобланган фоизларни ўз вақтида қайтарилишини таъминлайди.
27. Жамғарма маблағлари Жамғарма молия агентига Жамғарма билан молия ва тижорат агентлари ўртасида тузилган Бош битимга асосан махсус очилган мақсадли ҳисобварақлар орқали ажратилади.
28. Тузилган Бош битимга мувофиқ ва махсус очиладиган мақсадли ҳисобварақларни кўллаш орқали қилинган ҳисоб-китобларга асосан:
тижорат агентлари молия агенти орқали олинган Жамғарманинг мақсадли маблағларини хизмат кўрсатувчи банклар орқали тайёрлов ташкилотларига юборадилар;
тайёрлов ташкилотлари тушган маблағларни қишлоқ хўжалиги ташкилотларидан давлат эҳтиёжлари учун харид қилинаётган маҳсулотлар учун ҳисоб-китоб қилишга ишлатадилар.
«Ўзагролизинг» акциядорлик жамияти тушган маблағларни замонавий, юқори унумли қишлоқ хўжалиги техникаси ишлаб чиқаришни рағбатлантиришга ишлатади.
29. Тайёрлов ташкилотлари қишлоқ хўжалиги ташкилотлари билан тузилган контрактация шартномаларига мувофиқ, суғурта ташкилотлари билан суғурталаш шартномаларини тузган ҳолда маблағларни қуйидаги мақсадларга сарфланишини таъминлайдилар:
Ўзбекистон Республикаси Президенти ва Ҳукумати қарорларида белгиланган миқдорларда пахта хом ашёси учун ҳисоб-китоб қилиш;
30. Етказиб бериладиган маҳсулот ва қишлоқ хўжалиги техникаси ҳисоб- китоби учун Жамғарма маблағларини ҳисобга киритиш ва ҳисоби Ўзбекистон Республикаси Марказий банки Тошкент шаҳар Бош бошқармасида очиладиган махсус ҳисобварақларда қуйидагиларни молиялаштириш учун юритилади:
31. Кредитларни қайтариш учун Жамғарма маблағларини жамлаш ва уларнинг ҳисоби маҳсулотлар ва қишлоқ хўжалиги техникаларининг турлари бўйича Ўзбекистон Республикаси Марказий банки Тошкент шаҳар Бош бошқармасида очиладиган махсус ҳисобварақларда юритилади.
32. Халқаро молиявий институтлар грантлари ва донор ташкилотлар маблағлари Ўзбекистон Республикаси Марказий банки Тошкент шаҳар Бош бошқармасида очиладиган махсус валюта ҳисобварақларида юритилади.
33. Қишлоқ хўжалиги маҳсулотларини сотиб олиш бўйича тузилган контрактация шартномаларидаги ҳажмларни харид қилишни молиялаштириш учун Жамғарманинг махсус ҳисобварақларига қуйидаги маблағлар кирим қилинади:
пахта толасини экспорт ва ички истеъмолчиларга сотишдан тушадиган бўнак ва якуний ҳисоб-китоб маблағлари «Ўзпахтасаноат» акциядорлик жамиятининг ҳудудий филиаллари махсус ҳисобварақларига;
Кейинги таҳрирга қаранг.
тасдиқланган прейскурантдаги улгуржи нархлардан юқори бўлган маблағлар, тегишли йил ҳосили пахта толасини сотиш якунлари бўйича — ижобий тафовутнинг тўлиқ миқдордаги якуний суммаси;
Кейинги таҳрирга қаранг.
дон, ун ва ун маҳсулотларини сотиш ва қайта баҳолашдан, шунингдек ушбу маҳсулотлар экспортидан тушган валюта маблағларини эркин биржа савдолари орқали сотишдан тушадиган маблағлар;
34. «Ўзагролизинг» акциядорлик жамияти томонидан давлат хариди учун етиштириладиган қишлоқ хўжалиги маҳсулотларини етиштиришда иштирок этадиган фермер хўжаликлари ва бошқа қишлоқ хўжалиги ташкилотларига замонавий, юқори унумли қишлоқ хўжалик техникасини имтиёзли лизинг шартларида етказиб беришни молиялаштиришга ажратилган қарз маблағлари ва унга ҳисобланган фоизларни жамлаш Жамғарманинг махсус ҳисобварақларида юритилади.
35. Жамғарманинг мақсадли маблағларини қайтариш Жамғарманинг мақсадли маблағларни қайтариш ҳисобварақларига молия агентидан давлат хариди учун тижорат агентлари томонидан харид қилинадиган қишлоқ хўжалиги маҳсулотларини ҳисоб-китоб қилишдан ва етказиб берилган замонавий, юқори ишлаб чиқариш қувватига эга қишлоқ хўжалиги техникаси учун тушадиган маблағлар ҳисобидан Жамғарманинг махсус ҳисобига туширилади.
Кейинги таҳрирга қаранг.
36. Молия агенти ва унинг филиаллари томонидан Жамғарманинг мақсадли маблағларини қайтариш, «Ўзпахтасаноат» акциядорлик жамияти ва унинг ҳудудий филиалларининг пахта толасини, «Ўздонмаҳсулот» акциядорлик компаниясининг дон, ун ва ун маҳсулотларни сотишдан тушган маблағлари, шунингдек «Ўзагролизинг» акциядорлик жамияти замонавий, юқори унумли қишлоқ хўжалиги техникаларини имтиёзли лизинг шартларида етказиб беришдан олган даромадлари (асосий қарз ва фоизлари билан) ҳисобига амалга оширилади.
«Ўзпахтасаноат» акциядорлик жамиятининг ҳудудий филиалларида ва «Ўздонмаҳсулот» акциядорлик компаниясининг ташкилотларида, пахта толаси, дон, ун ва ун маҳсулотларини сотишдан, «Ўзагролизинг» акциядорлик жамиятининг эса лизинг хизматидан тушган маблағларни жамлаш мақсадида «Жамғарма билан мақсадли ҳисоб-китоб қилиш учун махсус ҳисобварақлар» ҳисобварақлари очилади.
Пахта толаси, дон, ун ва ун маҳсулотлари сотишдан, шунингдек замонавий, юқори унумли қишлоқ хўжалиги техникасини имтиёзли лизинг шартларида етказиб беришдан ва унга ҳисобланган фоизлардан тушган барча пул тушумлари ушбу ҳисобварақларга кирим қилинади ва Жамғарма маблағларидан аввал ажратилган мақсадли маблағларни молия агентига қайтариш учун ишлатилади.
37. Молия ва тижорат агентлари белгиланган жадвалларга мувофиқ Жамғарманинг мақсадли маблағларини қайтариш бўйича ўз мажбуриятларини бажармаса ёки тўла бажармаса, Жамғармага қарздорларнинг барча ҳисобварақларидаги маблағ қолдиқларини кўчириб олиш ҳисобига ўз талабларини тўла қондириш ҳуқуқи берилади.
38. Жамғармадан ажратиладиган маблағларни мақсадга мувофиқ ишлатиш, қишлоқ хўжалиги ташкилотлари томонидан етказиб берилган маҳсулотларга, етказиб берилган моддий-техника ресурслари ва кўрсатилган хизматлар, бажарилган ишлар учун тўлиқ ҳисоб-китоб қилишни ўз вақтида амалга ошириш жавобгарлиги контрактация шартномаларини бажаришда иштирок этаётган тижорат банклари ва қишлоқ хўжалиги ташкилотлари раҳбарларига юкланади.
39. Тижорат банклари, «Ўзпахтасаноат» акциядорлик жамияти, «Ўздонмаҳсулот» акциядорлик компанияси, «Ўзагролизинг» акциядорлик жамияти ва уларнинг ҳудудий филиаллари ва ташкилотлари раҳбарлари, шунингдек, қишлоқ хўжалик ташкилотларининг раҳбарлари ва бош бухгалтерлари Жамғарма маблағларини мақсадга мувофиқ ишлатмаганлиги, ҳисоб-китоб қилиш тартибини бузганлиги учун қонун ҳужжатларида белгиланган тартибда жавобгарликка тортиладилар.
40. Жамғарма маблағларининг мақсадли сарфланиши, тўловлар ва ҳисобларни тўлиқ ҳамда ўз вақтида амалга ошириш устидан назорат қилиш Ўзбекистон Республикаси Молия вазирлигининг Назорат-тафтиш бош бошқармаси ва унинг ҳудудий бўлинмалари томонидан амалга оширилади.
41. Давлат хариди учун етиштириладиган маҳсулотларни сотиб олиш, сақлаш ва қайта ишлаш, шунингдек қишлоқ хўжалиги техникаларини етказиб бериш сифатини назорат қилиш:
пахта хом ашёси ва пахта толаси бўйича — Ўзбекистон Республикаси Вазирлар Маҳкамаси ҳузуридаги «Сифат» Ўзбекистон пахта толасини сертификатлаш маркази томонидан;
Кейинги таҳрирга қаранг.
ғалла бўйича — Ўзбекистон Республикаси Вазирлар Маҳкамаси ҳузуридаги Давлат дон инспекцияси томонидан;
қишлоқ хўжалиги техникаси бўйича — Ўзбекистон Республикаси Вазирлар Маҳкамаси ҳузуридаги Ўзбекистон қишлоқ хўжалиги техникаси ва технологияларини сертификатлаш ва синаш давлат маркази томонидан амалга оширилади.
42. Жамғармани қайта ташкил этиш ва тугатиш қонун ҳужжатларида белгиланган тартибда амалга оширилади.
Кейинги таҳрирга қаранг.